Páipéar uaine

Doiciméid is ea na Páipéir Uaine a fhoilsíonn an Coimisiún Eorpach chun díospóireacht a spreagadh ar ábhair áirithe ar leibhéal an Aontais Eorpaigh (AE). Tugtar cuireadh do na páirtithe ábhartha (comhlachtaí nó daoine aonair) páirt a ghlacadh i bpróiseas comhairliúcháin agus i ndíospóireacht bunaithe ar na tograí a chuir siad ar aghaidh. Féadfaidh forbairtí reachtacha teacht as páipéir uaine, a dtugtar breac–chuntas orthu ansin i bpáipéir bhána.

Foilsítear iad ar thairseach ghréasáin “Cloisimis uait” an Choimisiúin agus bíonn siad ar oscailt le haghaidh ionchur páirtithe leasmhara ar feadh 12 sheachtain ar a laghad.
Seo a leanas roinnt samplaí:

• Páipéar uaine maidir le haosú: Dlúthpháirtíocht agus freagracht a chothú idir na glúnta (2021);
• Páipéar Uaine maidir le seirbhisí airgeadais miondíola: Táirgí níos fearr, níos mó roghanna agus deiseanna níos fearr do thomhaltóirí agus do ghnólachtaí (2015); agus
• An Páipéar Uaine ar Eolas muirí 2020 ó mhapáil ghrinneall na farraige go réamhaisnéis na n–aigéan (2012).

FÉACH FREISIN

• Ionstraimí dlí de chuid an Aontais
• An Coimisiún Eorpach
• An tAontas Eorpach
• Páipéar Bán
• Cloisimid uait (An Coimisiún Eorpach)