AN COIMISIÚN EORPACH

Strasbourg, 17.6.2025

COM(2025) 825 final

2025/0825(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) Uimh. 575/2013 maidir le ceanglais stuamachta i gcomhair institiúidí creidmheasa a mhéid a bhaineann le ceanglais le haghaidh neamhchosaintí ar urrúsú

(Téacs atá ábhartha maidir le LEE)

{SEC(2025) 825 final} - {SWD(2025) 825 final} - {SWD(2025) 826 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Réamhrá ginearálta

Trí mhargadh urrúsúcháin na hEorpa a athsheoladh, is féidir cuidiú leis an méid maoinithe atá ar fáil don fhíorgheilleagar a mhéadú agus le héagsúlú riosca laistigh den mhargadh aonair a fheabhsú. Tá sé sin níos tábhachtaí ná riamh sa timpeallacht eacnamaíoch agus gheopholaitiúil atá ann faoi láthair ina bhfuil gá le hinfheistíocht mhór san Aontas chun go leanfaidh sé de bheith athléimneach agus iomaíoch. Is féidir le margaí urrúsúcháin dea-fheidhmiúla rannchuidiú le fás eacnamaíoch níos airde agus cistiú chuspóirí straitéiseacha an Aontais a éascú, lena n‑áirítear infheistíochtaí san aistriú glas, san aistriú digiteach agus san aistriú sóisialta, trí ligean d’institiúidí creidmheasa (i.e. bainc) rioscaí a aistriú chuig na hinstitiúidí sin is fearr a iompróidh iad agus, ar an gcaoi sin, a gcaipiteal a shaoradh. Tá coinne leis go n‑úsáidfidh na bainc an caipiteal sin chun iasachtaí breise a thabhairt do theaghlaigh agus do ghnólachtaí, lena n‑áirítear FBManna. Trí riosca a athdháileadh laistigh den chóras airgeadais i gcoitinne, is féidir le hurrúsú níos mó deiseanna infheistíochta a sholáthar d’infheisteoirí sa mhargadh caipitil freisin. Fágann creat urrúsúcháin an Aontais atá i bhfeidhm faoi láthair go gcoimeádtar geilleagar an Aontais ó bheith ag baint leas as na tairbhí uile a bhaineann le hurrúsú.

Leis na tuarascálacha ó Enrico Letta 1 agus ó Mario Draghi 2 , moltar an t‑urrúsúchán mar bhealach chun acmhainneacht iasachtaithe bhainc an Aontais Eorpaigh a neartú le haghaidh riachtanais mhaoinithe thosaíochtaí an Aontais, lena n‑áirítear cosaint, margaí caipitil níos doimhne a chruthú, an tAontas Coigiltis agus Infheistíochta a thógáil agus iomaíochas an Aontais a mhéadú.

D’iarr an Chomhairle Eorpach ar an gCoimisiún Eorpach bearta a shainaithint chun margadh urrúsúcháin na hEorpa a athsheoladh, lena n‑áirítear ‘trí athruithe rialála agus stuamachta, agus úsáid á baint as an tsolúbthacht atá ar fáil’ 3 agus creat urrúsúcháin athbhreithnithe a mholadh go pras, in 2025 4 . Tá glao ar ghníomhaíocht á dhéanamh ag roinnt mhaith páirtithe leasmhara freisin, lena n‑áirítear eisitheoirí, infheisteoirí agus maoirseoirí, chun aghaidh a thabhairt ar na baic ar fhorbairt mhargadh urrúsúcháin an Aontais 5 .

Cuireadh creat urrúsúcháin an Aontais i bhfeidhm tar éis ghéarchéim airgeadais 2008 agus bhí sé ina fhreagra ar ábhair imní maidir le hurrúsuithe rioscúla SAM. An tráth sin, measadh go raibh gá le diancheanglais chun clú an mhargaidh urrúsúcháin a athbhunú, óir bhí sé thíos le cosaintí neamhleora agus le mímhuinín mhór infheisteoirí. Ós rud é go bhfuil coimircí iomchuí leabaithe go daingean anois in eagrú an mhargaidh agus go bhfuil muinín infheisteoirí á gnóthú ag an urrúsú, ní mór teacht ar chothromaíocht níos fearr idir coimircí agus deiseanna fáis - le haghaidh infheistíochtaí agus eisiúna araon. Léiríonn an taithí ar an gcreat go bhfuil sé róchoimeádach agus go gcuireann sé teorainn leis an úsáid a d’fhéadfaí a bhaint as urrúsuithe san Aontas. Fágann costais arda oibriúcháin agus ceanglais chaipitil róchoimeádacha go gcoimeádtar roinnt mhaith eisitheoirí agus infheisteoirí lasmuigh den mhargadh urrúsúcháin.

Is é is aidhm don athbhreithniú na maolaitheoirí riosca a cuireadh chun feidhme i gcreataí rialála agus maoirseachta urrúsúcháin an Aontais a aithint, lenar laghdaíodh go mór na rioscaí atá leabaithe in idirbhearta urrúsúcháin, chomh maith le dea-fheidhmíocht chreidmheasa urrúsuithe an Aontais.

Cuireann an togra seo le tosaíocht 2024-2029 ón gCoimisiún maidir le ‘Plean nua chun go mbeidh rathúnas agus iomaíochas na hEorpa inbhuanaithe’. Is cuid den Aontas Coigiltis agus Infheistíochta 6 é an togra, ar bunchloch de shainordú Choimisiún 2024-2029 é, agus is é an chéad tionscnamh reachtach faoin Aontas Coigiltis agus Infheistíochta. An tráth céanna, tá sé tábhachtach a aithint nach ‘réiteach draíochta’ ann féin é an tAthbhreithniú Urrúsúcháin. Cuimsíonn tionscadal an Aontais Coigiltis agus Infheistíochta raon leathan beart eile agus beart comhlántach chun a spriocanna a bhaint amach. Mar sin féin, tá coinne ag an gCoimisiún Eorpach leis go mbeidh institiúidí airgeadais ag gabháil do ghníomhaíocht urrúsúcháin níos mó mar thoradh ar na leasuithe ar na ceanglais neamhstuamachta agus stuamachta atá beartaithe sa phacáiste tograí seo agus, rud atá tábhachtach, go mbainfidh siad úsáid as an bhfaoiseamh caipitil a eascróidh aisti sin le haghaidh iasachtú breise.

Is é is aidhm don athbhreithniú atá beartaithe ar chreat urrúsúcháin an Aontais deireadh a chur le bacainní míchuí eisiúna agus infheistíochta i margadh urrúsúcháin an Aontais, go sonrach: (i) costais oibriúcháin mhíchuí d’eisitheoirí agus d’infheisteoirí a laghdú, agus cothromaíocht á baint amach idir sin agus caighdeáin leordhóthanacha trédhearcachta, cosanta infheisteoirí agus maoirseachta; (ii) an creat stuamachta do bhainc agus d’árachóirí a choigeartú, chun go gcuirfear rioscaí iarbhír san áireamh níos fearr agus go gcuirfear deireadh le costais stuamachta mhíchuí agus urrúsuithe á n‑eisiúint agus infheistíocht á déanamh iontu, agus cobhsaíocht airgeadais á cosaint an tráth céanna.

Is é is aidhm don athbhreithniú ar chreat urrúsúcháin an Aontais deireadh a chur le bacainní míchuí a chuireann bac ar fhás agus ar fhorbairt mhargadh urrúsúcháin an Aontais, ach gan rioscaí don chobhsaíocht airgeadais, do shláine an mhargaidh ná do chosaint infheisteoirí a thabhairt isteach. Chun é sin a bhaint amach, tá na hathchóirithe beartaithe spriocdhírithe go cúramach chun aghaidh a thabhairt ar bhaic shonracha ar eisiúint agus ar infheistíocht (neamhbhainc). Beartaítear leis an athbhreithniú athruithe a dhéanamh ar cheithre ghníomh dlí: 

·togra reachtach lena leasaítear Rialachán (AE) 2017/2402 ó Pharlaimint na hEorpa agus ón gComhairle (‘an Rialachán maidir le hUrrúsú’ 7 ), lena leagtar amach rialacha táirgí agus rialacha iompair d’eisitheoirí agus d’infheisteoirí

·togra lena leasaítear Rialachán (AE) Uimh. 575/2013 ó Pharlaimint na hEorpa agus ón gComhairle (an ‘Rialachán maidir le Ceanglais Chaipitil’ nó ‘CRR’ 8 ), lena leagtar amach na ceanglais chaipitil le haghaidh bainc a bhfuil urrúsú ina seilbh acu nó a dhéanann infheistíocht in urrúsú, chomh maith le

·leasuithe ar dhá Rialachán tharmligthe: Rialachán Tarmligthe (AE) 2015/61 ón gCoimisiún (‘an Gníomh Tarmligthe maidir leis an gCóimheas Cumhdaigh Leachtachta (LCR)’ 9 ), lena rialaítear na critéir incháilitheachta chun sócmhainní a áireamh i maolán leachtachta na mbanc, agus Rialachán Tarmligthe (AE) 2015/35 ón gCoimisiún (‘an Gníomh Tarmligthe maidir le Sócmhainneacht II (SII)’ 10 ), lena rialaítear na ceanglais chaipitil le haghaidh gnóthais árachais agus athárachais. 

Is é is aidhm do na hathruithe atá beartaithe feabhsuithe spriocdhírithe a dhéanamh ar an gcreat, seachas é a leasú ó bhonn. Ba cheart breathnú ar na hathruithe sin mar phacáiste, ós rud é nach mbainfear an toradh inmhianaithe amach le haon cheann de na comhpháirteanna aonair as féin. Le heilimintí an phacáiste, tugtar aghaidh ar thaobh soláthair agus éilimh an mhargaidh araon agus treisíonn siad a chéile chun an tionchar inmhianaithe a bhaint amach. Trí cheanglais tuairiscithe a chuíchóiriú agus ceanglais chaipitil a ísliú, laghdófar bacainní iontrála agus beidh sé níos saoire do bhainc urrúsuithe a thionscnamh. Trí dhícheall cuí a shimpliú agus na muirir chaipitil agus an láimhseáil leachtachta a leasú, beidh sé níos éasca agus níos tarraingtí infheistíocht a dhéanamh in urrúsú. Le bonn infheisteoirí níos mó agus níos dinimiciúla, dreasófar eisiúint níos mó freisin. Is saincheist chasta é margadh urrúsúcháin an Aontais a athsheoladh agus ní mór athruithe a dhéanamh ar chodanna éagsúla den chreat chun soláthar agus éileamh a chothú sa mhargadh urrúsúcháin.

Ní féidir leis an rialáil aisti féin ach dul chun cinn teoranta a dhéanamh i dtéarmaí forbairt an mhargaidh seo a spreagadh: ní mór do rannpháirtithe sa mhargadh gníomhú freisin agus a gcuid féin a dhéanamh, e.g. trí ghlacadh le caighdeánú agus tionscnaimh ar fud an tionscail i dtreo deighleoga sonracha – ní bheifear in ann an margadh a mhéadú in éagmais iarrachtaí rannpháirtithe sa mhargadh. 

Chuir ionchuir éagsúla bonn eolais faoin athbhreithniú sin, lena n‑áirítear tuarascáil 2020 an Údaráis Baincéireachta Eorpaigh (ÚBE) maidir leis an aistriú riosca shuntasaigh , tuarascáil 2020 an Bhoird Eorpaigh um Riosca Sistéamach (BERS) maidir le Faireachán a dhéanamh ar rioscaí sistéamacha i margadh urrúsúcháin an Aontais , Tuarascáil 2022 ón gCoimisiún maidir leis an Rialachán Urrúsúcháin , comhairle 2022 ó Chomhchoiste na nÚdarás Maoirseachta Eorpach (ÚMEnna) maidir leis an gcreat stuamachta , comhairliúchán spriocdhírithe 2024 maidir le feidhmiú chreat urrúsúcháin an Aontais , agus Tuarascáil 2025 ón gComhchoiste maidir le cur chun feidhme agus feidhmiú an chreata urrúsúcháin . Thionóil an Coimisiún cruinnithe déthaobhacha éagsúla le páirtithe leasmhara freisin agus d’eagraigh sé ceardlann i mí Iúil 2024 chun plé a dhéanamh ar thuairimí páirtithe leasmhara faoi chreat urrúsúcháin an Aontais. 

I dtéarmaí uainiú, glacann an Coimisiún na leasuithe ar an Rialachán maidir le hUrrúsú agus ar an Rialachán maidir le Ceanglais Chaipitil in éineacht le chéile. An dáta céanna, déantar na dréachtleasuithe ar an Rialachán Tarmligthe maidir leis an gCóimheas Cumhdaigh Leachtachta a fhoilsiú ar an tairseach ‘Cloisimis uait’ le haghaidh comhairliúchán 4 seachtaine. Áireofar na dréachtleasuithe ar Rialachán Tarmligthe Shócmhainneacht II i bpacáiste níos leithne leasuithe ar an Rialachán sin a bhfuil coinne lena bhfoilsiú le haghaidh comhairliúcháin sa dara leath de mhí Iúil na bliana seo. 

Cuspóirí an togra lena leasaítear Rialachán (AE) Uimh. 575/2013 (CRR) 

Leis an meastóireacht ar an gcreat, le tacaíocht ó aiseolas ó pháirtithe leasmhara, léirítear (i) nach bhfuil na ceanglais urrúsúcháin stuamachta atá ann cheana, mar a leagtar amach i Rialachán (AE) Uimh. 575/2013 (an Rialachán maidir le Ceanglais Chaipitil nó CRR), sách íogair i leith riosca agus, de thoradh na gceanglais sin, (ii) gur ró-ard é an leibhéal ceanglas caipitil nach mór d’institiúidí creidmheasa a chomhlíonadh i dtaca lena neamhchosaintí ar urrúsú. Leis na ceanglais atá ann faoi láthair, ní aithnítear go leordhóthanach dea-fheidhmíocht chreidmheasa urrúsúchán an Aontais ná na maolaitheoirí riosca a cuireadh chun feidhme sna creataí rialála agus maoirseachta urrúsúcháin lenar laghdaíodh go mór an riosca gníomhaireachta agus an riosca de bharr samhaltaithe atá leabaithe in idirbhearta urrúsúcháin 11 . Cé go bhfuil údar le prionsabal na neamhneodrachta 12 i leith ceanglais chaipitil – mar cheann de phríomheilimintí sainithe an chreata caipitil urrúsúcháin le haghaidh institiúidí creidmheasa – is cosúil nach bhfuil údar a thuilleadh le méid na neamhneodrachta. Ina theannta sin, tá an iomarca coimeádachta leabaithe sa chur chuige caighdeánaithe urrúsaithe (SEC-SA), i ndearbhthéarmaí agus i gcoibhneas leis an gcur chuige bunaithe ar rátálacha inmheánacha (SEC-IRBA). An easpa íogaireachta i leith riosca, feidhmíonn sí mar bhac stuamachta a dhídhreasaíonn institiúidí creidmheasa an Aontais ó bheith rannpháirteach go hiomlán sa mhargadh urrúsúcháin, go háirithe ina gcáil mar thionscnóirí urrúsúcháin, agus laghdaíonn sí an deis ag institiúidí creidmheasa an caipiteal saortha a úsáid chun níos mó iasachtaithe a chur ar fáil don gheilleagar. Laghdaíonn sé tarraingteacht an urrúsaithe mar ionstraim éifeachtach chun caipiteal agus cláir chomhardaithe institiúidí creidmheasa a bhainistiú agus chun rioscaí a athdháileadh ar fud an chórais airgeadais i gcoitinne.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

•Comhréireacht

•An rogha ionstraime

Is leasú ar CRR é an togra seo agus, dá bhrí sin, is Rialachán é freisin. Ní féidir úsáid a bhaint as modhanna eile – modhanna reachtacha ná modhanna oibríochtúla – chun cuspóirí an togra seo a bhaint amach.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

•Bailiú agus úsáid saineolais

•Measúnú tionchair

Cuireadh an measúnú tionchair faoi bhráid an Bhoird um Ghrinnscrúdú Rialála agus rinne an Bord scrúdú air an 9 Aibreán 2025.

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Míniúchán mionsonraithe ar fhorálacha sonracha an togra

An togra seo le haghaidh Rialacháin, tá sé ina chuid d’athbhreithniú urrúsúcháin níos leithne lena gcuimsítear athruithe ar dhá Rialachán (i dteannta CRR, an Rialachán maidir le hUrrúsú) agus ar dhá Ghníomh Tharmligthe (an Gníomh Tarmligthe maidir leis an gCóimheas Cumhdaigh Leachtachta agus Gníomh Tarmligthe Shócmhainneacht II). Ba cheart breathnú ar na hathruithe atá beartaithe mar phacáiste beart lena dtéitear i ngleic ar bhealach cuimsitheach le saincheisteanna soláthair agus éilimh sa mhargadh urrúsúcháin.

Is éard is íosteorainneacha ualaigh riosca ann íosualaí riosca nach mór d’institiúidí creidmheasa a eisíonn urrúsú agus a dhéanann infheistíocht in urrúsú a chur i bhfeidhm maidir lena neamhchosaintí ar urrúsú, fiú más ualach riosca níos lú a thugtar le fios leis na ríomhanna ceanglas caipitil faoi chur chuige SEC-SA agus cur chuige SEC-IRBA. Áirithíonn siad bunleibhéal ceanglas caipitil. An creat atá ann faoi láthair, tá sé measartha neamhíogair i leith riosca toisc nach gceadaítear leis ach dhá íosteorainn ualaigh riosca sheasta do shuíomhanna sinsearacha: íosteorainn ualaigh riosca 10 % don neamhchosaint ar shuíomh sinsearach d’idirbhearta simplí trédhearcacha caighdeánaithe (STS), agus íosteorainn ualaigh riosca 15 % don neamhchosaint ar shuíomh sinsearach d’idirbhearta neamh-STS.

Tugtar isteach leis an togra coincheap nua na híosteorann ualaigh riosca atá íogair i leith riosca, ina bhfuil na híosteorainneacha ualaigh riosca do shuíomhanna urrúsúcháin sinsearacha comhréireach lena rioscúla atá an comhthiomsú foluiteach neamhchosaintí (i.e. lena mheánualaí riosca). Méadaíonn sé sin go mór íogaireacht an chreata caipitil urrúsúcháin i leith riosca agus laghdaíonn sé na dídhreasachtaí atá ann cheana maidir le hurrúsú punann a bhfuil ualaí ísle riosca ag baint leo. Chun íosteorainneacha ualaigh riosca ró-íseal a chosc agus chun comhsheasmhacht le caighdeáin idirnáisiúnta a chaomhnú, ba cheart na híosteorainneacha ualaigh riosca arna ríomh faoin bhfoirmle riosca-íogair sin a bheith faoi réir íosleibhéil.

Agus an íosteorainn ualaigh riosca do shuíomhanna sinsearacha á ríomh, úsáidtear scálach éagsúil le haghaidh gach ceann díobh chun idirdhealú a dhéanamh idir urrúsuithe STS agus urrúsuithe neamh-STS, chun a léiriú gur fearr cáilíocht bhunúsach urrúsuithe STS lena ngabhann tacar critéar mionsonraithe STS agus maoirseacht thiomnaithe. Calabraíodh na scálaigh chun torthaí idir measartha agus uaillmhianach a bhaint amach i dtéarmaí ceanglais chaipitil a laghdú, agus torthaí stuama á gcoimeád an tráth céanna.

Leasuithe ar fhachtóir (p)

Is paraiméadar é fachtóir (p) a thiomáineann ‘neamhneodracht’ na gceanglas caipitil urrúsúcháin le haghaidh neamhchosaintí ar urrúsú atá i seilbh institiúidí creidmheasa. Tá sé ar cheann de na paraiméadair a úsáidtear sna foirmlí chun ualuithe riosca urrúsúcháin a ríomh, agus méadaíonn sé an méid caipitil le haghaidh suíomhanna urrúsúcháin os cionn an mhéid a bheadh ag teastáil le haghaidh na neamhchosaintí foluiteacha mura n‑urrúsófaí iad. Ba cheart fachtóir (p) de luach 1 a léirmhíniú mar cheanglas caipitil atá 100 % níos airde nó mar dhúbailt ar an gceanglas caipitil le haghaidh gach suímh urrúsúcháin, i gcomparáid le ceanglas caipitil na sócmhainní neamhurrúsaithe foluiteacha, agus is é an toradh a bhíonn ar fhachtóir (p) de luach 0,3 ceanglas caipitil atá 30 % níos airde. Ní ann d’fhachtóir (p) ach amháin sna cineálacha cur chuige bunaithe ar fhoirmle (SEC-IRBA agus SEC-SA) agus ní ann dó i gcur chuige SEC-ERBA bunaithe ar rátáil sheachtrach (i gcás ina sonraítear ualaí riosca go díreach i dtábla a shainítear in CRR, chun go mbeidh siad ina ‘scáthán’ ar na hualaí riosca a ríomhtar faoi fhoirmle SEC-SA).

Ceann de na príomhthátail ón meastóireacht ar an gcreat atá ann faoi láthair agus ón gcomhairliúchán le páirtithe leasmhara is ea go bhfuil leibhéil fhachtóir (p) ró-ard agus go mbíonn leibhéil róchaipitlithe gan údar ann dá ndeasca i gcás roinnt idirbhearta urrúsúcháin. Ina theannta sin, tá an neamhneodracht ceanglas caipitil an-ard faoi chur chuige SEC-SA agus ina cúis le difríochtaí gan údar idir na ceanglais chaipitil a ríomhtar faoi chur chuige SEC-IRBA agus cur chuige SEC-SA.

Ba cheart, dá bhrí sin, leasuithe spriocdhírithe a thabhairt isteach ar fhachtóir (p) faoi chur chuige SEC-IRBA agus cur chuige SEC-SA, chun an méid seo a leanas a dhéanamh: (i) níos mó íogaireacht i leith riosca a thabhairt isteach; (ii) aghaidh a thabhairt ar leibhéil iomarcacha neamhneodrachta; (iii) coimeádacht iomarcach chur chuige SEC-SA a laghdú; (iv) cloí le prionsabal ordlathas na gcineálacha cur chuige (i.e. gur cheart, mar phrionsabal, ceanglais chaipitil níos ísle a bheith mar thoradh ar chur chuige SEC-IRBA ag barr an ordlathais ná mar a bheadh mar thoradh ar chur chuige SEC-SA i lár an ordlathais agus ba cheart na torthaí is coimeádaí teacht as cur chuige SEC-ERBA ag bun an ordlathais).

Dá bhrí sin, leis na leasuithe spriocdhírithe déantar idirdhealú idir suíomhanna in urrúsuithe STS agus neamh-STS, idir suíomhanna tionscnóirí/urraitheoirí agus infheisteoirí, agus idir suíomhanna sinsearacha agus neamhshinsearacha. Go ginearálta, leis na laghduithe ar fhachtóir (p) dírítear ar shuíomhanna sinsearacha, ar shuíomhanna tionscnóirí/urraitheoirí agus ar urrúsuithe STS. I bhfocail eile, níor cheart neamhchosaintí infheisteoirí in urrúsuithe neamh-STS agus i suíomhanna neamhshinsearacha urrúsuithe STS a bheith ag tairbhiú d’fhachtóir laghdaithe (p), toisc nach bhfuil infheistíochtaí institiúidí creidmheasa i suíomhanna neamhshinsearacha urrúsúcháin inmhianaithe agus nár cheart tacú leo.

Faoi SEC-IRBA, i gcás ina gceanglaítear leis an gcreat go ríomhfar fachtóir (p) bunaithe ar fhoirmle shonrach, moltar go mbeidh fachtóir (p) faoi réir fachtóir scálúcháin laghdaithe, íosteorainn laghdaithe agus faoi réir uasteorainn nua arna tabhairt isteach. Tá na hathruithe sin dírithe ar na suíomhanna sinsearacha. Cé is moite de na hathruithe a mhínítear thuas (ar an uasteorainn, ar an íosteorainn agus ar an bhfachtóir scálúcháin), níl aon athrú ar an bhfoirmle chun fachtóir (p) a ríomh faoi SEC-IRBA.

Faoi SEC-SA, ina leagtar amach leibhéil chothroma fhachtóir (p) sa chreat, agus gan idirdhealú a dhéanamh ach idir urrúsuithe STS agus urrúsuithe neamh-STS amháin, moltar fachtóir (p) a laghdú le haghaidh suíomhanna sinsearacha.

Faoi SEC-ERBA, athchalabraíodh na hualaí riosca sna táblaí cuardaigh, chun léiriú a thabhairt ar na hathruithe atá beartaithe ar an íosteorainn ualaigh riosca agus ar fhachtóir (p) faoi chur chuige SEC-IRBA agus cur chuige SEC-SA, agus ordlathas na gcineálacha cur chuige á choinneáil ar bun an tráth céanna (i.e. ionas go gcoinneofar ar bun an prionsabal gur cheart na torthaí is coimeádaí a bheith de thoradh ar SEC-ERBA as measc na dtrí chineál cur chuige). Chun léiriú a thabhairt ar thabhairt isteach na híosteorann ualaigh riosca atá íogair i leith riosca, ní mór an fhoirmle lena ríomhtar an íosteorainn ualaigh riosca atá íogair i leith riosca a ionchorprú sna táblaí cuardaigh, le haghaidh na suíomhanna ag a bhfuil na céimeanna cáilíochta creidmheasa is airde (CQSanna) ar dócha go rachaidh siad i dteagmháil leis na hualaí riosca is ísle. Dá bhrí sin, ba cheart d’fhoirmle na híosteorann ualaigh riosca na hualaí riosca nuashonraithe sna táblaí cuardaigh a shárú, má sholáthraíonn sí torthaí níos airde. Mura féidir le bainc KA 17 a ríomh (toisc nach féidir leo paraiméadar w a fháil chun KA a ríomh, mar shampla), ní mór dóibh na hualaí riosca atá ann faoi láthair a úsáid, is iad sin 10 % i gcás urrúsuithe STS nó 15 % i gcás urrúsuithe neamh-STS. Déantar é sin chun an riosca arbatráiste rialála a sheachaint, i gcás ina mbeadh na hualaí riosca a leanfadh as SEC-ERBA le haghaidh na suíomhanna sin a bhfuil na céimeanna cáilíochta creidmheasa is airde acu níos ísle ná na hualaí riosca a bheadh ann faoi na cineálacha cur chuige bunaithe ar fhoirmle (SEC-IRBA agus SEC-SA) (i gcás inar gá an fhoirmle a úsáid chun an íosteorainn ualaigh riosca a ríomh).

Ar an iomlán, is é is aidhm do na hathruithe atá beartaithe torthaí stuama a choinneáil ar bun agus ábhair imní ÚBE agus maoirseachta go bhféadfadh tearc-chaipitliú na suíomhanna mezzanine agus éifeachtaí aille a bheith mar thoradh ar laghdú fhachtóir (p) a chur san áireamh (i.e. cás inarb é a leanfadh as athruithe beaga ar fhachtóir (p) athruithe móra ar na ceanglais chaipitil agus difríochtaí móra idir na ceanglais chaipitil le haghaidh suíomhanna éagsúla).

Suíomhanna athléimneacha

Ina theannta sin, mar fhorbairt ar na tograí sa chomhairle ó Chomhchoiste 2022 maidir leis an athbhreithniú ar an gcreat stuamachta urrúsúcháin, tugtar isteach leis an togra coincheap nua na suíomhanna urrúsúcháin athléimneacha. Is suíomhanna sinsearacha in urrúsuithe iad na suíomhanna urrúsúcháin athléimneacha a chomhlíonann tacar critéar incháilitheachta lena n‑áirithítear riosca íseal gníomhaireachta agus riosca íseal de bharr samhaltaithe agus cumas láidir ionsúcháin caillteanais do na suíomhanna sinsearacha. Cuireann na critéir incháilitheachta le moltaí an Chomhchoiste. Oiriúnaítear iad chun cuid níos mó de na suíomhanna ar an margadh urrúsúcháin a ghabháil, agus torthaí stuama á n‑áirithiú an tráth céanna.

Is iad seo a leanas na ceanglais:

·Riosca laghdaithe gníomhaireachta agus riosca laghdaithe de bharr samhaltaithe. Níl incháilithe ach suíomhanna urrúsúcháin ar gné díobh riosca laghdaithe gníomhaireachta agus riosca laghdaithe de bharr samhaltaithe. Áirítear orthu sin (i) suíomhanna tionscnóirí, in urrúsuithe STS agus neamh-STS araon (ós rud é go bhfuil eolas níos mionsonraithe agus rialú ag tionscnóirí ar na neamhchosaintí foluiteacha agus ar an bpróiseas tionscnaimh urrúsúcháin ná mar atá ag infheisteoirí); (ii) suíomhanna urraitheoirí, in urrúsuithe STS agus neamh-STS araon (ós rud é go bhfuil rochtain ag urraitheoirí ar níos mó faisnéise ná mar atá ag infheisteoirí agus is lú a rioscaí gníomhaireachta ná na rioscaí a bhaineann le suíomhanna infheisteoirí); agus (iii) suíomhanna infheisteoirí - in urrúsuithe STS amháin (toisc go maolaíonn critéir STS an riosca gníomhaireachta agus an riosca de bharr samhaltaithe den chuid is mó). Eisiatar suíomhanna infheisteoirí in urrúsuithe neamh-STS toisc nach laghdaítear an riosca gníomhaireachta ná an riosca de bharr samhaltaithe.

·Sásra amúchta. Ní cheadaítear ach amúchadh seicheamhach, nó amúchadh pro rata, ar choinníoll go n‑áirítear san idirbheart truicir a bhaineann le feidhmíocht lena gceanglaítear aistriú chuig amúchadh seicheamhach. Is é is aidhm dó sin feabhsú creidmheasa coimeádach a áirithiú don suíomh sinsearach i gcaitheamh shaolré an idirbhirt. Is critéir STS iad sin atá ann cheana. Dá bhrí sin, ní mór don urrúsú traidisiúnta an critéar STS atá ann cheana a shainítear in Airteagal 21(5) de Rialachán (AE) 2017/2402 agus an treoraíocht bhreise a sholáthraítear i dTreoirlínte ÚBE maidir le hurrúsú neamh-ABCP EBA/GL/2018/09 a chomhlíonadh. Ní mór d’urrúsú sintéiseach an critéar STS atá ann cheana a shainítear in Airteagal 26c(5) de Rialachán (AE) 2017/2402 a chomhlíonadh, mar aon leis an treoraíocht a sholáthraítear i dTreoirlínte ÚBE maidir leis na critéir STS le haghaidh urrúsú laistigh den chlár comhardaithe EBA/GL/2024/05, agus ceanglais Rialachán Tarmligthe (AE) 2024/920 maidir le truicir a bhaineann le feidhmíocht.

·Comhchruinniú/gráinneacht. Ní mór na neamhchosaintí sa chomhthiomsú a bheith i gcomhréir leis an uasteorainn chomhchruinnithe 2 %, i.e. ní fhéadfaidh neamhchosaintí ar oibleagáideoir aonair a bheith níos mó ná 2 % den luach comhiomlán neamhchosanta. Éascaíonn comhthiomsú gráinneach éagsúlú riosca níos airde, laghdaíonn sé go ginearálta an dóchúlacht go dtarlóidh mainneachtain chomhghaolaithe agus is fearr mar a chosnaíonn sé an suíomh sinsearach ar riosca caillteanas.

·Riosca creidmheasa contrapháirtí (ábhartha d’idirbhearta sintéiseacha amháin). Ní cheadaítear ach cosaint chreidmheasa a dtacaíonn comhthaobhacht ardcháilíochta léi nó cosaint chreidmheasa i bhfoirm ráthaíochtaí arna soláthar ag eisitheoirí ceannasacha nó ag fornáisiúnaigh. Laghdaíonn sé sin riosca creidmheasa an chontrapháirtí a bhaineann leis an gcosaint chreidmheasa ar a bhfuil an tionscnóir neamhchosanta, cuireann sé ar a chumas don tionscnóir na caillteanais arna dtabhú i struchtúir SRT a chúiteamh go tapa agus rannchuidíonn sé le héifeachtacht an aistrithe riosca. Is é is fócas don cheanglas sin an tionscnóir (agus neamhchosaint an tionscnóra ar an suíomh sinsearach) a chosaint, ós gnách gurb é an tionscnóir a choinníonn an suíomh sinsearach in urrúsuithe sintéiseacha.

·Feabhsú creidmheasa íosta (i.e. uastiús) an tsuímh shinsearaigh. Is é is aidhm don cheanglas sin a áirithiú go mbeidh suíomhanna neamhshinsearacha sách tiubh ann chun an suíomh sinsearach a chosaint ar chaillteanais fhéideartha. Tugtar isteach foirmle shonrach chun íosphointe astaithe an tsuímh shinsearaigh a ríomh faoi chur chuige SEC-IRBA. Tá sé sin comhsheasmhach den chuid is mó le hionchais an tSásra Aonair Maoirseachta i gcomhthéacs na measúnuithe maoirseachta SRT. Maidir le cur chuige SEC-SA agus cur chuige SEC-ERBA, tugtar isteach foirmle ar leithligh atá níos éasca a chur chun feidhme agus a sheachnaíonn castachtaí maidir le cur i bhfeidhm na foirmle a chuirtear i bhfeidhm faoi chineálacha cur chuige SEC-IRBA (mar shampla, castachtaí i ríomh na gcaillteanas ionchasach saoil faoin gcur chuige caighdeánaithe). San fhoirmle chun an t‑íosphointe astaithe a ríomh faoi chur chuige SEC-IRBA, úsáidtear meánré ualaithe (WAL) na punainne tagartha tosaigh mar cheann de na hionchuir. Ba cheart WAL a ríomh go comhsheasmhach leis an treoraíocht a sholáthraítear sna Treoirlínte maidir leis na critéir STS (EBA/GL/2024/05), rud atá comhsheasmhach leis na toimhdí i ndáil le ríomh WAL faoi Threoirlínte ÚBE maidir le cinneadh mheánaibíocht ualaithe na n‑íocaíochtaí conarthacha atá dlite faoin tráinse (EBA/GL/2020/04). Dá réir sin, níor cheart aon réamhíocaíocht le haghaidh urrúsuithe sintéiseacha a chur san áireamh agus WAL á ríomh, agus i gcás urrúsú fíordhíolacháin, ba cheart a cheadú go dtabharfar na réamhíocaíochtaí san áireamh faoi choinníollacha sonracha (mar a leagtar amach i roinn 4.3.2 de na treoirlínte faoi seach).

Sa chleachtas, i gcás urrúsuithe STS, níl ach dhá cheann de na cúig chritéar ina gcritéir nua, toisc go bhfuil na critéir maidir le sásra amúchta, comhchruinniú/gráinneacht agus riosca creidmheasa contrapháirtí ann cheana féin mar chritéir STS (a leagtar amach sa Rialachán maidir le hUrrúsú) nó mar chritéir ‘STS+’ le haghaidh láimhseáil fhabhrach caipitil (a leagtar amach in Airteagal 243 CRR).

Ceadaítear do shuíomhanna urrúsúcháin a chomhlíonann na critéir thuas tairbhiú de laghduithe breise ar na híosteorainneacha ualaigh riosca agus, i gcás suíomhanna áirithe infheisteoirí, de laghduithe ar fhachtóir (p) freisin.

Sonraítear na critéir sin in Airteagal 243 CRR. Sonraítear anois in Airteagal 243 CRR dhá thacar critéar le haghaidh láimhseáil dhifreáilte caipitil: ar an gcéad dul síos, critéir atá ann cheana le haghaidh urrúsuithe STS atá incháilithe do láimhseáil caipitil STS, agus ar an dara dul síos, critéir nua ‘athléimneachta’ le haghaidh suíomhanna urrúsúcháin chun go mbeidh siad incháilithe do láimhseáil caipitil níos fabhraí ná suíomhanna (neamh-athléimneacha) eile.

Maolaítear mar a leanas an riosca arbatráiste rialála (ina ndreasófaí an institiúid tionscnóra chun suíomh sinsearach atá tiubh go míchuí a struchtúrú chun tairbhiú d’fhachtóir (p) níos ísle agus de na hualaí riosca níos ísle): i gcás suíomhanna athléimneacha, trí cheanglas ‘athléimneachta’ maidir le huastiús an tsuímh shinsearaigh; agus i gcás suíomhanna eile, tríd an gcreat um aistriú riosca shuntasaigh, i gcás ina gcuireann an tástáil nua cur chuige bunaithe ar phrionsabal cosc ar arbatráiste den sórt sin. Ar an gcaoi chéanna, ní féidir le hinstitiúidí creidmheasa a infheistíonn i suíomhanna sinsearacha d’urrúsú STS tairbhiú d’fhachtóir (p) níos ísle ach amháin má tá an suíomh athléimneach agus, dá bhrí sin, má chomhlíonann sé an ceanglas maidir le tiús an tsuímh.

Na hathruithe uile atá beartaithe ar na híosteorainneacha ualaigh riosca agus ar fhachtóir (p), déantar achoimre orthu sna trí thábla seo a leanas.

Tábla 1: Ceanglais an chreata atá ann faoi láthair

Tábla 2: Na ceanglais atá beartaithe maidir le hidirbhearta a bhfuil suíomhanna athléimneacha acu (is i gcló trom a léirítear na hathruithe i gcomparáid leis an gcreat atá ann faoi láthair, is i gcló trom agus líne fúthu a léirítear na hathruithe i gcomparáid leis an láimhseáil atá beartaithe maidir le hidirbhearta eile)

Tábla 3: Na ceanglais atá beartaithe maidir le hidirbhearta ag a bhfuil suíomhanna nach suíomhanna athléimneacha iad (is i gcló trom a léirítear na hathruithe i gcomparáid leis an gcreat atá ann faoi láthair)

*Ciallaíonn KIRB muirear caipitil ar na neamhchosaintí foluiteacha in urrúsú agus úsáid á baint as creat IRB (bunaithe ar rátálacha inmheánacha). Ciallaíonn KA muirear caipitil ar na neamhchosaintí foluiteacha in urrúsú, arna choigeartú chun feidhmíocht dhíobhálach a léiriú, agus úsáid á baint as an gcreat caighdeánaithe.

Le tuarascáil ÚBE ar an aistriú riosca shuntasaigh 18 a foilsíodh in 2020, doiciméadaíodh go bhfuil roinnt teorainneacha ag baint leis an gcreat rialála SRT atá in CRR cheana féin, go háirithe i dtrí réimse: a) na tástálacha SRT, a mbaineann a dteorainneacha le léirmhíniú na dtairseach agus na dtomhas cainníochtúil a úsáidtear i dtástálacha meicniúla CRR agus leis an tástáil cháilíochtúil ‘comhchuimseachta’ i gcoitinne, nach soláthraítear le CRR ach critéir ardleibhéil ina leith; (b) an próiseas a chuireann údaráis inniúla i bhfeidhm chun measúnú a dhéanamh ar SRT, agus c) gnéithe struchtúracha sonracha d’idirbhearta urrúsúcháin, a d’fhéadfadh dochar a dhéanamh do cheanglais SRT a chomhlíonadh ar bhonn leanúnach agus, dá bhrí sin, difear a dhéanamh d’éifeachtacht an aistrithe riosca. Chuir teorainneacha sin an chreata le héiginnteacht sa mhargadh agus le moilleanna ar údaráis inniúla measúnú a dhéanamh ar roinnt idirbhearta urrúsúcháin. I gcásanna áirithe, d’fhág siad freisin go raibh neamhréireachtaí gan údar i dtorthaí SRT agus i ríomhanna caipitil i láimhseáil SRT urrúsuithe a bhfuil saintréithe inchomparáide acu ó Bhallstát go chéile.

Is é is aidhm do na leasuithe ar an gcreat SRT aghaidh a thabhairt ar na teorainneacha ar an gcreat SRT a shainaithnítear thuas (i.e. teorainneacha a bhaineann leis na tástálacha SRT atá ann faoi láthair, gnéithe struchtúracha d’urrúsuithe agus próisis mhaoirseachta) agus an creat SRT a dhéanamh níos comhsheasmhaí agus níos intuartha. Feabhsaítear intuarthacht SRT trí phríomheilimintí an mheasúnaithe SRT a leagan síos, lena n‑áirítear dearadh leathan na tástála nua SRT, in CRR. Is faoi chaighdeáin theicniúla rialála ÚBE a fhágtar oibríochtú mhionsonraí teicniúla na tástála, ceanglais a mhéid a bhaineann leis na gnéithe struchtúracha agus prionsabail an phróisis measúnaithe maoirseachta.

An tástáil nua cur chuige bunaithe ar phrionsabal a chur in ionad na dtástálacha meicniúla atá ann faoi láthair

I gcomhréir le moltaí ÚBE, agus an aidhm ann aghaidh a thabhairt ar na teorainneacha a shainaithnítear i ndáil leis na tástálacha meicniúla atá ann cheana, tugtar isteach tástáil nua cur chuige bunaithe ar phrionsabal (tástáil PBA) a chuirtear in ionad an dá thástáil mheicniúla atá ann cheana. Leis an tástáil PBA sin, ceanglaítear ar an tionscnóir 50 % ar a laghad de chaillteanais neamhionchasacha neamhchosaintí phunann fholuiteach an idirbhirt urrúsúcháin a aistriú chuig tríú páirtithe.

Ina theannta sin, tugtar isteach ceanglas nua ar an tionscnóir féinmheasúnú a chur faoi bhráid an údaráis inniúil. Ba cheart a léiriú leis an bhféinmheasúnú go gcomhlíontar aistriú riosca shuntasaigh, lena n‑áirítear faoi dhálaí struis. Mar chuid den fhéinmheasúnú sin, ba cheart don tionscnóir anailís sreabhaidh airgid a chur ar fáil lena soláthraítear fianaise ar inbhuanaitheacht SRT i gcaitheamh shaolré an idirbhirt agus lena léirítear conas a dhéantar caillteanais ionchasacha saoil agus caillteanais neamhionchasacha na neamhchosaintí urrúsaithe a leithdháileadh ar shuíomhanna an idirbhirt. Ba cheart an bhunlíne agus dálaí struis araon a chumhdach leis an anailís sreabhaidh airgid agus ba cheart í a dhéanamh ag an túsphointe ar feadh shaolré iomlán an idirbhirt. Ar deireadh, ba cheart a áireamh san fhéinmheasúnú freisin faisnéis maidir leis an bhfaoiseamh caipitil a bhaintear amach leis an urrúsú. Ba cheart go gcuirfeadh sé sin ar a chumas don mhaoirseoir measúnú a dhéanamh cé acu atá nó nach bhfuil méid díréireach faoisimh caipitil mar thoradh ar urrúsú a bhfuil gnéithe casta nó nuálacha aige i gcomparáid leis an riosca a aistrítear. Go ginearálta, d’fhágfadh an féinmheasúnú go mbeadh sé níos éasca do na húdaráis inniúla na gnéithe sin d’idirbhearta urrúsúcháin ar gá aird níos mó maoirseachta a thabhairt orthu a shainaithint. Chuirfeadh sé sin ar a gcumas dóibh trédhearcacht agus intuarthacht níos fearr a chur ar fáil do thionscnóirí agus an measúnú SRT a chuíchóiriú.

I bhfianaise scriosadh na dtástálacha meicniúla, tá sé beartaithe freisin an sainmhíniú ar an suíomh urrúsúcháin mezzanine a scriosadh. Tá an sainmhíniú iomarcach anois, ó tharla gur i gcomhthéacs na dtástálacha meicniúla a rinneadh an t‑aon tagairt amháin don suíomh mezzanine. Thairis sin, ba cheart leasú a thabhairt isteach freisin sa sainmhíniú ar an suíomh sinsearach, áit ar cheart coinníoll/soiléiriú breise a thabhairt isteach gur gá an tráinse sinsearach a astú os cionn KIRB/KA.

In am trátha, eiseoidh ÚBE caighdeán teicniúil rialála ina mbeidh na nithe seo a leanas: (i) tuilleadh mionsonraí maidir leis na coinníollacha faoina gcuirfidh na húdaráis inniúla an tástáil PBA i bhfeidhm, agus (ii) sainiúlachtaí teicniúla an fhéinmheasúnaithe agus an tsamhaltaithe sreabhaidh airgid (lena n‑áirítear caighdeáin maidir leis na caillteanais ionchasacha saoil agus na caillteanais neamhionchasacha a leithdháileadh ar na suíomhanna). Ba cheart a áirithiú leis sin go gcuirfear an tástáil PBA chun feidhme go haonchineálach agus go dtabharfar aghaidh ar na príomhábhair imní a chuir páirtithe leasmhara in iúl maidir leis na hábhair sin. Ina theannta sin, déileálfaidh na caighdeáin theicniúla rialála le gnéithe struchtúracha a d’fhéadfadh bac a chur ar aistriú riosca shuntasaigh, ar aon dul leis na moltaí a rinneadh i dtuarascáil ÚBE maidir le SRT.

Faoin togra, déanfar an cur chuige bunaithe ar chead atá ann faoi láthair – nach n‑úsáidtear ach go hannamh – a bhaint de CRR (i.e. ní cheadaítear a thuilleadh SRT a bhaint amach trí chead arna dheonú ag an údarás inniúil).

Solúbthacht maoirseachta a chaomhnú

Tá sé ríthábhachtach go gcaomhnófar solúbthacht do na húdaráis inniúla ina measúnuithe SRT, agus an inniúlacht athbhreithniú cuimsitheach a dhéanamh ar idirbhearta SRT má tá idirbhearta casta agus nuálacha ann. Leagfar amach sna caighdeáin theicniúla rialála arna bhforbairt ag ÚBE tuilleadh mionsonraí maidir leis na coinníollacha faoina gcuirfidh na húdaráis inniúla an t‑athbhreithniú cuimsitheach ar SRT i bhfeidhm.

Próiseas an mheasúnaithe maoirseachta SRT

Ní chumhdaítear le CRR faoi láthair próiseas an mheasúnaithe maoirseachta SRT. Ba cheart prionsabail ardleibhéil lena rialaítear measúnuithe maoirseachta SRT a chomhchuibhiú ar leibhéal an Aontais agus é d’aidhm ag an gcomhchuibhiú sin na prionsabail a dhéanamh níos éifeachtúla. Ba cheart do ÚBE na prionsabail ardleibhéil sin a cheapadh sna caighdeáin theicniúla rialála. Ba cheart a áireamh orthu sin freisin prionsabail ardleibhéil le haghaidh mearphróiseas i gcomhair urrúsuithe cáilitheacha, lena gcuirfear le moltaí ÚBE agus lena dtarraingeofar ar an taithí ar an bpróiseas mear atá á fhorbairt faoi láthair ag an Sásra Aonair Maoirseachta i gcomhar leis an gCónaidhm Baincéireachta Eorpach.

Ba cheart a thabhairt isteach mar chuid den athbhreithniú roinnt leasuithe agus réitigh theicniúla a mhol ÚBE agus páirtithe leasmhara i gcomhairliúchán an Choimisiúin.

–Céadroghanna ama ar cheannach in urrúsuithe sintéiseacha agus dreasacht dhearfach i gcomhthéacs Airteagal 238. Áirítear soiléiriú in Airteagal 238 nach ann do dhreasacht dhearfach i gcéadroghanna ama ar cheannach, dá dtagraítear in Airteagal 238, chun neamhréir aibíochta a chinneadh, ach amháin i gcás ina n‑áirítear sa chonradh, tráth a thionscanta, téarmaí ar cosúil go bhfuil sé beartaithe leo méadú a dhéanamh ar a bhuntáistí atá feidhmiú na céadrogha ama ar cheannach (amhail cúpón uaschéimnithe, an fhéidearthacht go bhfeidhmeofar céadrogha ama ar cheannach níos annaimh ná ar bhonn bliantúil tar éis dháta na chéad céadrogha ama incháilithe ar cheannach, nó scaoileadh comhthaobhachta lena n‑urraítear éilimh cheannaitheoir na cosanta ar dháta na chéad céadrogha ama incháilithe ar cheannach nó ina diaidh).

–Critéir le haghaidh urrúsuithe STS atá incháilithe do láimhseáil dhifreáilte caipitil (STS) in Airteagal 243. Tá gá le roinnt coigeartuithe chun go mbeidh an creat urrúsúcháin comhsheasmhach le hathruithe ar ualaí riosca a chuirtear i bhfeidhm maidir le cineálacha áirithe neamhchosaintí faoin gcreat riosca creidmheasa, mar a thugtar isteach leis an Rialachán maidir le Ceanglais Chaipitil III.

·Ar an gcéad dul síos, an ceanglas maidir le teorainn ualaigh riosca 75 % le haghaidh neamhchosaintí miondíola ar bhonn daoine aonair, déantar é a scriosadh agus a chumasc leis an gceanglas maidir le huasualú riosca 100 % le haghaidh aon neamhchosaint eile ar bhonn daoine aonair. D’fhágfadh sé sin go mbeadh neamhchosaintí miondíola ar bhonn daoine aonair ar mó iad ná EUR 1 mhilliún incháilithe, mar shampla.

·Ar an dara dul síos, méadaítear an teorainn ualaigh riosca 50 % i gcás morgáistí tráchtála go 60 %. Leis sin, choinneofaí ar bun an cur chuige a cuireadh i bhfeidhm faoin gcóras CRR a bhí ann roimhe seo, lena gcuirtear teorainn iasachta/luacha 50 % i bhfeidhm maidir le neamhchosaintí ar réadmhaoin tráchtála nach ngineann ioncam. Fágann sé sin freisin nach mbeadh neamhchosaintí ar réadmhaoin tráchtála nach ngineann ioncam, rud nach bhfuil inmhianaithe don lipéad STS, incháilithe.

·Ar an tríú dul síos, ní thugtar isteach aon athrú ar an teorainn ualaigh riosca a chuirtear i bhfeidhm maidir le morgáistí cónaithe. Go deimhin, fágann an teorainn 40 % gur féidir teorainn iasachta/luacha 80 % a choinneáil ar bun i gcás fhormhór na neamhchosaintí agus, an tráth céanna, gur féidir sciar níos airde de neamhchosaintí ar réadmhaoin chónaithe nach ngineann ioncam, ar neamhchosaintí iad a bhfuil teorainn iasachta/luacha 100 % acu, a choinneáil ar bun ná a rinneadh faoin gcóras CRR a bhí ann roimhe seo. Fágann sé sin gur féidir neamhchosaintí ar réadmhaoin chónaithe a ghineann ioncam a áireamh.

–Soiléirithe i ndáil le hAirteagal 248(1). An sainordú a thugtar do ÚBE in Airteagal 248(1) chun caighdeáin theicniúla rialála a dhréachtú lena sonraítear cad is modh coimeádach iomchuí ann chun méid ainmniúil na coda neamhtharraingthe de shaoráid leachtachta a ríomh, scriostar é toisc go meastar nach gá aon soiléiriú breise maidir le ríomh mhéid ainmniúil na coda tarraingthe, thar a leagtar amach cheana féin san Airteagal ábhartha. Chomh maith leis sin, ós simplí an rud é méid ainmniúil na coda neamhtharraingthe a ríomh (an mhír lasmuigh den chlár comhardaithe), toisc gur féidir é a chinneadh mar an difríocht idir méid ainmniúil iomlán na saoráide leachtachta agus méid ainmniúil na coda tarraingthe (mír laistigh den chlár comhardaithe), scriostar an ceanglas a bhí ar an institiúid a léiriú go gcuirtear modh coimeádach iomchuí i bhfeidhm chun méid na coda neamhtharraingthe a thomhas.

–Coigeartuithe sonracha i leith riosca creidmheasa (SCRAnna) a láimhseáil chun ceanglais chaipitil iar-urrúsúcháin a ríomh, faoi Airteagal 248(1)(d). Leasaítear Airteagal 248(1)(d) chun an fhéidearthacht go n‑asbhainfí SCRAnna a leathnú freisin chuig tráinsí dar sannadh ualach riosca níos ísle ná 1 250 %, ar choinníoll go bhfuil pointe astaithe A acu atá níos lú ná KIRB nó KA. Má chomhlíontar an coinníoll sin, féadfar an suíomh urrúsúcháin a láimhseáil mar dhá shuíomh urrúsúcháin: an suíomh níos sinsearaí ina bhfuil A cothrom le KIRB nó KA agus an suíomh sóisearach ina bhfuil A faoi bhun KIRB nó KA agus pointe dí-astaithe D cothrom le KIRB nó KA. Sa chás sin, beidh SCRAnna in-asbhainte ó luach neamhchosanta an tsuímh sin atá níos sóisearaí, agus uaidh sin amháin, dá sannfaí ualach riosca 1 250 %.

–Soiléiriú maidir le luach neamhchosanta bharrachas an raoin difríochta shintéisigh faoi Airteagal 248(1), pointe (e). Áirítear roinnt mionsoiléirithe teicniúla san fhoráil maidir le luach neamhchosanta bharrachas an raoin difríochta shintéisigh a ríomh, amhail an tagairt do bharrachas raoin difríochta shintéisigh arna ainmniú de réir conartha a aistriú chuig an abairt tosaigh agus í a scriosadh ó phointí (i) go (iv), chun athrá gan ghá a sheachaint.

–Coinníollacha in Airteagal 254(1)(c) faoi nach bhféadfar SEC-SA a úsáid. Sainítear ordlathas na gcineálacha cur chuige le hAirteagal 254(1). Mar sin féin, ní shonraítear go maith na coinníollacha faoi nach bhféadfar SEC-SA a úsáid. Leasaítear Airteagal 254(1)(c) dá bhrí sin chun a shoiléiriú go sonraítear i míreanna 2 agus 4 den airteagal céanna na cásanna nach bhféadfar SEC-SA a úsáid iontu. Sonraítear leis na míreanna sin faoi seach na coinníollacha maidir le haistriú éigeantach chuig SEC-ERBA agus na cásanna ina gcuireann an t‑údarás inniúil ábhartha toirmeasc ar SEC-SA a úsáid.

–Raon feidhme chur i bhfeidhm chur chuige an mheasúnaithe inmheánaigh faoi Airteagal 254(4). Leasaítear Airteagal 254(5) CRR chun a shoiléiriú nach féidir cur chuige an mheasúnaithe inmheánaigh a chur in ionad chur i bhfeidhm éigeantach SEC-IRBA, ach go bhféadfar é a úsáid mar mhalairt ar chur i bhfeidhm cineálacha cur chuige eile, i.e. SEC-SA, SEC-ERBA nó ualach riosca 1 250 % a chur i bhfeidhm, agus mar mhalairt orthu sin amháin.

–Ríomh KA in Airteagal 256(1) laistigh de chur i bhfeidhm SEC-SA. Leasaítear Airteagal 255(6) chun a shoiléiriú nár cheart KSA a ríomh ach ar bhonn cheanglais chaipitil na neamhchosaintí nár mhainnigh sa chomhthiomsú neamhchosaintí foluiteacha, chun comhaireamh dúbailte na neamhchosaintí sin a sheachaint agus KA á ríomh i gcomhréir le hAirteagal 261(2) CRR. Tugtar sainmhíniú in Airteagal 261(2) ar ‘neamhchosaint ar mainneachtain’ chun W a ríomh; ba cheart an sainmhíniú sin a úsáid freisin chun KSA a ríomh, chun comhsheasmhacht a áirithiú idir an fhoirmle le haghaidh KA agus ríomh KSA. Ina theannta sin, leasaítear an dara fomhír d’Airteagal 255(6) chun a shoiléiriú gur cheart KSA a ríomh ar bhonn luach neamhchosanta na neamhchosaintí foluiteacha, agus aon SCRA agus aon choigeartú luacha breise maidir leis na neamhchosaintí foluiteacha sin san áireamh (agus gan é a ríomh glan orthu sin).

–Neamhchosaintí ar mainneachtain a láimhseáil i ríomh pointí astaithe agus dí-astaithe in Airteagal 256. Soiléirítear, chun pointí astaithe agus dí-astaithe na dtráinsí a ríomh, gur cheart iarmhéid gan íoc an chomhthiomsaithe neamhchosaintí urrúsaithe a laghdú faoin méid caillteanas a leithdháileadh cheana féin ar na tráinsí i leith na neamhchosaintí ar mainneachtain atá fós ar áireamh sa phunann urrúsúcháin. Déantar é sin chun a áirithiú go dtugann ríomh pointí astaithe agus dí-astaithe tráinse léiriú leordhóthanach ar iarmhéid na neamhchosaintí urrúsaithe. Tá sé sin ábhartha i gcás tráinse a díluacháladh chun léiriú a thabhairt ar chaillteanais ó na neamhchosaintí urrúsaithe atá fágtha sa phunann urrúsaithe. I gcomhréir leis an soiléiriú a sholáthraítear in Airteagal 256, leasaítear Airteagal 261(2) chun a shoiléiriú, chun críche na foirmle le haghaidh pharaiméadar W, gurb é méid ainmniúil na neamhchosaintí ar mainneachtain luach cuntasaíochta na neamhchosaintí ar mainneachtain lúide aon mhéid faoinar díluacháladh na tráinsí cheana féin chun caillteanais ó na neamhchosaintí ar mainneachtain ar ionsú, nó caillteanais arna n‑ionsú ag barrachas an raoin difríochta.

–Ríomh K le haghaidh comhthiomsuithe measctha faoi Airteagal 259(7). Cuirtear KA in ionad KSA 19 san fhoirmle lena sonraítear ríomh KIRB le haghaidh comhthiomsuithe measctha. Tá KA níos oiriúnaí san fhoirmle ná KSA, toisc go léiríonn KA na ceanglais chaipitil atá le húsáid san fhoirmle le haghaidh neamhchosaintí i gcomhthiomsú measctha a láimhseáiltear faoi SEC-SA.

–Soiléirithe i ndáil le ríomh na huasteorann foriomláine ar cheanglais chaipitil le haghaidh suíomh urrúsúcháin, faoi Airteagal 268(1). Leasaítear Airteagal 268(1) chun ríomh na huasteorann foriomláine ar cheanglais chaipitil le haghaidh suíomh urrúsúcháin faoi Airteagal 268 a ailíniú leis an leasú a rinneadh maidir le hurrúsuithe neamhchosaintí neamhthuillmheacha in Airteagal 269a(5) CRR. Dá thoradh sin, tionscnóirí a úsáideann SEC-IRBA i gcás urrúsuithe nach urrúsuithe neamhchosaintí neamhthuillmheacha iad, ba cheart dóibh SCRAnna a bhaint as comhpháirt caillteanais ionchasaigh KIRB (ceanglais chaipitil le haghaidh na neamhchosaintí foluiteacha) chun an uasteorainn fhoriomlán a ríomh i gcomhréir le hAirteagal 268, ar an gcaoi chéanna a gceadaítear i gcás urrúsuithe neamhchosaintí neamhthuillmheacha. Déantar é sin chun comhsheasmhacht le cur chuige IRB a áirithiú agus na ceanglais chaipitil roimh urrúsú agus, dá bhrí sin, an uasteorainn á ríomh i gcomhréir le hAirteagal 268. Ina theannta sin, ba cheart Airteagal 268(1) a leasú chun deireadh a chur leis an srian atá ann cheana, ar dá réir nach féidir le hinfheisteoirí SEC-SA agus SEC-ERBA an uasteorainn ar na ceanglais chaipitil a chur i bhfeidhm, óir níl údar leis an srian.

–Tráinsí lánchaipitlithe a ghearradh amach ó ríomh V (i.e. an cion is mó úis atá i seilbh na hinstitiúide sna tráinsí ábhartha) in Airteagal 268(3) CRR: Áirítear rogha chun aon tráinse ina iomláine a gcuireann an tionscnóir ualach riosca 1 250 % i bhfeidhm ina leith nó a bhaintear as míreanna Ghnáthchothromas Leibhéal 1 (CET1) a ghearradh amach ó ríomh V (i.e. an cion is mó úis atá i seilbh na hinstitiúide sna tráinsí ábhartha) faoi Airteagal 268(3) CRR, i gcomhréir le pointe (k) d’Airteagal 36(1). Is é ba cheart a bheith san uascheanglas caipitil suim na gceanglas caipitil arna ríomh faoi Chaibidil 2 nó 3 maidir leis na ‘glan-neamhchosaintí foluiteacha’, i.e. an neamhchosaint fholuiteach iomlán glan ó luach na neamhchosanta i gcoibhneas leis an tráinse gearrtha amach, arna hiolrú faoi V athbhreithnithe agus suim luachanna neamhchosanta (atá cothrom leis na ceanglais chaipitil tar éis urrúsú) na suíomhanna urrúsúcháin a ghearrtar amach ó ríomh V. Ba cheart raon feidhme na rogha sin a bheith chomh leathan céanna leis an raon feidhme leasaithe atá beartaithe d’Airteagal 268(1).

–Cuirtear aithris 11 isteach chun soiléiriú a dhéanamh ar bhunréasúnaíocht mhír 2 d’Airteagal 254 maidir leis na rialacha cainníochtúla chun aistriú chuig SEC-ERBA, agus ar raon feidhme chur i bhfeidhm beartaithe an cheanglais sin. Is é is aidhm dó sin a áirithiú go ndéanfaidh na húdaráis inniúla agus na hinstitiúidí ar fud an Aontais an ceanglas a léirmhíniú agus a chur i bhfeidhm go comhsheasmhach. Soiléirítear san aithris gurb é is aidhm don airteagal úsáid éigeantach SEC-ERBA a sheachaint i ndáil le hidirbhearta arb í an uasteorainn cheannasach – agus ní próifíl riosca na n‑idirbheart – an tiomántóir is mó agus na hualaí riosca faoin gcur chuige sin á gcinneadh ina leith.

–Tuarascálacha maidir le hurrúsuithe STS laistigh den chlár comhardaithe faoi Airteagal 270(2) agus (3). In ionad an tsainordaithe le haghaidh tuarascálacha ón gCoimisiún i ndáil le hurrúsuithe STS laistigh den chlár comhardaithe, cuirtear sainordú le haghaidh tuarascáil faireacháin níos ginearálta ó ÚBE, faoi Airteagal 506d(2), agus tuarascáil níos ginearálta ón gCoimisiún, faoi Airteagal 506d(1).

2025/0825 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) Uimh. 575/2013 maidir le ceanglais stuamachta i gcomhair institiúidí creidmheasa a mhéid a bhaineann le ceanglais le haghaidh neamhchosaintí ar urrúsú

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 20 ,

Ag féachaint don tuairim ón mBanc Ceannais Eorpach 21 ,

Ag féachaint don tuairim ó Choiste na Réigiún 22 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Is cuid thábhachtach de mhargaí airgeadais dea-fheidhmiúla iad idirbhearta urrúsúcháin toisc go gcuidíonn siad le foinsí cistiúcháin institiúidí creidmheasa a éagsúlú agus go gcumasaíonn siad scaoileadh caipitil rialála is féidir a ath-leithdháileadh ansin chun tacú le hiasachtú breise. Thairis sin, soláthraíonn urrúsuithe deiseanna infheistíochta breise d’institiúidí creidmheasa agus do rannpháirtithe eile sa mhargadh lena ngabhann comhbhabhtálacha sonracha riosca agus luaíochta. Fágann sé sin gur féidir punann a éagsúlú níos fearr agus riosca a athdháileadh sa chóras airgeadais i gcoitinne. Éascaíonn sé freisin an sreabhadh cistí chuig gnólachtaí agus daoine aonair laistigh de na Ballstáit agus ar bhonn trasteorann ar fud an Aontais araon.

(2)Tá infheistíocht shuntasach de dhíth ar an Aontas chun go leanfaidh sé de bheith athléimneach agus iomaíoch. Is féidir leis an gcreat urrúsúcháin rannchuidiú le córas airgeadais níos éagsúlaithe agus le comhroinnt riosca níos mó. Mar sin féin, tá baic ábhartha ar eisiúint urrúsuithe agus ar an infheistíocht iontu. Imríonn na baic sin tionchar ar fhorbairt an mhargaidh urrúsúcháin. Na ceanglais caipitil rialála a leagtar síos i Rialachán (AE) Uimh. 575/2013 ó Pharlaimint na hEorpa agus ón gComhairle 23 maidir le hinstitiúidí a thionscnaíonn urrúsuithe nó a dhéanann urraíocht orthu nó infheistíocht iontu, níl siad sách íogair i leith riosca agus ionchorpraítear iontu freisin leibhéal coimeádachais gan údar. Ní aithnítear go cruinn leis na ceanglais atá ann faoi láthair dea-fheidhmíocht chreidmheasa urrúsuithe an Aontais ná na maolaitheoirí riosca a cuireadh chun feidhme i gcreataí rialála agus maoirseachta an Aontais maidir le hurrúsú. Leis na creataí sin, laghdaíodh go mór an riosca gníomhaireachta agus an riosca de bharr samhaltaithe atá leabaithe in idirbhearta urrúsúcháin.

(3)Ba cheart na ceanglais chaipitil le haghaidh urrúsuithe faoi Rialachán (AE) Uimh. 575/2013 a leasú chun an íogaireacht i leith riosca a mhéadú agus caipitliú iomarcach a laghdú tríd an láimhseáil caipitil a ailíniú níos fearr leis na rioscaí foluiteacha. Ina theannta sin, ba cheart leasuithe spriocdhírithe a thabhairt isteach chun maolú a dhéanamh ar na neamhréireachtaí míchuí idir na ceanglais chaipitil faoi dhá chur chuige éagsúla: an cur chuige bunaithe ar rátálacha inmheánacha urrúsúcháin (SEC-IRBA) agus an cur chuige caighdeánaithe urrúsúcháin (SEC-SA). Leis an maolú sin ba cheart rannpháirtíocht institiúidí creidmheasa beaga agus meánmhéide a úsáideann an cur chuige caighdeánaithe a mhéadú.

(4)Is éard is íosteorainneacha ualaigh riosca ann íosualaí riosca nach mór d’institiúidí creidmheasa a chur i bhfeidhm maidir lena neamhchosaintí sinsearacha ar urrúsú, fiú i gcás ina dtabharfaidh na ríomhanna caipitil le fios go bhféadfaí ualach riosca níos ísle a chur i bhfeidhm. Ba cheart íosteorainneacha ualaigh riosca le haghaidh suíomhanna sinsearacha urrúsúcháin a dhéanamh níos íogaire i leith riosca, rud a d’fhágfadh go mbeifí in ann léiriú a thabhairt ar a rioscúla atá comhthiomsú foluiteach neamhchosaintí gach urrúsaithe shonraigh. Maidir le suíomhanna urrúsúcháin sinsearacha in urrúsuithe punann ísealriosca, ba cheart a cheadú go dtairbheoidís d’íosteorainneacha ualaigh riosca níos ísle ná suíomhanna urrúsúcháin sinsearacha in urrúsuithe punann a bhfuil riosca níos airde ag baint leo. Ba cheart an cur chuige nua sin, a d’fhágfadh go ndéanfaí íosteorainneacha ualaigh riosca a ríomh bunaithe ar fhoirmle shonrach, a chur in ionad an chur chuige atá ann cheana lena socraítear íosteorainneacha ualaigh riosca ar leibhéil chomhréidh, gan beann ar cháilíocht chreidmheasa an chomhthiomsaithe fholuitigh neamhchosaintí. Leis an bhfoirmle nua, ba cheart a bheith in ann stádas urrúsaithe a léiriú mar urrúsú simplí, trédhearcach agus caighdeánaithe (STS) nó mar urrúsú neamh-STS. Chun laghduithe iomarcacha ar na ceanglais chaipitil a sheachaint, ba cheart íostairseach a thabhairt isteach i leith na n‑íosteorainneacha ualaigh riosca.

(5)Chun níos mó íogaireacht i leith riosca a sholáthar sa chreat urrúsúcháin, agus láimhseáil stuama rialála a choinneáil ar bun an tráth céanna, is gá coigeartú a dhéanamh, faoi chur chuige SEC-IRBA, ar an bhfoirmle le haghaidh fhachtóir (p) chun an íosteorainn a laghdú agus chun an fachtóir scálúcháin a laghdú, agus is gá uasteorainn a thabhairt isteach ar fhachtóir (p), go príomha i gcás suíomhanna urrúsúcháin sinsearacha institiúidí creidmheasa tionscnóra/urraitheora. Ar an gcúis chéanna, faoi chur chuige SEC-SA, is gá fachtóir (p) a laghdú i gcás suíomhanna urrúsúcháin sinsearacha. Na hathruithe ar fhachtóir (p) i gcás suíomhanna urrúsúcháin neamhshinsearacha, ba cheart iad a bheith ina mionathruithe chun tearc-chaipitliú na suíomhanna sin a chosc. Na hathruithe ar fhachtóir (p) i gcás suíomhanna infheisteoirí in urrúsuithe neamh-STS agus i gcás suíomhanna urrúsúcháin neamhshinsearacha in urrúsuithe STS, ba cheart iad a bheith ina mionathruithe toisc nach gné de na suíomhanna sin riosca laghdaithe gníomhaireachta ná riosca laghdaithe de bharr samhaltaithe.

(6)Tá suíomhanna urrúsúcháin sinsearacha athléimneach má chomhlíonann an t‑urrúsú tacar critéar incháilitheachta ar an dáta tionscanta agus ar bhonn leanúnach ina dhiaidh sin. Leis an tacar critéar incháilitheachta sin, áirithítear cosaint an tsuímh urrúsúcháin shinsearaigh agus maolaítear riosca gníomhaireachta agus riosca de bharr samhaltaithe. Ba cheart go dtairbheodh na suíomhanna urrúsúcháin athléimneacha sin de laghduithe breise ar na híosteorainneacha ualaigh riosca agus ar fhachtóir (p), i gcomparáid le suíomhanna nach gcomhlíonann na critéir incháilitheachta. Maidir le hinfheisteoirí ar institiúidí creidmheasa iad, níor cheart a cheadú dá suíomhanna i suíomhanna urrúsúcháin sinsearacha d’urrúsuithe neamh-STS tairbhiú de na laghduithe breise sin, toisc nach saintréithe díobh riosca laghdaithe gníomhaireachta ná riosca laghdaithe de bharr samhaltaithe.

(7)Mar gheall ar na hathruithe ar an íosteorainn ualaigh riosca le haghaidh suíomhanna urrúsúcháin sinsearacha agus ar fhachtóir (p) faoi chur chuige SEC-IRBA agus cur chuige SEC-SA, ba cheart na hualaí riosca sna táblaí cuardaigh faoi SEC-ERBA a athchalabrú dá réir sin.

(8)Ba cheart athruithe ar an gcreat um aistriú riosca shuntasaigh (SRT) a thabhairt isteach chun aghaidh a thabhairt ar na teorainneacha a shainaithnítear sa chreat sin i ndáil leis na tástálacha meicniúla atá ann faoi láthair lena dtomhaistear suntasacht an riosca a aistrítear trí urrúsú, i ndáil le gnéithe struchtúracha sonracha d’idirbhearta urrúsúcháin a d’fhéadfadh dochar a dhéanamh do cheanglais SRT a chomhlíonadh, agus i ndáil le próisis arna gcur i bhfeidhm ag údaráis inniúla chun measúnú a dhéanamh ar SRT, agus chun an creat sin a dhéanamh níos comhsheasmhaí agus níos intuartha. Ba cheart intuarthacht na measúnuithe maoirseachta SRT a mhéadú trí phríomheilimintí an mheasúnaithe SRT i Rialachán (AE) Uimh. 575/2013 a leagan síos, lena n‑áirítear dearadh leathan na tástála nua SRT. Ba cheart an chaoi ar cheart sonraí teicniúla na tástála a chur chun feidhme, na ceanglais maidir le gnéithe struchtúracha na n‑idirbheart, agus prionsabail an phróisis measúnaithe a shonrú sna caighdeáin theicniúla rialála arna bhforbairt ag an Údarás Baincéireachta Eorpach (ÚBE).

(9)Ba cheart tástáil nua cur chuige bunaithe ar phrionsabail a thabhairt isteach in ionad na dtástálacha meicniúla atá ann cheana, chun suntasacht an riosca a aistrítear trí urrúsú a thomhas. An cur chuige bunaithe ar chead atá ann faoi láthair, ina mbaintear SRT amach trí chead a dheonaíonn an t‑údarás inniúil, ba cheart é a bhaint agus níor cheart a cheadú go n‑úsáidfí a thuilleadh é i ngeall ar an úsáid an-teoranta a bhaintear as. Chun an measúnú SRT a chuíchóiriú a thuilleadh, agus chun trédhearcacht agus intuarthacht a mhéadú do thionscnóirí, ba cheart ceanglas nua a thabhairt isteach do thionscnóirí féinmheasúnú a chur isteach chun a léiriú go gcomhlíontar na ceanglais a bhaineann le SRT, lena n‑áirítear faoi dhálaí struis. Mar chuid den fhéinmheasúnú, ba cheart do thionscnóirí anailís sreabhaidh airgid a fhorbairt chun fianaise a sholáthar maidir le hathléimneacht SRT.

(10)Chun éifeachtúlacht na measúnuithe maoirseachta SRT a mhéadú, ba cheart prionsabail measúnuithe maoirseachta SRT a chomhchuibhiú ar leibhéal an Aontais. Ba cheart do ÚBE na prionsabail sin a shonrú sna caighdeáin theicniúla rialála, ar cheart prionsabail ardleibhéil a áireamh iontu freisin le haghaidh mearphróiseas i gcomhair urrúsuithe cáilitheacha.

(11)Ba cheart leasuithe spriocdhírithe a thabhairt isteach i bhforálacha sonracha de Rialachán (AE) Uimh. 575/2013 chun feabhas a chur ar chomhsheasmhacht theicniúil agus chun soiléirithe breise a sholáthar maidir leis an réasúnaíocht is bonn le forálacha áirithe den chreat atá ann faoi láthair. Chun a áirithiú go ndéanfaidh na húdaráis inniúla agus na hinstitiúidí creidmheasa ar fud an Aontais Airteagal 254(2) a léirmhíniú go comhsheasmhach, ba cheart a shonrú freisin gurb é is aidhm don Airteagal sin úsáid éigeantach SEC-ERBA a sheachaint i ndáil le hidirbhearta arb í an uasteorainn cheannasach – agus ní próifíl riosca na n‑idirbheart – an tiomántóir is mó a chuireann uasteorainn leis an rátáil agus na hualaí riosca faoin gcur chuige sin á gcinneadh.

(12)Ba cheart, dá bhrí sin, Rialachán (AE) Uimh. 575/2013 a leasú dá réir sin.

(13)Ós rud é nach féidir leis na Ballstáit cuspóir an Rialacháin seo a ghnóthú go leordhóthanach agus, de bharr a fhairsinge agus a éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(14)Faoi cheann 4 bliana tar éis an teacht i bhfeidhm, ba cheart don Choimisiún, tar éis dó dul i gcomhairle le ÚBE, a bhreithniú ar cheart athrú níos bunúsaí ar na foirmlí agus ar na feidhmeanna ualaithe riosca a thabhairt isteach sa mheántéarma/san fhadtéarma sa chaoi go mbeifear in ann, ar bhealach cuimsitheach, íogaireacht níos mó i leith riosca a chothú, leibhéil neamhneodrachta caipitil níos comhréirí a bhaint amach, éifeachtaí aille a mhaolú agus aghaidh a thabhairt ar theorainneacha struchtúracha an chreata atá ann faoi láthair,

TAR ÉIS AN RIALACHÁN SEO A GHLACADH:

Airteagal 1
Leasuithe ar Rialachán (AE) Uimh. 575/2013

Leasaítear Rialachán (AE) Uimh. 575/2013 mar a leanas:

(1)in Airteagal 238(2), cuirtear isteach an fhomhír seo a leanas:

‘Ní mheasfar dreasacht dhearfach a bheith i gcéadroghanna ama ar cheannach ach amháin i gcás ina n‑áirítear i gclásail chonarthacha, tráth thionscnamh an chonartha, téarmaí ar ina leith is féidir coinne a bheith leis gur áiríodh téarmaí den sórt sin sa doiciméadacht idirbhirt chun méadú a dhéanamh ar a bhuntáistí atá feidhmiú na céadrogha ama ar cheannach.’;

(2)Leasaítear Airteagal 242 mar a leanas:

(a)cuirtear an méid seo a leanas in ionad phointe 6:

‘(6) ciallaíonn ‘suíomh urrúsúcháin sinsearach’ suíomh a bhfuil a phointe astaithe os cionn KIRB nó KA agus atá bunaithe nó urraithe ag éileamh chéadtosaíochta ar iomlán na neamhchosaintí foluiteacha, gan aird a thabhairt chun na gcríoch sin ar mhéideanna atá dlite faoi chonarthaí díorthach ráta úis nó airgeadra, ar tháillí nó ar íocaíochtaí comhchosúla eile, agus gan beann ar aon difríocht aibíochta le ceann amháin nó níos mó de thráinsí sinsearacha eile lena roinneann an suíomh sin caillteanais ar bhonn pro rata;’

(b)scriostar pointe (18);

(3)Leasaítear Airteagal 243 mar a leanas:

(a)cuirtear an méid seo a leanas in ionad theideal an Airteagail:

‘Airteagal 243

Critéir le haghaidh láimhseáil dhifreáilte caipitil’

(b)i mír (2), leasaítear pointe (b) mar a leanas:

(1)cuirtear an méid seo a leanas in ionad phointe (ii):

‘(ii) 60 % ar bhonn neamhchosanta aonair i gcás inar iasacht arna hurrú le morgáiste tráchtála í an neamhchosaint;’;

(2)scriostar pointe (iii);

(c)cuirtear isteach na míreanna 3, 4 agus 5 seo a leanas:

‘3. Beidh suíomh sinsearach in urrúsú STS incháilithe don láimhseáil a leagtar amach in Airteagal 260(2), Airteagal 262(2), Airteagal 264(2a) agus Airteagal 264(3a) i gcás ina gcomhlíonfar na ceanglais seo a leanas:

(a)i gcás suíomh i gclár ABCP nó in idirbheart ABCP:

(b)ceanglais Airteagal 243(1)

(c)ar an dáta tionscanta agus ar bhonn leanúnach ina dhiaidh sin, cinntear pointe astaithe an tsuímh urrúsúcháin shinsearaigh mar a leanas:

A >= 1,5 * KA, agus SEC-SA nó SEC-ERBA á n‑úsáid, nó

A >= 1,1 * (EL * WAL na punainne urrúsaithe tagartha tosaigh + UL), agus SEC-IRBA á úsáid.

(d)i gcás suímh, urrúsúchán seachas clár ABCP nó idirbheart ABCP:

(e)ceanglais Airteagal 243(2)

(f)ar an dáta tionscanta agus ar bhonn leanúnach ina dhiaidh sin, cinntear pointe astaithe an tsuímh urrúsúcháin shinsearaigh mar a leanas:

A >= 1,5 * KA, agus SEC-SA nó SEC-ERBA á n‑úsáid, nó

A >= 1,1 * (EL * WAL na punainne urrúsaithe tagartha tosaigh + UL), agus SEC-IRBA á úsáid.

4. Beidh suíomh urrúsúcháin sinsearach in urrúsú neamh-STS incháilithe don láimhseáil a leagtar amach in Airteagal 259(1b), Airteagal 261(1b), Airteagal 263(2a) agus Airteagal 263(3a) i gcás ina gcomhlíonfar na ceanglais seo a leanas, ar an dáta tionscanta agus ar bhonn leanúnach ina dhiaidh sin:

(a)i gcás urrúsú laistigh den chlár comhardaithe:

(1)ceanglas Airteagal 26c(5) de Rialachán (AE) 2017/2402 agus ceanglais Rialachán Tarmligthe (AE) 2024/920 ón gCoimisiún;

(2)ceanglais Airteagail 26(e)8, 9 agus 10 de Rialachán (AE) 2017/2402;

(3)cinntear pointe astaithe an tsuímh urrúsúcháin shinsearaigh mar a leanas:

A >= 1,5 * KA, agus SEC-SA nó SEC-ERBA á n‑úsáid, nó

A >= 1,1 * (EL * WAL na punainne urrúsaithe tagartha tosaigh + UL), agus SEC-IRBA á úsáid;

(4)ceanglas Airteagal 243(2), pointe (a), den Rialachán seo;

(5)ní suíomh infheisteora é an suíomh;

(b)i gcás clár ABCP nó idirbheart ABCP:

(1)ceanglais Airteagal 24(17), pointe (b), de Rialachán (AE) 2017/2402;

(2)cinntear pointe astaithe an tsuímh urrúsúcháin shinsearaigh mar a leanas:

A >= 1,5 * KA, agus SEC-SA nó SEC-ERBA á n‑úsáid, nó

A >= 1,1 * (EL * WAL na punainne urrúsaithe tagartha tosaigh + UL), agus SEC-IRBA á úsáid;

(3)ceanglais Airteagal 243(1), pointe (b), den Rialachán seo;

(4)ní suíomh infheisteora é an suíomh;

(c)i gcás urrúsú traidisiúnta neamh-ABCP:

(1)ceanglais Airteagal 21(4), pointe (b), agus Airteagal 21(5) de Rialachán (AE) 2017/2402;

(2)cinntear pointe astaithe an tsuímh urrúsúcháin shinsearaigh mar a leanas:

A >= 1,5 * KA, agus SEC-SA nó SEC-ERBA á n‑úsáid, nó

A >= 1,1 * (EL * WAL na punainne urrúsaithe tagartha tosaigh + UL), agus SEC-IRBA á úsáid;

(3)ceanglas Airteagal 243(2), pointe (a), den Rialachán seo; ní suíomh infheisteora é an suíomh.

5. Chun críocha mhíreanna 3 agus 4, déanfar WAL (meánré ualaithe) na punainne tagartha tosaigh a ríomh trí am-ualú a dhéanamh ar aisíocaíochtaí príomhshuimeanna ó na neamhchosaintí urrúsaithe agus orthu sin amháin, go dtí aibíocht ionchasach an idirbhirt, gan aon íocaíocht a bhaineann le táillí nó ús atá le híoc ag oibleagáideoirí na neamhchosaintí urrúsaithe a chur san áireamh, agus, i gcás urrúsuithe sintéiseacha, gan aon toimhde maidir le réamhíocaíocht a chur san áireamh. I gcás idirbheart a bhfuil tréimhse athshlánaithe aige, is éard a bheidh in WAL suim na tréimhse athshlánaithe atá fágtha móide meánré ualaithe na punainne tagartha atá fágtha arna tomhas ó dheireadh na tréimhse athshlánaithe sin. Ní bheidh WAL níos faide ná 5 bliana.’;

(4)cuirtear an méid seo a leanas in ionad Airteagail 244 agus 245:

‘Airteagal 244

Urrúsú traidisiúnta

1.Féadfaidh institiúid tionscnóra urrúsaithe thraidisiúnta na neamhchosaintí urrúsaithe a eisiamh agus méideanna neamhchosanta atá ualaithe ó thaobh riosca agus, i gcás inarb ábhartha, méideanna caillteanais ionchasaigh á ríomh i gcás ina gcomhlíonfar gach ceann de na coinníollacha seo a leanas:

(a)rinneadh riosca creidmheasa suntasach a bhaineann leis na neamhchosaintí urrúsaithe a aistriú chuig tríú páirtithe, nó cuireann an institiúid tionscnóra ualach riosca 1 250 % i bhfeidhm maidir leis na suíomhanna urrúsúcháin uile atá i seilbh na hinstitiúide san urrúsú nó baineann sí na suíomhanna urrúsúcháin sin as míreanna Ghnáthchothromas Leibhéal 1 i gcomhréir le hAirteagal 36(1), pointe (k);

(b)comhlíontar na coinníollacha maidir leis an aistriú riosca iarbhír ar na neamhchosaintí urrúsaithe dá dtagraítear i mír 4 den Airteagal seo.

2.Measfar riosca creidmheasa suntasach a bheith aistrithe chuig tríú páirtithe i gcás inarb amhlaidh, tar éis leithdháileadh chaillteanas ionchasach saoil na neamhchosaintí foluiteacha ar thráinsí an urrúsaithe, gurb é atá sa sciar de mhéideanna ualaithe caillteanais neamhionchasacha na neamhchosaintí foluiteacha a leithdháiltear ar na suíomhanna urrúsúcháin a d’aistrigh an institiúid tionscnóra chuig tríú páirtithe 50 % ar a laghad de mhéideanna ualaithe caillteanais neamhionchasacha na neamhchosaintí foluiteacha a leithdháiltear ar na tráinsí urrúsúcháin uile i gcomhréir leis an bhfoirmle seo a leanas:

nuair atá:

–RWEAi cothrom leis an méid neamhchosanta ualaithe ó thaobh riosca de thráinse i

–ULi cothrom leis an méid caillteanas neamhionchasach a leithdháiltear ar thráinse i i gcás ina mbeidh an caillteanas neamhionchasach cothrom leis na méideanna neamhchosanta ualaithe ó thaobh riosca a ríomhfadh an institiúid tionscnóra faoi Chaibidil 2 nó faoi Chaibidil 3, de réir mar is infheidhme, i leith na neamhchosaintí foluiteacha dá mba nár urrúsaíodh iad, arna iolrú faoi 8 %.

–UL_transi cothrom leis an méid ULi a leithdháiltear ar na suíomhanna urrúsúcháin aistrithe i dtráinse i

Chun críocha na foirmle seo, ní áireofar sna méideanna neamhchosanta ualaithe ó thaobh riosca a ríomhfaí faoi Chaibidil 3 an méid caillteanas ionchasach a bhaineann le neamhchosaintí foluiteacha uile an urrúsaithe, lena n‑áirítear neamhchosaintí foluiteacha ar mainneachtain atá fós ina gcuid den chomhthiomsú.

3.De mhaolú ar mhír 2, féadfaidh údaráis inniúla a cheangal ar an institiúid tionscnóra, ar bhonn cás ar chás, méid ualaithe caillteanas neamhionchasach atá níos mó ná an sciar 50 % dá dtagraítear sa mhír sin a aistriú chuig tríú páirtithe, nó agóid a dhéanamh in aghaidh an aistrithe riosca creidmheasa shuntasaigh. Féadfar na bearta dá dtagraítear sa mhír seo a fhorchur chun aghaidh a thabhairt ar theipeanna maidir le bainistiú córas agus rialuithe nó teipeanna rialachais inmheánaigh eile de chuid na hinstitiúide tionscnóra, lena n‑áirítear pleananna gníomhaíochta feabhais nár cuireadh i gcrích go fóill tar éis scrúduithe maoirseachta, nó i gcás ina measfaidh an t‑údarás inniúil go bhfuil an riosca creidmheasa a aistríodh faoi mhír 2 neamhleor chun aghaidh a thabhairt ar ghnéithe áirithe speisialta nó casta den urrúsú, nó as a n‑eascraíonn faoiseamh caipitil díréireach.

4.I dteannta na gceanglas a leagtar amach i míreanna 1, 2, agus 3, comhlíonfar gach ceann de na coinníollacha seo a leanas maidir leis an aistriú riosca iarbhír:

(a)léiríonn doiciméadacht an idirbhirt tábhacht eacnamaíoch an urrúsúcháin;

(b)ní hionann na suíomhanna urrúsúcháin agus oibleagáidí íocaíochta na hinstitiúide tionscnóra;

(c)fágadh nach bhfuil breith ag an institiúid tionscnóra gona creidiúnaithe ar na neamhchosaintí foluiteacha ar bhealach a gcomhlíonann an ceanglas a leagtar amach in Airteagal 20(1) de Rialachán (AE) 2017/2402;

(d)ní choinníonn an institiúid tionscnóra rialú ar na neamhchosaintí foluiteacha;

(e)níl téarmaí ná coinníollacha sa doiciméadacht urrúsúcháin lena gceanglaítear ar an institiúid tionscnóra na neamhchosaintí foluiteacha a athrú chun feabhas a chur ar mheáncháilíocht an chomhthiomsaithe nó chun an toradh is iníoctha le sealbhóirí suíomhanna a mhéadú nó chun na suíomhanna san urrúsú a fheabhsú ar bhealach eile mar fhreagairt ar mheathlú ar cháilíocht chreidmheasa na neamhchosaintí foluiteacha;

(f)i gcás inarb infheidhme, is léir i ndoiciméadacht an idirbhirt nach bhféadfaidh an tionscnóir ná an t‑urraitheoir suíomhanna urrúsúcháin a cheannach ná a athcheannach, nó na neamhchosaintí foluiteacha a athcheannach, a athstruchtúrú ná a ionadú thar a n‑oibleagáidí conarthacha ach amháin i gcás ina ndéantar na socruithe sin a fhorghníomhú i gcomhréir le coinníollacha an mhargaidh atá i réim agus i gcás ina ngníomhaíonn na páirtithe lena mbaineann ar mhaithe leo féin mar pháirtithe saora neamhspleácha (ar neamhthuilleamaí);

(g)ní léiríonn an t‑idirbheart urrúsúcháin aon ghné struchtúrach a choisceann aistriú riosca creidmheasa iarbhír chuig tríú páirtithe ar bhonn inbhuanaithe nó a bhaineann an bonn go mór de nó, i gcás inar ann d’aon cheann de na gnéithe sin, léiríonn an t‑idirbheart coimircí leormhaithe;

(h)i gcás ina bhfuil céadrogha ar cheannach farasbairr ann, comhlíonfaidh an rogha sin na coinníollacha uile seo a leanas freisin:

(1)is féidir an rogha sin a fheidhmiú faoi rogha na hinstitiúide tionscnóra;

(2)ní féidir an rogha a fheidhmiú ach amháin nuair atá 10 % nó níos lú de luach bunaidh na neamhchosaintí foluiteacha fós gan amúchadh;

(3)níl an rogha sin struchtúraithe ionas nach leithdháilfear caillteanais ar shuíomhanna feabhsaithe creidmheasa ná ar shuíomhanna eile atá i seilbh infheisteoirí san urrúsú agus níl sé struchtúraithe ar aon slí eile chun feabhsú creidmheasa a chur ar fáil;

(i)tá tuairim faighte ag an institiúid tionscnóra ó dhlíodóir cáilithe lena ndeimhnítear go gcomhlíonann an t‑urrúsú na coinníollacha a leagtar amach i bpointe (c) den mhír seo.

Chun críocha phointe (d), measfar go gcoinnítear rialú ar na neamhchosaintí foluiteacha i gcás ina mbeidh sé de cheart ag an tionscnóir na neamhchosaintí a aistríodh roimhe sin a athcheannach ón aistrí chun a dtairbhí a réadú nó má cheanglaítear ar bhealach eile an riosca aistrithe a ghlacadh arís. Má tá institiúid tionscnóra ag coimeád na gceart nó na n‑oibleagáidí seirbhísithe i leith neamhchosaintí foluiteacha, ní leor é sin ann féin mar rialú ar na neamhchosaintí.

5.Comhlíonfar na coinníollacha maidir le haistriú riosca creidmheasa shuntasaigh dá dtagraítear i míreanna 2 agus 3 tráth thionscnamh an urrúsaithe lena gcumhdaítear saolré an idirbhirt faoi dhálaí sa bhunchás agus sa chás struis araon, ar choinníoll nach ndéanfar aon athrú struchtúrach ar an idirbheart tar éis an tionscnaimh. Comhlíonfar na ceanglais dá dtagraítear i mír 4 ar bhonn leanúnach. Cuirfidh an institiúid tionscnóra féinmheasúnú faoi bhráid an údaráis inniúil chun a léiriú go gcomhlíontar na coinníollacha maidir le haistriú riosca creidmheasa iarbhír agus, i gcás inarb infheidhme, aistriú riosca creidmheasa shuntasaigh dá dtagraítear i míreanna 1 go 4.

6.I gcás idirbhearta áirithe nach léiríonn gnéithe fadhbacha, féadfaidh údaráis inniúla mearphróiseas measúnaithe simplithe a chur i bhfeidhm.

7.Forbróidh ÚBE caighdeáin theicniúla rialála chun an méid seo a leanas a shonrú:

(a)na coinníollacha maidir leis an gceanglas i ndáil le haistriú riosca creidmheasa shuntasaigh dá dtagraítear i mír 2 den Airteagal seo agus in Airteagal 245(2) a chomhlíonadh, go háirithe:

(1)ríomh agus leithdháileadh chaillteanais ionchasacha saoil na neamhchosaintí foluiteacha chun críocha mhír den Airteagal seo agus Airteagal 245(2);

(2)leithdháileadh chaillteanais neamhionchasacha na neamhchosaintí urrúsaithe ar na tráinsí urrúsúcháin chun críocha mhír den Airteagal seo agus Airteagal 245(2);

(3)ríomh méideanna ualaithe caillteanas neamhionchasach i ndáil le leithdháileadh chaillteanais neamhionchasacha na neamhchosaintí urrúsaithe ar na tráinsí urrúsúcháin de mhír den Airteagal seo agus Airteagal 245(2);

(b)na gnéithe struchtúracha agus na coimircí dá dtagraítear in Airteagal 244(4), pointe (g) agus Airteagal 245(4), pointe (f), faoi seach, go háirithe cumhdach na gclásal dlí maidir le luathfhoirceannadh urrúsuithe;

(c)na híoscheanglais maidir leis an bhféinmheasúnú a dhéanfaidh an institiúid tionscnóra dá dtagraítear in Airteagal 244(5) agus in Airteagal 245(5), lena n‑áirítear sonrú na gcásanna atá le cur i bhfeidhm;

(d)na coinníollacha faoina gcuirfidh na húdaráis inniúla Airteagal 244(2) agus (3) agus Airteagal 245(2) agus (3) i bhfeidhm maidir le hidirbhearta urrúsúcháin agus institiúidí tionscnóra;

(e)na prionsabail ardleibhéil le haghaidh an phróisis chun athbhreithniú agus measúnú a dhéanamh ar na coinníollacha maidir leis an gceanglas aistrithe riosca creidmheasa a chomhlíonadh i gcomhréir le hAirteagal 244(1) go (4) agus Airteagal 245(1) go (4), agus na prionsabail ardleibhéil chun go mbeidh urrúsuithe áirithe incháilithe do mhearphróiseas measúnaithe simplithe dá dtagraítear in Airteagal 244(6) agus in Airteagal 245(6);

(f)na coigeartuithe is gá chun Airteagail 244 agus 245 a chur i bhfeidhm maidir le hurrúsuithe neamhchosaintí neamhthuillmheacha.

Cuirfidh ÚBE na dréachtchaighdeáin theicniúla rialála sin faoi bhráid an Choimisiúin faoin [18 mí tar éis dháta an teacht i bhfeidhm].

Tarmligtear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

8.Faoin 31 Márta gach bliain, tabharfaidh na húdaráis inniúla fógra do ÚBE faoi na hurrúsuithe uile a ndearnadh measúnú orthu i gcomhréir le míreanna 1 go 7 sa bhliain roimhe sin. Cuirfear in iúl san fhógra an fhaisnéis uile is gá chun an cóimheas faoi mhír 2 a ríomh agus maidir leis na gnéithe struchtúracha ábhartha. Leis an bhfaisnéis sin, soláthrófar ar a laghad miondealú ar mhéid, ar thiús agus ar mhéideanna na dtráinsí, caillteanas na punainne i gcás mainneachtana (LGD), caillteanas ionchasach na punainne (EL), caillteanas ionchasach saoil na punainne (LTEL), caillteanas neamhionchasach na punainne (UL), WAL na neamhchosaintí foluiteacha agus ualaí riosca na dtráinsí, agus faisnéis i dtaobh cé acu a cuireadh nó nár cuireadh na bearta dá dtagraítear i mír 3 i bhfeidhm.

Airteagal 245

Urrúsú sintéiseach

1.Féadfaidh institiúid tionscnóra urrúsaithe shintéisigh méideanna neamhchosanta atá ualaithe ó thaobh riosca a ríomh, agus, i gcás inarb ábhartha, méideanna caillteanais ionchasaigh i leith na neamhchosaintí foluiteacha i gcomhréir le hAirteagail 251 agus 252, i gcás ina gcomhlíontar ceachtar de na coinníollacha seo a leanas:

(a)rinneadh riosca creidmheasa suntasach a bhaineann leis na neamhchosaintí urrúsaithe a aistriú chuig tríú páirtithe, nó cuireann an institiúid tionscnóra ualach riosca 1 250 % i bhfeidhm maidir leis na suíomhanna urrúsúcháin uile atá i seilbh na hinstitiúide san urrúsú nó baineann sí na suíomhanna urrúsúcháin sin as míreanna Ghnáthchothromas Leibhéal 1 i gcomhréir le hAirteagal 36(1), pointe (k);

(b)comhlíontar na coinníollacha maidir leis an aistriú riosca iarbhír ar na neamhchosaintí urrúsaithe dá dtagraítear i mír 4 den Airteagal seo.

2.Measfar riosca creidmheasa suntasach a bheith aistrithe chuig tríú páirtithe i gcás inarb amhlaidh, tar éis leithdháileadh chaillteanas ionchasach saoil na neamhchosaintí foluiteacha ar thráinsí an urrúsaithe, gurb é atá sa sciar de mhéideanna ualaithe chaillteanais neamhionchasacha na neamhchosaintí foluiteacha a leithdháiltear ar na suíomhanna urrúsúcháin a d’aistrigh an institiúid tionscnóra chuig tríú páirtithe 50 % ar a laghad de mhéideanna ualaithe uile chaillteanais neamhionchasacha na neamhchosaintí foluiteacha a leithdháiltear ar na tráinsí urrúsúcháin uile i gcomhréir leis an bhfoirmle seo a leanas:

nuair atá:

–RWEAi cothrom leis an méid neamhchosanta ualaithe ó thaobh riosca de thráinse i

–ULi cothrom leis an méid caillteanas neamhionchasach a leithdháiltear ar thráinse i i gcás ina mbeidh an caillteanas neamhionchasach cothrom leis na méideanna neamhchosanta ualaithe ó thaobh riosca a ríomhfadh an institiúid tionscnóra faoi Chaibidil 2 nó faoi Chaibidil 3, de réir mar is infheidhme, i leith na neamhchosaintí foluiteacha dá mba nár urrúsaíodh iad, arna iolrú faoi 8 %.

–UL_transi cothrom leis an méid ULi a leithdháiltear ar na suíomhanna urrúsúcháin aistrithe i dtráinse i

Chun críocha na foirmle seo, ní áireofar sna méideanna neamhchosanta ualaithe ó thaobh riosca a ríomhfaí faoi Chaibidil 3 an méid caillteanas ionchasach a bhaineann le neamhchosaintí foluiteacha uile an urrúsaithe, lena n‑áirítear neamhchosaintí foluiteacha ar mainneachtain atá fós ina gcuid den chomhthiomsú.

3.De mhaolú ar mhír 2, féadfaidh údaráis inniúla a cheangal ar an institiúid tionscnóra, ar bhonn cás ar chás, méid ualaithe caillteanas neamhionchasach atá níos mó ná an sciar 50 % dá dtagraítear sa mhír sin a aistriú chuig tríú páirtithe, nó agóid a dhéanamh in aghaidh an aistrithe riosca shuntasaigh. Féadfaidh údaráis inniúla na bearta dá dtagraítear sa mhír seo a fhorchur i gcás inar gá chun aghaidh a thabhairt ar theipeanna maidir le bainistiú córas agus rialuithe nó teipeanna rialachais inmheánaigh eile de chuid na hinstitiúide tionscnóra, lena n‑áirítear pleananna gníomhaíochta feabhais nár cuireadh i gcrích go fóill tar éis scrúduithe maoirseachta, nó i gcás ina measfaidh an t‑údarás inniúil go bhfuil an riosca creidmheasa a aistríodh faoi mhír 2 neamhleor chun aghaidh a thabhairt ar ghnéithe áirithe speisialta nó casta den urrúsú, nó as a n‑eascraíonn faoiseamh caipitil díréireach.

4.I dteannta na gceanglas a leagtar amach i míreanna 1, 2, agus 3, comhlíonfar gach ceann de na coinníollacha seo a leanas maidir leis an aistriú riosca iarbhír:

(a)léiríonn doiciméadacht an idirbhirt tábhacht eacnamaíoch an urrúsúcháin;

(b)an chosaint chreidmheasa ar dá bua a aistrítear an riosca creidmheasa, comhlíonann sí Airteagal 249;

(c)níl téarmaí ná coinníollacha i ndoiciméadacht an urrúsúcháin lena ndéantar an méid seo a leanas:

(1)tairseacha ábharthachta móra a fhorchur a measfar nár spreagadh cosaint chreidmheasa fúthu má tharlaíonn teagmhas creidmheasa;

(2)foirceannadh na cosanta a cheadú mar gheall ar mheathlú ar cháilíocht chreidmheasa na neamhchosaintí foluiteacha;

(3)a cheangal ar an institiúid tionscnóra comhdhéanamh na neamhchosaintí foluiteacha a athrú chun feabhas a chur ar mheáncháilíocht an chomhthiomsaithe; nó

(4)costas chosaint creidmheasa na hinstitiúide nó an toradh is iníoctha le sealbhóirí suíomhanna laistigh den urrúsú a mhéadú mar fhreagairt ar mheathlú ar cháilíocht chreidmheasa an chomhthiomsaithe fholuitigh;

(d)tá an chosaint chreidmheasa infhorghníomhaithe sna dlínsí ábhartha uile;

(e)i gcás inarb infheidhme, is léir i ndoiciméadacht an idirbhirt nach bhféadfaidh an tionscnóir ná an t‑urraitheoir suíomhanna urrúsúcháin a cheannach ná a athcheannach, nó na neamhchosaintí foluiteacha a athcheannach, a athstruchtúrú ná a ionadú thar a n‑oibleagáidí conarthacha ach amháin i gcás ina ndéantar na socruithe sin a fhorghníomhú i gcomhréir le coinníollacha an mhargaidh atá i réim agus i gcás ina ngníomhaíonn na páirtithe lena mbaineann ar mhaithe leo féin mar pháirtithe saora neamhspleácha (ar neamhthuilleamaí);

(f)ní léiríonn an t‑idirbheart urrúsúcháin aon ghné struchtúrach a choisceann aistriú riosca creidmheasa iarbhír chuig tríú páirtithe ar bhonn inbhuanaithe nó a bhaineann an bonn go mór de nó, i gcás inar ann d’aon cheann de na gnéithe sin, léiríonn an t‑idirbheart coimircí leormhaithe;

(g)i gcás ina bhfuil céadrogha ar cheannach farasbairr ann, comhlíonann an rogha sin na coinníollacha uile seo a leanas:

(1)féadfar an rogha sin a fheidhmiú faoi rogha na hinstitiúide tionscnóra;

(2)ní féidir an rogha a fheidhmiú ach amháin nuair atá 10 % nó níos lú de luach bunaidh na neamhchosaintí foluiteacha fós gan amúchadh;

(3)níl an rogha sin struchtúraithe ionas nach leithdháilfear caillteanais ar shuíomhanna feabhsaithe creidmheasa ná ar shuíomhanna eile atá i seilbh infheisteoirí san urrúsú agus níl sé struchtúraithe ar aon slí eile chun feabhsú creidmheasa a chur ar fáil;

(h)i gcás ina mbeidh céadrogha ama ar cheannach ann, ní bheidh an rogha infheidhmithe ach amháin tar éis tréimhse arna tomhas ó dháta deiridh idirbhirt a chomhfhreagraíonn do mheánré ualaithe tosaigh na neamhchosaintí urrúsaithe, nó tar éis tréimhse arna tomhas ó dheireadh tréimhse athshlánaithe idirbhirt a chomhfhreagraíonn don mheánré ualaithe ag deireadh na tréimhse athshlánaithe sin;

(i)tá tuairim faighte ag an institiúid tionscnóra ó dhlíodóir cáilithe lena ndeimhnítear go gcomhlíonann an t‑urrúsú na coinníollacha a leagtar amach i bpointe (d) den mhír seo.

5.Comhlíonfar na coinníollacha maidir le haistriú riosca creidmheasa shuntasaigh dá dtagraítear i míreanna 2 agus 3 tráth thionscnamh an urrúsaithe lena gcumhdaítear saolré an idirbhirt faoi dhálaí sa bhunchás agus sa chás struis araon, ar choinníoll nach ndéanfar aon athrú struchtúrach ar an idirbheart tar éis an tionscnaimh. Comhlíonfar na ceanglais dá dtagraítear i mír 4 ar bhonn leanúnach. Cuirfidh an institiúid tionscnóra féinmheasúnú faoi bhráid an údaráis inniúil chun a léiriú go gcomhlíontar na coinníollacha maidir le haistriú riosca creidmheasa iarbhír agus, i gcás inarb infheidhme, aistriú riosca creidmheasa shuntasaigh dá dtagraítear i míreanna 1 go 4.

6.I gcás idirbhearta áirithe nach léiríonn gnéithe fadhbacha, féadfaidh údaráis inniúla mearphróiseas measúnaithe simplithe a chur i bhfeidhm.

7.Faoin 31 Márta gach bliain, tabharfaidh na húdaráis inniúla fógra do ÚBE faoi na hurrúsuithe uile a bhfuarthas féinmheasúnú ina leith i gcomhréir le míreanna 1 go 6 sa bhliain roimhe sin. Cuirfear in iúl san fhógra an fhaisnéis uile is gá chun an cóimheas faoi mhír 2 a ríomh agus maidir leis na gnéithe struchtúracha ábhartha. Leis an bhfaisnéis sin, soláthrófar ar a laghad miondealú ar mhéid, ar thiús agus ar mhéideanna na dtráinsí, caillteanas na punainne i gcás mainneachtana (LGD), caillteanas ionchasach na punainne (EL), caillteanas ionchasach saoil na punainne (LTEL), caillteanas neamhionchasach na punainne (UL), WAL na neamhchosaintí foluiteacha agus ualaí riosca na dtráinsí, agus faisnéis i dtaobh cé acu a cuireadh nó nár cuireadh na bearta dá dtagraítear i mír 3 i bhfeidhm.’;

(5)Leasaítear Airteagal 248(1) mar a leanas:

(a)cuirtear an méid seo a leanas in ionad phointe (b):

‘(b) is é a bheidh i luach neamhchosanta suíomh urrúsúcháin lasmuigh den chlár comhardaithe ná a luach ainmniúil lúide aon choigeartú ábhartha sonrach i leith riosca creidmheasa a bhaineann leis an suíomh urrúsúcháin i gcomhréir le hAirteagal 110, iolraithe faoin bhfachtóir coinbhéartaithe ábhartha a leagtar amach sa phointe (b) seo. Beidh an fachtóir coinbhéartaithe cothrom le 100 %, ach amháin i gcás na saoráidí airleacain airgid. Chun luach neamhchosanta na coda neamhtharraingthe de na saoráidí airleacain airgid a chinneadh, féadfar fachtóir coinbhéartachta 0 % a chur i bhfeidhm maidir le méid ainmniúil saoráide leachtachta atá inchealaithe go neamhchoinníollach ar choinníoll go bhfuil aisíocaíocht tarraingtí ar an tsaoráid níos sinsearaí ná aon éileamh eile ar an sreabhadh airgid a eascraíonn as na neamhchosaintí foluiteacha;’;

(b)cuirtear an méid seo a leanas in ionad phointe (d):

‘(d) féadfaidh institiúid tionscnóra méid na gcoigeartuithe sonracha i leith riosca creidmheasa a bhaineann leis na neamhchosaintí foluiteacha a bhaint, i gcomhréir le hAirteagal 110, as luach neamhchosanta suímh urrúsúcháin dá sanntar ualach riosca 1 250 % i gcomhréir le Foroinn 3, nó a bhaintear as Gnáthchothromas Leibhéal 1 i gcomhréir le hAirteagal 36(1), pointe (k), chomh maith le haon lascaine neamh-inaisíoctha ar an bpraghas ceannaigh atá nasctha leis na neamhchosaintí foluiteacha sin a mhéid a bhí na lascainí sin ina gcúis le laghdú ar chistí dílse.

Féadfar méid na gcoigeartuithe sonracha i leith riosca creidmheasa a bhaint i gcomhréir leis an gcéad fhomhír de phointe (d) as luach neamhchosanta suímh urrúsúcháin dá sanntar ualach riosca is ísle ná 1 250 %, ar choinníoll go bhfuil pointe astaithe an tsuímh níos ísle ná KIRB nó KA. Sa chás sin, measfar go bhfuil suíomh urrúsúcháin ina dhá shuíomh urrúsúcháin chun críocha an phointe (d) seo: an suíomh a bhfuil A cothrom le KIRB nó KA ina leith agus an suíomh sóisearach a bhfuil A faoi bhun KIRB nó KA agus D cothrom le KIRB nó KA ina leith, agus na coigeartuithe sonracha i leith riosca creidmheasa, ní fhéadfar iad a bhaint ach amháin as luach neamhchosanta an tsuímh urrúsúcháin arb é an suíomh sóisearach é a bhfuil A faoi bhun KIRB nó KA agus D cothrom le KIRB nó KA ina leith.’;

(c)cuirtear an méid seo a leanas in ionad phointe (e):

‘(e) áireofar an méid seo a leanas, de réir mar is infheidhme, i luach neamhchosanta bharrachas an raoin difríochta shintéisigh arna ainmniú de réir conartha:

(1)aon ioncam ó na neamhchosaintí urrúsaithe a d’aithin an institiúid tionscnóra cheana ina ráiteas ar ioncam faoin gcreat cuntasaíochta is infheidhme, ar ioncam é a rinne an institiúid tionscnóra a ainmniú go conarthach i leith an idirbhirt mar bharrachas raoin difríochta shintéisigh agus atá fós ar fáil chun caillteanais a ionsú;

(2)aon bharrachas raoin difríochta shintéisigh arna ainmniú go conarthach ag an institiúid tionscnóra in aon tréimhse san am atá thart agus atá fós ar fáil chun caillteanais a ionsú;

(3)aon bharrachas raoin difríochta shintéisigh arna ainmniú go conarthach ag an institiúid tionscnóra don tréimhse chonarthach reatha agus atá fós ar fáil chun caillteanais a ionsú;

(4)aon bharrachas raoin difríochta shintéisigh arna ainmniú go conarthach ag an institiúid tionscnóra le haghaidh tréimhsí conarthacha amach anseo.

Chun críocha an phointe (e) seo, ní áireofar sa luach neamhchosanta aon mhéid a sholáthraítear mar fheabhsú comhthaobhachta nó creidmheasa maidir leis an urrúsú sintéiseach agus atá faoi réir ceanglas cistí dílse cheana i gcomhréir leis an gCaibidil seo.’;

(d)scriostar an dara, an tríú agus an ceathrú fomhír.

(6)Leasaítear Airteagal 254 mar a leanas:

(a)i mír 1, cuirtear an méid seo a leanas in ionad phointe (c):

‘(c) i gcás nach bhféadfar SEC-SA a úsáid, i gcomhréir le míreanna 2 agus 4 den Airteagal seo, úsáidfidh institiúid SEC-ERBA i gcomhréir le hAirteagail 263 agus 264 le haghaidh suíomhanna rátáilte nó suíomhanna ar féidir rátáil a tugadh le tuiscint a úsáid ina leith.’;

(b)cuirtear an méid seo a leanas in ionad mhír 5:

‘5. Gan dochar do mhír 1, pointí (b) agus (c), den Airteagal seo, féadfaidh institiúid Cur Chuige an Mheasúnaithe Inmheánaigh a chur i bhfeidhm chun méideanna neamhchosanta atá ualaithe ó thaobh riosca a ríomh i ndáil le suíomh gan rátáil i gclár páipéar tráchtála sócmhainn-bhunaithe (ABCP) nó in idirbheart ABCP i gcomhréir le hAirteagal 266, ar choinníoll go gcomhlíontar na coinníollacha a leagtar amach in Airteagal 265. I gcás ina bhfuil cead faighte ag institiúid leas a bhaint as an as Cur Chuige an Mheasúnaithe Inmheánaigh i gcomhréir le hAirteagal 265(2), agus i gcás ina dtagann suíomh sonrach i gclár ABCP nó in idirbheart ABCP laistigh den raon feidhme a chumhdaítear leis an gcead sin, cuirfidh an institiúid Cur Chuige an Mheasúnaithe Inmheánaigh i bhfeidhm chun méid na neamhchosanta atá ualaithe ó thaobh riosca a ríomh don suíomh sin.’;

(7)in Airteagal 255, cuirtear an méid seo a leanas in ionad mhír 6:

‘6. I gcás ina gcuirfidh institiúid SEC-SA i bhfeidhm faoi Fhoroinn 3, ríomhfaidh an institiúid sin KSA trí na méideanna neamhchosanta ualaithe ó thaobh riosca i leith na neamhchosaintí nár mhainnigh a ríomhfaí faoi Chaibidil 2 dá mba nár urrúsaíodh iad a iolrú faoi 8 %, arna roinnt ar shuim luachanna neamhchosanta na neamhchosaintí foluiteacha nár mhainnigh. Sloinnfear KSA i bhfoirm dheachúil idir nialas agus a haon.

Chun críocha na míre seo, ní áireofar ar neamhchosaintí nár mhainnigh neamhchosaintí foluiteacha atá ar mainneachtain dá dtagraítear in Airteagal 261(2).

Chun críocha na míre seo, ríomhfaidh institiúidí luach neamhchosanta na neamhchosaintí foluiteacha agus aon choigeartú sonrach i leith riosca creidmheasa agus aon choigeartú luacha breise i gcomhréir le hAirteagail 34 agus 110 agus aon laghdú eile ar chistí dílse san áireamh.’;

(8)In Airteagal 256, cuirtear isteach an mhír seo a leanas:

‘7. Chun críoch mhíreanna 1 agus 2, déanfar iarmhéid gan íoc an chomhthiomsaithe neamhchosaintí foluiteacha san urrúsú a laghdú faoin méid caillteanas a leithdháileadh cheana féin ar na tráinsí i leith na neamhchosaintí ar mainneachtain atá ar áireamh sa phunann urrúsaithe.’;

(9)Leasaítear Airteagal 259 mar a leanas:

(a)cuirtear an méid seo a leanas in ionad na foclaíochta réamhráití:

‘Faoi SEC-IRBA, déanfar an méid neamhchosanta ualaithe ó thaobh riosca le haghaidh suíomh urrúsúcháin a ríomh trí luach neamhchosanta an tsuímh arna ríomh i gcomhréir le hAirteagal 248 a iolrú faoin ualach riosca is infheidhme a chinnfear mar a leanas:’

(b)an téacs ‘i gcás: p = uasmhéid [0,3; Cuirtear an méid seo a leanas in ionad (A + B*(1/N) + C*KIRB + D*LGD + E*MT)]:

‘I gcás:

p = íosmhéid (1, uasmhéid [0,3; 0,7 *(A + B*(1/N) + C*KIRB + D*LGD + E*MT)]) i gcás neamhchosaint tionscnóra nó urraitheora ar shuíomh urrúsúcháin sinsearach, nó

p = íosmhéid (1, uasmhéid [0,3; 1 *(A + B*(1/N) + C*KIRB + D*LGD + E*MT)]) i gcás neamhchosaintí eile.’;

(c)cuirtear isteach na míreanna 1a agus 1b seo a leanas:

‘1a. An méid neamhchosanta ualaithe ó thaobh riosca le haghaidh suíomh urrúsúcháin sinsearach arna ríomh i gcomhréir le mír 1, beidh sé faoi réir íosteorainn a ríomhfar mar a leanas:

Íosteorainn = uasmhéid (12 %; 15 % * KIRB*12,5)

1b. An méid neamhchosanta ualaithe ó thaobh riosca le haghaidh suíomh urrúsúcháin sinsearach arna ríomh i gcomhréir le mír 1 a chomhlíonann na critéir dá dtagraítear in Airteagal 243(4), beidh sé faoi réir íosteorainn a ríomhfar mar a leanas:

Íosteorainn = uasmhéid (10 %; 15 % * KIRB*12,5).’;

(d)cuirtear an méid seo a leanas in ionad mhír 7:

‘7. I gcás ina bhfuil an suíomh bunaithe ar chomhthiomsú measctha agus ina bhfuil an institiúid in ann KIRB a ríomh ar 95 % ar a laghad de na méideanna neamhchosanta foluiteacha i gcomhréir le hAirteagal 258(1), pointe (a), ríomhfaidh an institiúid an muirear caipitil le haghaidh an chomhthiomsaithe fholuitigh neamhchosaintí mar a leanas:

𝑑 ∙ 𝐾𝐼𝑅𝐵 + (1 − 𝑑)𝐾A‘;

(10)Cuirtear an méid seo a leanas in ionad Airteagal 260:

‘Airteagal 260

Urrúsuithe STS a láimhseáil faoi SEC-IRBA

1.Faoi SEC-IRBA, ríomhfar an t‑ualú riosca maidir le suíomh in urrúsú STS i gcomhréir le hAirteagal 259, faoi réir na modhnuithe seo a leanas:

p = íosmhéid (0,5, uasmhéid [0,2; 0,3*(A + B*(1/N) + C*KIRB + D*LGD + E*MT)] i gcás suíomh urrúsúcháin sinsearach tionscnóra nó urraitheora

p = íosmhéid (0,5, uasmhéid [0,2; 0,5*(A + B*(1/N) + C*KIRB + D*LGD + E*MT)]) i gcás suíomh neamhshinsearach tionscnóra nó urraitheora

p = íosmhéid (0,5, uasmhéid [0,3; 0,5*(A + B*(1/N) + C*KIRB + D*LGD + E*MT)]) i gcás suíomhanna eile

An íosteorainn ualaigh riosca i gcás suíomh urrúsúcháin sinsearach = uasmhéid (7 %; 10 % * KIRB*12,5).

2.Faoi SEC-IRBA, déanfar an t‑ualach riosca maidir le suíomh in urrúsú STS a chomhlíonann na critéir a leagtar síos in Airteagal 243(3) a ríomh i gcomhréir le hAirteagal 259, faoi réir na modhnuithe seo a leanas:

p = íosmhéid (0,5, uasmhéid [0,2; 0,3*(A + B*(1/N) + C*KIRB + D*LGD + E*MT)] i gcás suíomh urrúsúcháin sinsearach tionscnóra, urraitheora nó infheisteora

p = íosmhéid (0,5, uasmhéid [0,2; 0,5*(A + B*(1/N) + C*KIRB + D*LGD + E*MT)]) i gcás suíomh neamhshinsearach tionscnóra nó urraitheora

p = íosmhéid (0,5, uasmhéid [0,3; 0,5*(A + B*(1/N) + C*KIRB + D*LGD + E*MT)]) i gcás suíomhanna eile

An íosteorainn ualaigh riosca i gcás suíomh urrúsúcháin sinsearach = uasmhéid (5 %; 10 % * KIRB*12,5).;

(11)Leasaítear Airteagal 261 mar a leanas:

(a)leasaítear mír 1 mar a leanas:

(1)cuirtear an méid seo a leanas in ionad na foclaíochta réamhráití:

‘Faoi SEC-SA, déanfar an méid neamhchosanta ualaithe ó thaobh riosca le haghaidh suíomh urrúsúcháin a ríomh trí luach neamhchosanta an tsuímh arna ríomh i gcomhréir le hAirteagal 248 a iolrú faoin ualach riosca is infheidhme a chinnfear mar a leanas:’

(2)cuirtear an méid seo a leanas in ionad ‘p = 1 maidir le neamhchosaint ar urrúsú nach neamhchosaint ar ath-urrúsú í’:

‘I gcás suíomh urrúsúcháin nach neamhchosaint ar ath-urrúsú é, p = 0,6 i gcás suíomh urrúsúcháin sinsearach tionscnóra nó urraitheora; 1 i gcás suíomh urrúsúcháin eile’.;

(b)cuirtear isteach na míreanna 1a agus 1b seo a leanas:

‘1a. An méid neamhchosanta ualaithe ó thaobh riosca le haghaidh suíomh urrúsúcháin sinsearach arna ríomh i gcomhréir le mír 1, beidh sé faoi réir íosteorainn a ríomhfar mar a leanas:

Íosteorainn = uasmhéid (12 %; 15 % * KA*12,5).

1b. An méid neamhchosanta ualaithe ó thaobh riosca le haghaidh suíomh urrúsúcháin sinsearach arna ríomh i gcomhréir le mír 1 a chomhlíonann na critéir a leagtar amach in Airteagal 243(4), beidh sé faoi réir íosteorainn a ríomhfar mar a leanas:

Íosteorainn = uasmhéid (10 %; 15 % * KA * 12,5).’;

(c)I mír 2, cuirtear isteach an fhomhír seo a leanas:

‘Chun críoch na míre seo, is éard atá i méid ainmniúil na neamhchosaintí foluiteacha ar mainneachtain luach cuntasaíochta na neamhchosaintí ar mainneachtain lúide aon mhéid faoinar díluacháladh na tráinsí cheana féin chun na caillteanais ó na neamhchosaintí sin ar mainneachtain a ionsú, nó caillteanais arna n‑ionsú ag barrachas an raoin difríochta.’;

(12)Cuirtear an méid seo a leanas in ionad Airteagal 262:

‘Airteagal 262

Urrúsuithe STS a láimhseáil faoi SEC-SA

1.Faoi SEC-IRBA, déanfar an t‑ualú riosca maidir le suíomh in urrúsú STS a ríomh i gcomhréir le hAirteagal 261, faoi réir na modhnuithe seo a leanas:

p = 0,3 i gcás suíomh urrúsúcháin sinsearach tionscnóra nó urraitheora

p = 0,5 i gcás neamhchosaintí eile ar urrúsú

an íosteorainn ualaigh riosca i gcás suíomh urrúsúcháin sinsearach = uasmhéid (7 %; 10 % * KA*12,5).

2.Faoi SEC-SA, déanfar an t‑ualach riosca maidir le suíomh in urrúsú STS a chomhlíonann na critéir a leagtar amach in Airteagal 243(3) a ríomh i gcomhréir le hAirteagal 261, faoi réir na modhnuithe seo a leanas:

p = 0,3 i gcás suíomh urrúsúcháin sinsearach tionscnóra, urraitheora nó infheisteora

p = 0,5 i gcás neamhchosaintí eile ar urrúsú

an íosteorainn ualaigh riosca i gcás suíomh urrúsúcháin sinsearach = uasmhéid (5 %; 10 % * KA * 12,5).’;

(13)Leasaítear Airteagal 263 mar a leanas:

(a)cuirtear an méid seo a leanas in ionad mhír 2:

‘2. Maidir le neamhchosaintí a mbaineann measúnuithe creidmheasa gearrthéarmacha leo nó i gcás inar féidir rátáil atá bunaithe ar mheasúnú creidmheasa gearrthéarmach a thuiscint i gcomhréir le mír 7, beidh feidhm ag na hualaí riosca seo a leanas:

Tábla 1

(b)cuirtear isteach na míreanna 2a agus 2b seo a leanas:

‑‘2a. I gcás suíomh i dtráinse sinsearach a bhfuil CQS1 aige in urrúsú a chomhlíonann na critéir a leagtar amach in Airteagal 243(4), ríomhfar an tualach riosca mar a leanas:

Uasmhéid (10 %; 15 % * KA * 12,5)

2b. I gcás nach mbeidh institiúid in ann an fhoirmle a leagtar amach i dTábla 1 nó faoi mhír 2a a úsáid, toisc nach bhfuil sí in ann KA a ríomh, beidh feidhm ag ualach riosca 15 % maidir leis an neamhchosaint ábhartha.’;

(c)cuirtear an méid seo a leanas in ionad mhír 3:

‘3. I gcás neamhchosaintí a mbaineann measúnuithe creidmheasa fadtéarmacha leo nó i gcás inar féidir rátáil bunaithe ar mheasúnú creidmheasa fadtéarmach a thuiscint i gcomhréir le mír 7, beidh feidhm ag na hualaí riosca a leagtar amach i dTábla 2, arna gcoigeartú mar is infheidhme i leith aibíocht tráinse (MT) i gcomhréir le hAirteagal 257 agus mír 4 den Airteagal seo agus i leith tiús tráinse i gcás tráinsí neamhshinsearacha i gcomhréir le mír 5 den Airteagal seo:

Tábla 2

(d)cuirtear isteach na míreanna 3a agus 3b seo a leanas:

‑‘3a. I gcás suíomh tionscnóra nó urraitheora i dtráinse sinsearach a bhfuil CQS1 aige, nó CQS2 a bhfuil aibíocht tráinse 1 bhliain amháin aige, in urrúsú a chomhlíonann na critéir a leagtar amach in Airteagal 243(4), ríomhfar an tualach riosca mar a leanas:

Uasmhéid (10 %; 15 % * KA * 12,5)

3b. I gcás nach mbeidh institiúid in ann an fhoirmle a leagtar amach i dTábla 2 nó faoi mhír 3a a úsáid, toisc nach bhfuil sí in ann KA a ríomh, beidh feidhm ag ualach riosca 15 % maidir leis an neamhchosaint ábhartha.’;

(14)Leasaítear Airteagal 264 mar a leanas:

(a)cuirtear an méid seo a leanas in ionad mhír 2:

‘2. Maidir le neamhchosaintí a mbaineann measúnuithe creidmheasa gearrthéarmacha leo nó i gcás inar féidir rátáil atá bunaithe ar mheasúnú creidmheasa gearrthéarmach a thuiscint i gcomhréir le hAirteagal 263(7), beidh na hualuithe riosca seo a leanas infheidhme:

Tábla 3

(b)cuirtear isteach na míreanna 2a agus 2b seo a leanas:

‑‘2a. I gcás suíomh i dtráinse sinsearach a bhfuil CQS1 aige in urrúsú a chomhlíonann na critéir a leagtar amach in Airteagal 243(3), ríomhfar an tualach riosca mar a leanas:

Uasmhéid (5 %; 10 % * KA*12,5)

2b. I gcás nach mbeidh institiúid in ann an fhoirmle a leagtar amach i dTábla 3 nó faoi mhír 2a a úsáid, toisc nach bhfuil sí in ann KA a ríomh, beidh feidhm ag ualach riosca 10 % maidir leis na neamhchosaintí ábhartha.’;

(c)cuirtear an méid seo a leanas in ionad mhír 3:

‘3. Maidir le neamhchosaintí a mbaineann measúnuithe creidmheasa fadtéarmacha leo nó i gcás inar féidir rátáil atá bunaithe ar mheasúnú creidmheasa fadtéarmach a thuiscint i gcomhréir le hAirteagal 263(7), cinnfear ualuithe riosca i gcomhréir le Tábla 4 agus iad coigeartaithe maidir le haibíocht tráinse (MT) i gcomhréir le hAirteagal 257 agus le hAirteagal 263(4) agus maidir le tiús tráinse le haghaidh tráinsí neamhshinsearacha i gcomhréir le hAirteagal 263(5):

Tábla 4

(d)cuirtear isteach na míreanna 3a agus 3b seo a leanas:

‑‘3a. I gcás suíomh i dtráinse sinsearach a bhfuil CQS1 aige, nó CQS 2 a bhfuil aibíocht tráinse 1 bhliain amháin aige, in urrúsú a chomhlíonann na critéir a leagtar amach in Airteagal 243(3), ríomhfar an tualach riosca mar a leanas:

Uasmhéid (5 %; 10 % * KA * 12,5)

3b. I gcás nach mbeidh institiúid in ann an fhoirmle a leagtar amach i dTábla 4 a úsáid, toisc nach bhfuil sí in ann KA a ríomh, beidh feidhm ag ualach riosca 10 % maidir leis an neamhchosaint ábhartha.’;

(15)Leasaítear Airteagal 268 mar a leanas:

(a)cuirtear an méid seo a leanas in ionad mhír 1:

‘1. Féadfaidh institiúid uascheanglas caipitil a chur i bhfeidhm maidir leis an suíomh urrúsúcháin atá ina seilbh a bheadh cothrom leis na ceanglais chaipitil a ríomhfaí faoi Chaibidil 2 nó 3 i leith na neamhchosaintí foluiteacha dá mba nár urrúsaíodh iad.

Chun críocha an Airteagail seo, beidh méid na gcaillteanas ionchasach a bhaineann leis na neamhchosaintí sin a ríomhadh faoi Chaibidil 3, agus méid na gcaillteanas neamhionchasach, san áireamh i gceanglas caipitil an Chur Chuige IRB. I gcás institiúidí tionscnóra, beidh na caillteanais ionchasacha glan ar aon choigeartú sonrach i leith riosca creidmheasa a bhaineann leis na neamhchosaintí foluiteacha.’;

(b)cuirtear an méid seo a leanas in ionad mhír 3:

‘3. Is é a bheidh sa cheanglas uasta caipitil an toradh a fhaightear nuair a iolraítear an méid arna ríomh i gcomhréir le mír 1 nó le mír 2 faoin gcion is mó úis atá i seilbh na hinstitiúide sna tráinsí ábhartha (V), arna shloinneadh mar chéatadán agus arna ríomh mar a leanas:

(a)i gcás institiúid a bhfuil suíomh urrúsúcháin amháin nó níos mó aici in aon tráinse amháin, beidh V cothrom le cóimheas mhéid ainmniúil na suíomhanna urrúsúcháin atá i seilbh na hinstitiúide sin sa tráinse sin le méid ainmniúil an tráinse;

(b)i gcás institiúid a bhfuil suíomhanna urrúsúcháin aici i dtráinsí éagsúla, beidh V cothrom leis an gcion uasta úis thar na tráinsí.

Chun críocha phointe (b), déanfar an cion úis i gcás gach ceann de na tráinsí éagsúla a ríomh mar a leagtar amach i bpointe (a).

De mhaolú ar an gcéad fhomhír agus ar an dara fomhír, féadfaidh institiúidí neamhaird a thabhairt d’ús aon tráinse a sanntar ualach riosca 1 250 % dá shuíomhanna urrúsúcháin atá i seilbh na hinstitiúide i gcomhréir le Foroinn 3 nó a bhaintear as Gnáthchothromas Leibhéal 1 i gcomhréir le hAirteagal 36(1), pointe (k). Sa chás sin, is éard a bheidh sna huascheanglais chaipitil suim an mhéid arna ríomh i gcomhréir le míreanna 1 nó 2, glan ar luachanna neamhchosanta na suíomhanna urrúsúcháin ar tugadh neamhaird orthu agus V á chinneadh, arna hiolrú faoi V móide suim luachanna neamhchosanta na suíomhanna urrúsúcháin ar tugadh neamhaird orthu agus V á chinneadh.’;

(16)in Airteagal 270, scriostar míreanna 2, 3 agus 4;

(17)scriostar Airteagal 506b;

(18)cuirtear an méid seo a leanas in ionad Airteagal 506d:

‘Airteagal 506d

Láimhseáil stuamachta urrúsúcháin

1.Faoin [4 bliana tar éis dháta an teacht i bhfeidhm], déanfaidh an Coimisiún, tar éis dó dul i gcomhairle le ÚBE, measúnú ar staid fhoriomlán agus ar dhinimic mhargadh urrúsúcháin an Aontais, agus tuairisceoidh sé ar oiriúnacht agus éifeachtacht chreat urrúsúcháin stuamachta an Aontais, lena n‑áirítear ar mhaoiniú an fhíorgheilleagair, agus idirdhealú á dhéanamh idir cineálacha éagsúla urrúsuithe, lena n‑áirítear idir urrúsuithe sintéiseacha, urrúsuithe traidisiúnta agus urrúsuithe neamhchosaintí neamhthuillmheacha, idir tionscnóirí agus infheisteoirí, idir idirbhearta STS agus idirbhearta neamh-STS, agus idir modhanna éagsúla chun méideanna neamhchosanta ualaithe ó thaobh riosca a ríomh.

Mar chuid den athbhreithniú, déanfaidh an Coimisiún measúnú ar an tionchar ar chobhsaíocht airgeadais. Déanfaidh an Coimisiún faireachán freisin ar úsáid an tsocraithe idirthréimhsigh dá dtagraítear in Airteagal 465(13) agus déanfaidh sé measúnú ar a mhéid a dhéanfadh cur i bhfeidhm na híosteorann aschuir maidir le neamhchosaintí ar urrúsú difear don laghdú caipitil a fhaigheann institiúidí tionscnóra in idirbhearta a n‑aithnítear aistriú riosca shuntasaigh ina leith, a mhéid a laghdódh sé go hiomarcach an íogaireacht i leith riosca agus a mhéid a dhéanfadh sé difear d’inmharthanacht eacnamaíoch idirbheart urrúsúcháin nua.

Go sonrach, measfaidh an Coimisiún an bhféadfaí íogaireacht níos mó a bhaint amach, leibhéil neamhneodrachta caipitil níos comhréirí a bhaint amach, éifeachtaí aille a mhaolú agus aghaidh a thabhairt ar theorainneacha struchtúracha an chreata atá ann faoi láthair, agus feidhmíocht chreidmheasa stairiúil idirbheart urrúsúcháin san Aontas agus riosca laghdaithe gníomhaireachta an chreata urrúsúcháin agus a riosca laghdaithe de bharr samhaltaithe á gcur san áireamh, dá ndéanfaí athrú níos bunúsaí ar na foirmlí agus ar na feidhmeanna ualaigh riosca.

Cuirfidh an Coimisiún an tuarascáil sin faoi bhráid Pharlaimint na hEorpa agus na Comhairle, agus beidh, i gcás inarb iomchuí, togra reachtach ina teannta.

2.Cuirfidh ÚBE tuarascáil faoi bhráid an Choimisiúin, faoi [2 bhliain tar éis an teacht i bhfeidhm], chun faireachán a dhéanamh ar fhorbairtí agus ar dhinimic mhargadh urrúsúcháin an Aontais atá mar thoradh ar an gcreat stuamachta leasaithe, agus aird á díriú ar ról na n‑institiúidí creidmheasa mar thionscnóirí idirbheart SRT agus mar infheisteoirí. Déanfar idirdhealú san anailís idir cineálacha éagsúla urrúsuithe, lena n‑áirítear idir urrúsuithe sintéiseacha, urrúsuithe traidisiúnta agus urrúsuithe neamhchosaintí neamhthuillmheacha, agus idir idirbhearta STS agus idirbhearta neamh-STS. Déanfar anailís sa tuarascáil freisin ar thionchar an chreata stuamachta leasaithe ar iasachtú breise ó institiúidí creidmheasa le teaghlaigh agus le gnólachtaí, lena n‑áirítear FBManna.

Airteagal 2

Tiocfaidh an Rialachán seo i bhfeidhm an […] lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh in Strasbourg,

RÁITEAS REACHTACH AIRGEADAIS AGUS DIGITEACH

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a bhfuil súil leo3

1.3.4.Táscairí feidhmíochta3

1.4.Baineann an togra/tionscnamh le:4

1.5.Forais an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach atá mar thoradh ar ghníomhaíocht an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart4

1.5.4.Comhoiriúnacht don chreat airgeadais ilbhliantúil agus sineirgíochtaí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh5

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme6

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bhainistíochta agus rialaithe8

2.2.1.An bonn cirt atá leis an modh/na modhanna cur chun feidhme buiséid atá beartaithe, le sásra/sásraí cur chun feidhme an chistithe, leis na módúlachtaí íocaíochta agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an bonn cirt atá leis sin (cóimheas idir costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh)8

2.3.Bearta chun calaois agus neamhrialtachtaí a chosc9

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH10

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar10

3.2.An tionchar airgeadais a mheastar a bheidh ag an togra ar leithreasuithe12

3.2.1.Achoimre ar an tionchar a mheastar a bheidh aige ar leithreasuithe faoi chomhair oibríochtaí12

3.2.1.1.Leithreasuithe ón mbuiséad ar vótáladh ina fhabhar12

3.2.1.2.Leithreasuithe ó ioncam sannta seachtrach17

3.2.2.An t‑aschur a mheastar a chisteofar ó leithreasuithe faoi chomhair oibríochtaí22

3.2.3.Achoimre ar an tionchar a mheastar a bheidh aige ar leithreasuithe de chineál riaracháin24

3.2.3.1. Leithreasuithe ón mbuiséad ar vótáladh ina fhabhar24

3.2.3.2.Leithreasuithe ó ioncam sannta seachtrach24

3.2.3.3.Iomlán leithreasuithe24

3.2.4.Na hacmhainní daonna a mheastar a bheidh riachtanach25

3.2.4.1.Nithe arna maoiniú ón mbuiséad ar vótáladh ina fhabhar25

3.2.4.2.Nithe arna maoiniú ó ioncam sannta seachtrach26

3.2.4.3.Na hacmhainní daonna iomlána a bheidh riachtanach26

3.2.5.Forbhreathnú ar an tionchar a mheastar a imreofar ar infheistíochtaí a bhaineann le teicneolaíochtaí digiteacha28

3.2.6.Comhoiriúnacht don chreat airgeadais ilbhliantúil reatha28

3.2.7.Ranníocaíochtaí ó thríú páirtithe28

3.3.An tionchar a mheastar a bheidh ar ioncam29

4.Gnéithe digiteacha29

4.1.Ceanglais maidir le hábharthacht dhigiteach30

4.2.Sonraí30

4.3.Réitigh dhigiteacha31

4.4.Measúnú idir-inoibritheachta31

4.5.Bearta chun tacú le cur chun feidhme digiteach32

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a bhfuil súil leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: 

 beart nua 

 beart nua a leanann treoirthionscadal/réamhbheart 24  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Forais an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach atá mar thoradh ar ghníomhaíocht an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgíochtaí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad an togra/tionscnaimh agus an fad a mhairfidh an tionchar airgeadais a bheidh aige

 tréimhse theoranta

–    i bhfeidhm ón [LL/MM]BBBB go dtí an [LL/MM]BBBB

–    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme 25   

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–    trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí leordhóthanacha airgeadais dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí leordhóthanacha airgeadais

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

– comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bhainistíochta agus rialaithe 

2.2.1.An bonn cirt atá leis an modh/na modhanna cur chun feidhme buiséid atá beartaithe, le sásra/sásraí cur chun feidhme an chistithe, leis na módúlachtaí íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an bonn cirt atá leis sin (cóimheas idir costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh) 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a bheidh aige ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    Éilíonn an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

EUR milliúin (go dtí an tríú deachúil)

3.2.1.2.Leithreasuithe ó ioncam sannta seachtrach

EUR milliúin (go dtí an tríú deachúil)