(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas ar údarú ullmhóide d’ion-1,4-béite-xiolanáis arna táirgeadh ag Trichoderma reesei ATCC PTA-5588, próitéáis (ar a dtugtar freisin ‘subtilisin’) arna táirgeadh ag Bacillus subtilis ATCC SD-2107 agus alfaimileáis arna táirgeadh ag Bacillus lichenformis ATCC SD-6525. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas sin le húdarú ullmhóide d’ion-1,4-béite-xiolanáis arna táirgeadh ag Trichoderma reesei ATCC PTA-5588, próitéáis arna táirgeadh ag Bacillus subtilis ATCC SD-2107 agus alfaimileáis arna táirgeadh ag Bacillus lichenformis ATCC SD-6525 mar bhreiseán beatha le haghaidh sicíní lena ramhrú, sicíní a thógtar le bheith ina mbéaróga, béaróga agus mionspeicis éanlaithe clóis, atá le haicmiú sa chatagóir ‘breiseáin zóiteicniúla’ agus sa ghrúpa feidhme ‘feabhsaitheoirí díleáiteachta’.

(4)

Níorbh fhéidir leis an Údarás Eorpach um Shábháilteacht Bia (‘an tÚdarás’) teacht ar chonclúid, ina thuairim an 25 Bealtaine 2020 (2), ar shábháilteacht na hullmhóide d’ion-1,4-béite-xiolanáis arna táirgeadh ag Trichoderma reesei ATCC PTA-5588, próitéáis arna táirgeadh ag Bacillus subtilis ATCC SD-2107 agus alfaimileáis arna táirgeadh ag Bacillus lichenformis ATCC SD-6525 do na spriocspeicis, do thomhaltóirí, d’úsáideoirí agus don chomhshaol. Mar sin féin, ina thuairim ina dhiaidh sin an 6 Eanáir 2023 (3), thuairiscigh an tÚdarás gur chuir an t-iarratasóir faisnéis nua isteach chun aghaidh a thabhairt ar chuid de na teorainneacha a aithníodh i dtuairim an 25 Bealtaine 2020 agus gur dhearbhaigh sé athrú ar thréithchineáil táirgeachta na próitéáise, ag cur Bacillus subtilis ATCC SD-2107 in ionad Bacillus subtilis CBS 148232, agus bhain sé de thátal as, faoi na coinníollacha úsáide a bhí beartaithe, nach bhfuil drochthionchar ag an ullmhóid d’ion-1,4-béite-xiolanáis arna táirgeadh ag Trichoderma reesei ATCC PTA-5588, próitéáis arna táirgeadh ag Bacillus subtilis CBS 148232 agus alfaimileáis arna táirgeadh ag Bacillus lichenformis ATCC SD-6525 ar shláinte ainmhithe, ar shábháilteacht tomhaltóirí ná ar an gcomhshaol. Bhain sé de thátal as freisin go mbreathnaítear ar an ullmhúchán sin mar íogróir riospráide agus, in éagmais sonraí, nach bhféadfadh sé cinneadh a dhéanamh maidir lena chumas greannachta don chraiceann agus do na súile ná dá hairíonna íogróra don chraiceann. Tháinig an tÚdarás ar an gconclúid freisin ina thuairim an 6 Eanáir 2023 ag tagairt dá thuairim an 25 Bealtaine 2020 go raibh ullmhóid ullmhóid d’ion-1,4-béite-xiolanáis arna táirgeadh ag Trichoderma reesei ATCC PTA-5588, próitéáis arna táirgeadh ag Bacillus subtilis CBS 148232 agus alfaimileáis arna táirgeadh ag Bacillus lichenformis ATCC SD-6525 éifeachtach i sicíní lena ramhrú, i sicíní a thógtar le bheith ina mbéaróga agus i mionspeicis éanlaith chlóis suas go dtí an pointe beirthe, ach níorbh fhéidir teacht ar chonclúid maidir lena éifeachtúlacht maidir le béaróga. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an Saotharlann Tagartha a bunaíodh le Rialachán (CE) Uimh. 1831/2003.

(5)

Tharraing an t-iarratasóir siar an t-iarratas, an 14 Aibreán 2023, ar údarú na hullmhóide le haghaidh béaróga.

(6)

Léirítear leis an measúnú ar an ullmhóid ion-1,4-béite-xiolanáise arna táirgeadh ag Trichoderma reesei ATCC PTA-5588 agus próitéáis arna táirgeadh ag Bacillus subtilis CBS 148232 agus alfaimileáis arna táirgeadh ag Bacillus lichenformis ATCC SD-6525 go bhfuil na coinníollacha údaraithe, dá bhforáiltear in Airteagal 5 de Rialachán (CE) Uimh. 1831/2003, á gcomhlíonadh. Dá réir sin, ba cheart úsáid na hullmhóide sin a údarú. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,