This document is an excerpt from the EUR-Lex website
Rialacha AE maidir le cionta sceimhlitheoireachta agus pionóis ghaolmhara
Ceanglaítear sa chinneadh réime (2002/475/JHA) agus sa chinneadh leasaitheach (2008/919/JHA) ar thíortha AE a reachtaíocht a ailíniú agus pionóis íosta a thabhairt isteach maidir le cionta sceimhlitheoireachta. Tugtar sainmhíniú sna cinntí ar chionta sceimhlitheoireachta, agus ar chionta a bhaineann le grúpaí nó cionta sceimhlitheoireachta a bhaineann le gníomhaíochtaí sceimhlitheoireachta, agus leagtar síos rialacha iontu lena dtrasuí i dtíortha AE.
GNÍOMH
Cinneadh Réime 2002/475/JHA ón gComhairle an 13 Meitheamh 2002 maidir leis an sceimhlitheoireacht a chomhrac.
ACHOIMRE
Ceanglaítear sa chinneadh réime (2002/475/JHA) agus sa chinneadh leasaitheach (2008/919/JHA) ar thíortha AE a reachtaíocht a ailíniú agus pionóis íosta a thabhairt isteach maidir le cionta sceimhlitheoireachta. Tugtar sainmhíniú sna cinntí ar chionta sceimhlitheoireachta, agus ar chionta a bhaineann le grúpaí nó cionta sceimhlitheoireachta a bhaineann le gníomhaíochtaí sceimhlitheoireachta, agus leagtar síos rialacha iontu lena dtrasuí i dtíortha AE.
CAD A DHÉANTAR SNA CINNTÍ RÉIME SEO?
Tugtar sainmhíniú sna cinntí ar:
— |
coincheap cion sceimhlitheoireachta mar mheascán de:
|
— |
grúpa sceimhlitheoireachta mar ghrúpa struchtúrtha beirt nó níos mó, a bhunaítear thar thréimhse ama agus a ghníomhaíonn as lámha a chéile chun cionta sceimhlitheoireachta a dhéanamh.
|
Ceanglaítear iontu chomh maith ar gach tír AE:
— |
coir a dhéanamh de ghníomhartha ullmhúcháin mar chionta atá nasctha le gníomhaíochtaí sceimhlitheoireachta. Áirítear ar shamplaí gríosú poiblí chun cion sceimhlitheoireachta a dhéanamh, earcaíocht agus oiliúint do sceimhlitheoireacht, agus goid, sracadh nó brionnú chun cionta sceimhlitheoireachta a dhéanamh;
|
— |
coir a dhéanamh de ghríosú nó de chabhrú agus neartú, chomh maith le hiarraidh a thabhairt cineálacha éagsúla ciona a dhéanamh;
|
— |
dliteanas coiriúil a bhunú do dhaoine dlíthiúla agus rialacha agus tairseacha a leagan síos maidir le pionóis agus smachtbhannaí;
|
— |
dlínse a bhunú maidir le cionta sceimhlitheoireachta sa chás go ndéantar an cion ar a críoch nó ar bord árthaigh nó aerárthaigh ar a bhfuil a bratach ar foluain;
|
— |
dlínse a bhunú, más duine dá náisiúnach nó dá cónaithe atá sa chiontóir, má dhéantar an cion chun tairbhe aonáin dhlíthiúil a bunaíodh ina críoch, má dhéantar an cion in éadan mhuintir nó institiúidí thír AE, nó in éadan institiúid AE atá bunaithe sa tír sin;
|
— |
dlínse a bhunú i gcásanna go ndiúltaíonn sí duine atá faoi amhras cion sceimhlitheoireachta nó a rinne cion sceimhlitheoireachta a thabhairt ar láimh nó a eiseachadadh;
|
— |
comhar le tíortha AE eile agus cibé tír a ghlacfaidh dlínse nuair atá iltíortha bainteach i gcás faoi leith a chinneadh;
|
— |
bearta a ghlacadh chun cúnamh cuí a chinntiú do theaghlaigh íobartach.
|
PRÍOMHPHOINTÍ
— |
Ina thuarascáil de Mheán Fómhair 2014 maidir le cur i bhfeidhm chinneadh réime 2008, sonraíonn an Coimisiún Eorpach gur ghlac formhór thíortha AE (seachas Éire agus an Ghréig) bearta chun coir a dhéanamh de chionta úra a tugadh isteach maidir le gríosú poiblí, earcaíocht agus oiliúint sa sceimhlitheoireacht.
|
— |
Tá roinnt ceisteanna oscailte ann fós maidir leis an dóigh a rachaidh cur i bhfeidhm an Chinnidh Réime seo i ndlíthe náisiúnta thíortha AE i gcion ar “ghríosú neamhdhíreach” agus ar choir a dhéanamh de ghníomhartha a dhéanann “gníomhaithe aonair”* mar a deirtear leo**. Thug an Coimisiún Eorpach cuireadh do thíortha AE, áfach, chun ceisteanna a shoiléiriú, rud a chuirfidh ar a chumas a mheasúnú a chur i gcrích.
|
— |
Cuireadh béim sa tuarascáil ar an ngá le cur chuige níos cuimsithí maidir le forfheidhmiú an dlí chun díriú ar chosc a chur ar radacú agus earcaíocht don sceimhlitheoireacht.
|
— |
Spreagtar tíortha AE sa tuarascáil chun monatóireacht agus measúnú a dhéanamh ar chur i bhfeidhm beart um dlí coiriúil maidir leis an sceimhlitheoireacht, ag cur cosaint ceart bunúsach san áireamh go cuí.
|
— |
Tá forbhreathnú níos mionsonraithe maidir leis na bearta trasuí i dtíortha AE i ndoiciméad oibre fhoireann an Choimisiúin, a eisíodh le gabháil leis an tuarascáil.
|
— |
In 2015, tá an Coimisiún le measúnú tionchair a dhéanamh d’fhonn Cinneadh Réime 2008/919/JHA a thabhairt cothrom le dáta in 2016. Dhéanfaí é sin ag féachaint le comhleanúnachas a chinntiú ar fud AE maidir le dlíthe in éadan na gcionta a bhaineann le trodaithe eachtracha sceimhlitheoireachta.
|
— |
Tá an Chomhairle ag breathnú ar Choinbhinsiún Chomhairle na hEorpa um Sceimhlitheoireacht a Chosc (CETS Uimh. 196) agus an Prótacal Breise atá leis a shíniú thar ceann AE. Tugtar aghaidh sa Phrótacal Breise ar an bhfeiniméan um throdaithe eachtracha sceimhlitheoireachta ag tabhairt aird ag an am céanna ar an Rún ó Chomhairle Slándála na Náisiún Aontaithe 2178(2014) an 24 Meán Fómhair 2014.
|
CÚLRA
Ar aon dul le conclúidí Chomhairle na hEorpa in Tampere i 1999 inar sainaithníodh sceimhlitheoireacht mar cheann de na sáruithe is tromchúisí ar shaoirsí bunúsacha, ar chearta daonna agus ar na prionsabail agus i ndiaidh an phlean gníomhaíochta arna fhormhuiniú ag an gcruinniú urghnách den Chomhairle Eorpach an 21 Meán Fómhair 2001, glacadh Cinneadh Réime 2002/475/JHA chun dul i ngleic níos éifeachtúla leis an sceimhlitheoireacht.
PRÍOMHTHÉARMAÍ
* Gríosú neamhdhíreach: urlabhra ina ngríosaítear gníomhartha sceimhlitheoireachta nó rioscaí lena ngríosaítear gníomhartha sceimhlitheoireachta go neamhdhíreach amháin, e.g. sa chás go dtuigfeadh tacadóirí ráitis a rinne sceimhlitheoir roimhe mar achainí chun leanúint le gníomhaíochtaí sceimhlitheoireachta.
** Gníomhaithe aonair: sceimhlitheoirí a gníomhaíonn astu féin.
Chun tuilleadh faisnéise a fháil, féach Ard-Stiúrthóireacht um Imirce agus Gnóthaí Baile an Choimisiúin Eorpaigh.
TAGAIRTÍ
Gníomh |
Teacht i bhfeidhm |
Spriocdháta don trasuí sna Ballstáit |
Iris Oifigiúil an Aontais Eorpaigh |
Cinneadh Réime 2002/475/JHA |
22.6.2002 |
31.12.2002 |
Gníomh leasaitheach/Gníomhartha leasaitheacha |
Teacht i bhfeidhm |
Spriocdháta don trasuí sna Ballstáit |
Iris Oifigiúil an Aontais Eorpaigh |
Cinneadh Réime 2008/919/JHA |
9.12.2008 |
9.12.2010 |
GNÍOMHARTHA GAOLMHARA
Tuarascáil ón gComhairle bunaithe ar Airteagal 11 den Chinneadh Réime ón gComhairle an 13 Meitheamh 2002 maidir leis an sceimhlitheoireacht a chomhrac (COM(2007) 681 final an 6.11.2007).
Tuarascáil ón gComhairle bunaithe ar Airteagal 11 den Chinneadh Réime ón gComhairle an 13 Meitheamh 2002 maidir leis an sceimhlitheoireacht a chomhrac (COM(2004) 409 final an 8.6.2004).
Tuarascáil ón gCoimisiún chuig Parlaimint na hEorpa agus chuig an gComhairle maidir le cur i bhfeidhm Chinneadh Réime 2008/919/JHA ón gComhairle an 28 Samhain lena leasaítear Cinneadh Réime 2002/475/JHA maidir leis an sceimhlitheoireacht a chomhrac (COM(2014) 554 final an 5 Meán Fómhair 2014).
Doiciméad oibre fhoireann an Choimisiúin a ghabhann leis an “Tuarascáil doiciméid ón gCoimisiún chuig Parlaimint na hEorpa agus chuig an gComhairle maidir le cur i bhfeidhm Chinneadh Réime 2008/919/JHA ón gComhairle lena leasaítear Cinneadh Réime 2002/475/JHA maidir leis an sceimhlitheoireacht a chomhrac” (SWD(2014) 270 final an 5 Meán Fómhair 2014).
Nuashonrú is déanaí: 02.06.2015