—

An breithiúnas atá faoi achomharc a chur ar leataobh;

—

A ordú don iarratasóir na costais ó chás T-371/20 agus T-554/20, chomh maith leis na costais ón achomharc seo, a íoc.

1.

An chéad saincheist dlí, lena n-éilítear gur mhíléirigh an Chúirt Ghinearálta coincheap “ábhar nach bhfuil cinneadh déanta [ag an institiúid] ina leith fós” faoin gcéad fhomhír d’Airteagal 4(3) de Rialachán Uimh. 1049/2001.

Rinne an Chúirt Ghinearálta coincheap “ábhar nach bhfuil cinneadh déanta [ag an institiúid] ina leith fós” a chur i bhfeidhm go mícheart trí chur i bhfeidhm an chéad fhomhír d’Airteagal 4(3) de Rialachán Uimh. 1049/2001 a theorranú d’ábhar a cuireadh isteach le haghaidh plé laistigh den institiúid nó atá le cur isteach le haghaidh plé go han-gairid.

2.

An dara shaincheist dlí, lena n-éilítear go ndearna an Chúirt Ghinearálta earráid dlí agus í i mbun measúnú “[an] ndéanfaí dochar tromchúiseach do phróiseas cinnteoireachta na hinstitiúide dá nochtfaí an doiciméad” de réir bhrí an chéad fomhír d’Airteagal 4(3) de Rialachán Uimh. 1049/2001. Tá an dara shaincheist roinnte ina dá chuid.

Ar an gcéad dul síos, chuir an Chúirt Ghinearálta a léiriú féin ar na cinntí atá faoi chonspóid ina ionad agus ghlac sí réasúnaíocht chontrártha.

Ar an dara dul síos, dhiúltaigh an Chúirt go mícheart d’ábharthacht Rialachán (AE) Uimh. 182/2011 ó Pharlaimint na hEorpa agus ón gComhairle lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún chomh maith le Rialacha Caighdeánacha Nós Imeachta le haghaidh Coistí chun críocha measúnacht “[an] ndéanfaí dochar tromchúiseach do phróiseas cinnteoireachta na hinstitiúide dá nochtfaí an doiciméad”. Thairis sin, níor bhain sí úsáid as na caighdeán dlí ab chuí chun tosca ábhartha a mheas agus mhainnigh sí na tosca ábhartha a mheas mar chuid de chorpas fianaise sheasmhach.