Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018R2067

    Rialachán nua AE maidir le creidiúnú agus fíorú

    Dáta an athbhreithnithe dheireanaigh:
    21/12/2021
    Dáta a céadchruthaíodh:
    14/03/2022
    Cód na hachoimre:
    • 19.05.02.00 Freagracht don chomhshaol
    • 20.01.01.01 Beartas fadtéarmach i leith na haeráide
    • 20.01.01.02 Gáis ceaptha teasa a laghdú
    • 20.01.03.02 Iompar ar bhóithre agus aeriompar
    Tuairisceoir EUROVOC:
    Cód eolaire:
    Doiciméid achoimrithe:
    Údar:
    Oifig Foilseachán an Aontais Eorpaigh
    Eintiteas/is atá freagrach:
    Ard-Stiúrthóireacht um Ghníomhú ar son na hAeráide

    Rialachán nua AE maidir le creidiúnú agus fíorú

     

    ACHOIMRE AR:

    Rialachán Cur Chun Feidhme (AE) 2018/2067 – fíorú sonraí agus creidiúnú fíoraitheoirí tuarascálacha astaíochtaí oibreoirí

    CAD IS AIDHM LEIS AN RIALACHÁN?

    Tá sé mar aidhm leis a áirithiú go mbeidh tuairisciú astaíochtaí gás ceaptha teasa* san Aontas Eorpach (AE) láidir, trédhearcach, comhsheasmhach agus cruinn trí rialacha a leagan amach chun seiceáil a dhéanamh ar na tuarascálacha ar astaíochtaí arna gcur isteach faoi chóras trádála astaíochtaí AE (CTA AE) agus ar chreidiúnú na ndaoine a sheiceálann tuarascálacha na n–oibreoirí.

    PRÍOMHPHOINTÍ

    • Baineann an rialachán seo maidir le creidiúnú agus fíorú (AVR) le CTA AE arna bhunú le Treoir 2003/87/CE (féach an achoimre) agus go sonrach le hAirteagal 15 den treoir sin.
    • Rinneadh é a leasú chun tagairtí do Rialachán Tarmligthe (AE) 2019/331 agus do Rialachán Cur Chun Feidhme (AE) 2019/1842 maidir le leithdháileadh saor in aisce ar lamháltais astaíochtaí a chuimsiú.

    Comhlíonadh

    • Tá nós imeachta bliantúil ann maidir le faireachán, tuairisciú agus fíorú a dhéanamh ar CTA AE. Tugtar timthriall um chomhlíonadh ETS air sin.
    • Ní mór plean faofa a bheith le suiteálacha tionsclaíocha agus ag oibreoirí aerárthaigh atá clúdaithe in CTA AE chun faireachán agus tuairisciú a dhéanamh ar astaíochtaí bliantúla.
    • Ní mór d’oibreoirí tuarascáil bhliantúil a chur isteach.
    • Caithfidh fíoraitheoir creidiúnaithe na sonraí maidir le bliain ar leith a sheiceáil faoin 31 Márta an bhliain dár gcionn.
    • Tá rialacha AE maidir leis an timthriall um chomhlíonadh leagtha amach sa rialachán seo maidir le creidiúnú agus fíorú agus sa rialachán maidir le faireachán agus tuairisciú – Rialachán Cur Chun Feidhme (AE) 2018/2066.

    Fíorú

    • Ní foláir go mbeidh tuarascáil fhíoraithe iontaofa do léitheoirí agus go dtiocfaidh sí go dílis leis an méid a mhaítear go dtaispeántar inti. Tá rialacha AE maidir le rochtain phoiblí ar fhaisnéis chomhshaoil leagtha amach i dTreoir 2003/4/CE (féach an achoimre).
    • Ní mór don phróiseas seiceála tuarascálacha tacú le nósanna imeachta um dhearbhú cáilíochta agus um rialú cáilíochta agus cuidiú le hoibreoirí nó le hoibreoirí aerárthaigh feabhas a chur ar fhaireachán agus ar thuairisciú astaíochtaí.
    • Leagtar amach sa rialachán maidir le creidiúnú agus fíorú freisin roinnt rialacha maidir le fíorú, lena n–áirítear:
      • oibleagáidí ginearálta;
      • oibleagáidí réamhchonarthacha;
      • an fhaisnéis arna soláthar ag oibreoirí;
      • plean um fhíorú;
      • seiceáil sonraí;
      • an tuarascáil maidir le fíorú.
    • Leagtar amach sa rialachán maidir le creidiúnú agus fíorú rialacha agus ceanglais le haghaidh fíoraitheoirí chomh maith. Áirítear orthu sin an méid seo a leanas:
      • raon feidhme an chreidiúnaithe;
      • an nós imeachta um sheiceáil;
      • neamhchlaontacht agus neamhspleáchas.

    Creidiúnú

    Leagtar amach sa rialachán maidir le creidiúnú agus fíorú na rialacha maidir le creidiúnú fíoraitheoirí arna dhéanamh ag na comhlachtaí creidiúnaithe i mBallstáit AE. Ní mór d’fhíoraitheoirí a thaispeáint:

    • go bhfuil an inniúlacht acu tuarascálacha na n–oibreoirí a sheiceáil;
    • cloí le rialacha agus ceanglais an phróisis um fhíorú agus na seiceálacha á ndéanamh acu;
    • na ceanglais maidir le fíoraitheoirí a chomhlíonadh.

    Leagtar amach sa rialachán freisin na ceanglais maidir le comhlachtaí creidiúnaithe.

    CÉN UAIR ATÁ TOSACH FEIDHME AN RIALACHÁIN?

    • Tá sé i bhfeidhm ón 1 Eanáir 2019.
    • Aisghaireadh Rialachán (CE) Uimh. 600/2012 leis agus cuireadh in ionad an Rialacháin sin é ón 31 Nollaig 2018 i leith.

    CÚLRA

    Le haghaidh tuilleadh faisnéise, féach:

    PRÍOMHTHÉARMAÍ

    Astaíochtaí. Scaoileadh gás ceaptha teasa isteach san atmaisféar ó fhoinsí i suiteáil nó scaoileadh ó aerárthach a dhéanann gníomhaíocht eitlíochta atá liostaithe in Iarscríbhinn I de na gáis atá sonraithe i ndáil leis an ngníomhaíocht sin (Treoir 2003/87/CE, Airteagal 3(b)).

    PRÍOMHDHOICIMÉAD

    Rialachán Cur Chun Feidhme (AE) 2018/2067 gCoimisiún an 19 Nollaig 2018 maidir le fíorú sonraí agus maidir le creidiúnú na bhfíoraitheoirí de bhun Threoir 2003/87/CE ó Pharlaimint na hEorpa agus ón gComhairle (IO L 334, 31.12.2018, lgh. 94–134).

    Rinneadh leasuithe comhleanúnacha ar Rialachán (AE) 2018/2067 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán Cur chun Feidhme (AE) 2019/1842 gCoimisiún an 31 Deireadh Fómhair 2019 lena leagtar síos rialacha maidir le cur i bhfeidhm Threoir 2003/87/CE ó Pharlaimint na hEorpa agus ón gComhairle a mhéid a bhaineann le socruithe breise le haghaidh coigeartuithe ar leithdháileadh saor in aisce ar lamháltais astaíochtaí de bharr gníomhaíochta athruithe leibhéil (IO L 282, 4.11.2019, lgh. 20–24).

    Rialachán Tarmligthe (AE) 2019/331 ón gCoimisiún an 19 Nollaig 2018 lena gcinntítear rialacha idirthréimhseacha ar fud an Aontais i ndáil le leithdháileadh lamháltais chomhchuibhithe astaíochtaí gás ceaptha teasa de bhun Airteagal 2003/87/CE ó Pharlaimint na hEorpa agus ón gComhairle (IO L 59, 27.2.2019, lgh. 8–69).

    Rialachán Cur chun Feidhme (AE) 2018/2066 gCoimisiún an 19 Nollaig 2018 maidir le monatóireacht agus tuairisciú a dhéanamh ar astaíochtaí gás ceaptha teasa de bhun Threoir 2003/87/CE ó Pharlaimint na hEorpa agus ón gComhairle agus lena leasaítear Rialachán (AE) Uimh. 601/2012 ón gCoimisiún (IO L 334, 31.12.2018, lgh. 1–93).

    Féach an leagan comhdhlúite.

    Treoir 2009/31/CE ó Pharlaimint na hEorpa agus ón gComhairle an 23 Aibreán 2009 maidir le stóráil gheolaíoch dé-ocsaíd charbóin agus lena leasaítear Treoir 85/337/CEE ón gComhairle, Treoracha 2000/60/CE, 2001/80/CE, 2004/35/CE, 2006/12/CE, 2008/1/CE ó Pharlaimint na hEorpa agus ón gComhairle agus Rialachán (CE) Uimh. 1013/2006 (IO L 140,5.6.2009, lgh. 114–135).

    Féach an leagan comhdhlúite.

    Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach na ceanglais maidir le creidiúnú agus maidir le faireachas margaidh a bhaineann le táirgí a mhargú, agus lena n-aisghairtear Rialachán (CEE) Uimh. 339/93 (IO L 218, 13.8.2008, lgh. 30–47).

    Féach an leagan comhdhlúite.

    Treoir 2003/87/CE ó Pharlaimint na hEorpa agus ón gComhairle an 13 Deireadh Fómhair 2003 lena mbunaítear scéim i ndáil le trádáil ar lamháltais i gcomhair astaíochtaí gáis cheaptha teasa laistigh den Chomhphobal agus lena leasaítear Treoir 96/61/CE ón gComhairle (IO L 275, 25.10.2003, lgh. 32–46).

    Féach an leagan comhdhlúite.

    Treoir 2003/4/CE ó Pharlaimint na hEorpa agus ón gComhairle an 28 Eanáir 2003 maidir le rochtain ag an bpobal ar fhaisnéis chomhshaoil agus lena n–aisghairtear Treoir 90/313/CEE ón gComhairle (IO L 41, 14.2.2003, lgh. 26–32).

    Nuashonraithe 21.12.2021

    Barr