Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Timpeallacht ionaid ilfhreastail AE maidir le custam

    Date of last review:
    07/12/2022
    Author:
    Oifig Foilseachán an Aontais Eorpaigh
    Responsible entity(ies):
    Ard-Stiúrthóireacht an Chánachais agus an Aontais Chustaim
    Summarised document(s):

    Timpeallacht ionaid ilfhreastail AE maidir le custam

     

    ACHOIMRE AR:

    Rialachán (AE) 2022/2399 lena mbunaítear timpeallacht ionaid ilfhreastail an Aontais Eorpaigh maidir le custam

    CAD IS AIDHM LEIS AN RIALACHÁN?

    • Bunaítear leis timpeallacht ionaid ilfhreastail an Aontais Eorpaigh (AE) maidir le custam* [SWE-C an Aontais] chun feabhas a chur ar chomhar agus idir–inoibritheacht a éascú idir na limistéir chustaim agus na limistéir neamhchustaim maidir le malartú leictreonach doiciméad agus faisnéise atá riachtanach don phróiseas imréitigh earraí a chuíchóiriú.
    • Leagtar amach leis rialacha chun feabhas a chur ar chomhar poiblí digiteach agus ar chomhroinnt faisnéise idir riaracháin chustaim agus údaráis rialtais eile (rud ar a dtugtar “údaráis inniúla chomhpháirtíochta”*) atá i gceannas ar fhoirmiúlachtaí neamhchustaim AE* a fhorfheidhmiú ag teorainn AE i réimsí éagsúla freagrachta AE faoi na conarthaí, amhail sláinte agus sábháilteacht, cosaint an chomhshaoil, iascach, talmhaíocht agus faireachas margaidh.
    • Bunaítear leis córas láraithe, ar a dtugtar córas malartaithe deimhnithe um ionad ilfhreastail custaim AE (CSW-CERTEX an Aontais) chun feabhas a chur ar chomhroinnt agus ar phróiseáil sonraí a chuireann oibreoirí eacnamaíocha isteach chuig údaráis inniúla chustaim agus chomhpháirtíochta, rud a áirithíonn go bhfaighidh na húdaráis sin na sonraí bunaidh i bhfíor–am.
    • Ceanglaítear leis ar Bhallstáit AE sraith seirbhísí agus córas a bhunú agus a fheidhmiú ar a dtugtar na “timpeallachtaí náisiúnta ilfhreastail aonair maidir le custam” ionas go mbeifear ábalta faisnéis a mhalartú idir córais leictreonacha a n–údarás custaim, a n–údarás inniúil comhpháirtíochta agus a n–oibreoirí eacnamaíocha.

    PRÍOMHPHOINTÍ

    Comhpháirteanna SWE-C an Aontais

    Soláthraítear leis an rialachán creat le haghaidh comhar digiteach idir údaráis chustaim agus údaráis neamhchustaim trí thrí chomhpháirt lárnacha:

    • Córais neamhchustaim AE*
    • timpeallachtaí náisiúnta ilfhreastail aonair maidir le custam; agus
    • CSW-CERTEX an Aontais.

    Leis an gcreat seo is féidir faisnéis a mhalartú idir córais náisiúnta chustaim agus córais neamhchustaim AE trí CSW-CERTEX an Aontais, chun seiceálacha riaracháin a éascú go leictreonach nuair a dhéantar na seiceálacha custaim.

    Inoibritheacht idir comhpháirteanna SWE-C an Aontais

    Cumasaítear inoibritheacht idir comhpháirteanna SWE-C an Aontais trí dhá shraith um chomhar digiteach agus riaracháin idir rialtais (G2G) agus idir gnólachtaí agus rialtais (B2G), chun go mbeifear ábalta faisnéis a mhalartú idir custam, údaráis inniúla chomhpháirtíochta agus oibreoirí eacnamaíocha. Is iad seo a leanas na príomhaidhmeanna leis an rialachán.

    • Scéim G2G a chur chun feidhme faoi 2025 chun comhroinnt faisnéise idir údaráis chustaim agus údaráis inniúla chomhpháirtíochta a fheabhsú agus a chuíchóiriú chun an fhaisnéis atá riachtanach don phróiseas imréitigh custaim a mhalartú agus a fhíorú go huathoibríoch. Áireofar leis an bhfíorú sin tuilleadh go ndéanfar faireachán agus rialú mar is ceart ar na cainníochtaí earraí a allmhairítear nó a onnmhairítear ar leibhéal AE, agus ar an dóigh sin laghdófar rioscaí calaoise agus bearnaí i bhforfheidhmiú na gceanglas neamhchustaim.
    • Scéim um réiteach díospóidí a chur i bhfeidhm naoi mbliana i ndiaidh chur i bhfeidhm an rialacháin chun próisis imréitigh a chuíchóiriú d’oibreoirí eacnamaíocha agus earraí ag gluaiseacht isteach san Aontas Eorpach agus amach as. Leis an scéim sin beidh oibreoirí eacnamaíocha ábalta tairseach aonair a úsáid i mBallstát aonair chun na sonraí go léir a theastaíonn le haghaidh imréiteach earraí a chur isteach, seachas na sonraí a chur isteach ar leithligh maidir le córais náisiúnta custaim agus córais neamhchustaim AE.
    • A áirithiú go mbainfear úsáid as uimhir chlárúcháin agus uimhir aitheantais an oibreora eacnamaíoch mar aitheantóir príomha d’oibreoirí eacnamaíocha don fhaisnéis a mhalartaítear trí scéimeanna G2G agus B2G, lena n–áirítear le haghaidh na rialuithe arna ndéanamh ag údaráis inniúla chomhpháirtíochta.

    Cosaint sonraí

    • Tá SWE-C an Aontais deartha ionas go mbeidh príobháideacht agus cosaint sonraí ag a chroílár
    • Ní choinnítear sonraí sna córais foinse (sonraí custaim nó neamhchustaim) agus ní úsáidtear iad ach chun na gcríoch atá bunaithe cheana féin leis an reachtaíocht custaim agus reachtaíocht neamhchustaim amháin.
    • Ní stóráiltear sonraí ar bith in CERTEX-CSW an Aontais agus oibríochtaí próiseála sonraí á bhfeidhmiú. Go deimhin, déantar na malartuithe agus na comhairliúcháin uile i bhfíor–am rud a spreagann scriosadh comhthéacsúil sonraí ar bith a luaithe is a bheidh na hoibríochtaí próiseála curtha i gcrích.
    • Ní choinnítear aon sonraí sa chóras seachas log ina léirítear go ndearnadh tarchur, mar aon le huimhir thagartha na ndoiciméad lena mbaineann.

    Foirmiúlachtaí neamhchustaim a chumhdaítear faoi SWE-C an Aontais

    • Cuimsítear san iarscríbhinn a ghabhann leis an rialachán foirmiúlachtaí neamhchustaim arna n–óstáil i gcórais neamhchustaim AE a úsáidtear ar bhonn éigeantach nó deonach, ag brath ar cheanglais reachtaíocht earnála AE maidir le gach réimse beartais is infheidhme.
    • Áirithítear leis an rialachán go mbainfidh na Ballstáit uile úsáid as CSW-CERTEX an Aontais chun malartuithe digiteacha a chumhdach le haghaidh iliomad foirmiúlachtaí neamhchustaim AE ó réimsí éagsúla beartais. Comhlíonfaidh gach ceann de na foirmiúlachtaí sin ceanglais shonracha dhlíthiúla agus theicniúla a chéimneofar isteach faoi SWE-C an Aontais.
    • Ó 2025 i leith, cumhdófar in CERTEX-CSW an Aontais ceanglais sláintíochta agus fíteashláintíochta, rialacha lena rialaítear allmhairiú táirgí orgánacha, roinnt ceanglais maidir leis an gcomhshaol, agus foirmiúlachtaí a bhaineann le hallmhairiú earraí cultúrtha.

    Faireachán agus tuairisciú

    • Ullmhóidh an Coimisiún Eorpach tuarascálacha bliantúla ar dhul chun cinn chun measúnú a dhéanamh ar staid digitithe na bhfoirmiúlachtaí neamhchustam uile ag teorainn AE, lena n–áirítear forbairtí a bhfuiltear ag súil leo amach anseo agus idirghníomhaíochtaí ionchasacha le custam
    • Gach tríú bliain, cumhdófar leis na tuarascálacha bliantúla freisin faireachán agus meastóireacht a dhéanamh ar fheidhmiú SWE-C an Aontais, agus díreofar go háirithe ar a thionchar ar oibreoirí eacnamaíocha.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 12 Nollaig 2022, seachas cuid de na rialacha a mbeidh feidhm acu ón 13 Nollaig 2031:

    • Cainéal cumarsáide aonair d’oibreoirí eacnamaíocha (Airteagal 8 (3), pointe (a))
    • Foirmiúlachtaí neamhchustaim (Airteagal 11)
    • Comhchuibhiú agus cuíchóiriú sonraí (Airteagal 13 (1), (2) agus (3)
    • Sonraí custaim agus sonraí custaim arna gcur isteach ag oibreoirí eacnamaíocha (Airteagal 14) agus
    • Faisnéis bhreise agus malartú sonraí a phróiseáiltear trí mhalartú faisnéise agus sonraí CERTEX-CSW an Aontais (Airteagal 15 (1) agus (2)).

    CÚLRA

    Is í an reachtaíocht an chéad ghníomh insoláthartha as na 17 ngníomh phlean gníomhaíochta custaim.

    Le haghaidh tuilleadh faisnéise, féach:

    PRÍOMHTHÉARMAÍ

    Timpeallacht ionaid ilfhreastail maidir le custam. Sraith seirbhísí leictreonacha chun go mbeifear ábalta faisnéis a mhalartú idir córais leictreonacha na n–údarás custaim, na n–údaráis inniúla comhpháirtíochta agus na n–oibreoirí eacnamaíocha.
    Údarás inniúil comhpháirtíochta. Aon údarás Ballstáit, nó an Coimisiún, dá dtugtar na cumhachtaí feidhm shainithe a chomhlíonadh maidir le comhlíonadh foirmiúlachtaí ábhartha neamhchustaim AE.
    Formiúlacht neamhchustaim AE. Na hoibríochtaí uile nach mór d’oibreoir eacnamaíoch nó d’údarás inniúil comhpháirtíochta a dhéanamh maidir le gluaiseacht idirnáisiúnta earraí, mar atá leagtha síos i reachtaíocht AE seachas reachtaíocht custaim.
    Córais neamhchustaim AE. Córas leictreonach AE arna bhunú, a úsáidtear chun cuspóirí reachtaíocht AE a bhaint amach, nó dá dtagraítear i reachtaíocht AE, chun faisnéis a stóráil maidir le comhlíonadh fhoirmiúlacht neamhchustaim AE faoi seach.

    PRÍOMHDHOICIMÉAD

    Rialachán (AE) 2022/2399 ó Pharlaimint na hEorpa agus ón gComhairle an 23 Samhain 2022 lena mbunaítear Timpeallacht Ionaid Ilfhreastail an Aontais Eorpaigh maidir le Custaim agus lena leasaítear Rialachán (AE) Uimh. 952/2013 (IO L 317, 9.12.2022, lgh. 1-23).

    Nuashonraithe 07.12.2022

    Top