This document is an excerpt from the EUR-Lex website
Document 22026D0210
Decision of the EEA Joint Committee No 227/2025 of 24 October 2025 amending Annex I (Veterinary and phytosanitary matters) to the EEA Agreement [2026/210]
Cinneadh ó Chomhchoiste LEE Uimh. 227/2025 an 24 Deireadh Fómhair 2025 lena leasaítear Iarscríbhinn I (Ábhair thréidliachta agus fíteashláintíochta) a ghabhann le Comhaontú LEE [2026/210]
Cinneadh ó Chomhchoiste LEE Uimh. 227/2025 an 24 Deireadh Fómhair 2025 lena leasaítear Iarscríbhinn I (Ábhair thréidliachta agus fíteashláintíochta) a ghabhann le Comhaontú LEE [2026/210]
IO L, 2026/210, 12.2.2026, ELI: http://data.europa.eu/eli/dec/2026/210/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2026/210 |
12.2.2026 |
CINNEADH Ó CHOMHCHOISTE LEE Uimh. 227/2025
an 24 Deireadh Fómhair 2025
lena leasaítear Iarscríbhinn I (Ábhair thréidliachta agus fíteashláintíochta) a ghabhann le Comhaontú LEE [2026/210]
TÁ COMHCHOISTE LEE,
Ag féachaint don Chomhaontú ar an Limistéar Eorpach Eacnamaíoch (‘Comhaontú LEE’), agus go háirithe Airteagal 98 de,
De bharr an mhéid seo a leanas:
|
(1) |
Rialachán (AE) 2025/1377 ón gCoimisiún an 15 Iúil 2025 lena leasaítear agus lena gceartaítear Rialachán (AE) Uimh. 142/2011 a mhéid a bhaineann le ceanglais áirithe maidir le seachtháirgí ainmhithe agus táirgí díorthaithe nach bhfuil ceaptha mar bhia don duine a chur ar an margadh agus allmhairí díobh (1), tá sé le hionchorprú i gComhaontú LEE. |
|
(2) |
Rialachán Cur Chun Feidhme (AE) 2025/1379 ón gCoimisiún an 15 Iúil 2025 lena leasaítear Rialachán (AE) Uimh. 142/2011 a mhéid a bhaineann le digitiú an choimeádta taifead, leis an doiciméad tráchtála caighdeánach agus leis na deimhnithe sláinte caighdeánacha le haghaidh gluaiseacht seachtháirgí ainmhithe ó chriosanna srianta agus le haghaidh iompar aoiligh neamhphróiseáilte (2), tá sé le hionchorprú i gComhaontú LEE. |
|
(3) |
Baineann an Cinneadh seo, inter alia, le reachtaíocht maidir le hainmhithe beo cé is moite d’éisc agus ainmhithe dobharshaothraithe agus táirgí ainmhithe amhail ubháin, suthanna agus seamhan. An reachtaíocht a bhaineann leis na hábhair sin, ní bheidh feidhm aici maidir leis an Íoslainn, mar a shonraítear i mír 2 den Chuid Réamhráiteach de Chaibidil I d’Iarscríbhinn I a ghabhann le Comhaontú LEE. |
|
(4) |
Is le reachtaíocht maidir le cúrsaí tréidliachta a bhaineann an Cinneadh seo. An reachtaíocht a bhaineann le cúrsaí tréidliachta, ní bheidh feidhm aici maidir le Lichtinstéin fad a bheidh cur i bhfeidhm an Chomhaontaithe idir an Comhphobal Eorpach agus Cónaidhm na hEilvéise maidir le trádáil i dtáirgí talmhaíochta leathnaithe chun Lichtinstéin a chumhdach, mar a shonraítear sna hoiriúnuithe earnála ar Iarscríbhinn I a ghabhann le Comhaontú LEE. Dá bhrí sin, níl feidhm le bheith ag an gCinneadh seo maidir le Lichtinstéin. |
|
(5) |
Ba cheart, dá bhrí sin, Iarscríbhinn I a ghabhann le Comhaontú LEE a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Cuirtear na fleasca seo a leanas isteach i bpointe 9c (Rialachán (AE) Uimh. 142/2011 ón gCoimisiún) i gCuid 7.1 de Chaibidil I d’Iarscríbhinn I a ghabhann le Comhaontú LEE:
|
‘— |
32025 R 1377: Rialachán (AE) 2025/1377 ón gCoimisiún an 15 Iúil 2025 (IO L, 2025/1377, 16.7.2025), |
|
— |
32025 R 1379: Rialachán Cur Chun Feidhme (AE) 2025/1379 ón gCoimisiún an 15 Iúil 2025 (IO L, 2025/1379, 16.7.2025).’ |
Airteagal 2
Is téacsanna barántúla a bheidh i dtéacsanna Rialachán (AE) 2025/1377 agus Rialachán Cur Chun Feidhme (AE) 2025/1379 san Íoslainnis agus san Ioruais, téacsanna atá le foilsiú i bhForlíonadh LEE d’Iris Oifigiúil an Aontais Eorpaigh.
Airteagal 3
Tiocfaidh an Cinneadh seo i bhfeidhm an 25 Deireadh Fómhair 2025, ar choinníoll go mbeidh na fógraí uile dá bhforáiltear faoi Airteagal 103(1) de Chomhaontú LEE tugtha (*1).
Airteagal 4
Foilseofar an Cinneadh seo i Roinn LEE, agus i bhForlíonadh LEE, d’Iris Oifigiúil an Aontais Eorpaigh.
Arna dhéanamh sa Bhruiséil, an 24 Deireadh Fómhair 2025.
Thar ceann Chomhchoiste LEE
An tUachtarán
Stefán Haukur JÓHANNESSON
(1) IO L, 2025/1377, 16.7.2025, ELI: http://data.europa.eu/eli/reg/2025/1377/oj.
(2) IO L, 2025/1379, 16.7.2025, ELI: http://data.europa.eu/eli/reg_impl/2025/1379/oj.
(*1) Ní shonraítear aon cheanglas bunreachtúil.
ELI: http://data.europa.eu/eli/dec/2026/210/oj
ISSN 1977-0839 (electronic edition)