Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022TN0653

Cás T-653/22: Caingean arna tabhairt an 19 Deireadh Fómhair 2022 — Silex v an Coimisiún

IO C 463, 5.12.2022, pp. 60–61 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

5.12.2022   

GA

Iris Oifigiúil an Aontais Eorpaigh

C 463/60

Caingean arna tabhairt an 19 Deireadh Fómhair 2022 — Silex v an Coimisiún

(Cás T-653/22)

(2022/C 463/89)

Teanga an cháis: an Ungáiris

Páirtithe

Iarratasóir: Silex Ipari Automatizálási Zrt. (Búdaipeist, an Ungáir) (ionadaí: Á. Baratta, Dlíodóir)

Cosantóir: An Coimisiún Eorpach

An t-ordú atá á lorg

Iarann an t-iarratasóir ar an gCúirt Ghinearálta:

—

Cinneadh C(2022) 5863 final ón gCoimisiún an 9 Lúnasa 2022 maidir le haisghabháil na suime EUR 27 726,44 (fiche seacht míle, seacht céad agus fiche sé euro agus daichead is a ceathair cent), agus an t-ús mainneachtana lena mbaineann, atá dlite ag Silex Ipari Automatizálási Zrt., a chur ar neamhní;

—

a ordú don Choimisiún na costais a íoc, i gcás go ndíbhtear éilimh an iarratasóra freisin, toisc nach gcomhlíontar ceanglais an dea-riaracháin.

Saincheisteanna dlí agus príomhargóintí

Mar thaca lena chaingean, maíonn an t-iarratasóir ceithre shaincheist dlí.

1.

Saincheisteanna dlí lena n-éilítear sárú ar an oibleagáid cúiseanna a lua, earráid fhollasach mheasúnaithe agus sárú ar cheanglas na bainistíochta fónta airgeadais.

—

Sháraigh an cosantóir a oibleagáid cúiseanna a lua, rinne sé earráid fhollasach mheasúnaithe agus sháraigh ceanglas na bainistíochta fónta airgeadais trí Chinneadh C(2022) 5863 final ón gCoimisiún an 9 Lúnasa 2022, lena gceanglaítear ar an iarratasóir EUR 27 726,44 agus an t-ús lena mbaineann a íoc a bhunú

—

ar chéad tuarascáil bhliantúil athbhreithnithe na Gníomhaireachta Feidhmiúcháin um Fhiontair Bheaga agus Mheánmhéide (“EASME”) an 25 Aibreán 2018 arna glacadh i ndiaidh na seiceála ar an láthair i Márta 2018;

—

ar dhoiciméad EASME an 15 Meitheamh 2018, ina léirítear den chéad uair a rún chun deireadh a chur leis an gcomhaontú deontais darb uimhir thagartha 739280 ELECTRIC_AXLE, arna chur i gcrích ag an iarratasóir le EASME, agus ar na cúiseanna don doiciméad sin;

—

ar dhoiciméad EASME an 8 Deireadh Fómhair 2018 lena gcuirtear deireadh leis an gcomhaontú deontais go hiarbhír agus ar na cúiseanna don doiciméad sin, agus

—

ar thuarascáil chríochnaitheach EASME an 31 Iúil 2019.

2.

Saincheist dlí lena n-éilítear sárú ar phrionsabal an dea-riaracháin.

—

Sháraigh an cosantóir prionsabal an dea-riaracháin

—

toisc nach ndearna sé scrúdú ar shubstaint an ghearáin a rinne an t-iarratasóir i gcoinne cur chuige EASME le linn chur chun feidhme an chomhaontaithe deontais, agus,

—

toisc gur mhaígh sé sa ghníomh atá faoi chonspóid nár fhreagair an t-iarratasóir na ceanglais agus na meabhrúcháin íocaíochta.
Top