This document is an excerpt from the EUR-Lex website
European Case Law Identifier
Aitheantóir Cásdlí Eorpach
Aitheantóir Cásdlí Eorpach
Plean Gníomhaíochta Eorpach r-Cheartais 2019-2023
Airteagal 67 den Chonradh ar Fheidhmiú an Aontais Eorpaigh
Baintear leas i bPlean Gníomhaíochta Eorpach r-Cheartais 2019-2023 as plean gníomhaíochta r-Cheartais 2014-2018 AE a bhfuil deireadh leis anois. Léirítear sa dá phlean sin an tábhacht a bhaineann le rochtain trasteorann ar chásdlí* náisiúnta, an gá atá le teicneolaíocht chaighdeánaithe agus dhíláraithe.
Iarradh leis na conclúidí go dtabharfaí isteach an tAitheantóir Cásdlí Eorpach (ECLI) agus sraith íosta de mheiteashonraí* aonfhoirmeacha do chásdlí.
Tá na conclúidí bunaithe ar Airteagal 67(1) den Chonradh ar Fheidhmiú an Aontais Eorpaigh. Sonraítear san airteagal sin go mbeidh an tAontas Eorpach ina limistéar saoirse, slándála agus ceartais ina mbeidh meas ar chearta bunúsacha agus ar chórais dhlíthiúla agus ar thraidisiúin éagsúla thíortha AE.
Tá sé ríthábhachtach rochtain a bheith ag duine ar chásdlí le haghaidh an smachta reachta — ceann de phríomhluachanna an Aontais Eorpaigh, mar a leagtar amach in Airteagal 2 den Chonradh ar an Aontas Eorpach. Leis an rochtain sin:
Is foinse thábhachtach faisnéise é cásdlí na gcúirteanna náisiúnta ar chórais dhlíthiúla thíortha AE ach freisin ar dhlí AE. Chomh maith le fadhbanna a bhaineann le teanga, tá an easpa aitheantóirí aonfhoirmeacha cásdlí ina bhac ar thaighde trasteorann maidir le ceisteanna dlí. Dá bhrí sin, theastaigh uirlis ó shaoránaigh, ó ghairmithe dlí agus ó údaráis náisiúnta lenar féidir cuardach a dhéanamh ar chásdlí náisiúnta agus ar chásdlí AE go héasca agus é a lua go soiléir ansin.
Níorbh é an cuspóir leis bunachar sonraí díláraithe Eorpach maidir le cásdlí náisiúnta a chruthú. Ina ionad sin, cuireadh i bhfeidhm córas comhchoiteann le haghaidh aithint agus le haghaidh meiteashonraí cásdlí.
Dá bhrí sin, leis na conclúidí iarradh ar thíortha AE an méid a leanas a chur ar bun ar bhonn deonach:
Ní mór do gach tír rannpháirteach AE a úsáideann ECLI eagraíocht rialtais nó bhreithiúnach a cheapadh mar a gComhordaitheoir náisiúnta ECLI. Féadfaidh cúirteanna agus binsí laistigh de thír amháin páirt a ghlacadh sa chóras tráth ar bith. Chuir Boird Achomhairc Oifig Eorpach na bPaitinní agus Cúirt Bhreithiúnais an Aontais Eorpaigh (a fheidhmíonn freisin mar chomhordaitheoir ECLI do AE) an ECLI chun feidhme freisin. Sanntar aitheantóir Eorpach do gach breithiúnas a thugtar, ní hamháin dóibh siúd a fhoilsítear ar an idirlíon.
Áirítear ar bhuntáistí an ECLI an méid a leanas:
I mí na Nollaig 2018, ghlac an Chomhairle an straitéis agus an plean gníomhaíochta maidir le r-cheartas a fhorbairt a mhairfidh ar feadh na tréimhse 2019-2023. Díreofar obair a bhaineann le r-cheartas ar 3 chuspóir:
Féadfar faisnéis faoin ECLI a fháil ar an Tairseach Eorpach don r-Cheartas. Soláthraítear sonraí sa tairseach maidir le formáid agus úsáid an aitheantóra, agus ar na meiteashonraí agus na comhordaitheoirí náisiúnta chomh maith. Cumasaítear leis freisin rochtain ar chomhéadan cuardaigh ECLI. Níl an comhéadan sin beartaithe a bheith mar bhunachar sonraí ar an leibhéal Eorpach ach cumasaítear leis go simplí cuardach a dhéanamh, ag baint úsáid as ECLI agus meiteashonraí áirithe, ar na bunachair sonraí náisiúnta agus láithreáin ghréasáin idirnasctha.
Plean Gníomhaíochta 2019-2023 An Tairseach Eorpach don r-Cheartas (IO C 96, 13.3.2019, lgh. 9-32)
Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais an Aontais agus gníomhaíochtaí inmheánacha — Teideal V — Limistéar saoirse, slándála agus ceartais — Caibidil 1 — Forálacha ginearálta — Airteagal 67 (sean-Airteagal 61 CCE agus sean-Airteagal 29 CAE) (IO C 202, 7.6.2016, lch. 73)
Conclúidí ón gComhairle lena n–iarrtar go dtabharfaí isteach an tAitheantóir Cásdlí Eorpach (ECLI) agus sraith íosta de mheiteashonraí aonfhoirmeacha do chásdlí (IO C 127, 29.4.2011, lgh.1-7)
Straitéis 2019-2023 maidir le r-Cheartas (IO C 96, 13.3.2019, lgh. 3-8)
Plean Gníomhaíochta Eorpach Ilbhliantúil 2014-2018 maidir le R-Cheartas (IO C 182, 14.6.2014, lgh. 2-13)
Nuashonraithe 29.04.2019