EUR-Lex Access to European Union law
This document is an excerpt from the EUR-Lex website
Adapting EU trade defence measures following a WTO ruling
Bearta cosanta trádála a oiriúnú i ndiaidh rialú EDT
Bearta cosanta trádála a oiriúnú i ndiaidh rialú EDT
- Date of last review:
- 14/02/2017
- Author:
- Oifig Foilseachán an Aontais Eorpaigh
- Summarised document(s):
- Summary code:
-
- 07.07.01.01 An tAontas Eorpach agus an Eagraíocht Dhomhanda Trádála
- EUROVOC descriptor:
- Directory code:
-
- 11.60.40.20 Caidreamh seachtrach / Beartas trachtála / Cosaint trádála / Bearta i gcoinne dumpála
Bearta cosanta trádála a oiriúnú i ndiaidh rialú EDT
ACHOIMRE AR:
CAD IS AIDHM LEIS AN RIALACHÁN?
- Aisghairtear leis Rialachán (CE) Uimh. 1515/2001 maidir leis na bearta ar féidir leis an Aontas Eorpach (AE) glacadh leo tar éis tuarascála a ghlac an Comhlacht um Réiteach Díospóidí de chuid na hEagraíochta Domhanda Trádála (EDT) maidir le hábhair frithdhumpála agus frith-fhóirdheontais.
- Faoin rialachán seo, tugtar cead don Aontas Eorpach, más iomchuí, beart a glacadh faoi Rialachán (CE) Uimh. 1225/2009 (bearta frithdhumpála*) nó faoi Rialachán (CE) Uimh. 597/2009 (bearta frith-fhóirdheontais*) a chur i gcomhréir le tuarascáil ón gComhlacht um Réiteach Díospóidí de chuid EDT.
PRÍOMHPHOINTÍ
Go sonrach, féadfaidh an Coimisiún Eorpach:
- an beart a bhfuil easaontas ann faoi a aisghairm nó a leasú; nó
- glacadh le haon bheart speisialta cur chun feidhme eile a mheastar go bhfuil sé iomchuí sna himthosca chun cloí le tuarascáil EDT;
- más iomchuí, bearta dá leithéid a chur ar fionraí nó athbhreithniú a dhéanamh orthu.
Bíonn éifeacht ag na bearta a nglactar leo faoin rialachán seo ón dáta a thagann siad i bhfeidhm de ghnáth.
CÉN UAIR ATÁ TOSACH FEIDHME AN RIALACHÁIN?
Tá sé i bhfeidhm ó 16 Aibreán, 2015 ar aghaidh.
CÚLRA
Má mheastar sa rialtas de bhall EDT go bhfuil comhaontú nó gealltanas leis an Eagraíocht Dhomhanda Trádála á shárú ag ball EDT eile, tarchuirfear an díospóid chuig Comhlacht um Réiteach Díospóidí an EDT.
* PRÍOMHTHÉARMAÍ
Bearta frithdhumpála: bearta, m.sh. dleachtanna sonracha, a chuirtear i bhfeidhm ar allmhairithe “táirgí dumpáilte” isteach in AE, .i. táirgí a allmhairítear isteach in AE ar phraghas atá níos ísle ná an praghas a ghearrtar orthu sa mhargadh intíre.
Bearta frith-fhóirdheontais: bearta, m.sh. dleachtanna frithchúitimh (lena gcuirtear éifeachtaí diúltacha fóirdheontas ó éifeacht), a fhorchuirtear ag AE ar allmhairithe fóirdheontais agus a dhéanann dochar mar sin don tionscal AE a bhfuil an táirge céanna á dhéanamh aige.
PRÍOMHDHOICIMÉAD
Rialachán (AE) 2015/476 ó Pharlaimint na hEorpa agus ón gComhairle an 11 Márta 2015 maidir leis na bearta a fhéadfaidh an tAontas a ghlacadh tar éis tuarascála a ghlac Comhlacht um Réiteach Díospóide EDT maidir le hábhair frithdhumpála agus ábhair frith-fhóirdheontais (IO L 83, 27.3.2015, lgh. 6-10)
Nuashonraithe 13.02.2017
