This document is an excerpt from the EUR-Lex website
State aid: environmental protection and energy
Státchabhair: cosaint an chomhshaoil agus fuinneamh
Státchabhair: cosaint an chomhshaoil agus fuinneamh
This summary has been archived and will not be updated, because the summarised document is no longer in force or does not reflect the current situation.
- Date of last review:
- 06/09/2019
- Author:
- Oifig Foilseachán an Aontais Eorpaigh
- Responsible entity(ies):
- Ard-Stiúrthóireacht na hIomaíochta
- Archived:
-
true
- Summarised document(s):
- Summary code:
-
- 08.99.00.00 Achoimrí ón gcartlann
- EUROVOC descriptor:
- Directory code:
Státchabhair: cosaint an chomhshaoil agus fuinneamh
ACHOIMRE AR:
CAD IS AIDHM LEIS NA TREOIRLÍNTE?
Rialacha nua is ea iad na treoirlínte seo de chuid an Choimisiúin Eorpaigh maidir le tacaíocht phoiblí do chosaint an chomhshaoil agus d’fhuinneamh chun cabhrú le foinsí inathnuaite fuinnimh dul isteach sa mhargadh Is é is aidhm leo tacú le tíortha AE a spriocanna aeráide 2020 a bhaint amach agus aghaidh a thabhairt ar an saobhadh margaidh a d’fhéadfadh teacht as fóirdheontais a dheonaítear d’fhoinsí fuinnimh inathnuaite.
PRÍOMHPHOINTÍ
Ar spriocanna 2020 AE áirítear 3 sprioc aeráide, mar a leanas:
- astaíochtaí gás ceaptha teasa a bheith 20% (nó 30% fiú, má bhíonn na dálaí ceart) níos ísle ná leibhéil 1990;
- 20% d’fhuinneamh ó fhoinsí inathnuaite; agus
- méadú 20% ar éifeachtúlacht fuinnimh.
Ag bogadh i dtreo comharthaí margaidh
Le blianta beaga anuas, tacaíodh go mór le foinsí fuinnimh inathnuaite trí tharaifí seasta. Spreag sé sin fás inathnuaite sa mheascán fuinnimh* agus chuir sé an tAontas Eorpach ar an mbóthar ceart chun a sprioc inathnuaite 20% a bhaint amach.
Mar sin féin, tá an cineál sin tacaíochta tar éis an earnáil inathnuaite a chosaint ó chomharthaí praghais (a thagann le coinníollacha soláthair agus éilimh faoi ghnáth-imthosca) agus dá dheasca sin tharla saobhadh margaidh. Go sonrach, gineadh leictreachas ó fhoinsí inathnuaite fuinnimh beag beann ar an éileamh iarbhír margaidh. Go deimhin, sháraigh sé cineálacha eile giniúna a bhraitheann go hiomlán ar phraghas an mhargaidh chun oibriú ar bhonn eacnamaíoch.
De réir mar a aibíonn teicneolaíochtaí fuinnimh inathnuaite agus nuair a bhíonn sciar suntasach den mhargadh lena dtáirgeadh, beidh ar an earnáil dul in oiriúint do chomharthaí margaidh (i.e. treochtaí margaidh a léirmhíniú) agus ba cheart go bhfreagródh méideanna cabhrach do chostais táirgthe atá ag titim.
Teorainneacha
Tá sé mar aidhm leis na treoirlínte úra dá bhrí sin tacaíocht Státchabhrach a theorannú go dtí an méid is gá go díreach. Déanfar é sin go páirteach trí ghluaiseacht de réir a chéile ó tharaifí ar sholáthar leictreachais* go próisis tairisceana iomaíocha* chun tacaíocht phoiblí a leithdháileadh. Le Céim phíolótach in 2015 agus 2016 beidh tíortha AE ábalta nósanna imeachta tairisceana iomaíocha a thástáil i sciar beag dá n–acmhainn nua leictreachais.
Bonneagar
Áirítear leis na treoirlínte nua critéir chun tacú le bonneagar fuinnimhfreisin, ag díriú ar thionscadail a fheabhsaíonn sreafaí fuinnimh trasteorann agus a chuireann bonneagar chun cinn i réigiúin bheagfhorbartha AE.
CÉN UAIR ATÁ TOSACH FEIDHME NA DTREOIRLÍNTE?
Tá na treoirlínte i bhfeidhm ón 1 Iúil 2014 agus beidh siad bailí go dtí deireadh 2020.
CÚLRA
Le haghaidh tuilleadh faisnéise, féach:
- Treoirlínte um Státchabhair Fuinnimh agus Comhshaoil — Ceisteanna coitianta (An Coimisiún Eorpach).
PRÍOMHTHÉARMAÍ
PRÍOMHDHOICIMÉAD
Teachtaireacht ón gCoimisiún — Treoirlínte maidir le Státchabhair i ndáil le cosaint an chomhshaoil agus fuinneamh 2014-2020 (IO C 200, 28.6.2014, lgh. 1-55)
Nuashonraithe 06.09.2019
