Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Ar mhaithe le hathbheochan thionsclaíoch Eorpach

Legal status of the document This summary has been archived and will not be updated, because the summarised document is no longer in force or does not reflect the current situation.

Date of last review:
11/06/2014
Author:
Oifig Foilseachán an Aontais Eorpaigh
Archived:
true
Summarised document(s):

Ar mhaithe le hathbheochan thionsclaíoch Eorpach

Tá sraith tograí molta ag an Choimisiún Eorpach maidir le conas is féidir bonn tionsclaíoch aon Aontais Eorpaigh (AE) a nuachóiriú chun iomaíochas agus fás eacnamaíoch AE a spreagadh.

ACHT

Teachtaireacht ón gCoimisiún chuig Parlaimint na hEorpa, chuig an gComhairle, chuig Coiste Eacnamaíoch agus Sóisialta na hEorpa agus chuig Coiste na Réigiún: Ar mhaithe le hAthbheochan Thionsclaíoch Eorpach (COM(2014) 14 final an 22 Eanáir 2014 - Gan a bheith foilsithe san Iris Oifigiúil).

ACHOIMRE

Sna tograí mionsonraithe beartais seo, iarrann an Coimisiún Eorpach ar Bhallstáit AE príomhthábhacht an tionscail a aithint a bhaineann le hiomaíochas agus le fás eacnamaíoch a spreagadh ar fud an AE. Ceapadh na tograí mar chomhartha soiléir de ghealltanas AE chun bonn tionsclaíoch na hEorpa a nuachóiriú.

Cuimsítear raon leathan réimsí sna tograí, lena n-áirítear:

  • bearta a ghlacadh sa mhargadh inmheánach agus ar leibhéal idirnáisiúnta chun rochtain ar fhuinneamh agus ar amhábhair ar phraghsanna réasúnta a chinntiú, praghsanna a léiríonn coinníollacha idirnáisiúnta;
  • cistiúchán AE agus cistiúchán náisiúnta a chur le chéile chun leanúint de chuspóirí nuála, infheistíochta agus aththionsclaíochta;
  • é a dhéanamh níos éasca do ghnólachtaí AE (fiontair bheaga agus mheánmhéide (FBManna) go háirithe) margaí domhanda a rochtain, agus coinníollacha iomaíochta níos fearr curtha i bhfeidhm.

An bonneagar a fhorbairt

Ceann de na réimsí tosaíochta a shonraítear i gconclúidí an Choimisiúin ná an bonneagar a fhorbairt. Is é atá i gceist anseo ná timpeallacht tharraingteach a chruthú do chuideachtaí agus don táirgeadh. Is mian leis an Choimisiún go gcuirfeadh an AE bearta agus reachtaíocht i bhfeidhm sna réimsí seo a leanas: gréasáin faisnéise, fuinnimh, iompair, spáis agus cumarsáide digití. Cruthaíonn an Coimisiún go gcuirfear isteach ar iomaíochas todhchaíoch AE mura ndéantar bonneagar dá leithéid a sholáthar láithreach.

Cearta maoine intleachtúla a chosaint

Baineann sraith tograí eile le cearta maoine intleachtúla. Bíonn an t-iomaíochas bunaithe go minic ar bhuntáiste an cheannródaí agus ar bhrandáil agus, mar sin, tá sé níos tábhachtaí do chuideachtaí AE a gcearta maoine intleachtúla a chosaint sna margaí ábhartha uile, go háirithe i dtionscail na cruthaitheachta ina bhfuil an góchumadh ina fhadhb thromchúiseach. Síníodh gréasán an Choimisiúin um dheasca cabhrach maoine intleachtúla chuig Comhlachas Náisiúin na hÁise Thoir Theas agus chuig an Chómhargadh Theas (Meiriceá Theas) cheana féin chun seirbhísí a chur ar fáil ar fud limistéar geografach níos leithne. Meastar faoi láthair chomh maith ar a leithéid de sheirbhísí tacaíochta a chur ar fáil i limistéir eile ar domhan.

Tá tuilleadh faisnéise le fáil anseo thíos:

Nuashonrú is déanaí: 11.06.2014

Top