1.   Féadfaidh na Ballstáit soláthar earraí agus seirbhísí arna ndéanamh laistigh dá gcríoch ag daoine inchánacha atá bunaithe sa chríoch sin a dhíolmhú, más rud é nach sáraíonn láimhdeachas bliantúil an Bhallstáit sin, atá inchurtha i leith soláthairtí den sórt sin, an tairseach arna socrú ag na Ballstáit sin chun an díolúine seo a chur i bhfeidhm. Ní bheidh an tairseach sin níos airde ná EUR 85 000 nó a choibhéis in airgeadra náisiúnta.

Féadfaidh na Ballstáit tairseacha éagsúla a shocrú d'earnálacha éagsúla gnó bunaithe ar chritéir oibiachtúla. Ní sháróidh aon cheann de na tairseacha sin, áfach, tairseach EUR 85 000 nó a choibhéis in airgeadra náisiúnta.

Áiritheoidh na Ballstáit nach bhféadfaidh duine inchánach atá incháilithe tairbhe a bhaint as níos mó ná tairseach earnála amháin ach ceann amháin de na tairseacha sin a úsáid.

Ní dhéanfar idirdhealú leis na tairseacha a leagann Ballstát síos idir daoine inchánacha atá bunaithe sa Bhallstát sin agus iad siúd nach bhfuil bunaithe sa Bhallstát sin.

2.   Maidir leis na Ballstáit a bhfuil an díolúine faoi mhír 1 curtha i bhfeidhm acu, deonóidh siad an díolúine sin do na soláthairtí earraí agus seirbhísí ina gcríoch féin arna ndéanamh ag daoine inchánacha atá bunaithe i mBallstát eile, ar choinníoll go gcomhlíontar na coinníollacha a leanas:

3.   D'ainneoin Airteagal 292b, ionas gur féidir le duine inchánach leas a bhaint as an díolúine i mBallstát nach bhfuil duine inchánach sin bunaithe ann, déanfaidh an duine inchánach an méid a leanas:

Féadfaidh na Ballstáit úsáid a bhaint as an uimhir aitheantais aonair CBL a sannadh cheana féin ar an duine inchánach i ndáil le hoibleagáidí an duine sin faoin gcóras inmheánach nó féadfaidh siad struchtúr uimhir CBL nó aon uimhir eile a chur i bhfeidhm chun críoch na sainaitheanta dá dtagraítear i bpointe (b) den chéad fhomhír.

Beidh an iarmhír 'EX' ag an uimhir aitheantais aonair dá dtagraítear i bpointe (b) den chéad fhomhír nó cuirfear an iarmhír 'EX' leis an uimhir sin.

4.   Cuirfidh an duine inchánach an Ballstát bunaíochta ar an eolas roimh ré, trí nuashonrú a dhéanamh ar réamhfhógra, maidir le haon athruithe ar an bhfaisnéis a soláthraíodh roimhe sin i gcomhréir leis an gcéad fhomhír de mhír 3, lena n‐áirítear an rún leas a bhaint as an díolúine i mBallstát nó i mBallstáit seachas na Ballstáit sin a luaitear sa réamhfhógra agus an cinneadh scor den scéim díolúine a chur i bhfeidhm i mBallstát nó i mBallstáit nach bhfuil duine inchánach sin bunaithe ann nó iontu.

Beidh éifeacht leis an scor ón gcéad lá den chéad ráithe féilire eile tar éis an fhaisnéis a fháil ón duine inchánach nó, i gcás ina bhfaighfear an fhaisnéis sin le linn na míosa deireanaí de ráithe féilire, ón gcéad lá den dara mí den chéad ráithe féilire eile.

5.   Beidh feidhm ag an díolúine maidir leis an mBallstát nach bhfuil an duine inchánach bunaithe ann agus ina bhfuil sé ar intinn ag an duine inchánach sin leas a bhaint as an díolúine de réir an mhéid a leanas:

Ní bheidh an dáta dá dtagraítear sa chéad fhomhír níos déanaí ná 35 lá oibre tar éis an réamhfhógra nó an nuashonrú ar an réamhfhógra, dá dtagraítear sa chéad fhomhír de mhír 3 agus sa chéad fhomhír de mhír 4, a fháil, ach amháin i gcásanna sonracha ina bhféadfaidh na Ballstáit, chun cosc a chur ar imghabháil cánach nó ar sheachaint cánach, am breise a éileamh chun na seiceálacha is gá a dhéanamh.

6.   Déanfar luach comhfhreagrach in airgeadra náisiúnta don mhéid dá dtagraítear san Airteagal seo a ríomh tríd an ráta malairte arna fhoilsiú ag an mBanc Ceannais Eorpach an 18 Eanáir 2018 a chur i bhfeidhm.”;

1.   Maidir leis an réamhfhógra dá dtagraítear i bpointe (a) den chéad fhomhír d'Airteagal 284(3), beidh an fhaisnéis a leanas ar a laghad ann:

Ní mór an fhaisnéis dá dtagraítear i bpointe (c) den chéad fhomhír den mhír seo a thabhairt do gach bliain féilire roimhe sin a bhaineann leis an tréimhse dá dtagraítear sa chéad fhomhír d'Airteagal 288a(1) a mhéid a bhaineann le haon Bhallstát a chuireann i bhfeidhm an rogha a shonraítear ann.

2.   I gcás ina gcuirfidh an duine inchánach in iúl don Bhallstát bunaíochta i gcomhréir le hAirteagal 284(4) go bhfuil sé ar intinn ag an duine sin leas a bhaint as an díolúine i mBallstát nó i mBallstáit seachas na Ballstáit a luaitear sa réamhfhógra, níl sé d'oibleagáid ar an duine sin an fhaisnéis dá dtagraítear i mír 1 den Airteagal seo a thabhairt sa mhéid go bhfuil an fhaisnéis sin curtha san áireamh cheana i dtuarascálacha a cuireadh isteach roimhe sin faoi Airteagal 284b.

Áireofar an uimhir aitheantais aonair dá dtagraítear i bpointe (b) d'Airteagal 284(3) sa nuashonrú ar réamhfhógra dá dtagraítear sa chéad fhomhír.

1.   Duine inchánach a bhaineann leas as an díolúine dá bhforáiltear in Airteagal 284(1) i mBallstát nach bhfuil an duine sin bunaithe ann i gcomhréir leis an nós imeachta faoi Airteagal 284(3) agus (4), tuairisceoidh sé an fhaisnéis a leanas don Bhallstát bunaíochta i ndáil le gach ráithe féilire, lena n‐áirítear an uimhir aitheantais aonair dá dtagraítear i bpointe (b) d'Airteagal 284(3):

2.   Cuirfidh an duine inchánach an fhaisnéis a leagtar amach i mír 1 in iúl laistigh de mhí amháin ó dheireadh na ráithe féilire.

3.   Nuair a sháraítear tairseach bhliantúil láimhdeachais an Aontais dá dtagraítear i bpointe (a) d'Airteagal 284(2), cuirfidh an duine inchánach an Ballstát bunaíochta ar an eolas faoi sin laistigh de 15 lá oibre. Ag an am céanna, ceanglófar ar an duine inchánach tuairisc a thabhairt ar luach na soláthairtí dá dtagraítear i mír 1 a rinneadh ó thús na ráithe féilire reatha suas go dtí an dáta a sáraíodh tairseach láimhdeachais bhliantúil an Aontais.

1.   Chun críocha phointí (c) agus (d) d'Airteagal 284a(1) agus Airteagal 284b(1) beidh feidhm ag an méid a leanas:

Chun críocha phointe (b) den chéad fhomhír, féadfaidh na Ballstáit nach bhfuil an euro glactha acu a cheangal go ndéanfar na luachanna a shloinneadh ina n‐airgeadra náisiúnta. Más in airgeadraí eile a rinneadh na soláthairtí, úsáidfidh an duine inchánach an ráta malairte a mbeidh feidhm leis ar an gcéad lá den bhliain féilire. Déanfar an comhshó tríd an ráta malairte arna fhoilsiú ag an mBanc Ceannais Eorpach don lá sin a chur i bhfeidhm, nó, mura bhfuil aon fhoilsiú ann an lá sin, ar an gcéad lá eile a bhfoilseofar é.

2.   Féadfaidh an Ballstát bunaíochta a cheangal go ndéanfar an fhaisnéis dá dtagraítear in Airteagal 284(3) agus (4) agus in Airteagal 284b(1) agus (3) a thíolacadh trí mheán leictreonach i gcomhréir le coinníollacha a leagann an Ballstát sin síos.

1.   Ní bheidh de cheangal ar dhuine inchánach a bhainfidh leas as an díolúine i mBallstát nach bhfuil an duine inchánach sin bunaithe ann i leith soláthairtí a chumhdaítear leis an díolúine sa Bhallstát sin:

2.   Ní bheidh de cheangal ar dhuine inchánach a bhainfidh leas as an díolúine sa Bhallstát bunaíochta agus in aon Bhallstát nach bhfuil an duine inchánach sin bunaithe ann i leith soláthairtí a chumhdaítear leis an díolúine sa Bhallstát bunaíochta tuairisceán CBL a chur isteach de bhun Airteagal 250.

3.   De mhaolú ar mhíreanna 1 agus 2 den Airteagal seo, i gcás nach gcomhlíonfaidh duine inchánach na rialacha dá bhforáiltear in Airteagal 284b, féadfaidh na Ballstáit a cheangal ar an duine inchánach sin a oibleagáidí CBL dá dtagraítear i mír 1 den Airteagal seo a chomhlíonadh.

1.   Is iad na méideanna a leanas, ar leith ó CBL, a bheidh sa láimhdeachas bliantúil a bheidh mar thagairt chun an díolúine dá bhforáiltear in Airteagal 284 chur i bhfeidhm:

2.   Ní dhéanfar diúscairtí sócmhainní caipitil inláimhsithe nó doláimhsithe duine inchánach a chur san áireamh chun críoch an láimhdeachas dá dtagraítear i mír 1 a ríomh.”;

1.   Ní fhéadfaidh duine inchánach, bíodh sé nó sí bunaithe 'sa Bhallstát a dheonóidh an díolúine dá bhforáiltear in Airteagal 284(1) nó ná bíodh, tairbhe a bhaint as an díolúine sin ar feadh tréimhse a mhairfidh bliain féilire amháin i gcás inar sáraíodh an tairseach a leagtar síos i gcomhréir leis an mír sin le linn na bliana féilire roimhe. Féadfaidh an Ballstát a dheonóidh an díolúine síneadh ama dhá bhliain féilire a chur leis an tréimhse sin.

I gcás, le linn bliain féilire, inarb ionann an méid os cionn na tairsí dá dtagraítear in Airteagal 284(1) agus:

D'ainneoin phointí (a) agus (b) den dara fomhír, féadfaidh na Ballstáit uasteorainn 25 % a shocrú nó cead a thabhairt don duine inchánach leanúint de thairbhe a bhaint as an díolúine dá bhforáiltear in Airteagal 284(1) gan aon uasteorainn le linn na bliana féilire inar sáraíodh an tairseach. Mar sin féin, ní ceadmhach go mbeidh mar thoradh ar an uasteorainn sin a chur i bhfeidhm díolúine ag duine inchánach ar mó láimhdeachas an duine sin laistigh den Bhallstát a dheonóidh an díolúine sin ná EUR 100 000.

De mhaolú ar an dara agus ar an tríú fomhír, féadfaidh na Ballstáit a chinneadh go scoirfidh an díolúine dá bhforáiltear in Airteagal 284(1) d'fheidhm a bheith aici tráth a sárófar an tairseach a leagtar síos i comhréir leis an mír sin.

2.   Ní fhéadfaidh duine inchánach nach bhfuil bunaithe sa Bhallstát a dheonóidh an díolúine dá bhforáiltear in Airteagal 284(1) tairbhe a bhaint as an díolúine sin, i gcás inar sáraíodh tairseach láimhdeachais bhliantúil an Aontais dá dtagraítear i bpointe (a) d'Airteagal 284(2) sa bhliain féilire roimhe.

I gcás, le linn bliain féilire, ina sárófar tairseach láimhdeachais bhliantúil an Aontais dá dtagraítear i bpointe (a) d'Airteagal 284(2), scoirfidh an díolúine dá bhforáiltear in Airteagal 284(1) a deonaíodh do dhuine inchánach nach bhfuil bunaithe sa Bhallstát ina ndeonaítear an díolúine sin d'fheidhm a bheith aici ón tráth sin ar aghaidh.

3.   Déanfar luach comhfhreagrach an mhéid, san airgeadra náisiúnta, dá dtagraítear i mír 1, a ríomh tríd an ráta malairte a d'fhoilsigh an Banc Ceannais Eorpach an 18 Eanáir 2018 a chur i bhfeidhm.”;

1.   Déanfaidh an Ballstát bunaíochta an fhaisnéis seo a leanas a tharchur go leictreonach chuig údaráis inniúla na mBallstát a dheonóidh an díolúine laistigh de 15 lá oibre ón dáta ar a mbeidh an fhaisnéis ar fáil:

2.   Glacfaidh an Coimisiún trí bhíthin gníomhartha cur chun feidhme na mionsonraí teicniúla lena n‐áirítear teachtaireacht leictreonach choiteann lena dtíolacfar an fhaisnéis dá dtagraítear i mír 1 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 58(2).

1.   Déanfaidh an Ballstát dar thug duine inchánach réamhfhógra nó uasdátú ina dhiaidh sin i gcomhréir le hAirteagal 284(3) nó (4) de Threoir 2006/112/CE, roimh dó an duine inchánach a shainaithint nó an uimhir aitheantais aonair a dheimhniú don duine inchánach, a ríomh ar bhonn luachanna iomlána na soláthairtí arna dtuairisciú ag an duine inchánach, nár sáraíodh tairseach láimhdeachas bliantúil an Aontais dá dtagraítear i bpointe (a) d'Airteagal 284(2) den Treoir le linn na bliana féilire reatha nó na bliana féilire roimhe sin.

2.   Déanfaidh an Ballstát a dheonóidh an díolúine, laistigh de 15 lá oibre tar éis dó an fhaisnéis dá dtagraítear i bpointe (a) d'Airteagal 37a(1) den Rialachán seo a fháil, deimhniú a thabhairt, go leictreonach, d'údaráis inniúla an Bhallstáit bhunaíochta, bunaithe ar luachanna iomlána na soláthairtí arna dtuairisciú ag an duine inchánach, nár sáraíodh an tairseach láimhdeachais bhliantúil dá dtagraítear i bpointe (b) d'Airteagal 284(2) de Threoir 2006/112/CE le linn na bliana féilire reatha agus gur comhlíonadh na coinníollacha dá dtagraítear in Airteagal 288a(1) den Treoir sin.

3.   Tabharfaidh an Ballstát a dheonóidh an díolúine fógra d'údaráis inniúla an Bhallstáit bhunaíochta, gan mhoill, faoin dáta ar scoir an duine inchánach de bheith incháilithe don díolúine faoi Airteagal 288a(1) de Threoir 2006/112/CE.

4.   Glacfaidh an Coimisiún, trí bhíthin gníomhartha cur chun feidhme, na mionsonraí teicniúla, lena n‐áirítear teachtaireacht leictreonach choiteann, na bhfógraí dá dtagraítear i míreanna 2 agus 3 den Airteagal seo. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 58(2).”.