This document is an excerpt from the EUR-Lex website
Státchabhair do ghnólachtaí a bhfuil deacrachtaí acu
D’athbhreithnigh an tAontas Eorpach (AE) a rialacha maidir leis an dóigh a ndéanann sé measúnú ar státchabhair (fóirdheontais phoiblí) thíortha an Aontais Eorpaigh chun tacú le gnóthais a bhfuil deacrachtaí acu. Rinne siad é sin lena chinntiú go dtugtar airgead poiblí san áit is mó a bhfuil sé de dhíth agus go n-íocann úinéirí cuideachtaí a sciar cothrom de na costais athstruchtúrtha.
GNÍOMH
Cumarsáid ón gCoimisiún - Treoirlínte maidir le Státchabhair do ghnóthais neamhairgeadais a bhfuil deacrachtaí acu a tharrtháil agus a athstruchtúrú (IO C 249 31.7.2014, lgh. 1-28).
ACHOIMRE
D’athbhreithnigh an tAontas Eorpach (AE) a rialacha maidir leis an dóigh a ndéanann sé measúnú ar státchabhair (fóirdheontais phoiblí) thíortha an Aontais Eorpaigh chun tacú le gnóthais a bhfuil deacrachtaí acu. Rinne siad é sin lena chinntiú go dtugtar airgead poiblí san áit is mó a bhfuil sé de dhíth agus go n-íocann úinéirí cuideachtaí a sciar cothrom de na costais athstruchtúrtha.
CAD A DHÉANTAR SNA TREOIRLÍNTE SEO?
Tugann Státchabhair do chomhlachtaí a bhfuil deacrachtaí acu buntáiste dóibh thar a n-iomaitheoirí níos sláintiúla agus níos éifeachtaí nach bhfuil cabhair á fáil acu (i.e. is féidir leis iomaíocht a shaobhadh). Is féidir léi bac a chur ar an bhfás geilleagrach chomh maith trí airgead na gcáiníocóirí a atreorú ó úsáidí malartacha, a d’fhéadfadh bheith níos táirgiúla. Leagtar síos na rialacha sna treoirlínte lena rialaítear deonú Státchabhrach do ghnólachtaí a bhfuil deacrachtaí acu agus ceanglaítear orthu iontu coinníollacha dochta a chomhlíonadh.
Is é is aidhm leis na treoirlínte a chinntiú go bhfuil an Státchabhair a dheonaíonn tír AE ar mhaithe le leas an phobail i ndáiríre. Sampla de sin ná gnólacht a chuirfeadh cosc ar an gcruatan sóisialta a thiocfadh chun cinn as dúnadh sa cheantar sin ina bhfuil ráta ard dífhostaíochta cheana a tharrtháil. Tá samplaí sna treoirlínte de chásanna ina léirítear an cás go bhféadfadh údar a bheith le cabhair.
Lena chois sin, ní mór dóibh siúd a dheonaíonn cabhair a léiriú go ndéanfaidh an chabhair difear. Chun é sin a dhéanamh, caithfidh siad comparáid ina bhfuil cás malartach inchreidte nach bhfuil cabhair i gceist ann a chur i láthair.
Tugann cabhair tarrthála deis do ghnóthais atá ar tí loiceadh fanacht i mbun gnó ar feadh tréimhse fada go leor chun plean athstruchtúrtha a ullmhú. Ní mór don phlean a bheith ina thacaíocht leachtachta (iasachtaí nó ráthaíochtaí) agus nach mairfidh sé níos faide ná 6 mhí.
I ndiaidh na tréimhse 6 mhí seo, ní mór an chabhair a aisíoc nó ní mór fógra a chur chuig an gCoimisiún ionas go bhfaomhfar an chabhair mar “chabhair athstruchtúrtha”.
Ní féidir cabhair athstruchtúrtha a dheonú ach uair amháin thar thréimhse 10 mbliana (an prionsabal “uair amháin, an uair dheireanach” *). Ní mór an dóigh a ndéanfar inmharthanacht fhadtéarmach an ghnóthais a athbhunú gan státchabhair bhreise a léiriú sa phlean athstruchtúrtha.
Mar réamhchoinníoll maidir le cabhair athstruchtúrtha a dheonú agus chun sciar airgead na gcáiníocóirí lena mbaineann a laghdú, ceanglaítear sna treoirlínte go ndéanfaí caillteanais an ghnóthais a leithdháileadh go hiomlán ar gheallsealbhóirí reatha agus ar chreidiúnaithe fo-ordaithe.
Ní mór don ghnóthas comhaontú chomh maith ar an dóigh ar féidir leis saobhadh ar an iomaíocht a theorannú a thiocfadh chun cinn de bharr na cabhrach (mar shampla, d’fhéadfadh go gciallódh sé sin codanna brabúsacha dá ghnólachta a dhíol).
Nuair a bheidh sé brabúsach arís, ní mór go n-aontóidh gnóthas a fuair cabhair sciar de na brabúis a thabhair ar ais don stát.
CÉN UAIR A BHEIDH TOSACH FEIDHME NA DTREOIRLÍNTE?
Tá na treoirlínte i bhfeidhm ón 1 Lúnasa 2014 go dtí an 31 Nollaig 2020. Tá siad in ionad treoirlínte comhchosúla a glacadh in 2004.
CÚLRA
PRÍOMHTHÉARMAÍ
*An prionsabal“uair amháin, an uair dheireanach”: ní féidir cabhair a dheonú ach uair amháin thar thréimhse 10 mbliana.
Nuashonraithe 07.04.2020