(a)

níos lú rialuithe a bhaineann le slándáil agus sábháilteacht: cuireann gach Údarás Custaim an stádas atá ag Comhalta Cláir arna dheonú ag an Údarás Custaim eile san áireamh go fabhrach ina mheasúnú riosca chun iniúchtaí nó rialuithe a laghdú agus i mbearta eile a bhaineann le slándáil agus sábháilteacht;

(b)

aitheantas ar chomhpháirtithe gnó le linn an phróisis iarratais: cuireann gach Údarás Custaim stádas Chomhalta Cláir arna dheonú ag an Údarás Custaim eile san áireamh d’fhonn déileáil leis an gComhalta Cláir mar chomhpháirtí slán sábháilte agus measúnú á dhéanamh ar cheanglais na gcomhpháirtithe gnó le haghaidh iarratasóirí faoina gClár féin;

(c)

tús áite le linn imréiteach custaim: cuireann gach Údarás Custaim stádas Chomhalta Cláir arna dheonú ag an Údarás Custaim eile san áireamh agus tús áite, á áirithiú, próiseáil bhrostaithe, foirmiúlachtaí simplithe agus scaoileadh brostaithe na lastas a áirithiú i gcás ina bhfuil baint ag na Comhaltaí Cláir;

(d)

sásra um leanúnachas gnó: féachann an dá Údarás Custaim le sásra um leanúnachas gnó a bhunú chun freagairt do bhriseadh i sreafaí trádála i ngeall ar mhéaduithe ar leibhéil rabhaidh slándála, iaimh teorann nó tubaistí nádúrtha, éigeandálaí guaiseacha nó mórtheagmhais eile ina bhféadfadh Údaráis Chustaim lastais tosaíochta a bhaineann le Comhaltaí Cláir a éascú agus a bhrostú a mhéid is féidir;

(e)

tosaíocht a thabhairt don chigireacht a dhéantar ar choinsíneachtaí a chumhdaítear le dearbhú imeachta achomair nó le dearbhú iontrála achomair arna taisceadh ag Comhalta Cláir, má chinneann an tÚdarás Custaim dul ar aghaidh le cigireacht.

(a)

féadfaidh sé na sochair a sholáthraítear do Chomhaltaí Cláir an Údaráis Chustaim eile a chur ar fionraí faoin gCinneadh seo;

(b)

déanfaidh sé, laistigh de thréimhse réasúnta ama, an fhionraí a bhfuil tuairisc tugtha uirthi i bpointe (a) agus na cúiseanna a ghabhann léi a chur in iúl don Údarás Custaim eile;

(c)

ní fhéadfaidh sé fionraí a chur de bhun phointe (a) ach ar chúiseanna atá comhionann leo siúd a chuirfeadh an Comhalta Cláir ar fionraí óna Chlár féin.

(a)

mionsonraí na gComhaltaí Cláir a chur ar fáil dá chéile i gcomhréir le hAirteagal 3;

(b)

an tÚdarás eile a choinneáil cothrom le dáta maidir le feidhmiú agus forbairt a gClár féin go tráthúil;

(c)

faisnéis a mhalartú faoi bheartais agus treochtaí a bhaineann le slándáil an tslabhra soláthair; agus

(d)

cumarsáid éifeachtach a áirithiú trí sheirbhísí inniúla an Choimisiúin Eorpaigh agus riarachán custaim Phoblacht na Moldóive chun cleachtais bainistithe riosca a fheabhsú ó thaobh shlándáil an tslabhra soláthair de.

(a)

ainm;

(b)

seoladh;

(c)

stádas ballraíochta, is é sin, údaraithe, curtha ar fionraí, cúlghairthe nó curtha ar ceal;

(d)

dáta bailíochtaithe nó údaraithe nuair atá sé ar fáil;

(e)

uimhir aitheantais uathúil (mar shampla: uimhreacha EORI nó AEO); agus

(f)

mionsonraí eile a fhéadfar a chinneadh go frithpháirteach idir na hÚdaráis Chustaim faoi réir, nuair is infheidhme, aon choimirce is gá.

Ar mhaithe le cinnteacht níos mó, ní áirítear leis na sonraí dá dtagraítear i bpointe (c) den chéad fhomhír na cúiseanna le haghaidh fionraí, cúlghairme ná cur ar ceal.

(a)

mura bhforáiltear a mhalairt sa Chinneadh seo, déanfaidh an tÚdarás aon fhaisnéis, lena n-áireofar aon sonraí pearsanta, a fhaightear faoin gCinneadh seo a úsáid le haghaidh chur chun feidhme an Chinnidh seo, agus chun na críche sin amháin, lena n-áireofar faireachán agus tuairisciú; agus

(b)

d’ainneoin phointe (a), chun an fhaisnéis a úsáid chun críoch eile, gheobhaidh sé formheas i scríbhinn roimh ré ón Údarás Custaim a sheol an fhaisnéis. Aon úsáid den chineáil sin, beidh sí faoi réir aon srianta a leagann an t-údarás sin síos.

(a)

déileáil leis an bhfaisnéis a fhaightear faoin gCinneadh seo mar fhaisnéis rúnda; agus

(b)

an leibhéal cosanta céanna, ar a laghad, a thabhairt don fhaisnéis a fhaightear faoin gCinneadh seo agus a thabharfaí d’fhaisnéis a fhaightear ó Chomhaltaí Cláir dá Chlár féin.

(a)

aon fhaisnéis a fhaightear faoin gCinneadh seo a nochtadh chun na críche a bhfuarthas í, agus chun na críche sin amháin; agus

(b)

d’ainneoin phointe (a), nuair atá ceanglas air faisnéis a nochtadh le linn imeachtaí breithiúnacha nó riaracháin, nó nuair atá ceanglas air faisnéis a nochtadh de réir a dhlí féin, cuirfidh sé an tÚdarás Custaim a sheol an fhaisnéis ar an eolas faoin nochtadh roimh ré agus i scríbhinn, mura gcuirtear bac orthu sin a dhéanamh faoin dlí nó mar gheall ar imscrúdú atá ar siúl. Sa chás sin, cuirfidh sé an tÚdarás Custaim a sheol an fhaisnéis ar an eolas chomh luath agus is féidir tar éis an nochta.

(a)

áiritheoidh sé go mbeidh aon fhaisnéis a sheolann sé cruinn agus go dtabharfar cothrom le dáta í go rialta;

(b)

glacfaidh sé nósanna imeachta iomchuí maidir le scriosadh na faisnéise nó coinneoidh sé ar bun iad;

(c)

tabharfaidh sé fógra don Údarás Custaim eile go gasta má chinneann sé gur sheol sé faisnéis mhíchruinn nó easnamhach chuig an Údarás Custaim eile, nó nach féidir brath uirthi, nó gur sháraigh an faighteoir an Cinneadh seo, nó gó sárófar úsáid bhreise na faisnéise an Cinneadh seo;

(d)

glacfaidh sé gach beart a mheasann sé a bheith iomchuí, lena n-áirítear forlíonadh, scriosadh nó ceartú na faisnéise dá dtagraítear i bpointe (c), ionas nach mbeadh spleáchas contráilte ar fhaisnéis den chineál sin; agus

(e)

ní choinneoidh sé an fhaisnéis a fhaightear faoin gCinneadh seo ach chomh fada agus is gá chun an Cinneadh a chur i bhfeidhm, ach amháin i gcás ina bhfuil ceanglas ann faoina dhlí féin, nó chun críoch imeachtaí breithiúnacha nó riaracháin.

(a)

go bhfuil coimircí slándála ann (lena n-áirítear coimircí leictreonacha), de réir mar a bheidh an fhaisnéis sin de dhíth, chun rochtain ar fhaisnéis a fhaightear ón Údarás Custaim eile faoin gCinneadh seo a rialú;

(b)

go gcosnaítear faisnéis a fhaightear ón Údarás Custaim eile faoin gCinneadh seo ar rochtain, scaipeadh, leasú, scriosadh nó díothú neamhúdaraithe;

(c)

nach nochtar faisnéis a fhaightear ón Údarás Custaim eile faoin gCinneadh seo d’aon duine ná páirtí príobháideach nó d’aon duine dlítheanach, aon Stát ná comhlacht idirnáisiúnta nach Páirtithe iad sa Chomhaontú, ná aon údarás poiblí eile san Aontas ná i bPoblacht na Moldóive, ach amháin i gcás a bhfuil ceangal ann le linn imeachtaí breithiúnacha nó riaracháin nó ina dhlí féin; agus

(d)

go stóráiltear faisnéis a fhaightear ón Údarás Custaim eile faoin gCinneadh seo i gcórais stórála leictreonacha nó i gcórais páipéir atá slán i gcónaí, agus go gcoinnítear logaí nó doiciméadacht maidir le gach rochtain, nochtadh nó úsáid faisnéise a fhaightear ón Údarás Custaim eile.

(a)

áiritheoidh sé go láimhseálfar sonraí pearsanta Comhalta Cláir den Údarás Custaim eile, chomh fada agus a bhainfidh sé le rochtain, ceartú, tráthúlacht nó úsáid na sonraí a chur ar fionraí go sealadach, go láimhseálfar na sonraí sin ar bhealach atá comhionann ar a laghad le láimhseáil sonraí pearsanta a Chomhalta Cláir féin; agus

(b)

foilseoidh sé faisnéis chun a Chomhaltaí Cláir féin a chur ar an eolas faoin bpróiseas is infheidhme le haghaidh iarrataí dá dtagraítear i bpointe (a) faoina dhlí féin.

(a)

san Aontas: an Maoirseoir Eorpach ar Chosaint Sonraí nó a chomharba, agus údaráis cosanta sonraí na mBallstát;

(b)

i bPoblacht na Moldóive: an Lárionad Náisiúnta um Chosaint Sonraí Pearsanta nó a chomharba laistigh de riarachán custaim Phoblacht na Moldóive.

(a)

malartú tuairimí ó thaobh mionsonraí a mhalartaítear agus sochair AEO dá dtagraítear in Airteagal 4 a dheonaítear do Chomhaltaí Cláir, lena n-áirítear mionsonraí nó sochair AEO amach anseo, i gcomhréir le hAirteagal 4;

(b)

malartú tuairimí ó thaobh forálacha slándála ar nós prótacail a bheadh le leanúint i rith eachtra tromchúiseach slándála agus dá éis sin (tús a chur athuair le gnó) nó nuair is ceart an t-aitheantas frithpháirteach a chur ar fionraí de réir dálaí;

(c)

scrúdú a dhéanamh ar chur ar fionraí na sochar dá dtagraítear in Airteagal 4; agus

(d)

athbhreithniú a dhéanamh ar chur chun feidhme Airteagal 6.