30.4.2007   

GA

Iris Oifigiúil an Aontais Eorpaigh

L NaN/3

(1)

Luaitear in Airteagal 2 den Chonradh go bhfuil sé ar cheann de chúraimí an Chomhphobail dlús a chur le hardleibhéal slándála sóisialta.

(2)

Thug Comhairle Eorpach Liospóin i Márta 2000 spreagadh do phróiseas malartaithe beartas idir na Ballstáit maidir le nuachóiriú na gcóras cosanta sóisialta.

(3)

Bunaíodh Coiste Cosanta Sóisialta le Cinneadh 2004/689/CE ón gComhairle (3) chun feidhmiú mar mheán don mhalartú comhoibritheach idir an Coimisiún agus na Ballstáit i ndáil le nuachóiriú agus le feabhsú na gcóras cosanta sóisialta.

(4)

I dTeachtaireacht an 27 Bealtaine 2003, rinne an Coimisiún cur síos ar straitéis a dhéanfadh sruthlíniú ar phróisis an chomhordaithe oscailte i réim an bheartais shóisialta le go ndéanfaí staid na cosanta sóisialta agus an chuimsithe shóisialta a neartú laistigh de straitéis Liospóin. An 20 Deireadh Fómhair 2003 chomhaontaigh an Chomhairle go dtiocfadh an sruthlíniú i bhfeidhm ó 2006 ar aghaidh. Sa chomhthéacs sin, tháinig Tuarascáil Chomhpháirteach bhliantúil chun bheith ina hionstraim bhunúsach tuairiscithe ina dtabharfar le chéile príomhthorthaí na hanailíse agus na teachtaireachtaí polaitiúla i dtaobh an Mhodha Oscailte Chomhordaithe (MOC) sna réimsí éagsúla ina gcuirtear i bhfeidhm é agus i dtaobh saincheisteanna leathana i réimse na cosanta sóisialta.

(5)

Cuireann an MOC béim as an nua ar an ngá atá le staidreamh inchomparáide, tráthúil, iontaofa i réimse na cosanta sóisialta. Go sonrach, baintear leas sna Tuarascálacha Comhpháirteacha bliantúla as staidreamh inchomparáide maidir leis an gcosaint shóisialta.

(6)

Déanann an Coimisiún (Eurostat) sonraí bliantúla maidir leis an gcosaint shóisialta a bhailiú cheana ó na Ballstáit ar bhonn deonach. Tá an cleachtas seo fódaithe anois sna Ballstáit agus tá sé bunaithe ar phrionsabail chomhchoiteanna mhodheolaíocha a ceapadh chun inchomparáideacht sonraí a áirithiú.

(7)

Tá táirgeadh sainstaidrimh Chomhphobail á rialú ag na rialacha a leagtar amach i Rialachán (CE) Uimh. 322/97 ón gComhairle an 17 Feabhra 1997 maidir le Staidreamh Comhphobail (4).

(8)

Ba chóir na bearta is gá chun an Rialachán seo a chur chun feidhme a ghlacadh i gcomhréir le Cinneadh 1999/468/CE ón gComhairle an 28 Meitheamh 1999 ag leagan síos na nósanna imeachta maidir le feidhmiú na gcumhachtaí cur chun feidhme arna dtabhairt don Choimisiún (5).

(9)

Go háirithe, ba chóir go dtabharfaí an chumhacht don Choimisiún a chinneadh cad é an chéad bhliain ar chóir sonraí iomlána a bhailiú i leith glansochar cosanta sóisialta. Ba chóir chomh maith go dtabharfaí an chumhacht don Choimisiún bearta a ghlacadh maidir le haicmiú mionsonraithe na sonraí a fholófar, maidir leis na sainmhínithe a úsáidfear agus maidir leis na rialacha i dtaobh scaipeadh sonraí a thabhairt cothrom le dáta. Ó tharla go bhfuil raon feidhme ginearálta ag na bearta sin agus gur chun eilimintí neamhriachtanacha den Rialachán seo a leasú a ceapadh iad agus chun é a fhorlíonadh trí eilimintí nua neamhriachtanacha a chur leis, ba chóir iad a ghlacadh i gcomhréir leis an nós imeachta rialúcháin lena ngabhann grinnscrúdú agus dá bhforáiltear in Airteagal 5a de Chinneadh 1999/468/CE.

(10)

Ós rud é nach féidir cuspóir an Rialacháin seo, eadhon caighdeáin chomhchoiteanna staidrimh a chruthú a cheadóidh táirgeadh sonraí comhchuibhithe, a ghnóthú go leordhóthanach ar leibhéal na mBallstát agus gur fearr, dá bhrí sin, is féidir é a ghnóthú ar leibhéal an Chomhphobail, féadfaidh an Comhphobal bearta a ghlacadh, i gcomhréir le prionsabal na coimhdeachta mar a shainítear in Airteagal 5 den Chonradh é. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun an cuspóir sin a bhaint amach.

(11)

Tá comhar ann cheana leis an Eagraíocht um Chomhar agus Forbairt Eacnamaíochta i réimse na nglansochar cosanta sóisialta.

(12)

Chuathas i gcomhairle leis an gCoiste um an gClár Staidrimh a bunaíodh le Cinneadh 89/382/CEE, Euratom ón gComhairle (6),

(a)

creat modheolaíoch - bunaithe ar chaighdeáin chomhchoiteanna, ar shainmhínithe comhchoiteanna, ar aicmithe comhchoiteanna agus ar rialacha comhchoiteanna cuntasaíochta - a úsáidfear chun staidreamh a thiomsú ar bhonn inchomparáide ar mhaithe leis an gComhphobal;

agus

(b)

teorainneacha ama maidir le tarchur staidrimh arna thiomsú i gcomhréir le CESICS.

(a)

Beidh le ‘staidreamh Comhphobail’ an bhrí a shanntar dó in Airteagal 2 de Rialachán (CE) Uimh. 322/97;

(b)

‘Cosaint shóisialta’: gach idirghabháil ó chomhlachtaí poiblí nó ó chomhlachtaí príobháideacha a ceapadh chun ualach tacar sainmhínithe priacal nó riachtanas a bhaint de theaghlaigh agus de dhaoine aonair, ar choinníoll nach mbeidh socrú cómhalartach comhuaineach ná socrú leithleach i gceist. Socraítear, de réir an ghnáis, mar a leanas an liosta priacal nó riachtanas a bhféadfadh cosaint shóisialta eascairt astu: breoiteacht agus/nó cúram sláinte; míchumas; seanaois; marthanas; teaghlach/leanaí; dífhostaíocht; tithíocht; agus eisiamh sóisialta nach n-aicmítear in áit ar bith eile;

(c)

‘Scéim chosanta sóisialta’: comhlacht leithleach rialacha a dtacaíonn aonad institiúideach amháin nó níos mó leis, lena rialaítear soláthar agus maoiniú sochar cosanta sóisialta;

(d)

‘Sochair chosanta sóisialta’: aistrithe in airgead tirim nó aistrithe comhchineáil trí scéimeanna cosanta sóisialta chuig teaghlaigh agus chuig daoine aonair chun ualach ceann amháin nó níos mó de na priacail shainmhínithe nó de na riachtanais shainmhínithe a bhaint díobh;

(e)

‘Sochair fhioscacha’: cosaint shóisialta a chuirtear ar fáil i bhfoirm faoiseamh cánach a shainmhíneofaí mar shochair chosanta sóisialta dá gcuirfí ar fáil iad i bhfoirm airgid thirim, gan faoisimh chánach a chuireann soláthar cosanta sóisialta chun cinn nó a chuireann pleananna príobháideacha árachais chun cinn san áireamh;

(f)

‘Glansochair chosanta sóisialta’: luach na sochar cosanta sóisialta lúide na cánacha agus na ranníocaíochtaí sóisialta a íocann faighteoirí na sochar arna chomhlánú ag luach sochar fioscach.

(a)

cláir agus foinsí eile riaracháin;

(b)

suirbhéanna;

(c)

meastacháin.