This document is an excerpt from the EUR-Lex website
Document 32013R0604
Beartas tearmainn an AE: Ballstát de chuid an AE atá freagrach as iarratais a scrúdú
- Dáta an athbhreithnithe dheireanaigh:
- 09/08/2024
- Dáta a céadchruthaíodh:
- 04/01/2015
- Cód na hachoimre:
-
- 23.01.05.00 Tearmann
- Tuairisceoir EUROVOC:
- Cód eolaire:
- Doiciméid achoimrithe:
- Údar:
- Oifig Foilseachán an Aontais Eorpaigh
- Eintiteas/is atá freagrach:
- Ard-Stiúrthóireacht um Imirce agus Gnóthaí Baile
Beartas tearmainn an AE: Ballstát de chuid an AE atá freagrach as iarratais a scrúdú
ACHOIMRE AR:
CAD IS AIDHM LEIS AN RIALACHÁN?
Bunaítear le Rialachán Bhaile Átha Cliath III Ballstáit an Aontais Eorpaigh (AE) atá freagrach as scrúdú a dhéanamh ar iarratas ar thearmann. Tugann sé cosaint níos fearr d’iarratasóirí go dtí go mbíonn a stádas curtha ar bun. Cuirtear córas nua ar bun faoin rialachán freisin chun na fadhbanna a aimsiú a tharlaíonn go luath i gcórais náisiúnta tearmainn nó fáiltithe agus chun dul i ngleic le bunchúiseanna na bhfadhbanna sin sula dtarlaíonn géarchéim cheart.
PRÍOMHPHOINTÍ
Prionsabail agus critéir chun freagracht a chinneadh
Áirítear leo sin, in ord tosaíochta:
- cúrsaí teaghlaigh;
- víosa nó cead cónaithe a bheith ina sheilbh le déanaí i mBallstát;
- cibé ar tháinig an duine isteach in AE go rialta nó go mírialta.
Tuilleadh ráthaíochtaí d’iarratasóirí
Tá tuilleadh ráthaíochtaí cosanta sa rialachán le haghaidh iarratasóirí, amhail:
- an ceart chun faisnéise;
- agallaimh phearsanta;
- tuilleadh ráthaíochtaí do mhionaoisigh, leasanna na leanaí a chur chun cinn le linn an nóis imeachta;
- cosaint níos fearr do leanaí, do dhaoine muinteartha, do chleithiúnaithe agus do ghaolta na n-iarratasóirí;
- cúnamh dlíthiúil saor in aisce, ar iarratas;
- an ceart chun achomharc a dhéanamh i gcoinne cinnidh aistrithe chuig Ballstát eile, lena n-áirítear an rogha éifeacht fionraíochta a dheonú.
Coinneáil
Mar phrionsabal ginearálta, ní ceadmhach iarratasóirí a choinneáil toisc go bhfuil tearmann á lorg acu. Mar sin féin, déantar foráil sa rialachán maidir le hiarratasóirí a choinneáil má tá an baol ann go n-éalóidh siad (e.g. tá siad á n-aistriú chuig Ballstát eile).
Meicníocht le haghaidh luathrabhaidh, ullmhachta agus bainistíochta géarchéime
Buíochas le Rialachán Bhaile Átha Cliath III, tá córas níos éifeachtaí ann, a bhfuil sásra luathrabhaidh, ullmhachta agus bainistíochta géarchéime ina chuid de, arna cheapadh chun:
- dul i ngleic le mífheidhmeanna i gcórais náisiúnta tearmainn; agus
- cabhrú leis na Ballstáit atá os comhair líon ard iarratasóirí ar chosaint idirnáisiúnta ag a dteorainneacha.
Aisghairm
Déanfar Rialachán (AE) Uimh. 604/2013 a aisghairm le Rialachán (AE) 2024/1351 (féach achoimre) amhail ón .
CÉN UAIR ATÁ TOSACH FEIDHME AN RIALACHÁIN?
Tá sé i bhfeidhm ón .
CÚLRA
- Tá an AE ag obair chun comhchóras tearmainn Eorpach a bhunú. Ó 2011 i leith, glacadh le téacsanna éagsúla nua chun feabhas a chur ar oibriú an chórais.
- Tar éis ráig COVID-19 agus bearta a thabhairt isteach chun dul i ngleic le tionchar na géarchéime, ghlac an Coimisiún Eorpach an téacs seo a leanas: Teachtaireacht ón gCoimisiún – COVID-19: Treoir maidir le forálacha ábhartha AE a chur chun feidhme i réimse na nósanna imeachta tearmainn agus fillte agus maidir le hathlonnú.
PRÍOMHDHOICIMÉAD
Rialachán (AE) Uimh. 604/2013 ó Pharlaimint na hEorpa agus ón gComhairle an lena mbunaítear na critéir agus na sásraí chun a chinneadh cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i gceann de na Ballstáit ag tríú tír náisiúnach nó duine gan stát (athmhúnlú) (IO L 180, , lgh. 31–59).
Ionchorpraíodh leasuithe comhleanúnacha ar Rialachán (AE) Uimh. 604/2013 sa bhuntéacs. Níl de luach ar an leagan comhdhlúite seo ach luach doiciméadach amháin.
nuashonrú is deireanaí