This document is an excerpt from the EUR-Lex website
EU involvement in efforts to unify the rules of private international law
Rannpháirteachas AE in iarrachtaí chun rialacha dlí idirnáisiúnta príobháideach a chomhaontú
Rannpháirteachas AE in iarrachtaí chun rialacha dlí idirnáisiúnta príobháideach a chomhaontú
- Date of last review:
- 04/12/2017
- Author:
- Oifig Foilseachán an Aontais Eorpaigh
- Responsible entity(ies):
- Ard-Stiúrthóireacht um Cheartas agus Tomhaltóirí
- Summarised document(s):
- Summary code:
-
- 23.02.00.00 Comhar breithiúnach in ábhair shibhialta
- EUROVOC descriptor:
- Directory code:
Rannpháirteachas AE in iarrachtaí chun rialacha dlí idirnáisiúnta príobháideach a chomhaontú
ACHOIMRE AR:
Cinneadh 2006/719/CE — aontachas le Comhdháil na Háige ar Dhlí Idirnáisiúnta Príobháideach
CAD IS AIDHM LEIS AN GCINNEADH?
- Cuireadh ar chumas an Chomhphobail Eorpaigh (an tAontas Eorpach anois) leis aontú le Comhdháil na Háige ar Dhlí Idirnáisiúnta Príobháideach (HCCH)*.
- Is é cuspóir an HCCH oibriú le haghaidh aontú na rialacha dlí idirnáisiúnta phríobháidigh* go forásach sna tíortha rannpháirteacha.
PRÍOMHPHOINTÍ
- Glacann AE páirt sa HCCH mar chomhalta iomlán. Níl an cinneadh seo ina cheangal ar an Danmhairg, a bhfuil rogha an diúltaithe aici as saoirse, slándáil agus ceartais agus glacann sí páirt ina ceart féin.
- Lóisteáil AE dearbhú inniúlachta (Iarscríbhinn II), lena sonrófar an méid a d’aistrigh sé d’inniúlacht do thíortha AE (seachas an Danmhairg). Is bearta iad sin i réimse an chomhair bhreithiúnaigh in ábhair shibhialta a bhfuil impleachtaí trasteorann acu agus is gá iad le haghaidh dhea-fheidhmiú an mhargaidh inmheánaigh. Ina theannta sin, tá inniúlachtaí seachtracha ag AE — tá cuid acu eisiach — mar atá soiléirithe le cás-dlí de chuid Chúirt Bhreithiúnais an Aontais Eorpaigh. Féadfaidh coinbhinsiúin an HCCH, mar shampla i réimsí an dlínse, aitheantais agus forghníomhaithe breithiúnas in ábhair shibhialta agus thráchtála, a bheith laistigh de na hinniúlachtaí sin.
- I ndearbhú eile (Iarscríbhinn III), rinne AE scrúdú ar cibé an bhfuil sé ar mhaithe lena leas a bheith rannpháirteach i gcoinbhinsiúin reatha na Háige i gcás a bhfuil inniúlacht aige ann.
CÉN UAIR ATÁ TOSACH FEIDHME AN CHINNIDH?
Tá AE ina chomhalta den HCCH ón 3 Aibreán 2007.
CÚLRA
- An 28 Samhain 2002, thug an Chomhairle údarás don Choimisiún Eorpach chun caibidlíocht a dhéanamh ar choinníollacha agus ar rialacha mionsonraithe aontachais le HCCH.
- Ní mór reacht an HCCH a leasú chun ligean don AE — eagraíocht réigiúnach eacnamaíoch um chomhtháthú — a aontú. I mí an Mheithimh 2005, ghlac comhdháil taidhleoireachta HCCH na leasuithe is gá trí chomhthoil.
- Tar éis na caibidlíochta rathúla leis an HCCH, chuir an Coimisiún togra le haghaidh chinneadh seo na Comhairle maidir le haontachas an Chomhphobail Eorpaigh (an tAontas Eorpach anois) le HCCH. Thug Parlaimint na hEorpa a haontú i Meán Fómhair 2006.
- Tá 82 thír mar aon le AE ina gcomhaltaí den HCCH.
PRÍOMHTHÉARMAÍ
PRÍOMHDHOICIMÉAD
Cinneadh ón gComhairle 2006/719/CE an 5 Deireadh Fómhair 2006 maidir le haontachas an Chomhphobail le Comhdháil na Háige ar Dhlí Idirnáisiúnta Príobháideach (IO L 297, 26.10.2006, lgh. 1-14)
Nuashonraithe 04.12.2017
