(a)

Forbairt éiceachórais taighde láidir a chur chun cinn a thuilleadh lena n-áiritheofar taighde ábhartha, inrochtana agus ar ardchaighdeán i réimse an oideachais agus na hoiliúna agus tábhacht na slándála agus na sláine taighde á cur san áireamh ag an am céanna.

(b)

Rannpháirtíocht ghníomhach taighdeoirí agus ball foirne oideachais i mbeartas agus i gcleachtas oideachais agus oiliúna a chur chun cinn agus a spreagadh trí dheiseanna agus struchtúir tacaíochta a chruthú.

(c)

Baill foirne oideachais a spreagadh chun rannchuidiú le taighde oideachais agus chun páirt a ghlacadh sa taighde sin.

(d)

Lucht ceaptha beartas, taighdeoirí agus geallsealbhóirí a spreagadh chun gníomhaíochtaí cumarsáide soiléire agus spriocdhírithe a ghlacadh agus torthaí taighde á scaipeadh.

(e)

Torthaí taighde a úsáid agus beartais á ndearadh chun measúnú a dhéanamh ar éifeachtaí agus ar thionchar beart oideachais nó athchóirithe d’fhonn a n-éifeachtúlacht agus a n-éifeachtacht a fheabhsú.

(f)

An phiarfhoghlaim a chur chun cinn chun gur fearr a roinnfí cleachtais agus taithí maidir le fianaise a úsáid go héifeachtach i gceapadh beartais agus i gcleachtas. Leas a bhaint as an saineolas atá ag na Ballstáit cheana féin, chomh maith le saineolas eagraíochtaí réigiúnacha, náisiúnta, Eorpacha agus idirnáisiúnta mar atá ECFE, UNESCO, an Cumann Idirnáisiúnta um Meastóireacht ar Ghnóthachtáil Oideachais, an Banc Domhanda, agus eagraíochtaí eile agus iniúchadh a dhéanamh ar chomhoibriú, ar mhalartuithe agus ar chomhpháirtíochtaí.

(g)

Féachaint ar bheartais agus cleachtais rathúla fhianaise-shaibhrithe san oideachas agus san oiliúint a mhapáil agus a anailísiú chun príomhthosca maidir le héifeachtacht a shainaithint agus sineirgí a spreagadh.

(a)

Lucht ceaptha beartas, údaráis oideachais, institiúidí oideachais agus oiliúna agus páirtithe leasmhara chomh maith le baill foirne oideachais a spreagadh chun fianaise a úsáid agus iad i mbun riachtanais oideachais a shainaithint agus gníomhaíochtaí a shainiú chun aghaidh a thabhairt ar na riachtanais sin agus chun meastóireacht leanúnach a dhéanamh ar na gníomhaíochtaí sin agus iad a oiriúnú.

(a)

Deiseanna le haghaidh taighde oideachais, piarfhoghlama, comhpháirtíochtaí agus tástáil beartais a chruthú agus a spreagadh do na Ballstáit uile, do pháirtithe leasmhara agus d’eagraíochtaí idirmheánacha maidir le beartas agus cleachtas fianaise-shaibhrithe san oideachas agus san oiliúint trí chláir de chuid an Aontais ar nós Erasmus+, lena n-áirítear a phríomhghníomhaíocht 3, Fís Eorpach, lena n-áirítear a Shaoráid Tacaíochta Beartais, agus an Ionstraim um Thacaíocht Theicniúil.

(b)

Gníomhaíochtaí a neartú ar leibhéal an Aontais chun tacú le beartas agus cleachtas fianaise-shaibhrithe san oideachas agus san oiliúint agus chun iad sin a spreagadh, go háirithe an Tuarascáil Faireacháin ar Oideachas agus Oiliúint, Eurydice, gníomhaíochtaí an Bhuanghrúpa maidir le Táscairí agus Tagarmharcanna, an tAirmheán Comhpháirteach Taighde, Cedefop, an Fhondúireacht Eorpach Oiliúna, an tSaotharlann Foghlama um Infheistiú in Oideachas agus Oiliúint ar Ardchaighdeán, Fóram Chomhairleoirí Eolaíochta na hEorpa, an Sásra um Chomhairle Eolaíoch, agus an t-ardán Knowledge4Policy.

(a)

Taighde agus litearthacht sonraí a chur chun cinn i measc lucht ceaptha beartas agus ball foirne oideachais, rud a chuirfidh ar a gcumas rochtain a fháil ar thaighde, taighde a thuiscint, páirt a ghlacadh ann agus é a chur i bhfeidhm go héifeachtach, ar taighde é atá ábhartha dá gcomhthéacsanna sonracha.

(b)

Oiliúint tosaigh múinteoirí agus forbairt ghairmiúil leantach a spreagadh, chun cleachtas fianaise-shaibhrithe a chur san áireamh agus a chothú, lena n-áirítear an oideolaíocht agus bainistiú seomra ranga agus scoile, chomh maith le hoiliúint agus forbairt ghairmiúil na foirne oideachais i ngach earnáil.

(c)

Taighdeoirí a spreagadh chun litearthacht a chothú sa ‘bheartas agus sa chleachtas’ trí lucht ceaptha beartas agus baill foirne oideachais a rannpháirtiú le linn an phróisis taighde.

(d)

Tacú le struchtúir agus/nó eagraíochtaí idirmheánacha a bhfuil ról lárnach acu chun an bhearna idir taighde oideachais, beartas, cleachtas agus an tsochaí ina hiomláine a dhúnadh agus iad a neartú.

(e)

Féachaint an bhféadfaí aonaid shonracha a chruthú, nó tacú leo, laistigh de riaracháin oideachais lena gcothaítear agus lena dtreisítear beartas agus cleachtas fianaise-shaibhrithe.

(a)

Féachaint ar cheanglais sonraí a chomhtháthú ó thús aon bheartais nó aon ghníomhaíochta oideachais chun a oiread faisnéise agus is féidir a fháil maidir lena chur chun feidhme agus lena luach, agus chun giniúint fianaise a spreagadh.

(b)

Féachaint lena áirithiú go mbeidh sonraí inaimsithe, inrochtana, idir-inoibritheach agus in-athúsáidte (FAIR). Infhaighteacht, inrochtaineacht agus úsáid sonraí FAIR agus sonraí oscailte a chur chun cinn chun tacú le beartas agus cleachtas fianaise-shaibhrithe.

(c)

A áirithiú go dtairgfidh bailiú agus anailís sonraí san oideachas agus san oiliúint breisluach atá comhréireach leis na hacmhainní a infheistítear iontu.

(d)

Féachaint ar na féidearthachtaí a bhaineann leis an intleacht shaorga agus sonraí á bpróiseáil, á n-anailísiú agus á n-úsáid, agus ceisteanna cáilíochta, oibiachtúlachta agus muiníne á gcur san áireamh.

(a)

Féachaint ar straitéis a fhiosrú le haghaidh sonraí FAIR oideachais agus oiliúna lena dtugtar aghaidh ar bhailiú, ar sholáthar agus ar scaipeadh sonraí, agus an méid seo a leanas á chur san áireamh:

(b)

Leanúint de na hiarrachtaí chun sonraí a bhailiú go comhpháirteach san oideachas agus san oiliúint. Féachaint an bhféadfaí infheistíochtaí a fhiosrú i ndáil le rochtain chostéifeachtach ar shonraí riaracháin agus i ndáil le húsáid aonfhoirmeach na sonraí sin.

(c)

Leanúint d’infheistíocht a dhéanamh i mbonneagar láidir sonraí, in anailís sonraí úrscothach, i gcruthú luacha i ndáil le sonraí agus i nuálaíocht sonraí. Tá sonraí ardcháilíochta agus FAIR ar leibhéal an duine aonair agus ar leibhéal an chórais de dhíth ar bheartas agus cleachtas fianaise-shaibhrithe san oideachas agus san oiliúint.

(a)

Comhroinnt sonraí oideachais agus oiliúna agus dea-chleachtas i measc na mBallstát agus, i gcás inarb ábhartha, ar fud réimsí poiblí agus príobháideacha, a chur chun cinn agus tacú leo. Fianaise a chomhroinnt agus treoir agus tacaíocht a sholáthar do na Ballstáit maidir le cleachtais éifeachtacha sonraí, modheolaíochtaí agus rialacháin phríobháideachais an Aontais a bhaineann le sonraí oideachais agus oiliúna a chur chun feidhme.

(a)

Raon feidhme na Saotharlainne Foghlama um Infheistiú in Oideachas agus Oiliúint ar Ardchaighdeán a leathnú, i gcomhairle leis na Ballstáit agus, i gcás inarb infheidhme, leis na húdaráis réigiúnacha agus áitiúla, chuig réimse níos leithne beartais fianaise-shaibhrithe san oideachas agus san oiliúint. A áirithiú gur ar bhonn deonach i gcónaí a bheidh rannpháirtíocht i ngníomhaíochtaí na Saotharlainne Foghlama.

(b)

Fianaise nua a chur ar fáil agus an fhianaise atá ann cheana a dhéanamh níos inrochtana do lucht ceaptha beartas an Aontais i réimse an oideachais agus na hoiliúna. Stór faisnéise a bhunú ina mbeidh uirlisí lena n-éascófar rochtain ar léargais maidir le beartais agus cleachtais fhianaise-shaibhrithe, de réir a réimsí tionchair agus a n-acmhainneachtaí chun fadhbanna a réiteach faoi seach. Sainaithint samplaí d’infheistíocht chostéifeachtach san oideachas agus san oiliúint a neartú. Sineirgí le líonra Eurydice a fhiosrú.

(c)

Gníomhaíochtaí fothaithe acmhainneachta a eagrú chun feabhas a chur ar scileanna agus inniúlachtaí lucht ceaptha beartas a bhfuil baint acu le beartas fianaise-shaibhrithe san oideachas agus san oiliúint. Ba cheart na huirlisí oiliúna a chur in oiriúint do na leibhéil éagsúla den cheapadh beartais agus do chéimeanna na mBallstát faoi seach i ndáil le ceapadh beartais fianaise-shaibhrithe san oideachas agus san oiliúint.

(d)

Tacú le comhpháirtíochtaí a bhunú idir an pobal taighde oideachais, lucht ceaptha beartas agus baill foirne oideachais. Tacú le líonra an Aontais d’eagraíochtaí idirmheánacha a bhfuil ról lárnach acu maidir leis an mbearna idir taighde oideachais, beartas, cleachtas agus an tsochaí ina hiomláine a dhúnadh.

(e)

Páirt a ghlacadh agus comhoibriú le heagraíochtaí idirnáisiúnta, mar atá ECFE, UNESCO, an Cumann Idirnáisiúnta um Meastóireacht ar Ghnóthachtáil Oideachais agus an Banc Domhanda, chun sineirgí a bhunú agus a shaothrú agus dúbailt oibre a sheachaint chun beartas agus cleachtas fianaise-shaibhrithe a chothú san oideachas agus san oiliúint.

(f)

Idirphlé agus malartú leanúnach a chothú maidir le beartas agus cleachtas fianaise-shaibhrithe san oideachas agus san oiliúint i measc na mBallstát, lena n-áirítear tríd an gComhphobal Cleachtais maidir le Meastóireacht Tionchair Fhrithfhíorasach ar Bheartais Oideachais.

(g)

Plean oibre na Saotharlainne Foghlama um Infheistiú in Oideachas agus Oiliúint ar Ardchaighdeán a chur faoi bhráid an Choiste Oideachais le haghaidh aiseolais d’fhonn é a bharrfheabhsú maidir le riachtanais agus ábhair imní na mBallstát. Tuairisc a thabhairt don Choiste Oideachais agus dul i dteagmháil leis go rialta maidir leis an ábhar seo.

(h)

Foráil a dhéanamh maidir le dóthain acmhainní a sholáthar chun a áirithiú go mbeidh tionchar fóinteach ag gníomhaíochtaí na Saotharlainne Foghlama.

(a)

rannpháirtíocht sna gníomhaíochtaí a chuireann an tSaotharlann Foghlama ar fáil a fhiosrú. A léargais a roinnt le linn plé tiomnaithe de chuid an Choiste Oideachais chun éifeachtacht agus cáilíocht na Saotharlainne Foghlama a fheabhsú go leanúnach.

(a)

Aird ar leith a thabhairt ar úsáid fianaise ina chuid scrúduithe ar thograí arna gcur faoi bhráid na Comhairle ag an gCoimisiún nó ar úsáid dréachtchonclúidí agus rún ón gComhairle.

(b)

Tuairim a thabhairt, i gcás inarb iomchuí, maidir le haon togra le haghaidh táscaire nó sprioc de chuid an Aontais a mbeidh tionchar aige ar réimse an oideachais agus na hoiliúna.