An Córas an Aontais Eorpaigh um Fhaisnéis agus Údarú Taistil (ETIAS)

 

ACHOIMRE AR:

Rialachán (AE) 2018/1240 — lena mbunaítear Córas Eorpach um Fhaisnéis agus Údarú Taistil (ETIAS)

Rialachán (AE) 2018/1241 — lena leasaítear Rialachán (AE) 2016/794 chun Córas Eorpach um Fhaisnéis agus Údarú Taistil (ETIAS) a bhunú

CAD IS AIDHM LEIS NA RIALACHÁIN?

Tá sé mar aidhm leo seiceálacha slándála a neartú ar shaoránaigh nach saoránaigh den Aontas Eorpach (AE) iad a thaistealaíonn gan víosa chuig limistéar Schengen, rud a chuirfidh le:

• leibhéal ard slándála;
• cosc ar inimirce neamhdhleathach;
• cosaint na sláinte poiblí;
• seiceálacha teorann níos éifeachtaí;
• cuspóirí Chóras Faisnéise Schengen;
• cosc, coinneáil agus imscrúdú cionta sceimhlitheoireachta nó coireanna tromchúiseacha eile.

PRÍOMHPHOINTÍ

• Córas uathoibrithe TF is ea ETIAS a cruthaíodh chun aon rioscaí slándála nó rioscaí imirce neamhrialta a bhaineann le cuairteoirí atá díolmhaithe ó cheanglas víosa a thaistealaíonn chuig limistéar Schengen a aithint agus cearta bunúsacha agus cosaint sonraí á n–áirithiú.
• Is í Gníomhaireacht an Aontais Eorpaigh chun Bainistiú Oibríochtúil ar Chórais Mhórscála TF sa Limistéar Saoirse, Slándála agus Ceartais a fhorbróidh é agus tá sé beartaithe go mbeidh sé i bhfeidhm faoi dheireadh 2022.
• Beidh ar náisiúnaigh neamh–AE nach dteastaíonn víosa uathu chun taisteal chuig limistéar Schengen iarratas a dhéanamh ar údarú taistil (ETIAS) sula dtéann siad ar a dturas.
• Tar éis foirm iarratais ar líne a líonadh, seolfaidh an córas seiceálacha i gcoinne chórais faisnéise AE do theorainneacha agus do shlándáil.
• Le réamhfhíorú ar shaoránaigh neamh–AE atá díolmhaithe ó cheanglas víosa déanfar an méid seo a leanas:
  • seiceálacha teorann a éascú;
  • maorlathas agus moilleanna a sheachaint do thaistealaithe agus iad féin á gcur i láthair ag na teorainneacha;
  • a áirithiú go ndéanfar measúnú riosca comhordaithe agus comhchuibhithe ar náisiúnaigh neamh–AE; agus
  • laghdú suntasach a dhéanamh ar líon na ndaoine a ndiúltaítear iontráil dóibh ag pointí trasnaithe teorann.

Údarú

• Cosnaíonn údarú taistil ETIAS €7.00 agus tá sé bailí go ceann 3 bliana. Is féidir an t–údarú taistil a chúlghairm, más rud é nach gcomhlíontar na coinníollacha chun é a eisiúint a thuilleadh, nó is féidir é a chur ar ceal i gcás nár comhlíonadh na coinníollacha ag tráth na heisiúna.
• Má dhiúltaítear údarú taistil, tá de cheart ag an iarratasóir chun achomharc a dhéanamh. Is féidir achomhairc a sheoladh sa Bhallstát de chuid AE a ghlac an cinneadh maidir leis an iarratas, i gcomhréir lena dhlí náisiúnta.

Rialachán leasaitheach

• Leasaítear le Rialachán (AE) 2021/1134 Rialachán (AE) 2018/1240, chomh maith le rialacháin ghaolmhara eile (Rialachán (CE) Uimh. 767/2008, Rialachán (CE) Uimh. 810/2009, Rialachán (AE) 2016/399, Rialachán (AE) 2017/2226, Rialachán (AE) 2018/1860, Rialachán (AE) 2018/1861, Rialachán (AE) 2019/817 agus Rialachán (AE) 2019/1896) chun an Córas Faisnéise Víosaí a athchóiriú. Déileáiltear ann le gnéithe na idir–inoibritheachta leis an gCóras Faisnéise Víosaí agus tugtar isteach leis rialacha nua maidir le húsáid ETIAS ag údaráis víosa agus údaráis a bhfuil an inniúlacht acu cinneadh a dhéanamh maidir le hiarratas ar víosa fadfhanachta nó ar chead cónaithe.
• Leasaítear le Rialachán (AE) 2021/1152 Rialachán (AE) 2018/1240, chomh maith le Rialachán (CE) Uimh. 767/2008, Rialachán (AE) 2017/2226, Rialachán (AE) 2018/1861 agus Rialachán (AE) 2019/817, agus leagtar síos rialacha leis maidir le cur chun feidhme na hidir–inoibritheachta idir ETIAS, ar thaobh amháin, agus córais faisnéise eile AE agus sonraí Europol, ar an taobh eile, agus na coinníollacha maidir le breathnú ag ETIAS ar shonraí atá stóráilte i gcórais faisnéise eile AE agus sonraí Europol chun amas a aithint go huathoibríoch. Cuimsítear ann freisin — i raon feidhme na bhfíorúchán uathoibrithe — catagóir rabhaidh úr, is é sin an foláireamh maidir le náisiúnaigh neamh–AE atá faoi réir cinneadh um fhilleadh.

CÉN UAIR ATÁ TOSACH FEIDHME NA RIALACHÁN?

• Seachas airteagail áirithe de Rialachán (AE) 2018/1240 atá i bhfeidhm ón 9 Deireadh Fómhair 2018, beidh feidhm ag Rialachán (AE) 2018/1240 agus Rialachán (AE) 2018/1241 ón dáta a chinnfidh an Coimisiún Eorpach (ar an mbonn go gcomhlíonfar coinníollacha áirithe).
• Seachas airteagail áirithe, atá i bhfeidhm ón 2 Lúnasa 2021, agus gnéithe áirithe d’Airteagal 1 a bheidh i bhfeidhm ón 3 Lúnasa 2022 agus ón 3 Lúnasa 2023, lena leasaítear Rialachán (AE) 2021/1134, amhail Rialachán (AE) 2018/1240, beidh feidhm leis ó dháta a chinnfidh an Coimisiún.
• Tá feidhm ag Rialachán leasaitheach (AE) 2021/1152 ón 3 Lúnasa 2021.

CÚLRA

• ETIAS — Córas Eorpach um Fhaisnéis agus Údarú Taistil — bileog eolais (An Coimisiún Eorpach).

PRÍOMHDHOICIMÉID

Rialachán (AE) 2018/1240 ó Pharlaimint na hEorpa agus ón gComhairle an 12 Meán Fómhair 2018 lena mbunaítear Córas Eorpach um Fhaisnéis agus Údarú Taistil (ETIAS) agus lena leasaítear Rialachán (AE) Uimh. 1077/2011, Rialachán (AE) Uimh. 515/2014, Rialachán (AE) 2016/399, Rialachán (AE) 2016/1624 agus Rialachán (AE) 2017/2226 (IO L 236, 19.9.2018, lgh. 1–71).

Rinneadh leasuithe comhleanúnacha ar Rialachán (AE) Uimh. 2018/1240 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (AE) 2018/1241 ó Pharlaimint na hEorpa agus ón gComhairle an 12 Meán Fómhair 2018 lena leasaítear Rialachán (AE) 2016/794 chun Córas Eorpach um Fhaisnéis agus Údarú Taistil (ETIAS) a bhunú (IO L 236, 19.9.2018, lgh. 72–73).

DOICIMÉID GHAOLMHARA

Rialachán (AE) 2019/817 ó Pharlaimint na hEorpa agus ón gComhairle an 20 Bealtaine 2019 maidir le creat a bhunú le haghaidh idir–inoibritheacht idir córais faisnéise AE i réimse na dteorainneacha agus na víosaí agus lena leasaítear Rialachán (CE) Uimh. 767/2008, Rialachán (AE) 2016/399, Rialachán (AE) 2017/2226, Rialachán (AE) 2018/1240, Rialachán (AE) 2018/1726 agus Rialachán (AE) 2018/1861 ó Pharlaimint na hEorpa agus ón gComhairle agus Cinneadh 2004/512/CE agus Cinneadh 2008/633/CGB ón gComhairle (IO L 135, 22.5.2019, lgh. 27–84).

Ceartúchán

Féach an leagan comhdhlúite.

Rialachán (AE) 2019/818 ó Pharlaimint na hEorpa agus ón gComhairle an 20 Bealtaine 2019 lena mbunaítear creat idir–inoibritheachta idir córais faisnéise AE i réimse na bpóilíní agus an chomhair bhreithiúnaigh, an tearmainn agus na himirce agus lena leasaítear Rialachán (AE) Uimh. 2018/1726, Rialachán (AE) Uimh. 2018/1862, Rialachán (AE) 2019/816 (IO L 135, 22.5.2019, lgh. 85–135).

Féach an leagan comhdhlúite.

Rialachán (AE) 2018/1861 ó Pharlaimint na hEorpa agus ón gComhairle an 28 Samhain 2018 maidir le Córas Faisnéise Schengen (SIS) a bhunú, a oibriú agus a úsáid i réimse na seiceálacha teorann, lena leasaítear an Coinbhinsiún lena gcuirtear Comhaontú Schengen chun feidhme, agus lena leasaítear agus lena n–aisghairtear Rialachán (CE) Uimh. 1987/2006 (IO L 312, 7.12.2018, lgh. 14–55).

Féach an leagan comhdhlúite.

Rialachán (AE) 2018/1862 ó Pharlaimint na hEorpa agus ón gComhairle an 28 Samhain 2018 maidir le Córas Faisnéise Schengen (SIS) a bhunú, a oibriú agus a úsáid i réimse an chomhair póilíneachta agus an chomhair bhreithiúnaigh in ábhair choiriúla, lena leasaítear agus lena n–aisghairtear Cinneadh 2007/533/CGB ón gComhairle, agus lena n–aisghairtear Rialachán (CE) Uimh. 1986/2006 ó Pharlaimint na hEorpa agus ón gComhairle agus Cinneadh 2010/261/AE ón gCoimisiún (IO L 312, 7.12.2018, lgh. 56–106).

Féach an leagan comhdhlúite.

Rialachán (AE) 2018/1726 ó Pharlaimint na hEorpa agus ón gComhairle an 14 Samhain 2018 maidir le Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), agus lena leasaítear Rialachán (CE) Uimh. 1987/2006 agus Cinneadh 2007/533/CGB ón gComhairle agus lena n–aisghairtear Rialachán (AE) Uimh. 1077/2011 (IO L 295, 21.11.2018, lgh. 99–137).

Féach an leagan comhdhlúite.

Rialachán (AE) 2017/2226 ó Pharlaimint na hEorpa agus ón gComhairle an 30 Samhain 2017 lena mbunaítear Córas Dul Isteach/Imeachta (EES) chun sonraí iontrála agus imeachta agus sonraí diúltaithe cead isteach náisiúnach tríú tíortha a chlárú agus iad ag trasnú theorainneacha seachtracha na mBallstát agus na coinníollacha maidir le rochtain ar EES a chinneadh chun críocha forghníomhaithe dlí, agus lena leasaítear an Coinbhinsiún lena gcuirtear chun feidhme Comhaontú Schengen agus Rialacháin (CE) Uimh. 767/2008 agus (AE) Uimh. 1077/2011 (IO L 327, 9.12.2017, lgh. 20–82).

Féach an leagan comhdhlúite.

Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh um Chomhar Forfheidhmithe Dlí (Europol) agus a ghabhann in ionad Chinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB agus lena n–aisghairtear na Cinntí sin (IO L 135, 24.5.2016, lgh. 53–114).

Rialachán (CE) Uimh. 767/2008 ó Pharlaimint na hEorpa agus ón gComhairle an 9 Iúil 2008 maidir leis an gCóras Faisnéise Víosaí (VIS) agus maidir le sonraí ar víosaí gearrfhanachta a mhalartú idir Ballstáit (Rialachán VIS) (IO L 218, 13.8.2008, lgh. 60–81).

Féach an leagan comhdhlúite.

Nuashonraithe 22.09.2021