An Ciste um Thearmann, Imirce agus Lánpháirtíocht (2021-2027)

 

ACHOIMRE AR:

Rialachán (CE) Uimh. 2021/1147 lena mbunaítear an Ciste um Thearmann, Imirce agus Lánpháirtíocht

CAD IS AIDHM LEIS AN RIALACHÁN?

Bunaítear leis an Ciste um Thearmann, Imirce agus Lánpháirtíocht, a bhfuil sé mar aidhm leis cur le bainistíocht éifeachtach sreafaí imirce agus cuidiú le comhbheartais tearmainn agus inimirce an Aontais Eorpaigh (AE) a chur chun feidhme, a neartú agus a fhorbairt.

PRÍOMHPHOINTÍ

Tá an rialachán lena mbunaítear an Ciste um Thearmann, Imirce agus Lánpháirtíocht (AMIF) 2021-2027 ar cheann de roinnt cistí a chuir an tAontas Eorpach ar bun sa limistéar saoirse, ceartais agus slándála. Áirítear iad seo a leanas orthu sin:

• Rialachán (AE) 2021/1148 lena mbunaítear, mar chuid den Chiste um Bainistiú Comhtháite Teorainneacha, an Ionstraim le haghaidh Tacaíocht Airgeadais don Bhainistiú Teorainneacha agus don Bheartas Víosaí (féach an achoimre);
• Rialachán (AE) 2021/1149 lena mbunaítear an Ciste Slándála Inmheánaí (féach an achoimre).

Cuspóirí

Tá 4 chuspóir shonracha leis an gciste:

• an Comhchóras Eorpach Tearmainn a neartú agus a fhorbairt, gné sheachtrach an chomhchórais san áireamh;
• imirce dhlíthiúil chuig Ballstáit AE a neartú agus a fhorbairt, lena n–áirítear lánpháirtíocht agus cuimsiú sóisialta a chur chun cinn;
• cur le hiarrachtaí an imirce neamhdhleathach a chomhrac agus filleadh agus athligean isteach sábháilte agus maorga a threisiú;
• an dlúthpháirtíocht a fheabhsú agus an fhreagracht a roinnt idir na Ballstáit.

Buiséad agus leithdháileadh cistí

• Tá buiséad €9.882 billiún leis an gciste don tréimhse an 1 Eanáir 2021 go dtí an 31 Nollaig 2027, fad an chreata airgeadais ilbhliantúil.
• Leithdháiltear €6.270 billiún ar chláir na mBallstát agus €3.612 billiún ar an “tsaoráid théamach”, ina bhfuil roinnt comhpháirteanna lena n–áirítear
  • gníomhaíochtaí sonracha
  • gníomhaíochtaí bainistíochta dírí ar leibhéal AE
  • cúnamh éigeandála, athlonnú agus athshocrú
  • Gréasán Imirce na hEorpa.
• Faigheann gach Ballstát suim sheasta de €8 milliún ag tús na tréimhse clársceidealaithe, seachas an Chipir, an Ghréig agus Málta a fhaigheann €28 milliún an tír.
• Roinntear an leithdháileadh eile mar seo a leanas
  • 35 % maidir le tearmann
  • 30 % maidir le himirce dhlíthiúil agus lánpháirtíocht
  • 35 % maidir le himirce neamhdhleathach agus filleadh.
• Ní mór do na Ballstáit 15 % ar a laghad dá leithdháileadh a leithdháileadh ar na cuspóirí i ndáil le tearmann agus imirce dhlíthiúil agus lánpháirtíocht.
• ba cheart 20 % ar a laghad den tsaoráid théamach a shannadh do chuspóir na dlúthpháirtíochta.

Athshocrú, ligean isteach daonnúil agus athlonnú

Deonaítear ón gciste cnapshuimeanna do Bhallstáit sna cásanna seo a leanas:

• €10,000 do gach duine a ligtear isteach trí athlonnú, lena n–áirítear baill teaghlaigh;
• €6,000 do gach duine a ligtear isteach trí ligean isteach daonnúil, agus méadaítear an tsuim go €8,000 do dhaoine leochaileacha — d’fhéadfadh sé go mbeadh baill teaghlaigh incháilithe chomh maith;
• €10,000 do gach iarratasóir / tairbhí cosanta idirnáisiúnta a aistrítear ó Bhallstát amháin go ceann eile, lena n–áirítear baill teaghlaigh.

Tíortha nach tíortha den Aontas Eorpach iad

• Féadfaidh an ciste tacú le gníomhaíochtaí i dtíortha nach tíortha den Aontas Eorpach iad nó i ndáil leo má bhaineann an méid seo a leanas leo:
  • cuireann siad le cuspóirí an chiste;
  • níl siad dírithe ar fhorbairt;
  • déantar iad a chomhordú le gníomhaíochtaí eile AE; agus
  • tá siad comhsheasmhach le tosaíochtaí agus beartas seachtrach AE.
• Féadfar tacú le gníomhaíochtaí sonracha a bhaineann le comhar le tíortha nach tíortha den Aontas Eorpach iad agus le cúnamh um ath–imeasacadh tríd an tsaoráid théamach.
• Féadfaidh tíortha nach tíortha den Aontas Eorpach iad a bheith bainteach leis an gclár chomh maith, faoi réir ráthaíochtaí agus comhaontuithe ar leith.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 1 Eanáir 2021.

CÚLRA

Le haghaidh tuilleadh faisnéise, féach:

• An Ciste um Thearmann, Imirce agus Lánpháirtíocht (An Coimisiún Eorpach).

PRÍOMHDHOICIMÉAD

Rialachán (AE) 2021/1147 ó Pharlaimint na hEorpa agus ón gComhairle an 7 Iúil 2021 lena mbunaítear an Ciste um Thearmann, Imirce agus Lánpháirtíocht (IO L 251, 15.7.2021, lgh. 1-47)

DOICIMÉID GHAOLMHARA

Rialachán (AE) Uimh. 2021/1148 ó Pharlaimint na hEorpa agus ón gComhairle an 7 Iúil 2021 lena mbunaítear, mar chuid den Chiste um Bainistiú Comhtháite Teorainneacha, an Ionstraim le haghaidh Tacaíocht Airgeadais don Bhainistiú Teorainneacha agus don Bheartas Víosaí (IO L 251, 15.7.2021, lgh. 48-93)

Rialachán (AE) 2021/1149 ó Pharlaimint na hEorpa agus ón gComhairle an 7 Iúil 2021 lena mbunaítear an Ciste Slándála Inmheánaí (IO L 251, 15.7.2021, lgh. 94-131)

Treoir 2008/115/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin choiteanna agus nósanna imeachta coiteanna sna Ballstáit i ndáil le náisiúnaigh ó thíortha neamh–AE atá ag fanacht go mídhleathach a sheoladh ar ais (IO L 348, 24.12.2008, lgh. 98-107)

Cinneadh 2008/381/CE ón gCoimisiún an 14 Bealtaine 2008 lena mbunaítear Gréasán Imirce na hEorpa (IO L 131, 21.5.2008, lgh. 7-12)

Rinneadh leasuithe comhleanúnacha ar Chinneadh 2008/381/CE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Nuashonraithe 27.09.2021