Leagtar síos sa rialachán AE sin rialacha comhchuibhithe maidir le cur ar fáil, tabhairt isteach, seilbh agus úsáid réamhtheachtaithe pléascán — substaintí a d’fhéadadh mí-úsáid a bhaint astu le haghaidh monarú aindleathach pléascán. Tá sé mar aidhm leis sin teorainn a chur ar a bhfáil ag an bpobal i gcoitinne agus a áirithiú go ndéanfar tuairisciú cuí ar idirbhearta amhrasacha, ar ghabháil ar iarraidh shuntasach agus gadaíocht shuntasach, síos tríd an slabhra soláthair.

Níor clúdaítear iomlán AE sna bearta a rinneadh roimhe ná níor tugadh na rioscaí slándála a bhaineann leis na ceimiceáin sin san áireamh.

PRÍOMHPHOINTÍ

Comhchreat

Cuirtear comhchreat i bhfeidhm leis an Rialachán sin le rialacha Bhallstáit AE a chomhchuibhiú maidir le rochtain ar réamhtheachtaithe pléascán ar leith agus le leibhéal feabhsaithe slándála poiblí fud fad an Aontais Eorpaigh a áirithiú.

Raon feidhme

Tá raon feidhme an Rialacháin teoranta do dhá ghearrliosta substaintí (Iarscríbhinní I agus II) is mó cúram.

Tá liosta in Innéacs I de na réamhtheachtaithe pléascán atá srianta faoi réir an toirmisc. Tá an pobal i gcoitinne toirmiscthe ó na substaintí sin a fháil, a thabhairt isteach, a bheith ina seilbh nó a úsáid i dtiúchan thar na substaintí sin atá leagtha síos san iarscríbhinn.

Ina theannta sin, forchuirtear leis an rialachán dualgas ar oibreoirí eacnamaíocha aon idirbhearta amhrasacha a thuairisciú, chomh maith le haon imeacht nó gadaíocht shuntasach, a bhaineann le substaintí nó meascáin atá liostaithe in Iarscríbhinní I agus II araon. Ní foláir idirbhearta amhrasacha a thuairisciú do na pointí náisiúnta teagmhála mar atá sainithe ag údaráis na mBallstát.

Córas ceadúnúcháin nó cláraithe

Tá sé de rogha ag tíortha AE aonair córas ceadúnúcháin nó clárúcháin a chothabháil nó a bhunú:

le córas ceadúnúcháin ceadaítear dóibh ceadúnais a eisiúint do bhaill den phobal a bhfuil riachtanas dleathach acu réamhtheachtaithe pléascán srianta a fháil, a thabhairt isteach, a bheith ina seilbh nó a úsáid; agus
éilítear le córas clárúnúcháin ar dhíoltóirí 3 cinn de na réamhtheachtaithe pléascán srianta atá ar fáil don phobal i gcoitinne clár de gach idirbheart a choinneáil de réir socruithe sonracha.

Aisghairm

Aisghairtear Rialachán (AE) Uimh. 98/2013 le Rialachán (AE) 2019/1148 (féach achoimre) amhail an 31 Eanáir 2021.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón Dé Máirt 2 Meán Fómhair 2014.

PRÍOMHDHOICIMÉAD

Rialachán (AE) Uimh 98/2013 ó Pharlaimint na hEorpa agus ón gComhairle an 15 Eanáir 2013 maidir le margú agus úsáid réamhtheachtaithe pléascán (IO L 39, 9.2.2013, lgh. 1-11)

Rinneadh leasuithe comhleanúnacha ar Rialachán (AE) Uimh. 98/2013 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.