EUR-Lex Access to European Union law
This document is an excerpt from the EUR-Lex website
Research Executive Agency (2014-20)
An Ghníomhaireacht Feidhmiúcháin Taighde (2014-20)
An Ghníomhaireacht Feidhmiúcháin Taighde (2014-20)
This summary has been archived and will not be updated. See
'Cláir AE — gníomhaireachtaí'
for an updated information about the subject.
- Date of last review:
- 23/07/2014
- Author:
- Oifig Foilseachán an Aontais Eorpaigh
- Archived:
-
true
- Summarised document(s):
- Summary code:
-
- 01.99.00.00 Achoimrí ón gcartlann
- EUROVOC descriptor:
- Directory code:
An Ghníomhaireacht Feidhmiúcháin Taighde (2014-20)
Bunaítear leis an gCinneadh cur chun feidhme seo ón gCoimisiún an Ghníomhaireacht Feidhmiúcháin Taighde (REA). Tá sí suite sa Bhruiséil. Tá sé mar aidhm aici éifeachtúlacht agus tionchar chláir um thaighde agus um nuálaíocht an Aontais Eorpaigh (AE) a uasmhéadú.
GNÍOMH
Cinneadh Cur Chun Feidhme 2013/778/AE ón gCoimisiún an 13 Nollaig 2013 lena mbunaítear an Ghníomhaireacht Feidhmiúcháin Taighde agus lena n-aisghairtear Cinneadh 2008/46/CE.
ACHOIMRE
Comhordaíonn REA gairmeacha do thograí tionscadail, áirithíonn sí a meastóireacht agus déanann sí comhthadaill le tairbhithe deontas ina dhiaidh. Bainistíonn sí roinnt mhaith de thionscadail thaighde is nuálaíochta fhís 2020, chomh maith le cuid de na tionscadail leanúnacha arna gcistiú faoi chreatchlár 7 (FP7). Ina theannta sin cuireann sí tacaíocht riaracháin agus lóistíochta ar fáil do ranna eile sa Choimisiún agus do ghníomhaireachtaí feidhmiúcháin a bhainistíonn Fís 2020, do thionscadail FP7 agus do chláir eile.
Áirítear ar phríomthascanna REA:
- foilsiú gairm tograí do chláir um thaighde agus um fhorbairt (T&F);
- roghnú agus fostú saineolaithe neamhspleácha chun na tograí a fhaightear a mheas;
- comhordú a dhéanamh ar mheasúnú na dtograí;
- socrú agus síniú na ndeontas le hiarratasóirí a n-éirionn leo;
- plé leanúnach le tairbhithe deontais le linn shaolré a dtionscadail.
Bainistíonn REA tionscadail sna réimsí seo a leanas de chuid Fhís 2020:
-
Eolaíocht den Scoth
- comhaltachtaí Marie Skłodowska-Curie (MSCA) - clár comhaltachta taighde;
- teicneolaíochtaí sa todhchaí agus teicneolaíochtaí atá ag teacht chun cinn (FET Open) - smaointí do theicneolaíochtaí nua, lena mbaineann comharaíocht neamhgnách nó cleachtais nua uaireanta.
- Ceannaireacht thionsclaíoch
-
Dúshláin shochaíocha
- sábháilteacht bia, talmhaíocht agus foraoiseacht inbhuanaithe, taighde ar chúrsaí na mara, ar chúrsaí muirí agus ar uiscí intíre, agus an bithgheilleagar;
- an Eoraip mar chuid de dhomhan i mbun athruithe - sochaithe nuálacha, cuimsitheacha, machnamhacha;
- sochaithe slána.
- Cuspóirí cinnte / saintéamaí cothrománacha
Cuireann REA rannchuidiú praiticiúil ar fail chun spriocanna an Aontais Nuálaíochta, tionscnamh suaitheanta atá mar chuid d’Eoraip 2020, stráitéis dhomhanda AE d'fhás agus d’iomaíochas.
TAGAIRTÍ
|
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil an Aontais Eorpaigh |
|
Cinneadh 2013/778/AE |
21.12.2013 |
- |
GNÍOMHARTHA GAOLMHARA
Rialachán (CE) Uimh. 58/2003 ón gComhairle lena leagtar síos an reacht do ghníomhaireachtaí feidhmiúcháin a mbeidh cúram orthu maidir le tascanna áirithe i mbainistíocht chláir an Chomhphobail (Iris Oifigiúil L 11, 16.1.2003, lgh. 1-8).
Rialachán (CE) Uimh. 1653/2004 ón gCoimisiún maidir le gnáthrialachán airgeadais caighdeánach do na gníomhaireachtaí feidhmiúcháin de bhun Rialachán (CE) Uimh. 58/2003 ón gComhairle lena leagtar síos an reacht do ghníomhaireachtaí feidhmiúcháin a mbeidh cúram orthu maidir le tascanna áirithe i mbainistíocht chláir an Chomhphobail (Iris Oifigiúil L 297, 22.9.2004, lgh. 6-16).
Nuashonrú is déanaí: 06.11.2014
