Bainc agus gnólachtaí infheistíochta — maoirseacht stuamachta

 

ACHOIMRE AR:

Treoir 2013/36/AE maidir le rochtain ar ghníomhaíocht institiúidí creidmheasa agus maoirseacht stuamachta ar institiúidí creidmheasa agus ar ghnólachtaí infheistíochta (an treoir maidir le ceanglais chaipitil — CRD IV)

CAD IS AIDHM LEIS AN TREOIR?

• Rialaítear leis an treoir seo maidir le ceanglais chaipitil (CRD IV) an rochtain ar ghníomhaíocht institiúidí creidmheasa.
• Leagtar síos léi freisin na rialacha seo a leanas maidir le:
  • maoirseacht stuamachta ar institiúidí creidmheasa arna déanamh ag na húdaráis náisiúnta ábhartha;
  • cumhachtaí agus uirlisí maoirseachta na n–údarás sin chun maoirseacht stuamachta a dhéanamh ar institiúidí creidmheasa; agus
  • na ceanglais foilseacháin nach mór do na húdaráis sin cloí leo a bhaineann le rialáil agus maoirseacht stuamachta institiúidí creidmheasa.
• Cuirtear í in ionad na dtreoracha maidir le ceanglais chaipitil a bhí ann roimhe seo (2006/48/CE agus 2006/49/CE) agus cumhdaítear gnéithe a bhí sna treoracha sin roimhe seo, lena n–áirítear:
  • rochtain ar ghlacadh agus ar shaothrú ghnó na mbanc;
  • na coinníollacha maidir le saoirse bunaíochta;
  • an tsaoirse chun seirbhísí a sholáthar; agus
  • maoirseacht stuamachta ar bhainc agus ar ghnólachtaí infheistíochta.
• Tá Treoir 2013/36/AE ina cuid de phacáiste reachtaíochta ina bhféachtar le hathléimneacht earnáil bhaincéireachta AE a neartú i ndiaidh na géarchéime airgeadais in 2008. Áirítear leis an bpacáiste chomh maith Rialachán (AE) Uimh. 575/2013, an rialachán maidir le ceanglais chaipitil (CRR) (féach achoimre) lena mbunaítear na ceanglais um maoirseachta nach mór do na bainc a urramú.

PRÍOMHPHOINTÍ

Cumhdaítear i dTreoir 2013/36/AE líon gnéithe nua sa bhreis ar na cinn atá cumhdaíodh cheana leis na treoracha roimhe seo maidir le ceanglais chaipitil, lena n–áirítear an méid seo a leanas.

• Bónais do bhaill foirne. Le cosc a chur ar institiúidí creidmheasa bónais a thabhairt dá mbaill foirne lena spreagtar iad dul san seans an–iomarcach, déantar foráil sa treoir i leith cóimheasa uasta idir pá seasta agus bónais do gach ball foirne ábhartha. Ní féidir le ball foirne bónas a fháil atá níos mó ná pá bliantúil seasta an bhaill foirne aitheanta sin, ach faoi réir coinníollacha áirithe féadfaidh scairshealbhóirí bónais suas le dhá oiread an phá sheasta a cheadú. Áirítear ceanglais eile sna rialacha úra chomh maith maidir le bónais lena gcuirtear cur chuige fadtéarmach maidir le dul sa seans chun cinn.
• Rialachas níos fearr agus tuilleadh trédhearcachta. Tugtar rialacha isteach leis an treoir lena áirithiú go mbeidh na rioscaí a eascraíonn as gníomhaíochtaí institiúidí creidmheasa faoi réir bainistíocht agus maoirseacht éifeachtach a dhéanfaidh a gcomhlachtaí bainistíochta. Tugtar rialacha isteach freisin ionas go mbeidh ballraíocht an bhoird in institiúidí creidmheasa níos éagsúla. Ó Eanáir 2015 i leith, ní mór d’institiúidí creidmheasa eolas áirithe a nochtadh ar bhonn tír le tír, lena n–áirítear a mbrabúis, a gcánacha, agus na fóirdheontais phoiblí atá faighte acu.
• Caipiteal breise a bheidh i seilbh institiúidí creidmheasa (Colún 2 agus cúrsaí caipitil). Maidir leis an treoir:
  • déantar foráil i leith ceanglais níos mionsonraithe maidir le creat Cholún 2, i gcás go bhféadfadh údaráis náisiúnta ábhartha a cheangal ar institiúidí creidmheasa caipiteal a choinneáil chomh maith leis na híoscheanglais atá leagtha síos in CRR;
  • leagtar síos creat maidir le maoláin chaipitil, a bhfuil sé mar aidhm leo sócmhainneacht institiúide creidmheasa a chosaint trí chosaintí agus teorainneacha a leagan síos ar mhéid na n–íocaíochtaí díbhinne agus bónais is féidir le hinstitiúid creidmheasa a dhéanamh. Ag brath ar a mhéid a úsáideann an institiúid creidmheasa a maolán, éiríonn na teorainneacha níos doichte, dá réir sin déantar creimeadh caipitil bainc a chosc.
• Spleáchas laghdaithe ar rátálacha seachtracha. Laghdaítear leis an treoir, más féidir, spleáchas na n–institiúidí airgeadais ar rátálacha creidmheasa seachtracha. Mar shampla, ceanglaítear léi go mbunóidh institiúidí creidmheasa a gcinntí infheistíochta ní hamháin maidir le rátálacha seachtracha ach freisin ar a measúnú riosca inmheánach féin.

Príomhleasuithe ar Threoir 2013/36/CE

• Leasaítear le Treoir leasaitheach (AE) 2019/878 roinnt de rialacha reatha Threoir 2013/36/AE agus cuirtear cinn nua leis maidir le heintitis dhíolmhaithe, cuideachtaí sealbhaíochta airgeadais, cuideachtaí sealbhaíochta airgeadais measctha, luach saothair, bearta agus cumhachtaí maoirseachta agus bearta caomhnaithe caipitil. Is é an cuspóir a áirithiú go mbeidh cumas na hearnála airgeadais ábalta suaitheadh féideartha a sheasamh.
• Tá Treoir Leasaitheach (AE) 2019/2034 mar chuid de chreat nua rialála do ghnólachtaí infheistíochta a bhí, go dtí gur glacadh leis, faoi réir na rialachán céanna caipitil, leachtacha agus bainistíochta riosca mar a chéile le bainc. Leagtar síos na ceanglais stuamachta agus bearta maoirseachta a oiriúnaíodh do phróifíl riosca agus múnla gnó na ngnólachtaí infheistíochta fad a chosnaítear cobhsaíocht airgeadais.
• Le Treoir leasaitheach (AE) 2022/2556 déantar rialacha na treorach, agus roinnt treoracha gaolmhara eile, a ailíniú leis na ceanglais maidir le riosca TFC le haghaidh eintitis airgeadais a leagtar amach sa rialachán maidir le hathléimneacht dhigiteach oibríochtúil na hearnála airgeadais (DORA), Rialachán (AE) 2022/2554 (féach an achoimre).

Gníomhartha cur chun feidhme agus tarmligthe

Ceadaítear leis an bpacáiste CRD IV/CRR gníomhartha tairmligthe agus cur chun feidhme a ghlacadh. Tugtar treoir leo seo do na húdaráis náisiúnta ábhartha, do bhainc agus do ghnólachtaí infheistíochta maidir le comhlíonadh an phacáiste. Leis na rialacháin tarmligthe seo a leanas, forlíontar Treoir 2013/36/AE maidir le caighdeáin theicniúla rialála.

• Rialachán Tarmligthe (AE) Uimh. 530/2014 maidir le risíochtaí ábhartha agus tairseacha le haghaidh cuir chuige inmheánacha i leith riosca sonrach sa leabhar trádála a shainiú tuilleadh.
• Rialachán Tarmligthe (AE) 524/2014 maidir leis an bhfaisnéis a sholáthraíonn údaráis inniúla na mBallstát baile agus údaráis inniúla na mBallstát aíochta dá chéile.
• Rialachán Tarmligthe (AE) 527/2014 maidir leis na haicmí ionstraimí a léiríonn go leordhóthanach cáilíocht chreidmheasa institiúide mar ghnóthas leantach agus atá oiriúnach lena n–úsáid chun críocha luach saothair inathraithe;
• Rialachán Tarmligthe (AE) Uimh. 1151/2014 a mhéid a bhaineann leis an bhfaisnéis nach mór fógra a thabhairt ina leith agus an ceart bunaíochta agus an tsaoirse chun seirbhísí a sholáthar á bhfeidhmiú, arna leasú ina dhiaidh sin le Rialachán (AE) 2022/192 agus (AE) 2022/2403.
• Rialachán Cur Chun Feidhme (AE) Uimh. 1152/2014 maidir le caighdeáin theicniúla rialála i ndáil le suíomh geografach na risíochtaí creidmheasa ábhartha a shainaithint chun rátaí maolán caipitil frith–thimthriallach atá sainiúil don institiúid a ríomh.
• Rialachán Tarmligthe (AE) Uimh. 1222/2014 maidir leis an modheolaíocht a shonrú chun institiúidí a bhfuil tábhacht shistéamach dhomhanda ag gabháil leo a shainaithint agus chun fochatagóirí institiúidí a bhfuil tábhacht shistéamach dhomhanda ag gabháil leo a shainiú, arna leasú ina dhiaidh sin le Rialachán (AE) 2016/1608 agus Rialachán (AE) 2021/539.
• Rialachán Tarmligthe 2016/861 maidir le critéir cháilíochtúla agus chainníochtúla iomchuí chun catagóirí foirne a shainaithint a bhfuil tionchar ábhartha ag a gcuid gníomhaíochtaí gairmiúla ar phróifíl riosca institiúide.
• Rialachán Tarmligthe (AE) 2017/180 maidir le tagarmharcáil caighdeán measúnaithe punainne agus nósanna imeachta um chomhroinnt measúnuithe.
• Rialachán Tarmligthe (AE) 2021/923 maidir le caighdeáin theicniúla rialála lena leagtar amach na critéir chun freagracht bhainistíochta, feidhmeanna rialúcháin, aonaid ghnó ábhartha agus tionchar suntasach ar phróifíl riosca aonaid gnó ábhartha a shainiú, agus lena leagtar amach na critéir chun baill foirne nó catagóirí ball foirne a shainaithint a mbíonn tionchar ag a gcuid gníomhaíochtaí gairmiúla ar phróifíl riosca na hinstitiúide atá chomh hábhartha céanna le baill foirne nó catagóirí ball foirne.
• Rialachán Tarmligthe (AE) 2022/2579 a mhéid a bhaineann le caighdeáin theicniúla rialála lena sonraítear an fhaisnéis atá le soláthar ag gnóthas san iarratas ar údarú i gcomhréir le hAirteagal 8(a) de Threoir 2013/36/AE.
• Rialachán Tarmligthe (AE) 2022/2580 maidir le caighdeáin theicniúla rialála lena sonraítear an fhaisnéis atá le soláthar san iarratas ar údarú mar institiúid creidmheasa, agus lena sonraítear na bacainní lena bhféadfaí cosc a chur ar fheidhmiú éifeachtach feidhmeanna maoirseachta údarás inniúil.

Glacadh na gníomhartha cur chun feidhme seo a leanas;

• Rialachán Cur Chun Feidhme (AE) Uimh. 620/2014 maidir le caighdeáin i ndáil le malartú faisnéise idir údaráis inniúla na mBallstát baile agus údaráis inniúla na mBallstát aíochta.
• Rialachán Cur Chun Feidhme (AE) Uimh. 650/2014 arna leasú ina dhiaidh sin le Rialachán (AE) 2019/912, maidir le caighdeáin i ndáil le formáid, struchtúr, liosta ábhar agus dáta foilseacháin bliantúil na faisnéise atá le nochtadh ag údaráis inniúla.
• Rialachán Cur Chun Feidhme (AE) Uimh. 710/2014 maidir le caighdeáin i ndáil leis na coinníollacha a bhaineann leis an gcinneadh comhpháirteach maidir le ceanglais stuamachta a bhaineann go sonrach le hinstitiúidí a chur i bhfeidhm.
• Rialachán Cur Chun Feidhme (AE) Uimh. 926/2014, arna leasú ina dhiaidh sin le Rialachán (AE) 2022/193, maidir leis na foirmeacha, teimpléid agus na nósanna imeachta caighdeánacha maidir leis an bhfaisnéis a bhfuil fógra le tabhairt ina leith agus an ceart bunaíochta agus an tsaoirse chun seirbhísí a sholáthar á bhfeidhmiú.
• Rialachán Cur Chun Feidhme (AE) 2016/99 maidir le feidhmiú oibríochtúil na gcoláistí maoirseoirí a chinneadh.
• Rialachán Cur Chun Feidhme (AE) 2016/2070, arna leasú ina dhiaidh sin le Rialacháin (AE) 2017/1486, (AE) 2018/688, (AE) 2019/439, (AE) 2021/1971, (AE) 2021/2017 agus (AE) 2022/951, maidir leis na teimpléid, na sainmhínithe agus na réitigh TF atá le húsáid ag institiúidí agus iad ag tuairisciú don Údarás Baincéireachta Eorpach agus d’údaráis inniúla.
• Rialachán Cur Chun Feidhme (AE) 2017/461 maidir le nósanna imeachta foirmeacha agus teimpléid choiteanna don phróiseas comhairliúcháin idir na húdaráis inniúla ábhartha maidir le héadálacha beartaithe gabháltas cáilitheach in institiúidí creidmheasa.
• Rialachán Cur Chun Feidhme (AE) 2022/2581 maidir le caighdeáin theicniúla cur chun feidhme i dtaca le cur i bhfeidhm Threoir 2013/36/AE maidir le soláthar faisnéise in iarratais ar údarú mar údarás creidmheasa.

CÉN UAIR ATÁ TOSACH FEIDHME NA RIALACHA?

• B’éigean Treoir 2013/36/AE a thrasuí sa dlí náisiúnta faoin 31 Nollaig 2013 agus tá feidhm ag na rialacha sin ón 17 Iúil 2013.
• B’éigean Treoir leasaitheach (AE) 2019/878 a thrasuí faoin 28 Nollaig 2020 agus tá feidhm ag na rialacha sin ón dáta ón 29 Nollaig 2020.
• B’éigean dlí a dhéanamh de Threoir Leasaitheach (AE) 2019/2034 faoin 26 Meitheamh 2021, agus tá na rialacha i bhfeidhm ón 26 Meitheamh 2021, ach amháin na rialacha maidir le seirbhísí a sholáthar as stuaim an chliaint atá i bhfeidhm ón 26 Márta 2020.
• Ní mór Treoir Leasaitheach (AE) 2022/2556 a thrasuí faoin 17 Eanáir 2025 agus beidh feidhm aici ón dáta sin.

CÚLRA

• Le haghaidh tuilleadh faisnéise, féach:
  • Ceanglais stuamachta (An Coimisiún Eorpach).

PRÍOMHDHOICIMÉAD

Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíocht institiúidí creidmheasa agus maoirseacht stuamachta institiúidí creidmheasa agus gnólachtaí infheistíochta, lena leasaítear Treoir 2002/87/CE agus lena n–aisghairtear Treoir 2006/48/CE agus Treoir 2006/49/CE (IO L 176, 27.6.2013, lgh. 338–436).

Rinneadh leasuithe agus ceartúcháin leantacha ar Threoir 2013/36/CE a chorprú sa bhuntéacs. Is chun críche tagartha amháin atá an leagan comhdhlúite seo.

DOICIMÉID GHAOLMHARA

Rialachán Cur Chun Feidhme (AE) 2022/2581 ón gCoimisiún an 20 Meitheamh 2022 lena leagtar síos caighdeáin theicniúla cur chun feidhme i dtaca le cur i bhfeidhm Threoir 2013/36/AE ó Pharlaimint na hEorpa agus ón gComhairle maidir le soláthar faisnéise in iarratais ar údarú mar údarás creidmheasa (IO L 335, 29.12.2022, lgh. 86–102).

Féach an leagan comhdhlúite.

Rialachán Tarmligthe (AE) 2022/2580 ón gCoimisiún an 17 Meitheamh 2022 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála lena sonraítear an fhaisnéis atá le soláthar san iarratas ar údarú mar institiúid creidmheasa, agus lena sonraítear na bacainní lena bhféadfaí cosc a chur ar fheidhmiú éifeachtach feidhmeanna maoirseachta údarás inniúil (IO L 335, 29.12.2022, lgh. 64–85).

Féach an leagan comhdhlúite.

Rialachán Tarmligthe (AE) 2022/2579 ón gCoimisiún an 10 Meitheamh 2022 lena bhforlíontar Treoir 2013/36/AE ó Pharlaimint na hEorpa agus ón gComhairle a mhéid a bhaineann le caighdeáin theicniúla rialála lena sonraítear an fhaisnéis atá le soláthar ag gnóthas san iarratas ar údarú i gcomhréir le hAirteagal 8a den Treoir sin (IO L 335, 29.12.2022, lgh. 61–63).

Treoir (AE) 2022/2556 ó Pharlaimint na hEorpa agus ón gComhairle an 14 Nollaig 2022 lena leasaítear Treoracha 2009/65/CE, 2009/138/CE, 2011/61/AE, 2013/36/AE, 2014/59/AE, 2014/65/AE, (AE) 2015/2366 agus (AE) 2016/2341 maidir le hathléimneacht oibríochtúil dhigiteach don earnáil airgeadais (IO L 333, 27.12.2022, lgh. 153–163).

Rialachán (AE) 2022/2554 ó Pharlaimint na hEorpa agus ón gComhairle an 14 Nollaig 2022 maidir le hathléimneacht dhigiteach oibríochtúil don earnáil airgeadais agus lena leasaítear Rialacháin (CE) Uimh. 1060/2009, (AE) Uimh. 648/2012, (AE) Uimh. 600/2014, (AE) Uimh. 909/2014 agus (AE) 2016/1011 (IO L 333, 27.12.2022, lgh. 1–79).

Rialachán Tarmligthe (AE) 2021/923 ón gCoimisiún an 25 Márta 2021 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála lena leagtar amach na critéir chun freagracht bhainistíochta, feidhmeanna rialúcháin, aonaid ghnó ábhartha agus tionchar suntasach ar phróifíl riosca aonaid gnó ábhartha a shainiú, agus lena leagtar amach na critéir chun baill foirne nó catagóirí ball foirne a shainaithint a mbíonn tionchar ag a gcuid gníomhaíochtaí gairmiúla ar phróifíl riosca na hinstitiúide atá chomh hábhartha céanna le baill foirne nó catagóirí ball foirne dá dtagraítear in Airteagal 92(3) den Treoir sin (IO L 203, 9.6.2021, lgh. 1–7).

Rialachán cur chun Feidhme (AE) 2017/461 ón gCoimisiún an 16 Márta 2017 lena leagtar síos na caighdeáin theicniúla maidir le nósanna imeachta, foirmeacha agus teimpléid choiteanna don phróiseas comhairliúcháin maidir le héadálacha beartaithe gabháltas cáilitheach in institiúidí creidmheasa dá dtagraítear in Airteagal 24 de Rialachán (AE) Uimh. 2013/36/AE ó Pharlaimint na hEorpa agus ón gComhairle (IO L 72, 17.3.2017, lgh. 57–65).

Rialachán Tarmligthe (AE) 2017/180 ón gCoimisiún an 24 Deireadh Fómhair 2016 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála i ndáil le tagarmharcáil caighdeán measúnaithe punainne agus nósanna imeachta um chomhroinnt measúnuithe (IO L 29, 3.2.2017, lgh. 1–9).

Rialachán Cur Chun Feidhme (AE) 2016/2070 ón gCoimisiún an 14 Meán Fómhair 2016 lena leagtar síos na caighdeáin theicniúla cur chun feidhme maidir le teimpléid, sainmhínithe agus réitigh TF atá le húsáid ag institiúidí agus iad ag tuairisciú don Údarás Baincéireachta Eorpach agus d’údaráis inniúla de réir Airteagal 78(2) de Threoir 2013/36/AE ó Pharlaimint na hEorpa agus ón gComhairle (IO L 328, 2.12.2016, lgh. 1–1422).

Féach an leagan comhdhlúite.

Rialachán Tarmligthe ón gCoimisiún (AE) 2016/861 ón gCoimisiún an 18 Feabhra 2016 lena gceartaítear Rialachán Tarmligthe ón gCoimisiún (AE) Uimh. 528/2014 lena bhforlíontar Rialachán (AE) Uimh. 575/2013 ó Pharlaimint na hEorpa agus ón gComhairle maidir le caighdeáin theicniúla rialála le haghaidh priacal neamh-dheilte roghanna faoi réir an chur chuige caighdeánaithe maidir le priacal sa mhargadh agus lena gceartaítear Rialachán Tarmligthe (AE) Uimh. 604/2014 ón gCoimisiún lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála i leith critéir cháilíochtúla agus chainníochtúla iomchuí chun catagóirí foirne a shainaithint a bhfuil tionchar ábhartha ag a gcuid gníomhaíochtaí gairmiúla ar phróifíl priacail institiúide (IO L 144, 1.6.2016, lgh. 21–23).

Rialachán Cur chun Feidhme (AE) 2016/98 ón gCoimisiún an 16 Deireadh Fómhair 2015 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála chun na coinníollacha ginearálta maidir le feidhmiú coláistí maoirseoirí a shainiú (IO L 21, 28.1.2016, lgh. 2–20).

Rialachán Cur Chun Feidhme (AE) 2016/99 ón gCoimisiún an 16 Deireadh Fómhair 2015 lena leagtar síos caighdeáin theicniúla cur chun feidhme maidir le feidhmiú oibríochtúil na gcoláistí maoirseoirí a chinneadh de réir Threoir 2013/36/AE ó Pharlaimint na hEorpa agus ón gComhairle (IO L 21, 28.1.2016, lgh. 21–44).

Rialachán Cur chun Feidhme (AE) 1222/2014 ón gCoimisiún an 8 Deireadh Fómhair 2014 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála chun an mhodheolaíocht a shonrú chun institiúidí a bhfuil tábhacht shistéamach dhomhanda ag gabháil leo a shainaithint agus chun fochatagóirí institiúidí a bhfuil tábhacht shistéamach dhomhanda ag gabháil leo a shainiú (IO L 330, 15.11.2014, lgh. 27–36).

Féach an leagan comhdhlúite.

Rialachán Tarmligthe (AE) Uimh. 1151/2014 ón gCoimisiún an 4 Meitheamh 2014 lena bhforlíontar Treoir 2013/36/AE ó Pharlaimint na hEorpa agus ón gComhairle a mhéid a bhaineann le caighdeáin theicniúla rialála maidir leis an bhfaisnéis a mbeidh fógra le tabhairt ina leith agus an ceart bunaíochta agus an tsaoirse chun seirbhísí a sholáthar á bhfeidhmiú (IO L 309, 30.10.2014, lgh. 1–4).

Féach an leagan comhdhlúite.

Rialachán Tarmligthe (AE) 1152/2014 ón gCoimisiún an 4 Meitheamh 2014 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála i ndáil le suíomh geografach na risíochtaí creidmheasa ábhartha a shainaithint chun rátaí maolán caipitil frith–thimthriallach atá sainiúil don institiúid a ríomh (IO L 309, 30.10.2014, lgh. 5–8).

Rialachán cur chun Feidhme (AE) 926/2014 an 27 Lúnasa 2014 lena leagtar síos na caighdeáin theicniúla cur chun feidhme maidir leis na foirmeacha, teimpléid agus na nósanna imeachta caighdeánacha maidir leis an bhfaisnéis a bhfuil fógra le tabhairt ina leith agus an ceart bunaíochta agus an tsaoirse chun seirbhísí a sholáthar á bhfeidhmiú de réir Threoir 2013/36/AE ó Pharlaimint na hEorpa agus ón gComhairle (IO L 254, 28.8.2014, lgh. 2–21).

Féach an leagan comhdhlúite.

Rialachán Cur Chun Feidhme (AE) 710/2014 ón gCoimisiún an 23 Meitheamh 2014 lena leagtar síos caighdeáin theicniúla cur chun feidhme maidir le caighdeáin i ndáil leis na coinníollacha a bhaineann leis an gcinneadh comhpháirteach maidir le ceanglais stuamachta a bhaineann go sonrach le hinstitiúidí a chur i bhfeidhm de réir Threoir 2013/36/AE ó Pharlaimint na hEorpa agus ón gComhairle (IO L 188, 27.6.2014, lgh. 19–59).

Rialachán cur chun Feidhme (AE) 650/2014 an Dé Céadaoin 4 Meitheamh 2014 lena leagtar síos na caighdeáin theicniúla cur chun feidhme maidir le caighdeáin i ndáil le formáid, struchtúr, liosta ábhar agus dáta foilseacháin bliantúil na faisnéise atá le nochtadh ag údaráis inniúla de réir Threoir 2013/36/AE ó Pharlaimint na hEorpa agus ón gComhairle (IO L 185, 25.6.2014, lgh. 1–50).

Féach an leagan comhdhlúite.

Rialachán Cur Chun Feidhme (AE) 620/2014 ón gCoimisiún an 4 Meitheamh 2014 lena leagtar síos caighdeáin theicniúla cur chun feidhme maidir le caighdeáin maidir le caighdeáin i ndáil le malartú faisnéise idir údaráis inniúla na mBallstát baile agus údaráis inniúla na mBallstát aíochta de réir Threoir 2013/36/AE ó Pharlaimint na hEorpa agus ón gComhairle (IO L 172, 12.6.2014, lgh. 1–25).

Rialachán Tarmligthe (AE) 527/2014 ón gCoimisiún an 12 Márta 2014 lena bhforlíontar Treoir 2013/36/AE ó Pharlaimint na hEorpa agus ón gComhairle maidir le caighdeáin theicniúla rialála maidir le caighdeáin theicniúla rialála lena sonraítear aicmí na n–ionstraimí a léiríonn go leordhóthanach cáilíocht chreidmheasa an ghnólachta infheistíochta mar ghnóthas leantach agus socruithe malartacha féideartha is iomchuí a úsáid chun críocha luach saothair inathraithe (IO L 148, 20.5.2014, lgh. 21–28).

Rialachán Tarmligthe (AE) Uimh. 524/2014 ón gCoimisiún an Dé Céadaoin 12 Márta 2014 lena bhforlíontar Treoir 2013/36/AE ó Pharlaimint na hEorpa agus ón gComhairle a mhéid a bhaineann le caighdeáin theicniúla rialála lena sonraítear an fhaisnéis a sholáthraíonn údaráis inniúla na mBallstát baile agus údaráis inniúla na mBallstát aíochta dá chéile (IO L 148, 20.5.2014, lgh. 6–14).

Rialachán Tarmligthe (AE) Uimh. 530/2014 ón gCoimisiún an 12 Márta 2014 lena bhforlíontar Treoir 2013/36/AE ó Pharlaimint na hEorpa agus ón gComhairle a mhéid a bhaineann le caighdeáin theicniúla rialála lena sonraítear tuilleadh risíochtaí ábhartha agus tairseacha le haghaidh cuir chuige inmheánacha i leith riosca sonrach sa leabhar trádála (IO L 148, 20.5.2014, lgh. 50–51).

Rialachán (AE) Uimh. 575/2013 ó Pharlaimint na hEorpa agus ón gComhairle an 26 Meitheamh 2013 maidir le ceanglais stuamachta i gcomhair institiúidí infheistíochta agus gnólachtaí infheistíochta agus lena leasaítear Rialachán (AE) Uimh. 648/2012 (IO L 176, 27.6.2013, lgh. 1–337).

Féach an leagan comhdhlúite.

Rialachán (AE) Uimh. 648/2012 ó Pharlaimint na hEorpa agus ón gComhairle an 4 Iúil 2012 maidir le díorthaigh thar an gcuntar, contrapháirtithe lárnacha agus stórtha trádála (IO L 201, 27.7.2012, lgh. 1–59).

Féach an leagan comhdhlúite.

Nuashonraithe 20.06.2023