Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Rialacha i dtaca le rochtain chothrom ar shonraí agus úsáid chothrom sonraí (An Gníomh um Shonraí)

    Date of last review:
    09/09/2024
    Author:
    Oifig Foilseachán an Aontais Eorpaigh
    Responsible entity(ies):
    Comhairle an Aontais Eorpaigh
    Summarised document(s):

    Rialacha i dtaca le rochtain chothrom ar shonraí agus úsáid chothrom sonraí (An Gníomh um Shonraí)

     

    ACHOIMRE AR:

    Rialachán (AE) 2023/2854 i dtaca le rochtain chothrom ar shonraí agus úsáid chothrom sonraí (an Gníomh um Shonraí)

    CAD IS AIDHM LEIS AN RIALACHÁN?

    Leis an rialachán, ar a dtugtar an Gníomh um Shonraí chomh maith, tugtar aghaidh ar roinnt dúshlán agus deiseanna a bhaineann le sonraí* san Aontas Eorpach (AE), lena dtugtar chun suntais rochtain chothrom agus cearta úsáideoirí, ag áirithiú go bhfuil sonraí pearsanta á gcosaint. Áirítear leis na haidhmeanna:

    • dáileadh cothrom na dtairbhí a eascraíonn as sonraí i measc páirtithe leasmhara a áirithiú;
    • margadh iomaíoch sonraí a spreagadh;
    • deiseanna a chur ar fáil le haghaidh nuálaíocht sonraíbhunaithe; agus
    • sonraí, go háirithe sonraí a ghintear le táirgí nasctha, a dhéanamh níos inrochtana.

    PRÍOMHPHOINTÍ

    Áirithítear leis an rialachán cothroime i leithdháileadh luach na sonraí i measc na bpáirtithe leasmhara sa gheilleagar sonraí. Soiléirítear leis cé is féidir leas a bhaint as na sonraí agus cad iad na sonraí sin agus na coinníollacha faoina bhféadfar iad a úsáid.

    Chun na críche sin, áirítear leis bearta lena chur ar chumas úsáideoirí táirgí nasctha, idir ghutháin phóca agus fearais chliste tí agus mheaisíní cliste tionsclaíocha, rochtain a fháil ar shonraí a ghintear óna n–úsáid. Ina theannta sin, tá bearta ann chun deimhneacht dhlíthiúil a mhéadú i ndáil le rochtain agus úsáid sonraí, go háirithe i gcomhthéacs táirgí nasctha, amhail:

    • rialacha soiléire maidir le húsáid incheadaithe sonraí agus na coinníollacha atá i bhfeidhm;
    • dreasachtaí leanúnacha do shealbhóirí sonraí chun infheistíocht a dhéanamh i nginiúint sonraí ardchaighdeáin;
    • rialacha lena n–éascaítear aistriú réidh sonraí luachmhara idir sealbhóirí sonraí agus úsáideoirí sonraí agus rúndacht á coimeád;
    • dreasachtaí lena spreagtar níos mó daoine aonair agus eintiteas, beag beann ar a méid, chun páirt a ghlacadh sa gheilleagar sonraí;
    • rialacha maidir le cearta úsáideoirí chun sonraí a chomhroinnt le tríú páirtithe;
    • rialacha maidir le rúin trádála agus cearta maoine intleachtúla a chosaint, mar aon le cosaintí i gcoinne iompar drochídeach; agus
    • córas cúitimh réasúnta chun sonraí a chur ar fáil agus sásra réitigh díospóidí.

    Áirítear an méid a leanas le bearta eile.

    • Laghdú a dhéanamh ar mhí–úsáid conarthaí mídhleathacha lena gcuirtear bac ar chomhroinnt sonraí cothroma. Is éard atá i gceist leis sin:
      • fiontair a chosaint ar théarmaí conarthacha éagóracha arna bhforchur ag páirtithe i suíomhanna níos láidre ar an margadh; agus
      • foclaíocht conarthaí eiseamláireacha a fhorbairt chun cuidiú le rannpháirtithe sa mhargadh conarthaí cothroma comhroinnte sonraí a dhréachtú agus a idirbheartú.
    • A chur ar chumas comhlachtaí earnála poiblí sonraí áirithe atá i seilbh na hearnála príobháidí a rochtain agus a úsáid, mar shampla chun cuidiú leo freagairt d’éigeandálaí poiblí.
    • Éascaíocht a dhéanamh ar athrú idir soláthraithe seirbhísí próiseála sonraí chun an margadh aonair don néalríomhaireacht san Aontas a scaoileadh, agus muirir um athrú a aistarraingt de réir a chéile, rud a chuirfidh le hidir–inoibritheacht* sonraí níos éifeachtaí.
    • Sonraí a fhaightear trí tháirgí nasctha a dhíolmhú ó fhorálacha Threoir 96/9/CE, an treoir maidir le bunachar sonraí.
    • Cosaint a thabhairt ar rochtain neamhdhleathach rialtais tríú páirtí ar shonraí neamhphearsanta.
    • Inoibritheacht sonraí, sásraí agus seirbhísí comhroinnte sonraí, agus spásanna coiteanna sonraí Eorpacha a fheabhsú.

    Ní bhaineann an rialachán seo le gníomhartha dlíthiúla AE nó náisiúnta lena ndéantar foráil i leith sonraí a chomhroinnt, a rochtain agus a úsáid chun cionta coiriúla a chosc, a imscrúdú, a bhrath nó a ionchúiseamh nó chun pionóis choiriúla a fhorghníomhú, nó chun críocha custaim agus cánachais.

    CÉN UAIR ATÁ TOSACH FEIDHME AN RIALACHÁIN?

    Tháinig an rialachán i bhfeidhm an 11 Eanáir 2024 agus beidh feidhm aige ón 12 Meán Fómhair 2025.

    CÚLRA

    Le haghaidh tuilleadh faisnéise, féach:

    PRÍOMHTHÉARMAÍ

    Sonraí. Aon léiriú digiteach ar ghníomhartha, fíricí nó faisnéis agus aon tiomsú de ghníomhartha, d’fhíorais nó d’fhaisnéis den sórt sin, lena n–áirítear i bhfoirm taifeadadh fuaime, amhairc nó closamhairc.
    Idir–inoibritheacht. Cumas dhá cheann nó níos mó de spásanna sonraí nó de líonraí, córais, táirgí nasctha, feidhmchláir, seirbhísí próiseála sonraí nó comhpháirteanna cumarsáide a bheith ábalta sonraí a mhalartú agus a úsáid chun a gcuid feidhmeanna a chomhlíonadh.

    PRÍOMHDHOICIMÉAD

    Rialachán (AE) 2023/2854 ó Pharlaimint na hEorpa agus ón gComhairle an 13 Nollaig 2023 maidir le rialacha comhchuibhithe i dtaca le rochtain chothrom ar shonraí agus úsáid chothrom sonraí agus lena leasaítear Rialachán (AE) 2017/2394 agus Treoir (AE) 2020/1828 (an Gníomh um Shonraí) (IO L, 2023/2854, 22.12.2023).

    DOICIMÉID GHAOLMHARA

    Rialachán (AE) 2023/1543 ó Pharlaimint na hEorpa agus ón gComhairle an 12 Iúil 2023 maidir le hOrduithe Eorpacha chun Fianaise a Thabhairt ar Aird agus Orduithe Caomhnaithe Eorpacha i gcomhair fianaise leictreonach in imeachtaí coiriúla agus chun pianbhreitheanna coimeádta a fhorghníomhú tar éis imeachtaí coiriúla (IO L 191, 28.7.2023, lgh. 118–180).

    Treoir (AE) 2023/1544 ó Pharlaimint na hEorpa agus ón gComhairle an 12 Iúil 2023 lena leagtar síos rialacha comhchuibhithe maidir le bunaíochtaí ainmnithe a ainmniú agus ionadaithe dlíthiúla a cheapadh chun críche fianaise leictreonach a bhailiú in imeachtaí coiriúla (IO L 191, 28.7.2023, lgh. 181–190).

    Rialachán (AE) 2022/2065 ó Pharlaimint na hEorpa agus ón gComhairle an 19 Deireadh Fómhair 2022 maidir le Margadh Aonair do Sheirbhísí Digiteacha agus lena leasaítear Treoir 2000/31/CE (an Gníomh um Sheirbhísí Digiteacha) (IO L 277, 27.10.2022, lgh. 1–102).

    Rialachán (AE) 2021/784 ó Pharlaimint na hEorpa agus ón gComhairle an 29 Aibreán 2021 maidir le haghaidh a thabhairt ar scaipeadh ábhair sceimhlitheoireachta ar líne (IO L 172, 17.5.2021, lgh. 79–109).

    Treoir (AE) 2020/1828 ó Pharlaimint na hEorpa agus ón gComhairle an 25 Samhain 2020 maidir le caingne ionadaíocha chun comhleasanna tomhaltóirí a chosaint agus lena n–aisghairtear Treoir 2009/22/CE (IO L 409, 4.12.2020, lgh. 1–27).

    Rinneadh leasuithe comhleanúnacha ar Threoir (AE) 2020/1828 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

    Treoir (AE) 2019/770 ó Pharlaimint na hEorpa agus ón gComhairle an 20 Bealtaine 2019 maidir le gnéithe áirithe a bhaineann le conarthaí chun ábhar digiteach agus seirbhísí digiteacha a sholáthar (IO L 136, 22.5.2019, lgh. 1–27).

    Rialachán (AE) 2018/1807 ó Pharlaimint na hEorpa agus ón gComhairle an 14 Samhain 2018 maidir le creat le haghaidh saorshreabhadh sonraí neamhphearsanta san Aontas Eorpach (IO L 303, 28.11.2018, lgh. 59–68).

    Rialachán (AE) Uimh. 2017/2394 ó Pharlaimint na hEorpa agus ón gComhairle an 12 Nollaig 2017 maidir le comhar idir na húdaráis náisiúnta atá freagrach as dlíthe cosanta tomhaltóirí a fhorfheidhmiú agus lena n–aisghairtear Rialachán (CE) Uimh. 2006/2004 (IO L 345, 27.12.2017, lgh. 1–26).

    Féach an leagan comhdhlúite.

    Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n–aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lgh. 1–88).

    Féach an leagan comhdhlúite.

    Rialachán (AE) 2015/847 ó Pharlaimint na hEorpa agus ón gComhairle an 20 Bealtaine 2015 maidir le faisnéis a ghabhann le haistrithe cistí agus lena n–aisghairtear Rialachán (CE) Uimh. 1781/2006 (IO L 141, 5.6.2015, lgh. 1–18).

    Féach an leagan comhdhlúite.

    Treoir (AE) 2015/849 ó Pharlaimint na hEorpa agus ón gComhairle an 20 Bealtaine 2015 maidir le cosc a chur le húsáid an chórais airgeadais chun críoch sciúrtha airgid agus maoinithe sceimhlitheoireachta, agus lena leasaítear Rialachán (AE) Uimh. 648/2012 ó Pharlaimint na hEorpa agus ón gComhairle, agus lena n–aisghairtear Treoir 2005/60/CE ó Parlaimint na hEorpa agus ón gComhairle agus Treoir 2006/70/CE ón gCoimisiún (IO L 141, 5.6.2015, lgh. 73–117).

    Féach an leagan comhdhlúite.

    Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach na ceanglais maidir le creidiúnú agus maidir le faireachas margaidh a bhaineann le táirgí a mhargú, agus lena n–aisghairtear Rialachán (CEE) Uimh. 339/93 (IO L 218, 13.8.2008, lgh. 30–47).

    Féach an leagan comhdhlúite.

    Treoir 96/9/CE ó Pharlaimint na hEorpa agus ón gComhairle an 11 Márta 1996 maidir le cosaint dhlíthiúil bunachar sonraí (IO L 077, 27.3.1996, lch. 20).

    Féach an leagan comhdhlúite.

    Nuashonraithe 09.09.2024

    Top