This document is an excerpt from the EUR-Lex website
Criminal sanctions for market abuse
Smachtbhannaí coiriúla don drochúsáid mhargaidh
Smachtbhannaí coiriúla don drochúsáid mhargaidh
Smachtbhannaí coiriúla don drochúsáid mhargaidh
Féachtar leis an reachtaíocht seo de chuid an Aontais Eorpaigh (AE) sláine mhargaí airgeadais na hEorpa a fheabhsú.
ACHT
Treoir 2014/57/AE ó Pharlaimint na hEorpa agus ón gComhairle maidir le smachtbhannaí coiriúla don drochúsáid mhargaidh (an treoir maidir le drochúsáid mhargaidh).
ACHOIMRE
Drochúsáid a bhaineann le margaí airgeadais, mar shampla nuair a dhéanann rannpháirtithe margaidh eolas bréagach faoi phraghsanna táirgí airgeadais a scaipeadh, féadfaidh an drochúsáid seo an-dochar a dhéanamh do thomhaltóirí, d’infheisteoirí agus don gheilleagar i gcoitinne.
Leagtar síos san acht seo smachtbhannaí coiriúla don drochúsáid mhargaidh is tromchúisí, drochúsáid a ndéantar d’aon ghnó. Ba cheart go gcuirfí na rialacha nua i bhfeidhm faoi dheireadh mhí Iúil 2016 i mBallstáit uile AE.
PRÍOMHPHOINTÍ
1. | Smachtbhannaí le haghaidh daoine (daoine nádúrtha) - téarmaí príosúnachta |
Faoi na rialacha nua, gearrtar téarma príosúnachta ceithre bhliain ar a laghad ar thrádáil chos istigh agus ar chúbláil mhargaidh, ar dhá phríomhchineál de dhrochúsáid mhargaidh iad.
Is é atá i gceist le cúbláil mhargaidh ná na praghsanna atá ar tháirgí airgeadais a chúbláil go saorga. Mar shampla, nuair a dhéanann duine éigin eolas bréagach maidir le soláthar, le héileamh nó le praghas táirge airgeadais a scaipeadh.
Is é atá i gceist letrádáil chos istigh ná nuair a dhéanann duine éigin táirge airgeadais a thrádáil a bhfuil rochtain aige nó aici ar “eolas ón taobh istigh”. Is eolas faoi rún an t-eolas seo, a bhaineann leis an táirge airgeadais á thrádáil nó leis an chuideachta a chuir an táirge ar an mhargadh. An toradh ná go mbíonn buntáiste míchuí ag an duine seo.
Meastar gur chion an “t-eolas ón taobh istigh”a nochtadh go neamhdhlíthiúil, cion a ngearrtar téarma príosúnachta dhá bhliain nó níos mó ina leith. Tarlaíonn sé seo nuair a dhéanann duine éigin “eolas ón taobh istigh” a nochtadh do dhaoine eile, ach amháin má dhéantar an t-eolas sin a nochtadh mar ghnáthfheidhmiú gairme.
2. | Smachtbhannaí le haghaidh cuideachtaí faoi dhliteanas (daoine dlítheanacha) |
Déantar foráil sna rialacha d’fhíneálacha coiriúla nó neamhchoiriúla a chur ar chuideachtaí a gcuirtear faoi dhliteanas as cionta drochúsáide margaí. Féadfar smachtbhannaí eile a chur i bhfeidhm, amhail cuideachta a dhícháiliú go sealadach nó go buan ó ghníomhaíochtaí tráchtála a chleachtadh.
De bhreis ar na rialacha nua seo, glacadh le Rialachán (AE) Uimh. 596/2014 a thacaíonn leis na smachtbhannaí riaracháin ar féidir a fhorchur le haghaidh drochúsáide margaí. Tacaíonn an rialachán chomh maith le cumhachtaí imscrúdaitheacha na rialtóirí náisiúnta, cumhachtaí a bhaineann le drochúsáid margaí airgeadais a aimsiú.
TAGAIRTÍ
Acht |
Teacht i bhfeidhm |
Spriocdháta don trasuí sna Ballstáit |
Iris Oifigiúil |
Treoir 2014/57/AE |
2.7.2014 |
3.7.2016 |
IO L 173, 12.6.2014, lch. 179-189 |
ACHTANNA GAOLMHARA
Rialachán (AE) Uimh. 596/2014 ó Pharlaimint na hEorpa agus ón gComhairle maidir le drochúsáid mhargaidh (an rialachán maidir le drochúsáid mhargaidh) agus lena n-aisghairtear Treoir 2003/6/CE ó Pharlaimint na hEorpa agus ón gComhairle agus Treoracha 2003/124/CE, 2003/125/CE agus 2004/72/CE ón gCoimisiún [Iris Oifigiúil L 173, 12.6.2014, lch. 1-61].
Nuashonraithe 04.08.2014