a)

Córais bhreithiúnacha atá neamhspleách, cuntasach, neamhchlaonta, gairmiúil, dípholaitithe agus éifeachtúil a bhunú, lena n-áirítear trí earcaíocht thrédhearcach atá bunaithe ar fhiúntas, córais mheastóireachta agus ardaithe céime agus nósanna imeachta éifeachtacha araíonachta i gcás éagóra, agus comhar breithiúnach a chur chun cinn; rochtain ar cheartas a áirithiú

b)

Saoirsí bunúsacha a neartú, lena n-áirítear an tsaoirse chun tuairimí a nochtadh, saoirse na meán, saoirse tionóil agus comhlachais agus cosaint sonraí;

c)

Cearta an duine a chur chun cinn agus a chosaint, lena n-áirítear neamh-idirdhealú agus comhionannas inscne, cearta leanaí, cearta daoine ar de ghrúpaí mionlaigh iad;

d)

An comhrac in aghaidh an éillithe a chur chun cinn agus a neartú;

e)

Comhar agus malartú faisnéise i bhforfheidhmiú an dlí a chur chun cinn; uirlisí éifeachtacha a fhorbairt chun an choireacht eagraithe, an gháinneáil ar dhaoine, airm thine aindleathacha, mionairm agus airm éadroma, an gháinneáil ar dhrugaí, sciúradh airgid/maoiniú sceimhlitheoireachta a chosc agus a chomhrac; tacú le teagmháil leis an Aontas maidir leis an bhfrithsceimhlitheoireacht agus an radacú a chosc.

a)

Faisnéis ábhartha a chomhroinnt;

b)

Rochtain ar chosaint idirnáisiúnta a áirithiú, agus bainistiú tearmainn a neartú;

c)

Acmhainneachtaí a neartú le haghaidh bainistiú teorann, agus i réimse an fhillte agus an ath-lánpháirtithe, agus iarrachtaí a neartú chun dul i ngleic leis an imirce neamhrialta, lena n-áirítear an comhrac in aghaidh smuigleáil imirceach;

d)

Aghaidh a thabhairt ar an easáitiú éigeantach.

a)

Tacú le tuilleadh forbartha ar na meáin neamhspleácha agus iolraíocha agus ar litearthacht sna meáin;

b)

Athléimneacht an stáit agus na sochaí a mhéadú i leith na bréagaisnéise agus cineálacha eile bagairtí hibrideacha, lena n-áirítear fothú acmhainneachta i réimse na cibearshlándála.

a)

Creata athchóirithe riaracháin phoiblí a neartú, lena n-áirítear i réimse an tsoláthair phoiblí, pleanáil straitéiseach agus beartas cuimsitheach fianaise-bhunaithe agus forbairt reachtúil a fheabhsú;

b)

Feabhas a dhéanamh maidir leis an tseirbhís phoiblí a dhéanamh níos gairmiúla agus a dhípholaitiú trí phrionsabail atá bunaithe ar fhiúntas a chothú;

c)

Trédhearcacht agus cuntasacht a chur chun cinn, lena n-áirítear rochtain an phobail ar fhaisnéis;

d)

Cáilíocht agus seachadadh seirbhísí a fheabhsú, lena n-áirítear nósanna imeachta riaracháin leordhóthanacha agus r-Rialtas atá idir-inoibritheach agus dírithe ar shaoránaigh a úsáid;

e)

Bainistíocht airgeadais phoiblí agus tairgeadh staitisticí ar ardchaighdeán a neartú.

a)

Tacú le cur chun feidhme na gclár athchóirithe eacnamaíoch agus le comhar sistéimeach le hinstitiúidí airgeadais idirnáisiúnta maidir le bunphrionsabail an bheartais eacnamaíoch agus institiúidí eacnamaíocha a neartú;

b)

Feabhas a chur ar an acmhainneacht cobhsaíocht mhaicreacnamaíoch agus comhtháthú sóisialta a neartú;

c)

Tacú le forbairt inbhuanaithe agus leis an dul chun cinn i dtreo geilleagar margaidh lánfheidhmeach;

d)

Dul i dtreo Chómhargadh Réigiúnach na mBalcán Thiar.

a)

Líonrú duine le duine, an t-athmhuintearas, bearta cothaithe síochána agus cothaithe muiníne, luathrabhadh agus anailís riosca atá íogair ó thaobh coinbhleachta de, tionscnaimh lena gcuirtear an t-athmhuintearas chun cinn, an ceartas idirthréimhseach, lorg na fírinne, cúiteamh agus ráthaíochtaí neamh-atarlaithe a chur chun cinn;

b)

Tacú le fothú acmhainneachta chun tacú le gníomhaíochtaí slándála agus forbartha (CBSD).

a)

Acmhainneacht, neamhspleáchas agus iolrachas eagraíochtaí na sochaí sibhialta a neartú agus eagraíochtaí na sochaí sibhialta a chumhachtú ar an leibhéal réigiúnach agus ar an leibhéal áitiúil, lena n-áirítear eagraíochtaí óige;

b)

Eagraíochtaí na gcomhpháirtithe sóisialta a threisiú, lena n-áirítear comhlachais ghairmiúla;

c)

Líonrú a spreagadh i measc eagraíochtaí atá lonnaithe san Aontas agus i measc eagraíochtaí na dtairbhithe ar gach leibhéal, le go mbeidís in ann a bheith páirteach in idirphlé éifeachtach le gníomhaithe poiblí agus príobháideacha.

a)

Timpeallacht chumasúcháin níos fearr a chruthú chun cearta na mban agus na gcailíní a bhaint amach;

b)

Dul i ngleic le gach cineál foréigin, idirdhealaithe agus neamh-chomhionannais inscne-bhunaithe;

c)

Rannpháirtíocht chomhionann na mban agus na gcailíní agus ceannaireacht chomhionann ag mná agus cailíní a chur chun cinn, lena n-áirítear i gceapadh beartas agus sa chinnteoireacht;

d)

Buiséadú inscne a chur chun cinn.

a)

Rochtain chothrom ar oideachas agus cúram luath-óige ar ardchaighdeán, ar bhunscolaíocht agus ar scolaíocht dara leibhéil a chur chun cinn, soláthar bunscileanna a fheabhsú;

b)

Leibhéil oideachais a mhéadú; dul i ngleic le himirce daoine oilte; luathfhágáil na scoile a laghdú; oiliúint múinteoirí a threisiú;

c)

Córais ghairmoideachais agus ghairmoiliúna a fhorbairt, agus córais foghlama obairbhunaithe a chur cinn chun an t-aistriú chuig an margadh saothair a éascú, lena n-áirítear do dhaoine faoi mhíchumas;

d)

Cáilíocht agus ábharthacht an ardoideachais agus an taighde a fheabhsú;

e)

Gníomhaíochtaí a bhaineann le alumni a spreagadh;

f)

Rochtain ar an bhfoghlaim ar feadh an tsaoil a fheabhsú, agus tacú le hinfheistíocht i mbonneagar an oideachais agus na hoiliúna inrochtana; go háirithe chun éagothromaíochtaí réigiúnacha a laghdú agus chun oideachas neamhscartha cuimsitheach a chothú, lena n-áirítear trí theicneolaíochtaí digiteacha inrochtana a úsáid.

g)

Comhar idir na hearnálacha cultúir, cruthaitheachta agus spóirt a fheabhsú.

a)

Dul i ngleic le rátaí arda dífhostaíochta agus neamhghníomhaíochta trí thacú le lánpháirtiú inbhuanaithe sa mhargadh saothair, go háirithe i dtaca le daoine óga, mná, daoine atá dífhostaithe go fadtéarmach agus gach grúpa faoi ghannionadaíocht;

b)

Fostaíocht d’ardchaighdeán a spreagadh agus tacú le forfheidhmiú éifeachtach rialacha agus caighdeáin saothair;

c)

Tacú le comhionannas inscne agus leis an óige, infhostaitheacht agus táirgeacht a chur chun cinn, oibrithe agus fiontair a chur in oiriúint don athrú, idirphlé sóisialta inbhuanaithe a bhunú mar aon le hinstitiúidí mhargadh an tsaothair a nuachóiriú agus a neartú, amhail seirbhísí fostaíochta poiblí agus cigireachtaí saothair.

a)

Córais chosanta sóisialta a nuachóiriú chun cosaint éifeachtach, éifeachtúil agus leordhóthanach a sholáthar ag gach céim de shaol an duine;

b)

An t-aistriú ó chúram institiúideach go cúram sa teaghlach agus cúram pobalbhunaithe a chur chun cinn;

c)

An cuimsiú sóisialta a chothú, comhionannas deiseanna a chur chun cinn agus aghaidh a thabhairt ar neamh-chomhionannais agus ar an mbochtaineacht;

d)

Pobail imeallaithe, amhail na Romaigh, a lánpháirtiú;

e)

Gach cineál idirdhealaithe a chomhrac;

f)

Rochtain ar sheirbhísí inacmhainne inbhuanaithe ardcháilíochta a fheabhsú, amhail oideachas agus cúram luath-óige, tithíocht, cúram sláinte agus seirbhísí sóisialta fíor-riachtanacha agus cúram fadtéarma, lena n-áirítear trí chórais chosanta sóisialta a nuachóiriú.

a)

Aghaidh a thabhairt ar dhíghrádú comhshaoil agus stop a chur le cailliúint bithéagsúlachta;

b)

Caomhnú agus bainistíocht inbhuanaithe éiceachórais talún agus muirí agus acmhainní nádúrtha a chur chun cinn;

c)

Infheistíocht a dhéanamh i gcáilíocht an aeir, i mbainistiú uisce agus dramhaíola agus i mbainistiú inbhuanaithe ceimiceán;

d)

Éifeachtúlacht acmhainne, tomhaltas agus táirgeacht inbhuanaithe a chur chun cinn agus dul i ngleic le truailliú;

e)

Tacú leis an aistriú chuig geilleagair ghlasa agus chiorclacha, cabhrú le hastaíochtaí gás ceaptha teasa a laghdú, an athléimneacht in aghaidh an athraithe aeráide a mhéadú agus rialachas agus faisnéis a chur chun cinn ar mhaithe le gníomhaíocht ar son na haeráide, agus éifeachtúlacht fuinnimh a chur chun cinn;

f)

Beartais a chur chun cinn chun tacú leis an aistriú i dtreo geilleagar ísealcharbóin a bheidh tíosach ar acmhainní, slán, agus inbhuanaithe, agus an athléimneacht ó thubaistí, chomh maith le cumas coiscthe, ullmhachta agus freagartha i ndáil le tubaistí a neartú.

a)

An fhostaíocht a chur chun cinn mar aon le soghluaisteacht saothair agus cuimsiú sóisialta agus cultúrtha thar theorainneacha;

b)

An comhshaol a chosaint agus oiriúnú don athrú aeráide, maolú an athraithe aeráide, agus cosc riosca agus bainistíocht riosca a chur chun cinn agus úsáid foinsí fuinnimh inathnuaite a chur chun cinn;

c)

Iompar inbhuanaithe a chur chun cinn agus bonneagair phoiblí a fheabhsú;

d)

An geilleagar digiteach agus an tsochaí dhigiteach a chur chun cinn;

e)

An turasóireacht, go háirithe an turasóireacht inbhuanaithe, a spreagadh, agus an oidhreacht chultúrtha agus nádúrtha a chaomhnú agus a chur chun cinn;

f)

Infheistíocht a dhéanamh san aos óg, sa spórt, san oideachas agus i scileanna;

g)

Rialachas áitiúil agus réigiúnach a chur chun cinn agus acmhainneacht phleanála agus riaracháin na n-údarás áitiúil agus na n-údarás réigiúnach a fheabhsú;

h)

Tionscnaimh trasteorann a chur chun cinn chun an t-athmhuintearas agus an ceartas idirthréimhseach a chothú;

i)

An t-iomaíochas, an timpeallacht ghnó agus forbairt fiontar beag agus meánmhéide, na trádála agus na hinfheistíochta a fheabhsú;

j)

An taighde, an fhorbairt teicneolaíochta, an nuálaíocht agus teicneolaíochtaí digiteacha a neartú.