Creat-chomhaontú maidir le Comhpháirtíocht Chuimsitheach agus Comhar Cuimsitheach idir an tAontas Eorpach agus an Indinéis

 

ACHOIMRE AR:

Creat–Chomhaontú maidir le Comhpháirtíocht Chuimisitheach agus Comhar Cuimsitheach idir an tAontas Eorpach agus a Bhallstáit, de pháirt, agus an Indinéis, den pháirt eile

Cinneadh 2014/229/AE maidir le síniú an chreat–chomhaontaithe leis an Indinéis

Cinneadh 2014/230/AE maidir leis tabhairt i gcrích an chreat–chomhaontaithe leis an Indinéis a thabhairt i gcrích, seachas cúrsaí a bhaineann le hathligean isteach

Cinneadh 2014/231/AE maidir leis tabhairt i gcrích an chreat–chomhaontaithe leis an Indinéis, seachas cúrsaí a bhaineann le hathligean isteach

CAD IS AIDHM LEIS AN GCOMHAONTÚ AGUS LEIS NA CINNTÍ?

Is é is aidhm leis an gcreat–comhaontú:

• an chomhpháirtíocht idir na páirtithe a neartú;
• comhar maidir le ceisteanna comhleasa a neartú agus a fheabhsú agus luachanna comhroinnte agus prionsabail choiteanna á léiriú.

Cinneadh 2014/229/AE an 27 Deireadh Fómhair 2009 lena n–údaraítear síniú an chreat–chomhaontaithe thar ceann an Aontais Eorpaigh (AE).

Tugadh an comhaontú i gcrích le Cinneadh 2014/230/AE agus le Cinneadh 2014/231/AE thar ceann an Aontais Eorpaigh.

PRÍOMHPHOINTÍ

Clúdaítear réimsí éagsúla comhair sa chomhaontú:

• an tsíocháin agus an tslándáil agus béim ar leith á leagan ar an gcomhrac:
  • leathadh agus seachadadh arm ollscriosta,
  • sceimhlitheoireacht;
• comhar in eagraíochtaí réigiúnacha agus idirnáisiúnta amhail na Náisiúin Aontaithe, Comhlachas Náisiúin na hÁise Thoir Theas agus an Eagraíocht Dhomhanda Trádála;
• comhar déthaobhach agus réigiúnach;
• saincheisteanna trádála agus infheistíochta lena n–áirítear:
  • forbairt trádála agus bacainní teicniúla ar thrádáil,
  • cearta maoine intleachtúla a chosaint,
  • beartas iomaíochta;
• ceartas, a dhírítear ar roinnt saincheisteanna, lena n–áirítear:
  • an choireacht eagraithe agus an t-éilliú a chomhrac,
  • sciúradh airgid a chomhrac,
  • drugaí aindleathacha;
• forbairt shocheacnamaíoch, agus comhar maidir le saincheisteanna amhail:
  • imirce,
  • cearta an duine,
  • sláinte,
  • an comhshaol agus acmhainní nádúrtha.

Déanann comhchoiste, le hionadaithe ón dá pháirtí, maoirseacht ar chur chun feidhme an chomhaontaithe agus ar chomhlíonadh a chuspóirí.

DÁTA TEACHT I BHFEIDHM

Tiocfaidh an comhaontú i bhfeidhm nuair a bheidh sé daingnithe ag Ballstáit AE, agus nuair a bheidh sé tugtha i gcrích ag an Aontas agus daingnithe ag an Indinéis.

CÚLRA

Le haghaidh tuilleadh faisnéise féach:

• Toscaireacht AE chuig an Indinéis (An tSeirbhís Eorpach Gníomhaíochta Seachtraí)
• Caidreamh trádála an Aontais leis an Indinéis (An Coimisiún Eorpach).

PRÍOMHDHOICIMÉID

Creat–chomhaontú maidir le Comhpháirtíocht Chuimsitheach agus Comhar Cuimsitheach idir an tAontas Eorpach agus a Bhallstáit, de pháirt, agus Poblacht na hIndinéise, den pháirt eile (IO L 125, 26.4.2014lgh. 17–43).

Cinneadh 2014/229/AE ón gComhairle an 27 Deireadh Fómhair 2009 maidir le síniú an Chreat–chomhaontaithe maidir le Comhpháirtíocht Chuimsitheach agus Comhar Cuimsitheach idir an Comhphobal Eorpach agus a Bhallstáit, de pháirt, agus Poblacht na hIndinéise, den pháirt eile (IO L 125, 26.4.2014, lch. 16).

Cinneadh 2014/230/AE an 14 Aibreán 2014 maidir le tabhairt i gcrích an Chreat–chomhaontaithe maidir le Comhpháirtíocht Cuimsitheach agus Comhar Cuimsitheach idir an Comhphobal Eorpach agus a Bhallstáit, de pháirt, agus Poblacht na hIndinéise, den pháirt eile, seachas ábhair a bhaineann le hathligean isteach (IO L 125, 26.4.2014, lgh. 44–45).

Cinneadh 2014/231/AE ón gComhairle an 14 Aibreán 2014 maidir le tabhairt i gcrích an Chreat–chomhaontaithe maidir le Comhpháirtíocht Chuimsitheach agus Comhar Cuimsitheach idir an Comhphobal Eorpach agus a Bhallstáit, de pháirt, agus Poblacht na hIndinéise, den pháirt eile, seachas cursaí a bhaineann le hathligean isteach (IO L 125, 26.4.2014, lgh. 46–47).

Nuashonraithe 28.09.2023