This document is an excerpt from the EUR-Lex website
Business registers for statistical purposes
Cláir ghnó chun críocha staidrimh
Cláir ghnó chun críocha staidrimh
This summary has been archived and will not be updated. See
'Staidreamh gnó Eorpach'
for an updated information about the subject.
- Date of last review:
- 07/11/2016
- Author:
- Oifig Foilseachán an Aontais Eorpaigh
- Archived:
-
true
- Summarised document(s):
- Summary code:
-
- 19.99.00.00 Achoimrí ón gcartlann
- EUROVOC descriptor:
- Directory code:
Cláir ghnó chun críocha staidrimh
ACHOIMRE AR:
Rialachán (CE) Uimh. 177/2008 — rialacha caighdeánacha le haghaidh staidreamh gnó
CAD IS AIDHM LEIS AN RIALACHÁN?
Is é is aidhm leis an rialachán seo lena n-aisghairtear Rialachán (CEE) Uimh. 2186/93 agus a chuirtear ina ionad, rialacha caighdeánacha a leagan síos le haghaidh cláir ghnó staidrimh* i ngach tír AE, lena áirithiú go dtiomsaíonn siad sonraí iontaofa agus inchomparáide a chuideoidh le hinstitiúidí AE anailís a dhéanamh ar ghníomhaíocht ghnó san Eoraip.
PRÍOMHPHOINTÍ
Ní mór do gach tír AE 1 chlár gnó staidrimh caighdeánaithe amháin ar a laghad a bhunú ina mbeidh na haonaid staidrimh seo a leanas:
- gach cuideachta a rannchuidíonn le holltáirgeacht intíre na tíre AE ina bhfuil siad bunaithe agus a gcuid aonaid áitiúla (amhail trádstóras, monarcha nó ceardlann);
- na “haonaid dhlíthiúla” (daoine, eagraíochtaí, etc.) arbh ionann iad agus aonad staidrimh;
- grúpaí ilnáisiúnta (i.e. na grúpaí sin ina bhfuil 2 aonad dhlíthiúla ar a laghad lonnaithe i dtíortha difriúla);
- gach aonad dlíthiúil de ghrúpa ilnáisiúnta atá bunaithe sa tír sin;
- grúpaí atá bunaithe go hiomlán (gach cuideachta) sa tír sin (“grúpaí uile-chónaitheach”).
Chun tuilleadh sonraí a fháil faoi na haonaid sin, agus a sainmhíniú beacht, féach an Iarscríbhinn i Rialachán (CEE) Uimh. 696/93.
Oibleagáidí náisiúnta
Ní mór do gach tír AE:
- a áirithiú go dtugann a gclár gnó staidrimh sonraí iontaofa, cruinn agus cothrom le dáta (agus é sin a léiriú i dtuarascáil má iarrann oifig staidrimh AE, Eurostat, é sin orthu);
- a gcuid clár a thabhairt cothrom le dátauair amháin sa bhliain ar a laghad (iontrálacha agus aistrithe);
- anailísí staidrimh a dhéanamh ag úsáid sonraí ina gcuid clár agus iad sin a sheoladh chuig an gCoimisiún.
Oibleagáidí an Choimisiúin Eorpaigh
- Tá lámhleabhar moltaí do chláir ghnó le foilsiú ag an gCoimisiún Eorpach, le haghaidh údarás náisiúnta, chun míniú a thabhairt ar shonraí an Rialacháin agus conas é a chur i bhfeidhm.
CÉN UAIR ATÁ TOSACH FEIDHME AN RIALACHÁIN?
Tá sé i bhfeidhm ón 25 Márta 2008.
CÚLRA
Chun tuilleadh faisnéise a fháil, féach:
- Córas na gCuntas Náisiúnta a Fhorbairt - clár gnó agus rangú staidrimh ar láithreán gréasáin Eurostat.
* PRÍOMHTHÉARMAÍ
Cláir ghnó: bunachair shonraí a úsáidtear chun staidreamh gnó a ullmhú. Tá liostaí iontu d'aonaid staidrimh ina mapáiltear na gníomhaithe ábhartha go léir sa gheilleagar, e.g. cuideachtaí, comhlachtaí poiblí agus neamhbhrabúis. Taifeadann siad freisin faisnéis maidir le hathruithe ar chomhdhéanamh na n-aonad sin (cuideachtaí nuathionscanta, dúnadh agus aon athruithe a tharlaíonn, mar shampla, trí bhíthin cumasc, táthcheangal nó athstruchtúrú), fostaíocht, láimhdeachas etc.
PRÍOMHDHOICIMÉAD
Rialachán (CE) Uimh. 177/2008 ó Pharlaimint na hEorpa agus ón gComhairle an 20 Feabhra 2008 lena mbunaítear creat coiteann le haghaidh clár gnó chun críocha staidrimh agus lena n-aisghairtear Rialachán ón gComhairle (CEE) Uimh. 2186/93 (IO L 61, 5.3.2008, lgh. 6-16)
DOICIMÉID GHAOLMHARA
Rialachán (CEE) 696/93 ón gComhairle an 15 Márta 1993 maidir leis na haonaid staidrimh chun breathnú ar an gcóras táirgthe sa Chomhphobal agus chun anailís a dhéanamh air (IO L 76, 30.3.1993, lgh. 1-11)
Rinneadh leasuithe comhleanúnacha ar Rialachán Uimh. 693/93 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin
Tuarascáil ón gCoimisiún chuig Parlaimint na hEorpa agus chuig an gComhairle maidir le cur i bhfeidhm Rialachán (CE) Uimh. 177/2008 an 20 Feabhra 2008 lena mbunaítear creat coiteann le haghaidh clár gnó chun críocha staidrimh agus lena n-aisghairtear Rialachán ón gComhairle (CEE) Uimh. 2186/93 (COM(2015) 90 final, 5.3.2015)
Nuashonraithe 07.11.2016
