Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32010R1238

Déileáil ar bhonn saor ó dhleacht le comhábhair shonraithe ghníomhacha chógaisíochta

Dáta an athbhreithnithe dheireanaigh:
14/12/2021
Dáta a céadchruthaíodh:
01/01/1001
Doiciméid achoimrithe:
Údar:
Oifig Foilseachán an Aontais Eorpaigh
Eintiteas/is atá freagrach:
Ard-Stiúrthóireacht um Shláinte agus Sábháilteacht Bia

Déileáil ar bhonn saor ó dhleacht le comhábhair shonraithe ghníomhacha chógaisíochta

 

ACHOIMRE AR:

Rialachán (AE) Uimh. 1238/2010 – déileáil ar bhonn saor ó dhleacht le comhábhair shonraithe ghníomhacha chógaisíochta agus le táirgí i gcógais chríochnaithe

Rialachán (CE) Uimh. 467/97 – déileáil ar bhonn saor ó dhleacht le comhábhair shonraithe agus táirgí a úsáidtear i gcógais chríochnaithe agus déileáil sin a tharraingt siar le haghaidh cinn eile

CAD IS AIDHM LEIS NA RIALACHÁIN?

  • Corpraítear leis na rialacháin i ndlí an Aontais Eorpaigh (AE) cinntí maidir le faoiseamh ó dhleacht i ndáil le cógais agus comhábhair ghníomhacha áirithe. Glacadh iad seo den chéad uair i mBabhta Uragua de chaibidlíocht trádála idirnáisiúnta.
  • Tá ainm neamhdhílseánaigh idirnáisiúnta (ANI)* ar gach ceann de na hearraí sin agus cuireadh cinn úra leis na liostaí cúpla uair.
  • Le Rialachán (AE) Uimh. 1238/2010 nuashonraítear na liostaí i ndiaidh an ceathrú athbhreithniú a seoladh in 2009.
  • Le Rialachán (CE) Uimh. 467/97 ón gComhairle nuashonraítear na liostaí i ndiaidh an chéad athbhreithnithe.

PRÍOMHPHOINTÍ

Rialachán (AE) Uimh. 1238/2010

  • Leasaítear leis Iarscríbhinn I (liostaí de shubstaintí cógaisíochta atá cáilithe i leith déileáil saor ó dhleacht) a ghabhann le Rialachán (CEE) Uimh. 2658/87 lena leagtar amach ainmníocht chomhcheangailte an Aontais Eorpaigh.
  • Tugtar déileáil ar bhonn saor ó dhleacht leis ón 1 Eanáir 2011 maidir le:
    • táirgí a bhfuil ainm neamhdhílseánaigh idirnáisiúnta na hEagraíochta Domhanda Sláinte orthu (Iarscríbhinn I);
    • liosta de na réimíreanna agus de na hiarmhíreanna lena ndéantar cur síos, i gcomhar le ANInna, ar a salann, a n eistir nó a hiodráití atá incháilithe freisin i leith déileáil ar bhonn saor ó dhleacht (Iarscríbhinn II);
    • táirgí idirmheánacha cógaisíochta a úsáidtear chun cógais chríochnaithe a tháirgeadh agus a mhonarú (Iarscríbhinn III).
  • Baintear táirgí idirmheánacha cógaisíochta áirithe leis de liosta na gceann a bhfuiltear ag déileáil leo ar bhonn saor ó dhleacht (Iarscríbhinn IV).

Rialachán (CE) Uimh. 467/97

  • Tugtar déileáil ar bhonn saor ó dhleacht leis ón 1 Aibreán 1997 maidir le:
    • 231 comhábhar gníomhach cógaisíochta ainmnithe ar a bhfuil ANI, mar aon lena salann, lena n eistir agus lena hiodráití (Iarscríbhinn I);
    • 234 táirge ainmnithe a úsáidtear chun cógais – chríochnaithe a tháirgeadh agus a mhonarú (Iarscríbhinn II).
  • Leathnaítear leis liosta réimíreanna agus iarmhíreanna sonraithe na ANInna atá incháilithe trí 84 ainm a chur le déileáil ar bhonn saor ó dhleacht (Iarscríbhinn III).
  • Baintear 25 táirge — mar aon lena salann, lena n–eistir agus lena hiodráití — de dhéileáil ar bhonn saor ó dhleacht toisc go raibh siad á n úsáid ar bhonn neamhchógaisíochta den chuid ba mhó (Iarscríbhinn IV).

CÉN UAIR ATÁ TOSACH FEIDHME NA RIALACHÁN?

  • Tá feidhm ag Rialachán (AE) Uimh. 1238/2010 ón 1 Eanáir 2011.
  • Tá feidhm ag Rialachán (CE) Uimh. 467/97 ón 14 Márta 1997.

CÚLRA

  • Le linn Bhabhta Uragua, d’aontaigh na táirgeoirí is tábhachtaí — an tAontas Eorpach, na Stáit Aontaithe, an tSeapáin, Ceanada, an Eilvéis, an Iorua agus an tSín — dleachtanna ar chógaisíocht a laghdú go nialas. Clúdaíodh os cionn 6 000 táirge sa chomhaontú sin.
  • Le forbairt na ndrugaí nua, rinneadh athbhreithnithe in 1995-1996, 1998 agus 2006, agus cuireadh beagnach 2 400 táirge leis. Leis an gceathrú athbhreithniú cuireadh 718 substaint úr leis, rud a thugann líon iomlán na n–allmhairí cógaisíochta saor ó dhleacht isteach san Aontas Eorpach go 8 619.
  • Le haghaidh tuilleadh faisnéise, féach:

PRÍOMHTHÉARMAÍ

Ainmneacha neamhdhílseánaigh idirnáisiúnta (ANI). Dá ngairtear ainmneacha cineálacha freisin, sainaithnítear leo substaintí cógaisíochta nó comhábhair ghníomhacha chógaisíochta. Is ainm uathúil gach ANI a aithnítear ar fud an domhain agus a aicmítear mar mhaoin phoiblí. Oibríonn an Eagraíocht Dhomhanda Sláinte go dlúth le saineolaithe ANI agus le coistí náisiúnta um ainmníocht chun ainm aonair a roghnú a nglactar leis ar fud an domhain maidir le gach substaint ghníomhach a chuirfear ar an margadh mar earra cógaisíochta.

PRÍOMHDHOICIMÉID

Rialachán (AE) Uimh. 1238/2010 ó Pharlaimint na hEorpa agus ón gComhairle an 15 Nollaig 2010 lena leasaítear Iarscríbhinn I a ghabhann le Rialachán (CEE) Uimh. 2658/87 ón gComhairle i ndáil le déileáil ar bhonn saor ó dhleacht le comhábhair shonraithe ghníomhacha chógaisíochta ar a bhfuil “ainm neamhdhílseánaigh idirnáisiúnta” (ANI) ón Eagraíocht Dhomhanda Sláinte, agus le táirgí sonraithe a úsáidtear chun cógais chríochnaithe a mhonarú (IO L 348, 31.12.2010, lgh. 36-73).

Rialachán (CE) Uimh. 467/97 ón gComhairle an 3 Márta 1997 lena ndéantar foráil i leith déileáil saor ó dhleacht i ndáil le comhábhair shonraithe ghníomhacha chógaisíochta ar a bhfuil “ainm neamhdhílseánaigh idirnáisiúnta” (ANI) ón Eagraíocht Dhomhanda Sláinte agus táirgí sonraithe a úsáidtear chun cógais chríochnaithe a mhonarú agus déileáil ar bhonn saor ó dhleacht mar tháirgí cógaisíochta a tharraingt siar ó ANInna áirithe nach é úsáid chógaisíocht a bpríomhúsáid (IO L 71, 13.3.1997, lgh. 1-15).

DOICIMÉID GHAOLMHARA

Rialachán (CEE) Uimh. 2658/87 ón gComhairle an 23 Iúil 1987 maidir leis an ainmníocht taraife agus staidrimh agus maidir leis an gComhtharaif Chustaim (IO L 256, 7.9.1987, lgh. 1-675).

Rinneadh leasuithe ina dhiaidh sin ar Rialachán (CEE) Uimh. 2658/87 a chorprú isteach sa bhuntéacs. Níl de luach ar an leagan comhdhlúite seo ach luach doiciméadach amháin.

Nuashonraithe 14.12.2021

Barr