This document is an excerpt from the EUR-Lex website
Statistical returns in respect of carriage of goods and passengers by sea
Tuairisceáin staidrimh i ndáil le hearraí agus paisinéirí a iompar de mhuir
Tuairisceáin staidrimh i ndáil le hearraí agus paisinéirí a iompar de mhuir
- Date of last review:
- 01/03/2017
- Author:
- Oifig Foilseachán an Aontais Eorpaigh
- Responsible entity(ies):
- Oifig Foilseachán an Aontais Eorpaigh
- Summarised document(s):
- Summary code:
-
- 32.98.00.00 Staitisticí Eorpacha
- EUROVOC descriptor:
- Directory code:
-
- 07.07.00.00 Beartas maidir le hiompar / Staitisticí
- 07.30.20.00 Beartas maidir le hiompar / Loingseoireacht / Oibriú na margaí
- 14.07.00.00 Beartas réigiúnach agus comhordú ionstraimí struchtúracha / Staitisticí
Tuairisceáin staidrimh i ndáil le hearraí agus paisinéirí a iompar de mhuir
ACHOIMRE AR:
CAD IS AIDHM LEIS AN TREOIR?
Leagtar amach inti conas a thiomsaíonn tíortha an Aontais Eorpaigh (AE) staidreamh maidir le hiompar de mhuir earraí agus paisinéirí a stopann ag calafoirt AE.
PRÍOMHPHOINTÍ
Na sonraí
- Baineann na sonraí staidrimh seo le faisnéis lasta agus paisinéirí, agus faisnéis maidir leis an soitheach féin. Sainítear saintréithe an bhailiúcháin sonraí sna hiarscríbhinní a ghabhann leis an treoir seo, lena n-áirítear:
- ollmheáchan agus cur síos ar na hearraí;
- tuairisciú calafoirt;
- cineál aicmiú lasta;
- líon na bpaisinéirí;
- cineál agus méid na soithí.
- D’fhéadfaí soithí a mbaineann olltonnáiste faoi bhun 100 tona a fhágáil amuigh as an mbailiúchán sonraí.
Bailiúchán
- Tá an Coimisiún Eorpach freagrach as liosta a dhréachtú de gach calafort AE a bhfuil sonraí achomair le cur ar fáil ina leith. Lena chois sin, ní mór do gach tír AE calafort ar bith a roghnú ón liosta seo a mbaineann an méid seo a leanas leo:
- láimhseálann siad os cionn milliún tona earraí; nó,
- taifeadann siad os cionn 200 000 gluaiseacht paisinéirí gach bliain.
- Beidh na calafoirt a roghnófar faoi réir bailiúchán sonraí níos mionsonraithe ansin.
Na sonraí a chur ar aghaidh
- Ní mór do thíortha AE torthaí an bhailiúcháin a chur ar aghaidh chuig an gCoimisiún (Eurostat):
- laistigh de 5 mhí ó dheireadh na tréimhse breithnithe le haghaidh na sonraí a bhailítear ar bhonn ráithiúil;
- laistigh de 8 mí le haghaidh sonraí a bhailítear ar bhonn bliantúil.
- Ní mór do thíortha AE Eurostat a chur ar an eolas faoi na modhanna a úsáideadh chun na sonraí a thiomsú, chomh maith le sonraí ar bith ar athruithe substaintiúla ar na modhanna a úsáideadh. Ní mór do Eurostat na staitisticí cuí a bailíodh a fhoilsiú ansin.
- Leasaíodh an treoir le Rialachán (AE) Uimh. 1090/2010 d’fhonn bailiúcháin sonraí maidir le hearraí a iompraítear de mhuir le soitheach farraige a chur ar aon dul le modhanna eile iompair.
- Cinneadh 2010/216/AE lena leasaítear roinnt saintréithe teicniúla maidir leis an mbailiúchán sonraí, lena n-áirítear na cóid atá le húsáid le haghaidh náisiúntacht chlárúchán na soithí agus an struchtúr do thacair shonraí.
- Cinneadh 2012/186/AE lena leasaítear cuid de na toisí staidrimh a úsáideadh sa bhailiúchán sonraí agus lena soiléirítear roinnt sainmhínithe agus cineálacha aicmiú lasta.
CÉN UAIR ATÁ TOSACH FEIDHME NA TREORACH?
Tá Treoir 2009/42/CE i bhfeidhm ón . Is leagan athmhúnlaithe é de Threoir 95/64/CE — agus a leasuithe ina dhiaidh sin — a bhí le corprú sa dlí náisiúnta faoin .
PRÍOMHDHOICIMÉAD
Treoir 2009/42/CE ó Pharlaimint na hEorpa agus ón gComhairle an maidir le tuairisceáin staidrimh i ndáil le hearraí agus paisinéirí a iompar de mhuir (athmhúnlú) IO L 141, , lgh. 29-47)
Rinneadh leasuithe comhleanúnacha ar Threoir 2009/42/CE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.
nuashonrú is deireanaí
