Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Faireachas eacnamaíoch ar thíortha limistéar an euro a bhfuil deacrachtaí buiséadacha acu

    Date of last review:
    07/04/2014
    Author:
    Oifig Foilseachán an Aontais Eorpaigh
    Summarised document(s):

    Faireachas eacnamaíoch ar thíortha limistéar an euro a bhfuil deacrachtaí buiséadacha acu

    Dearadh an rialachán seo chun faireachas eacnamaíoch agus buiséadach a spreagadh a dhéantar ar thíortha limistéar an euro a bhfuil deacrachtaí tromchúiseacha acu nó a bhfuil deacrachtaí tromchúiseacha ag bagairt orthu i ndáil lena gcobhsaíocht airgeadais.

    GNÍOMH

    Rialachán (AE) Uimh. 472/2013 ó Pharlaimint na hEorpa agus ón Chomhairle an 21 Bealtaine 2013 maidir le neartú ar an bhfaireachas eacnamaíoch agus buiséadach ar Bhallstáit sa limistéar euro a bhfuil deacrachtaí tromchúiseacha acu nó a bhfuil deacrachtaí tromchúiseacha ag bagairt orthu i ndáil lena gcobhsaíocht airgeadais.

    ACHOIMRE

    Cuireadh an rialachán i bhfeidhm i mí na Bealtaine 2013 agus cuireann sé le rialacha reatha an Aontais Eorpaigh (AE) a bhaineann le faireachas buiséadach agus maicreacnamaíoch.

    Cuirtear an rialachán i bhfeidhm ar na Ballstáit AE ina n-úsáidtear an euro mar airgeadra (a dtugtar tíortha limistéar an euro orthu), a bhfuil deacrachtaí tromchúiseacha buiséadacha os a gcomhair a d’fhéadfadh éagobhsaíocht airgeadais a spreagadh. Mar shampla, b’fhéidir go bhfuil sé deacair ar na tíortha a bhfiachas náisiúnta a laghdú chuig leibhéil inbhuanaithe nó iasachtaí ar phraghas réasúnta a fháil. An príomhchuspóir ná cobhsaíocht limistéar an euro a áirithiú trí éifeachtaí diúltacha féideartha ar thíortha eile limistéar an euro a sheachaint.

    Cuirtear é i bhfeidhm mar sin ar thíortha limistéar an euro a chuireann iarratas isteach ar chúnamh airgeadais nó a fhaigheann cúnamh airgeadais ó Bhallstáit AE, ó thíortha neamh-AE, ó mheicníochtaí cobhsaíochta AE nó ó institiúidí airgeadais idirnáisiúnta.

    Clúdaítear trí chineál dlúthfhaireachais sa rialachán:

    1.

    Faireachas feabhsaithe/atreisithe: cuirtear é seo i bhfeidhm ar thír limistéar an euro a bhfuil deacrachtaí buiséadacha aici nuair a bhfuil baol ann go gcuirfeadh tionchair dhiúltacha isteach ar thíortha eile limistéar an euro (toisc idirthuilleamaíocht a gcuid margaí, le haghaidh caipitil ach go háirithe). Sa chás seo, tugann tír limistéar an euro lena mbaineann faisnéis bhreise don Choimisiún maidir lena buiséad. Téann an tír i mbun oibre leis an Choimisiún ansin chun bealaí a aimsiú lenar féidir airgeadas poiblí na tíre a fheabhsú. Is féidir leis an Choimisiún cinneadh a dhéanamh gach sé mhí faoi cibé an leanfar nó nach leanfar ar aghaidh leis an chomhar sin.

    2.

    Clár coigeartaithe maicreacnamaíoch: cuirtear an clár seo i bhfeidhm ar na tíortha a fhaigheann cúnamh airgeadais (m.sh. iasachtaí). Baineann coinníollacha de ghnáth leis an chúnamh airgeadais a íoc amach leis an tír limistéar an euro lena mbaineann. Ní mór go mbeadh na coinníollacha seo i gcomhréir leis an chlár coigeartaithe maicreacnamaíoch, clár a cheadaítear ag an Chomhairle tar éis togra a fháil ón tír lena mbaineann. An cuspóir anseo ná cabhrú leis an tír limistéar an euro feabhas a chur ar a cuid airgeadais phoiblí freisin.

    3.

    Faireachas iarchláir: tar éis do thráinsí uile an chúnaimh airgeadais a bheith íoctha amach, déantar faireachas iarchláir ar an tír limistéar an euro lena mbaineann (go dtí go mbeidh 75 % den chúnamh airgeadais ar a laghad aisíoctha). Sa chás seo, tugann an Coimisiún cuairt go rialta ar an tír lena mbaineann, agus idirchaidreamh á dhéanamh aige leis an Bhanc Ceannais Eorpach. Tugann an tír sin tuairisc don Choimisiún faoin mhéid atá á dhéanamh aici chuig a chuid airgeadais phoiblí a fheabhsú. Más gá, is féidir leis an Choimisiún moladh a thabhairt don Chomhairle gur cheart go nglacfaí le bearta breise sa tír lena mbaineann.

    TAGAIRTÍ

    Gníomh

    Teacht i bhfeidhm

    Spriocdháta don trasuí sna Ballstáit

    Iris Oifigiúil

    Rialachán (AE) Uimh. 472/2013

    30.5.2013.

    -

    IO L 140, 27.5.2013

    GNÍOMHARTHA GAOLMHARA

    Rialachán (AE) Uimh. 473/2013 ó Pharlaimint na hEorpa agus ón Chomhairle an 21 Bealtaine 2013 maidir le forálacha coiteanna le haghaidh faireacháin agus measúnaithe ar dhréachtphleananna buiséadacha agus lena n-áirithítear easnamh iomarcach na mBallstát sa limistéar euro a cheartú (IO L 140, 27.5.2013).

    Rialachán Tarmligthe (AE) Uimh. 877/2013 ón Choimisiún an 27 Meitheamh 2013 lena bhforlíontar Rialachán (AE) Uimh. 473/2013 an 21 Bealtaine 2013 maidir le forálacha coiteanna le haghaidh faireacháin agus measúnaithe ar dhréachtphleananna buiséadacha agus lena n-áirithítear easnamh iomarcach na mBallstát sa limistéar euro a cheartú (IO L 244, 13.9.2013).

    Teachtaireacht ón Choimisiún maidir le dá liosta d’ionstraimí cúnaimh airgeadais faoi Rialachán (AE) Uimh. 472/2013 (IO C 300, 16.10.2013).

    Nuashonrú is déanaí: 04.04.2014

    Top