This document is an excerpt from the EUR-Lex website
Innovation and social inclusion through culture and creativity
Nuálaíocht agus cuimsiú sóisialta trí chultúr agus cruthaitheacht
Nuálaíocht agus cuimsiú sóisialta trí chultúr agus cruthaitheacht
Nuálaíocht agus cuimsiú sóisialta trí chultúr agus cruthaitheacht
ACHOIMRE AR:
Conclúidí ón gComhairle — meascáin chultúir agus chruthaitheacha
ACHOIMRE
Is féidir nuálaíocht a spreagadh i réimsí eile an gheilleagair le hearnálacha cultúrtha agus cruthaitheacha na hEorpa.
CÉARD A DHÉANANN NA CONCLÚIDÍ?
Leagtar amach sna conclúidí na tionchair ionchasacha thairbhiúla fhrithpháirteacha a d’fhéadfadh a bheith ag na hearnálacha cultúrtha agus cruthaitheacha ar earnálacha eile an gheilleagair. Tá moltaí sna conclúidí freisin chun cabhrú leis na tionchair sin a bhaint amach.
PRÍOMHPHOINTÍ
Féadfaidh na buntáistí seo a leanas a bheith i measc na mbuntáistí d’earnálacha eile:
— |
cúram custaiméirí, sásamh fostaithe agus éifeachtúlacht eagraíochtúil a fheabhsú;
|
— |
tinreamh agus feidhmíocht scoile a mhéadú, bealaí nua foghlama a chothú agus ról na dtuismitheoirí sa scoil a fheabhsú;
|
— |
costais leighis agus rátaí ospidéalaithe a laghdú;
|
— |
limistéir thionsclaíocha agus spásanna uirbeacha a athbheochan, agus an turasóireacht a chur chun cinn;
|
— |
feasacht chomhshaoil an phobail agus an tionscail mhonaraíochta a mhéadú, agus ídiú fuinnimh agus úsáid acmhainní a laghdú;
|
— |
cabhrú le sochaí níos cuimsithí a fhorbairt agus le saol an phobail a fheabhsú.
|
Fadhbanna reatha
Níl leas á bhaint as na buntáistí sin go fóill ar chúiseanna éagsúla, lena n-áirítear:
— |
easpa feasachta faoin luach a bhaineann le healaíona, le cultúr agus le cruthaitheacht a chur le chéile le heolaíocht, le teicneolaíocht agus le gnó;
|
— |
struchtúr teoranta eagraíochtúil beartas agus earnálacha: tá sé níos deacra aistriú chuig earnálacha eile de bharr an struchtúir sin;
|
— |
easpa sonraí iontaofa inchomparáide chun an méid a chuireann na hearnálacha cultúrtha agus cruthaitheacha leis an ngeilleagar agus leis an tsochaí ghinearálta a thaispeáint;
|
— |
an tuairim gur infheistíochtaí rioscúla luaineacha iad infheistíochtaí sna hearnálacha cultúrtha agus cruthaitheacha.
|
Cad is féidir a dhéanamh ar leibhéal AE agus ar leibhéal náisiúnta?
Moltar sna conclúidí gur ga beart a dhéanamh, lena n-áirítear:
— |
feasacht a mhúscailt i measc páirtithe leasmhara agus na bpáirtithe lena mbaineann maidir le luach na cruthaitheachta agus na nuálaíochta;
|
— |
cruthaitheacht chultúrtha agus ealaíonta a chomhtháthú níos fearr sna straitéisí i réimsí beartais eile;
|
— |
timpeallachtaí a chruthú inar féidir le hearnálacha éagsúla idirghníomhú, amhail lárionaid nuálaíochta agus ghnó agus cláir líonraithe;
|
— |
earnálacha cultúrtha agus cruthaitheacha a spreagadh chun leas a bhaint as na deiseanna a bhaineann leis an margadh aonair digiteach.
|
Cad is féidir a dhéanamh ar leibhéal náisiúnta amháin?
Spreagtar na tíortha AE chun roinnt céimeanna a ghlacadh, lena n-áirítear:
— |
meascáin ar leibhéal áitiúil agus ar leibhéal réigiúnach a spreagadh;
|
— |
coinníollacha a chur chun cinn a chuirfidh ar chumas na n-earnálacha cultúrtha agus cruthaitheacha a gcumas a uasmhéadú i gcomhpháirtíocht le hearnálacha eile.
|
Agus cad ba cheart don Choimisiún a dhéanamh?
Tugtar cuireadh don Choimisiún roinnt beart a ghlacadh, lena n-áirítear:
— |
straitéis a fhorbairt chun iomaíochas agus forbairt na dtionscal cultúrtha agus cruthaitheach a spreagadh;
|
— |
smaoineamh ar chistiúchán reatha ó chláir AE reatha, amhail Fís 2020, an tSaoráid um Chónascadh na hEorpa, Erasmus+,
COSME agus Eoraip na Cruthaitheachta, a úsáid le haghaidh tionscadal áirithe meascáin.
|
GNÍOMH
Conclúidí ón gComhairle maidir le meascáin chultúrtha agus chruthaitheacha chun nuálaíocht, inbhuanaitheacht eacnamaíoch agus cuimsiú sóisialta a spreagadh (IO C 172, 27.5.2015, lgh. 13-16)
Nuashonraithe 29.09.2015