AN COIMISIÚN EORPACH

An Bhruiséil,24.8.2020

COM(2020) 406 final

2020/0190(NLE)

Togra le haghaidh

CINNEADH ÓN gCOMHAIRLE

maidir leis an seasamh a ghlacfar thar ceann an Aontais Eorpaigh laistigh den Chomhairle Comhlachais arna bunú leis an gComhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, a mhéid a bhaineann le leasú ar Phrótacal 4 a ghabhann leis an gComhaontú sin maidir le sainmhíniú an choincheapa “táirgí tionscnaimh” agus modhanna comhair riaracháin

MEABHRÁN MÍNIÚCHÁIN

1.Ábhar an togra

Baineann an togra seo leis an gcinneadh lena leagtar síos an seasamh a ghlacfar thar ceann an Aontais i gComhairle Comhlachais an Chomhaontaithe Comhlachais idir an tAontas agus Iosrael i ndáil le Cinneadh a bheartaítear a ghlacfar, Cinneadh lena leasaítear Prótacal 4 den Chomhaontú Comhlachais idir an tAontas agus Iosrael.

2.Comhthéacs an togra

2.1.An Comhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile

Is é is aidhm don Chomhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile 1 (“an Comhaontú”), na coinníollacha a bhunú chun trádáil earraí, seirbhísí agus caipitil a léirscaoileadh de réir a chéile. Tháinig an Comhaontú i bhfeidhm an 1 Meitheamh 2000.

2.2.An Chomhairle Comhlachais

Féadfaidh an Chomhairle Comhlachais, arna bunú i gcomhréir le forálacha Airteagal 67 den Chomhaontú, a chinneadh forálacha Phrótacal 4 a bhaineann le sainmhíniú an choincheapa “táirgí tionscnaimh” agus modhanna comhair riaracháin a leasú (Airteagal 39 de Phrótacal 4). Is trí chomhaontú idir an dá Pháirtí a tharraingíonn an Chomhairle Comhlachais suas a cuid cinntí agus moltaí.

2.3.An gníomh atá beartaithe ag an gComhairle Comhlachais

Sa chéad chruinniú eile a bheidh aici nó trí mhalartú litreacha, tá i gceist go nglacfaidh an Chomhairle Comhlachais Cinneadh maidir le leasú ar fhorálacha Phrótacal 4 a bhaineann le sainmhíniú an choincheapa “táirgí tionscnaimh” agus modhanna comhair riaracháin (“an gníomh atá beartaithe”).

Is é cuspóir an ghnímh atá beartaithe leasú a dhéanamh ar fhorálacha Phrótacal 4 a bhaineann le sainmhíniú an choincheapa “táirgí tionscnaimh” agus modhanna comhair riaracháin.

Beidh an gníomh atá beartaithe ina cheangal ar na páirtithe i gcomhréir le hAirteagal 69, mír 2 den Chomhaontú Comhlachais.

3.An seasamh atá le glacadh thar ceann an Aontais

Leis an gCoinbhinsiún Réigiúnach maidir le rialacha tionscnaimh fabhracha Uile-Eora-Mheánmhara (“an Coinbhinsiún”) leagtar síos forálacha maidir le tionscnamh earraí a thrádáiltear faoi na Comhaontuithe ábhartha arna dtabhairt i gcrích idir na Páirtithe Conarthacha. Shínigh an tAontas Eorpach agus Iosrael an Coinbhinsiún an 15 Meitheamh 2011 agus an 10 Deireadh Fómhair 2013, faoi seach.

Rinne an tAontas agus Iosrael a n‑ionstraim ghlactha a thaisceadh le taiscí an Choinbhinsiúin an 26 Márta 2012 agus an 28 Lúnasa 2014, faoi seach. Mar thoradh air sin, agus trí Airteagal 10(2) a chur i bhfeidhm, tháinig an Coinbhinsiún i bhfeidhm maidir leis an Aontas agus Iosrael an 1 Bealtaine 2012 agus an 1 Nollaig 2017, faoi seach.

Foráiltear le hAirteagal 6 den Choinbhinsiún go ndéanfaidh gach Páirtí Conarthach bearta iomchuí chun a áirithiú go gcuirfear an Coinbhinsiún i bhfeidhm go héifeachtach. Chuige sin, ba cheart don Chomhairle Comhlachais a bunaíodh leis an gComhaontú Comhlachais idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, Cinneadh a ghlacadh lena dtabharfar isteach rialacha an Choinbhinsiúin faoi Phrótacal 4 a bhaineann le sainmhíniú an choincheapa “táirgí tionscnaimh” agus modhanna comhair riaracháin. Déantar é sin trí thagairt don Choinbhinsiún a thabhairt isteach sa Phrótacal leasaithe ionas go mbeidh sé infheidhme.

An tráth céanna, mar thoradh ar an bpróiseas leanúnach a bhaineann leis an gCoinbhinsiún a leasú thángthas ar thacar nua rialacha tionscnaimh atá nuachóirithe agus níos solúbtha. Chun leasú foirmiúil a dhéanamh ar an gCoinbhinsiún ní mór do na Páirtithe Conarthacha vótáil d'aon toil. Tá an baol ann go gcuirfear moill ar ghlacadh an leasaithe ós rud é go bhfuil agóidí fós ag roinnt Páirtithe Conarthacha i gcoinne an leasaithe sin. Ina theannta sin, i bhfianaise líon na bPáirtithe Conarthacha agus a gcuid nósanna imeachta inmheánacha féin is gá a bheith in ann vótáil ar an nglacadh foirmiúil agus ullmhú do theacht i bhfeidhm na rialacha leasaithe, ní féidir aon chreat ama soiléir a leagan síos le haghaidh chur i bhfeidhm an Choinbhinsiúin leasaithe.

Ós amhlaidh atá, tá iarrtha ag Iosrael go gcuirfí an tacar rialacha leasaithe i bhfeidhm a luaithe is féidir, mar mhalairt ar na rialacha atá ann faoi láthair sa Choinbhinsiún, go dtí go mbeidh toradh ar an bpróiseas leasúcháin. Mínítear an iarraidh sin thíos.

Tá na rialacha tionscnaimh malartacha seo ceaptha lena gcur i bhfeidhm go sealadach, ar bhonn roghnach déthaobhach, ag an Aontas agus ag Iosrael go dtí go dtabharfar an leasú ar an gCoinbhinsiún i gcrích agus go dtiocfaidh an leasú sin i bhfeidhm. Beartaítear iad a chur i bhfeidhm mar rogha mhalartach ar rialacha an Choinbhinsiúin, ar rialacha iad a bheidh gan dochar do na prionsabail a leagtar síos sna comhaontuithe ábhartha agus i gcomhaontuithe déthaobhacha gaolmhara eile idir na Páirtithe Conarthacha. Dá réir sin, ní bheidh na rialacha seo éigeantach, ach i gcás oibreoirí eacnamaíocha ar mian leo úsáid a bhaint as scéim fhabhrach a bheidh bunaithe ar na rialacha sin seachas scéim fhabhrach atá bunaithe ar an gCoinbhinsiún, féadfaidh siad iad a chur i bhfeidhm ar bhonn roghnach. Níl sé beartaithe an Coinbhinsiún a mhodhnú leo, coinbhinsiún a leanfaidh d'fheidhm a bheith aige idir na Páirtithe Conarthacha, agus ní athrófar leo cearta ná oibleagáidí na bPáirtithe Conarthacha faoin gCoinbhinsiún.

I dtaca leis an seasamh a bheidh le glacadh ag an Aontas laistigh den Chomhairle Comhlachais, ba cheart don Chomhairle an seasamh sin a bhunú.

Is leasuithe teicniúla iad na leasuithe atá beartaithe a mhéid a bhaineann siad leis an gCoinbhinsiún atá ann faoi láthair agus ní dhéanann siad difear do shubstaint an phrótacail maidir le rialacha tionscnaimh atá i bhfeidhm faoi láthair. Dá bhrí sin, ní gá measúnú tionchair a dhéanamh ina leith.

3.1.Sonraí na rialacha malartacha tionscnaimh

Leis na leasuithe atá beartaithe, ar leasuithe iad a bhaineann le tacar malartach rialacha tionscnaimh a thabhairt isteach, déantar foráil maidir le solúbthachtaí agus gnéithe breise den nuachóiriú, ar tháinig an tAontas ar chomhaontú maidir leo cheana i gcomhaontuithe déthaobhacha eile (Comhaontú Cuimsitheach Eacnamaíoch agus Trádála idir an tAontas Eorpach agus Ceanada, Comhaontú Saorthrádála idir an tAontas Eorpach agus Vítneam, Comhaontú Comhpháirtíochta Eacnamaíche idir an tAontas agus an tSeapáin, Comhaontú Comhpháirtíochta Eacnamaíche idir Comhphobal Forbraíochta Dheisceart na hAfraice agus an tAontas Eorpach) nó i scéimeanna fabhracha (Córas Ginearálaithe um Fhabhair). Is iad seo a leanas na príomhrialacha malartacha:

(a)Táirgí a fuarthas go hiomlán - coinníollacha “soithí”:

Na coinníollacha soithí, mar a thugtar orthu, atá sa tacar rialacha malartach, tá siad níos simplí agus tugtar níos mó solúbthachta leo. I gcomparáid leis an téacs atá ann faoi láthair (Airteagal 5) tá coinníollacha áirithe scriosta (i.e. ceanglais shonracha maidir le criú); rinneadh leasú ar roinnt eile chun foráil a dhéanamh maidir le níos mó solúbthachta (úinéireacht).

(b)Oibriú nó próiseáil leordhóthanach – Bonn meánluachanna

Leis an tacar rialacha malartach atá beartaithe (Airteagal 4) tugtar solúbthacht don onnmhaireoir údarú a iarraidh ar na húdaráis chustaim chun an praghas díreach ón monarcha agus luach na n‑ábhar neamhthionscnaimh a ríomh ar bhonn meánluachanna chun luaineachtaí i gcostais agus i rátaí airgeadra a chur san áireamh. Leis sin ba cheart gur mhó an méid intuarthachta a bheadh ann d'onnmhaireoirí.

(c)Lamháltas

An lamháltas atá ann faoi láthair (Airteagal 6) tá sé socraithe ag luach 10 % de phraghas an táirge díreach ón monarcha.

Leis an téacs atá beartaithe (Airteagal 5) déantar foráil maidir le lamháltas 15 % de ghlanmheáchan an táirge i gcás táirgí talmhaíochta, agus déantar foráil maidir le lamháltas 15 % de luach phraghas an táirge díreach ón monarcha i gcás táirgí tionsclaíochta.

Tugtar isteach critéar is oibiachtúla leis an lamháltas meáchain agus le tairseach 15 % ba cheart go mbeadh leibhéal leordhóthanach trócaire ann. Áirithítear freisin leis an lamháltas meáchain nach mbeidh tionchar ag an luaineacht i bpraghsanna idirnáisiúnta na dtráchtearraí ar thionscnamh na dtáirgí talmhaíochta.

(d)Carnadh

Leis an téacs atá beartaithe (Airteagal 7) coinnítear ar bun carnadh trasnánach do gach táirge ar choinníoll go nglacfaidh na rannpháirtithe atá rannpháirteach sa charnadh leis an tacar céanna rialacha tionscnaimh. Ina theannta sin, déantar foráil maidir le carnadh iomlán ginearálaithe le haghaidh gach táirge seachas teicstílí agus éadaí a liostaítear i gCaibidlí 50-63 den Chóras Comhchuibhithe (CC).

Thairis sin, déantar foráil maidir le carnadh iomlán déthaobhach le haghaidh táirgí atá faoi Chaibidlí 50-63 den Chóras Comhchuibhithe. Ar deireadh, beidh an rogha ag an Aontas agus ag Iosrael teacht ar chomhaontú maidir leis an gcarnadh iomlán ginearálaithe a leathnú chuig táirgí atá faoi Chaibidlí 50-63 den Chóras Comhchuibhithe.

(e)Deighilt chuntasaíochta

Faoi na rialacha atá ann faoi láthair (Airteagal 20 den “Choinbhinsiún”) féadfaidh údaráis chustaim deighilt chuntasaíochta a údarú “i gcás ina mbíonn deacrachtaí suntasacha ó thaobh costais nó ábhair de chun stoic ar leithligh a choimeád”. Sonraítear leis an riail leasaithe (Airteagal 12) go bhféadfaidh údaráis chustaim deighilt chuntasaíochta a údarú “i gcás ina mbíonn ábhair idirmhalartacha thionscnaimh agus neamhthionscnaimh in úsáid”.

Ní bheidh ar onnmhaireoir údar cuí a thabhairt a thuilleadh nuair a bheidh údarú le haghaidh deighilt chuntasaíochta á iarraidh aige, á rá go bhfuil costas nach beag ag baint le stoic ar leithligh a choimeád nó go dtagann deacrachtaí as ó thaobh ábhair de; is leor a shonrú go bhfuil ábhair idirmhalartacha á n‑úsáid.

I gcás siúcra, ós rud é gur ábhar nó táirge deiridh é, ní bheidh gá a thuilleadh le stoic thionscnaimh agus neamhthionscnaimh a choimeád scartha go fisiceach.

(f)Prionsabal an chríochachais

Leis na rialacha atá ann faoi láthair (Airteagal 12), ceadaítear oibriú nó próiseáil áirithe a dhéanamh lasmuigh den chríoch, faoi choinníollacha áirithe, seachas táirgí atá faoi Chaibidlí 50 go 63 den Chóras Comhchuibhithe, amhail teicstílí. An t‑eisiamh maidir le teicstílí níl sé sna rialacha atá beartaithe (Airteagal 12) níos mó.

(g)Neamhathrú

Leis an riail maidir le neamhathrú atá beartaithe (Airteagal 14), déantar foráil maidir le níos mó trócaire i leith ghluaiseacht na dtáirgí tionscnaimh idir Páirtithe Conarthacha. Ba cheart go seachnófaí leis sin cásanna ina ndéantar táirgí, nach bhfuil aon amhras faoina stádas tionscnaimh, a eisiamh ó shochar an ráta fhabhraigh tráth a n‑allmhairithe toisc nach gcomhlíontar ceanglais fhoirmiúla na forála maidir le hiompar díreach.

(h)Toirmeasc ar aisíocaíocht dleachtanna custaim nó ar dhíolúine uathu

Faoi na rialacha atá ann faoi láthair (Airteagal 15) tá feidhm ag prionsabal ginearálta an toirmisc ar aisíocaíocht dleachta custaim maidir le hábhair a úsáidtear chun aon táirge a mhonarú. Faoi na rialacha atá beartaithe (Airteagal 16) cuirtear deireadh leis an toirmeasc le haghaidh gach táirge, seachas ábhair a úsáidtear chun táirgí a mhonarú a thagann faoi raon feidhme Chaibidlí 50 go 63. Déantar foráil sa téacs, áfach, maidir le roinnt eisceachtaí ón toirmeasc ar aisíocaíocht dleachta ar na táirgí sin.

(i)Cruthúnas ar thionscnamh

Tugtar isteach leis an téacs cineál amháin cruthúnais ar thionscnamh (EUR.1 nó dearbhú tionscnaimh), seachas an cur chuige dúbailte EUR.1 agus EUR.MED, rud a shimplíonn an córas go mór. Ba cheart go gcuirfeadh sin feabhas ar chomhlíontacht na n‑oibreoirí eacnamaíocha trí bhotúin, a dhéanfaí de dheasca rialacha casta, a sheachaint chomh maith le bainistíocht na n‑údarás custaim a éascú. Thairis sin, níor cheart go ndéanfadh sé difear don inniúlacht cruthúnais ar thionscnamh a fhíorú, inniúlacht nach bhfuil aon athrú tagtha uirthi.

Áirítear sna rialacha leasaithe (Airteagal 17) freisin rogha chun cur i bhfeidhm córais onnmhaireoirí cláraithe (REX) a chomhaontú. Is ar na honnmhaireoirí sin, a bheidh cláraithe i mbunachar sonraí coiteann, a bheidh an fhreagracht ráitis tionscnaimh a dhéanamh amach iad féin gan dul trí nós imeachta an onnmhaireora fhormheasta. Beidh an stádas dlí céanna ag an ráiteas tionscnaimh agus atá ag an dearbhú tionscnaimh nó ag an deimhniú gluaiseachta EUR.1.

Chomh maith leis sin, tá sé beartaithe leis na rialacha leasaithe go mbeidh an rogha ann teacht ar chomhaontú maidir le húsáid an chruthúnais ar thionscnamh, a eisítear agus/nó a chuirtear isteach go leictreonach.

Chun gur féidir na táirgí tionscnaimh atá faoi réir an tacair rialacha mhalartaigh a idirdhealú ó na táirgí tionscnaimh atá faoi réir an Choinbhinsiúin, ní mór ráiteas a léiríonn na rialacha arna gcur i bhfeidhm a chur san áireamh sna deimhnithe tionscnaimh nó sna dearbhuithe sonraisc a bheidh bunaithe ar an tacar rialacha malartach.

(j)Bailíocht an chruthúnais ar thionscnamh

Tá sé molta síneadh a chur le tréimhse bhailíochta an chruthúnais ar thionscnamh ó 4 mhí go 10 mí. Ba cheart go ndéanfadh sé foráil maidir le níos mó trócaire arís i leith ghluaiseacht na dtáirgí tionscnaimh idir na Páirtithe.

3.2.Rialacha liosta

3.2.1.Táirgí talmhaíochta

(a)Luach agus meáchan

Is i luach, agus i luach amháin, a sloinneadh teorainn na n‑ábhar neamhthionscnaimh. Is i meáchan a shloinntear na tairseacha nua chun luaineacht i bpraghsanna agus luaineacht san airgeadra a sheachaint (e.g. ex caibidlí 19, 20, 2105, 2106) mar aon le teorainn áirithe le haghaidh siúcra (e.g. caibidil 8 nó Córas Comhchuibhithe 2202) a scriosadh.

Leis an tacar rialacha malartach ardaíodh an tairseach le haghaidh meáchain (ó 20 % go 40 %) agus tugadh isteach an fhéidearthacht rogha mhalartach luacha nó meáchain a úsáid le haghaidh ceannteidil áirithe. Go háirithe, is iad na caibidlí agus ceannteidil an Chórais Chomhchuibhithe lena mbaineann an t‑athrú: ex-1302, 1704 (meáchan nó luach faoin riail mhalartach), 18 (1806: meáchan nó luach faoin riail mhalartach), 1901.

(b)Oiriúnú do phatrúin foinsithe

Tá táirgí talmhaíochta eile (i.e. olaí glasraí, cnónna, tobac) faoi réir rialacha is solúbtha atá oiriúnaithe don fhíorchás eacnamaíoch, go háirithe i gcás caibidlí 14, 15, 20 (lena n‑áirítear ceannteideal 2008), 23, 24. Leis an tacar rialacha malartach baintear amach cothromaíocht idir an foinsiú réigiúnach agus an foinsiú domhanda mar atá i gcás caibidlí 9 agus 12. Rinneadh simpliú ar rialacha freisin (laghdú ar na heisceachtaí) i gcaibidlí 4, 5, 6, 8, 11, ex-13.

3.2.2.Táirgí tionsclaíocha (seachas teicstílí)

I dtaca leis an gcomhréiteach atá beartaithe tá athruithe suntasacha ann i gcomparáid leis na rialacha atá ann faoi láthair:

- maidir le roinnt táirgí tá coinníoll carntha dúbailte sa riail atá ann faoi láthair i gcomhréir leis an gCaibidil. Déantar coinníoll amháin de seo (Caibidlí CC 74, 75, 76, 78 agus 79);

- scriosadh líon mór rialacha sonracha, ar maolú iad ón riail atá i gcomhréir leis an gCaibidil (Caibidlí CC 28, 35, 37, 38 agus 83). Leis an gcur chuige is cothrománaí sin tugtar lánléargas níos simplí d'oibreoirí agus do lucht custaim;

- tá riail mhalartach curtha san áireamh sa riail atá ann faoi láthair atá i gcomhréir leis an gCaibidil, rud a thabharfaidh breis roghanna don onnmhaireoir agus an critéar tionscnaimh á chomhlíonadh aige (Caibidlí 27, 40, 42, 44, 70 agus 83, 84 agus 85).

Is é a bheidh mar thoradh ar na hathruithe sin go léir rialacha liosta nuashonraithe nuachóirithe go mbeidh sé níos fusa é, tríd is tríd, an critéar le haghaidh stádas tionscnaimh táirge a chomhlíonadh. Ina theannta sin, leis an bhféidearthacht thuasluaite maidir le bonn meánluachanna a úsáid thar thréimhse ama chun an praghas díreach ón monarcha agus an luach neamhthionscnaimh a ríomh, cuirfear breis simplithe ar fáil d'onnmhaireoirí.

3.2.3.Teicstílí

I ndáil le teicstílí agus baill éadaigh, tugadh isteach roghanna nua maidir le próiseáil amach agus lamháltais. Tugadh isteach próisis nua chomh maith chun stádas tionscnaimh a thabhairt i dtaca leis na táirgí sin, go háirithe le haghaidh fabraic a mbeadh sé ag éirí níos fusa teacht uirthi. Ar deireadh, beidh feidhm ag carnadh déthaobhach iomlán maidir leis na táirgí sin. Leis an gcarnadh sin féadfar próiseáil arna déanamh ar ábhair theicstíle (i.e. fíodóireacht, sníomh etc.) a chur san áireamh sa phróiseas táirgeachta sa limistéar carntha.

4.Bunús dlí

4.1.Bunús dlí nós imeachta

4.1.1.Prionsabail

In Airteagal 218(9) den Chonradh ar Fheidhmiú an Aontais Eorpaigh (CFAE) déantar foráil maidir le cinntí lena leagtar síos “na seasaimh a ghlacfar thar ceann an Aontais i gcomhlacht arna chur ar bun le comhaontú nuair a iarrtar ar an gcomhlacht sin gníomhartha a ghlacadh a bhfuil éifeachtaí dlíthiúla leo, seachas gníomhartha lena bhforlíonfar nó lena leasófar creat institiúideach an chomhaontaithe.”

Áirítear ar na “gníomhartha a bhfuil éifeachtaí dlíthiúla leo” gníomhartha a bhfuil éifeachtaí dlíthiúla leo de bhua rialacha an dlí idirnáisiúnta lena rialaítear an comhlacht i gceist. Áirítear air freisin ionstraimí nach bhfuil éifeacht cheangailteach leo faoin dlí idirnáisiúnta, ach a d'fhéadfadh “tionchar cinntitheach a bheith acu ar ábhar na reachtaíochta a ghlacfaidh reachtas an Aontais Eorpaigh” 2 .

4.1.2.Feidhm maidir leis an gcás seo

Is comhlacht í an Chomhairle Comhlachais a bunaíodh le comhaontú, mar atá, an Comhaontú Eora-Mheánmhara lena mbunaítear Comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile.

An gníomh a iarrtar ar an gComhairle Comhlachais a ghlacadh, is gníomh é a bhfuil éifeachtaí dlíthiúla leis. Beidh an gníomh atá beartaithe ina cheangal faoin dlí idirnáisiúnta i gcomhréir le hAirteagal 69, mír 2 den Chomhaontú Comhlachais.

Leis an ngníomh atá beartaithe ní fhorlíontar ná ní leasaítear creat institiúideach an Chomhaontaithe.

Dá bhrí sin, is é Airteagal 218(9) CFAE an bunús dlí nós imeachta don chinneadh atá beartaithe.

4.2.Bunús substainteach dlí

4.2.1.Prionsabail

An bunús dlí substainteach atá le cinneadh faoi Airteagal 218(9) CFAE, braitheann sé go príomha ar chuspóir agus ábhar an ghnímh atá beartaithe, gníomh a bhfuiltear ag glacadh seasamh ina leith thar ceann an Aontais.

4.2.2.Feidhm maidir leis an gcás seo

Baineann príomhchuspóir agus príomhábhar an ghnímh atá beartaithe leis an gcomhbheartas tráchtála.

Dá bhrí sin, is é an chéad fhomhír d'Airteagal 207(4) CFAE an bunús substainteach dlí don chinneadh atá beartaithe.

4.3.Conclúid

Is é an chéad fhomhír d'Airteagal 207(4) ba cheart a bheith ina bunús dlí don chinneadh atá beartaithe, i gcomhar le hAirteagal 218(9) CFAE.

5.Impleachtaí Buiséadacha

Na leasuithe atá beartaithe, a bhaineann leis an tacar malartach rialacha tionscnaimh, tá siad bunaithe ar phrionsabal nuachóirithe de chuid na rialacha tionscnaimh chun iad a ailíniú leis na treochtaí nua a socraíodh le déanaí ag na Comhaontuithe Saorthrádála. Is gnéithe de shimpliú na nósanna imeachta custaim agus gnéithe den nuachóiriú is mó atá sna rialacha leasaithe i gCoinbhinsiún PEM, amhail:

Oibriú nó próiseáil leordhóthanach – Bonn meánluachanna: trí luach na n‑ábhar neamhthionscnaimh agus an praghas díreach ón monarcha a ríomh ar bhonn meánluachanna, agus luaineachtaí an mhargaidh á gcur san áireamh, is mó an méid intuarthachta a bheidh ann d'onnmhaireoirí,

Cruthúnas ar thionscnamh: féadfar simpliú a dhéanamh air ós rud é nach n‑úsáidfear ach cineál amháin deimhnithe tionscnaimh – EUR1,

Bailíocht an chruthúnais ar thionscnamh: déantar foráil leis maidir le níos mó trócaire i leith ghluaiseacht na dtáirgí tionscnaimh, tríd an mbailíocht a mhéadú ó 4 mhí go 10 mí).

Na hathruithe sin ar Choinbhinsiún PEM, níl aon tionchar intomhaiste acu ar bhuiséad an Aontais ós rud é go mbaineann a raon feidhme go príomha le héascú na trádála agus comhdhlúthú cleachtas nua-aimseartha ag údaráis chustaim. Déantar foráil leo maidir le héascú roghnach sna réimsí atá fós faoi inniúlacht na n‑údarás gan tionchar a imirt ar shubstaint na rialacha (deighilt chuntasaíochta, cruthúnais ar thionscnamh, meánú). Déantar foráil le gnéithe áirithe den simpliú (amhail laghdú na gcritéar soithí) maidir le níos mó intuarthachta trí dheireadh a chur le coinníollacha atá deacair d'údaráis chustaim a rialú faoi láthair agus tagraíonn gnéithe eile de na gnéithe sin (neamhathrú) do lóistíocht gan difear a dhéanamh do shubstaint na rialacha.

Cé go leasaítear na forálacha maidir le haisíocaíocht dleachta, coinnítear ar bun an toirmeasc ar aisíocaíocht dleachta san earnáil teicstílí agus éadaigh, atá fós ar cheann de na príomhearnálacha trádála i limistéar PEM. Déantar códú ar an status quo leis na rialacha leasaithe tríd an toirmeasc atá i bhfeidhm faoi láthair maidir le roinnt Páirtithe Conarthacha a choinneáil ar bun. Is é is aidhm don ghinearálú atá beartaithe ar an gcarnadh iomlán i limistéar PEM, na patrúin trádála, mar aon lena gcomhlántacht, atá ann faoi láthair laistigh den limistéar a neartú ach níor cheart, trína bhíthin, aon difear suntasach a dhéanamh do na dleachtanna custaim a bhailítear san Aontas ós rud é go mbeidh ar tháirgí atá faoi réir carnadh, go mbeidh orthu an ceanglas atá orthu féin maidir le breisluach sa limistéar a chomhlíonadh chun tairbhiú d'fhabhair, faoi mar atá sé faoi láthair.

Is modheolaíocht oiriúnaithe, go príomha, atá sna leasuithe ar na rialacha liosta in earnáil na n‑earraí talmhaíochta agus na n‑earraí talmhaíochta próiseáilte gan difear a dhéanamh do shubstaint na rialacha. Is i meáchan a shloinnfear na tairseacha reatha agus ní i luach, faoi mar a shloinntear iad faoi láthair. Tá an critéar sin níos oibiachtúla agus níos éasca a rialú ag údaráis chustaim. Simpliú na rialacha táirgeshonracha maidir le táirgí tionsclaíochta, ba cheart nach mbeadh ach tionchar teoranta ag an simpliú sin ar ioncaim ó dhleacht chustaim, toisc gur athruithe foinsithe, i gcuid mhaith cásanna, an toradh a bheidh orthu seachas méadú ar allmhairí fabhracha ó thíortha PEM, rud a chuirfí in ionad allmhairí a bhí faoi réir dleachtanna allmhairiúcháin roimhe sin. Ní féidir, dá bhrí sin, tionchar na n‑athruithe sin ar ioncam ó dhleacht allmhairiúcháin a chainníochtú. Ó thaobh na trádála de agus ó thaobh thionchar na n‑athruithe ar úsáid an chórais um fhabhair de, sna maoluithe a sholáthraítear sna rialacha nua leagtar béim ar an lánpháirtíocht eacnamaíoch sa limistéar iomlán, mar shampla san earnáil teicstílí ina bhfuil úsáid an chórais um fhabhair an-ard cheana féin. Na rialacha feabhsaithe maidir le teicstílí agus carnadh, tá siad beartaithe, go príomha, chun feabhas a chur ar an lánpháirtíocht réigiúnach atá ann cheana agus ar infhaighteacht na n‑ábhar laistigh den limistéar, agus ní chun cead a thabhairt tuilleadh ábhair neamhthionscnaimh a allmhairiú ó lasmuigh den limistéar.

6.Foilsiú an ghnímh atá beartaithe

Ós rud é go leasófar an Comhaontú Comhlachais le gníomh ón gComhairle Comhlachais, is iomchuí é a fhoilsiú in Iris Oifigiúil an Aontais Eorpaigh tar éis a ghlactha.

2020/0190 (NLE)

Togra le haghaidh

CINNEADH ÓN gCOMHAIRLE

maidir leis an seasamh a ghlacfar thar ceann an Aontais Eorpaigh laistigh den Chomhairle Comhlachais arna bunú leis an gComhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, a mhéid a bhaineann le leasú ar Phrótacal 4 a ghabhann leis an gComhaontú sin maidir le sainmhíniú an choincheapa “táirgí tionscnaimh” agus modhanna comhair riaracháin

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe an chéad fhomhír d'Airteagal 207(4), i gcomhar le hAirteagal 218(9) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)Rinne an tAontas an Comhaontú Eora-Mheánmhara (“an Comhaontú”) lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, a thabhairt i gcrích le Cinneadh 2000/384/CE, CEGC 3 ón gComhairle agus ón gCoimisiún agus tháinig sé i bhfeidhm an 1 Meitheamh 2000.

(2)Áirítear sa Chomhaontú Prótacal 4, prótacal a bhaineann le sainmhíniú an choincheapa “táirgí tionscnaimh” agus modhanna comhair riaracháin. De bhun Airteagal 39 den Phrótacal sin, féadfaidh an Chomhairle Comhlachais a bunaíodh le hAirteagal 67 den Chomhaontú (“an Chomhairle Comhlachais”) forálacha an phrótacail sin a leasú.

(3)Déanfaidh an Chomhairle Comhlachais Cinneadh a ghlacadh le linn an chéad chruinnithe eile a bheidh aici, maidir le Prótacal 4 a leasú.

(4)An seasamh a ghlacfar thar ceann an Aontais sa Chomhairle Comhlachais is iomchuí é a leagan síos, ós rud é go mbeidh an Cinneadh ón gComhairle Comhlachais ina cheangal ar an Aontas.

(5)Thug an tAontas an Coinbhinsiún réigiúnach maidir le rialacha tionscnaimh fabhracha Uile-Eora-Mheánmhara (“an Coinbhinsiún”) i gcrích le Cinneadh 2013/93/AE ón gComhairle 4 agus tháinig sé i bhfeidhm i ndáil leis an Aontas an 1 Bealtaine 2012. Leagtar síos leis forálacha maidir le tionscnamh earraí a thrádáiltear faoi na comhaontuithe ábhartha arna dtabhairt i gcrích idir na Páirtithe Conarthacha, forálacha a mbeidh feidhm acu gan dochar do na prionsabail a leagtar síos sna comhaontuithe sin.

(6)Foráiltear le hAirteagal 6 den Choinbhinsiún go ndéanfaidh gach Páirtí Conarthach bearta iomchuí chun a áirithiú go gcuirfear an Coinbhinsiún i bhfeidhm go héifeachtach. Chuige sin, ba cheart don Chomhairle Comhlachais cinneadh a ghlacadh lena dtabharfar isteach tagairt don Choinbhinsiún i bPrótacal 4 a ghabhann leis an gComhaontú.

(7)Mar thoradh ar an bplé maidir leis an gCoinbhinsiún a leasú, tá tacar nua rialacha tionscnaimh atá nuachóirithe agus níos solúbtha le hionchorprú sa Choinbhinsiún. Tá sé curtha in iúl ag an Aontas agus ag Iosrael gur mian leo na rialacha nua a chur i bhfeidhm go déthaobhach a luaithe is féidir, ar bhonn malartach i dteannta na rialacha atá ann faoi láthair agus iad ag feitheamh le toradh deiridh an phróisis leasaithe,

TAR ÉIS AN CINNEADH SEO A GHLACADH:

Airteagal 1

Beidh an seasamh a ghlacfar thar ceann an Aontais sa Chomhairle Comhlachais bunaithe ar dhréachtghníomh na Comhairle Comhlachais a ghabhann leis an gCinneadh seo.

Airteagal 2

Dírítear an Cinneadh seo chuig an gCoimisiún.

Arna dhéanamh sa Bhruiséil,

(1)    IO L 147, 21.6.2000, lch. 3.

(2)    Breithiúnas na Cúirte Breithiúnais an 7 Deireadh Fómhair 2014, an Ghearmáin v an Chomhairle, C-399/12, ECLI:EU:C:2014:2258, míreanna 61 go 64.

(3)    Cinneadh ón gComhairle agus ón gCoimisiún an 19 Aibreán 2000 maidir le tabhairt i gcrích an Chomhaontaithe Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile (IO L 147 an 21.6.2000, lch. 1).

(4)    Cinneadh 2013/93/AE ón gComhairle an 14 Aibreán 2011 maidir le síniú, thar ceann an Aontais Eorpaigh, an Choinbhinsiúin réigiúnaigh maidir le rialacha tionscnaimh fabhracha Uile-Eora-Mheánmhara (IO L 54, 26.2.2013, lch. 4).

AN COIMISIÚN EORPACH

An Bhruiséil,24.8.2020

COM(2020) 406 final

IARSCRÍBHINN

a ghabhann leis an

Togra le haghaidh Cinneadh ón gComhairle

maidir leis an seasamh a ghlacfar thar ceann an Aontais Eorpaigh laistigh den Chomhairle Comhlachais arna bunú leis an gComhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, a mhéid a bhaineann le leasú ar Phrótacal 4 a ghabhann leis an gComhaontú sin maidir le sainmhíniú an choincheapa “táirgí tionscnaimh” agus modhanna comhair riaracháin

Dréacht- 

CHINNEADH UIMH. ... ÓN gCOMHAIRLE COMHLACHAIS IDIR AN tAONTAS AGUS STÁT IOSRAEL

lena

leasaítear Prótacal 4 den Chomhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, maidir le sainmhíniú an choincheapa “táirgí tionscnaimh” agus le modhanna comhair riaracháin

AN CHOMHAIRLE COMHLACHAIS IDIR AN tAONTAS AGUS STÁT IOSRAEL,

Ag féachaint don Chomhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile 1 , agus go háirithe Airteagal 39 de Phrótacal 4 de a bhaineann le sainmhíniú an choincheapa “táirgí tionscnaimh” agus le modhanna comhair riaracháin,

De bharr an mhéid seo a leanas:

(1)Le hAirteagal 28 den Chomhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit de pháirt, agus Stát Iosrael den pháirt eile (“an Comhaontú”), tagraítear do Phrótacal 4 den Chomhaontú (“Prótacal 4”) lena leagtar síos na rialacha tionscnaimh.

(2)Foráiltear le hAirteagal 39 de Phrótacal 4 go bhféadfaidh an Chomhairle Comhlachais a bhunaítear le hAirteagal 67 den Chomhaontú forálacha an phrótacail sin a leasú.

(3)Is é is aidhm don Choinbhinsiún Réigiúnach maidir le rialacha tionscnaimh fabhracha 2 uile-Eora-Mheánmhara (“an Coinbhinsiún”) go dtrasuífear na córais dhéthaobhacha atá ann cheana a bhaineann le rialacha tionscnaimh i gcreat iltaobhach, gan dochar do na prionsabail a leagtar síos sna comhaontuithe ábhartha arna dtabhairt i gcrích idir na Páirtithe Conarthacha.

(4)Shínigh an tAontas Eorpach agus Stát Iosrael an Coinbhinsiún an 15 Meitheamh 2011 agus an 10 Deireadh Fómhair 2013, faoi seach.

(5)Rinne an tAontas Eorpach agus Stát Iosrael a n‑ionstraimí glactha a thaisceadh le taiscí an Choinbhinsiúin an 26 Márta 2012 agus an 28 Lúnasa 2014, faoi seach. Dá bhrí sin, agus trí Airteagal 10(3) den Choinbhinsiún a chur i bhfeidhm, tháinig an Coinbhinsiún i bhfeidhm maidir leis an Aontas Eorpach agus Stát Iosrael an 1 Bealtaine 2012 agus an 1 Nollaig 2017, faoi seach.

(6)Chomhaontaigh an tAontas Eorpach agus Stát Iosrael tacar de rialacha leasaithe a thabhairt isteach, rialacha a d'fhéadfaí a úsáid go déthaobhach mar rialacha tionscnaimh de rogha ar na rialacha tionscnaimh sin a leagtar síos leis an gCoinbhinsiún, go dtí go gcuirfear bailchríoch ar an leasú atá á dhéanamh ar an gCoinbhinsiún faoi láthair agus go dtiocfaidh an leasú sin i bhfeidhm, leasú ar a bhfuil na rialacha Idirthréimhseacha bunaithe.

(7)Ba cheart Prótacal 4 a leasú dá bhrí sin chun tagairt dhinimiciúil a dhéanamh don Choinbhinsiún mar go bhféadfar é a leasú amach anseo agus chun foráil a dhéanamh maidir le tacar rialacha malartacha.

TAR ÉIS AN CINNEADH SEO A GHLACADH:

Airteagal 1

Déanfar an téacs a leagtar amach san Iarscríbhinn a ghabhann leis an gCinneadh seo a chur in ionad Phrótacal 4 a ghabhann leis an gComhaontú Eora-Mheánmhara lena mbunaítear comhlachas idir na Comhphobail Eorpacha agus a mBallstáit, de pháirt, agus Stát Iosrael, den pháirt eile, maidir le sainmhíniú an choincheapa “táirgí tionscnaimh” agus le modhanna comhair riaracháin.

Airteagal 2

Tiocfaidh an Cinneadh seo i bhfeidhm an dáta a ghlacfar é.

Beidh feidhm aige ón …

Arna dhéanamh sa Bhruiséil

   Thar ceann na Comhairle Comhlachais

   An tUachtarán

Iarscríbhinn

“Prótacal 4

maidir le sainmhíniú an choincheapa ‘táirgí tionscnaimh’ agus modhanna comhair riaracháin

Airteagal 1

Rialacha tionscnaimh is infheidhme

1.    Chun an Comhaontú seo a chur chun feidhme, beidh feidhm ag Aguisín I agus ag na forálacha ábhartha d'Aguisín II den Choinbhinsiún Réigiúnach maidir le rialacha tionscnaimh fabhracha uile-Eora-Mheánmhara 3 (‘an Coinbhinsiún’), mar a bheidís leasaithe agus foilsithe amach anseo in Iris Oifigiúil an Aontais Eorpaigh.

2.    Gach tagairt don “chomhaontú ábhartha” in Aguisín I agus i bhforálacha ábhartha Aguisín II a ghabhann leis an gCoinbhinsiún Réigiúnach maidir le rialacha tionscnaimh fabhracha uile-Eora-Mheánmhara, déanfar na tagairtí sin a fhorléiriú mar thagairtí arb é an Comhaontú seo is ciall dóibh.

Airteagal 2

Rialacha tionscnaimh malartacha is infheidhme

1.    D'ainneoin Airteagal 1, chun an Comhaontú seo a chur chun feidhme, táirgí a bhaineann amach stádas tionscnaimh fabhrach i gcomhréir leis na forálacha a leagtar amach in Aguisín A a ghabhann leis an bPrótacal measfar gur de thionscnamh an Aontais Eorpaigh nó Stát Iosrael iad.

2.    Beidh feidhm ag na rialacha malartacha go dtí go dtiocfaidh an leasú ar an gCoinbhinsiún i bhfeidhm, ar leasú é ar a bhfuil na rialacha malartacha bunaithe.

Airteagal 3

Díospóidí a réiteach

1.    I gcásanna ina n‑éireoidh díospóidí i ndáil leis na nósanna imeachta fíorúcháin in Airteagal 32 d'Aguisín I a ghabhann leis an gCoinbhinsiún nó in Airteagal 34 d'Aguisín A a ghabhann leis an bPrótacal seo, ar díospóidí iad nach féidir a réiteach idir na húdaráis chustaim a iarrann an fíorú agus na húdaráis chustaim atá freagrach as an bhfíorú sin a chur i gcrích, cuirfear na díospóidí sin faoi bhráid na Comhairle Comhlachais.

2.    I ngach cás, i dtaca le díospóidí idir an t‑allmhaireoir agus údaráis chustaim na tíre allmhairiúcháin a réiteach, is faoi reachtaíocht na tíre sin a réiteofar na díospóidí sin.

Airteagal 4

Leasuithe ar an bPrótacal

Féadfaidh an Chomhairle Comhlachais a chinneadh forálacha an Phrótacail seo a leasú.

Airteagal 5

Tarraingt siar ón gCoinbhinsiún

1.    Má thugann an tAontas Eorpach nó Stát Iosrael fógra i scríbhinn do thaiscí an Choinbhinsiúin go bhfuil sé beartaithe acu tarraingt siar as an gCoinbhinsiún de réir Airteagal 9 de, rachaidh an tAontas Eorpach agus Stát Iosrael i mbun caibidlíochta láithreach maidir le rialacha tionscnaimh chun an Comhaontú seo a chur chun feidhme.

2.    Go dtí go dtiocfaidh rialacha tionscnaimh den sórt sin a d'aontófaí as an nua i bhfeidhm, na rialacha a áirítear in Aguisín I agus, i gcás inarb iomchuí, na forálacha ábhartha d'Aguisín II a ghabhann leis an gCoinbhinsiún, ar rialacha agus forálacha iad is infheidhme tráth an tarraingt siar, leanfaidh siad d'fheidhm a bheith acu maidir leis an gComhaontú seo. Mar sin féin, tráth an tarraingt siar, déanfar na rialacha tionscnaimh in Aguisín I agus, i gcás inarb iomchuí, na forálacha ábhartha d'Aguisín II a ghabhann leis an gCoinbhinsiún a fhorléiriú sa chaoi nach gceadófar an carnadh déthaobhach ach amháin idir an tAontas Eorpach agus Stát Iosrael.

AGUISÍN A

RIALACHA TIONSCNAIMH MALARTACHA IS INFHEIDHME

Rialacha is féidir le Páirtithe Conarthacha an Choinbhinsiúin Réigiúnaigh maidir le rialacha tionscnaimh fabhracha uile-Eora-Mheánmhara a chur i bhfeidhm ar bhonn roghnach go dtí go dtabharfar an leasú ar an gCoinbhinsiún i gcrích agus go dtiocfaidh an leasú sin i bhfeidhm

(dá ngairtear "na Rialacha" nó “rialacha Idirthréimhseacha” anseo feasta)

sainmhíniú an choincheapa “táirgí tionscnaimh” agus modhanna comhair riaracháin

CLÁR

CUSPÓIRÍ

TEIDEAL I    FORÁLACHA GINEARÁLTA

Airteagal 1    Sainmhínithe

TEIDEAL II    SAINMHÍNIÚ AN CHOINCHEAPA “TÁIRGÍ TIONSCNAIMH”

Airteagal 2    Ceanglais ghinearálta

Airteagal 3    Táirgí a fuarthas go hiomlán

Airteagal 4    Oibriú nó próiseáil leordhóthanach

Airteagal 5    Riail lamháltais

Airteagal 6    Oibriú nó próiseáil easpach

Airteagal 7    Carnadh tionscnaimh

Airteagal 8    Coinníollacha maidir le carnadh tionscnaimh a chur i bhfeidhm

Airteagal 9    Aonad incháilitheachta

Airteagal 10    Tacair

Airteagal 11    Eilimintí neodracha

Airteagal 12    Deighilt chuntasaíochta

TEIDEAL III    CEANGLAIS CHRÍCHE

Airteagal 13    Prionsabal an chríochachais

Airteagal 14    Neamhathrú

Airteagal 15    Taispeántais

TEIDEAL IV    AISÍOCAÍOCHT NÓ DÍOLÚINE

Airteagal 16    Aisíocaíocht dleachtanna custaim nó díolúine uathu

TEIDEAL V    CRUTHÚNAS AR THIONSCNAMH

Airteagal 17    Ceanglais ghinearálta

Airteagal 18    Coinníollacha maidir le dearbhú tionscnaimh a tharraingt suas

Airteagal 19    Onnmhaireoir formheasta

Airteagal 20    Nós imeachta maidir le deimhniú gluaiseachta EUR.1 a eisiúint

Airteagal 21    Deimhnithe gluaiseachta EUR.1 a eisítear go cúlghabhálach

Airteagal 22    Dúblach de dheimhniú gluaiseachta EUR.1 a eisiúint

Airteagal 23    Bailíocht an chruthúnais ar thionscnamh

Airteagal 24    Saorchriosanna

Airteagal 25    Ceanglais allmhairiúcháin

Airteagal 26    Allmhairiú i dtráthchodanna

Airteagal 27    Díolúine ó chruthúnas ar thionscnamh

Airteagal 28    Neamhréitigh agus earráidí foirmiúla

Airteagal 29    Dearbhuithe soláthraí

Airteagal 30    Suimeanna arna sloinneadh in euro

TEIDEAL VI    PRIONSABAIL AN CHOMHAIR AGUS NA FIANAISE DOICIMÉADAÍ

Airteagal 31    Fianaise dhoiciméadach, cruthúnas ar thionscnamh agus doiciméid tacaíochta a chaomhnú

Airteagal 32    Díospóidí a réiteach

TEIDEAL VII    COMHAR RIARACHÁIN

Airteagal 33    Fógra agus comhar

Airteagal 34    Cruthúnais ar thionscnamh a fhíorú

Airteagal 35    Na dearbhuithe soláthraí a fhíorú

Airteagal 36    Pionóis

Teideal VIII    AGUISÍN A CHUR I BHFEIDHM

Airteagal 37    An Limistéar Eorpach Eacnamaíoch

Airteagal 38    Lichtinstéin

Airteagal 39    Poblacht San Mairíne

Airteagal 40    Prionsacht Andóra

Airteagal 41    Ceuta agus Melilla

Liosta Iarscríbhinní

IARSCRÍBHINN I    Réamhnótaí a ghabhann leis an liosta in Iarscríbhinn II

IARSCRÍBHINN II:    Liosta den oibriú nó den phróiseáil is gá a dhéanamh ar ábhair neamhthionscnaimh chun go dtabharfar an stádas ‘táirge tionscnaimh’ don táirge monaraithe

IARSCRÍBHINN III    Téacs an dearbhaithe tionscnaimh

IARSCRÍBHINN IV:    Samplaí de dheimhniú gluaiseachta EUR.1 agus iarratas ar dheimhniú gluaiseachta EUR.1

IARSCRÍBHINN V    Coinníollacha speisialta maidir le táirgí de thionscnamh Ceuta agus Melilla

IARSCRÍBHINN VI    Dearbhú soláthraí

IARSCRÍBHINN VII    Dearbhú fadtéarmach soláthraí

CUSPÓIRÍ

Tá na rialacha seo ceaptha lena gcur i bhfeidhm go sealadach, ar bhonn roghnach déthaobhach, ag Páirtithe Conarthacha an Choinbhinsiúin Réigiúnaigh maidir le rialacha tionscnaimh fabhracha uile-Eora-Mheánmhara (“Coinbhinsiún PEM” nó “Coinbhinsiún”), go dtí go dtabharfar an leasú ar an gCoinbhinsiún i gcrích agus go dtiocfaidh an leasú sin i bhfeidhm. Tiocfaidh siad chun bheith infheidhme maidir le trádáil idir na Páirtithe Conarthacha sin a chinnfidh amhlaidh agus a dhéanfaidh tagairt dóibh nó a chuirfidh san áireamh iad ina gcomhaontuithe déthaobhacha um thrádáil fhabhrach. Beartaítear iad a chur i bhfeidhm mar rogha malartach ar rialacha an Choinbhinsiúin, ar rialacha iad a bheidh, i gcomhréir leis an gCoinbhinsiún, gan dochar do na prionsabail a leagtar síos sna comhaontuithe ábhartha agus i gcomhaontuithe déthaobhacha gaolmhara eile idir na Páirtithe Conarthacha. Dá réir sin, ní bheidh siad éigeantach, ach i gcás oibreoirí eacnamaíocha ar mian leo leas a bhaint as scéim fhabhrach a bheidh bunaithe ar na rialacha sin seachas ar rialacha an Choinbhinsiúin, féadfaidh siad iad a chur i bhfeidhm ar bhonn roghnach.

Níl sé beartaithe an Coinbhinsiún a mhodhnú leo, coinbhinsiún a leanfaidh d'fheidhm iomlán a bheith aige idir na Páirtithe Conarthacha sa Choinbhinsiún, agus ní athrófar leo cearta ná oibleagáidí na bPáirtithe Conarthacha faoin gCoinbhinsiún.

TEIDEAL I
FORÁLACHA GINEARÁLTA

Airteagal 1 
Sainmhínithe

Chun críocha na Rialacha seo:

   (a) ciallaíonn ‘Páirtí Conarthach a chuirfidh na rialacha i bhfeidhm’ Páirtí Conarthach i gCoinbhinsiún PEM a ionchorpraíonn na Rialacha seo ina chomhaontuithe déthaobhacha um thrádáil fhabhrach le Páirtí Conarthach eile i gCoinbhinsiún PEM. Cuimsíonn ‘Páirtí Conarthach a chuirfidh na rialacha i bhfeidhm’ na Páirtithe sa Chomhaontú seo freisin.

   (b) ciallaíonn ‘caibidlí’, ‘ceannteidil’ agus ‘fo-cheannteidil’ na caibidlí, na ceannteidil agus na fo-cheannteidil (cóid 4 dhigit nó 6 dhigit) a úsáidtear san ainmníocht arb í an Córas Comhchuibhithe um Thuairisciú agus um Chódú Tráchtearraí(‘Córas Comhchuibhithe’) í ina bhfuil na hathruithe de bhun Moladh ón gComhairle um Chomhar Custaim an 26 Meitheamh 2004;

   (c) ciallaíonn ‘aicmithe’ aicmiú earra atá faoi cheannteideal áirithe nó faoi fho-cheannteideal áirithe den Chóras Comhchuibhithe;

   (d) ciallaíonn ‘coinsíneacht’ táirgí:

   - (i)    a sheoltar go comhuaineach ó aon onnmhaireoir amháin chuig aon choinsíní amháin; nó

   - (ii)    atá cumhdaithe ag aon doiciméad iompair amháin lena gcumhdaítear seoladh na dtáirgí sin ón onnmhaireoir chuig an gcoinsíní nó, de cheal doiciméad den sórt sin, atá cumhdaithe ag aon sonrasc amháin;

   (e) i gcás an Aontais Eorpaigh, ciallaíonn ‘údaráis chustaim an Pháirtí nó an Pháirtí Chonarthaigh a chuirfidh na rialacha i bhfeidhm’ aon cheann d'údaráis chustaim Bhallstáit an Aontais Eorpaigh;

   (f) ciallaíonn ‘luach custaim’ an luach arna chinneadh i gcomhréir leis an gComhaontú maidir le cur i bhfeidhm Airteagal VII den Chomhaontú Ginearálta um Tharaifí agus Trádáil a rinneadh in 1994(Comhaontú na hEagraíochta Domhanda Trádála maidir le luacháil chustaim);

   (g) ciallaíonn ‘praghas díreach ón monarcha’ an praghas a íoctar as an táirge díreach ón monarcha leis an monaróir sa Pháirtí a ndéantar an t‑oibriú deiridh nó an phróiseáil deiridh ina ghnóthas, ar choinníoll go n‑áirítear sa phraghas sin luach na n‑ábhar uile a úsáidtear agus na costais eile uile a bhaineann lena tháirgeadh, lúide aon cháin inmheánach a aisíoctar, nó is féidir a aisíoc, nuair a onnmhairítear an táirge a fuarthas. I gcás inar ndéantar an t‑oibriú deiridh nó an phróiseáil deiridh a chur amach ar fochonradh chuig monaróir, tagraíonn an téarma ‘monaróir’ don fhiontar a bhfuil an fochonraitheoir ar fostú aige.

   I gcás nach léiriú é an praghas iarbhír a íoctar ar na costais uile a bhaineann le monarú an táirge a thabhaítear go hiarbhír sa Pháirtí, ciallaíonn an praghas díreach ón monarcha suim na gcostas sin go léir, lúide aon cháin inmheánach a aisíoctar, nó is féidir a aisíoc, nuair a onnmhairítear an táirge a fuarthas;

   (h) ciallaíonn ‘ábhar idirmhalartach’ nó táirge idirmhalartach ábhar nó táirge ar den chineál céanna agus den cháilíocht tráchtála chéanna iad agus a bhfuil na tréithe teicniúla agus fisiceacha céanna acu, agus nach féidir iad a idirdhealú ó chéile;

   (i) ciallaíonn ‘earra’ ábhar agus táirge araon;

   (j) ciallaíonn ‘monarú’ aon chineál oibrithe nó próiseála lena n‑áirítear cóimeáil;

   (k) ciallaíonn ‘ábhar’ aon chomhábhar, aon amhábhar, aon chomhpháirt nó aon pháirt etc., a úsáidtear chun an táirge a mhonarú;

   (l) ciallaíonn ‘uasmhéid ábhair neamhthionscnaimh’ an t‑uasmhéid ábhair neamhthionscnaimh a cheadaítear chun a mheas gur leor an t‑oibriú nó an phróiseáil a dhéantar le linn na monaraíochta chun stádas tionscnaimh a thabhairt don táirge. Féadfar é a shloinneadh mar chéatadán de phraghas an táirge díreach ón monarcha nó mar chéatadán de ghlanmheáchan na n‑ábhar sin a úsáidtear, ábhair atá faoi ghrúpa sonraithe caibidlí, faoi chaibidil, faoi cheannteideal nó faoi fho-cheannteideal;

   (m) ciallaíonn ‘táirge’ an táirge atá á mhonarú, fiú amháin má tá sé ceaptha lena úsáid ina dhiaidh sin in oibríocht mhonaraíochta eile;

   (n) cuimsíonn ‘críoch’ críoch thalún, uiscí inmheánacha agus farraige theorann Páirtí;

   (o) measfar gurb é an ‘breisluach’ praghas an táirge díreach ón monarcha lúide luach custaim gach ceann de na hábhair a ionchorpraítear, arb ábhair iad de thionscnamh na bPáirtithe Conarthacha eile a chuirfidh na rialacha i bhfeidhm, rialacha ar trína mbíthin a bhfuil carnadh infheidhme nó, i gcás nach eol an luach custaim nó nach féidir é a fháil amach, measfar gurb é an chéad phraghas infhíoraithe é a íocadh as na hábhair sa Pháirtí is onnmhaireoir;

   (p) ciallaíonn “luach na n‑ábhar” an luach custaim tráth a allmhairítear na hábhair neamhthionscnaimh a úsáidtear, nó, murab eol sin agus nach féidir é a fháil amach, ciallaíonn sé an chéad phraghas infhíoraithe a íocadh as na hábhair sa Pháirtí is onnmhaireoir. I gcás inar gá luach na n‑ábhar tionscnaimh a úsáideadh a shuí, cuirfear an pointe seo i bhfeidhm mutatis mutandis.

TEIDEAL II
SAINMHÍNIÚ AN CHOINCHEAPA “TÁIRGÍ TIONSCNAIMH”

Airteagal 2 
Ceanglais ghinearálta

Chun an Comhaontú seo a chur chun feidhme, measfar gur de thionscnamh Páirtí na táirgí seo a leanas nuair a onnmhairítear chuig an bPáirtí eile iad:

(a)táirgí a fuarthas go hiomlán i bPáirtí de réir bhrí Airteagal 3;

(b)táirgí a fuarthas i bPáirtí a bhfuil ábhair iontu nach bhfuarthas go hiomlán sa Pháirtí sin, ar choinníoll go ndearnadh oibriú nó próiseáil leordhóthanach ar na hábhair sin sa Pháirtí sin de réir bhrí Airteagal 4 den Phrótacal seo;

Airteagal 3

Táirgí a fuarthas go hiomlán

1.Measfar go bhfuarthas na táirgí seo a leanas go hiomlán i bPáirtí nuair a onnmhairítear chuig an bPáirtí eile iad:

(a)táirgí mianracha agus uisce nádúrtha a eastósctar as ithir nó as grinneall farraige an Pháirtí sin;

(b)plandaí, lena n‑áirítear plandaí uisceacha agus táirgí glasraí a fhástar nó a bhuaintear sa Pháirtí sin;

(c)ainmhithe beo a rugadh agus a tógadh sa Pháirtí sin;

(d)táirgí a fuarthas ó ainmhithe beo a tógadh sa Pháirtí sin;

(e)táirgí a fuarthas ó ainmhithe maraithe a rugadh agus a tógadh sa Pháirtí sin;

(f)táirgí a fuarthas de thoradh fiach nó iascaireacht a rinneadh sa Pháirtí sin;

(g)táirgí dobharshaothraithe arb ó uibheacha, ó larbhaí, ó mhionéisc nó ó ghilidíní a rugadh nó a tógadh sa Pháirtí sin na crústaigh, na moilisc agus na hinveirteabraigh uisce eile;

(h)táirgí iascaireachta mara agus táirgí eile ar lasmuigh d'aon fharraige theorann a bhain soithí an Pháirtí sin;

(i)táirgí a rinneadh ar bord longa próiseála an Pháirtí sin arb as na táirgí dá dtagraítear i bpointe (h) iad agus as na táirgí sin amháin;

(j)earraí athláimhe a bailíodh sa Pháirtí sin agus nach bhfuil oiriúnach ach chun amhábhair a aisghabháil;

(k)dramhaíl agus fuíoll a tháinig as oibríochtaí monaraithe a rinneadh sa Pháirtí sin;

(l)táirgí a eastóscadh as grinneall na farraige nó as faoi ghrinneall na farraige atá lasmuigh dá fharraige theorann ach a bhfuil cearta eisiacha saothraithe aige;

(m)earraí a táirgeadh sa Pháirtí sin arb earraí iad a táirgeadh as na táirgí a luaitear go sonrach i bpointí (a) go (l) agus as na táirgí sin amháin.

2.Ní bheidh feidhm ag na téarmaí “soithí an Pháirtí sin” agus “longa próiseála an Pháirtí sin” i bpointí (h) agus (i) mhír 1 faoi seach ach amháin maidir le soithí agus longa próiseála a chomhlíonfadh na ceanglais seo a leanas:

(a)go bhfuil siad cláraithe sa Pháirtí is onnmhaireoir nó sa Pháirtí is allmhaireoir;

(b)gurb í bratach an Pháirtí is onnmhaireoir nó an Pháirtí is allmhaireoir a bhíonn ar foluain acu;

(c)go gcomhlíonann siad ceann de na coinníollacha seo a leanas:

(i)go bhfuil siad faoi úinéireacht 50 % ar a laghad ag náisiúnaigh den Pháirtí is onnmhaireoir nó den Pháirtí is allmhaireoir; nó

(ii)gur le cuideachtaí iad:

–a bhfuil a bpríomhoifig agus a bpríomhionad gnó sa Pháirtí is onnmhaireoir nó sa Pháirtí is allmhaireoir; agus

–go bhfuil siad faoi úinéireacht 50 % ar a laghad ag an bPáirtí is onnmhaireoir nó ag an bPáirtí is allmhaireoir nó ag eintitis phoiblí na bPáirtithe sin nó ag náisiúnaigh de na Páirtithe sin.

3.Chun críocha mhír 2, nuair is é an tAontas Eorpach an Páirtí is onnmhaireoir nó an Páirtí is allmhaireoir, ciallaíonn sé Ballstáit an Aontais Eorpaigh.

4.Chun críoch mhír 2, measfar go bhfuil Stáit CSTE ina bPáirtí Conarthach amháin a chuirfidh na rialacha i bhfeidhm.

Airteagal 4 
Oibriú nó próiseáil leordhóthanach

1.Gan dochar do mhír 3 den Airteagal seo agus d'Airteagal 6, táirgí nach bhfaightear go hiomlán i bPáirtí, measfar go ndearnadh oibriú nó próiseáil leordhóthanach orthu nuair a chomhlíonfar na coinníollacha a leagtar síos sa liosta in Iarscríbhinn II maidir leis na hearraí lena mbaineann.

2.Maidir le táirge a fuair stádas tionscnaimh i bPáirtí i gcomhréir le mír 1 den Airteagal seo, má úsáidtear an táirge sin mar ábhar chun táirge eile a mhonarú, ní chuirfear san áireamh na hábhair neamhthionscnaimh a d'fhéadfaí a úsáideadh chun é a mhonarú.

3.I gcás gach táirge, cinnfear cé acu a chomhlíontar ceanglais mhír 1 den Airteagal seo nó nach gcomhlíontar.

‑Os a choinne sin, i gcás ina mbeidh an riail ábhartha bunaithe ar chomhlíonadh uasmhéid d'ábhair neamhthionscnaimh, féadfaidh údaráis chustaim na bPáirtithe a údarú d'onnmhaireoirí praghas an táirge díreach ón monarcha agus luach na nábhar neamhthionscnaimh a ríomh ar bhonn meánluachanna mar a leagtar amach i mír 4 den Airteagal seo, d'fhonn na luaineachtaí i gcostais agus i rátaí airgeadra a chur san áireamh.

4.I gcás ina mbeidh feidhm ag an dara fomhír de mhír 3 den Airteagal seo, ríomhfar meánphraghas an táirge díreach ón monarcha agus meánluach na n‑ábhar neamhthionscnaimh a úsáideadh ar bhonn shuim na bpraghsanna díreach ón monarcha a gearradh maidir le díolacháin uile na dtáirgí a rinneadh le linn na bliana fioscaí roimhe sin agus ar bhonn shuim na n‑ábhar neamhthionscnaimh uile a úsáideadh chun na táirgí sin a mhonarú le linn na bliana fioscaí roimhe sin mar a shainítear sa Pháirtí is onnmhaireoir, nó, i gcás nach mbeidh figiúirí le haghaidh bliain fhioscach iomlán ar fáil, le haghaidh tréimhse is lú, ar tréimhse nach lú ná 3 mhí í.

5.Onnmhaireoirí a shocróidh an ríomh a dhéanamh ar bhonn meánluachanna, cuirfidh siad an modh sin i bhfeidhm go comhsheasmhach le linn na bliana tar éis na bliana fioscaí tagartha, nó, i gcás inarb iomchuí, le linn na bliana tar éis na tréimhse is giorra a úsáidtear mar thagairt. Féadfaidh siad stad den mhodh sin a chur i bhfeidhm i gcás ina dtugann faoi deara, le linn bliain fhioscach ar leith nó le linn tréimhse ionadaíoch is lú ná 3 mhí, go bhfuil deireadh leis na luaineachtaí i gcostais nó i rátaí airgeadra a thug údar cuí le modh den sórt sin a úsáid.

6.Úsáidfear na meánluachanna dá dtagraítear i mír 4 den Airteagal seo mar phraghas díreach ón monarcha agus mar luach na n‑ábhar neamhthionscnaimh faoi seach, chun a shuí go gcomhlíontar an t‑uasmhéid d'ábhair neamhthionscnaimh.

Airteagal 5 
Riail lamháltais

1.De mhaolú ar Airteagal 4 agus faoi réir mhíreanna 2 agus 3 den Airteagal seo, ábhair neamhthionscnaimh, de réir na gcoinníollacha a leagtar amach sa liosta in Iarscríbhinn II, nach ceart a úsáid chun táirge áirithe a mhonarú, féadfar na hábhair sin a úsáid mar sin féin, ar choinníoll nach mó a nglanmheáchan iomlán nó a nglanluach iomlán arna measúnú le haghaidh an táirge ná:

(a)15 % de ghlanmheáchan an táirge atá faoi Chaibidil 2 agus faoi Chaibidlí 4 go 24, seachas táirgí iascaigh próiseáilte atá faoi Chaibidil 16;

(b)15 % de phraghas an táirge díreach ón monarcha i gcás táirgí seachas na táirgí sin a chumhdaítear le pointe (a).

Ní bheidh feidhm ag an mír seo maidir le táirgí atá faoi Chaibidlí 50 go 63 den Chóras Comhchuibhithe, ar táirgí iad a mbeidh feidhm ag na lamháltais a luaitear i Nótaí 6 agus 7 d'Iarscríbhinn I maidir leo.

2.Le mír 1 den Airteagal seo ní cheadaítear dul thar aon cheann de na céatadáin maidir le huasmhéid ábhair neamhthionscnaimh mar a shonraítear sna rialacha a leagtar síos sa liosta in Iarscríbhinn II.

3.Ní bheidh feidhm ag míreanna 1 agus 2 den Airteagal seo maidir le táirgí a fhaightear go hiomlán i bPáirtí de réir bhrí Airteagal 3. Gan dochar d'Airteagal 6 agus d'Airteagal 9(1), áfach, beidh feidhm ag an lamháltas dá bhforáiltear sna forálacha sin maidir le táirge arb ina leith a cheanglaítear leis an riail a leagtar síos sa liosta in Iarscríbhinn II, go bhfaighfear go hiomlán na hábhair a úsáidtear chun an táirge sin a mhonarú.

Airteagal 6 
Oibriú nó próiseáil easpach

1.Gan dochar do mhír 2 den Airteagal seo, measfar nach leor an t‑oibriú ná an phróiseáil a dhéantar sna hoibríochtaí seo a leanas chun gur féidir stádas “táirge tionscnaimh” a thabhairt, bíodh ceanglais Airteagal 4 comhlíonta nó ná bídís:

(a)oibríochtaí a chaomhnú chun a áirithiú go mbeidh dea-bhail ar na táirgí le linn iompair agus stórála;

(b)briseadh agus cóimeáil pacáistí;

(c)ní, glanadh; deannach, ocsaíd, ola, péint nó cumhdaigh eile a bhaint;

(d)teicstílí a iarnáil nó a phreasáil;

(e)oibríochtaí simplí péinteála agus snasúcháin;

(f)rís a scilligeadh agus a mhuilleáil go páirteach nó go hiomlán; gránaigh agus rís a shnasú agus a ghlónrú;

(g)oibríochtaí lena ndéantar siúcra a dhathú nó a bhlaistiú nó lena ndéantar cnapshiúcra; siúcra gránaithe a mheilt go páirteach nó ina iomláine;

(h)torthaí, cnónna agus glasraí a scileadh, an craiceann a bhaint díobh agus na clocha a bhaint astu;

(i)géarú, meilt shimplí nó gearradh simplí;

(j)criathrú, scagadh, sórtáil, aicmiú, grádú, comhoiriúnú; (lena n‑áirítear tacair earraí a dhéanamh);

(k)an táirge a chur go simplí i mbuidéil, i gcannaí, i bhfleascáin, i málaí, i gcásanna, i mboscaí, a dhaingniú ar chartaí nó ar chláir, agus gach oibríocht pacáistithe shimplí eile;

(l)marcanna, lipéid, suaitheantais agus comharthaí idirdhealaithe den chineál sin a ghreamú de tháirgí nó dá bpacáistíocht nó iad a phriontáil orthu;

(m)táirgí a mheascadh go simplí, bídís ina dtáirgí de chineálacha éagsúla nó ná bídís;

(n)siúcra a mheascadh le haon ábhar eile;

(o)uisce a chur go simplí le táirgí nó iad a chaolú, a dhíhiodráitiú nó a dhínádúrú go simplí;

(p)codanna d'earraí a chóimeáil go simplí chun earra iomlán a dhéanamh nó táirgí a dhíchóimeáil ina gcodanna;

(q)ainmhithe a mharú.

(r)teaglaim de dhá cheann nó níos mó de na hoibríochtaí a luaitear go sonrach i bpointí (a) go (q).

2.Na hoibríochtaí uile a dhéantar sa Pháirtí is onnmhaireoir ar tháirge áirithe, cuirfear san áireamh iad nuair a chinnfear an easpach an t‑oibriú nó an phróiseáil a rinneadh ar an táirge sin de réir bhrí mhír 1 den Airteagal seo.

Airteagal 7 
Carnadh tionscnaimh

1.Gan dochar d'Airteagal 2, measfar gur de thionscnamh an Pháirtí is onnmhaireoir táirgí a onnmhairítear chuig an bPáirtí eile más ansin a fuarthas iad, táirgí ina bhfuil ábhair de thionscnamh aon Pháirtí Conarthach a chuirfidh na rialacha i bhfeidhm seachas an Páirtí is onnmhaireoir ar choinníoll gur mó an t‑oibriú nó an phróiseáil a dhéanfar sa Pháirtí is onnmhaireoir ná na hoibríochtaí dá dtagraítear in Airteagal 6. Ní bheidh sé riachtanach oibriú leordhóthanach ná próiseáil leordhóthanach a bheith déanta ar na hábhair sin.

2.I gcás nach mó an t‑oibriú nó an phróiseáil a dhéantar sa Pháirtí is onnmhaireoir ná na hoibríochtaí dá dtagraítear in Airteagal 6, an táirge a fhaightear trí ábhair a bheith ann atá de thionscnamh aon Pháirtí Conarthach eile a chuirfidh na rialacha i bhfeidhm, measfar gur de thionscnamh an Pháirtí is onnmhaireoir é, ach amháin i gcás inar mó an breisluach ná luach na n‑ábhar a úsáideadh de thionscnamh aon Pháirtí Conarthach eile a chuirfidh na rialacha i bhfeidhm. Murab amhlaidh sin, i dtaca leis an táirge a fuarthas measfar é a bheith de thionscnamh an Pháirtí Chonarthaigh a chuirfidh na rialacha i bhfeidhm lena mbaineann an luach is airde ábhar tionscnaimh a úsáideadh le linn na monaraíochta sa Pháirtí is onnmhaireoir.

3.Gan dochar d'Airteagal 2, agus gan táirgí atá faoi Chaibidlí 50 go 63 a áireamh, oibriú nó próiseáil a dhéantar i bPáirtí Conarthach a chuirfidh na rialacha i bhfeidhm seachas sa Pháirtí is onnmhaireoir measfar é a bheith déanta sa Pháirtí is onnmhaireoir nuair a dhéantar oibriú nó próiseáil ina dhiaidh sin ar na táirgí a fhaightear sa Pháirtí is onnmhaireoir sin.

4.Gan dochar d'Airteagal 2, i gcás táirgí atá faoi Chaibidlí 50 go 63 agus chun críche trádála fabhraí idir na Páirtithe, oibriú nó próiseáil a dhéantar sa Pháirtí is allmhaireoir, measfar é a bheith déanta sa Pháirtí is onnmhaireoir nuair a dhéantar oibriú nó próiseáil ina dhiaidh sin ar na táirgí sa Pháirtí is onnmhaireoir sin.

Chun críoch na míre seo, measfar go bhfuil na rannpháirtithe i bpróiseas Cobhsaíochta agus Comhlachais an Aontais Eorpaigh agus Poblacht na Moldóive ina bPáirtí amháin a chuirfidh na rialacha i bhfeidhm

5.Féadfaidh na Páirtithe síneadh a chur le cur i bhfeidhm mhír 3 den Airteagal seo maidir le hallmhairiú táirgí atá faoi Chaibidlí 50 go 63 go haontaobhach. Páirtí a roghnóidh síneadh den sórt sin tabharfaidh sé fógra don Pháirtí eile faoi agus cuirfidh an Páirtí sin an Coimisiún Eorpach ar an eolas faoi sin de réir Airteagal 8(2).

6.Chun críche carnadh de réir bhrí mhíreanna 3 go 5 den Airteagal seo, ní mheasfar gur de thionscnamh an Pháirtí is onnmhaireoir na táirgí tionscnaimh ach amháin más mó an t‑oibriú nó an phróiseáil a rinneadh ná na hoibríochtaí dá dtagraítear in Airteagal 6.

7.Táirgí de thionscnamh na bPáirtithe Conarthacha a chuirfidh na rialacha i bhfeidhm dá dtagraítear i míreanna 1 agus 4 den Airteagal seo, ar táirgí iad nach ndearnadh aon oibriú ná aon phróiseáil orthu sa Pháirtí is onnmhaireoir, coinneoidh siad a stádas tionscnaimh má onnmhairítear iad chuig ceann de na Páirtithe Conarthacha eile a chuirfidh na rialacha i bhfeidhm.

Airteagal 8 Coinníollacha maidir le carnadh tionscnaimh a chur i bhfeidhm

1.Féadfar an carnadh dá bhforáiltear in Airteagal 7 a chur i bhfeidhm ar choinníoll:

(a)go mbeidh comhaontú um thrádáil fhabhrach de réir Airteagal XXIV den Chomhaontú Ginearálta um Tharaifí agus Trádáil 1994 (CGTT) infheidhme idir na Páirtithe Conarthacha a bheidh rannpháirteach i stádas tionscnaimh a fháil agus an Páirtí Conarthach ceann scríbe a chuirfidh na rialacha i bhfeidhm; agus

(b)go bhfuil stádas tionscnaimh tugtha d'earraí trí rialacha tionscnaimh a chur i bhfeidhm arb ionann iad agus na rialacha a leagtar amach sna Rialacha seo.

2.Fógraí ina sonraítear gur comhlíonadh na ceanglais is gá chun carnadh a chur i bhfeidhm, foilseofar iad in Iris Oifigiúil an Aontais Eorpaigh (sraith C) agus i bhfoilseachán oifigiúil in Iosrael, de réir a nósanna imeachta féin.

Beidh feidhm ag an gcarnadh dá bhforáiltear in Airteagal 7 ón dáta a shonraítear sna fógraí sin.

Soláthróidh na Páirtithe sonraí don Choimisiún Eorpach maidir leis na comhaontuithe arna dtabhairt i gcrích le Páirtithe Conarthacha eile a chuirfidh na rialacha i bhfeidhm, lena n‑áirítear dátaí theacht i bhfeidhm na Rialacha seo.

3.    Ar an gcruthúnas ar thionscnamh ba cheart an ráiteas seo a leanas a áireamh i mBéarla ‘CUMULATION APPLIED WITH (ainm an Pháirtí Chonarthaigh/na bPáirtithe Conarthacha ábhartha a chuirfidh na rialacha i bhfeidhm i mBéarla)’ nuair a thugtar stádas tionscnaimh do tháirgí tríd an gcarnadh tionscnaimh a chur i bhfeidhm i gcomhréir le Airteagal 7.

I gcásanna ina n‑úsáidfear deimhniú gluaiseachta EUR.1 mar chruthúnas ar thionscnamh, is i mBosca 7 den deimhniú gluaiseachta EUR.1 a dhéanfar an ráiteas sin.

4. Féadfaidh na Páirtithe a chinneadh, i gcás na dtáirgí a onnmhairítear chucu, ar táirgí iad a fuair an stádas tionscnaimh sa Pháirtí is onnmhaireoir trí charnadh tionscnaimh a chur i bhfeidhm i gcomhréir le hAirteagal 7, go dtarscaoilfear an oibleagáid an ráiteas dá dtagraítear i mír 3 den Airteagal seo a chur ar an gcruthúnas ar thionscnamh 4 .

Tabharfaidh na Páirtithe fógra don Choimisiún Eorpach faoin tarscaoileadh sin de réir Airteagal 8(2).

Airteagal 9 
Aonad incháilitheachta

1.Is é a bheidh san aonad incháilitheachta le haghaidh chur i bhfeidhm fhorálacha na Rialacha seo an táirge sonrach a meastar gurb é an bunaonad é agus an t‑aicmiú á chinneadh le hainmníocht an Chórais Comhchuibhithe.

Dá bhrí sin: (a) i gcás ina ndéantar táirge, ar táirge é atá déanta as grúpa earraí nó as comhthiomsú earraí, a aicmiú faoi aon cheannteideal amháin de réir théarmaí an Chórais Comhchuibhithe, is é an táirge ina iomláine a bheidh san aonad incháilitheachta; (b) nuair is coinsíneacht é ina bhfuil líon táirgí comhionanna atá aicmithe faoi aon cheannteideal amháin den Chóras Comhchuibhithe, cuirfear gach táirge aonair san áireamh agus forálacha na Rialacha seo á gcur i bhfeidhm.

2.I gcás ina n‑áireofar, faoi Riail Ghinearálta 5 den Chóras Comhchuibhithe, an phacáistíocht in éineacht leis an táirge chun críoch aicmithe, áireofar í chun an áit tionscnaimh a chinneadh.

3.Gabhálais, páirteanna breise agus uirlisí a sheoltar in éineacht le píosa trealaimh, meaisín, fearas nó feithicil, ar cuid den ghnáth-threalamh iad agus atá ar áireamh i bpraghas an ghnáth-threalaimh díreach ón monarcha, measfar gur cuid den phíosa trealaimh, den inneall, den fhearas nó den fheithicil sin iad.

Airteagal 10 
Tacair

Maidir le tacair, mar a shainmhínítear i Riail Ghinearálta 3 den Chóras Comhchuibhithe iad, measfar gur tacair thionscnaimh iad más páirteanna tionscnaimh na páirteanna uile iontu.

Dá ainneoin sin, nuair is tacar é atá comhdhéanta de tháirgí tionscnaimh agus de tháirgí neamhthionscnaimh, measfar gur tacar tionscnaimh an tacar ina iomláine, ar choinníoll nach mó luach na dtáirgí neamhthionscnaimh ná 15 % de phraghas an tacair díreach ón monarcha.

Airteagal 11 
Eilimintí neodracha

Chun a chinneadh an táirge tionscnaimh é an táirge, ní chuirfear san áireamh tionscnamh na nithe seo a leanas is féidir a úsáid le linn an mhonaraithe:

(a)fuinneamh agus breosla;

(b)gléasra agus trealamh;

(c)meaisíní agus uirlisí;

(d)aon earra eile nach dtéann isteach agus nach bhfuil ceaptha dul isteach i gcomhdhéanamh deiridh an táirge.

Airteagal 12 
Deighilt chuntasaíochta

1.Má úsáidtear ábhair idirmhalartacha tionscnaimh agus neamhthionscnaimh le linn oibriú nó próiseáil táirge, is féidir le hoibreoirí eacnamaíocha a áirithiú go ndéanfar ábhair a bhainistiú trí úsáid a bhaint as an modh deighilte cuntasaíochta, gan na hábhair a choimeád ar stoic ar leithligh.

2.Is féidir le hoibreoirí eacnamaíocha bainistiú táirgí idirmhalartacha tionscnaimh agus neamhthionscnaimh atá faoi cheannteideal 1701 a áirithiú trí úsáid a bhaint as an modh deighilte cuntasaíochta, gan na táirgí a choimeád ar stoic ar leithligh.

3. Féadfaidh na Páirtithe ceanglas a leagan síos go gcuirfear deighilt chuntasaíochta i bhfeidhm ach údarú a fháil roimh ré ó na húdaráis Chustaim. Féadfaidh na húdaráis Chustaim an t‑údarú a dheonú faoi réir aon choinníoll a mheasann siad a bheith iomchuí agus déanfaidh siad faireachán ar an úsáid a bhainfear as an údarú. Féadfaidh na húdaráis Chustaim an t‑údarú a tharraingt siar aon uair a bhainfidh an tairbhí úsáid mhíchuí as an údarú ar aon bhealach nó aon uair a mhainneoidh sé aon cheann de na coinníollacha eile a leagtar síos sna Rialacha seo a chomhlíonadh.

Ní fhéadfar úsáid a bhaint as an deighilt chuntasaíochta ach amháin más féidir a áirithiú, aon tráth, nach mó an líon táirgí a mheastar mar ‘tháirgí de thionscnamh an Pháirtí is onnmhaireoir’ ná mar a mheasfaí dá n‑úsáidfí modh deighilte fisicí le haghaidh na stoc.

Cuirfear an modh i bhfeidhm agus taifeadfar a chur i bhfeidhm ar bhonn na bprionsabal cuntasaíochta ginearálta is infheidhme sa Pháirtí is onnmhaireoir.

4.Tairbhí an mhodha dá dtagraítear i míreanna 1 agus 2 den Airteagal seo, soláthróidh sé cruthúnais ar thionscnamh le haghaidh chainníocht na dtáirgí a bhféadfadh a mheas gur de thionscnamh an Pháirtí is onnmhaireoir iad, nó cuirfidh sé isteach ar na cruthúnais ar thionscnamh sin. Ach iarratas a fháil ó na húdaráis chustaim, soláthróidh an tairbhí ráiteas faoin gcaoi ar bainistíodh na cainníochtaí.

TEIDEAL III CEANGLAIS CHRÍCHE

Airteagal 13 
Prionsabal an chríochachais

1.Déanfar na coinníollacha a leagtar amach i dTeideal II a chomhlíonadh gan bhriseadh sa Pháirtí lena mbaineann.

2.Má dhéantar táirgí tionscnaimh a onnmhairíodh ó Pháirtí go tír eile a chur ar ais, measfar gur táirgí neamhthionscnaimh iad, mura féidir an méid seo a leanas a léiriú chun sástacht na n‑údarás custaim:

(a)gurb iad na táirgí céanna iad siúd a cuireadh ar ais agus iad siúd a onnmhairíodh; agus

(b)nach ndearnadh aon oibríocht orthu thar mar is gá chun bail mhaith a choimeád orthu le linn dóibh a bheith sa tír sin nó le linn a n‑onnmhairithe.

3.Maidir le hoibriú nó próiseáil a dhéantar lasmuigh den Pháirtí is onnmhaireoir, ar ábhair a onnmhairítear ón bPáirtí sin agus a ath-allmhairítear chuige ina dhiaidh sin, ní dhéanfaidh an méid sin difear do stádas tionscnaimh a fháil i gcomhréir leis na coinníollacha a leagtar amach i dTeideal II, ar choinníoll:

(a)go bhfuarthas na hábhair sin ina n‑iomláine sa Pháirtí is onnmhaireoir nó go ndearnadh oibriú nó próiseáil orthu thar na hoibríochtaí dá dtagraítear in Airteagal 6 sular onnmhairíodh iad; agus

(b)gur féidir a léiriú chun sástacht na n‑údarás custaim:

(i)go bhfuarthas na táirgí a ath-allmhairíodh trí oibriú nó próiseáil a dhéanamh ar na hábhair a onnmhairíodh; agus

(ii)nach bhfuil an breisluach iomlán a fuarthas lasmuigh den Pháirtí is onnmhaireoir, tríd an Airteagal seo a chur i bhfeidhm, níos mó ná 10 % den phraghas díreach ón monarcha le haghaidh an táirge deiridh dá maítear an stádas tionscnaimh.

4.Chun críocha mhír 3 den Airteagal seo, na coinníollacha a leagtar amach i dTeideal II maidir le stádas tionscnaimh a fháil, ní bheidh feidhm ag na coinníollacha sin maidir le hoibriú nó próiseáil a dhéantar lasmuigh den Pháirtí is onnmhaireoir. Mar sin féin, i gcás ina gcuirtear i bhfeidhm, sa liosta in Iarscríbhinn II, riail chun stádas tionscnaimh an táirge deiridh a chinneadh lena socraítear luach uasta na n‑ábhar neamhthionscnaimh a ionchorpraítear, ní bheidh luach iomlán na n‑ábhar neamhthionscnaimh a ionchorpraítear i gcríoch an Pháirtí is onnmhaireoir, in éineacht leis an mbreisluach iomlán a fuarthas lasmuigh den Pháirtí sin tríd an Airteagal seo a chur i bhfeidhm, ní bheidh sé níos mó ná an céatadán atá luaite.

5.Chun críocha mhíreanna 3 agus 4 den Airteagal seo a chur i bhfeidhm, measfar go gciallóidh ‘breisluach iomlán’ gach costas arna thabhú lasmuigh den Pháirtí is onnmhaireoir, lena n‑áirítear luach na n‑ábhar a ionchorpraítear ansin.

6.Míreanna 3 ná 4 den Airteagal seo, ní bheidh feidhm acu maidir le táirgí nach gcomhlíonann na coinníollacha a leagtar amach sa liosta in Iarscríbhinn II nó nach féidir a mheas go ndearnadh leoroibriú nó leorphróiseáil orthu ach amháin má chuirtear an lamháltas ginearálta a shocraítear in Airteagal 4 i bhfeidhm.

7.Is faoi na socruithe próiseála amach, nó faoi shocruithe comhchosúla, a dhéanfar aon oibriú nó próiseáil den sórt a chumhdaítear leis an Airteagal seo agus a dhéantar lasmuigh den Pháirtí is onnmhaireoir.

Airteagal 14 
Neamhathrú

1.Ní bheidh feidhm leis an gcóir fhabhrach dá bhforáiltear faoin gComhaontú seo ach maidir le táirgí a shásóidh ceanglais na Rialacha seo agus a dhearbhófar le haghaidh allmhairiú i bPáirtí, ar choinníoll gurb iad sin na táirgí céanna a onnmhairíodh ón bPáirtí is onnmhaireoir. Ní bheidh athrú ná claochlú déanta ar na hearraí ar aon bhealach ná ní bheidh oibríochtaí déanta orthu ach amháin chun dea-bhail a choinneáil orthu nó chun marcanna, lipéid, séalaí nó aon doiciméad a chur leo nó a ghreamú díobh lena áirithiú go gcomhlíonfar ceanglais intíre shonracha de chuid an Pháirtí is allmhaireoir arna ndéanamh faoi mhaoirseacht chustaim sa tríú tír (sna tríú tíortha) idirthurais, nó chun iad a roinnt sula ndéantar iad a dhearbhú le haghaidh úsáid intíre.

2.Féadfar táirgí nó coinsíneachtaí a stóráil ar choinníoll go bhfanfaidh siad faoi mhaoirseacht chustaim sa tríú tír (sna tríú tíortha) idirthurais.

3.Gan dochar do Theideal V d'Aguisín A, féadfar táirgí nó coinsíneachtaí a roinnt ar choinníoll go bhfanfaidh siad faoi mhaoirseacht chustaim sa tríú tír (sna tríú tíortha) ina ndéantar an roinnt.

4.I gcás amhrais, féadfaidh an Páirtí is allmhaireoir, aon tráth, a iarraidh ar an allmhaireoir nó ar a ionadaí gach doiciméad iomchuí a chur faoina bhráid chun fianaise a sholáthar go bhfuil an tAirteagal seo á chomhlíonadh, fianaise is féidir a sholáthar trí aon fhianaise dhoiciméadach, agus go háirithe ar na dóigheanna seo a leanas:

(a)doiciméid iompair chonarthacha amhail billí luchta;

(b)fianaise fhíorasach nó nithiúil atá bunaithe ar mharcáil nó uimhriú pacáistí;

(c)deimhniú neamhchúblála arna sholáthar ag údaráis chustaim na tíre (na dtíortha) idirthurais nó na tíre (na dtíortha) ina ndéantar an roinnt, nó aon doiciméid eile a léiríonn gur fhan na hearraí faoi mhaoirseacht chustaim sa tír (sna tíortha) idirthurais nó sa tír (sna tíortha) ina ndearnadh an roinnt; nó

(d)aon fhianaise a bhaineann leis na hearraí féin.

Airteagal 15 
Taispeántais

1.Táirgí tionscnaimh a sheoltar lena dtaispeáint i dtír seachas tír a bhfuil an carnadh infheidhme maidir léi i gcomhréir le hAirteagail 7 agus 8 agus a dhíoltar tar éis an taispeántais lena n‑allmhairiú isteach i bPáirtí, beidh an Comhaontú ábhartha ina shochar acu tráth a n‑allmhairithe ar choinníoll go léireofar chun sástacht na n‑údarás custaim:

(a)gur choinsínigh onnmhaireoir na táirgí sin ó Pháirtí chuig an tír ina raibh an taispeántas ar siúl agus gur thaispeáin sé ann iad;

(b)go ndearna an t‑onnmhaireoir sin na táirgí a dhíol nó a dhiúscairt ar dhóigh eile le duine i bPáirtí eile;

(c)gur coinsíníodh na táirgí, le linn an taispeántais nó go díreach tar éis an taispeántais sa stát ar seoladh isteach ann iad lena dtaispeáint; agus

(d)nár úsáideadh na táirgí, ó coinsíníodh iad lena dtaispeáint, chun aon chríoch seachas chun iad a léiriú ag an taispeántas.

2.Eiseofar cruthúnas ar thionscnamh nó a tharraingeofar suas cruthúnas ar thionscnamh i gcomhréir le Teideal V d'Aguisín A agus a chur isteach chuig údaráis chustaim an Pháirtí is allmhaireoir ar an ngnáthmhodh. Beidh ainm agus seoladh an taispeántais luaite air. Más gá, féadfar fianaise dhoiciméadach eile a éileamh maidir leis na coinníollacha inar taispeánadh iad.

3.Beidh feidhm ag mír 1 den Airteagal seo maidir le haon taispeántas trádála, tionscail, talmhaíochta nó ceardaíochta, aon aonach nó léiriú nó taispeántas poiblí comhchosúil nach n‑eagraítear chun críoch príobháideach i siopaí nó in áitribh ghnó d'fhonn táirgí eachtrannacha a dhíol agus a bhfanann na táirgí faoi rialú custaim lena linn.

TEIDEAL IV AISÍOCAÍOCHT NÓ DÍOLÚINE

Airteagal 16 
Aisíocaíocht dleachtanna custaim nó díolúine uathu

1.Ábhair neamhthionscnaimh a mbaintear úsáid astu i monarú táirgí a thagann faoi Chaibidlí 50 go 63 den Chóras Comhchuibhithe, ar táirgí de thionscnamh Páirtí iad a ndéantar cruthúnas ar thionscnamh a eisiúint nó a tharraingt suas ina leith i gcomhréir le Teideal V d'Aguisín A, ní dhéanfar dleachtanna custaim d'aon chineál a aisíoc maidir leis na hábhair sin, ná ní thabharfar díolúine uathu, sa Pháirtí is onnmhaireoir.

2.Beidh feidhm ag an toirmeasc i mír 1 den Airteagal seo maidir le haon socrú chun aisíoc, loghadh nó neamhíocaíocht a dhéanamh, go pointe áirithe nó go hiomlán, ar dhleachtanna custaim, nó ar mhuirir a bhfuil éifeacht choibhéiseach acu, is infheidhme sa Pháirtí is onnmhaireoir maidir le hábhair a úsáidtear sa mhonarú, má tá feidhm ag an aisíoc, an loghadh nó an neamhíocaíocht sin, go sainráite nó iarbhír, sa chás go n‑onnmhairítear táirgí a fhaightear ó na hábhair sin seachas iad a choinneáil ansin le haghaidh úsáid intíre.

3.Beidh onnmhaireoir na dtáirgí atá cumhdaithe ag cruthúnas ar thionscnamh réidh aon tráth chun gach doiciméad iomchuí a chur faoi bhráid na n‑údarás custaim, arna iarraidh sin dóibh, lena gcruthaítear nach bhfuarthas aon aisíocaíocht i leith na n‑ábhar neamhthionscnaimh a úsáideadh chun na táirgí lena mbaineann a mhonarú agus gur íocadh, iarbhír, gach dleacht custaim nó muirear a bhfuil éifeacht choibhéiseach aige is infheidhme maidir le hábhair den sórt sin.

TEIDEAL V CRUTHÚNAS AR THIONSCNAMH

Airteagal 17 
Ceanglais ghinearálta

1.Beidh forálacha an Chomhaontaithe seo ina sochar ag táirgí de thionscnamh ceann de na Páirtithe tráth a allmhaireofar isteach sa Pháirtí eile iad má chuirtear isteach ceann amháin de na cruthúnais ar thionscnamh seo a leanas:

(a)deimhniú gluaiseachta EUR.1, a bhfuil sampla de in Iarscríbhinn IV d'Aguisín A;

(b)sna cásanna atá sonraithe in Airteagal 18(1), dearbhú, dá ngairtear an “dearbhú tionscnaimh” anseo feasta, arna thabhairt ag an allmhaireoir ar shonrasc, ar nóta seachadta nó ar aon doiciméad tráchtála eile ina bhfuil tuairisc ar na táirgí lena mbaineann agus atá mionsonraithe go leor chun iad a shainaithint; tá téacs an dearbhaithe tionscnaimh in Iarscríbhinn III den Aguisín seo.

2.D'ainneoin mhír 1 den Airteagal seo, beidh forálacha an Chomhaontaithe seo ina sochar ag táirgí tionscnaimh de réir bhrí na Rialacha seo sna cásanna atá sonraithe in Airteagal 27 gan é a bheith ina cheangal aon cheann de na cruthúnais ar thionscnamh dá dtagraítear i mír 1 den Airteagal sin a chur isteach.

3.Gan dochar do mhír 1 den Airteagal seo, féadfaidh na Páirtithe aontú, ar mhaithe le trádáil fhabhrach eatarthu, go ndéanfar ráitis ar thionscnamh arna dtarraingt suas ag onnmhaireoirí atá cláraithe i mbunachar sonraí leictreonach, i gcomhréir le reachtaíocht inmheánach na bPáirtithe, a chur in ionad na gcruthúnas ar thionscnamh a liostaítear i bpointí (a) agus (b) i mír 1 den Airteagal seo.

I dtaca le ráiteas maidir le tionscnamh a úsáid, ráiteas arna tharraingt suas ag na honnmhaireoirí atá cláraithe i mbunachar sonraí leictreonach atá comhaontaithe ag dhá Pháirtí Chonarthacha nó níos mó a chuirfidh na rialacha i bhfeidhm, ní chuirfidh sé bac ar an úsáid a bhaintear as carnadh trasnánach le Páirtithe Conarthacha eile a chuirfidh na rialacha i bhfeidhm

4.Chun críocha mhír 1, féadfaidh na Páirtithe aontú córas a bhunú lena gceadaítear cruthúnais ar thionscnamh a liostaítear i bpointí (a) agus (b) i mír 1 den Airteagal seo a eisiúint go leictreonach agus/nó a chur isteach go leictreonach.

5. Chun Airteagal 7 a chur i bhfeidhm, i gcás ina gcuirtear Airteagal 8(4) i bhfeidhm, an t‑onnmhaireoir i bPáirtí Conarthach a chuirfidh na rialacha i bhfeidhm, a eiseoidh cruthúnas ar thionscnamh nó a dhéanfaidh iarratas ar chruthúnas ar thionscnamh ar bhonn cruthúnas ar thionscnamh eile a tarscaoileadh ón oibleagáid an ráiteas in Airteagal 8(3) a chur san áireamh, déanfaidh sé gach beart is gá chun a áirithiú go gcomhlíonfar na coinníollacha maidir le carnadh a chur i bhfeidhm agus beidh sé ullamh na doiciméid ábhartha uile a chur faoi bhráid na n‑údarás custaim.

Airteagal 18 
Coinníollacha maidir le dearbhú tionscnaimh a tharraingt suas

1.Is féidir leis na daoine seo a leanas dearbhú tionscnaimh dá dtagraítear i bpointe (b) d'Airteagal 17(1) a tharraingt suas:

(a)onnmhaireoir formheasta de réir bhrí Airteagal 19; nó

(b)aon onnmhaireoir i gcás aon choinsíneacht arb éard atá inti pacáiste amháin nó níos mó ina bhfuil táirgí tionscnaimh nach mó a luach iomlán ná EUR 6 000.

2.Féadfar dearbhú tionscnaimh a tharraingt suas más féidir a mheas gur de thionscnamh Páirtí Conarthach a chuirfidh na rialacha i bhfeidhm iad na táirgí agus má chomhlíonann siad na ceanglais eile atá sna Rialacha seo.

3.An t‑onnmhaireoir a tharraingíonn suas dearbhú tionscnaimh, beidh sé réidh ag aon tráth, ar iarratas ó údaráis chustaim an Pháirtí is onnmhaireoir, na doiciméid iomchuí uile a chur isteach lena gcruthaítear stádas tionscnaimh na dtáirgí lena mbaineann chomh maith le comhlíonadh na gceanglas eile atá sna Rialacha seo.

4.Is é an t‑onnmhaireoir a tharraingeoidh an dearbhú tionscnaimh suas tríd an dearbhú, a bhfuil a théacs in Iarscríbhinn III a ghabhann leis an Aguisín seo, a chlóscríobh, a stampáil nó a phriontáil ar an sonrasc, ar an nóta seachadta nó ar aon doiciméad tráchtála eile, ag úsáid ceann de na leaganacha teanga a leagtar amach san Iarscríbhinn sin i gcomhréir le forálacha dhlí náisiúnta na tíre onnmhairithe. Má dhéantar an dearbhú a scríobh de láimh, is le dúch agus le carachtair phriontáilte a dhéanfar sin.

5.Beidh bunsíniú an onnmhaireora lámhscríofa ar dhearbhuithe tionscnaimh. Dá ainneoin sin, ní bheidh ar onnmhaireoir atá formheasta de réir bhrí Airteagal 19 na dearbhuithe sin a shíniú ar choinníoll go dtugann sé gealltanas i scríbhinn d'údaráis chustaim an Pháirtí is onnmhaireoir go nglacann sé freagracht iomlán as aon dearbhú tionscnaimh ar a bhfuil sé aitheanta, mar a bheadh sé sínithe de láimh aige.

6.Féadfaidh an t‑onnmhaireoir dearbhú tionscnaimh a tharraingt suas tráth a onnmhaireofar na táirgí a mbaineann sé leo, nó tar éis a n‑onnmhairithe (an ‘dearbhú tionscnaimh cúlghabhálach’) ar choinníoll go gcuirfear i láthair é sa tír allmhairithe laistigh de dhá bhliain tar éis allmhairiú na dtáirgí a mbaineann sé leo.

‑I gcás ina ndéantar na coinsíneachtaí a roinnt i gcomhréir le hAirteagal 14(3) agus ar choinníoll go nurramaítear an sprioc-am céanna de dhá bhliain, déanfaidh onnmhaireoir formheasta Pháirtí onnmhairithe na dtáirgí an dearbhú tionscnaimh cúlghabhálach a tharraingt suas.

Airteagal 19 
Onnmhaireoir formheasta

1.Féadfaidh údaráis chustaim an Pháirtí is onnmhaireoir, faoi réir na gceanglas náisiúnta, aon onnmhaireoir atá bunaithe sa Pháirtí sin (an t‑onnmhaireoir formheasta’), a údarú chun dearbhuithe tionscnaimh a tharraingt suas gan beann ar luach na dtáirgí lena mbaineann.

2.Ní mór don onnmhaireoir a iarann údarú den sórt sin, na ráthaíochtaí uile a tabhairt, chun sástacht na n‑údarás custaim, is gá chun a fhíorú go bhfuil stádas tionscnaimh ag na táirgí agus go gcomhlíonann siad na ceanglais eile atá sna Rialacha seo.

3.Tabharfaidh údaráis chustaim na tíre onnmhairithe uimhir údarúcháin chustaim don onnmhaireoir formheasta, agus beidh an uimhir sin le feiceáil ar an dearbhú tionscnaimh.

4.Déanfaidh na húdaráis chustaim a fhíorú go mbaintear úsáid chuí as an údarú. Féadfaidh siad an t‑údarú a tharraingt siar má bhaineann an t‑onnmhaireoir formheasta úsáid mhíchuí as agus déanfaidh siad amhlaidh mura dtugann an t‑onnmhaireoir formheasta na ráthaíochtaí dá dtagraítear i mír 2 den Airteagal seo a thuilleadh.

Airteagal 20 Nós imeachta maidir le deimhniú gluaiseachta EUR.1 a eisiúint

1.Eiseoidh údaráis chustaim an Pháirtí is onnmhaireoir deimhniú gluaiseachta EUR.1 ar iarratas i scríbhinn ón onnmhaireoir nó, faoi fhreagracht an onnmhaireora, óna ionadaí údaraithe.

2.Chun na críche sin, déanfaidh an t‑onnmhaireoir nó a ionadaí údaraithe an deimhniú gluaiseachta EUR.1 agus an fhoirm iarratais araon a líonadh isteach, nithe a bhfuil samplaí díobh in Iarscríbhinn IV d'Aguisín a. Líonfar isteach na foirmeacha sin i gceann éigin de na teangacha inar tarraingíodh suas an Comhaontú agus i gcomhréir le forálacha dhlí náisiúnta na tíre is onnmhaireoir. Má dhéantar an dearbhú a scríobh de láimh, is le dúch agus le carachtair phriontáilte a dhéanfar sin. Cuirfear an tuairisc ar na táirgí sa bhosca atá ann chun na críche sin gan aon líne a fhágáil bán. Mura mbeidh an bosca líonta isteach ina iomláine, tarraingeofar líne chothrománach faoi bhun líne dheireanach na tuairisce agus crosálfar an spás bán.

3. Ba cheart an ráiteas i mBéarla “TRANSITIONAL RULES” a bheith i mbosca 7 an deimhnithe gluaiseachta EUR.1.

4. Déanfaidh an t‑onnmhaireoir atá ag cur iarratas isteach ar eisiúint deimhniú gluaiseachta EUR.1, tráth ar bith, ar iarratas ó údaráis chustaim an Pháirtí is onnmhaireoir ina n‑eisítear an deimhniú gluaiseachta EUR.1, na doiciméid iomchuí uile a chur ar fáil ina bhfuil cruthúnas go bhfuil stádas tionscnaimh ag na táirgí lena mbaineann agus gur comhlíonadh na ceanglais eile atá sna Rialacha seo.

5. Eiseoidh údaráis inniúla an Pháirtí is onnmhaireoir deimhniú tionscnaimh más féidir a mheas gur táirgí tionscnaimh iad na táirgí lena mbaineann agus go gcomhlíonann siad na ceanglais eile atá sna Rialacha seo.

6. Déanfaidh na húdaráis chustaim a eiseoidh na deimhnithe gluaiseachta EUR.1 aon bheart is gá chun stádas tionscnaimh na dtáirgí agus comhlíonadh na gceanglas eile atá sna Rialacha seo a fhíorú. Chun na críche sin, beidh an ceart acu aon fhianaise a iarraidh agus aon imscrúdú a dhéanamh ar chuntais an onnmhaireora nó tabhairt faoi aon sheiceáil eile a mheasfar a bheith iomchuí. Áiritheoidh siad freisin gur líonadh isteach go hiomchuí na foirmeacha dá dtagraítear i mír 2 den Airteagal seo. Go háirithe, seiceálfaidh siad ar líonadh isteach an spás don tuairisc ar na táirgí ar bhealach nach féidir cur leis go calaoiseach in aon chor.

7. Beidh dáta eisiúna an deimhnithe gluaiseachta EUR.1 luaite ar an deimhniú gluaiseachta EUR.1 i mBosca 11.

8. Eiseoidh na húdaráis chustaim deimhniú gluaiseachta EUR.1 agus cuirfear ar fáil don onnmhaireoir é a luaithe a bheidh fíor-onnmhairiú déanta nó áirithithe.

Airteagal 21 Deimhnithe gluaiseachta EUR.1 a eisítear go cúlghabhálach

1.D'ainneoin Airteagal 20(8), féadfar deimhniú gluaiseachta EUR.1 a eisiúint tar éis onnmhairiú na dtáirgí lena mbaineann sé más rud é:

(a)nár eisíodh é tráth an onnmhairithe de dheasca earráidí nó easnaimh neamhdheonacha nó dálaí eisceachtúla;

(b)go léireofar chun sástacht na n‑údarás custaim gur eisíodh deimhniú gluaiseachta EUR.1 ach nár glacadh é tráth an allmhairithe ar chúiseanna teicniúla;

(c)nárbh eol ceann scríbe na dtáirgí lena mbaineann tráth an onnmhairithe agus gur cinneadh é le linn a n‑iompair nó a stórála, agus i ndiaidh coinsíneachtaí a roinnt, más rud é gur roinneadh iad, i gcomhréir le hAirteagal 14(3);

(d)gur eisíodh deimhniú gluaiseachta EUR.1 nó EUR.MED i gcomhréir le rialacha Choinbhinsiún PEM maidir le táirgí ar táirgí tionscnaimh freisin iad de réir na Rialacha seo. Déanfaidh an t‑onnmhaireoir gach beart is gá chun a áirithiú go gcomhlíonfar na coinníollacha maidir le carnadh a chur i bhfeidhm agus beidh sé ullamh na doiciméid ábhartha uile lena gcruthaítear go bhfuil stádas tionscnaimh ag an táirge de réir na rialacha seo, a chur faoi bhráid na n‑údarás custaim, nó

(e)eisíodh deimhniú gluaiseachta EUR.1 ar bhonn chur i bhfeidhm Airteagal 8(4) agus is gá Airteagal 8(3) a chur i bhfeidhm tráth an allmhairithe i bPáirtí Conarthach eile a chuirfidh na rialacha i bhfeidhm.

2.Chun mír 1 den Airteagal seo a chur chun feidhme, luafaidh an t‑onnmhaireoir ina iarratas áit agus dáta onnmhairiú na dtáirgí a mbaineann an deimhniú gluaiseachta EUR.1 leo agus na cúiseanna atá lena iarratas.

3.Ní fhéadfaidh na húdaráis chustaim deimhniú gluaiseachta EUR.1 a eisiúint go cúlghabhálach ach tar éis dóibh a fhíorú go bhfuil an fhaisnéis atá in iarratas an onnmhaireora ag teacht leis an bhfaisnéis sa chomhad a chomhfhreagraíonn don iarratas sin, agus féadfaidh siad é a eisiúint laistigh de dhá bhliain ó dháta an onnmhairithe.

4. D'ainneoin Airteagal 20 (3), beidh an frása seo a leanas scríofa i mBéarla mar fhormhuiniú ar dheimhniú gluaiseachta EUR.1 a eisítear go cúlghabhálach: ‘ISSUED RETROSPECTIVELY’ 

5.Cuirfear an formhuiniú dá dtagraítear i mír 4 isteach i mBosca 7 de chuid an deimhnithe gluaiseachta EUR.1.

Airteagal 22 
Dúblach de dheimhniú gluaiseachta EUR.1 a eisiúint

1.Má goideadh, má cailleadh nó má scriosadh deimhniú gluaiseachta EUR.1, féadfaidh an t‑onnmhaireoir iarratas a chur isteach chuig na húdaráis chustaim a d'eisigh é ar dhúblach a tharraingeofar suas ar bhonn na ndoiciméad onnmhairithe atá ina seilbh.

2. D'ainneoin Airteagal 20 (3), beidh an focal seo a leanas scríofa i mBéarla mar fhormhuiniú ar an dúblach a eiseofar i gcomhréir le mír 1 den Airteagal seo: ‘DUPLICATE’ 

3.Cuirfear an formhuiniú dá dtagraítear i mír 2 isteach i mBosca 7 de chuid dhúblach an deimhnithe gluaiseachta EUR.1.

4.Beidh dáta eisiúna an bhundeimhnithe gluaiseachta EUR.1 scríofa ar an dúblach agus beidh feidhm aige ón dáta sin ar aghaidh.

Airteagal 23 Bailíocht an chruthúnais ar thionscnamh

1.Beidh cruthúnas ar thionscnamh bailí go ceann deich mí tar éis an dáta a eisítear nó a tarraingítear suas é sa Pháirtí is onnmhaireoir agus déanfar é a chur faoi bhráid údaráis chustaim an Pháirtí is allmhaireoir laistigh den tréimhse sin.

2.Cruthúnais ar thionscnamh a chuirfear faoi bhráid údaráis chustaim an Pháirtí is allmhaireoir tar éis na tréimhse bailíochta dá dtagraítear i mír 1, féadfar iad a ghlacadh chun fabhair tharaife a chur i bhfeidhm más de thoradh imthosca eisceachtúla nár cuireadh na doiciméid sin isteach faoin dáta deiridh a bhí socraithe.

3.I gcásanna eile ina dtíolactar na doiciméid sin go déanach, féadfaidh údaráis chustaim an Pháirtí is allmhaireoir cruthúnais ar thionscnamh a ghlacadh i gcás inar taispeánadh na táirgí don lucht custaim roimh an dáta deiridh sin.

Airteagal 24 
Saorchriosanna

1.I gcás táirgí atá á dtrádáil faoi chumhdach cruthúnais ar thionscnamh agus atá ag dul, le linn a n‑iompair, trí shaorchrios ina gcríoch, déanfaidh na Páirtithe gach beart is gá chun a áirithiú nach gcuirfear earraí eile ina n‑ionad agus nach ndéanfar láimhseáil orthu seachas gnáthoibríochtaí atá ceaptha meathlú orthu a chosc.

2.De mhaolú ar mhír 1, i gcás ina n‑allmhaireofar táirgí de thionscnamh Páirtí a chuirfidh rialacha i bhfeidhm isteach i saorchrios faoi chumhdach cruthúnais ar thionscnamh agus go ndéantar cóireáil nó próiseáil orthu, féadfar cruthúnas ar thionscnamh nua a eisiúint nó a tharraingt suas má chomhlíonann an chóireáil nó an phróiseáil a rinneadh forálacha na Rialacha seo.

Airteagal 25 
Ceanglais allmhairiúcháin

Cuirfear cruthúnas ar thionscnamh faoi bhráid údaráis chustaim an Pháirtí is allmhaireoir i gcomhréir leis na nósanna imeachta is infheidhme sa Pháirtí sin.

Airteagal 26 
Allmhairiú i dtráthchodanna

I gcás ina ndéanfar, ar iarratas ón allmhaireoir agus faoi réir na gcoinníollacha atá leagtha síos ag údaráis chustaim an Pháirtí is allmhaireoir, táirgí atá díchóimeáilte nó neamhchóimeáilte de réir bhrí Riail Ghinearálta 2(a) um léirmhíniú ar an gCóras Comhchuibhithe faoi chuimsiú Roinn XVI agus Roinn XVII nó cheannteideal 7308 agus cheannteideal 9406, i gcás ina ndéanfar táirgí den sórt sin a allmhairiú i dtráthchodanna, cuirfear aon chruthúnas ar thionscnamh amháin faoi bhráid na n‑údarás custaim tráth a allmhaireofar an chéad tráthchuid.

Airteagal 27 
Díolúintí ó chruthúnas ar thionscnamh

1.Táirgí a sheolfar ina bpacáistí beaga ó dhaoine príobháideacha chuig daoine príobháideacha nó atá ina gcuid de bhagáiste pearsanta taistealaí, ligfear isteach i gcáil táirgí tionscnaimh iad gan cruthúnas ar thionscnamh a bheith curtha isteach, ar choinníoll nach bhfuil na táirgí sin á n‑allmhairiú lena dtrádáil agus gur dearbhaíodh go gcomhlíonann siad ceanglais na Rialacha seo agus nach bhfuil aon amhras ann go bhfuil an dearbhú sin fíor.

2.Ní mheasfar i leith allmhairí gur allmhairí lena dtrádáil iad má chomhlíontar na coinníollacha uile seo a leanas:

(a)gur allmhairí ócáideacha iad;

(b)nach bhfuil sna hallmhairí ach táirgí le haghaidh úsáid phearsanta na bhfaighteoirí nó na dtaistealaithe nó a dteaghlaigh amháin;

(c)más léir ar chineál agus ar chainníocht na dtáirgí nach bhfuil aon chríoch thrádála beartaithe dóibh.

3.Ní ceadmhach luach iomlán na dtáirgí sin a bheith os cionn EUR 500 i gcás pacáistí beaga nó EUR 1 200 i gcás táirgí atá ina gcuid de bhagáiste pearsanta taistealaí.

Airteagal 28 Neamhréitigh agus earráidí foirmiúla

1.I gcás ina dtiocfar ar neamhréitigh bheaga idir na ráitis a rinneadh sa chruthúnas ar thionscnamh agus na ráitis a rinneadh sna doiciméid a cuireadh isteach chuig an oifig chustaim chun na foirmiúlachtaí a chomhlíonadh maidir leis na táirgí sin a allmhairiú, ní chuirfidh sin an cruthúnas ar thionscnamh ar neamhní ar fad ipso facto má chruthaítear go hiomchuí go bhfreagraíonn an doiciméad sin do na táirgí a cuireadh isteach.

2.Earráidí ar léir gur earráidí foirmiúla iad amhail earráidí cló ar chruthúnas ar thionscnamh, ní dhiúltófar do na doiciméid dá dtagraítear i mír 1 den Airteagal sin dá ndeasca mura cúis amhrais iad maidir le cruinneas na ráiteas atá sna doiciméid sin.

Airteagal 29 
Dearbhú soláthraí

1.Nuair a eisítear deimhniú gluaiseachta EUR.1 i bPáirtí nó nuair a tharraingítear suas dearbhú tionscnaimh le haghaidh táirgí tionscnaimh, ar úsáideadh lena monarú, i gcomhréir le hAirteagal 7(3) nó Airteagal 7(4), earraí de thionscnamh Páirtí Chonarthaigh eile a chuirfidh na rialacha i bhfeidhm, ar earraí iad ar a ndearnadh oibriú nó próiseáil sa Pháirtí Conarthach sin gan stádas tionscnaimh fabhrach a fháil, cuirfear san áireamh an dearbhú soláthraí a tugadh i leith na n‑earraí sin i gcomhréir leis an Airteagal sin.

2.Beidh an dearbhú soláthraí dá dtagraítear i mír 1 ina fhianaise ar an oibriú nó ar an bpróiseáil a rinneadh ar na hearraí lena mbaineann i bPáirtí Conarthach a chuirfidh na rialacha i bhfeidhm, chun a chinneadh an bhféadfar na táirgí, ar úsáideadh na hearraí sin lena monarú, a mheas mar tháirgí tionscnaimh sa Pháirtí is onnmhaireoir agus an bhféadfar na ceanglais eile atá sna Rialacha seo a chomhlíonadh.

3.Ach amháin sna cásanna dá dá dtagraítear i mír 4, tarraingeoidh an soláthraí suas dearbhú soláthraí ar leithligh le haghaidh gach coinsíneachta earraí, san fhoirm a leagtar síos in Iarscríbhinn [dearbhú soláthraí], ar leathanach páipéir i gceangal leis an sonrasc, leis an nóta seachadta nó le haon doiciméad tráchtála eile ina mbeidh tuairisc ar na hearraí lena mbaineann, tuairisc a bheidh mionsonraithe go leor chun iad a shainaithint.

4.Maidir le hearraí lena bhfuiltear ag súil go leanfaidh de bheith seasta ar feadh tréimhse an oibriú nó an phróiseáil a dhéantar orthu i bPáirtí Conarthach a chuirfidh na rialacha i bhfeidhm, i gcás ina gcuireann soláthraí na hearraí sin ar fáil do chustaiméir go tráthrialta féadfaidh sé dearbhú soláthraí amháin a sholáthar lena gcumhdófar coinsíneachtaí earraí ina dhiaidh sin (an ‘dearbhú soláthraí fadtéarmach’). Is gnách go bhféadfaidh an dearbhú soláthraí fadtéarmach a bheith bailí ar feadh tréimhse suas le dhá bhliain ón dáta a tharraingeofar suas an dearbhú. An Páirtí Conarthach a chuirfidh na rialacha i bhfeidhm, arb é an áit a dtarraingítear suas an dearbhú é, is iad údaráis chustaim an Pháirtí sin a leagann síos na coinníollacha faoina bhféadfar tréimhsí níos faide a úsáid. Tarraingeoidh an soláthraí suas an dearbhú soláthraí fadtéarmach san fhoirm a leagtar síos in Iarscríbhinn VII agus beidh tuairisc ann ar na hearraí lena mbaineann, tuairisc a bheidh mionsonraithe go leor chun iad a shainaithint. Cuirfear é ar fáil don chustaiméir lena mbaineann sula dtabharfar an chéad choinsíneacht earraí dó a chumhdaítear leis an dearbhú sin nó i dteannta a chéad choinsíneachta. Cuirfidh an soláthraí an custaiméir ar an eolas láithreach bonn mura bhfuil feidhm a thuilleadh leis an dearbhú soláthraí fadtéarmach maidir leis na hearraí arna sholáthar.

5.Déanfar na dearbhuithe soláthraí fadtéarmach dá dtagraítear i míreanna 3 agus 4 den Airteagal seo a chlóscríobh nó a phriontáil i gceann de theangacha an Chomhaontaithe, i gcomhréir le dlí náisiúnta an Pháirtí Chonarthaigh a chuirfidh na rialacha i bhfeidhm, arb é an áit a dtarraingítear suas an dearbhú é, agus beidh bunsíniú an tsoláthraí lámhscríofa orthu. Féadfaidh an dearbhú a bheith scríofa de láimh freisin; sa chás sin, is le dúch agus le carachtair phriontáilte a dhéanfar sin.

6.Beidh an soláthraí a tharraingíonn suas an dearbhú réidh aon tráth, ar iarratas ó údaráis chustaim an Pháirtí Chonarthaigh a chuirfidh na rialacha i bhfeidhm, arb é an áit a dtarraingítear suas an dearbhú é, na doiciméid iomchuí uile a chur ar fáil lena gcruthaítear go bhfuil an fhaisnéis a thugtar sa dearbhú ceart.

Airteagal 30 
Suimeanna arna sloinneadh in euro

1.Chun críocha phointe (b) d'Airteagal 18(1) agus Airteagal 27(3) a chur i bhfeidhm i gcás ina sonrasctar na táirgí sin in airgeadra seachas euro, déanfaidh gach tír lena mbaineann, suimeanna coibhéiseach leis na suimeanna arna sloinneadh in euro a shocrú go bliantúil in airgeadraí náisiúnta na bPáirtithe.

2.Beidh pointe (b) Airteagal 18(1) nó Airteagal 27(3) ina sochar ag coinsíneacht trí thagairt don airgeadra ina dtarraingeofar suas an sonrasc, de réir na suime a shocraigh an tír lena mbaineann.

3.Beidh na suimeanna atá le húsáid in aon airgeadra náisiúnta áirithe coibhéiseach san airgeadra sin leis na suimeanna arna sloinneadh in euro an chéad lá oibre de mhí Dheireadh Fómhair. Cuirfear na suimeanna in iúl don Choimisiún Eorpach faoin 15 Deireadh Fómhair agus beidh feidhm acu ón 1 Eanáir na bliana ina dhiaidh sin. Is é an Coimisiún Eorpach a fhógróidh na suimeanna ábhartha sin do na tíortha uile.

4.An tsuim a thagann mar thoradh ar chomhshó na suime arna sloinneadh in euro isteach ina hairgeadra náisiúnta, féadfaidh Páirtí an tsuim sin a shlánú suas nó síos. Ní ceadmhach difear níos mó ná 5 % a bheith idir an tsuim arna comhshó agus an tsuim arna slánú. Féadfaidh Páirtí an choibhéis ina airgeadra náisiúnta féin den tsuim atá sloinnte in euro a choinneáil má thagann méadú níos lú ná 15 % ar an gcoibhéis ina hairgeadra náisiúnta féin as comhshó na suime sin, sula ndéanfar aon slánú uirthi tráth an choigeartaithe bhliantúil dá bhforáiltear i mír 3. Féadfar gan an choibhéis in airgeadra náisiúnta na tíre a athrú más rud é go dtiocfadh laghdú ar an luach coibhéiseach sin de thoradh a comhshóite.

5.Déanfaidh an Chomhairle Comhlachais na suimeanna arna sloinneadh in euro a athbhreithniú ar iarratas ó Pháirtí. Agus an t‑athbhreithniú sin á dhéanamh aici, cuirfidh an Chomhairle Comhlachais san áireamh a inmhianaithe atá sé éifeachtaí na dteorainneacha i gceist a choimeád i dtéarmaí réadacha. Chun na críche sin, féadfaidh sé cinneadh a dhéanamh na suimeanna atá sloinnte in euro a mhodhnú.

TEIDEAL VI PRIONSABAIL AN CHOMHAIR AGUS NA FIANAISE DOICIMÉADAÍ

Airteagal 31 
Fianaise dhoiciméadach, cruthúnas ar thionscnamh agus doiciméid tacaíochta a chaomhnú

1.Onnmhaireoir ag a bhfuil dearbhú tionscnaimh tarraingthe suas nó ag a bhfuil iarratas curtha isteach ar dheimhniú gluaiseachta EUR.1, coimeádfaidh sé cóip chrua nó leagan leictreonach de na cruthúnais ar thionscnamh sin agus de gach doiciméad lena dtacaítear le stádas tionscnaimh an táirge, go ceann trí bliana ar a laghad ón dáta a eisíodh an dearbhú tionscnaimh nó a tarraingíodh suas é.

2.Coimeádfaidh an soláthraí a tharraingíonn suas dearbhú soláthraí ar feadh trí bliana ar a laghad cóipeanna den dearbhú agus de gach sonrasc, nóta seachadta nó doiciméad tráchtála eile dá gceanglaítear an dearbhú sin mar iarscríbhinn, chomh maith leis na doiciméid dá dtagraítear in Airteagal 29(6).

An soláthraí a tharraingíonn suas dearbhú soláthraí fadtéarmach, coimeádfaidh sé ar feadh trí bliana ar a laghad cóipeanna den dearbhú agus de gach sonrasc, nóta seachadta nó doiciméad tráchtála eile a bhaineann le hearraí a chumhdaítear leis an dearbhú sin agus a seoladh chuig an gcustaiméir lena mbaineann, chomh maith leis na doiciméid dá dtagraítear in Airteagal 29(6). Tosóidh an tréimhse sin ó dháta éaga bhailíocht an dearbhaithe soláthraí fhadtéarmaigh.

3.Chun críocha mhír 1 den Airteagal seo, is iad seo a leanas, inter alia, na doiciméid lena dtacaítear le stádas tionscnaimh an táirge:

(a)fianaise dhíreach ar na próisis a rinne an t‑onnmhaireoir nó an soláthraí chun an táirge a fháil, ar fianaise í, mar shampla, atá ina chuid cuntas nó ina leabharchoimeád inmheánach;

(b)doiciméid lena gcruthaítear stádas tionscnaimh na n‑ábhar a úsáideadh, ar doiciméid iad arna n‑eisiúint nó arna dtarraingt suas, i gcomhréir lena reachtaíocht náisiúnta, sa Pháirtí Conarthach ábhartha a chuirfidh na rialacha i bhfeidhm;

(c)doiciméid lena gcruthaítear oibriú nó próiseáil na n‑ábhar sa Pháirtí ábhartha, arna dtarraingt suas nó arna n‑eisiúint sa Pháirtí sin i gcomhréir lena reachtaíocht náisiúnta;

(d)dearbhuithe tionscnaimh nó deimhnithe gluaiseachta EUR.1 lena gcruthaítear stádas tionscnaimh na n‑ábhar a úsáideadh, arna dtarraingt suas nó arna n‑eisiúint sna Páirtithe i gcomhréir leis na Rialacha seo;

(e)fianaise iomchuí a bhaineann le hoibriú nó próiseáil a rinneadh lasmuigh de na Páirtithe trí Airteagail 13 agus 14 a chur i bhfeidhm, lena gcruthaítear comhlíonadh cheanglais na nAirteagal sin.

4.Údaráis chustaim an Pháirtí is allmhaireoir a eiseoidh na deimhnithe gluaiseachta EUR.1 coimeádfaidh siad an fhoirm iarratais dá dtagraítear in Airteagal 20(2) ar feadh trí bliana ar a laghad.

5.Déanfaidh údaráis chustaim an Pháirtí is allmhaireoir na dearbhuithe tionscnaimh agus na deimhnithe gluaiseachta EUR.1 a chuirtear faoina mbráid a choimeád ar feadh trí bliana ar a laghad.

6.I dtaca le dearbhuithe soláthraí lena gcruthaítear go ndearnadh oibriú nó próiseáil ar na hábhair a úsáideadh, i bPáirtí Conarthach a chuirfidh na rialacha i bhfeidhm, ar dearbhuithe iad a tarraingíodh suas sa Pháirtí Conarthach sin a chuirfidh na rialacha i bhfeidhm, déileálfar leo mar dhoiciméad dá dtagraítear in Airteagal 18(3), Airteagal 20(3) agus Airteagal 29(6) a úsáidtear chun a chruthú gur féidir a mheas gur táirgí de thionscnamh an Pháirtí Chonarthaigh sin a chuirfidh na rialacha i bhfeidhm iad na táirgí arna gcumhdach le deimhniú gluaiseachta EUR.1 nó le dearbhú tionscnaimh agus go gcomhlíonann siad na ceanglais eile atá sna Rialacha seo.

Airteagal 32 
Díospóidí a réiteach

I gcásanna ina n‑éireoidh díospóidí i ndáil leis na nósanna imeachta fíorúcháin faoi Airteagail 34 agus 35, nó i ndáil le léirmhíniú an Aguisín seo, ar díospóidí iad nach féidir a réiteach idir na húdaráis chustaim a d'iarr fíorú agus na húdaráis chustaim a bhí freagrach as an bhfíorú sin a chur i gcrích, cuirfear na díospóidí sin faoi bhráid na Comhairle Comhlachais.

I ngach cás, i dtaca le díospóidí idir an t‑allmhaireoir agus údaráis chustaim na tíre allmhairiúcháin a réiteach, is i gcomhréir le reachtaíocht na tíre sin a réiteofar na díospóidí sin.

TEIDEAL VII
COMHAR RIARACHÁIN

Airteagal 33 
Fógra agus comhar

1.Cuirfidh údaráis chustaim na bPáirtithe ar fáil dá chéile clónna samplacha de stampaí a úsáidtear ina n‑oifigí custaim le haghaidh eisiúint deimhnithe gluaiseachta EUR.1, chomh maith le samhlacha na n‑uimhreacha údaraithe a deonaíodh d'onnmhaireoirí formheasta agus seoltaí na n‑údarás custaim ar a bhfuil an fhreagracht maidir le fíorú na ndeimhnithe agus na ndearbhuithe tionscnaimh sin.

2.Chun a áirithiú go gcuirfear na Rialacha seo i bhfeidhm go hiomchuí, tabharfaidh na Páirtithe cúnamh dá chéile, trí na húdaráis chustaim inniúla, maidir le barántúlacht na ndeimhnithe gluaiseachta EUR.1, na ndearbhuithe tionscnaimh, na dearbhuithe soláthraí agus chruinneas na faisnéise atá sna doiciméid sin a sheiceáil.

Airteagal 34 
Cruthúnais ar thionscnamh a fhíorú

1.Déanfar fíoruithe iardain ar chruthúnais ar thionscnamh go randamach nó i gcásanna ina bhfuil amhras réasúnta ar údaráis chustaim an Pháirtí is allmhaireoir faoi bharántúlacht na ndoiciméad sin, stádas tionscnaimh na dtáirgí lena mbaineann nó comhlíonadh na gceanglas eile atá sna Rialacha seo.

2.Nuair a iarrann siad fíorú iardain, cuirfidh údaráis chustaim an Pháirtí is allmhaireoir ar ais an deimhniú gluaiseachta EUR.1 agus an sonrasc, má cuireadh isteach é, agus an dearbhú tionscnaimh, nó cóipeanna de na doiciméid sin chuig údaráis chustaim an Pháirtí is onnmhaireoir agus tabharfaidh siad, más iomchuí, na cúiseanna atá le fíorú a iarraidh. Aon doiciméid agus aon fhaisnéis a fuarthas ina dtabharfar le fios go bhfuil an fhaisnéis a tugadh sa chruthúnas ar thionscnamh míchruinn, seolfar ar aghaidh iad chun tacú leis an iarraidh ar fhíorú.

3.Is iad údaráis chustaim an Pháirtí is onnmhaireoir a dhéanfaidh an fíorú. Chun na críche sin, beidh an ceart acu aon fhianaise a iarraidh agus aon imscrúdú a dhéanamh ar chuntais an onnmhaireora nó tabhairt faoi aon sheiceáil eile a mheasfar a bheith iomchuí.

4.Má chinneann údaráis chustaim an Pháirtí is allmhaireoir an chóir fhabhrach le haghaidh na dtáirgí lena mbaineann a chur ar fionraí go dtí go dtiocfaidh torthaí an fhíoraithe sin isteach, tairgfear scaoileadh na dtáirgí don allmhaireoir faoi réir aon bheart réamhchúraim a mheasfar a bheith riachtanach.

5.Cuirfear torthaí an fhíoraithe in iúl do na húdaráis chustaim a d'iarr an fíorú sin a luaithe is féidir. Léireoidh na torthaí sin go soiléir cé acu a bhfuil na doiciméid barántúil nó nach bhfuil agus an féidir a mheas gur táirgí de thionscnamh ceann de na Páirtithe iad na táirgí lena mbaineann agus go gcomhlíonann siad na ceanglais eile atá sna Rialacha seo.

6.Más rud é, i gcás ina bhfuil amhras réasúnta ann, nach bhfuarthas aon fhreagra faoi cheann deich mí ó dháta na hiarrata ar fhíorú, nó mura leor an fhaisnéis chun barántúlacht an doiciméid i gceist nó fíorthionscnamh na dtáirgí a chinneadh, déanfaidh na húdaráis chustaim a d'iarr an fíorú, ach amháin i gcúinsí eisceachtúla, teidlíocht ar an gcóir fhabhrach a dhiúltú.

Airteagal 35 
Na dearbhuithe soláthraí a fhíorú

1.Féadfar fíoruithe iardain a dhéanamh ar dhearbhuithe soláthraí nó ar dhearbhuithe soláthraí fadtéarmach go randamach nó nuair atá amhras réasúnta ar údaráis chustaim Páirtí, áit ar cuireadh na dearbhuithe sin san áireamh chun deimhniú gluaiseachta EUR.1 a eisiúint nó chun dearbhú tionscnaimh a tharraingt suas, ar amhras é faoi bharántúlacht an doiciméid nó faoi chruinneas na faisnéise atá sa doiciméad sin.

2.Chun críocha fhorálacha mhír 1 den Airteagal seo a chur chun feidhme, déanfaidh údaráis chustaim an Pháirtí dá dtagraítear i mír 1 den Airteagal seo an dearbhú soláthraí nó an dearbhú soláthraí fadtéarmach agus na sonraisc, na nótaí seachadta nó aon doiciméad tráchtála eile lena mbaineann earraí arna gcumhdach ag an dearbhú sin, a sheoladh ar ais chuig údaráis chustaim an Pháirtí Chonarthaigh a chuirfidh na rialacha i bhfeidhm inar tarraingíodh suas an dearbhú agus tabharfaidh siad, de réir mar is iomchuí, na cúiseanna atá le substaint nó le foirm na hiarrata ar fhíorú.

Seolfaidh siad ar aghaidh, mar thaca leis an iarraidh ar fhíorú iardain, aon doiciméid nó aon fhaisnéis a fuarthas a thugann le tuiscint gur faisnéis mhícheart an fhaisnéis a thugtar sa dearbhú soláthraí nó sa dearbhú soláthraí fadtéarmach.

3.Údaráis chustaim an Pháirtí Chonarthaigh a chuirfidh na rialacha i bhfeidhm, arb é an áit a tarraingíodh suas an dearbhú soláthraí nó an dearbhú soláthraí fadtéarmach é, is iad na húdaráis sin a dhéanfaidh an fíorú. Chun na críche sin, beidh an ceart acu aon fhianaise a iarraidh agus aon imscrúdú a dhéanamh ar chuntais an tsoláthraí nó tabhairt faoi aon seiceáil eile a mheasfaidh siad a bheith iomchuí.

4.Cuirfear torthaí an fhíoraithe in iúl do na húdaráis chustaim a d'iarr an fíorú sin a luaithe is féidir. Tabharfaidh na torthaí sin le fios go soiléir cibé an bhfuil an fhaisnéis a thugtar sa dearbhú soláthraí nó sa dearbhú soláthraí fadtéarmach cruinn agus cuirfidh sé ar chumas na n‑údarás custaim a chinneadh an bhféadfar, agus a mhéid a fhéadfar, an dearbhú sin a chur san áireamh chun deimhniú gluaiseachta EUR.1 a eisiúint nó chun dearbhú tionscnaimh a tharraingt suas.

Airteagal 36 
Pionóis

Déanfaidh gach Páirtí foráil maidir le pionóis choiriúla, shibhialta nó riaracháin a fhorchur i leith sáruithe ar a reachtaíocht náisiúnta lena mbaineann na Rialacha seo.

Teideal VIII
CUR I BHFEIDHM AGUISÍN A

Airteagal 37 
An Limistéar Eorpach Eacnamaíoch

Déanfar earraí de thionscnamh an Limistéir Eorpaigh Eacnamaíoch (LEE), de réir bhrí Phrótacal 4 a ghabhann leis an gComhaontú ar an Limistéar Eorpach Eacnamaíoch, a mheas mar earraí de thionscnamh an Aontais Eorpaigh, na hÍoslainne, Lichtinstéin nó na hIorua (“Páirtithe LEE”) nuair a onnmhaireofar iad ón Aontas Eorpach, ón Íoslainn, ó Lichtinstéin nó ón Iorua faoi seach chuig Iosrael, ar choinníoll go mbeidh feidhm le comhaontuithe saorthrádála ina n‑úsáidtear na Rialacha seo, idir Iosrael agus Páirtithe LEE.

Airteagal 38 
Lichtinstéin

Gan dochar d'Airteagal 2, déanfar aon táirge de thionscnamh Lichtinstéin, de thoradh an aontais custaim idir an Eilvéis agus Lichtinstéin, a mheas mar tháirge de thionscnamh na hEilvéise.

Airteagal 39 
Poblacht San Mairíne

Gan dochar d'Airteagal 2, déanfar aon táirge de thionscnamh Phoblacht San Mairíne, mar gheall ar an aontas custaim idir an tAontas Eorpach agus Poblacht San Mairíne, a mheas mar tháirge de thionscnamh an Aontais Eorpaigh.

Airteagal 40 
Prionsacht Andóra

Gan dochar d'Airteagal 2, déanfar aon táirge de thionscnamh Phrionsacht Andóra a aicmítear faoi Chaibidlí 25 go 97 den Chóras Comhchuibhithe, mar gheall ar an aontas custaim idir an tAontas Eorpach agus Prionsacht Andóra, a mheas mar tháirge de thionscnamh an Aontais Eorpaigh.

Airteagal 41 
Ceuta agus Melilla

1.Chun críoch na Rialacha seo a chur chun feidhme, ní bheidh Ceuta agus Melilla cumhdaithe ag an téarma “an tAontas Eorpach”.

2.Maidir le táirgí de thionscnamh Iosrael, nuair a allmhairítear isteach in Ceuta nó Melilla iad, tairbheoidh siad, ar gach slí, den chóras custaim a chuirtear i bhfeidhm i gcás táirgí de thionscnamh chríoch chustaim an Aontais Eorpaigh de réir Phrótacal 2 d'Ionstraim aontachais Ríocht na Spáinne agus Phoblacht na Portaingéile agus oiriúnuithe na gConarthaí 5 . Maidir le hallmhairí táirgí a chumhdaítear leis an gComhaontú ábhartha agus ar de thionscnamh Ceuta agus Melilla iad, deonóidh Iosrael dóibh an córas custaim céanna a dheonaítear i gcás táirgí a allmhairítear ón Aontas Eorpach agus ar de thionscnamh an Aontais Eorpaigh iad.

3.    Chun críocha mhír 2 den Airteagal seo a bhaineann le táirgí de thionscnamh Ceuta agus Melilla, beidh feidhm ag na Rialacha seo mutatis mutandis faoi réir na gcoinníollacha speisialta a leagtar amach in Iarscríbhinn V.

IARSCRÍBHINN I

RÉAMHNÓTAÍ A GHABHANN LEIS AN LIOSTA IN IARSCRÍBHINN II

Nóta 1 – Réamhrá ginearálta

Leagtar amach sa liosta seo na coinníollacha is gá a chomhlíonadh maidir le gach táirge chun a mheas go bhfuil siad leoroibrithe nó leorphróiseáilte de réir bhrí Airteagal 4 de Theideal II d'Aguisín A. Tá ceithre chineál éagsúla rialach ann, agus athraíonn siad de réir an táirge:

(a)trí oibriú nó trí phróiseáil, ní théitear thar uasmhéid d'ábhair neamhthionscnaimh;

(b)trí oibriú nó trí phróiseáil, éiríonn ceannteideal 4 dhigit an Chórais Chomhchuibhithe nó fo-cheannteideal 6 dhigit an Chórais Chomhchuibhithe don táirge monaraithe éagsúil le ceannteideal 4 dhigit an Chórais Chomhchuibhithe nó le fo-cheannteideal 6 dhigit an Chórais Chomhchuibhithe faoi seach do na hábhair arna n‑úsáid;

(c)déantar oibríocht shonrach oibrithe nó próiseála;

(d)déantar oibriú nó próiseáil ar ábhair áirithe a fuarthas go hiomlán.

Nóta 2 – Struchtúr an liosta

2.1.Sa chéad dá cholún den liosta tugtar tuairisc ar an táirge a fuarthas. Tugtar sa cholún (1) uimhir an cheannteidil nó uimhir na caibidle a úsáidtear sa Chóras Comhchuibhithe, agus tugtar sa cholún (2) tuairisc ar na hearraí a úsáidtear sa chóras sin faoin gceannteideal nó faoin gcaibidil sin. I gcás gach iontrála sa chéad dá cholún sonraítear riail i gcolún (3). I gcásanna áirithe ina dtagann “ex” roimh an iontráil sa cholún (1), ciallaíonn sé sin nach bhfuil feidhm ag na rialacha i gcolún (3) ach amháin maidir leis an gcuid den cheannteideal ar a dtugtar tuairisc i gcolún (2).

2.2.I gcás ina gcuirtear roinnt uimhreacha ceannteidil le chéile i ngrúpaí i gcolún (1) nó ina dtugtar uimhir chaibidle agus an tuairisc ar na táirgí i gcolún (2) i dtéarmaí ginearálta dá bharr, tá feidhm ag na rialacha atá in aice leo i gcolún (3) maidir le gach táirge, faoin gCóras Comhchuibhithe, a aicmítear i gceannteidil na caibidle nó in aon cheann de na ceannteidil atá le chéile i ngrúpaí i gcolún (1).

2.3.I gcás ina bhfuil rialacha éagsúla sa liosta a bhfuil feidhm acu maidir le táirgí éagsúla laistigh de cheannteideal, i ngach fleasc tá tuairisc ar an gcuid den cheannteideal atá faoi chumhdach na rialacha atá in aice leo i gcolún (3).

2.4.I gcás ina leagtar amach dhá riail mhalartacha i gcolún (3), agus ‘nó’ eatarthu, is faoi rogha an onnmhaireora é cén ceann a úsáidfear.

Nóta 3 – Samplaí den chaoi leis na rialacha a chur i bhfeidhm

3.1.Beidh feidhm ag Airteagal 4 de Theideal II d'Aguisín A, maidir le táirgí a bhfuil stádas tionscnaimh faighte acu agus a úsáidtear le linn monarú táirgí eile, is cuma ar baineadh an stádas sin amach laistigh den mhonarcha ina n‑úsáidtear na táirgí sin nó i monarcha eile i bPáirtí.

3.2.De bhun Airteagal 6 de Theideal II den Aguisín seo, ní mór don oibriú nó don phróiseáil a dhéantar dul níos faide ná an liosta oibríochtaí a luaitear san Airteagal sin. Mura dtéann, ní bheidh na hearraí incháilithe le haghaidh dheonú shochar na cóireála fabhraí taraife, fiú má chomhlíontar na coinníollacha a leagtar amach sa liosta thíos.

Faoi réir Airteagal 6 de Theideal II d'Aguisín A, is éard atá sna rialacha atá sa liosta an t‑íosmhéid oibrithe nó próiseála is gá agus má dhéantar tuilleadh oibrithe nó próiseála tugtar stádas tionscnaimh freisin; os a choinne sin, ní thugtar stádas tionscnaimh má dhéantar níos lú oibrithe nó próiseála.

Dá bhrí sin, má fhoráiltear le riail go bhféadfar ábhar neamhthionscnaimh de leibhéal áirithe monaraithe a úsáid, ceadaítear an t‑ábhar sin a úsáid ag céim níos luaithe sa mhonarú agus ní cheadaítear an t‑ábhar sin a úsáid ag céim níos déanaí.

Má fhoráiltear le riail nach bhféadfar ábhar neamhthionscnaimh de leibhéal áirithe monaraithe a úsáid, ceadaítear ábhair a úsáid atá ag céim níos luaithe sa mhonarú agus ní cheadaítear ábhair a úsáid atá ag céim níos déanaí.

Sampla: i gcás ina gceanglaítear le riail an liosta do Chaibidil 19 ‘nach féidir le hábhair neamhthionscnaimh atá faoi cheannteidil 1101 go 1108 dul thar 20 % de réir meáchain’, níl aon teorainn le húsáid (i.e. allmhairiú) gráinní atá faoi Chaibidil 10 (ábhair atá ag céim níos luaithe sa mhonarú).

3.3.Gan dochar do Nóta 3.2, i gcás ina n‑úsáideann riail an nath ‘Monarú as ábhair atá faoi aon cheannteideal’, is féidir ábhair atá faoi aon cheannteideal nó aon cheannteidil a úsáid (fiú ábhair arb ionann tuairisc agus ceannteideal dóibh féin agus don táirge), faoi réir aon teorainneacha sonracha atá sa riail freisin, áfach.

Mar sin féin, ciallaíonn an nath ‘Monarú as ábhair atá faoi aon cheannteideal, lena n‑áirítear ábhair eile atá faoi cheannteideal …’ nó ‘Monarú as ábhair atá faoi aon cheannteideal, lena n‑áirítear ábhair eile atá faoin gceannteideal céanna leis an táirge’ go bhféadfar ábhair atá faoi aon cheannteideal a úsáid, diomaite de na hábhair sin arb ionann tuairisc dóibh agus don táirge mar a thugtar i gcolún (2) sa liosta.

3.4.Nuair a shonraítear faoi riail sa liosta go bhféadfar táirge a mhonarú as níos mó ná aon ábhar amháin, ciallaíonn sé sin go bhféadfar ábhar amháin nó níos mó a úsáid. Ní gá na hábhair go léir a úsáid de réir na rialach sin.

3.5.Nuair a shonraítear faoi riail sa liosta nach mór táirge a mhonarú as ábhar ar leith, ní chuireann an coinníoll sin cosc ar ábhair eile a úsáid, ábhair nach féidir leo, mar gheall ar a gcineál féin, an coinníoll a chomhlíonadh.

3.6.I gcás riail sa liosta, ina dtugtar dhá chéatadán le haghaidh uasluach na n‑ábhar neamhthionscnaimh is féidir a úsáid, ní fhéadfar na céatadáin sin a chur le chéile. Is é sin le rá, ní fhéadfaidh uasluach na n‑ábhar neamhthionscnaimh go léir a úsáideadh a bheith níos mó ná an céatadán is airde a tugadh. Anuas air sin, ní shárófar na céatadáin aonair i dtaca leis na hábhair ar leith a bhfuil feidhm acu maidir leo.

Nóta 4 – Forálacha ginearálta maidir le hearraí talmhaíochta áirithe

4.1.Earraí talmhaíochta atá faoi Chaibidlí 6, 7, 8, 9, 10, 12 agus faoi cheannteideal 2401, agus a fhástar nó a bhuaintear i gcríoch Pháirtí, is mar earraí de thionscnamh chríoch an Pháirtí sin a chaithfear leo, fiú má fhástar iad ó shíolta, bleibeanna, fréamhstoc, gearrthóga, beanguithe, péacáin, bachlóga nó codanna beo eile de phlandaí, a allmhairíodh.

4.2.I gcásanna ina bhfuil teorainneacha leis an méid siúcra neamhthionscnaimh i dtáirge áirithe, meáchan na siúcraí atá faoi cheannteideal 1701 (siúcrós) agus faoi cheannteideal 1702 (e.g. fruchtós, glúcós, lachtós, maltós, iseaglúcós nó siúcra inbhéartaithe) a úsáidtear i monarú an táirge deiridh agus a úsáidtear i monarú na dtáirgí neamhthionscnaimh a ionchorpraítear sa táirge deiridh, déantar é a chur san áireamh agus na teorainneacha sin á ríomh.

Nóta 5 – Téarmaíocht a úsáidtear i leith táirgí teicstíle áirithe

5.1.Úsáidtear an téarma ‘snáithíní nádúrtha’ sa liosta chun tagairt do na snáithíní nach snáithíní saorga ná sintéiseacha iad. Tá sé teoranta do na céimeanna sula ndéantar an sníomh, lena n‑áirítear dramhaíl, agus, mura sonraítear a mhalairt, áirítear leis snáithíní cardáilte, cíortha nó próiseáilte ar shlí eile ach nach bhfuil sníofa.

5.2.Áirítear leis an téarma ‘snáithíní nádúrtha’ rón atá faoi cheannteideal 0511, síoda atá faoi cheannteidil 5002 agus 5003 chomh maith le snáithíní olla agus fionnadh ainmhíoch mín nó garbh atá faoi cheannteidil 5101 go ceannteideal 5105, snáithíní cadáis atá faoi cheannteidil 5201 go 5203 agus snáithíní plandúla eile atá faoi cheannteidil 5301 go 5305.

5.3.Úsáidtear na téarmaí ‘laíon teicstíle’, ‘ábhair cheimiceacha’ agus ‘ábhair déanta páipéir’ sa liosta chun tuairisc a thabhairt ar na hábhair nach n‑aicmítear i gCaibidlí 50 go 63, ábhair is féidir a úsáid chun snáithíní nó snáth saorga, sintéiseach nó páipéir a mhonarú.

5.4.Úsáidtear an téarma ‘snáithíní stáplacha de dhéantús an duine’ sa liosta chun tagairt do bharrach filiméadach, snáithíní stáplacha nó dramhaíl atá sintéiseach nó saorga, atá faoi cheannteidil 5501 go 5507.

5.5.Sainmhínítear an chlódóireacht (nuair a dhéantar í in éineacht le fíodóireacht, cniotáil/cróiseáil, caitíniú nó flocasú) mar theicníc lena ndéantar feidhm a mheastar go hoibiachtúil amhail dath, dearadh, feidhmíocht theicniúil, a thabhairt do shubstráit teicstíle ar dhóigh bhuan, ag úsáid teicnící scagphriontála, rollóra, digiteacha nó aistrithe.

5.6.Sainmhínítear an chlódóireacht (a dhéantar mar oibríocht neamhspleách) mar theicníc lena ndéantar feidhm a mheastar go hoibiachtúil amhail dath, dearadh, feidhmíocht theicniúil, a thabhairt do shubstráit teicstíle ar dhóigh bhuan, ag úsáid teicnící scagphriontála, rollóra, digiteacha nó aistrithe in éineacht le dhá oibríocht ullmhúcháin/bhailchríche ar a laghad (amhail sciúradh, tuaradh, meirsiriú, socrú teasa, ardú, féiliriú, próiseáil friotaíochta craptha, bailchríochnú buan, bailchríoch a chríochnú, tuile, deisiú agus díshnaidhmiú), ar choinníoll nach mó luach n‑ábhar uile a úsáidtear ná 50 % de phraghas an táirge díreach ón monarcha.

Nóta 6 – Lamháltais is infheidhme maidir le táirgí a dhéantar as meascán d'ábhair theicstíle

6.1.I gcás ina ndéantar tagairt don Nóta seo, le haghaidh táirge áirithe sa liosta, ní chuirfear na coinníollacha a leagtar amach i gcolún (3) i bhfeidhm maidir le haon ábhar teicstíle bunúsach a úsáideadh le linn mhonarú an táirge sin agus arb ionann iad, nuair a chuirtear le chéile iad, agus 15 % nó níos lú de mheáchan iomlán na n‑ábhar teicstíle bunúsach go léir a úsáideadh(féach Nóta 6.3 agus Nóta 6.4 freisin).

6.2.Mar sin féin, ní féidir an lamháltas a luaitear i Nóta 6.1 a chur i bhfeidhm ach amháin maidir le táirgí measctha a rinneadh as dhá cheann nó níos mó d'ábhair theicstíle bhunúsacha.

Is iad seo a leanas na hábhair theicstíle bhunúsacha:

–síoda;

–olann;

–fionnadh ainmhíoch garbh;

–fionnadh ainmhíoch mín;

–rón;

–cadás;

–ábhair déanta páipéir agus páipéar;

–líon;

–fíorchnáib;

–siúit agus snáithíní bealaithe teicstíle eile;

–siseal agus snáithíní teicstíle eile den ghéineas Agave;

–cnó cócó, abacá, ráimí agus snáithíní teicstíle plandúla eile;

–snáithíní filiméid sintéiseacha polapróipiléine de dhéantús an duine;

–snáithíní filiméid sintéiseacha poileistir de dhéantús an duine;

–snáithíní filiméid sintéiseacha polaimíde de dhéantús an duine;

–snáithíní filiméid sintéiseacha polaicrilinítríle de dhéantús an duine;

–snáithíní filiméid sintéiseacha poilimíde de dhéantús an duine;

–snáithíní filiméid sintéiseacha polaiteitreafluaireitiléine de dhéantús an duine;

–snáithíní filiméid sintéiseacha suilfíde polaifeiniléine de dhéantús an duine;

–snáithíní filiméid sintéiseacha clóiríde polaivinile de dhéantús an duine;

–snáithíní filiméid sintéiseacha eile de dhéantús an duine;

–snáithíní filiméid saorga vioscóis de dhéantús an duine;

–snáithíní filiméid saorga eile de dhéantús an duine;

–filiméid seolta srutha;

–snáithíní stáplacha sintéiseacha polapróipiléine de dhéantús an duine;

–snáithíní stáplacha sintéiseacha poileistir de dhéantús an duine;

–snáithíní stáplacha sintéiseacha polaimíde de dhéantús an duine;

–snáithíní stáplacha sintéiseacha polaicrilinítríle de dhéantús an duine;

–snáithíní stáplacha sintéiseacha poilimíde de dhéantús an duine;

–snáithíní stáplacha sintéiseacha polaiteitreafluaireitiléine de dhéantús an duine;

–snáithíní stáplacha sintéiseacha suilfíde polaifeiniléine de dhéantús an duine;

–snáithíní stáplacha sintéiseacha clóiríde polaivinile de dhéantús an duine;

–snáithíní stáplacha sintéiseacha eile de dhéantús an duine;

–snáithíní stáplacha saorga vioscóis de dhéantús an duine;

–snáithíní stáplacha saorga eile de dhéantús an duine;

–snáth atá déanta as polúireatán atá deighilte le deighleoga solúbtha poiléitir, bídís galúnaithe nó ná bídís;

–táirgí atá faoi cheannteideal 5605 (snáth miotalaithe) ina n‑ionchorpraítear stiall ina bhfuil lár de scragall alúmanaim nó lár de scannán plaisteach, bíodh sé brataithe le púdar alúmanaim nó ná bíodh, nach mó ná 5 mm ar leithead, atá cisealaithe trí bhíthin greamachán trédhearcach nó daite idir dhá shraith de scannán plaisteach;

–táirgí eile atá faoi cheannteideal 5605;

–snáithíní gloine;

–snáithíní miotail;

–snáithíní mianracha.

6.3.I gcás na dtáirgí ina n‑ionchorpraítear ‘snáth atá déanta as polúireatán atá deighilte le deighleoga solúbtha poileistir, bídís galúnaithe nó ná bídís’, is ionann an lamháltas sin agus 20 % i ndáil leis an snáth sin.

6.4.I gcás na dtáirgí ina n‑ionchorpraítear ‘stiall ina bhfuil lár de scragall alúmanaim nó lár de scannán plaisteach, bíodh sé brataithe le púdar alúmanaim nó ná bíodh, nach bhfuil níos mó ná 5 mm ar leithead, atá cisealaithe trí bhíthin greamacháin thrédhearcaigh nó dhaite idir dhá shraith de scannán plaisteach’, is ionann an lamháltas sin agus 30 % i ndáil leis an stiall sin.

Nóta 7 – Lamháltais eile is infheidhme maidir le táirgí teicstíle áirithe

7.1.I gcás ina ndéantar tagairt, sa liosta, don Nóta seo, féadfar ábhair theicstíle (diomaite de líneálacha agus idirlíneálacha) nach gcomhlíonann an riail a leagtar amach sa liosta i gcolún (3) le haghaidh an táirge rédhéanta lena mbaineann, féadfar iad a úsáid ar choinníoll go bhfuil siad aicmithe faoi cheannteideal seachas ceannteideal an táirge féin agus nach mó a luach ná 15 % de phraghas an táirge díreach ón monarcha.

7.2.Gan dochar do Nóta 6.3, féadfar ábhair nach bhfuil aicmithe faoi Chaibidlí 50 go 63 a úsáid gan bhac i monarú táirgí teicstíle, bíodh teicstílí iontu nó ná bíodh.

7.3.I gcás ina bhfuil feidhm ag riail chéatadánach, ní mór luach na n‑ábhar neamhthionscnaimh nach bhfuil aicmithe faoi Chaibidlí 50 go 63 a chur san áireamh agus luach na n‑ábhar neamhthionscnaimh atá ionchorpraithe á ríomh.

Nóta 8 – Próisis shonracha agus oibríochtaí simplí a dhéantar i leith táirgí áirithe atá faoi Chaibidil 27 a shainiú

8.1.Chun críocha cheannteidil ex 2707 agus ex 2713, is iad seo a leanas na ‘próisis shonracha’:

(a)driogadh folúis;

(b)athdhriogadh trí bhíthin próiseas codánúcháin atá an-chuimsitheach;

(c)scoilteadh;

(d)athfhoirmiú;

(e)eastóscadh trí bhíthin tuaslagóirí roghnaitheacha;

(f)an próiseas a chuimsíonn na hoibríochtaí seo go léir a leanas: próiseáil le haigéad sulfarach tiubhaithe, oiléam nó ainhidríd shulfarach; neodrú le hoibreáin alcaileacha; tuaradh agus íonú le cré atá gníomhach go nádúrtha, cré ghníomhachtaithe, fioghual gníomhachtaithe nó báicsít;

(g)polaiméiriú;

(h)ailciliú;

(i)isiméiriú.

8.2.Chun críocha cheannteidil 2710, 2711 agus 2712, is iad seo a leanas na ‘próisis shonracha’:

(a)driogadh folúis;

(b)athdhriogadh trí bhíthin próiseas codánúcháin atá an-chuimsitheach;

(c)scoilteadh;

(d)athfhoirmiú;

(e)eastóscadh trí bhíthin tuaslagóirí roghnaitheacha;

(f)an próiseas a chuimsíonn na hoibríochtaí seo go léir a leanas: próiseáil le haigéad sulfarach tiubhaithe, oiléam nó ainhidríd shulfarach; neodrú le hoibreáin alcaileacha; tuaradh agus íonú le cré atá gníomhach go nádúrtha, cré ghníomhachtaithe, fioghual gníomhachtaithe nó báicsít;

(g)polaiméiriú;

(h)ailciliú;

(i)isiméiriú;

(j)maidir le holaí troma atá faoi cheannteideal ex 2710 agus faoin gceannteideal sin amháin, díshulfarú le hidrigin arb é an toradh atá air laghdú 85 % ar a laghad ar chion sulfair na dtáirgí a próiseáladh (modh ASTM D 1266-59 T);

(k)maidir leis na táirgí a thagann faoi cheannteideal 2710 agus faoin gceannteideal sin amháin, díphairifíniú trí bhíthin próiseas nach scagadh é;

(l)maidir le holaí troma atá faoi cheannteideal ex 2710 agus faoin gceannteideal sin amháin, cóireáil le hidrigin faoi bhrú is mó ná 20 bar agus ag teocht is airde ná 250 °C agus catalaíoch in úsáid, seachas chun difear a dhéanamh don díshulfarú, nuair is eilimint ghníomhach an hidrigin in imoibriú ceimiceach. Cóireáil bhreise le hidrigin ar olaí bealaithe atá faoi cheannteideal ex 2710 (e.g. hidrea-bhailchríochnú nó tuaradh), go háirithe chun dath nó seasmhacht a fheabhsú, ní mheasfar gur próiseas sonrach an chóireáil sin;

(m)maidir le holaí breosla atá faoi cheannteideal ex 2710 agus faoin gceannteideal sin amháin, driogadh atmaisféarach, ar choinníoll go ndriogann níos lú ná 30 % de na táirgí sin, de réir toirte, lena n‑áirítear caillteanais, ag 300 °C de réir mhodh ASTM D 86;

(n)maidir le holaí troma seachas olaí gáis agus olaí breosla atá faoi cheannteideal ex 2710 agus faoin gceannteideal sin amháin, cóireáil trí bhíthin scuab-dhíluchtú leictreach ardmhinicíochta;

(o)maidir le hamhtháirgí (seachas glóthach pheitriliam, ózaiceirít, céir ligníte nó céir mhóna, céir phairifín ina bhfuil, de réir meáchain, cion is lú ná 0.75 % ola) atá faoi cheannteideal ex 2712 agus faoin gceannteideal sin amháin, dí-olú trí chriostalú codánach.

8.3.Chun críocha cheannteidil ex 2707 agus 2713, oibríochtaí simplí amhail glanadh, scinceáil, díshailleadh, deighilt uisce, scagadh, dathú, marcáil, cion sulfair a bhaint amach trí tháirgí nach ionann a gcion sulfair a mheascadh; ní thugtar stádas tionscnaimh de bharr na n‑oibríochtaí sin ná de bharr aon teaglaim díobh nó d'oibríochtaí comhchosúla.

Nóta 9 – Próisis shonracha agus oibríochtaí a dhéantar i leith táirgí áirithe a shainiú

Nóta 9.1:Táirgí atá faoi Chaibidil 30 agus a fhaightear i bPáirtí trí shaothráin ceall a úsáid, measfar gur de thionscnamh an Pháirtí sin iad. Sainmhínítear ‘saothrán ceall’ mar shaothrú ceall duine, ainmhí nó planda faoi dhálaí rialaithe (amhail teochtaí sainithe, meán fáis, meascán gás, pH) lasmuigh den orgánach beo.

Nóta 9.2:Táirgí atá faoi Chaibidlí 29 (diomaite de: 2905.43-2905.44), 30, 32, 33 (diomaite de: 3302.10, 3301) 34, 35 (diomaite de: 35.01, 3502.11-3502.19, 3502.20, 35.05), 36, 37, 38 (diomaite de: 3809.10, 38.23, 3824.60, 38.26) agus 39 (diomaite de: 39.16-39.26) agus a fhaightear i bPáirtí trí choipeadh, measfar gur de thionscnamh an Pháirtí sin iad. Is éard is ‘coipeadh’ ann próiseas bith-theicneolaíoch ina n‑úsáidtear cealla duine, cealla ainmhí, cealla planda, baictéir, giostaí, fungais nó einsímí chun táirgí a dhéanamh atá faoi Chaibidlí 29 go 39.

Nóta 9.3:Meastar gur leor na trasfhoirmithe a leanas de réir mhír 1 d'Airteagal 4 i gcás táirgí atá faoi Chaibidlí 28, 29 (diomaite de: 2905.43-2905.44), 30, 32, 33 (diomaite de: 3302.10, 3301) 34, 35 (diomaite de: 35.01, 3502.11-3502.19, 3502.20, 35.05), 36, 37, 38 (diomaite de: 3809.10, 38.23, 3824.60, 38.26) agus 39 (diomaite de: 39.16-39.26):

–Imoibriú ceimiceach: Is éard is ‘imoibriú ceimiceach’ ann próiseas (lena n‑áirítear próiseas bithcheimiceach) as a dtagann móilín ag a bhfuil struchtúr nua de thoradh naisc idirmhóilíneacha a bhriseadh agus naisc idirmhóilíneacha nua a dhéanamh, nó leagan amach spásúil na n‑adamh i móilín a athrú. Féadfar imoibriú ceimiceach a chur in iúl tríd an ‘uimhir CAS’ a athrú.

Níor cheart na próisis seo a leanas a mheas chun críoch tionscnaimh: (a) tuaslagadh in uisce nó i dtuaslagóirí eile; (b) díbirt tuaslagóirí lena n‑áirítear uisce tuaslagach; nó (c) breisiú nó díbirt uisce criostalúcháin. Imoibriú ceimiceach mar a shainmhínítear thuas, measfar gur imoibriú ceimiceach é a dtugtar stádas tionscnaimh dá bharr.

–Meascáin agus Cumaisc: Ábhair a mheascadh nó a chumasc (lena n‑áirítear easrú) d'aon ghnó agus faoi rialú comhréireach, seachas caolaitheoirí a chur leo, chun sonraíochtaí réamhchinntithe a chomhlíonadh agus as a n‑eascraíonn earra ag a bhfuil saintréithe fisiceacha nó ceimiceacha atá ábhartha maidir le críocha nó úsáidí an earra agus nach ionann iad agus na hábhair ionchuir, measfar gur próisis iad sin a dtugtar stádas tionscnaimh dá mbarr.

–Íonú: Measfar gur próiseas é an t‑íonú a dtugtar stádas tionscnaimh dá bharr ar choinníoll go gcomhlíontar ceann amháin de na critéir seo a leanas de thoradh an íonaithe a dhéantar i gcríoch Páirtí amháin nó an dá Pháirtí:

(a)íonú earra arb é an toradh atá air díbirt 80 % ar a laghad den chion neamhíonachta atá ann; nó

(b)laghdú nó díbirt neamhíonachta dar toradh earra atá oiriúnach do cheann amháin nó níos mó de na feidhmeanna seo a leanas:

(i)substaintí de ghrád cógaisíochta, leighis, cosmaide, tréidliachta, nó bia;

(ii)táirgí ceimiceacha agus imoibrithe le haghaidh úsáidí anailíseacha, diagnóiseacha nó saotharlainne;

(iii)eilimintí agus comhpháirteanna lena n‑úsáid sa mhicrileictreonaic;

(iv)úsáidí optúla speisialaithe;

(v)úsáid bhith-theicniúil (e.g. i saothrú ceall, sa teicneolaíocht ghéiniteach, nó mar chatalaíoch);

(vi)iompróirí a úsáidtear i bpróiseas deighilte; nó

(vii)úsáidí de ghrád núicléach.

–Athruithe ar mhéid cáithníní: Méid cáithníní earra a mhodhnú d'aon ghnó agus faoi rialú, seachas trí bhrúscadh nó trí bhrú amháin, as a n‑eascraíonn earra ag a bhfuil méid cáithníní sainithe, dáileadh méide cáithníní sainithe nó achar dromchla sainithe atá ábhartha maidir le críocha an earra a thiocfaidh as agus ag a bhfuil saintréithe fisiceacha nó ceimiceacha nach ionann iad agus na hábhair ionchuir, measfar gur próiseas é sin a dtugtar stádas tionscnaimh dá bharr.

–Ábhair chaighdeánacha: Is éard is ábhair chaighdeánacha (lena n‑áirítear tuaslagáin chaighdeánacha) ann, ullmhóidí atá oiriúnach d'úsáidí anailíseacha, calabrúcháin nó tagartha agus ag a bhfuil méideanna beachta íonachta nó cion a dheimhníonn an monaróir. Ábhair chaighdeánacha a tháirgeadh, measfar gur próiseas é a dtugtar stádas tionscnaimh dá bharr.

–Scaradh isiméirí: Isiméirí a leithlisiú nó a scaradh ó mheascán isiméirí, measfar gur próisis iad a dtugtar stádas tionscnaimh dá mbarr.

IARSCRÍBHINN II

LIOSTA DEN OIBRIÚ NÓ DEN PHRÓISEÁIL IS GÁ A DHÉANAMH AR ÁBHAIR NEAMHTHIONSCNAIMH CHUN GO DTABHARFAR AN STÁDAS TÁIRGE TIONSCNAIMH DON TÁIRGE MONARAITHE

________________

(1)Maidir le coinníollacha speisialta a bhaineann le ‘Próiseas sonrach (nó próisis shonracha)’ féach Nótaí Réamhráiteacha 8.1 agus 8.3.

(2)Maidir le coinníollacha speisialta a bhaineann le táirgí a rinneadh de mheascán d'ábhair theicstíle, féach Nóta Réamhráiteach 6.

(3)Féach Réamhnóta 7.

(4)Féach Réamhnóta 9.

IARSCRÍBHINN III

TÉACS AN DEARBHAITHE TIONSCNAIMH

Leagan Albáinise

Eksportuesi i produkteve të mbuluara nga ky dokument (autorizim doganor Nr. .............. 1) deklaron që përveç rasteve kur tregohet qartësisht ndryshe, këto produkte janë me origjine preferenciale ……………..2 n​  në përputhje me Rregullat kalimtare të origjinës​.​

Leagan Araibise

Leagan Boisnise

Izvoznik proizvoda obuhvaćenih ovom ispravom (carinsko ovlaštenje br. .... (1)) izjavljuje da su, osim ako je to drugačije izričito navedeno, ovi proizvodi ....... (2) preferencijalnog porijekla u skladu sa prijelaznim pravilima porijekla.

Leagan Bulgáirise

Износителят на продуктите, обхванати от този документ (митническо разрешение №………1) декларира, че освен където ясно е отбелязано друго, тези продукти са с ……………..2 преференциален произход съгласно преходните правила за произход.

Leagan Cróitise

Izvoznik proizvoda obuhvaćenih ovom ispravom (carinsko ovlaštenje br. ………1) izjavljuje da su, osim ako je drukčije izričito navedeno, ovi proizvodi ……………..2 preferencijalnog podrijetla prema prijelaznim pravilima o podrijetlu.

Leagan Seicise

Vývozce výrobků uvedených v tomto dokumentu (číslo povolení ………1) prohlašuje, že podle přechodných pravidel původu mají tyto výrobky kromě zřetelně označených preferenční původ v ……………..

Leagan Danmhairgise

Eksportøren af varer, der er omfattet af nærværende dokument (toldmyndighedernes tilladelse nr. ………1) erklærer, at varerne, medmindre andet tydeligt er angivet, har præferenceoprindelse i ……………..2 i henhold til overgangsreglerne for oprindelse.

Leagan Ollainnise

De exporteur van de goederen waarop dit document van toepassing is (douanevergunning nr. ………1), verklaart dat, behoudens uitdrukkelijke andersluidende vermelding, deze goederen van preferentiële …………….2 oorsprong zijn in overeenstemming met de overgangsregels van oorsprong.

Leagan Béarla

The exporter of the products covered by this document (customs authorization No………1) declares that, except where otherwise clearly indicated, these products are of ……………..2 preferential origin according to the transitional Rules of origin.

Leagan Eastóinise

Käesoleva dokumendiga hõlmatud toodete eksportija (tolliasutuse luba nr. ……… 1) deklareerib, et päritolureeglite üleminekueeskirjade kohaselt on need tooted …………….. 2 sooduspäritolu, välja arvatud juhul, kui on selgelt osutatud teisiti.

Leagan Faróise

Útflytarin av vørunum, sum hetta skjal fevnir um (tollvaldsins loyvi nr. … (1)) váttar, át um ikki nakað annað er tilskilað, eru hesar vørur upprunavørur … (2) sambært skiftisreglunum um uppruna.

Leagan Fionlainnise

Tässä asiakirjassa mainittujen tuotteiden viejä (tullin lupa n:o ………1) ilmoittaa, että nämä tuotteet ovat, ellei toisin ole selvästi merkitty, etuuskohteluun oikeutettuja……………..2 alkuperätuotteita siirtymäkauden alkuperäsääntöjen nojalla.

Leagan Fraincise

L’exportateur des produits couverts par le présent document (autorisation douanière nº ………1) déclare que, sauf indication claire du contraire, ces produits ont l’origine préférentielle ……………..2 selon les règles d’origine transitoires.

Leagan Gearmáinise

Der Ausführer (Ermächtigter Ausführer; Bewilligungs-Nr. ……… 1) der Waren, auf die sich dieses Handelspapier bezieht, erklärt, dass diese Waren, soweit nicht anders angegeben, präferenzbegünstigte …………….. 2 Ursprungswaren gemäß den Übergangsregeln für den Ursprung sind.

Leagan Seoirsise

Leagan Gréigise

Ο εξαγωγέας των προϊόντων που καλύπτονται από το παρόν έγγραφο (άδεια τελωνείου υπ’ αριθ. ………1) δηλώνει ότι, εκτός εάν δηλώνεται σαφώς άλλως, τα προϊόντα αυτά είναι προτιμησιακής καταγωγής ................. 2 σύμφωνα με τους μεταβατικούς κανόνες καταγωγής.

Leagan Eabhraise

An leagan Ungáirise

A jelen okmányban szereplő termékek exportőre (vámfelhatalmazási szám: ………1) kijelentem, hogy eltérő egyértelmű jelzés hiányában a termékek az átmeneti származási szabályok szerint preferenciális ……………..2 származásúak.

Leagan Íoslainnise

Útflytjandi framleiðsluvara sem skjal þetta tekur til (leyfi tollyfirvalda nr. ............(1)), lýsir því yfir að vörurnar séu, ef annars er ekki greinilega getið, af ..........................(2) uppruna samkvæmt upprunareglum á umbreytingartímabili.

Leagan Iodáilise

L'esportatore delle merci contemplate nel presente documento (autorizzazione doganale n. ……… 1) dichiara che, salvo indicazione contraria, le merci sono di origine preferenziale …………….. 2 conformemente alle norme di origine transitorie.

Leagan Laitvise

To produktu eksportētājs, kuri ietverti šajā dokumentā (muitas atļauja Nr. .………… 1) deklarē, ka, izņemot tur, kur ir citādi skaidri noteikts, šiem produktiem ir……………..2 preferenciāla izcelsme saskaņā ar pārejas noteikumiem par izcelsmi.

Leagan Liotuáinise

Šiame dokumente nurodytų produktų eksportuotojas (muitinės leidimo Nr. .……… 1) deklaruoja, kad, jeigu aiškiai nenurodyta kitaip, šie produktai turi ……………..2 lengvatinės kilmės statusą pagal pereinamojo laikotarpio kilmės taisykles.

Leagan Macadóinise

Извозникот на производите што ги покрива овоj документ (царинскo одобрение бр. ………… (1)) изjавува дека, освен ако тоа не е jасно поинаку назначено, овие производи се со .........…………. (2) преференциjaлно потекло.

Leagan Máltaise

L-esportatur tal-prodotti koperti minn dan id-dokument (awtorizzazzjoni tad-dwana nru………1) jiddikjara li, ħlief fejn indikat mod ieħor b’mod ċar, dawn il-prodotti huma ta’ oriġini preferenzjali …………….2 skont ir-regoli ta’ oriġini tranżizzjonali

Leagan Montainéigrise

Извозник производа обухваћених овом исправом (царинско овлашћење бр. ......(1) ) изјављује да су, осим ако је другачије изричито наведено, ови производи ..........(2) преференцијалног пориjекла, у складу са транзиционим правилима поријекла.

Izvoznik proizvoda obuhvaćenih ovom ispravom (carinsko ovlašćenje br. .... 1) izjavljuje da su, osim ako je drugačije izričito navedeno, ovi proizvodi ………. 2 preferencijalnog porijekla u skladu sa tranzicionim pravilima porijekla.

Leagan Ioruaise

Eksportøren av produktene omfattet av dette dokument (tollmyndighetenes autorisasjonsnr……(1)) erklærer at disse produktene, unntatt hvor annet er tydelig angitt, har … preferanseopprinnelse i henhold til overgangsreglene for opprinnelse (2) .

Leagan Polainnise

Eksporter produktów objętych tym dokumentem („upoważnienie władz celnych nr………1) deklaruje, że z wyjątkiem gdzie jest to wyraźnie określone, produkty te mają ……………..2 preferencyjne pochodzenie zgodnie z przejściowymi regułami pochodzenia.

Leagan Portaingéilise

O exportador dos produtos cobertos pelo presente documento (autorização aduaneira n.º......... 1) declara que, salvo expressamente indicado em contrário, estes produtos são de origem preferencial ……………..2 de acordo com as regras de origem transitórias.

Leagan Rómáinise

Exportatorul produselor care fac obiectul prezentului document (autorizația vamală nr. ………1) declară că, exceptând cazul în care se indică altfel în mod clar, aceste produse sunt de origine preferențială ……………...2 în conformitate cu regulile de origine tranzitorii.

Leagan Seirbise

Извозник производа обухваћених овом исправом (царинско овлашћење бр. ...... (1)) изјављује да су, осим ако је другачије изричито наведено, ови производи .......... (2) преференцијалног порекла, у складу са прелазним правилима о пореклу.

Izvoznik proizvoda obuhvaćenih ovom ispravom (carinsko ovlašćenje br................ (1)) izjavljuje da su, osim ako je drugačije izričito наvedeno, ovi proizvodi .................................. (2) preferencijalnog porekla, u skladu sa prelaznim pravilima o poreklu.

Leagan Slóvaicise

Vývozca výrobkov uvedených v tomto dokumente (číslo povolenia ………1) vyhlasuje, že pokiaľ nie je zreteľne uvedené inak, tieto výrobky majú v súlade s prechodnými pravidlami pôvodu preferenčný pôvod v ……………...2.

Leagan Slóivéinise

Izvoznik blaga, zajetega s tem dokumentom (pooblastilo carinskih organov št ...................(1)), izjavlja, da, razen če ni drugače jasno navedeno, ima to blago preferencialno ..........................................(2) poreklo v skladu s prehodnimi pravili o poreklu.

Leagan Spáinnise

El exportador de los productos incluidos en el presente documento (autorización aduanera n.º……… 1) declara que, excepto donde se indique claramente lo contrario, estos productos son de origen preferencial…………….. 2 con arreglo a las normas de origen transitorias.

Leagan Sualainnise

Exportören av de varor som omfattas av detta dokument (tullmyndighetens tillstånd nr. ………1) försäkrar att dessa varor, om inte annat tydligt markerats, har förmånsberättigande …………….2 ursprung i enlighet med övergångsbestämmelserna om ursprung.

Leagan Tuircise

Bu belge kapsamındaki ürünlerin ihracatçısı (gümrük yetki No: ................ (1)), aksi açıkça belirtilmedikçe, bu ürünlerin geçiş menşe kurallarına göre ........................................... (2) tercihli menşeli olduğunu beyan eder