Tugtar rialacha aonfhoirmeacha isteach ar fud AE ag sonrú an t-íosmhéid nósanna imeachta sábháilteachta agus nósanna imeachta a bhaineann le sábháilteacht le haghaidh eitlíocht sciatháin dhobhogtha do phaisinéirí tráchtála agus lasta isteach leis.

PRÍOMHPHOINTÍ

Cur i bhfeidhm

Leagtar amach leis an rialachán ceanglais theicniúla agus nósanna imeachta riaracháin coiteanna i réimse shábháilteacht na heitlíochta sibhialta, ag cumhdach feidhmiú agus cothabháil na heitlíochta mar aon leis na daoine agus na heagraíochtaí a thugann faoi na tascanna sin. Tá feidhm ag na ceanglais agus na nósanna imeachta seo leis an eitlíocht uile a úsáideann oibritheoirí AE.
Bhí freagracht ar gach tír AE le háirithiú go gcomhlíonann a nÚdaráis Eitlíochta Sibhialta na riachtanais le ballraíocht a ghlacadh sna Comhúdaráis Eitlíochta de réir mar a shonraítear iad sna socruithe (JAR roimh an 1 Eanáir 1992).
Tá an rialachán seo fós i bhfeidhm mar tá rialacha náisiúnta maidir le teorainneacha ama eitilte agus dualgais agus riachtanais agus ceanglais maidir le scíth i ndáil le tacsaí aeir, seirbhísí éigeandála liachta agus oibríochtaí aeriompair tráchtála píolóta aonair arna ndéanamh ag eitleáin i bhfeidhm de bhua Airteagail 8 a ghabhann leis.

Ceisteanna sábháilteachta

Féadfaidh tíortha AE tabhairt faoi ghníomh láithreach le haghaidh ceisteanna sabháilteachta a bhaineann lel táirge, duine, nó comhlacht a chumhdaítear faoin rialachán seo, beag beann ar na rialacha a liostáiltear thuas.
Áit a n–aimsítear go bhfuil na leibhéil sábháilteachta neamhleor nó easnamhach faoi na cheanglais agus nósanna imeachta coiteanna, ní mór don Choimisiún Eorpach moltaí cuí a dhéanamh chun an cás a réiteach.
In imthosca eisceachtúla, féadfaidh tíortha AE aontú ar eisceachtaí ó na ceanglais teicniúla agus ó na nósanna imeachta riaracháin a chumhdaítear faoin rialachán seo, ar an gcoinníoll go bhfuil siad i gcomhréir lena chuspóirí sábháilteachta.

Gníomhaireacht Sábháilteachta Eitlíochta an Aontais Eorpaigh (EASA)

Gheobhaidh an Coimisiún cúnamh ó EASA nuair atá sé ag dréachtú aon leasú ar na ceanglais a bhaineann leis an bhfoireann cábáin agus teorainneacha ama eitilte agus ama dualgais.

Aisghairm

Aisghairfear Rialachán (CCE) Uimh. 3922/91 le Rialachán (AE) 2018/1139 maidir le rialacha comhchoiteanna i réimse na heitlíochta sibhialta agus bunú EASA (féach achoimre).

Tiocfaidh an aisghairm i bhfeidhm ó dháta feidhme na rialacha mionsonraithe maidir le teorainneacha ama eitilte agus dualgais agus riachtanais agus ceanglais maidir le scíth i ndáil le tacsaí aeir, seirbhísí éigeandála liachta agus oibríochtaí aeriompair tráchtála píolóta atá le glacadh fós (féach Airteagail 32(1)(a) de Rialachán (AE) 2018/1139).

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Eanáir 1992.

CÚLRA

Féach chomh maith:

Oibríochtaí aeir, lena n–áirítear teorainneacha ama eitilte (FTL) (An Coimisiún Eorpach).

PRÍOMHDHOICIMÉAD

Rialachán (CE) Uimh. 3922/91 an 16 Nollaig 1991 maidir le ceanglais theicniúla agus nósanna imeachta riaracháin a chomhchuibhiú i réimse na heitlíochta sibhialta (IO L 373, 31.12.1991, lgh. 4-8)

Rinneadh leasuithe comhleanúnacha a rinneadh ar Rialachán (CEE) Uimh. 3922/91 a chorprú sa bhuntéacs. Níl sa leagan comhdhlúite seo ach luach doiciméadach amháin.