1.   Leis an Rialachán seo, leagtar síos rialacha comhchuibhithe maidir le táirgí foirgníochta a chur ar an margadh agus a chur ar fáil ar an margadh, is cuma cé acu a dhéantar iad faoi chuimsiú seirbhíse nó nach ndéantar, trí na nithe seo a leanas a bhunú:

2.   Leis an Rialachán seo, bunaítear an méid seo a leanas freisin:

3.   Is é is aidhm don Rialachán seo rannchuidiú le feidhmiú éifeachtúil an mhargaidh inmheánaigh trí shaorghluaiseacht táirgí foirgníochta sábháilte agus inbhuanaithe a áirithiú san Aontas. Is é is aidhm dó freisin rannchuidiú leis na cuspóirí a bhaineann le haistriú glas agus digiteach tríd an tionchar a bhíonn ag táirgí foirgníochta ar an gcomhshaol agus ar shláinte agus sábháilteacht daoine a chosc agus a laghdú.

1.   Tá feidhm ag an Rialachán seo maidir le táirgí foirgníochta, lena n-áirítear táirgí úsáidte, agus maidir leis na hítimí seo a leanas:

2.   Níl feidhm ag an Rialachán seo maidir leis na nithe seo a leanas:

3.   Féadfaidh na Ballstáit táirgí a thagann faoi raon feidhme an Rialacháin seo agus a chuirtear ar an margadh sna réigiúin is forimeallaí den Aontas de réir bhrí Airteagal 349 CFAE a dhíolmhú ó chur i bhfeidhm an Rialacháin seo. Tabharfaidh na Ballstáit fógra don Choimisiún agus do na Ballstáit eile faoi na forálacha reachtaíochta, rialúcháin agus riaracháin náisiúnta lena bhforáiltear do dhíolúintí den sórt sin. Áiritheoidh siad nach mbeidh an mharcáil CE dá dtagraítear in Airteagal 17 ar tháirgí díolmhaithe. Maidir le táirgí a chuirtear ar an margadh ar bhonn na díolúine sin, ní mheasfar iad a bheith curtha ar an margadh san Aontas de réir bhrí an Rialacháin seo.

1.   Gheobhaidh an Coimisiún tacaíocht ó shainghrúpa (‘an Sainghrúpa maidir le Acquis an Rialacháin maidir le Táirgí Foirgníochta’ nó ‘Sainghrúpa Acquis RTF’). Beidh Sainghrúpa Acquis RTF comhdhéanta ar a laghad de shaineolaithe arna n-ainmniú ag na Ballstáit, d’ionadaithe eagraíochtaí Eorpacha um chaighdeánú agus d’ionadaithe eagraíochtaí geallsealbhóirí Eorpacha ábhartha a fhaigheann maoiniú ón Aontas faoi Rialachán (AE) Uimh. 1025/2012. Tacóidh Sainghrúpa Acquis RTF leis an gCoimisiún iarrataí na mBallstát ar chomhchuibhiú an Aontais a phróiseáil trí shonraíochtaí teicniúla comhchuibhithe. Go háirithe, cuideoidh Sainghrúpa Acquis RTF leis an gCoimisiún plean oibre a bhunú agus a thabhairt cothrom le dáta chun sonraíochtaí teicniúla comhchuibhithe a fhorbairt, an t-ábhar teicniúil a bhaineann le sonraíochtaí teicniúla comhchuibhithe a ullmhú, cinneadh a dhéanamh maidir leis an ngá atá leis na nósanna imeachta a sheoladh i ndáil le sonraíochtaí teicniúla comhchuibhithe a léiríonn easnaimh, nach bhfuil ar fáil, nó nach bhfuil in ann riachtanais rialála láithreacha a chumhdach, agus cinneadh a dhéanamh i dtaobh táirgí úsáidte a áireamh i sonraíochtaí teicniúla comhchuibhithe.

2.   Tar éis dó dul i gcomhairle le Sainghrúpa Acquis RTF, bunóidh an Coimisiún plean oibre chun sonraíochtaí teicniúla comhchuibhithe a fhorbairt d’fhinte táirgí a liostaítear in Iarscríbhinn VII, lena n-áirítear ceanglais táirge chomh maith le faisnéis ghinearálta táirge, treoracha úsáide agus faisnéis sábháilteachta, lena gcumhdaítear an tréimhse 3 bliana ina dhiaidh sin ar a laghad. Socróidh an Coimisiún tosaíochtaí an phlean oibre trí úsáid a bhaint as modheolaíocht thrédhearcach agus chothrom, a fhoilseofar in éineacht leis an bplean oibre. Leis an modheolaíocht sin, léireofar ar a laghad riachtanais rialála na mBallstát, na saincheisteanna sábháilteachta a bhaineann le hoibreacha foirgníochta agus táirgí foirgníochta agus spriocanna an Aontais maidir leis an aeráid agus leis an ngeilleagar ciorclach.

Foilseoidh an Coimisiún an chéad phlean oibre tráth nach déanaí ná an 8 Eanáir 2026.

Déanfaidh an Coimisiún an plean oibre a athnuachan agus a thabhairt cothrom le dáta gach 3 bliana ar a laghad. Bliain amháin roimh dhul in éag an phlean oibre atá i bhfeidhm, foilseoidh sé an plean oibre don tréimhse 3 bliana ina dhiaidh sin.

Cuirfidh an Coimisiún Parlaimint na hEorpa agus na Ballstáit ar an eolas, ar bhonn bliantúil, faoin dul chun cinn a mhéid a bhaineann le cur chun feidhme an phlean oibre.

Má mheasann an Coimisiún nach féidir leis na spriocanna a leagtar amach sa phlean oibre a bhaint amach, leasóidh sé dá réir sin é gan moill mhíchuí, agus cuirfidh sé Parlaimint na hEorpa agus na Ballstáit ar an eolas faoi na cúiseanna atá leis sin.

3.   Tar éis an phlean oibre a bhunaítear faoi mhír 2, cuirfidh na Ballstáit in iúl don Choimisiún agus do Shainghrúpa Acquis RTF na saintréithe bunriachtanacha a theastaíonn uathu le haghaidh fine táirgí nó catagóir táirgí, agus na modhanna measúnúcháin, leibhéil tairsí nó aicmí feidhmíochta, chomh maith leis na ceanglais táirge, a mheasann siad a bheith riachtanach.

Nuair a chuireann na Ballstáit a riachtanais rialála in iúl don Choimisiún de bhun na chéad fhomhíre, déanfaidh an Coimisiún iad a chomhtháthú nó déanfaidh sé ráiteas ar na cúiseanna nach féidir déanamh amhlaidh a sholáthar.

4.   Ar bhonn na mbuncheanglas le haghaidh oibreacha foirgníochta a leagtar amach in Iarscríbhinn I, agus na riachtanais rialála a chuireann na Ballstáit in iúl i gcomhréir le mír 3 den Airteagal seo á gcur i gcuntas, chomh maith le cuspóirí sábháilteachta, comhshaoil, ciorclaíochta agus aeráide an Aontais, sainaithneoidh an Coimisiún, le tacaíocht ó Shainghrúpa Acquis RTF, na gnéithe teicniúla is gá chun iarrataí ar chaighdeánú a ullmhú, lena n-áirítear na saintréithe bunriachtanacha ábhartha. Beidh na saintréithe bunriachtanacha sin agus an liosta de shaintréithe bunriachtanacha comhshaoil réamhchinntithe a leagtar amach in Iarscríbhinn II ina mbunús le hullmhú na n-iarrataí ar chaighdeánú dá dtagraítear in Airteagal 5(2) agus le hullmhú na ngníomhartha cur chun feidhme dá dtagraítear in Airteagal 6(1).

5.   Áiritheoidh an Coimisiún go gcumhdófar saintréithe bunriachtanacha le sonraíochtaí teicniúla comhchuibhithe a mhéid atá forbairt sonraíochtaí den sórt sin comhréireach go teicniúil agus go heacnamaíoch.

6.   Sainaithneoidh an Coimisiún, le tacaíocht ó Shainghrúpa Acquis RTF, na ceanglais táirge dá dtagraítear in Airteagal 7, chomh maith le sonraíochtaí teicniúla comhchuibhithe eile, agus cinnfidh sé an bhfuil táirgí úsáidte le cumhdach le hiarraidh ar chaighdeánú nó le sonraíocht theicniúil chomhchuibhithe nó an bhfuil siad le heisiamh uathu. Rachfar i gcomhairle, mar ábhar práinne, le Sainghrúpa Acquis RTF maidir le fógraí ó na Ballstáit arna dtabhairt i gcomhréir le hAirteagal 11(5).

7.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an méid seo a leanas a leasú:

1.   Déanfar na modhanna agus na critéir chun measúnú a dhéanamh ar fheidhmíocht táirge i ndáil lena shaintréithe bunriachtanacha a leagan síos i gcaighdeáin chomhchuibhithe arna ndéanamh éigeantach trí bhíthin na ngníomhartha cur chun feidhme dá dtagraítear i mír 8 (‘caighdeáin chomhchuibhithe feidhmíochta’). Le caighdeáin chomhchuibhithe feidhmíochta, i gcás inarb iomchuí agus gan cruinneas, iontaofacht ná cobhsaíocht na dtorthaí a chur i mbaol, soláthrófar modhanna chun measúnú a dhéanamh ar fheidhmíocht na dtáirgí i ndáil lena saintréithe bunriachtanacha, ar modhanna iad nach bhfuil chomh trom céanna le tástáil.

2.   Iarrfaidh an Coimisiún, i gcomhréir le hAirteagal 10 de Rialachán (AE) Uimh. 1025/2012, ar cheann amháin nó níos mó de na heagraíochtaí Eorpacha um chaighdeánú caighdeáin chomhchuibhithe a dhréachtú lena leagtar síos saintréithe bunriachtanacha agus a modhanna measúnúcháin le haghaidh fine táirgí amháin nó níos mó, nó le haghaidh catagóir táirgí amháin nó níos mó laistigh d’fhine. Leagfar amach san iarraidh ar chaighdeánú na bunphrionsabail agus na pointí tagartha chun na saintréithe bunriachtanacha sin agus a modhanna measúnúcháin a bhunú. Luafar go sainráite san iarraidh ar chaighdeánú an gcumhdaítear táirgí úsáidte le raon feidhme na hiarrata nó an eisiatar uaidh iad.

3.   Mar chuid de na hiarrataí ar chaighdeánú dá dtagraítear i mír 2 den Airteagal seo, féadfaidh an Coimisiún freisin a iarraidh ar na heagraíochtaí Eorpacha um chaighdeánú na mionsonraí teicniúla is gá a sholáthar chun an córas measúnúcháin agus fíorúcháin atá le cur i bhfeidhm i gcomhréir leis na gníomhartha tarmligthe dá dtagraítear in Airteagal 10(2) a chur chun feidhme.

4.   Féadfar a áireamh sna hiarrataí ar chaighdeánú dá dtagraítear i mír 2 iarraidh ar cheann amháin nó níos mó de na gnéithe seo a leanas a mholadh:

Leagfar amach in iarrataí den sórt sin ar chaighdeánú na bunphrionsabail agus na pointí tagartha chun na gnéithe iarrtha a bhunú.

5.   I gcás inar chuir sé iarraidh ar thogra isteach ina iarraidh ar chaighdeánú i gcomhréir le mír 4 den Airteagal seo, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí na gnéithe dá dtagraítear i mír 4, an chéad fhomhír, den Airteagal seo a chinneadh, i gcás na bhfinte táirgí nó na gcatagóirí táirgí agus i gcás na ngnéithe a chumhdaítear leis an iarraidh sin.

Tar éis dó dul i gcomhairle le Sainghrúpa Acquis RTF, féadfaidh an Coimisiún imeacht ó thograí na heagraíochta Eorpaí um chaighdeánú.

Tugtar de chumhacht don Choimisiún gníomhartha tarmligthe a ghlacadh, gan beann ar aon iarraidh ar chaighdeánú roimh ré ach ar chomhairle ó Shainghrúpa Acquis RTF, i gcomhréir le hAirteagal 89 chun an Rialachán seo a fhorlíonadh trí na gnéithe a leagtar amach i mír 4, an chéad fhomhír, den Airteagal seo a chinneadh i ndáil le haon cheann de na grúpálacha de shaintréithe bunriachtanacha de chineál cothrománach a liostaítear in Iarscríbhinn X.

6.   I gcásanna inar léir, ar bhonn cineál nó saintréithe teicniúla táirge, go mbeadh tástáil neamhriachtanach nó iomarcach, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí choinníollacha a leagan síos faoina measfar go gcomhlíonann táirge leibhéal áirithe nó leibhéal tairsí áirithe nó go gcáilíonn sé d’aicme feidhmíochta gan tástáil, nó gan a thuilleadh tástála.

7.   Déanfaidh an Coimisiún measúnú ar an méid a chomhlíonann na caighdeáin chomhchuibhithe na hiarrataí ábhartha ar chaighdeánú, an Rialachán seo agus dlí eile de chuid an Aontais, lena n-áirítear prionsabail ghinearálta an dlí. Féadfaidh an Coimisiún measúnú a dhéanamh i dtaobh an gcomhlíonann caighdeáin chomhchuibhithe caighdeáin chomhchuibhithe eile faoin Rialachán seo nó caighdeáin chomhchuibhithe eile ar foilsíodh tagairtí dóibh in Iris Oifigiúil an Aontais Eorpaigh.

Déanfaidh an Coimisiún an measúnú dá dtagraítear sa chéad fhomhír den mhír seo agus cuirfidh sé na cúiseanna atá aige faoi bhráid na heagraíochta Eorpaí ábhartha um chaighdeánú agus faoi bhráid Shainghrúpa Acquis RTF i scríbhinn laistigh de 6 mhí tar éis an caighdeán comhchuibhithe ábhartha a bheith tarchurtha chuige. I gcás ina measann an Coimisiún nach bhfuil caighdeán, nó cuid de, sásúil, sonróidh sé na heasnaimh. Ionas gur féidir leis an gCoimisiún an oibleagáid sin a chomhlíonadh laistigh den tréimhse ama sin, cuirfidh na heagraíochtaí Eorpacha um chaighdeánú an Coimisiún ar an eolas go tráthrialta maidir le dul chun cinn agus ábhar an chaighdeánaithe Eorpaigh is insoláthartha i gcomhréir le hAirteagal 10(5) de Rialachán (AE) Uimh. 1025/2012.

8.   I gcás ina bhfuil caighdeán comhchuibhithe i gcomhréir leis na ceanglais dlí is infheidhme agus ina gcomhlíonann sé na ceanglais atá le comhlíonadh i ndáil leis na bunphrionsabail agus na pointí tagartha a leagtar amach san iarraidh ar chaighdeánú, agus i ndáil leis na saintréithe bunriachtanacha atá le cumhdach i bhfianaise na mbuncheanglas le haghaidh oibreacha foirgníochta, glacfaidh an Coimisiún gan mhoill gníomh cur chun feidhme lena ndéantar an caighdeán sin éigeantach. Bliain amháin tar éis glacadh den sórt sin, beidh an caighdeán comhchuibhithe feidhmíochta éigeantach chun críocha an Rialacháin seo ach amháin má shonraítear dáta cur i bhfeidhm níos déanaí sa ghníomh cur chun feidhme. Ní shonrófar dáta cur i bhfeidhm níos déanaí ach amháin i gcásanna eisceachtúla agus beidh údar cuí lena úsáid. Féadfar caighdeán feidhmíochta comhchuibhithe a chur i bhfeidhm go deonach ón dáta a ghlacfar an gníomh cur chun feidhme.

I gcás ina measann an Coimisiún nach bhfuil caighdeán comhchuibhithe, nó cuid de, sásúil, féadfaidh sé gníomh cur chun feidhme a ghlacadh chun an caighdeán comhchuibhithe sin a dhéanamh éigeantach maille le srianta.

Déanfar na gníomhartha cur chun feidhme dá dtagraítear sa chéad fhomhír agus sa dara fomhír a ghlacadh i gcomhréir leis an nós imeachta comhairliúcháin dá dtagraítear in Airteagal 90(2).

I gcás nach féidir caighdeán comhchuibhithe a dhéanamh éigeantach maille le srianta, féadfaidh an Coimisiún gníomh cur chun feidhme a ghlacadh i gcomhréir le hAirteagal 6.

9.   I gcás ina measann Ballstát, Parlaimint na hEorpa nó an Coimisiún, bíodh sin, i gcás an Choimisiúin, le tacaíocht ó Shainghrúpa Acquis RTF, nach gcomhlíonann caighdeán comhchuibhithe feidhmíochta na ceanglais dlí is infheidhme ina n-iomláine nó nach sásaíonn sé na héilimh atá le comhlíonadh i ndáil leis na saintréithe bunriachtanacha atá le cumhdach i bhfianaise na mbuncheanglas le haghaidh oibreacha foirgníochta, beidh feidhm ag an nós imeachta maidir le hagóidí foirmiúla i gcoinne caighdeáin chomhchuibhithe mar a leagtar amach in Airteagal 11 de Rialachán (AE) Uimh. 1025/2012.

10.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun Iarscríbhinn X a leasú trí ghrúpálacha breise de shaintréithe bunriachtanacha de chineál cothrománach a chur léi.

1.   Cé go dtabharfar tosaíocht do chaighdeáin a fhorbairt, de mhaolú ar Airteagal 5(1) go (4) den Rialachán seo, chun riachtanais rialála na mBallstát a chumhdach agus chun spriocanna Airteagal 114 CFAE a shaothrú, féadfaidh an Coimisiún gníomhartha cur chun feidhme a ghlacadh lena leagtar síos saintréithe bunriachtanacha, a modhanna measúnúcháin agus mionsonraí teicniúla de bhun Airteagal 5 den Rialachán seo i gcás fine táirgí amháin nó níos mó nó i gcás catagóir táirgí amháin nó níos mó laistigh d’fhine.

Ní ghlacfar na gníomhartha cur chun feidhme sin ach amháin i gcás ina gcomhlíontar na coinníollacha seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(3).

2.   Sula n-ullmhóidh sé dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta.

3.   Agus an dréachtghníomh cur chun feidhme á ullmhú, cuirfidh an Coimisiún tuairimí na gcomhlachtaí ábhartha agus Shainghrúpa Acquis RTF i gcuntas agus rachaidh sé i gcomhairle go cuí le gach eagraíocht geallsealbhóirí ábhartha a fhaigheann maoiniú ón Aontas faoi Rialachán (AE) Uimh. 1025/2012.

4.   I gcás ina gcumhdaítear le gníomh cur chun feidhme dá dtagraítear i mír 1 den Airteagal seo na saintréithe bunriachtanacha céanna nó na modhanna measúnúcháin céanna i ndáil le fine táirgí shonrach nó catagóir táirgí shonrach le caighdeán comhchuibhithe ar foilsíodh tagairt dó in Iris Oifigiúil an Aontais Eorpaigh nó ar glacadh gníomh cur chun feidhme dá dtagraítear in Airteagal 5(8) ina leith, tarraingeoidh an Coimisiún siar ó Iris Oifigiúil an Aontais Eorpaigh an tagairt don chaighdeán comhchuibhithe sin nó aisghairfidh sé an gníomh cur chun feidhme sin. I gcás nach gcumhdaítear leis an ngníomh cur chun feidhme dá dtagraítear i mír 1 den Airteagal seo ach an caighdeán comhchuibhithe i bpáirt, coinneoidh an Coimisiún an gníomh cur chun feidhme lena leagtar síos caighdeán comhchuibhithe atá faoi réir srianta.

5.   Nuair a mheasann Ballstát nó Parlaimint na hEorpa nach gcomhlíonann gníomh cur chun feidhme arna ghlacadh i gcomhréir le mír 1 na ceanglais ina n-iomláine atá le comhlíonadh i ndáil leis na saintréithe bunriachtanacha atá le cumhdach i bhfianaise na mbuncheanglas le haghaidh oibreacha foirgníochta, cuirfidh sé nó sí an Coimisiún ar an eolas faoi sin, trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, i gcás inarb iomchuí, an gníomh cur chun feidhme atá i gceist a leasú.

6.   Leanfaidh an Coimisiún an nós imeachta in Airteagal 5 chun a iarraidh go ndéanfar aon athbhreithniú nó nuashonrú ar na saintréithe bunriachtanacha nó ar na modhanna measúnúcháin i ndáil leis na finte táirgí céanna nó na catagóirí táirgí céanna a chumhdaítear leis an ngníomh cur chun feidhme dá dtagraítear i mír 1 den Airteagal seo. I gcás ina bhfuil an caighdeán comhchuibhithe arna sheachadadh ag an eagraíocht Eorpach um chaighdeánú oiriúnach lena ghlacadh i gcomhréir le hAirteagal 5(8), aisghairfidh an Coimisiún an gníomh cur chun feidhme arna ghlacadh i gcomhréir le mír 1 den Airteagal seo, nó na codanna de lena gcumhdaítear na saintréithe bunriachtanacha céanna nó na modhanna measúnúcháin céanna i ndáil leis na finte táirgí céanna nó na catagóirí táirgí céanna a chumhdaítear leis an gcaighdeán comhchuibhithe.

1.   I gcás ina gcumhdaítear fine táirgí, nó catagóir táirgí amháin nó níos mó laistigh d’fhine táirgí, le caighdeán comhchuibhithe feidhmíochta nó le gníomh cur chun feidhme dá dtagraítear in Airteagal 6(1), tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh, trí cheanglais táirge a bhunú i gcomhréir le hIarscríbhinn III don fhine táirgí sin nó don chatagóir táirgí sin, nó do chodanna di.

2.   Sula gcuirfear ar an margadh iad, comhlíonfaidh na táirgí a chumhdaítear leis an Rialachán seo na ceanglais táirge is infheidhme.

3.   Féadfaidh an Coimisiún, i gcomhréir le hAirteagal 10(1) de Rialachán (AE) Uimh. 1025/2012, iarraidh ar cheann amháin nó níos mó de na heagraíochtaí Eorpacha um chaighdeánú caighdeáin chomhchuibhithe a dhréachtú lena mbronntar toimhde chomhréireachta (‘caighdeáin chomhchuibhithe dheonacha’) le haghaidh na gceanglas táirge a bhunaítear le gníomhartha tarmligthe dá dtagraítear i mír 1 den Airteagal seo.

4.   I gcás ina nglacann eagraíocht Eorpach um chaighdeánú caighdeán comhchuibhithe deonach arna iarraidh i gcomhréir le mír 3 agus ina molann sí é don Choimisiún chun a thagairt a fhoilsiú in Iris Oifigiúil an Aontais Eorpaigh, déanfaidh an Coimisiún measúnú ar an gcaighdeán comhchuibhithe deonach i gcomhréir le Rialachán (AE) Uimh. 1025/2012.

5.   I gcás ina bhfuil caighdeán comhchuibhithe deonach i gcomhréir leis na ceanglais dlí is infheidhme agus ina gcomhlíonann sé na ceanglais atá le comhlíonadh i ndáil leis na ceanglais táirge a leagtar amach san iarraidh ar chaighdeánú, foilseoidh an Coimisiún gan mhoill tagairt don chaighdeán sin in Iris Oifigiúil an Aontais Eorpaigh.

6.   I gcás nach féidir an tagairt do chaighdeán comhchuibhithe deonach a fhoilsiú in Iris Oifigiúil an Aontais Eorpaigh, féadfaidh an Coimisiún tagairt den sórt sin a fhoilsiú maille le srianta. I gcás nach féidir tagairt do chaighdeán comhchuibhithe deonach a fhoilsiú in Iris Oifigiúil an Aontais Eorpaigh agus nach féidir í a fhoilsiú mar thagairt maille le srianta, tarraingeoidh an Coimisiún aird an choiste dá dtagraítear in Airteagal 22 de Rialachán (AE) Uimh. 1025/2012 agus aird Shainghrúpa Acquis RTF ar an tsaincheist.

7.   Táirge atá faoi réir ceanglais táirge agus atá i gcomhréir le caighdeáin chomhchuibhithe dheonacha nó le codanna díobh, agus ar foilsíodh tagairtí dóibh in Iris Oifigiúil an Aontais Eorpaigh, toimhdeofar go bhfuil sé i gcomhréir leis na ceanglais táirge a chumhdaítear leis na caighdeáin sin nó le codanna díobh.

8.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun Iarscríbhinn III a leasú chun í a oiriúnú don dul chun cinn teicniúil agus chun rioscaí nua agus gnéithe nua comhshaoil a chumhdach agus chun na tosaíochtaí a bhunaítear in Airteagal 4 a chomhlíonadh, bunaithe ar riachtanais rialála na mBallstát.

1.   Féadfaidh an Coimisiún gníomhartha cur chun feidhme a ghlacadh lena mbunaítear sonraíochtaí coiteanna lena soláthraítear modh malartach chun na ceanglais táirge arna mbunú i gcomhréir le hAirteagal 7(1) a chomhlíonadh.

Ní ghlacfar na gníomhartha cur chun feidhme sin ach amháin i gcás ina gcomhlíontar na coinníollacha seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(3).

2.   Sula n-ullmhóidh sé dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta.

3.   Agus an dréachtghníomh cur chun feidhme dá dtagraítear i mír 1 den Airteagal seo á ullmhú, cuirfidh an Coimisiún tuairimí na gcomhlachtaí ábhartha agus Shainghrúpa Acquis RTF i gcuntas agus rachaidh sé i gcomhairle go cuí le gach eagraíocht geallsealbhóirí ábhartha a fhaigheann maoiniú ón Aontas faoi Rialachán (AE) Uimh. 1025/2012.

4.   Toimhdeofar go bhfuil táirge atá i gcomhréir leis na sonraíochtaí coiteanna a bhunaítear leis na gníomhartha cur chun feidhme dá dtagraítear i mír 1 den Airteagal seo, nó le codanna díobh, i gcomhréir leis na ceanglais táirge a bunaíodh le gníomhartha tarmligthe dá dtagraítear in Airteagal 7(1) agus a chumhdaítear leis na sonraíochtaí coiteanna sin nó le codanna díobh.

5.   Aisghairfidh an Coimisiún na gníomhartha cur chun feidhme dá dtagraítear i mír 1 den Airteagal seo, nó codanna díobh lena gcumhdaítear na ceanglais táirge chéanna agus a chumhdaítear le caighdeán comhchuibhithe deonach a bhfoilsítear an tagairt dó in Iris Oifigiúil an Aontais Eorpaigh i gcomhréir le hAirteagal 7(5) nó (6).

6.   Nuair a mheasann Ballstát nó Parlaimint na hEorpa nach gcomhlíonann sonraíocht choiteann na ceanglais táirge a bhunaítear le gníomhartha tarmligthe dá dtagraítear in Airteagal 7(1) ina n-iomláine, cuirfidh sé nó sí an Coimisiún ar an eolas faoi sin, trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, i gcás inarb iomchuí, an gníomh cur chun feidhme lena mbunaítear an tsonraíocht choiteann atá i gceist a leasú.

1.   Soláthrófar faisnéis ghinearálta táirge, treoracha úsáide agus faisnéis sábháilteachta i ndáil le táirgí foirgníochta a chumhdaítear le sonraíocht theicniúil chomhchuibhithe nó le measúnú teicniúil Eorpach. Leagtar amach inneachar na faisnéise ginearálta táirge, na dtreoracha úsáide agus na faisnéise sábháilteachta in Iarscríbhinn IV.

2.   Mar chuid den iarraidh ar chaighdeánú dá dtagraítear in Airteagal 5(2), féadfaidh an Coimisiún freisin a iarraidh ar an eagraíocht Eorpach um chaighdeánú treoirlínte a eisiúint, lena n-áirítear mionsonraí teicniúla, is gá chun faisnéis ghinearálta táirge, treoracha úsáide agus faisnéis sábháilteachta a tharraingt suas i gcomhréir le hIarscríbhinn IV.

3.   Má mheasann an Coimisiún nach n-áirithítear cur chun feidhme leormhaith agus aonchineálach mhír 1 den Airteagal seo leis na treoirlínte arna n-eisiúint ag an eagraíocht Eorpach um chaighdeánú de bhun mhír 2 den Airteagal seo i gcás fine táirgí shonrach nó catagóir táirgí shonrach, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí rialacha a bhunú maidir le faisnéis ghinearálta táirge, treoracha úsáide agus faisnéis sábháilteachta a sholáthar don fhine táirgí lena mbaineann nó don chatagóir táirgí lena mbaineann.

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun Iarscríbhinn IV a leasú chun í a oiriúnú don dul chun cinn teicniúil agus do riachtanais nua faisnéise.

1.   An measúnú agus fíorú a dhéantar ar fheidhmíocht táirge i ndáil lena shaintréithe bunriachtanacha, mar a leagtar amach i sonraíochtaí teicniúla comhchuibhithe arna nglacadh i gcomhréir le hAirteagail 5 agus 6 nó i ndoiciméid um measúnú Eorpach dá dtagraítear in Airteagal 31, nó ar chomhréireacht an táirge leis na ceanglais táirge arna nglacadh i gcomhréir le hAirteagal 7, déanfar an measúnú agus an fíorú sin i gcomhréir le ceann amháin nó níos mó de na córais a leagtar amach in Iarscríbhinn IX.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh tríd an gcóras measúnúcháin agus fíorúcháin is infheidhme as measc na gcóras dá dtagraítear in Iarscríbhinn IX a chinneadh, i gcás gach fine táirgí nó gach catagóire táirgí. Leis na gníomhartha tarmligthe sin, féadfar córais mheasúnúcháin agus fíorúcháin éagsúla a chinneadh laistigh den fhine táirgí chéanna nó den chatagóir táirgí chéanna, agus idirdhealú á dhéanamh le saintréith bhunriachtanach nó le ceanglas táirge. Cinnfear na córais mheasúnúcháin agus fíorúcháin sula dtiocfaidh na sonraíochtaí teicniúla comhchuibhithe nó na doiciméid um measúnú Eorpach chun bheith infheidhme.

3.   Leis na gníomhartha tarmligthe arna nglacadh i gcomhréir le mír 2, cuirfear i gcuntas na húsáidí atá beartaithe, an damáiste a d’fhéadfadh a bheith ann mar thoradh ar easnaimh táirgí, íogaireacht an táirge i leith éagsúlachtaí feidhmíochta faoi choinníollacha táirgthe, an dóchúlacht go ndéanfar earráidí le linn a mhonaraithe agus an fhéidearthacht earráidí monaraíochta a bhrath go héasca. Déanfar na gníomhartha tarmligthe sin a chur in oiriúint do na finte táirgí lena mbaineann nó do na catagóirí táirgí lena mbaineann agus déanfar an t-ualach ar mhonaróirí a íoslaghdú leo, agus ardleibhéal cosanta do shláinte agus sábháilteacht daoine agus don chomhshaol á áirithiú.

4.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun Iarscríbhinn IX a leasú chun an méid seo a leanas a dhéanamh:

Agus gníomhartha tarmligthe á nglacadh faoi phointe (a), ní fhéadfaidh an Coimisiún córais bhreise a thabhairt isteach lena leagtar síos oibleagáidí níos déine d’oibreoirí eacnamaíocha ná na cinn dá bhforáiltear i gCóras 1+. Ina theannta sin, ní fhéadfaidh an Coimisiún córais bhreise den sórt sin a thabhairt isteach ach amháin nuair is léir nach leor an treoir maidir le cur i bhfeidhm na gcóras atá ann cheana.

1.   Leis an Rialachán seo, agus leis na sonraíochtaí teicniúla comhchuibhithe arna nglacadh i gcomhréir leis, bunaítear ‘crios comhchuibhithe’.

Leis an gcrios comhchuibhithe, cumhdaítear gach táirge atá faoi réir sonraíochtaí teicniúla comhchuibhithe.

Toimhdeofar gur cuimsitheach iad na sonraíochtaí teicniúla comhchuibhithe maidir leis an méid seo a leanas:

Beidh feidhm ag sonraíochtaí teicniúla comhchuibhithe le haghaidh táirgí nua maidir le táirgí úsáidte ó thríú tíortha mura bhforáiltear rialacha maidir le táirgí úsáidte go sainráite sa tsonraíocht theicniúil chomhchuibhithe.

2.   Urramóidh na Ballstáit an crios comhchuibhithe ina ndlíthe, rialacháin agus bearta riaracháin náisiúnta, agus ní chuirfidh siad toirmeasc ná bac ar tháirgí atá cumhdaithe leis a chur ar fáil ar an margadh nuair atá na táirgí sin i gcomhréir leis an Rialachán seo. Ní leagfaidh na Ballstáit síos saintréithe bunriachtanacha agus a modhanna measúnúcháin ná a gceanglais táirge seachas iad siúd a leagtar amach sna sonraíochtaí teicniúla comhchuibhithe.

Ní dhéanann an crios comhchuibhithe difear do cheart na mBallstát ceanglais náisiúnta a shonrú maidir le húsáid táirgí atá faoi réir sonraíochtaí teicniúla comhchuibhithe. Aon mhodhanna measúnúcháin agus aon chórais le haghaidh measúnú agus fíorú a leagtar amach i gceanglais náisiúnta den sórt sin, beidh siad i gcomhréir leis na sonraíochtaí teicniúla comhchuibhithe is infheidhme.

Áiritheoidh na Ballstáit nach gcuirfear bac ar tháirgí a chur ar fáil ar an margadh laistigh den chrios comhchuibhithe, ar táirgí iad atá i gcomhréir leis an Rialachán seo, le rialacha ná le coinníollacha arna bhforchur ag comhlachtaí poiblí nó ag comhlachtaí príobháideacha ag gníomhú dóibh mar ghnóthas poiblí nó comhlachtaí príobháideacha ag gníomhú dóibh mar chomhlacht poiblí ar bhonn staid mhonaplachta nó faoi shainordú poiblí.

3.   Agus na hoibleagáidí dá bhforáiltear i mír 2 á gcomhlíonadh acu, cuirfidh na Ballstáit na rialacha seo a leanas go háirithe i bhfeidhm:

4.   Cláróidh na Ballstáit sa Tairseach Aonair Dhigiteach a bunaíodh le Rialachán (AE) 2018/1724 ó Pharlaimint na hEorpa agus ón gComhairle (25) a ndlíthe, a rialacháin agus a mbearta riaracháin náisiúnta uile a bhaineann le táirgí foirgníochta ar a gcríoch a chumhdaítear leis an gcrios comhchuibhithe.

5.   I gcás ina measann Ballstát gur gá, ar mhórfhorais sláinte agus sábháilteachta daoine nó cosanta comhshaoil agus chun aghaidh a thabhairt ar riachtanais rialála láithreacha, bearta a dhéanamh is infheidhme maidir le táirgí laistigh den chrios comhchuibhithe i ndáil le saintréithe nach bhfuil leagtha síos i sonraíochtaí teicniúla comhchuibhithe, tabharfaidh sé fógra don Choimisiún faoi, agus údar á thabhairt aige leis an ngá atá leis na bearta a rinneadh agus míniú á thabhairt aige maidir leis an riachtanas rialála a bhfuil sé mar aidhm aige aghaidh a thabhairt air.

Chuige sin, úsáidfidh na Ballstáit an nós imeachta a cuireadh ar bun le Treoir (AE) 2015/1535 ó Pharlaimint na hEorpa agus ón gComhairle (26). Agus an méid sin á dhéanamh acu, déanfaidh na Ballstáit tagairt don mhír seo agus sonróidh siad cé na gnéithe atá mar chuid den bheart.

Tabharfaidh an Coimisiún freagra ar an bhfógra laistigh de na teorainneacha ama a bhunaítear leis an nós imeachta a cuireadh ar bun le Treoir (AE) 2015/1535. Laistigh de 6 mhí tar éis an fhógra, déanfaidh an Coimisiún togra le haghaidh údarú a chur ar aghaidh i gcomhréir le mír 6 den Airteagal seo nó cuirfidh sé in iúl na forais atá aige leis an mbeart náisiúnta a dhiúltú.

Ar fhógra dá dtagraítear sa chéad fhomhír a fháil, déanfaidh an Coimisiún, gan beann ar cé acu atá sé beartaithe aige an beart a údarú nó nach bhfuil, an t-ábhar a chur faoi bhráid Shainghrúpa Acquis RTF gan mhoill le haghaidh comhairliúcháin i dtaobh an gá nuashonruithe ar chaighdeáin chomhchuibhithe feidhmíochta atá ann cheana a iarraidh mar thosaíocht.

6.   Glacfaidh an Coimisiún gníomh cur chun feidhme, lena n-údaraítear an beart náisiúnta faoina dtugtar fógra faoi mhír 5 sna cásanna seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(3). Tarraingeofar siar iad a luaithe a chumhdófar an riachtanas rialála le sonraíochtaí teicniúla comhchuibhithe nó le dlí eile de chuid an Aontais.

Ar mhórfhorais phráinne a bhfuil údar cuí leo agus a bhaineann le sláinte agus sábháilteacht daoine nó le cosaint an chomhshaoil, déanfaidh an Coimisiún gníomhartha cur chun feidhme atá infheidhme láithreach a ghlacadh i gcomhréir leis an nós imeachta dá dtagraítear in Airteagal 90(4).

7.   Ní dhéanann an Rialachán seo difear don fhéidearthacht atá ag na Ballstáit córais aisíoca éarlaise éigeantacha a thabhairt isteach nó oibleagáid a chur ar mhonaróirí glacadh le húinéireacht a fháil ar ais, go díreach nó trína n-allmhaireoirí agus trína ndáileoirí, ar a gcuid táirgí nua, táirgí barrachais nó táirgí neamh-shaincheaptha neamhdhíolta atá i riocht atá coibhéiseach leis an riocht inar cuireadh ar an margadh iad, ar choinníoll nach ndéanann an beart idirdhealú, go díreach nó go hindíreach, i gcoinne oibreoirí eacnamaíocha i mBallstáit eile.

8.   Ní dhéanann an Rialachán seo difear don fhéidearthacht atá ag na Ballstáit cosc a chur ar scriosadh táirgí barrachais nó táirgí neamhdhíolta, nó a scriosadh a dhéanamh coinníollach ar iad a bheith curtha ar fáil roimhe sin ar ardán náisiúnta bróicéireachta le haghaidh úsáid neamhthráchtála táirgí.

1.   Chun measúnú dúbailte ar na gnéithe céanna de shláinte agus sábháilteacht daoine nó de chosaint an chomhshaoil maidir le táirgí a sheachaint, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí na coinníollacha a leagan síos faoinar féidir oibleagáidí a bhaineann le measúnú ar fheidhmíocht táirge nó le comhlíonadh ceanglas táirge áirithe, lena n-áirítear coibhéis na gcóras measúnúcháin agus fíorúcháin a cheanglaítear faoin Rialachán seo agus oibleagáidí maidir le faisnéis ghinearálta táirge, treoracha úsáide agus ceanglais maidir le faisnéis sábháilteachta, a chomhlíonadh trí na hoibleagáidí dá bhforáiltear faoi dhlí eile de chuid an Aontais a chomhlíonadh.

Leis na coinníollacha dá dtagraítear sa chéad fhomhír, ní cheadófar leibhéil sábháilteachta táirge nach bhfuil chomh dian leis na leibhéil a bhunaítear i gcomhréir leis an Rialachán seo.

2.   I gcás ina dtagann coinbhleachtaí chun cinn idir an Rialachán seo agus Rialachán (AE) 2024/1781 chomh maith le Rialachán (AE) Uimh. 1025/2012, beidh forlámhas ag forálacha ábhartha an Rialacháin seo.

1.   I gcás ina bhfuil táirge cumhdaithe ag sonraíocht theicniúil chomhchuibhithe arna glacadh i gcomhréir le hAirteagal 5 nó 6, cuirfear an monaróir faoi réir an chórais measúnúcháin agus fíorúcháin is infheidhme a leagtar amach in Iarscríbhinn IX agus déanfaidh sé dearbhú feidhmíochta agus comhréireachta a tharraingt suas sula gcuirfear táirge den sórt sin ar an margadh. I gcás ina bhfuil táirge cumhdaithe ag sonraíocht theicniúil chomhchuibhithe arna glacadh i gcomhréir le hAirteagal 7, fíoróidh an monaróir freisin go gcomhlíonann an táirge na ceanglais táirge is infheidhme a shonraítear i ngníomhartha tarmligthe. Féadfaidh monaróir táirge nach bhfuil cumhdaithe ag aon sonraíocht theicniúil chomhchuibhithe dearbhú feidhmíochta agus comhréireachta a eisiúint i gcomhréir leis an doiciméad ábhartha um measúnú Eorpach agus leis an measúnú teicniúil Eorpach.

2.   Tríd an dearbhú feidhmíochta agus comhréireachta a tharraingt suas, glacfaidh an monaróir freagracht air féin as comhréireacht an táirge lena fheidhmíocht dhearbhaithe agus le haon cheanglais táirge is infheidhme, agus beidh sé faoi dhliteanas i gcomhréir le dlíthe an Aontais agus le dlíthe náisiúnta maidir le dliteanas conarthach agus seach-chonarthach. In éagmais comharthaí oibiachtúla dá mhalairt, toimhdeoidh na Ballstáit go bhfuil an dearbhú feidhmíochta agus comhréireachta arna tharraingt suas ag an monaróir cruinn agus iontaofa.

I gcás neamhchomhlíonadh, nó in éagmais dearbhú feidhmíochta agus comhréireachta nuair a cheanglaítear dearbhú den sórt sin, ní fhéadfar an táirge a chur ar fáil ar an margadh.

1.   Tarraingeofar suas an dearbhú feidhmíochta agus comhréireachta agus úsáid á baint as an tsamhail a leagtar amach in Iarscríbhinn V. Leis an dearbhú feidhmíochta agus comhréireachta, cuirfear feidhmíocht táirgí in iúl i ndáil le saintréithe bunriachtanacha na dtáirgí sin i gcomhréir leis na sonraíochtaí teicniúla comhchuibhithe ábhartha nó leis an doiciméad um measúnú Eorpach.

I gcás ina bhfuil ceanglais táirge a shonraítear i gcomhréir le hAirteagal 7 infheidhme, luafar sa dearbhú feidhmíochta agus comhréireachta gur léiríodh gur comhlíonadh na ceanglais sin.

2.   Áireofar sa dearbhú feidhmíochta agus comhréireachta feidhmíocht inbhuanaitheachta comhshaoil an táirge le linn a shaolré i leith na saintréithe bunriachtanacha comhshaoil réamhchinntithe a liostaítear in Iarscríbhinn II le haghaidh na saintréithe sin a dhearbhaítear. Áireofar leis an bhfeidhmíocht an phacáistíocht a úsáidtear nó is dóchúla a úsáidfear agus déanfar í a ríomh trí úsáid a bhaint as an leagan is déanaí de bhogearraí a chuirtear ar fáil saor in aisce ar shuíomh gréasáin an Choimisiúin.

Beidh nuashonruithe ar na bogearraí dá dtagraítear sa chéad fhomhír éigeantach chun críocha an Rialacháin seo bliain amháin tar éis a bhfoilsithe. Féadfar nuashonruithe bogearraí den sórt sin a chur i bhfeidhm go deonach ó dháta a bhfoilsithe.

3.   Cumhdófar leis an dearbhú feidhmíochta agus comhréireachta feidhmíocht táirge ar a laghad le linn a shaolré maidir leis na saintréithe bunriachtanacha seo a leanas:

Cumhdófar leis an dearbhú feidhmíochta agus comhréireachta freisin na saintréithe bunriachtanacha sin nach mór a dhearbhú i gcónaí, mar a chinntear i ngníomhartha tarmligthe arna nglacadh i gcomhréir le hAirteagal 5(5).

4.   Ní fhéadfar aon mharcáil eile seachas an mharcáil CE a chur ar an dearbhú feidhmíochta agus comhréireachta.

5.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an tsamhail a leagtar amach in Iarscríbhinn V a leasú chun í a oiriúnú chun an dul chun cinn teicniúil a léiriú maidir le riachtanais nua faisnéise, chun comhlíonadh na gceanglas maidir le pasanna táirge digiteacha a leagtar amach in Airteagail 76 agus 77 a éascú, agus chun idir-inoibritheacht agus comhtháthú ceart le córas pas dhigitigh le haghaidh táirgí foirgníochta a áirithiú i gcomhréir le hAirteagal 75.

6.   Déanfar an fhaisnéis dá dtagraítear in Airteagal 31 nó, de réir mar a bheidh, in Airteagal 33 de Rialachán (CE) Uimh. 1907/2006 ó Pharlaimint na hEorpa agus ón gComhairle (27) a sholáthar in éineacht leis an dearbhú feidhmíochta agus comhréireachta.

1.   Soláthróidh an monaróir, trí mheán leictreonach, cóip den dearbhú feidhmíochta agus comhréireachta maidir le gach táirge a chuirtear ar fáil ar an margadh, mura rud é go n-áirítear an dearbhú i bpas táirge digiteach a chomhlíonann na coinníollacha a leagtar amach in Airteagal 76 agus go bhfuil sé ar fáil tríd an gcóras pas dhigitigh le haghaidh táirgí foirgníochta a bhunaítear i gcomhréir le hAirteagal 75.

I gcás ina soláthraítear baisc den táirge céanna d’úsáideoir aonair, áfach, féadfaidh cóip aonair den dearbhú feidhmíochta agus comhréireachta a bheith ag gabháil léi.

2.   De mhaolú ar mhír 1 den Airteagal seo, féadfaidh monaróir an dearbhú feidhmíochta agus comhréireachta dá dtagraítear in Airteagal 13(1) a chur ar fáil ar shuíomh gréasáin, ar choinníoll go gcomhlíonann an monaróir na coinníollacha uile seo a leanas:

3.   Mar chuid den iarraidh ar chaighdeánú dá dtagraítear in Airteagal 5(2), féadfaidh an Coimisiún freisin a iarraidh ar an eagraíocht Eorpach um chaighdeánú treoirlínte a eisiúint chun idir-inoibritheacht na bhformáidí atá inléite ag an duine agus atá meaisín-inléite dá dtagraítear i mír 2, pointe (b), den Airteagal seo a áirithiú.

4.   Déanfaidh an monaróir an dearbhú feidhmíochta agus comhréireachta a sholáthar nó a chur ar fáil i bpas táirge digiteach i gcomhréir le mír 1, nó ar shuíomh gréasáin i gcomhréir le mír 2, sa teanga nó sna teangacha a éilíonn gach ceann de na Ballstáit ina bhfuil sé beartaithe ag an monaróir an táirge a chur ar fáil. Oibreoir eacnamaíoch eile a chuireann táirge an mhonaróra sin ar fáil in aon Bhallstát breise, cuirfidh sé aistriúchán nó aistriúcháin ar an dearbhú feidhmíochta agus comhréireachta ar fáil sna teangacha a éilíonn an Ballstát breise, mar aon leis an mbunleagan faoi seach.

1.   Beidh an mharcáil CE faoi réir na bprionsabal ginearálta a leagtar amach in Airteagal 30 de Rialachán (CE) Uimh. 765/2008.

2.   Ní ghreamófar an mharcáil CE ach de na táirgí sin a bhfuil dearbhú feidhmíochta agus comhréireachta tarraingthe suas ag an monaróir ina leith i gcomhréir le hAirteagail 13 agus 15. Greamófar an mharcáil CE de phríomhchodanna.

3.   Tríd an marcáil CE a ghreamú den táirge, nó tríd an marcáil CE a chur á ghreamú de, tugann an t-oibreoir eacnamaíoch le fios gur ghlac sé freagracht air féin as comhréireacht an táirge leis an bhfeidhmíocht dhearbhaithe agus leis na ceanglais táirge is infheidhme a leagtar síos i gcomhréir leis an Rialachán seo. Tríd an marcáil CE a ghreamú, beidh an t-oibreoir eacnamaíoch faoi dhliteanas as an bhfeidhmíocht dhearbhaithe agus as comhlíonadh na gceanglas sin i gcomhréir leis an dlí náisiúnta maidir le dliteanas conarthach agus seach-chonarthach.

4.   Is í an mharcáil CE an t-aon mharcáil lena bhfianaítear feidhmíocht an táirge maidir le saintréithe bunriachtanacha measúnaithe i gcomhréir leis an Rialachán seo, mar aon le comhréireacht an táirge leis an Rialachán seo.

1.   Greamófar an mharcáil CE go sofheicthe, go hinléite agus go doscriosta den táirge. I gcás nach féidir é sin a dhéanamh nó nach bhfuil gá leis mar gheall ar chineál an táirge, greamófar an mharcáil CE de lipéad atá ceangailte den táirge nó den phacáistíocht nó, i gcás nach féidir é sin a dhéanamh, de na doiciméid a ghabhann leis.

2.   I ndiaidh na marcála CE, beidh an méid seo a leanas:

Féadfar iompróir sonraí a chur in ionad na faisnéise a liostaítear i bpointí (d) agus (e) den chéad fhomhír den mhír seo, lena n-áirítear buan-nasc atá nasctha leis an dearbhú feidhmíochta agus comhréireachta de bhun Airteagal 16(2), pointe (e), má tá an dearbhú feidhmíochta agus comhréireachta ar fáil ar shuíomh gréasáin. Féadfar an fhaisnéis a liostaítear i bpointí (d) agus (e) den chéad fhomhír den mhír seo a fhágáil ar lár má sholáthraítear iompróir sonraí dá dtagraítear i bpointe (g) den chéad fhomhír den mhír seo.

3.   Greamófar an mharcáil CE sula gcuirfear an táirge ar an margadh. Féadfar picteagram nó aon mharc eile lena dtaispeántar riosca nó úsáid ar leith a chur i ndiaidh na marcála CE.

1.   Ní fhéadfar marcálacha seachas an mharcáil CE, lena n-áirítear marcálacha príobháideacha, a ghreamú de tháirge ach amháin mura léiríonn siad gur ghá measúnú a dhéanamh ar fheidhmíocht an táirge i ndáil le saintréithe bunriachtanacha a chumhdaítear leis na sonraíochtaí teicniúla comhchuibhithe is infheidhme ar bhealach atá éagsúil leis an mbealach a leagtar síos leis an Rialachán seo.

Féadfar éicilipéid EN ISO 14024 de chineál I atá aitheanta go hoifigiúil a ghreamú de tháirge má chomhlíonann siad an ceanglas sa chéad fhomhír.

2.   Féadfar marcálacha a cheadaítear i gcomhréir le mír 1 agus marcálacha eile a leagtar amach le reachtaíocht de chuid an Aontais a ghreamú de tháirge ar choinníoll nach ndéanfaidh siad dochar d’infheictheacht, d’inléiteacht ná do bhrí na marcála CE.

3.   I gcás ina gcumhdaítear táirge le sonraíocht theicniúil chomhchuibhithe, beidh maíomh arna dhéanamh ag oibreoir eacnamaíoch maidir le feidhmíocht an táirge, a bhaineann le saintréith bhunriachtanach a chumhdaítear leis an tsonraíocht theicniúil chomhchuibhithe sin, i gcomhréir leis an modh measúnúcháin don tsaintréith bhunriachtanach áirithe sin mar a leagtar síos sna sonraíochtaí teicniúla comhchuibhithe.

4.   I gcás ina gcumhdaítear táirge le sonraíochtaí teicniúla comhchuibhithe, ní fhéadfar maímh maidir lena fheidhmíocht i ndáil leis na saintréithe bunriachtanacha a leagtar síos sna sonraíochtaí teicniúla comhchuibhithe sin a sholáthar sa bhreis air sin in áit eile seachas sa dearbhú feidhmíochta agus comhréireachta ach amháin má sholáthraítear iad cheana féin sa dearbhú feidhmíochta agus comhréireachta freisin.

Ní bheidh feidhm ag an gcéad fhomhír maidir le cásanna nár tarraingíodh suas aon dearbhú feidhmíochta agus comhréireachta i gcomhréir le hAirteagal 14.

1.   Níl oibleagáidí na n-oibreoirí eacnamaíocha faoin gCaibidil seo infheidhme ach amháin i ndáil le táirgí a chumhdaítear le sonraíocht theicniúil chomhchuibhithe, nó le táirgí a bhfuil an mharcáil CE orthu ar bhonn measúnú teicniúil Eorpach.

2.   Déanfaidh oibreoir eacnamaíoch na bearta uile is gá chun a áirithiú go leanfar den Rialachán seo a chomhlíonadh. I gcás inar luadh neamhchomhlíonadh an oibreora eacnamaíoch nó neamhchomhlíonadh táirge agus inar iarr údarás faireachais margaidh gníomhaíocht cheartaitheach i gcomhréir le hAirteagal 65(1), cuirfidh an t-oibreoir eacnamaíoch tuarascálacha ar dhul chun cinn faoi bhráid an údaráis sin go dtí go gcinnfidh an t-údarás sin gur féidir an ghníomhaíocht cheartaitheach a dhúnadh.

3.   Déanfaidh oibreoir eacnamaíoch, arna iarraidh sin d’údarás náisiúnta inniúil, aon oibreoir eacnamaíoch nó aon ghníomhaí eile a chur in iúl don údarás sin:

Agus na hoibreoirí eacnamaíocha nó gníomhaithe eile dá dtagraítear sa chéad fhomhír á sainaithint aige, cuirfidh an t-oibreoir eacnamaíoch an t-údarás náisiúnta inniúil ar an eolas faoin méid seo a leanas ar a laghad:

4.   Coinneoidh oibreoir eacnamaíoch na doiciméid uile agus an fhaisnéis uile dá dtagraítear sa Chaibidil seo ar fáil do na húdaráis náisiúnta inniúla ar feadh tréimhse 10 mbliana tar éis don oibreoir eacnamaíoch an táirge nó an tseirbhís i gceist a sholáthar nó tar éis an táirge sin nó an tseirbhís sin a bheith soláthartha dó, mura rud é gur cuireadh na doiciméid nó an fhaisnéis ar fáil tríd an bpas táirge digiteach dá dtagraítear in Airteagal 76. Tíolacfaidh oibreoir eacnamaíoch an doiciméadacht agus an fhaisnéis laistigh de 10 lá tar éis dó iarraidh a fháil ó údarás náisiúnta inniúil.

5.   Féadfaidh oibreoir eacnamaíoch é féin a chlárú ina chóras náisiúnta féin arna bhunú i gcomhréir le hAirteagal 71(5).

Cuirfidh oibreoir eacnamaíoch bealaí cumarsáide, lena n-áirítear uimhreacha teileafóin, seoltaí ríomhphoist nó codanna tiomnaithe dá shuíomh gréasáin, ar fáil do thomhaltóirí agus d’úsáideoirí, rud a chuirfidh ar a gcumas aon tionóisc, aon teagmhas eile nó aon saincheist sábháilteachta a bhí acu leis an táirge a chur in iúl.

6.   I gcás ina measann oibreoir eacnamaíoch go mbaineann riosca do shláinte agus sábháilteacht daoine nó don chomhshaol le táirge neamhchomhréireach, cuirfidh sé údaráis náisiúnta inniúla na mBallstát inar chuir sé an táirge ar fáil ar an eolas láithreach faoi sin, agus tabharfaidh sé mionsonraí, go háirithe, faoin neamhchomhlíonadh agus faoi aon bheart ceartaitheach a rinneadh. Féadfaidh oibreoir eacnamaíoch na húdaráis náisiúnta inniúla a chur ar an eolas faoi aon sárú eile is dócha a dhéanfar ar an Rialachán seo a dtagann sé ar an eolas faoi, faoin neamhchomhlíonadh agus faoi aon bheart ceartaitheach a rinneadh.

7.   Beidh oibreoir eacnamaíoch faoi dhliteanas i leith sáruithe ar an Airteagal seo nó ar na hAirteagail sa Chaibidil seo a bhaineann lena ghníomhaíochtaí, i gcomhréir leis an dlí náisiúnta maidir le dliteanas conarthach agus seach-chonarthach.

1.   Beidh sé de cheart ag monaróir an fhaisnéis is gá a iarraidh ar a sholáthróirí agus ar a sholáthraithe seirbhíse i ndáil lena dtáirgí chun a oibleagáidí faoin Rialachán seo a chomhlíonadh.

2.   Má tá an monaróir faoi réir cúraimí tríú páirtí arna ndéanamh ag comhlacht faoina dtugtar fógra, beidh sé de cheart ag an monaróir a iarraidh ar a sholáthróirí agus ar a sholáthraithe seirbhíse go dtabharfaidh siad cead don chomhlacht sin faoina dtugtar fógra rochtain a bheith aige ar a ndoiciméadacht agus ar a n-áitreabh a mhéid a éilíonn an comhlacht faoina dtugtar fógra rochtain den sórt sin chun a chúraimí a dhéanamh.

3.   Tá feidhm ag na cearta arna mbunú i mír 1 freisin maidir le monaróir a chuireann táirge úsáidte nó táirge athmhonaraithe ar an margadh i ndáil le soláthróir an táirge úsáidte, lena n-áirítear an díshuiteálaí i gcás inarb infheidhme. Maidir leis an bhfaisnéis atá ag teastáil, féadfaidh faisnéis faoi úsáid an táirge roimhe sin agus faoin bpróiseas chun é a dhíshuiteáil a bheith san áireamh inti, ach gan a bheith teoranta di.

4.   Beidh sé de cheart ag monaróir na sonraí agus na ríomhanna a cheanglaítear faoi Airteagal 15(2) a iarraidh ar a sholáthróirí agus ar a sholáthraithe seirbhíse i ndáil leis na soláthairtí nó na seirbhísí arna soláthar, lena n-áirítear na tuarascálacha bailíochtaithe is gá arna n-eisiúint ag comhlacht faoina dtugtar fógra.

1.   Agus táirge á chur ar an margadh aige, cinnfidh an monaróir an cineál táirge, agus na teorainneacha a leagtar síos chuige sin leis an sainmhíniú dá bhforáiltear in Airteagal 3, pointe (27), á n-urramú aige. Áiritheoidh an monaróir go ndéanfar measúnú ar fheidhmíocht an táirge i ndáil leis na saintréithe bunriachtanacha éigeantacha agus leis na saintréithe bunriachtanacha sin a bheartaítear a dhearbhú. Má chumhdaítear an táirge le ceanglais táirge arna mbunú le gníomhartha tarmligthe dá dtagraítear in Airteagal 7(1), áiritheoidh an monaróir gur dearadh agus gur tógadh an táirge i gcomhréir leis na ceanglais sin freisin.

Duine nádúrtha nó dlítheanach a mhonaraíonn táirge trí úsáid a bhaint as priontáil 3T, comhlíonfaidh an duine sin na hoibleagáidí atá ar mhonaróirí agus an táirge á chur ar an margadh. Áireofar ar na hoibleagáidí tacair sonraí 3T iomchuí a úsáid, ábhair a chomhlíonann na nósanna imeachta is infheidhme faoin Rialachán seo a úsáid, agus comhoiriúnacht tacar sonraí 3T, ábhair priontála agus na teicneolaíochta priontála a úsáidtear a fhíorú, ach níl siad teoranta don mhéid sin.

2.   I gcás inar léiríodh comhlíontacht an táirge leis na ceanglais is infheidhme agus a fheidhmíocht i ndáil le saintréithe bunriachtanacha dá dtagraítear i mír 1 den Airteagal seo i gcomhréir leis an gcóras measúnúcháin agus fíorúcháin nó na córais mheasúnúcháin agus fíorúcháin is infheidhme a leagtar amach in Iarscríbhinn IX, déanfaidh an monaróir dearbhú feidhmíochta agus comhréireachta a tharraingt suas i gcomhréir le hAirteagail 13 go 15, greamóidh sé an mharcáil CE de i gcomhréir le hAirteagail 17 agus 18 agus, nuair is infheidhme, áiritheoidh sé infhaighteacht páirteanna spártha nach bhfuil ar fáil go coitianta ar an margadh, dá dtagraítear i mír 8 den Airteagal seo, agus greamóidh sé an lipéadú de de bhun mhír 9 den Airteagal seo.

3.   Déanfaidh an monaróir, mar bhonn don dearbhú feidhmíochta agus comhréireachta, doiciméadacht theicniúil a tharraingt suas ina léireoidh sé an méid seo a leanas:

4.   Áiritheoidh an monaróir go mbeidh nósanna imeachta ar bun chun a áirithiú go gcomhlíonfaidh táirgí a bhfeidhmíocht dhearbhaithe agus go leanfaidh siad de bheith i gcomhréir leis an Rialachán seo. Is iomchuí a bheidh dearadh an táirge, lena n-áirítear tacair sonraí 3T, na próisis táirgthe agus an t-ábhar a úsáidtear. I gcás ina monaraítear an táirge i dtáirgeadh sraithe, áiritheoidh an monaróir go mbeidh nósanna imeachta ar bun chun a áirithiú go gcoinneoidh sé a fheidhmíocht dhearbhaithe agus go leanfaidh sé de bheith i gcomhréir leis an Rialachán seo. Is iomchuí a bheidh na hathruithe ar dhearadh an táirge, lena n-áirítear tacair sonraí 3T, ar an bpróiseas táirgthe agus ar an ábhar a úsáidtear. Cuirfear athruithe ar na sonraíochtaí teicniúla comhchuibhithe is infheidhme i gcuntas go leormhaith agus, i gcás ina ndéantar difear d’fheidhmíocht an táirge nó do chomhréireacht an táirge, spreagfar athmheasúnú leo i gcomhréir leis an nós imeachta ábhartha um measúnú.

Déanfaidh an monaróir, i gcás ina meastar gurb iomchuí sin maidir le beachtas, iontaofacht agus cobhsaíocht an táirge ó thaobh feidhmíocht dhearbhaithe agus comhréireachta de a áirithiú, tástáil shamplach ar tháirgí a chuirtear ar an margadh nó a chuirtear ar fáil ar an margadh, déanfaidh sé imscrúdú ar ghearáin, agus, más gá, coinneoidh sé clár de ghearáin, de tháirgí neamhchomhréireacha agus de tháirgí a aisghaireadh, agus coinneoidh sé allmhaireoirí agus dáileoirí ar an eolas faoi sin.

5.   Áiritheoidh an monaróir go mbeidh ar a tháirgí cód aitheantais uathúil den chineál táirge a bhaineann go sonrach leis an monaróir agus, i gcás ina mbeidh fáil uirthi, baiscuimhir nó sraithuimhir atá sofheicthe agus soléite d’úsáideoirí. I gcás nach féidir é sin a dhéanamh mar gheall ar chineál an táirge, cuirfear an fhaisnéis is gá ar fáil ar lipéad greamaithe, ar an bpacáistíocht nó, i gcás nach féidir é sin a dhéanamh ach oiread, i ndoiciméad a ghabhann leis an táirge.

Déanfaidh an monaróir lipéad ‘Le haghaidh úsáid ghairmiúil amháin’ a chur ar tháirge, ar an mbealach céanna agus a leagtar amach sa chéad fhomhír, má tá saineolas de dhíth chun é a úsáid agus cuirfidh sé an lipéad ar taispeáint do chustaiméirí sula mbeidh siad faoi cheangal ag conradh díolacháin, lena n-áirítear i gcás ciandíola. Táirgí nach bhfuil lipéad ‘Le haghaidh úsáid ghairmiúil amháin’ orthu, measfar iad a bheith beartaithe freisin d’úsáideoirí neamhghairmiúla agus do thomhaltóirí de réir bhrí an Rialacháin seo agus Rialachán (AE) 2023/988.

Déanfaidh an monaróir an fhaisnéis nach mór a sholáthar de bhun an Rialacháin seo a chur ar taispeáint do chustaiméirí ar bhealach soiléir sula mbeidh siad faoi cheangal ag conradh díolacháin, lena n-áirítear i gcás ciandíola.

6.   Agus táirge á chur ar fáil ar an margadh aige, áiritheoidh an monaróir go mbeidh faisnéis ghinearálta táirge, treoracha úsáide agus faisnéis sábháilteachta, mar a leagtar amach in Iarscríbhinn IV, ag gabháil leis i dteanga atá le cinneadh ag an mBallstát lena mbaineann nó, in éagmais an chinnidh sin, i dteanga is féidir le húsáideoirí a thuiscint go héasca.

7.   Faoi 18 mí tar éis theacht i bhfeidhm an ghnímh tharmligthe dá dtagraítear in Airteagal 75(1), déanfaidh an monaróir pas táirge digiteach dá dtagraítear in Airteagal 76 a chur ar fáil, tríd an gcóras pas dhigitigh le haghaidh táirgí foirgníochta dá dtagraítear in Airteagal 75, atá nasctha le hiompróir sonraí dá dtagraítear in Airteagal 18(2), pointe (g).

8.   Chun infhaighteacht páirteanna spártha nach bhfuil ar fáil go coitianta ar an margadh a áirithiú, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh, trí oibleagáid a fhorchur ar mhonaróirí, i leith finte táirgí áirithe agus catagóirí táirgí áirithe, páirteanna spártha sonracha nach bhfuil ar fáil go coitianta do na táirgí a chuireann siad ar an margadh a chur ar fáil ar an margadh.

Beidh feidhm ag an oibleagáid arna bunú leis na gníomhartha tarmligthe dá dtagraítear sa chéad fhomhír den mhír seo ar feadh tréimhse 10 mbliana tar éis an táirge deiridh den chineál lena mbaineann a chur ar an margadh, mura rud é go ndéantar tréimhse éagsúil a shocrú leis an ngníomh tarmligthe.

Déanfaidh monaróirí atá faoi réir na hoibleagáide a leagtar síos sa chéad fhomhír na páirteanna spártha a thairiscint laistigh de thréimhse sheachadta réasúnta gearr agus ar phraghas réasúnta agus neamh-idirdhealaitheach, agus cuirfidh siad an pobal ar an eolas faoi sin.

9.   Chun trédhearcacht a áirithiú d’úsáideoirí agus chun táirgí inbhuanaithe a chur chun cinn, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh, trí cheanglais shonracha maidir le lipéadú inbhuanaitheachta comhshaoil a bhunú le haghaidh finte táirgí áirithe agus catagóirí táirgí áirithe nuair a chomhlíontar na coinníollacha seo a leanas:

Beidh an lipéadú bunaithe ar fheidhmíocht an táirge, arna measúnú i gcomhréir le hAirteagal 5(1) nó le hAirteagal 6(1), agus soláthrófar air faisnéis shothuigthe is féidir le daoine nach saineolaithe iad a thuiscint.

10.   Cinnfear leis na gníomhartha tarmligthe dá dtagraítear i mír 9 an bealach ina bhfuil an monaróir leis an lipéad a ghreamú, tríd an méid seo a leanas a shonrú:

11.   Maidir le monaróir a mheasann nó a bhfuil cúis aige chun a chreidiúint nach bhfuil táirge atá curtha ar an margadh aige i gcomhréir lena fheidhmíocht dhearbhaithe nó nach gcomhlíonann sé an Rialachán seo, déanfaidh sé na bearta ceartaitheacha is gá láithreach chun an táirge sin a thabhairt chun comhréireachta nó comhlíontachta, nó, más iomchuí, chun é a tharraingt siar nó a aisghairm. Má tá an tsaincheist nasctha le comhpháirt arna soláthar nó le seirbhís arna soláthar go seachtrach, cuirfidh an monaróir an soláthróir nó an soláthraí seirbhíse agus údarás náisiúnta inniúil an mhonaróra ar an eolas.

12.   I gcás ina bhfuil riosca ag baint leis an táirge, déanfaidh an monaróir, gan moill mhíchuí agus laistigh de 3 lá oibre ar a dhéanaí, na hionadaithe údaraithe, na hallmhaireoirí, na dáileoirí, na soláthraithe seirbhíse próiseála orduithe, agus na margaí ar líne uile a bhfuil baint acu lena dháileadh a chur ar an eolas, mar aon le húdaráis náisiúnta inniúla na mBallstát inar chuir an monaróir nó, go bhfios dó, oibreoirí eacnamaíocha eile an táirge ar fáil. Chuige sin, soláthróidh an monaróir na mionsonraí úsáideacha uile agus, go háirithe, sonróidh sé an cineál neamhchomhlíonta, minicíocht na dtionóiscí nó na dteagmhas, agus na bearta ceartaitheacha a rinneadh nó a moladh. I gcás rioscaí arb iad táirgí a shroich úsáideoir deiridh nó tomhaltóir cheana is cúis leo, arb úsáideoir deiridh nó tomhaltóir é nó í nach féidir a shainaithint ná dul i dteagmháil go díreach leis nó léi, déanfaidh an monaróir faisnéis a scaipeadh, trí na meáin agus ar bhealaí iomchuí eile, chun an rochtain is leithne is féidir a áirithiú, faoi bhearta iomchuí chun deireadh a chur leis na rioscaí nó, mura féidir an méid sin a dhéanamh, chun iad a laghdú. I gcás ina bhfuil riosca tromchúiseach ann, déanfaidh an monaróir an táirge a tharraingt siar agus a aisghairm ar a chostas féin.

1.   Féadfaidh monaróir atá bunaithe san Aontas aon duine nádúrtha nó dlítheanach atá bunaithe laistigh den Aontas a cheapadh, trí shainordú i scríbhinn, mar ionadaí údaraithe aonair. Ceapfaidh monaróir nach bhfuil bunaithe san Aontas ionadaí údaraithe aonair.

Ní bheidh tarraingt suas na doiciméadachta teicniúla mar chuid de shainordú an ionadaí údaraithe.

2.   Comhlíonfaidh an t-ionadaí údaraithe na cúraimí arna sonrú sa sainordú a fhaightear ón monaróir. Leis an sainordú sin, ligfear don ionadaí údaraithe an méid seo a leanas, ar a laghad, a dhéanamh:

3.   Fíoróidh an t-ionadaí údaraithe an méid seo a leanas ar leibhéal doiciméadach:

4.   I gcás ina sainaithníonn ionadaí údaraithe cás neamhchomhlíonta a luaitear i mír 3 den Airteagal seo, iarrfaidh sé ar an monaróir gníomhú i gcomhréir le hAirteagal 22(11) agus (12).

1.   Ní chuirfidh allmhaireoirí ar an margadh ach táirgí atá i gcomhréir leis an Rialachán seo.

2.   Sula gcuirfidh sé táirge ar an margadh, áiritheoidh an t-allmhaireoir go ndearna an monaróir comhlíontacht an táirge leis na ceanglais is infheidhme agus a fheidhmíocht i ndáil le saintréithe bunriachtanacha ábhartha a léiriú i gcomhréir le hAirteagal 22(1) agus (2).

Áiritheoidh an t-allmhaireoir an méid seo a leanas:

3.   Fíoróidh an t-allmhaireoir go ndearna an monaróir úsáid an táirge a dhearbhú, agus áiritheoidh sé go mbeidh faisnéis ghinearálta táirge, treoracha úsáide agus faisnéis sábháilteachta mar a leagtar amach in Iarscríbhinn IV ag gabháil leis an táirge i dteanga a chinneann an Ballstát lena mbaineann nó, in éagmais an chinnidh sin, i dteanga is féidir le húsáideoirí a thuiscint go héasca. Déanfaidh an t-allmhaireoir an fhaisnéis nach mór a sholáthar de bhun an Rialacháin seo nó de bhun sonraíochtaí teicniúla comhchuibhithe a chur ar taispeáint do chustaiméirí ar bhealach soiléir sula mbeidh siad faoi cheangal ag conradh díolacháin, lena n-áirítear i gcás ciandíola.

4.   Áiritheoidh an t-allmhaireoir, fad a bheidh sé freagrach as táirge, nach ndéanfaidh dálaí a stórála ná a iompair comhréireacht an táirge sin leis an dearbhú feidhmíochta agus comhréireachta ná a chomhlíontacht le ceanglais eile is infheidhme sa Rialachán seo a chur i mbaol.

5.   I gcás ina measann allmhaireoir, nó ina bhfuil cúis aige chun a chreidiúint, nach bhfuil táirge i gcomhréir leis an dearbhú feidhmíochta agus comhréireachta, nó nach gcomhlíonann sé ceanglais eile is infheidhme sa Rialachán seo, ní chuirfidh an t-allmhaireoir an táirge ar an margadh go dtí go mbeidh sé i gcomhréir leis an dearbhú feidhmíochta agus comhréireachta a ghabhann leis agus go dtí go gcomhlíonfaidh sé na ceanglais eile is infheidhme den Rialachán seo, nó go dtí go gceartófar an dearbhú feidhmíochta agus comhréireachta. Thairis sin, i gcás ina bhfuil riosca ag baint leis an táirge, cuirfidh an t-allmhaireoir an monaróir agus an t-údarás náisiúnta inniúil atá freagrach ar an eolas faoi sin.

6.   Déanfaidh an t-allmhaireoir a ainm, a thrádainm cláraithe nó a thrádmharc cláraithe, a áit ghnó, a sheoladh teagmhála agus, i gcás ina bhfuil fáil orthu, modhanna leictreonacha cumarsáide, a chur in iúl ar an táirge nó, mura bhfuil sé sin indéanta, ar a phacáistíocht, nó i ndoiciméad a ghabhann leis an táirge.

7.   Déanfaidh an t-allmhaireoir imscrúdú ar ghearáin maidir le táirgí neamhchomhréireacha agus táirgí a tarraingíodh siar nó a aisghaireadh, agus, más gá, coinneoidh sé clár de ghearáin den sórt sin, agus coinneoidh sé monaróirí agus dáileoirí ar an eolas faoi aon fhaireachán den sórt sin.

8.   Maidir le hallmhaireoirí a mheasann nó a bhfuil cúis acu chun a chreidiúint nach bhfuil táirge atá curtha ar an margadh acu i gcomhréir lena fheidhmíocht dhearbhaithe nó nach gcomhlíonann sé ceanglais eile is infheidhme sa Rialachán seo, déanfaidh siad na bearta ceartaitheacha is gá láithreach chun an táirge sin a thabhairt chun comhréireachta, nó, más iomchuí, chun é a tharraingt siar nó a aisghairm. Thairis sin, i gcás ina bhfuil riosca ag baint leis an táirge, cuirfidh allmhaireoirí údaráis náisiúnta inniúla na mBallstát inar chuir siad an táirge ar fáil ar an margadh ar an eolas láithreach faoi sin, agus tabharfaidh siad mionsonraí, go háirithe, faoin neamhchomhréireacht agus faoi aon bheart ceartaitheach a rinneadh.

9.   Comhlíonfaidh allmhaireoirí a dhíolann le húsáideoirí deiridh na hoibleagáidí atá ar dháileoirí freisin.

1.   Agus táirgí á gcur ar fáil ar an margadh acu, gníomhóidh dáileoirí le cúram cuí i ndáil leis na hoibleagáidí sa Rialachán seo.

2.   Sula gcuirfidh an dáileoir táirge ar fáil ar an margadh, fíoróidh sé an méid seo a leanas:

3.   Déanfaidh an dáileoir an fhaisnéis nach mór a sholáthar de bhun an Rialacháin seo a chur ar taispeáint do chustaiméirí ar bhealach soiléir sula mbeidh siad faoi cheangal ag conradh díolacháin, lena n-áirítear i gcás ciandíola.

4.   I gcás ina measann dáileoir nó ina bhfuil cúis aige chun a chreidiúint nach bhfuil táirge i gcomhréir lena fheidhmíocht dhearbhaithe nó nach gcomhlíonann sé ceanglais eile is infheidhme sa Rialachán seo, ní chuirfidh an dáileoir an táirge ar fáil ar an margadh go dtí go mbeidh sé i gcomhréir leis an dearbhú feidhmíochta agus comhréireachta a ghabhann leis agus go dtí go gcomhlíonfaidh sé na ceanglais eile is infheidhme sa Rialachán seo. Thairis sin, i gcás ina bhfuil riosca ag baint leis an táirge, cuirfidh an dáileoir an monaróir agus na húdaráis náisiúnta inniúla atá freagrach ar an eolas faoi sin.

5.   Áiritheoidh an dáileoir, fad a bheidh sé freagrach as táirge, nach ndéanfaidh dálaí stórála ná iompair comhréireacht an táirge sin lena fheidhmíocht dhearbhaithe ná a chomhlíontacht le ceanglais eile is infheidhme sa Rialachán seo a chur i mbaol.

6.   Maidir le dáileoir a mheasann nó a bhfuil cúis aige chun a chreidiúint nach bhfuil táirge atá curtha ar fáil ar an margadh aige i gcomhréir lena fheidhmíocht dhearbhaithe nó nach gcomhlíonann sé ceanglais eile is infheidhme sa Rialachán seo, áiritheoidh sé go ndéanfar na bearta ceartaitheacha is gá chun an táirge sin a thabhairt chun comhréireachta, nó, más iomchuí, chun é a tharraingt siar nó a aisghairm. Thairis sin, i gcás ina bhfuil riosca ag baint leis an táirge, cuirfidh an dáileoir údaráis náisiúnta inniúla na mBallstát inar chuir sé an táirge ar fáil ar an margadh ar an eolas láithreach faoi sin, agus tabharfaidh sé mionsonraí, go háirithe, faoin neamhchomhréireacht agus faoi aon bheart ceartaitheach a rinneadh.

1.   Measfar allmhaireoir nó dáileoir a bheith ina mhonaróir chun críoch an Rialacháin seo agus beidh sé faoi réir oibleagáidí monaróra de bhun Airteagal 22, sna cásanna seo a leanas:

2.   Beidh feidhm ag mír 1 freisin maidir le hoibreoir eacnamaíoch a chuireann an méid seo a leanas ar an margadh:

3.   Ní bheidh feidhm ag mír 1 nuair nach ndéanann an t-oibreoir eacnamaíoch ach an méid seo a leanas:

4.   Oibreoir eacnamaíoch a sholáthraíonn na gníomhaíochtaí a liostaítear i mír 3, cuirfidh sé an monaróir nó a ionadaí údaraithe ar an eolas faoi sin, gan beann ar an leis an oibreoir eacnamaíoch sin na táirgí nó an soláthraíonn sé seirbhísí. Déanfaidh sé an t-athphacáistiú ar bhealach nach ndéanfaidh sé difear do bhail bhunaidh an táirge ná dá chomhlíontacht leis an Rialachán seo, agus go gcuirfear aon fhaisnéis a cheanglaítear leis an Rialachán seo ar fáil i gceart i gcónaí. Gníomhóidh an t-oibreoir eacnamaíoch le cúram cuí i ndáil le hoibleagáidí an Rialacháin seo.

1.   Agus iad ag rannchuidiú le táirge a chur ar fáil ar an margadh, gníomhóidh soláthraithe seirbhíse próiseála orduithe le cúram cuí i ndáil le hoibleagáidí an Rialacháin seo.

2.   Áiritheoidh soláthraí seirbhíse próiseála orduithe go bhfuil an lipéadú agus na doiciméid arna soláthar ag an monaróir nó ag an allmhaireoir ar fáil nó ag gabháil leis an táirge, mar aon leis an méid seo a leanas go háirithe:

3.   Áiritheoidh soláthraí seirbhíse próiseála orduithe nach ndéanfaidh na dálaí le linn trádstóráil, pacáistiú, nó seoladh táirge, nó le linn seoladh a chur air, comhréireacht táirge lena fheidhmíocht dhearbhaithe ná a chomhlíontacht le ceanglais eile is infheidhme sa Rialachán seo a chur i mbaol. Soláthróidh monaróirí nó allmhaireoirí táirgí foirgníochta an fhaisnéis mhionsonraithe is gá dá soláthraithe seirbhíse próiseála orduithe chun a áirithiú go ndéanfar an táirge a stóráil, a phacáistiú, seoladh a chur air nó é a sheoladh ar bhealach sábháilte agus chun feidhmiú breise an táirge a áirithiú.

4.   Tacóidh soláthraithe seirbhíse próiseála orduithe le táirgí a tharraingt siar nó a aisghairm, gan beann ar cé acu údaráis faireachais margaidh, monaróirí, ionadaithe údaraithe nó allmhaireoirí a thionscain iad.

5.   I gcás ina measann soláthraí seirbhíse próiseála orduithe nó ina bhfuil cúis aige chun a chreidiúint nach bhfuil táirge i gcomhréir leis an dearbhú feidhmíochta agus comhréireachta nó nach gcomhlíonann sé ceanglais eile is infheidhme sa Rialachán seo, ní thacóidh sé leis an táirge a chur ar fáil ar an margadh go dtí go mbeidh an táirge i gcomhréir leis an dearbhú feidhmíochta agus comhréireachta ábhartha, agus go dtí go gcomhlíonfaidh sé na ceanglais eile is infheidhme sa Rialachán seo, nó go dtí go gceartófar an dearbhú feidhmíochta agus comhréireachta. Thairis sin, i gcás ina bhfuil riosca ag baint leis an táirge, cuirfidh an soláthraí seirbhíse próiseála orduithe an monaróir agus an t-údarás náisiúnta inniúil atá freagrach ar an eolas faoi sin.

1.   Déanfaidh margadh ar líne an méid seo a leanas:

2.   A mhéid a bhaineann leis na cumhachtaí a thugann na Ballstáit i gcomhréir le hAirteagal 14 de Rialachán (AE) 2019/1020, tabharfaidh na Ballstáit de chumhacht dá n-údaráis faireachais margaidh, i ndáil leis na táirgí uile a chumhdaítear leis an Rialachán seo, a ordú do mhargadh ar líne inneachar neamhdhleathach sonrach a thagraíonn do tháirge neamhchomhlíontach a bhaint dá chomhéadan ar líne, rochtain air a dhíchumasú, nó rabhadh sainráite a thaispeáint d’úsáideoirí deiridh nuair a fhaigheann siad rochtain air. Comhlíonfaidh orduithe den sórt sin Airteagal 9 de Rialachán (AE) 2022/2065.

3.   Déanfaidh margadh ar líne na bearta is gá chun na horduithe dá dtagraítear i mír 2 den Airteagal seo a fháil agus a phróiseáil i gcomhréir le hAirteagal 9 de Rialachán (AE) 2022/2065.

4.   Beidh feidhm ag an Airteagal seo freisin maidir le monaróirí, allmhaireoirí nó dáileoirí a thairgeann táirgí ar líne gan margadh ar líne a bheith rannpháirteach.

1.   Táirgí a thairgtear lena ndíol ar líne nó trí mhodhanna eile ciandíolachán, measfar go bhfuil siad curtha ar fáil ar an margadh má tá an tairiscint dírithe ar chustaiméirí san Aontas. Measfar go bhfuil tairiscint díolacháin dírithe ar chustaiméirí san Aontas má dhíríonn an t-oibreoir eacnamaíoch ábhartha a chuid gníomhaíochtaí, trí aon mhodh, ar Bhallstát. Measfar go bhfuil tairiscint, inter alia, dírithe ar chustaiméirí san Aontas sna cásanna seo a leanas:

Ní bheidh feidhm ag na coinníollacha a liostaítear sa chéad fhomhír má dhéanann an t-oibreoir eacnamaíoch margadh an Aontais a eisiamh go sainráite agus go héifeachtach.

2.   I gcás ina gcuireann oibreoir eacnamaíoch táirge ar fáil ar an margadh ar líne nó trí mhodhanna eile ciandíola, cuirfear in iúl go soiléir agus go feiceálach i dtairiscint an táirge sin, i gcás inar gá, an mharcáil CE, an fhaisnéis a liostaítear in Airteagal 18(2), an lipéad de bhun Airteagal 22(9) agus iompróir sonraí atá nasctha le pas táirge digiteach i gcomhréir le hAirteagal 22(7).

3.   Aon duine nádúrtha nó dlítheanach a sholáthraíonn seirbhís idirghabhálach chun táirgí a chur ar an margadh, comhlíonfaidh an duine sin na hoibleagáidí atá ar oibreoir eacnamaíoch de bhun mhír 2 i ndáil leis na seirbhísí arna soláthar.

1.   Féadfar na modhanna agus na critéir chun measúnú a dhéanamh ar fheidhmíocht táirgí, lena n-áirítear táirgí úsáidte, i ndáil lena saintréithe bunriachtanacha a leagan síos i ndoiciméid um measúnú Eorpach ar choinníoll nach gcumhdaítear na táirgí leis an méid seo a leanas:

2.   Ní mheasfar go gcumhdaítear táirge le caighdeáin chomhchuibhithe nó le gníomhartha cur chun feidhme dá dtagraítear i mír 1 sna cásanna seo a leanas:

3.   Ar iarraidh ar mheasúnú teicniúil Eorpach ó mhonaróir, ó ghrúpa monaróirí nó ó chomhlachas monaróirí, nó ar thionscnamh ón gCoimisiún, féadfaidh eagraíocht CMTanna, i gcomhaontú leis an gCoimisiún, doiciméad um measúnú Eorpach a tharraingt suas agus a ghlacadh.

Beidh na buncheanglais le haghaidh oibreacha foirgníochta a leagtar amach in Iarscríbhinn I agus an liosta de shaintréithe bunriachtanacha comhshaoil réamhchinntithe a leagtar amach in Iarscríbhinn II ina mbonn d’ullmhú na ndoiciméad um measúnú Eorpach. Déanfar doiciméad um measúnú Eorpach a fhorbairt agus a ghlacadh de réir na bprionsabal agus an nós imeachta a leagtar amach in Airteagal 32.

4.   Ní tharraingeofar suas doiciméid um measúnú Eorpach i ndáil le saintréith bhunriachtanach táirge ná le modh measúnúcháin do tháirge nuair is ann do dhoiciméad eile um measúnú Eorpach lena gcumhdaítear an tsaintréith bhunriachtanach chéanna nó an modh measúnúcháin céanna i ndáil leis an táirge sonrach sin, ar foilsíodh tagairt dó cheana in Iris Oifigiúil an Aontais Eorpaigh, nó ar cuireadh é faoi bhráid an Choimisiúin lena mheasúnú i gcomhréir le hAirteagal 34(1).

5.   Maidir le hiarrataí ar dhoiciméad um measúnú Eorpach a fhorbairt, féadfaidh eagraíocht CMTanna agus an Coimisiún iarrataí den sórt sin a chumasc nó a dhiúltú i gcomhréir le pointe 5 d’Iarscríbhinn VI.

6.   Ó dháta cur i bhfeidhm sainordaitheach sonraíochta teicniúla comhchuibhithe arna glacadh i gcomhréir le hAirteagal 5(8) nó le hAirteagal 6(1), lena gcumhdaítear an táirge céanna agus an úsáid chéanna atá beartaithe le doiciméad um measúnú Eorpach, ní úsáidfear an doiciméad um measúnú Eorpach a thuilleadh chun críocha an Rialacháin seo. Sa chás sin, déanfaidh an Coimisiún an tagairt don doiciméad um measúnú Eorpach a tharraingt siar ó Iris Oifigiúil an Aontais Eorpaigh.

7.   Beidh doiciméid um measúnú Eorpach ina mbonn do mheasúnuithe teicniúla Eorpacha a leagtar amach in Airteagal 37.

1.   Agus doiciméid um measúnú Eorpach á bhforbairt agus á nglacadh, leanfaidh CMTanna aonair agus eagraíocht CMTanna an nós imeachta a leagtar amach in Iarscríbhinn VI.

2.   Agus doiciméid um measúnú Eorpach á bhforbairt agus á nglacadh, déanfaidh CMTanna aonair agus eagraíocht CMTanna an méid seo a leanas:

Le cothromú na gceanglas a leagtar síos i bpointí (a) agus (b) den chéad fhomhír, ceadófar, ar a laghad, nochtadh ainm an táirge ag an gcéim a dhéantar an clár oibre a fhormheas agus a chur in iúl, mar a leagtar amach i bpointe 3 d’Iarscríbhinn VI, agus nochtadh inneachar mionsonraithe an dréachtdoiciméid um measúnú Eorpach a leagtar amach i bpointe 8 d’Iarscríbhinn VI.

3.   Is iad CMTanna, in éineacht le heagraíocht CMTanna, a sheasfaidh na costais iomlána a bhaineann le doiciméid um measúnú Eorpach a fhorbairt agus a ghlacadh, ach amháin más é an Coimisiún a chuireann tús le forbairt den sórt sin.

4.   Seachnóidh CMTanna agus eagraíocht CMTanna iomadú doiciméad um measúnú Eorpach i gcás nach bhfuil aon údar teicniúil ann chun idirdhealú a dhéanamh idir táirgí. Tabharfaidh siad tús áite, go háirithe, do raon feidhme na ndoiciméad um measúnú Eorpach atá ann cheana a leathnú seachas do dhoiciméid nua um measúnú Eorpach a chruthú.

5.   Tugtar de chumhacht don Choimisiún gníomhartha tarmligthe a ghlacadh, tar éis dul i gcomhairle le heagraíocht CMTanna, i gcomhréir le hAirteagal 89 chun Iarscríbhinn VI a leasú chun rialacha breise nós imeachta a chur léi maidir le doiciméid um measúnú Eorpach a fhorbairt agus a ghlacadh, i gcás inar gá sin chun dea-fheidhmiú chóras na ndoiciméad um measúnú Eorpach a áirithiú.

1.   Nuair a fhaigheann sé iarraidh ar mheasúnú teicniúil Eorpach ó mhonaróir, ó ghrúpa monaróirí nó ó chomhlachas monaróirí, comhlíonfaidh CMT na ceanglais seo a leanas:

Sna cásanna dá dtagraítear i bpointe (c) den chéad fhomhír den Airteagal seo, ach i gcás ina bhfuiltear ag súil go soláthrófar caighdeán comhchuibhithe lena gcumhdaítear an táirge céanna i dtréimhse is faide ná bliain amháin arna bunú in iarraidh ar chaighdeánú dá dtagraítear in Airteagal 5(2), cuirfidh CMT in iúl don iarratasóir go bhfuil féidearthacht ann nach n-úsáidfí doiciméad um measúnú Eorpach a thuilleadh de bhun Airteagal 31(6).

2.   Sna cásanna dá dtagraítear i mír 1, an chéad fhomhír, pointí (b) agus (c), den Airteagal seo, cuirfidh CMT eagraíocht CMTanna agus an Coimisiún ar an eolas faoi inneachar na hiarrata agus faoin tagairt do ghníomh tarmligthe ábhartha lena gcinntear an córas measúnúcháin agus fíorúcháin dá dtagraítear in Airteagal 10(2), a bhfuil sé beartaithe ag CMT é a chur i bhfeidhm maidir leis an táirge sin, nó nach ann do ghníomh tarmligthe den sórt sin.

3.   Má mheasann an Coimisiún nach ann do ghníomh tarmligthe iomchuí lena gcinntear an córas measúnúcháin agus fíorúcháin don táirge, féadfaidh sé gníomh tarmligthe a ghlacadh i gcomhréir le hAirteagal 10(2).

1.   Déanfaidh an Coimisiún, i gcomhréir le pointe 9 d’Iarscríbhinn VI, measúnú ar chomhlíontacht na ndoiciméad um measúnú Eorpach le sonraíochtaí teicniúla comhchuibhithe, leis an Rialachán seo agus le dlí eile de chuid an Aontais. I gcás ina bhfuil doiciméad um measúnú Eorpach i gcomhréir leis na ceanglais dhlíthiúla is infheidhme, foilseoidh an Coimisiún tagairt don doiciméad sin gan mhoill in Iris Oifigiúil an Aontais Eorpaigh. I gcás nach féidir tagairt do dhoiciméad um measúnú Eorpach a fhoilsiú in Iris Oifigiúil an Aontais Eorpaigh, féadfaidh an Coimisiún tagairt den sórt sin a fhoilsiú maille le srianta.

2.   Tar éis a fhoilsithe i gcomhréir le mír 1 den Airteagal seo, féadfar doiciméad um measúnú Eorpach, i gcomhréir le hAirteagal 37, a úsáid mar bhonn do mheasúnú teicniúil Eorpach ar feadh tréimhse 10 mbliana, ach amháin má tarraingíodh siar an tagairt don doiciméad um measúnú Eorpach ó Iris Oifigiúil an Aontais Eorpaigh nó mura n-úsáidtear an doiciméad um measúnú Eorpach sin a thuilleadh de bhun Airteagal 31(6). Sa bhliain dheireanach den tréimhse sin, féadfaidh eagraíocht CMTanna cinneadh a dhéanamh an doiciméad um measúnú Eorpach a thíolacadh lena athnuachan. Sa chás sin, déanfaidh an Coimisiún athmheasúnú ar an doiciméad um measúnú Eorpach i gcomhréir le mír 1 den Airteagal seo.

1.   Beidh na gnéithe seo a leanas i ndoiciméad um measúnú Eorpach:

2.   Leagfar amach an méid seo a leanas sa doiciméad um measúnú Eorpach:

3.   I gcás inar féidir measúnú iomchuí a dhéanamh ar fheidhmíocht an táirge trí thagairt a dhéanamh dá shaintréithe bunriachtanacha, lena n-áirítear modhanna measúnúcháin agus critéir mheasúnúcháin, atá bunaithe cheana dóibh i sonraíochtaí teicniúla comhchuibhithe nó i ndoiciméid eile um measúnú Eorpach, déanfar na saintréithe bunriachtanacha sin atá ann cheana agus a modhanna agus a gcritéir a ionchorprú mar chodanna den doiciméad um measúnú Eorpach, ach amháin más gá imeacht ón riail sin ar chúiseanna teicniúla.

I gcás inarb infheidhme, beidh feidhm ag na prionsabail sin freisin maidir le leibhéil tairsí agus aicmí feidhmíochta arna nglacadh i gcomhréir le hAirteagal 5(5).

1.   Cuirfidh Ballstát an Coimisiún ar an eolas faoi gach cás seo a leanas:

Tabharfaidh an Ballstát lena mbaineann bunús lena dhearcthaí. Rachaidh an Coimisiún i gcomhairle leis na Ballstáit eile maidir leis na saincheisteanna arna n-ardú ag an mBallstát lena mbaineann.

2.   I bhfianaise thuairimí na mBallstát uile, cinnfidh an Coimisiún na tagairtí do na doiciméid um measúnú Eorpach lena mbaineann a fhoilsiú in Iris Oifigiúil an Aontais Eorpaigh, gan iad a fhoilsiú inti, iad a fhoilsiú inti maille le srianadh, iad a choimeád ar bun inti, iad a choimeád ar bun inti maille le srianadh nó iad a tharraingt siar uaithi.

3.   Cuirfidh an Coimisiún na Ballstáit agus eagraíocht CMTanna ar an eolas faoina chinneadh dá dtagraítear i mír 2 agus, i gcás inar gá, iarrfaidh sé go ndéanfar athbhreithniú ar an doiciméad lena mbaineann um measúnú Eorpach.

1.   Eiseoidh CMT measúnú teicniúil Eorpach, arna iarraidh sin do mhonaróir ar bhonn doiciméad um measúnú Eorpach ar foilsíodh tagairt dó in Iris Oifigiúil an Aontais Eorpaigh i gcomhréir le hAirteagal 34.

Ar choinníoll gur ann do dhoiciméad um measúnú Eorpach ar foilsíodh tagairt dó in Iris Oifigiúil an Aontais Eorpaigh i gcomhréir le hAirteagal 34, féadfar measúnú teicniúil Eorpach a eisiúint fiú i gcás inar eisíodh iarraidh ar chaighdeánú. Beifear in ann eisiúint den sórt sin a dhéanamh go dtí nach n-úsáidfear an doiciméad um measúnú Eorpach a thuilleadh de bhun Airteagal 31(6).

2.   Beidh feidhm ag an nós imeachta a leagtar síos in Iarscríbhinn VI nuair a dhéantar iarraidh ar mheasúnú teicniúil Eorpach.

3.   Áireofar sa mheasúnú teicniúil Eorpach an fheidhmíocht atá le dearbhú, de réir leibhéal nó aicmí, nó i dtuairisc, i leith na saintréithe bunriachtanacha sin arna gcomhaontú ag an monaróir agus ag CMT a fhaigheann an iarraidh ar an measúnú teicniúil Eorpach ar an úsáid dhearbhaithe, agus na mionsonraí teicniúla is gá chun an córas measúnúcháin agus fíorúcháin a chur chun feidhme.

Áireofar sa mheasúnú teicniúil Eorpach freisin an measúnú ar fheidhmíocht na saintréithe bunriachtanacha comhshaoil réamhchinntithe a liostaítear in Airteagal 15(3).

4.   Féadfaidh an Coimisiún gníomhartha cur chun feidhme a ghlacadh chun formáid an mheasúnaithe theicniúil Eorpaigh a bhunú.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(3).

5.   Maidir le measúnuithe teicniúla Eorpacha arna n-eisiúint ar bhonn doiciméad um measúnú Eorpach, beidh siad fós bailí go ceann 5 bliana tar éis dheireadh na tréimhse a leagtar amach in Airteagal 34(2) nó go ceann 5 bliana tar éis an tagairt don doiciméad um measúnú Eorpach a tharraingt siar ó Iris Oifigiúil an Aontais Eorpaigh.

Nuair nach n-úsáidtear an doiciméad ábhartha um measúnú Eorpach le haghaidh táirge a thuilleadh de bhun Airteagal 31(6), ní fhéadfar an táirge sin a chur ar an margadh a thuilleadh ar bhonn measúnú teicniúil Eorpach.

6.   Táirgí a chumhdaítear le doiciméad um measúnú Eorpach ar eisíodh measúnú teicniúil Eorpach ina leith, féadfar an mharcáil CE a chur orthu agus ar an gcaoi sin an stádas céanna a fháil is atá ag táirgí ar a bhfuil an mharcáil CE ar bhonn sonraíochtaí teicniúla comhchuibhithe, i gcás ina gcomhlíonann an monaróir na hoibleagáidí a leagtar amach sa Rialachán seo. I gcás ina dtagraíonn na hoibleagáidí sin do shonraíochtaí teicniúla comhchuibhithe, tagróidh an monaróir don doiciméad um measúnú Eorpach ina ionad sin nó, i gcás inarb ábhartha na sonraíochtaí teicniúla comhchuibhithe freisin, sa bhreis air sin.

1.   Maidir le Ballstáit ar mian leo CMTanna a ainmniú, ainmneoidh siad údarás ainmniúcháin aonair a bheidh freagrach as na nósanna imeachta is gá a chur ar bun agus a chur i gcrích chun measúnú a dhéanamh ar CMTanna agus chun iad a ainmniú. Comhlíonfaidh na húdaráis ainmniúcháin na ceanglais atá ar na húdaráis a thugann fógra, ar ceanglais iad a leagtar amach in Airteagal 43(1) agus Airteagal 44. Féadfaidh na Ballstáit an t-údarás a thugann fógra dá dtagraítear in Airteagal 43 a ainmniú mar an t-údarás ainmniúcháin. Ní bheidh an t-údarás ainmniúcháin incháilithe lena ainmniú i gcomhréir le hAirteagal 39(1).

2.   Mura sonraítear a mhalairt sa Chaibidil seo, i ndáil leis na forálacha is infheidhme maidir leis na húdaráis a thugann fógra agus maidir le nósanna imeachta um fhógra a thabhairt, beidh feidhm acu freisin maidir le húdaráis ainmniúcháin agus maidir leis na nósanna imeachta ainmniúcháin.

1.   Féadfaidh na Ballstáit, trína n-údaráis ainmniúcháin, CMTanna a ainmniú laistigh dá gcríocha le haghaidh fine táirgí amháin nó níos mó a liostaítear in Iarscríbhinn VII. Féadfaidh na Ballstáit freisin CMTanna a ainmniú laistigh dá gcríocha mar CMTanna atá inniúil i leith táirgí atá ag teacht chun cinn nó táirgí nuálacha nach dtagann faoi na finte táirgí atá ann cheana agus a liostaítear in Iarscríbhinn VII.

Cuirfidh na Ballstáit ainm CMT, a sheoladh agus an fhine táirgí nó na finte táirgí a bhfuil sé inniúil ina leith in iúl don Choimisiún.

2.   Sannfaidh an Coimisiún uimhir aitheantais do gach CMT.

Cuirfidh an Coimisiún an liosta de CMTanna arna n-ainmniú faoin Rialachán seo ar fáil go poiblí trí mheán leictreonach agus léireoidh sé a n-uimhreacha aitheantais, na finte táirgí a bhfuil siad ainmnithe ina leith agus aon teorainneacha ar an mbealach is beaichte is féidir.

Áiritheoidh an Coimisiún go gcoimeádfar an liosta sin cothrom le dáta.

3.   Déanfaidh an t-údarás ainmniúcháin faireachán ar ghníomhaíochtaí agus inniúlacht CMTanna arna n-ainmniú ina mBallstát faoi seach agus, i gcás inar gá, ar a bhfochuideachtaí agus a bhfochonraitheoirí, agus déanfaidh sé meastóireacht orthu i ndáil leis na ceanglais faoi seach a leagtar amach sa Chaibidil seo. Déanfaidh an t-údarás ainmniúcháin bearta ceartaitheacha a fhorchur ar CMTanna i gcás ina ndéantar sárú ar an Rialachán seo.

Cuirfidh na Ballstáit an Coimisiún ar an eolas faoina nósanna imeachta náisiúnta chun CMTanna a ainmniú, faoin bhfaireachán a dhéantar ar a ngníomhaíocht agus ar a n-inniúlacht, agus faoi aon athrú ar an bhfaisnéis sin.

4.   Déanfaidh CMTanna, gan mhoill, agus laistigh de 15 lá ar a dhéanaí, an t-údarás ainmniúcháin a chur ar an eolas faoi aon athrú a d’fhéadfadh difear a dhéanamh do na ceanglais a leagtar amach sa Chaibidil seo a bheith á gcomhlíonadh acu nó dá gcumas a n-oibleagáidí faoin Rialachán seo a chomhlíonadh.

5.   Soláthróidh CMTanna, arna iarraidh sin don údarás ainmniúcháin ábhartha, an fhaisnéis ábhartha uile agus na doiciméid ábhartha uile is gá chun go mbeidh an t-údarás sin, an Coimisiún agus na Ballstáit in ann a fhíorú go bhfuil na ceanglais faoin Rialachán seo á gcomhlíonadh acu.

6.   I gcás nach gcomhlíonann CMT ceanglais an Rialacháin seo a thuilleadh, déanfaidh an t-údarás ainmniúcháin ainmniú an CMT sin don fhine táirgí ábhartha a shrianadh, a chur ar fionraí nó a tharraingt siar de réir mar is iomchuí, ag brath ar thromchúis na mainneachtana na ceanglais sin a chomhlíonadh. I gcás nár chomhlíon CMT bearta ceartaitheacha arna bhforchur air i gcomhréir le mír 3 den Airteagal seo arís agus arís eile, féadfaidh an t-údarás ainmniúcháin ainmniú an CMT sin a shrianadh, a chur ar fionraí nó a tharraingt siar. Cuirfidh an t-údarás ainmniúcháin an Coimisiún agus na Ballstáit eile ar an eolas faoi aon ainmniú a ndearnadh é a shrianadh, a chur ar fionraí nó a tharraingt siar. Beidh feidhm ag Airteagal 53(2) agus Airteagal 54.

1.   Beidh CMT inniúil agus ullamh chun an measúnú a dhéanamh i ndáil leis na finte táirgí a bhfuil sé ainmnithe ina leith. Déanfaidh CMT an fhoireann cinnteoireachta agus leath den fhoireann inniúil theicniúil ar a laghad a fhostú faoi dhlí náisiúnta an Bhallstáit ainmniúcháin.

2.   Comhlíonfaidh CMT na ceanglais a leagtar amach in Iarscríbhinn VIII, laistigh de raon feidhme a ainmnithe. Beidh feidhm ag Airteagal 46(2) go (5), Airteagal 46(6), pointí (a) agus (b), Airteagal 46(7), (8), (9) agus (11) agus Airteagal 47.

3.   Cuirfidh CMT a eagraghram agus ainmneacha chomhaltaí a chomhlachtaí inmheánacha cinnteoireachta ar fáil go poiblí.

4.   Beidh CMT rannpháirteach i ngníomhaíochtaí eagraíocht CMTanna nó áiritheoidh sé go gcuirfear a bpearsanra measúnúcháin ar an eolas faoi na gníomhaíochtaí sin.

1.   Bunóidh CMTanna eagraíocht chun measúnú teicniúil a dhéanamh (‘eagraíocht CMTanna’) faoin Rialachán seo.

2.   Déanfaidh eagraíocht CMTanna na cúraimí seo a leanas ar a laghad:

Déanfaidh eagraíocht CMTanna rúnaíocht a chur ar bun chun na cúraimí sin a dhéanamh.

3.   Áiritheoidh na Ballstáit go dtabharfaidh CMTanna acmhainní daonna agus airgeadais leormhaithe d’eagraíocht CMTanna. Bunóidh eagraíocht CMTanna ranníocaíocht gach CMT a bheidh comhréireach, agus buiséad bliantúil nó láimhdeachas bliantúil gach CMT a bhaineann lena ghníomhaíochtaí mar CMT á chur i gcuntas.

4.   Ní bheidh tábhacht an phróisis cinnteoireachta de chuid eagraíocht CMTanna ag brath ar ranníocaíocht airgeadais CMTanna, ar líon na ndoiciméad um measúnú Eorpach arna bhforbairt ná ar líon na measúnuithe teicniúla Eorpacha arna n-eisiúint acu.

5.   Iarrfar ar an gCoimisiún páirt a ghlacadh i gcruinnithe uile eagraíocht CMTanna.

6.   Féadfar maoiniú ón Aontas a dheonú d’eagraíocht CMTanna le haghaidh chur chun feidhme na gcúraimí dá dtagraítear i mír 2. Féadfaidh an Coimisiún maoiniú eagraíocht CMTanna, cibé acu trí dheontais nó trí thairiscintí poiblí, a chur faoi réir an choinníll go gcomhlíonfar ceanglais áirithe eagraíochtúla agus feidhmíochta a leagtar amach sna cúraimí sin.

1.   Tabharfaidh na Ballstáit fógra don Choimisiún agus do na Ballstáit eile maidir leis na comhlachtaí atá údaraithe cúraimí tríú páirtí a dhéanamh maidir le measúnú agus fíorú a dhéanamh ar fheidhmíocht, maidir le measúnú comhréireachta agus maidir le fíorú a dhéanamh ar ríomhanna inbhuanaitheachta comhshaoil chun críocha an Rialacháin seo.

2.   Cuirfidh na Ballstáit an Coimisiún ar an eolas faoina nósanna imeachta maidir le measúnú a dhéanamh ar chomhlachtaí atá le húdarú chun na cúraimí sin a dhéanamh, maidir le fógra a thabhairt faoi na comhlachtaí sin agus maidir le faireachán a dhéanamh ar chomhlachtaí faoina dtugtar fógra, agus faoi aon athrú a dhéantar ina leith sin. Cuirfidh an Coimisiún an fhaisnéis sin ar fáil go poiblí.

1.   Ainmneoidh na Ballstáit údarás a thugann fógra a bheidh freagrach as na nósanna imeachta is gá a chur ar bun agus a dhéanamh chun measúnú a dhéanamh ar na comhlachtaí agus fógra a thabhairt fúthu, ar comhlachtaí iad atá le húdarú chun cúraimí tríú páirtí a dhéanamh sa phróiseas measúnúcháin agus fíorúcháin chun críocha an Rialacháin seo, agus as faireachán a dhéanamh ar chomhlachtaí faoina dtugtar fógra, lena n-áirítear a mhéid a chomhlíonann siad na ceanglais a leagtar síos in Airteagail 46 agus 48.

2.   Féadfaidh na Ballstáit a chinneadh go mbeidh an measúnú agus an faireachán dá dtagraítear i mír 1 le déanamh ag a gcomhlacht creidiúnaithe náisiúnta de réir bhrí Rialachán (CE) Uimh. 765/2008 agus i gcomhréir leis.

3.   I gcás ina ndéanann an t-údarás a thugann fógra an measúnú, an fógra nó an faireachán dá dtagraítear i mír 1 den Airteagal seo a tharmligean chuig comhlacht nach eintiteas rialtais é nó a chur, ar shlí eile, ar iontaoibh comhlacht den sórt sin, beidh an comhlacht sin ina dhuine dlítheanach agus comhlíonfaidh sé mutatis mutandis na ceanglais a leagtar síos in Airteagal 44. Ina theannta sin, beidh socruithe aige chun dliteanais a eascraíonn as a ghníomhaíochtaí a chumhdach.

4.   Glacfaidh an t-údarás a thugann fógra freagracht iomlán as na cúraimí a dhéanann an comhlacht dá dtagraítear i míreanna 2 agus 3.

1.   Bunófar an t-údarás a thugann fógra sa chaoi nach mbeidh aon choinbhleachtaí leasa ann le comhlachtaí faoina dtugtar fógra.

2.   Déanfar an t-údarás a thugann fógra a eagrú agus a riar ionas go gcosnófar oibiachtúlacht agus neamhchlaontacht a chuid gníomhaíochtaí.

3.   Déanfar an t-údarás a thugann fógra a eagrú sa chaoi go ndéanfaidh daoine inniúla, nach ionann iad agus na daoine a rinne an measúnú, gach cinneadh a bhaineann le fógra a thabhairt faoi chomhlacht atá le húdarú chun cúraimí tríú páirtí a dhéanamh sa phróiseas measúnúcháin agus fíorúcháin.

4.   Ní thairgfidh ná ní sholáthróidh an t-údarás a thugann fógra aon ghníomhaíocht a dhéanann comhlachtaí faoina dtugtar fógra, ná seirbhísí sainchomhairleoireachta ar bhonn tráchtála ná ar bhonn iomaíoch.

5.   Déanfaidh an t-údarás a thugann fógra rúndacht na faisnéise arna fáil a chosaint. Mar sin féin, déanfaidh sé, arna iarraidh sin air, faisnéis faoi chomhlachtaí faoina dtugtar fógra a mhalartú leis an gCoimisiún, le húdaráis a thugann fógra sna Ballstáit eile agus le húdaráis náisiúnta inniúla eile a dhéanfaidh rúndacht na faisnéise arna fáil a chosaint.

6.   Maidir leis an údarás a thugann fógra, lena n-áirítear sna cásanna inarb é an t-údarás a thugann fógra an comhlacht creidiúnaithe náisiúnta, ní dhéanfaidh sé measúnú ach ar an gcomhlacht sonrach um measúnú comhréireachta a bhfuil iarratas ar fhógra á dhéanamh aige agus ní chuirfidh sé acmhainneachtaí ná pearsanra máthairchuideachtaí nó comhchuideachtaí i gcuntas. Déanfaidh an t-údarás a thugann fógra measúnú ar an gcomhlacht sin i ndáil leis na ceanglais ábhartha uile agus na cúraimí maidir le measúnú agus fíorú tríú páirtí.

7.   Beidh fáil ag an údarás a thugann fógra ar dhóthain pearsanra inniúil agus ar mhaoiniú leordhóthanach chun a chuid cúraimí a dhéanamh go cuí.

1.   Áiritheoidh an Coimisiún go mbeidh comhordú agus comhar iomchuí ann idir údaráis náisiúnta na mBallstát atá freagrach as an mbeartas maidir le fógra a thabhairt, na húdaráis a thugann fógra agus na húdaráis ainmniúcháin agus go ndéanfar an comhordú agus an comhar sin a oibriú i bhfoirm grúpa comhordúcháin d’údaráis a thugann fógra agus d’údaráis ainmniúcháin i réimse na dtáirgí foirgníochta. Tiocfaidh an grúpa sin le chéile go tráthrialta agus uair sa bhliain ar a laghad.

Beidh údaráis náisiúnta na mBallstát atá freagrach as an mbeartas maidir le fógra a thabhairt, na húdaráis a thugann fógra agus na húdaráis ainmniúcháin faoin Rialachán seo rannpháirteach i ngníomhaíochtaí an ghrúpa sin.

2.   Féadfaidh an Coimisiún na socruithe sonracha a bhunú maidir le feidhmiú an ghrúpa comhordúcháin d’údaráis a thugann fógra agus d’údaráis ainmniúcháin.

3.   Déanfaidh an Coimisiún foráil maidir le malartuithe tráthrialta taithí a eagrú idir údaráis náisiúnta na mBallstát atá freagrach as an mbeartas maidir le fógra a thabhairt, na húdaráis a thugann fógra agus na húdaráis ainmniúcháin.

1.   Chun críoch fógra a thabhairt, comhlíonfaidh comhlacht um measúnú comhréireachta na ceanglais a leagtar síos i míreanna 2 go 12.

2.   Bunófar comhlacht um measúnú comhréireachta faoi dhlí náisiúnta Ballstáit agus beidh pearsantacht dhlítheanach aige.

3.   Beidh comhlacht um measúnú comhréireachta ina chomhlacht tríú páirtí atá neamhspleách ar an eagraíocht nó ar an táirge ar a ndéanann sé measúnú.

Ní bheidh aon nasc gnó aige le heagraíochtaí a bhfuil leas acu sna táirgí ar a ndéanann sé measúnú, go háirithe le monaróirí, lena gcomhpháirtithe trádála agus lena n-infheisteoirí scairshealbhóireachta.

Mar sin féin, maidir le comhlacht ar le comhlachas gnó nó le cónaidhm ghairmiúil é a dhéanann ionadaíocht ar ghnóthais a mbíonn baint acu le dearadh, monarú, soláthar, cóimeáil, úsáid nó cothabháil táirgí ar a ndéanann sé measúnú, féadfar a mheas gur comhlacht den sórt sin é ar choinníoll go léirítear go bhfuil sé neamhspleách agus nach bhfuil aon choinbhleacht leasa ann. Leis sin, ní chuirfear bac ar an gcomhlacht gníomhaíochtaí measúnúcháin agus fíorúcháin a dhéanamh le haghaidh monaróirí atá in iomaíocht le chéile.

4.   Ní dearthóir, monaróir, soláthróir, allmhaireoir, dáileoir, suiteálaí, ceannaitheoir, úinéir, úsáideoir ná cothabhálaí na dtáirgí ar a ndéanann siad measúnú, ná ionadaí aon cheann de na páirtithe sin, a bheidh i gcomhlacht um measúnú comhréireachta, lucht a ardbhainistíochta agus an pearsanra atá freagrach as cúraimí tríú páirtí a dhéanamh sa phróiseas measúnúcháin agus fíorúcháin. Leis sin, ní choiscfear táirgí ar a ndearnadh measúnú a bhfuil gá leo le haghaidh oibríochtaí an chomhlachta um measúnú comhréireachta a úsáid ná táirgí a úsáid chun críoch pearsanta.

Maidir le comhlacht um measúnú comhréireachta, le lucht a ardbhainistíochta agus leis an bpearsanra atá freagrach as cúraimí tríú páirtí a dhéanamh sa phróiseas measúnúcháin agus fíorúcháin, ní bheidh baint dhíreach acu le dearadh, monarú ná tógáil na dtáirgí sin, ná ní bheidh baint dhíreach acu le margú, suiteáil, húsáid ná cothabháil na dtáirgí sin, ná ní dhéanfaidh siad ionadaíocht ar na páirtithe a ghabhann do na gníomhaíochtaí sin. Ní ghabhfaidh siad d’aon ghníomhaíocht a d’fhéadfadh teacht salach ar neamhspleáchas a mbreithiúnais agus ar a n-ionracas i ndáil leis na gníomhaíochtaí ar ina leith a tugadh fógra fúthu. Beidh feidhm ag an méid sin go háirithe maidir le seirbhísí sainchomhairleoireachta i ndáil le finte táirgí ar ina leith a tugadh fógra fúthu.

Áiritheoidh comhlachtaí um measúnú comhréireachta nach ndéanfaidh gníomhaíochtaí a máthairchuideachtaí ná a gcomhchuideachtaí, a bhfochuideachtaí ná a bhfochonraitheoirí difear do rúndacht, oibiachtúlacht ná neamhchlaontacht a ngníomhaíochtaí measúnúcháin nó fíorúcháin.

Ní dhéanfaidh comhlacht um measúnú comhréireachta bunú agus maoirsiú nósanna imeachta inmheánacha, beartas ginearálta, cód iompair ná rialacha inmheánacha eile, sannadh a phearsanra do chúraimí sonracha ná na cinntí maidir le measúnú comhréireachta a tharmligean d’fhochonraitheoir ná d’fhochuideachta.

5.   Déanfaidh comhlachtaí um measúnú comhréireachta agus a bpearsanra na cúraimí tríú páirtí sa phróiseas measúnúcháin agus fíorúcháin leis an leibhéal is airde ionracais ghairmiúil agus leis an inniúlacht theicniúil is gá sa réimse sonrach. Beidh siad saor ó gach brú agus mealladh, go háirithe brú agus mealladh airgeadais, a bhféadfadh tionchar a bheith acu ar a mbreithiúnas nó ar thorthaí a ngníomhaíochtaí measúnúcháin nó fíorúcháin, go háirithe brú agus mealladh den sórt ó dhaoine nó grúpaí daoine a bhfuil leas acu i dtorthaí na ngníomhaíochtaí sin.

6.   Beidh sé ar chumas comhlachta um measúnú comhréireachta na cúraimí tríú páirtí uile sa phróiseas measúnúcháin agus fíorúcháin a dhéanamh, ar cúraimí iad a shanntar dó i gcomhréir le hIarscríbhinn IX agus ar ina leith a tugadh fógra faoi, gan beann ar an é an comhlacht um measúnú comhréireachta féin a dhéanann na cúraimí sin nó an ndéantar iad thar a cheann agus faoina fhreagracht.

Maidir le gach córas measúnúcháin agus fíorúcháin agus le gach cineál nó catagóir táirgí, na saintréithe bunriachtanacha agus na cúraimí ar ina leith a tugadh fógra faoi, beidh fáil ag an gcomhlacht um measúnú comhréireachta i gcónaí ar an méid seo a leanas:

Beidh na hacmhainní is gá ag an gcomhlacht um measúnú comhréireachta chun na cúraimí teicniúla agus riaracháin a bhaineann leis na gníomhaíochtaí a bhfuil sé beartaithe aige gur ina leith a thabharfar fógra faoi a dhéanamh ar bhealach iomchuí agus beidh rochtain aige ar an trealamh nó ar na saoráidí uile is gá.

7.   Beidh an méid seo a leanas ag an bpearsanra atá freagrach as na gníomhaíochtaí a dhéanamh a bhfuil sé beartaithe ag an gcomhlacht gur ina leith a thabharfar fógra faoi:

8.   Maidir leis an bpearsanra atá freagrach as cinntí measúnúcháin a dhéanamh:

9.   Ráthófar neamhchlaontacht an chomhlachta agus lucht a ardbhainistíochta agus an phearsanra measúnúcháin atá aige.

Ní bheidh luach saothair lucht ardbhainistíochta comhlachta agus pearsanra measúnúcháin comhlachta ag brath ar an líon measúnuithe arna déanamh ná ar a dtorthaí.

10.   Rachaidh comhlacht um measúnú comhréireachta faoi árachas dliteanais, mura nglacann an Ballstát an dliteanas air féin i gcomhréir leis an dlí náisiúnta, nó mura bhfuil an Ballstát féin freagrach go díreach as an measúnú nó as an bhfíorú arna dhéanamh.

11.   Urramóidh pearsanra an chomhlachta um measúnú comhréireachta rúndacht ghairmiúil maidir leis an bhfaisnéis uile arna fáil agus a chúraimí á ndéanamh aige faoi Iarscríbhinn IX, ach amháin i ndáil leis na húdaráis a thugann fógra agus údaráis náisiúnta inniúla eile de chuid an Bhallstáit ina ndéanann an pearsanra sin a ghníomhaíochtaí. Cosnófar cearta dílseánaigh.

12.   Beidh comhlachtaí um measúnú comhréireachta rannpháirteach sna gníomhaíochtaí ábhartha um chaighdeánú agus i ngníomhaíochtaí ghrúpa comhordúcháin an chomhlachta faoina dtugtar fógra a bhunaítear leis an Rialachán seo, nó áiritheoidh siad go mbeidh a bpearsanra measúnúcháin ar an eolas faoi na gníomhaíochtaí sin uile, agus cuirfidh siad i bhfeidhm, mar threoir ghinearálta, na cinntí agus na doiciméid riaracháin a bheidh mar thoradh ar obair an ghrúpa sin.

1.   I gcás ina ligeann comhlacht faoina dtugtar fógra cúraimí sonracha a bhaineann le cúraimí tríú páirtí sa phróiseas measúnúcháin agus fíorúcháin ar fochonradh nó i gcás ina dtéann sé ar iontaoibh fochuideachta, áiritheoidh sé go gcomhlíonfaidh an fochonraitheoir nó an fhochuideachta na ceanglais a leagtar amach in Airteagal 46, agus cuirfidh sé an t-údarás a thugann fógra ar an eolas faoi sin dá réir.

2.   Glacfaidh an comhlacht faoina dtugtar fógra freagracht iomlán as na cúraimí a dhéanann fochonraitheoirí nó fochuideachtaí cibé áit a bhfuil siad bunaithe agus déanfaidh sé faireachán ar a n-inniúlacht i gcomparáid lena inniúlacht féin mar a thuairiscítear in Airteagal 46(6), pointe (b).

3.   Ní fhéadfar gníomhaíochtaí a ligean ar fochonradh ná ní fhéadfaidh fochuideachta iad a dhéanamh ach amháin le toiliú ón gcliant.

4.   Déanfaidh an comhlacht faoina dtugtar fógra na doiciméid ábhartha a bhaineann leis an measúnú agus faireachán ar cháilíochtaí an fhochonraitheora nó na fochuideachta agus leis an obair arna déanamh acu faoi Iarscríbhinn IX a choinneáil ar fáil don údarás a thugann fógra.

1.   Arna iarraidh sin don mhonaróir agus i gcás ina bhfuil údar leis ar chúiseanna teicniúla, eacnamaíocha nó lóistíochta a bhaineann le cineál an táirge nó leis an trealamh tástála, féadfaidh comhlachtaí faoina dtugtar fógra a chinneadh go ndéanfaidh siad na tástálacha dá dtagraítear in Iarscríbhinn IX le haghaidh na gcóras measúnúcháin agus fíorúcháin 1+, 1 agus 3 nó go ndéanfar na tástálacha sin faoina maoirseacht, sna monarchana monaraíochta agus úsáid á baint as trealamh tástála shaotharlann inmheánach an mhonaróra nó, le toiliú roimh ré ón monaróir, i saotharlann sheachtrach agus úsáid á baint as trealamh tástála na saotharlainne sin.

Na comhlachtaí faoina dtugtar fógra a dhéanann tástálacha den sórt sin, ainmneofar go sonrach iad mar chomhlachtaí atá inniúil le dul i mbun oibre in ionad eile lasmuigh dá saoráidí tástála féin agus comhlíonfaidh siad freisin, ina leith sin, na ceanglais a leagtar síos in Airteagal 46.

2.   Sula ndéanfaidh siad na tástálacha dá dtagraítear i mír 1, fíoróidh na comhlachtaí faoina dtugtar fógra an bhfuil na ceanglais maidir leis an modh tástála á gcomhlíonadh agus déanfaidh siad meastóireacht ar an méid seo a leanas:

Glacfaidh comhlachtaí faoina dtugtar fógra freagracht iomlán as na tástálacha ina n-iomláine, lena n-áirítear cruinneas agus inrianaitheacht an chalabrúcháin agus na dtomhas, agus as iontaofacht thorthaí na dtástálacha.

1.   Déanfaidh comhlacht atá le húdarú chun cúraimí tríú páirtí a dhéanamh sna córais mheasúnúcháin agus fíorúcháin iarratas ar fhógra a chur faoi bhráid an údaráis a thugann fógra sa Bhallstát ina bhfuil sé bunaithe.

2.   Beidh ag gabháil leis an iarratas tuairisc ar na gníomhaíochtaí atá le déanamh, na próisis mheasúnúcháin agus fíorúcháin a maíonn an comhlacht go bhfuil sé inniúil ina leith, an tuairisc ar inniúlacht dá dtagraítear in Airteagal 46(6), pointe (b), chomh maith le deimhniú creidiúnaithe, i gcás inar ann dó, arna eisiúint ag an gcomhlacht creidiúnaithe náisiúnta, lena bhfianaítear go gcomhlíonann an comhlacht na ceanglais a leagtar síos in Airteagal 46. Ní bhainfidh an deimhniú creidiúnaithe ach leis an gcomhlacht dlíthiúil beacht a bhfuil iarratas ar fhógra á dhéanamh aige agus beidh sé bunaithe, sa bhreis ar na caighdeáin chomhchuibhithe ábhartha, ar na ceanglais shonracha agus ar na cúraimí sonracha dá bhforáiltear sa Rialachán seo.

3.   I gcás nach féidir leis an gcomhlacht lena mbaineann deimhniú creidiúnaithe a sholáthar, soláthróidh sé don údarás a thugann fógra an fhianaise dhoiciméadach uile is gá chun a chomhlíontacht leis na ceanglais a leagtar síos in Airteagal 46 a fhíorú agus a aithint agus chun faireachán tráthrialta a dhéanamh uirthi.

1.   Na húdaráis a thugann fógra, ní fhéadfaidh siad fógra a thabhairt ach do chomhlachtaí a bhfuil na ceanglais a leagtar síos in Airteagal 46 comhlíonta acu.

2.   Na húdaráis a thugann fógra, tabharfaidh siad fógra don Choimisiún agus do na Ballstáit eile trí úsáid a bhaint as an uirlis leictreonach um fhógra a thabhairt arna forbairt agus arna bainistiú ag an gCoimisiún.

Go heisceachtúil, i gcásanna a bhaineann le grúpálacha saintréithe bunriachtanacha a leagtar amach in Iarscríbhinn X, nach bhfuil an uirlis leictreonach iomchuí ar fáil dóibh, glacfar le fógra i bhfoirm leictreonach eile.

3.   Beidh san fhógra na mionsonraí uile faoi na feidhmeanna atá le déanamh, tagairt don tsonraíocht theicniúil chomhchuibhithe ábhartha nó don doiciméad ábhartha um measúnú Eorpach agus, chun críocha an chórais a leagtar amach in Iarscríbhinn IX, na saintréithe bunriachtanacha a bhfuil an comhlacht inniúil ina leith agus fianú ábhartha na hinniúlachta sin.

Ní gá tagairt a dhéanamh, áfach, don tsonraíocht theicniúil chomhchuibhithe ábhartha nó don doiciméad ábhartha um measúnú Eorpach sna cásanna a bhaineann le grúpálacha saintréithe bunriachtanacha a leagtar amach in Iarscríbhinn X.

4.   I gcás nach bhfuil fógra bunaithe ar dheimhniú creidiúnaithe dá dtagraítear in Airteagal 50(2), déanfaidh an t-údarás a thugann fógra an fhianaise dhoiciméadach uile lena bhfianaítear inniúlacht an chomhlachta agus na socruithe atá i bhfeidhm chun a áirithiú go ndéanfar faireachán tráthrialta ar an gcomhlacht sin agus go leanfaidh sé de bheith ag comhlíonadh na gceanglas a leagtar síos in Airteagal 46 a sholáthar don Choimisiún agus do na Ballstáit eile.

5.   Ní fhéadfaidh an comhlacht lena mbaineann gníomhaíochtaí comhlachta faoina dtugtar fógra a dhéanamh ach amháin mura ndéanann an Coimisiún ná na Ballstáit eile aon agóid laistigh de 2 sheachtain tar éis fógra, i gcás ina n-úsáidtear deimhniú creidiúnaithe, nó laistigh de 2 mhí tar éis fógra, i gcás nach n-úsáidtear deimhniú creidiúnaithe.

Ní mheasfar ach comhlacht den sórt sin a bheith ina chomhlacht faoina dtugtar fógra chun críocha an Rialacháin seo.

6.   Áireoidh an Coimisiún fógraí bailí i liosta na gcomhlachtaí faoina dtugtar fógra dá dtagraítear in Airteagal 52(2).

7.   Cuirfear an Coimisiún agus na Ballstáit eile ar an eolas maidir le haon athruithe ábhartha a dhéanfar ar an bhfógra ina dhiaidh sin.

1.   Sannfaidh an Coimisiún uimhir aitheantais do chomhlacht faoina dtugtar fógra.

Sannfaidh sé uimhir aonair den sórt sin fiú más rud é go dtugtar fógra faoin gcomhlacht faoi roinnt gníomhartha de chuid an Aontais.

2.   Cuirfidh an Coimisiún liosta na gcomhlachtaí faoina dtugtar fógra faoin Rialachán seo ar fáil go poiblí, lena n-áirítear na huimhreacha aitheantais arna sannadh dóibh agus na gníomhaíochtaí ar ina leith a tugadh fógra fúthu.

Áiritheoidh an Coimisiún go gcoimeádfar an liosta sin cothrom le dáta.

1.   I gcás ina bhfionnann údarás a thugann fógra, nó i gcás inar cuireadh in iúl dó, nach bhfuil comhlacht faoina dtugtar fógra ag comhlíonadh na gceanglas a leagtar síos in Airteagal 46 a thuilleadh, nó go bhfuil sé ag mainneachtain a chuid oibleagáidí a chomhlíonadh, déanfaidh an t-údarás a thugann fógra an fógra a shrianadh, a chur ar fionraí nó a tharraingt siar, de réir mar is iomchuí, ag brath ar a thromchúisí atá an mhainneachtain maidir leis na ceanglais sin a chomhlíonadh nó na hoibleagáidí sin a chomhlíonadh. Cuirfidh sé an Coimisiún agus na Ballstáit eile ar an eolas láithreach dá réir sin.

2.   I gcás ina ndéantar fógra a shrianadh, a chur ar fionraí nó a tharraingt siar, nó i gcás ina bhfuil an comhlacht faoina dtugtar fógra tar éis scor dá ghníomhaíocht, déanfaidh an Ballstát a thugann fógra bearta iomchuí chun a áirithiú go ndéanfaidh comhlacht eile faoina dtugtar fógra comhaid an chomhlachta sin a phróiseáil nó go gcoinneofar ar fáil iad do na húdaráis fhreagracha a thugann fógra agus do na húdaráis náisiúnta inniúla fhreagracha, arna iarraidh sin dóibh.

1.   Déanfaidh an Coimisiún imscrúdú ar gach uile chás ina bhfuil sé in amhras, nó ina dtugtar le fios dó go bhfuiltear in amhras, faoi inniúlacht comhlachta faoina dtugtar fógra nó faoin gcaoi ina bhfuil comhlacht faoina dtugtar fógra ag leanúint de na ceanglais agus na freagrachtaí a bhfuil sé faoina réir a chomhlíonadh.

2.   Maidir leis an mBallstát a thugann fógra, déanfaidh sé an fhaisnéis uile a bhaineann leis an mbonn atá le fógra a thabhairt nó a bhaineann le hinniúlacht an chomhlachta lena mbaineann a choimeád ar bun a sholáthar, arna iarraidh sin, don Choimisiún.

3.   Áiritheoidh an Coimisiún, maidir leis an bhfaisnéis íogair uile a gheofar le linn a chuid imscrúduithe, go ndéileálfar léi mar ábhar rúnda.

4.   I gcás ina bhfionnann an Coimisiún nach gcomhlíonann comhlacht faoina dtugtar fógra na ceanglais maidir lena fhógra, nó nach gcomhlíonann sé iad a thuilleadh, cuirfidh sé an méid sin in iúl don Bhallstát a thugann fógra agus iarrfaidh sé air na bearta ceartaitheacha is gá a dhéanamh, lena n-áirítear an fógra a tharraingt siar, más gá sin.

1.   Déanfaidh comhlachtaí faoina dtugtar fógra na measúnuithe agus na fíoruithe seo a leanas i gcomhréir le hIarscríbhinn IX:

Gairtear ‘measúnuithe agus fíoruithe’ de na cúraimí sin anseo feasta.

2.   Déanfar measúnuithe agus fíoruithe go trédhearcach maidir leis an monaróir, agus ar bhealach comhréireach, agus seachnófar ualach nach bhfuil gá leis ar oibreoirí eacnamaíocha. Déanfaidh na comhlachtaí faoina dtugtar fógra a gcuid gníomhaíochtaí agus aird chuí á tabhairt acu ar mhéid an ghnóthais, ar an earnáil ina bhfuil an gnóthas ag oibriú, ar a struchtúr, ar chastacht theicneolaíocht an táirge i gceist agus ar chineál an phróisis táirgthe, is é sin an olltáirgeadh nó táirgeadh sraithe é.

Le linn dóibh déanamh amhlaidh, déanfaidh na comhlachtaí faoina dtugtar fógra, dá ainneoin sin, an déine a cheanglaítear leis an Rialachán seo i leith an táirge agus an ról atá ag an táirge i ndáil le comhlíonadh na mbuncheanglas uile le haghaidh oibreacha foirgníochta a urramú.

3.   I gcás ina bhfionnann comhlacht faoina dtugtar fógra, le linn na cigireachta tosaigh ar an monarcha mhonaraíochta agus ar rialú ar tháirgeadh monarchan, nach bhfuil seasmhacht feidhmíochta agus comhréireacht an táirge mhonaraithe áirithithe ag an monaróir, ceanglóidh sé ar an monaróir bearta ceartaitheacha iomchuí a dhéanamh agus ní eiseoidh sé deimhniú ná tuarascáil bhailíochtaithe.

4.   I gcás ina bhfionnann comhlacht faoina dtugtar fógra, le linn na gníomhaíochta faireacháin arb é is aidhm di comhréireacht agus seasmhacht feidhmíochta an táirge mhonaraithe a fhíorú, nach bhfuil an fheidhmíocht chéanna ag táirge a thuilleadh i gcomparáid le feidhmíocht an chineáil táirge, ceanglóidh sé ar an monaróir bearta ceartaitheacha iomchuí a dhéanamh agus déanfaidh sé an deimhniú nó an tuarascáil bhailíochtaithe a chur ar fionraí nó a tharraingt siar más gá.

5.   I gcás nach ndéantar bearta ceartaitheacha nó nach bhfuil an éifeacht is gá leo, déanfaidh an comhlacht faoina dtugtar fógra aon deimhnithe nó aon tuarascálacha bailíochtaithe a shrianadh, a chur ar fionraí nó a tharraingt siar, de réir mar is iomchuí.

6.   Agus cinntí measúnúcháin á ndéanamh, lena n-áirítear nuair a bhíonn cinneadh á dhéanamh maidir leis an ngá atá le deimhniú nó tuarascáil bhailíochtaithe a chur ar fionraí nó a tharraingt siar i bhfianaise cásanna neamhchomhlíonta a d’fhéadfadh a bheith ann, cuirfidh comhlachtaí faoina dtugtar fógra critéir shoiléire réamhchinntithe i bhfeidhm.

7.   Arna iarraidh sin do mhonaróir nó do sholáthraí, comhoibreoidh comhlachtaí faoina dtugtar fógra, agus comhroinnfidh siad an fhaisnéis ábhartha uile, le comhlachtaí faoina dtugtar fógra a bhfuil a measúnuithe agus a bhfíoruithe aitheanta acu i gcomhréir le hAirteagal 62. Bunóidh comhlachtaí faoina dtugtar fógra comhaontú chun na críche sin.

1.   Cuirfidh na comhlachtaí faoina dtugtar fógra an méid seo a leanas in iúl don údarás a thugann fógra:

2.   Soláthróidh comhlachtaí faoina dtugtar fógra do na comhlachtaí eile faoina dtugtar fógra faoin Rialachán seo a dhéanann cúraimí tríú páirtí comhchosúla i gcomhréir leis na córais mheasúnúcháin agus fíorúcháin agus le haghaidh táirgí a chumhdaítear leis an tsonraíocht theicniúil chomhchuibhithe chéanna nó leis an doiciméad céanna um measúnú Eorpach faisnéis ábhartha ar shaincheisteanna a bhaineann le torthaí diúltacha ó na measúnuithe sin agus ó na fíoruithe sin, go háirithe aon deimhniú, aon tuarascálacha bailíochtaithe nó aon tuarascálacha tástála a diúltaíodh, a srianadh, a cuireadh ar fionraí nó a tarraingíodh siar, agus, arna iarraidh sin, torthaí dearfacha ó na measúnuithe sin.

Déanfaidh comhlacht faoina dtugtar fógra, arna iarraidh sin do chomhlacht eile faoina dtugtar fógra, d’údarás náisiúnta inniúil nó don Choimisiún, an páirtí iarrthach a chur ar an eolas i dtaobh an bhfuil deimhnithe, tuarascálacha bailíochtaithe nó tuarascálacha tástála a d’eisigh sé bailí, srianta, curtha ar fionraí nó tarraingthe siar.

3.   I gcás ina gcuireann an Coimisiún nó údarás náisiúnta inniúil i mBallstát iarraidh faoi bhráid comhlacht faoina dtugtar fógra atá bunaithe ar chríoch Ballstáit eile, arb iarraidh í a bhaineann le measúnú a rinne an comhlacht sin faoina dtugtar fógra, seolfaidh sé cóip den iarraidh sin chuig an údarás a thugann fógra sa Bhallstát eile sin. Tabharfaidh an comhlacht lena mbaineann faoina dtugtar fógra freagra ar an iarraidh gan mhoill agus laistigh de 15 lá ar a dhéanaí. Áiritheoidh an t-údarás a thugann fógra go réiteoidh an comhlacht faoina dtugtar fógra iarrataí den sórt sin ach amháin i gcás ina bhfuil cúis dhlisteanach ann gan é sin a dhéanamh.

4.   I gcás ina bhfuil fianaise lena léirítear an méid seo a leanas ag comhlachtaí faoina dtugtar fógra nó ina bhfaigheann siad fianaise den sórt sin:

cuirfidh siad an t-údarás faireachais margaidh ábhartha nó an t-údarás ábhartha a thugann fógra, de réir mar is iomchuí, ar an eolas faoi fhianaise den sórt sin, agus comhroinnfidh siad an fhianaise sin leis an údarás faireachais margaidh ábhartha nó leis an údarás ábhartha a thugann fógra, de réir mar is iomchuí.

1.   Áiritheoidh an Coimisiún go mbeidh comhordú agus comhar iomchuí ann idir comhlachtaí faoina dtugtar fógra faoin Rialachán seo agus go ndéanfar an comhordú agus an comhar sin a oibriú mar is ceart i bhfoirm grúpa de chomhlachtaí faoina dtugtar fógra.

Beidh na comhlachtaí faoina dtugtar fógra rannpháirteach in obair an ghrúpa sin, go díreach nó trí bhíthin ionadaithe ainmnithe. Áiritheoidh na húdaráis a thugann fógra go mbeidh comhlachtaí faoina dtugtar fógra rannpháirteach in obair an ghrúpa sin.

2.   Cuirfidh na comhlachtaí faoina dtugtar fógra i bhfeidhm, mar threoir ghinearálta, aon doiciméad ábhartha a bheidh mar thoradh ar obair an ghrúpa dá dtagraítear i mír 1.

3.   Beidh sé mar aidhm ag an gcomhordú agus ag an gcomhar sa ghrúpa dá dtagraítear i mír 1 cur i bhfeidhm comhchuibhithe an Rialacháin seo a áirithiú.

1.   Féadfaidh monaróir roinn shonrach sa doiciméadacht theicniúil dá dtagraítear in Airteagal 22(3) a chur in ionad cineál-tástála nó cineál-ríomha lena léirítear an méid seo a leanas:

Nuair a chomhlíontar na coinníollacha i bpointe (c), féadfaidh an monaróir a dhearbhú go gcomhfhreagraíonn an fheidhmíocht do thorthaí tástála uile an táirge eile sin nó do chuid de na torthaí tástála sin. Ní chuirfidh an monaróir an simpliú sin i bhfeidhm ach amháin tar éis údarú a fháil ón monaróir eile, agus leanfaidh an monaróir eile sin de bheith freagrach as cruinneas, iontaofacht agus cobhsaíocht na dtorthaí tástála sin.

2.   Má áirítear sa chóras measúnúcháin agus fíorúcháin is infheidhme measúnú feidhmíochta ó chomhlacht faoina dtugtar fógra mar a leagtar amach in Iarscríbhinn IX, déanfaidh comhlacht faoina dtugtar fógra nó CMT, in ionad an mheasúnaithe ar fheidhmíocht an táirge a leagtar amach in Iarscríbhinn IX, measúnú ar chomhlíonadh ceart na n-oibleagáidí dá dtagraítear i mír 1 den Airteagal seo agus deimhneoidh sé é.

1.   Féadfaidh micrifhiontar roinn shonrach sa doiciméadacht theicniúil dá dtagraítear in Airteagal 22(3) a chur in ionad cineál-tástála nó cineál-ríomha le haghaidh saintréith bhunriachtanach atá faoi chóras measúnúcháin agus fíorúcháin 3 a leagtar amach i bpointe 5 d’Iarscríbhinn IX, ar roinn shonrach í lena soláthraítear sonraí atá coibhéiseach leis an measúnú is gá don tsaintréith bhunriachtanach sin i gcomhréir leis na sonraíochtaí teicniúla comhchuibhithe is infheidhme nó leis an doiciméad is infheidhme um measúnú Eorpach.

2.   Déanfaidh comhlacht faoina dtugtar fógra nó CMT, in ionad an mheasúnaithe ar fheidhmíocht an táirge a leagtar amach in Iarscríbhinn IX, measúnú ar chomhlíonadh ceart na n-oibleagáidí dá dtagraítear i mír 1 den Airteagal seo agus deimhneoidh sé é.

1.   De rogha ar an díolúine in Airteagal 14, pointe (a), féadfaidh monaróir táirge a chomhlíonann na coinníollacha in Airteagal 14, pointe (a), roinn shonrach sa doiciméadacht theicniúil dá dtagraítear in Airteagal 22(3) a chur in ionad an mheasúnaithe feidhmíochta ar an táirge, ar roinn shonrach í lena léirítear go gcomhlíonann an táirge sin na ceanglais is infheidhme agus lena soláthraítear sonraí atá coibhéiseach leis na sonraí a cheanglaítear leis an Rialachán seo agus leis na sonraíochtaí teicniúla comhchuibhithe is infheidhme nó leis an doiciméad is infheidhme um measúnú Eorpach.

2.   Má áirítear sa chóras measúnúcháin agus fíorúcháin is infheidhme measúnú feidhmíochta ó chomhlacht faoina dtugtar fógra mar a leagtar amach in Iarscríbhinn IX, déanfaidh comhlacht faoina dtugtar fógra nó CMT, in ionad an mheasúnaithe ar fheidhmíocht an táirge a leagtar amach in Iarscríbhinn IX, measúnú ar chomhlíonadh ceart na n-oibleagáidí dá dtagraítear i mír 1 den Airteagal seo agus deimhneoidh sé é.

1.   Nuair atá comhlacht faoina dtugtar fógra le measúnú agus fíorú a dhéanamh ar tháirge áirithe i gcomhréir le hIarscríbhinn IX, féadfaidh sé staonadh ón measúnú agus ón bhfíorú agus aitheantas a thabhairt don mheasúnú agus don fhíorú a rinne comhlacht eile faoina dtugtar fógra don oibreoir eacnamaíoch céanna i gcás ina bhfuil feidhm ag na coinníollacha seo a leanas ar fad:

Beidh feidhm freisin ag an mír seo maidir le tuarascálacha bailíochtaithe agus maidir le measúnuithe ar ríomh na hinbhuanaitheachta comhshaoil a dhéantar faoi Rialachán (AE) 2024/1781.

2.   Nuair atá comhlacht faoina dtugtar fógra le measúnú agus fíorú a dhéanamh ar tháirge áirithe i gcomhréir le hIarscríbhinn IX, féadfaidh sé staonadh ó mheasúnú agus fíorú a dhéanamh ar a chomhpháirteanna nó a chuid ábhar agus aitheantas a thabhairt do thorthaí an mheasúnaithe agus an fhíoraithe a rinne comhlacht eile faoina dtugtar fógra, más rud é gur chuir soláthraí na gcomhpháirteanna nó na n-ábhar sin an córas measúnúcháin agus fíorúcháin is gá i bhfeidhm maidir leo agus go bhfuil comhaontú ann idir monaróir an táirge agus an soláthraí lena n-áirithítear saorshreabhadh na faisnéise uile idir iad agus na comhlachtaí faoina dtugtar fógra d’fhonn a áirithiú go gcomhlíonfar an Rialachán seo.

Beidh feidhm freisin ag an mír seo maidir le measúnuithe ar ríomh na hinbhuanaitheachta comhshaoil arna ndéanamh faoi Rialachán (AE) 2024/1781.

1.   Gan dochar d’oibleagáidí na n-oibreoirí eacnamaíocha faoin Rialachán seo agus do ghníomhaíochtaí na n-údarás faireachais margaidh faoi Rialachán (AE) 2019/1020, déanfaidh an Coimisiún, ina theannta sin, córas a chur ar bun lena ligtear d’aon duine nádúrtha nó dlítheanach gearáin nó tuarascálacha a bhaineann le neamhchomhlíonadh féideartha an Rialacháin seo a chomhroinnt.

2.   I gcás ina measann an Coimisiún go bhfuil gearán nó tuarascáil ábhartha agus go bhfuil bunús leis nó léi bunaithe ar chritéir atá sainithe go soiléir, déanfaidh sé, gan moill mhíchuí, an gearán nó an tuarascáil sin a tharchur chuig pointe idirchaidrimh aonair an Bhallstáit lena mbaineann chun go ndéanfadh an pointe idirchaidrimh aonair sin obair leantach leis an duine nádúrtha nó dlítheanach ábhartha i gcomhréir le hAirteagal 11(7), pointe (a), de Rialachán (AE) 2019/1020.

1.   Ainmneoidh na Ballstáit, as measc a n-údarás faireachais margaidh, údarás amháin nó níos mó ag a mbeidh an t-eolas ar leith is gá chun measúnú a dhéanamh ar tháirgí, go teicniúil agus go dlíthiúil araon.

2.   Ainmneoidh na Ballstáit pointe idirchaidrimh aonair chun gníomhú mar phointe fócasach le haghaidh teagmhálacha leis an gCoimisiún agus le pointí idirchaidrimh aonair na mBallstát eile atá inniúil faoin Rialachán seo, lena n-áirítear le haghaidh iarrataí de bhun Airteagail 22, 23 agus 24 de Rialachán (AE) 2019/1020.

3.   Beidh na cumhachtaí uile a liostaítear in Airteagal 14 de Rialachán (AE) 2019/1020 ag na húdaráis faireachais margaidh arna n-ainmniú i gcomhréir le mír 1 den Airteagal seo. Chun críocha an Rialacháin seo, beidh feidhm ag na cumhachtaí sin freisin maidir leis na hoibreoirí eacnamaíocha uile a chumhdaítear leis an Rialachán seo.

4.   Chun críche faireachais margaidh, imscrúdaithe agus forfheidhmithe, beidh sé de chumhacht ag údaráis faireachais margaidh a iarraidh ar údaráis eile nó ar chomhlachtaí eile faisnéis ábhartha atá ina seilbh acu a thabhairt.

1.   I gcás ina bhfuil cúis leordhóthanach ag údarás faireachais margaidh i mBallstát amháin lena chreidiúint go bhfuil táirgí áirithe a chumhdaítear le sonraíocht theicniúil chomhchuibhithe nó ar eisíodh measúnú teicniúil Eorpach ina leith, nó a monaróir, neamhchomhlíontach, déanfaidh sé meastóireacht i ndáil leis na táirgí sin agus an monaróir lena mbaineann i bhfianaise na gceanglas ábhartha a leagtar síos leis an Rialachán seo. Comhoibreoidh na hoibreoirí eacnamaíocha ábhartha, de réir mar is gá, leis na húdaráis faireachais margaidh.

I gcás ina bhfionnann an t-údarás faireachais margaidh, le linn na meastóireachta sin, nach gcomhlíonann na táirgí nó a monaróir na ceanglais agus na hoibleagáidí a leagtar síos sa Rialachán seo, ceanglóidh sé gan mhoill ar an oibreoir eacnamaíoch ábhartha gníomhaíochtaí ceartaitheacha iomchuí agus comhréireacha a dhéanamh, dá bhforáiltear in Airteagal 16(3) de Rialachán (AE) 2019/1020, chun deireadh a chur leis an neamhchomhlíonadh nó, mura féidir é sin a dhéanamh, chun na táirgí a tharraingt siar ón margadh, nó chun iad uile a aisghairm, laistigh de thréimhse réasúnta atá ar comhréir le cineál an neamhchomhlíonta.

Cuirfidh an t-údarás faireachais margaidh na comhlachtaí faoina dtugtar fógra ar an eolas dá réir sin, má tá baint ag comhlachtaí faoina dtugtar fógra leo.

2.   I gcás ina measann an t-údarás faireachais margaidh nach bhfuil an neamhchomhlíonadh teoranta dá chríoch náisiúnta, cuirfidh sé, tríd an bpointe idirchaidrimh aonair, an Coimisiún agus na Ballstáit eile ar an eolas i dtaobh thorthaí na meastóireachta agus i dtaobh na ngníomhaíochtaí a chuir sé de cheangal ar an oibreoir eacnamaíoch a dhéanamh.

3.   Áiritheoidh an t-oibreoir eacnamaíoch go ndéanfar gach gníomhaíocht cheartaitheach iomchuí i leith na dtáirgí uile lena mbaineann atá curtha ar fáil aige ar an margadh ar fud an Aontais.

4.   I gcás nach ndéanann an t-oibreoir eacnamaíoch ábhartha, laistigh den tréimhse dá dtagraítear sa dara fomhír de mhír 1, an ghníomhaíocht cheartaitheach dá dtagraítear i mír 1, an dara fomhír, nó i gcás ina leanann an neamhchomhlíonadh ar aghaidh, áiritheoidh an t-údarás faireachais margaidh go dtarraingeofar siar nó go n-aisghairfear an táirge lena mbaineann, nó go gcuirfear toirmeasc nó srian ar é a chur ar fáil ar an margadh.

Cuirfidh an t-údarás faireachais margaidh an pobal agus, tríd an bpointe idirchaidrimh aonair, an Coimisiún agus na Ballstáit eile ar an eolas, gan mhoill, faoi na bearta sin.

5.   San fhaisnéis dá dtagraítear sa dara fomhír de mhír 4 beidh na mionsonraí uile atá ar fáil, go háirithe na sonraí is gá chun sainaithint a dhéanamh ar tháirgí neamhchomhlíontacha, tionscnamh na dtáirgí sin, cineál an neamhchomhlíonta atá líomhnaithe agus an riosca a bhaineann leis, cineál agus ré na mbeart náisiúnta a rinneadh mar aon leis na hargóintí a léirigh an t-oibreoir eacnamaíoch ábhartha. Go háirithe, tabharfaidh na húdaráis faireachais margaidh léiriú i dtaobh an aon cheann de na nithe seo a leanas is cúis leis an neamhchomhlíonadh:

6.   Déanfaidh na Ballstáit seachas an Ballstát a chuireann tús leis an nós imeachta an Coimisiún agus na Ballstáit eile a chur ar an eolas maidir le haon bhearta a glacadh agus maidir le haon fhaisnéis bhreise a bhfuil fáil acu uirthi agus a bhaineann le neamhchomhlíonadh ar thaobh an táirge lena mbaineann, agus, i gcás easaontas leis an mbeart náisiúnta faoinar tugadh fógra, maidir lena gcuid agóidí.

7.   Más rud é, laistigh de 2 mhí tar éis dóibh an fhaisnéis dá dtagraítear i mír 4 a fháil, nach ndéanann Ballstát ná an Coimisiún agóid maidir le beart sealadach a ghlac Ballstát maidir leis an táirge lena mbaineann, measfar go bhfuil údar leis an mbeart sin.

8.   Áiritheoidh na Ballstáit go ndéanfar bearta sriantacha iomchuí gan mhoill maidir leis an táirge nó leis an monaróir lena mbaineann, amhail na táirgí a tharraingt siar óna margadh.

1.   I gcás, tar éis an nós imeachta a leagtar amach in Airteagal 65(4), (6) agus (7) a thabhairt chun críche, ina ndéantar agóidí i gcoinne beart atá déanta ag Ballstát nó i gcás ina measann an Coimisiún go bhfuil beart náisiúnta contrártha do reachtaíocht de chuid an Aontais, rachaidh an Coimisiún i gcomhairle, gan mhoill, leis na Ballstáit agus leis an oibreoir eacnamaíoch ábhartha agus déanfaidh sé meastóireacht ar an mbeart náisiúnta. Ní rachaidh an tréimhse chomhairliúcháin thar 2 mhí. Ar bhonn thorthaí na meastóireachta sin, féachfaidh an Coimisiún le gníomhartha cur chun feidhme a ghlacadh, laistigh de 2 mhí bhreise, tar éis dheireadh na tréimhse comhairliúcháin, ina leagtar amach a chinneadh i dtaobh an bhfuil údar leis an mbeart nó nach bhfuil.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 90(2).

Díreoidh an Coimisiún a chinneadh chuig na Ballstáit uile agus déanfaidh sé é a chur in iúl dóibh agus don oibreoir eacnamaíoch ábhartha láithreach.

2.   Má mheastar go bhfuil údar leis an mbeart náisiúnta, áiritheoidh na Ballstáit uile, gan mhoill, go ndéanfar bearta sriantacha iomchuí, amhail tarraingt siar, i ndáil leis an táirge neamhchomhlíontach agus cuirfidh siad an Coimisiún ar an eolas dá réir sin. Má mheastar nach bhfuil údar leis an mbeart náisiúnta, déanfaidh an Ballstát lena mbaineann an beart a tharraingt siar.

3.   I gcás ina meastar údar a bheith leis an mbeart náisiúnta agus ina ndéantar neamhchomhlíonadh an táirge nó a mhonaróra a chur síos d’easnaimh sna sonraíochtaí teicniúla comhchuibhithe, i ndoiciméid um measúnú Eorpach, i gcaighdeáin chomhchuibhithe dheonacha nó i sonraíochtaí coiteanna arna mbunú le gníomhartha cur chun feidhme dá dtagraítear in Airteagal 65(5), pointe (d), cuirfidh an Coimisiún an nós imeachta dá bhforáiltear in Airteagal 5(9), Airteagal 6(5), Airteagal 7(6) nó Airteagal 36 den Rialachán seo nó in Airteagal 11 de Rialachán (AE) Uimh. 1025/2012 i bhfeidhm, de réir mar is iomchuí.

1.   I gcás, tar éis dó meastóireacht a dhéanamh de bhun Airteagal 65(1), ina bhfionnann údarás faireachais margaidh, cé go bhfuil táirge i gcomhréir leis an Rialachán seo, go bhfuil riosca ag baint leis an táirge sin do shláinte nó sábháilteacht daoine nó, i gcás inarb infheidhme, don chomhshaol nó do ghnéithe eile de chosaint leas an phobail, ceanglóidh sé ar an oibreoir eacnamaíoch ábhartha gach beart iomchuí a dhéanamh chun a áirithiú nach mbaineann an riosca sin a thuilleadh leis na táirgí lena mbaineann nuair a chuirtear ar an margadh iad, chun na táirgí a tharraingt siar ón margadh nó chun iad a aisghairm laistigh de thréimhse réasúnta ama, ar comhréir le cineál an riosca, a fhéadfaidh sé a fhorordú.

2.   Áiritheoidh an t-oibreoir eacnamaíoch go ndéanfar aon ghníomhaíocht cheartaitheach maidir leis na táirgí uile lena mbaineann a chuir an t-oibreoir eacnamaíoch sin ar fáil ar an margadh ar fud an Aontais.

3.   Déanfaidh an t-údarás faireachais margaidh, tríd an bpointe idirchaidrimh aonair, an Coimisiún agus na Ballstáit eile a chur ar an eolas láithreach. Áireofar san fhaisnéis sin na mionsonraí uile atá ar fáil, go háirithe na sonraí is gá chun sainaithint a dhéanamh ar an táirge lena mbaineann, tionscnamh agus slabhra soláthair an táirge, an cineál riosca a bhaineann leis agus cineál agus ré na mbeart náisiúnta a rinneadh.

4.   Rachaidh an Coimisiún i gcomhairle leis na Ballstáit agus leis na hoibreoirí eacnamaíocha ábhartha gan mhoill agus déanfaidh sé meastóireacht ar na bearta náisiúnta a rinneadh. Ar bhonn thorthaí na meastóireachta sin, glacfaidh an Coimisiún gníomh cur chun feidhme ina leagtar amach a chinneadh i dtaobh an bhfuil údar leis an mbeart nó nach bhfuil agus, i gcás inar gá, lena n-ordaítear bearta iomchuí.

Déanfar na gníomhartha cur chun feidhme sin a ghlacadh i gcomhréir leis an nós imeachta comhairliúcháin dá dtagraítear in Airteagal 90(2).

5.   Díreoidh an Coimisiún a chinneadh chuig na Ballstáit uile agus déanfaidh sé é a chur in iúl dóibh agus don oibreoir eacnamaíoch ábhartha láithreach.

1.   Chun críocha an Rialacháin seo, tiocfaidh an grúpa comhair riaracháin arna chur ar bun de bhun Airteagal 30(2) de Rialachán (AE) 2019/1020 (‘ADCO’) le chéile go tráthrialta agus, i gcás inar gá, ar iarraidh réasúnaithe ón gCoimisiún nó ó dhá údarás faireachais margaidh rannpháirteacha nó níos mó.

I gcomhthéacs a chúraimí a leagtar amach in Airteagal 32 de Rialachán (AE) 2019/1020 a chomhlíonadh, tacóidh ADCO le cur chun feidhme an Rialacháin seo, eadhon trí thosaíochtaí comhchoiteanna a shainaithint maidir le faireachas margaidh.

2.   Bunaithe ar thosaíochtaí arna sainaithint i gcomhairle le ADCO, déanfaidh an Coimisiún an méid seo a leanas:

Maoineoidh an tAontas, i gcás inarb iomchuí, na gníomhaíochtaí dá dtagraítear i bpointí (a), (b) agus (c).

3.   Soláthróidh an Coimisiún tacaíocht theicniúil agus lóistíochta chun a áirithiú go gcomhlíonfaidh ADCO a chúraimí a leagtar amach san Airteagal seo agus in Airteagal 32 de Rialachán (AE) 2019/1020.

1.   Iontrálfaidh na húdaráis faireachais margaidh sa chóras faisnéise agus cumarsáide dá dtagraítear in Airteagal 34 de Rialachán (AE) 2019/1020 faisnéis faoi chineál agus déine aon phionóis a fhorchuirtear i ndáil le neamhchomhlíonadh an Rialacháin seo.

2.   Gach 4 bliana, faoin 30 Meitheamh, déanfaidh an Coimisiún tuarascáil a tharraingt suas bunaithe ar an bhfaisnéis arna hiontráil ag na húdaráis faireachais margaidh sa chóras faisnéise agus cumarsáide dá dtagraítear in Airteagal 34 de Rialachán (AE) 2019/1020. Foilseofar an chéad cheann de na tuarascálacha sin faoin 9 Eanáir 2030.

Áireofar na nithe seo a leanas sa tuarascáil:

3.   Foilseoidh an Coimisiún an tuarascáil dá dtagraítear i mír 2 den Airteagal seo sa chóras faisnéise agus cumarsáide dá dtagraítear in Airteagal 34 de Rialachán (AE) 2019/1020 agus cuirfidh sé achoimre den tuarascáil ar fáil don phobal.

1.   Déanfaidh an Coimisiún córas faisnéise agus cumarsáide a bhunú agus a chothabháil chun faisnéis a bhailiú, a phróiseáil agus a stóráil, i bhfoirm struchtúrtha, faoi shaincheisteanna a bhaineann le léirmhíniú nó cur i bhfeidhm na rialacha a leagtar síos sa Rialachán seo nó de bhun an Rialacháin seo, agus é mar aidhm cur i bhfeidhm comhchuibhithe na rialacha sin a áirithiú.

I dteannta an Choimisiúin agus na mBallstát, na húdaráis faireachais margaidh, na hoifigí idirchaidrimh aonair arna gceapadh faoi Airteagal 10(3) de Rialachán (AE) 2019/1020, na húdaráis arna n-ainmniú faoi Airteagal 25(1) de Rialachán (AE) 2019/1020, na húdaráis a thugann fógra, ionadaithe an ghrúpa de chomhlachtaí faoina dtugtar fógra agus d’eagraíocht CMTanna, agus pointí teagmhála táirgí don fhoirgníocht, beidh siad in ann rochtain a fháil ar an gcóras faisnéise agus cumarsáide.

2.   Féadfaidh na comhlachtaí a liostaítear i mír 1 an córas faisnéise agus cumarsáide a úsáid chun aon cheist nó aon saincheist a ardú a bhaineann le léirmhíniú nó cur i bhfeidhm na rialacha a leagtar síos sa Rialachán seo nó de bhun an Rialacháin seo, lena n-áirítear an gaol atá acu le forálacha eile de dhlí an Aontais.

3.   Chun críocha mhír 2, féadfaidh na comhlachtaí a liostaítear i mír 1 ceisteanna nó saincheisteanna a bhaineann leis na hábhair seo a leanas a ardú:

4.   Agus ceist nó saincheist á hardú aige, iontrálfaidh an comhlacht ábhartha faisnéis sa chóras faisnéise agus cumarsáide maidir leis an méid seo a leanas:

5.   Bunóidh na Ballstáit córas faisnéise náisiúnta nó seirbhís dáileacháin ríomhphoist chun a n-údaráis náisiúnta inniúla, na hoibreoirí eacnamaíocha atá gníomhach ar a gcríoch, CMTanna agus na comhlachtaí faoina dtugtar fógra a bhfuil áit ghnó acu ar a gcríoch a chur ar an eolas, agus, arna iarraidh sin, CMTanna eile agus comhlachtaí faoina dtugtar fógra a chur ar an eolas freisin, maidir le gach ábhar is ábhartha do léirmhíniú ceart nó cur i bhfeidhm ceart na rialacha a leagtar síos sa Rialachán seo nó de bhun an Rialacháin seo. Agus an méid sin á dhéanamh acu, cuirfidh siad i gcuntas an fhaisnéis atá ar fáil sa chóras faisnéise agus cumarsáide dá dtagraítear i mír 1.

6.   Déanfaidh na húdaráis náisiúnta inniúla, CMTanna agus na comhlachtaí faoina dtugtar fógra a bhfuil áit ghnó acu sa Bhallstát lena mbaineann iad féin a chlárú sa chóras nó cláróidh siad le haghaidh na seirbhíse dáileacháin ríomhphoist agus cuirfidh siad i gcuntas an fhaisnéis uile a tharchuirtear tríothu. Féadfaidh oibreoirí eacnamaíocha iad féin a chlárú sa chóras nó féadfaidh siad clárú le haghaidh na seirbhíse dáileacháin ríomhphoist. Déanfaidh na Ballstáit bearta iomchuí chun aird na n-oibreoirí eacnamaíocha a tharraingt ar an gcóras nó ar an tseirbhís dáileacháin ríomhphoist.

7.   Beidh an córas faisnéise náisiúnta nó an tseirbhís dáileacháin ríomhphoist in ann gearáin a fháil ó aon duine nádúrtha nó dlítheanach, lena n-áirítear CMTanna agus comhlachtaí faoina dtugtar fógra, maidir le cur i bhfeidhm míchothrom na rialacha a leagtar síos sa Rialachán seo nó de bhun an Rialacháin seo. Má mheastar é a bheith iomchuí, cuirfidh an pointe idirchaidrimh aonair gearáin den sórt sin ar aghaidh chuig a bpiaraí i mBallstáit eile agus chuig an gCoimisiún.

1.   Tacóidh na Ballstáit le hoibreoirí eacnamaíocha trí bhíthin pointí teagmhála táirgí don fhoirgníocht. Déanfaidh na Ballstáit pointe teagmhála táirgí amháin ar a laghad don fhoirgníocht a ainmniú agus a choinneáil ar a gcríoch féin agus áiritheoidh siad go mbeidh cumhachtaí leordhóthanacha agus acmhainní leormhaithe ag a bpointí teagmhála táirgí don fhoirgníocht chun a gcúraimí a chomhlíonadh. Áiritheoidh siad go soláthróidh pointí teagmhála táirgí don fhoirgníocht a gcuid seirbhísí i gcomhréir le Rialachán (AE) 2018/1724 agus go ndéanfaidh siad comhordú leis na pointí teagmhála táirgí le haghaidh aitheantas frithpháirteach a bunaíodh de bhun Airteagal 9(1) de Rialachán (AE) 2019/515 ó Pharlaimint na hEorpa agus ón gComhairle (29).

2.   Soláthróidh pointí teagmhála táirgí don fhoirgníocht, arna iarraidh sin d’oibreoir eacnamaíoch nó d’údarás náisiúnta inniúil de chuid Ballstáit eile, aon fhaisnéis úsáideach a bhaineann le táirgí, amhail an méid seo a leanas:

Soláthróidh na pointí teagmhála táirgí don fhoirgníocht faisnéis freisin faoi fhorálacha an Rialacháin seo agus na ngníomhartha arna nglacadh i gcomhréir leis a bhaineann le táirgí.

3.   Soláthróidh pointí teagmhála táirgí don fhoirgníocht faisnéis saor in aisce laistigh de 15 lá oibre ó aon iarraidh faoi mhír 2 a fháil.

4.   Beidh pointí teagmhála táirgí don fhoirgníocht in ann a bhfeidhmeanna a dhéanamh ar bhealach a sheachnaíonn coinbhleachtaí leasa, go háirithe i ndáil leis na nósanna imeachta chun an mharcáil CE a fháil.

5.   Tá feidhm ag míreanna 1 go 4 freisin maidir le táirgí nár cumhdaíodh go fóill le sonraíochtaí teicniúla comhchuibhithe.

6.   Foilseoidh an Coimisiún liosta de na pointí teagmhála táirgí náisiúnta don fhoirgníocht agus coinneoidh sé cothrom le dáta é.

1.   Údaráis faireachais margaidh, pointí teagmhála táirgí don fhoirgníocht, údaráis ainmniúcháin, CMTanna, údaráis a thugann fógra, agus comhlachtaí faoina dtugtar fógra, áiritheoidh siad go ndéanfaidh a bhfoireann an méid seo a leanas:

2.   Déanfaidh an Coimisiún, go tréimhsiúil agus uair amháin sa bhliain ar a laghad, imeachtaí oiliúna a eagrú go comhpháirteach d’fhoireann na n-údarás faireachais margaidh, na bpointí teagmhála táirgí don fhoirgníocht, na n-údarás ainmniúcháin, na n-údarás a thugann fógra, agus na gcomhlachtaí faoina dtugtar fógra. Eagróidh an Coimisiún na himeachtaí oiliúna sin i gcomhar leis na Ballstáit.

Féadfaidh foireann na n-údarás arna n-ainmniú faoi Airteagal 25(1) de Rialachán (AE) 2019/1020, foireann na n-oifigí idirchaidrimh aonair arna gceapadh faoi Airteagal 10(3) de Rialachán (AE) 2019/1020 agus, i gcás inarb iomchuí, foireann údarás eile de chuid na mBallstát a bhfuil baint acu le cur chun feidhme nó forfheidhmiú an Rialacháin seo a bheith rannpháirteach sna himeachtaí oiliúna.

3.   Féadfaidh an Coimisiún, i gcomhar leis na Ballstáit, cláir a eagrú chun foireann a mhalartú idir na húdaráis faireachais margaidh, na húdaráis a thugann fógra, agus na comhlachtaí faoina dtugtar fógra in dhá Bhallstát nó níos mó.

1.   Chun a n-oibleagáidí faoin Rialachán seo a chomhlíonadh maidir le faireachas margaidh, ainmniú agus maoirseacht CMTanna, comhlachtaí faoina dtugtar fógra, agus pointí teagmhála táirgí don fhoirgníocht, féadfaidh na Ballstáit an méid seo a leanas a ainmniú:

Áiritheoidh na Ballstáit lena mbaineann go comhpháirteach go gcomhlíonfaidh na comhlachtaí comhroinnte nó na húdaráis chomhroinnte na ceanglais ábhartha go léir. Beidh siad freagrach astu go comhpháirteach, ach a mhéid a bhaineann le cinntí arna nglacadh i ndáil le daoine nádúrtha nó dlítheanacha i mBallstát áirithe, is inchurtha i leith an Bhallstáit sin amháin a bheidh siad.

2.   Féadfaidh údaráis de chuid Ballstáit éagsúla, gan dochar dá n-oibleagáidí aonair faoin Rialachán seo nó faoi ghníomhartha reachtacha eile, acmhainní agus freagrachtaí a chomhroinnt chun cur i bhfeidhm comhchuibhithe nó forfheidhmiú éifeachtach an Rialacháin seo a áirithiú.

Chuige sin, féadfaidh siad an méid seo a leanas a dhéanamh freisin:

Beidh na Ballstáit ábhartha freagrach go comhpháirteach as na gníomhaíochtaí arna ndéanamh i gcomhréir leis an mír seo.

1.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí chóras pas dhigitigh le haghaidh táirgí foirgníochta a bhunú, i gcomhréir leis na coinníollacha a leagtar amach sa Chaibidil seo.

2.   Maidir leis an gcóras pas dhigitigh le haghaidh táirgí foirgníochta:

1.   Beidh an fhaisnéis sa phas táirge digiteach cruinn, iomlán agus cothrom le dáta.

2.   Maidir le pas táirge digiteach le haghaidh táirge faoin Rialachán seo:

3.   Maidir leis na ceanglais dá dtagraítear i mír 2:

4.   Táirgí a gcuirtear an díolúine a bhunaítear in Airteagal 14 i bhfeidhm ina leith, beidh siad díolmhaithe freisin ón oibleagáid pas táirge digiteach a sholáthar.

1.   Le pas táirge digiteach, comhlíonfar na coinníollacha seo a leanas:

2.   I gcás ina gceanglaítear nó ina gceadaítear le reachtaíocht eile de chuid an Aontais faisnéis shonrach a áireamh sa phas táirge digiteach, féadfar an fhaisnéis sin a áireamh sa phas táirge digiteach i gcomhréir leis an ngníomh tarmligthe dá dtagraítear in Airteagal 75(1).

3.   An monaróir a chuireann an táirge ar an margadh, soláthróidh sé cóip dhigiteach den iompróir sonraí agus den aitheantóir táirge do ghníomhaithe a chuireann na táirgí ar fáil ar an margadh ar líne nó trí mhodhanna eile ciandíolachán, ionas go mbeidh siad in ann é a dhéanamh inrochtana do chustaiméirí i gcás nach féidir leo rochtain fhisiciúil a fháil ar an táirge. Déanfaidh an t-oibreoir eacnamaíoch an chóip dhigiteach sin nó nasc chuig leathanach gréasáin a sholáthar saor in aisce agus laistigh de 5 lá oibre tar éis an iarraidh a fháil.

1.   Beidh feidhm ag Airteagal 12 de Rialachán (AE) 2024/1781 chun críocha chur chun feidhme an Rialacháin seo a mhéid a bhaineann le haitheantóirí uathúla agus iompróirí sonraí ach amháin má leagtar síos sa ghníomh tarmligthe dá dtagraítear in Airteagal 75(1) den Rialachán seo rialacha níos mionsonraithe nó malartacha a bhaineann leis na haitheantóirí uathúla sin agus leis na hiompróirí sonraí sin, dá dtagraítear in Airteagal 75(2), pointe (h), den Rialachán seo.

2.   Beidh feidhm ag Airteagal 13 de Rialachán (AE) 2024/1781 chun críocha chur chun feidhme an Rialacháin seo a mhéid a bhaineann le clárlann na bpasanna táirge digiteacha ach amháin má leagtar síos sa ghníomh tarmligthe dá dtagraítear in Airteagal 75(1) den Rialachán seo rialacha níos mionsonraithe nó malartacha a bhaineann leis an gclárlann sin, dá dtagraítear in Airteagal 75(2), pointe (h), den Rialachán seo.

3.   Beidh feidhm ag Airteagal 14 de Rialachán (AE) 2024/1781 chun críocha chur chun feidhme na Rialachán seo a mhéid a bhaineann leis an tairseach gréasáin le haghaidh faisnéis sa phas táirge digiteach.

1.   6 mhí tar éis theacht i bhfeidhm an ghnímh tharmligthe dá dtagraítear in Airteagal 75(1), beidh an córas ag feidhmiú go hiomlán agus beidh sé ag comhlíonadh na gcuspóirí atá beartaithe aige, lena n-áirítear na feidhmiúlachtaí dá bhforáiltear in Airteagal 76. 18 mí tar éis theacht i bhfeidhm an ghnímh tharmligthe dá dtagraítear in Airteagal 75(1), beidh feidhm ag na hoibleagáidí arna mbunú de bhun Airteagal 22(7). Féadfaidh monaróirí an córas a úsáid go deonach san idirthréimhse.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a leasú chun an méid seo a leanas a dhéanamh:

1.   Chun sláinte agus sábháilteacht daoine nó an comhshaol a chosaint, féadfaidh an Coimisiún comhoibriú le húdaráis tríú tíortha nó le heagraíochtaí idirnáisiúnta i réimse chur i bhfeidhm an Rialacháin seo. Féadfar na nithe seo a leanas a áireamh le comhar den sórt sin:

Leis an malartú faisnéise de bhun na míre seo, urramófar na rialacha rúndachta agus comhlíonfar dlí an Aontais is infheidhme.

2.   Féadfaidh an malartú faisnéise dá dtagraítear i mír 1 a bheith i bhfoirm na nithe seo a leanas:

Cuirfidh an Coimisiún na Ballstáit ar an eolas go tráthrialta faoi na gníomhaíochtaí comhair le tríú tíortha nó le heagraíochtaí idirnáisiúnta a dhéanann sé de bhun na chéad fhomhíre.

3.   Féadfaidh an Coimisiún gníomhartha cur chun feidhme a ghlacadh, lena dtugtar rochtain d’údaráis tríú tíortha roghnaithe a chuireann an Rialachán seo i bhfeidhm go deonach, nó a bhfuil córais rialála acu le haghaidh táirgí foirgníochta atá comhchosúil leis an Rialachán seo, ar cheann amháin nó níos mó de na nithe seo a leanas nó lena dtugtar an ceart dóibh a bheith go hiomlán rannpháirteach i gceann amháin nó níos mó díobh seo a leanas:

Tabharfar rochtain ar na córais agus ar na himeachtaí dá dtagraítear sa chéad fhomhír ar choinníoll go ngeallfaidh an tríú tír lena mbaineann gníomhú in aghaidh oibreoirí eacnamaíocha a sháraíonn an Rialachán seo óna gcríoch, agus go ngeallfaidh sí rúndacht a áirithiú.

Ní fhéadfar rannpháirtíocht iomlán sna córais dá dtagraítear in Airteagail 71 agus 75 a dheonú ach amháin i gcás ina bhforáiltear amhlaidh sna comhaontuithe idir an tAontas Eorpach agus tríú tíortha. Féadfar an rannpháirtíocht sin a thairiscint do thríú tíortha ar choinníoll go bhfuil reachtaíocht an tríú tír ailínithe leis an Rialachán seo agus go n-aithníonn údaráis náisiúnta inniúla an tríú tír deimhnithe arna n-eisiúint ag comhlachtaí faoina dtugtar fógra nó measúnuithe teicniúla Eorpacha i gcomhréir leis an Rialachán seo. Beidh rannpháirtíocht den sórt sin faoi réir chomhlíonadh na n-oibleagáidí céanna agus atá i bhfeidhm maidir leis na Ballstáit faoin Rialachán seo, lena n-áirítear oibleagáidí maidir le fógra a thabhairt agus maidir le bearta leantacha.

Déanfar na gníomhartha cur chun feidhme dá dtagraítear sa chéad fhomhír den mhír seo a ghlacadh i gcomhréir leis an nós imeachta comhairliúcháin dá dtagraítear in Airteagal 90(2).

4.   Aon mhalartú faisnéise faoin Airteagal seo, a mhéid a bhaineann sé le sonraí pearsanta, déanfar é i gcomhréir le rialacha an Aontais maidir le cosaint sonraí. Mura bhfuil aon chinneadh leordhóthanachta glactha ag an gCoimisiún de bhun Airteagal 45 de Rialachán (AE) 2016/679 i ndáil leis an tríú tír nó leis an eagraíocht idirnáisiúnta lena mbaineann, eiseofar sonraí pearsanta ón malartú faisnéise. Má ghlactar cinneadh leordhóthanachta maidir leis an tríú tír nó leis an eagraíocht idirnáisiúnta, féadfaidh sonraí pearsanta a thagann faoi raon feidhme an chinnidh leordhóthanachta a bheith sa mhalartú faisnéise leis an tríú tír sin nó leis an eagraíocht idirnáisiúnta sin sa mhéid atá an malartú sin riachtanach chun sláinte agus sábháilteacht daoine nó an comhshaol a chosaint, agus sa mhéid sin amháin.

1.   Déanfaidh an Coimisiún gníomhartha tarmligthe a ghlacadh i gcomhréir le hAirteagal 89 chun an Rialachán seo a fhorlíonadh trí íoscheanglais éigeantacha maidir le hinbhuanaitheacht an chomhshaoil a shonrú le haghaidh táirgí foirgníochta.

2.   Maidir le nósanna imeachta soláthair a thagann faoi raon feidhme Threoracha 2014/24/AE (32) nó 2014/25/AE (33) ó Pharlaimint na hEorpa agus ón gComhairle, i gcás ina gceanglaítear le conarthaí íosfheidhmíocht inbhuanaitheachta comhshaoil le haghaidh táirgí foirgníochta a mhéid a bhaineann lena saintréithe bunriachtanacha a chumhdaítear le sonraíochtaí teicniúla comhchuibhithe, déanfaidh údaráis chonarthacha agus eintitis chonarthacha na híoscheanglais éigeantacha maidir le hinbhuanaitheacht an chomhshaoil a leagtar síos sna gníomhartha tarmligthe dá dtagraítear i mír 1 a chur i bhfeidhm.

Ní chuirfidh sé sin cosc ar údaráis chonarthacha ná ar eintitis chonarthacha na nithe seo a leanas a bhunú:

3.   Soláthróidh na Ballstáit agus an Coimisiún cúnamh teicniúil agus comhairle theicniúil d’údaráis chonarthacha agus eintitis chonarthacha atá i gceannas ar sholáthar poiblí maidir le conas na híoscheanglais éigeantacha maidir le hinbhuanaitheacht an chomhshaoil a leagtar síos sna gníomhartha tarmligthe dá dtagraítear i mír 1 a chomhlíonadh.

4.   Íoscheanglais éigeantacha maidir le hinbhuanaitheacht an chomhshaoil a leagtar síos sna gníomhartha tarmligthe dá dtagraítear i mír 1 le haghaidh conarthaí poiblí arna ndámhachtain ag údaráis chonarthacha nó ag eintitis chonarthacha, féadfaidh siad, de réir mar is iomchuí don fhine táirgí nó don chatagóir táirgí lena mbaineann, a bheith i bhfoirm na nithe seo a leanas:

5.   Agus íoscheanglais éigeantacha maidir le hinbhuanaitheacht an chomhshaoil á mbunú de bhun mhír 1 le haghaidh conarthaí poiblí, rachaidh an Coimisiún i gcomhairle le saineolaithe arna n-ainmniú ag gach Ballstát agus le geallsealbhóirí ábhartha, i gcomhréir le míreanna 13 agus 28 de Chomhaontú Idirinstitiúideach an 13 Aibreán 2016 maidir le Reachtóireacht Níos Fearr, déanfaidh sé measúnú tionchair agus cuirfidh sé na critéir seo a leanas ar a laghad i gcuntas:

Seolfaidh an Coimisiún an chéad mheasúnú tionchair faoin 31 Nollaig 2026.

6.   Féadfaidh údaráis chonarthacha agus eintitis chonarthacha a chinneadh ar bhonn eisceachtúil gan mír 2 den Airteagal seo a chur i bhfeidhm i gcás, tar éis réamhchomhairliúchán margaidh i gcomhréir le hAirteagal 40 de Threoir 2014/24/AE agus Airteagal 58 de Threoir 2014/25/AE, go bhfuarthas amach:

Maidir le difríochtaí measta i luach an chonartha os cionn 10 %, bunaithe ar shonraí oibiachtúla agus trédhearcacha, féadfaidh údaráis chonarthacha agus eintitis chonarthacha a thoimhdiú go bhfuil siad díréireach.

Nuair a bhaineann údaráis chonarthacha agus eintitis chonarthacha úsáid as an maolú sa mhír seo, ní féidir a mheas go bhfuil an nós imeachta soláthair inbhuanaithe ó thaobh an chomhshaoil de i ndáil leis na táirgí foirgníochta ar cuireadh na heisceachtaí i bhfeidhm orthu.

Gach 3 bliana, tuairisceoidh na Ballstáit don Choimisiún maidir le húsáid na míre seo, i gcomhréir le hAirteagal 83 de Threoir 2014/24/AE.

Ní dochar an mhír seo don fhéidearthacht tairiscintí thar a bheith íseal a eisiamh faoi Airteagal 69 de Threoir 2014/24/AE agus Airteagal 84 de Threoir 2014/25/AE.

7.   Féadfar úsáid a bhaint as Éicilipéad an Aontais agus as scéimeanna náisiúnta nó réigiúnacha eile um éicilipéadú chineál I EN ISO 14024 atá aitheanta go hoifigiúil i gcomhréir le hAirteagal 11 de Rialachán (CE) Uimh 66/2010 ó Pharlaimint na hEorpa agus ón gComhairle (34) chun a léiriú go bhfuil na híoscheanglais maidir le hinbhuanaitheacht an chomhshaoil á gcomhlíonadh i gcás ina gcomhlíonann an lipéad sin na ceanglais a leagtar amach in Airteagal 19 den Rialachán seo.

1.   Ní bheidh feidhm ag Airteagail 86 go 88 den Rialachán seo ach amháin má ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i dtaca le táirgí foirgníochta a chumhdaítear leis an Rialachán seo.

2.   Ní bheidh feidhm ag Airteagail 86 go 88 den Rialachán seo ach maidir le táirgí foirgníochta, ar ainmníodh iad mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3.   Ní bheidh feidhm ag an gCaibidil seo, ach amháin maidir le cumhacht an Choimisiúin dá dtagraítear in Airteagal 87(7) den Rialachán seo, ach le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

4.   Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, maidir leis na nósanna imeachta atá le leanúint agus maidir leis na ceanglais shonracha lipéadaithe agus inrianaitheachta i ndáil le táirgí foirgníochta a chuirtear ar an margadh i gcomhréir le hAirteagail 86 agus 87. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 90(3).

1.   Tá feidhm ag an Airteagal seo maidir le táirgí foirgníochta a liostaítear sa ghníomh cur chun feidhme dá dtagraítear in Airteagal 85(1), ar táirgí iad atá faoi réir chúraimí tríú páirtí na gcomhlachtaí faoina dtugtar fógra a bhaineann leis an measúnú agus fíorú a dhéantar ar tháirgí foirgníochta, i gcomhréir le hAirteagal 10(1).

2.   Déanfaidh na comhlachtaí faoina dtugtar fógra lándícheall iarrataí ar chúraimí tríú páirtí a bhaineann leis an measúnú agus fíorú a dhéantar ar tháirgí foirgníochta dá dtagraítear i mír 1 a phróiseáil, mar thosaíocht, gan beann ar na hiarrataí sin a bheith taiscthe roimh ghníomhachtú na nósanna imeachta éigeandála nó ina dhiaidh sin de bhun Airteagal 85.

3.   Maidir le tosaíocht a thabhairt d’iarrataí ar chúraimí tríú páirtí a bhaineann leis an measúnú agus fíorú a dhéantar ar tháirgí foirgníochta de bhun mhír 2, ní bheidh mar thoradh air sin costais dhíréireacha bhreise ar mhonaróirí a bhfuil na hiarrataí sin taiscthe acu.

4.   Déanfaidh na comhlachtaí faoina dtugtar fógra iarrachtaí réasúnta chun a n-acmhainneachtaí measúnúcháin agus fíorúcháin faoi seach a mhéadú maidir le táirgí foirgníochta dá dtagraítear i mír 1 ar tugadh fógra dóibh ina leith.

1.   I gcás inar ainmníodh táirgí foirgníochta mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh, lena liostaítear caighdeáin iomchuí nó lena mbunaítear sonraíochtaí coiteanna chun na modhanna agus na critéir a chumhdach chun measúnú a dhéanamh ar fheidhmíocht na dtáirgí sin i ndáil lena saintréithe bunriachtanacha sna cásanna seo a leanas:

2.   Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun measúnú agus dearbhú feidhmíochta a sholáthar i gcomhréir le mír 5. Chuige sin, féadfar na tagairtí do chaighdeáin Eorpacha nó tagairtí do chaighdeáin ábhartha idirnáisiúnta nó náisiúnta is infheidhme a fhoilsiú sna gníomhartha cur chun feidhme sin nó, mura bhfuil aon chaighdeán Eorpach ann nó mura bhfuil aon chaighdeán ábhartha idirnáisiúnta nó náisiúnta is infheidhme ann, féadfar sonraíochtaí coiteanna a bhunú leis na gníomhartha cur chun feidhme sin.

3.   Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 90(3) agus beidh feidhm acu go dtí an lá deireanach den tréimhse ar lena linn a ghníomhachtaítear modh éigeandála an mhargaidh inmheánaigh, mura leasaítear nó mura n-aisghairtear na gníomhartha cur chun feidhme sin i gcomhréir le mír 7 den Airteagal seo.

4.   Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú, cuirfidh an Coimisiún tuairimí Shainghrúpa Acquis RTF san áireamh agus rachaidh sé i gcomhairle go cuí leis na geallsealbhóirí ábhartha uile.

5.   Gan dochar d’Airteagail 13 agus 15, féadfar na modhanna agus na critéir arna soláthar sna caighdeáin nó sonraíochtaí coiteanna dá dtagraítear i mír 1 den Airteagal seo, nó codanna díobh, a úsáid chun measúnú a dhéanamh ar fheidhmíocht na dtáirgí foirgníochta a chumhdaítear leis na caighdeáin nó na sonraíochtaí coiteanna sin agus chun í a dhearbhú i ndáil lena saintréithe bunriachtanacha. Ón lá tar éis dhul in éag nó dhíghníomhachtú mhodh éigeandála an mhargaidh inmheánaigh, ní bheidh sé indéanta a thuilleadh dearbhuithe feidhmíochta agus comhréireachta a tharraingt suas bunaithe ar na caighdeáin nó ar na sonraíochtaí coiteanna dá dtagraítear sa ghníomh cur chun feidhme dá dtagraítear i mír 1 den Airteagal seo.

6.   De mhaolú ar Airteagal 85(3), ach amháin má tá cúis leordhóthanach ann lena chreidiúint go mbaineann riosca do shláinte nó sábháilteacht daoine le táirgí foirgníochta a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo nó go mainníonn siad an fheidhmíocht dhearbhaithe a bhaint amach, leanfaidh dearbhuithe feidhmíochta agus comhréireachta na dtáirgí foirgníochta a cuireadh ar an margadh i gcomhréir leis na caighdeáin sin nó leis na sonraíochtaí coiteanna sin de bheith bailí tar éis do ghníomh cur chun feidhme arna ghlacadh de bhun mhír 3 den Airteagal seo dul in éag nó a aisghairm agus tar éis do mhodh éigeandála an mhargaidh inmheánaigh dul in éag nó tar éis é a dhíghníomhachtú.

7.   I gcás ina measann Ballstát go bhfuil caighdeán nó sonraíocht choiteann dá dtagraítear i mír 1 mícheart i dtéarmaí modhanna agus critéar chun measúnú a dhéanamh ar fheidhmíocht i ndáil le saintréithe bunriachtanacha, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, i gcás inarb iomchuí, an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

1.   Tabharfaidh na Ballstáit tosaíocht do na gníomhaíochtaí faireachais margaidh le haghaidh táirgí foirgníochta a liostaítear sa ghníomh cur chun feidhme dá dtagraítear in Airteagal 85(1) den Rialachán seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2.   Áiritheoidh údaráis faireachais margaidh na mBallstát go ndéanfar lándícheall cúnamh a thabhairt d’údaráis eile faireachais margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás faireachais margaidh a iarrann cúnamh a threisiú ar bhonn sealadach nó trí thacaíocht lóistíochtúil a sholáthar, amhail atreisiú na hacmhainneachta tástála le haghaidh táirgí foirgníochta a liostaítear sa ghníomh cur chun feidhme dá dtagraítear in Airteagal 85(1).

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 4(7), Airteagal 5(5), (6) agus (10), Airteagal 7(1), agus (8), Airteagal 9(3) agus (4), Airteagal 10(2) agus (4), Airteagal 12, Airteagal 15(5), Airteagal 22(8) agus (9), Airteagal 32(5), Airteagal 75(1), Airteagal 80(2) agus Airteagal 83(1) a thabhairt don Choimisiún go ceann tréimhse 5 bliana amhail ón 7 Eanáir 2025. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 4(7), Airteagal 5(5), (6) agus (10), Airteagal 7(1) agus (8), Airteagal 9(3) agus (4), Airteagal 10(2) agus (4), Airteagal 12, Airteagal 15(5), Airteagal 22(8) agus (9), Airteagal 32(5), Airteagal 75(1), Airteagal 80(2) agus Airteagal 83(1) a chúlghairm aon tráth. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 4(7), Airteagal 5(5), (6) nó (10), Airteagal 7(1) nó (8), Airteagal 9(3) nó (4), Airteagal 10(2) nó (4), Airteagal 12, Airteagal 15(5), Airteagal 22(8) nó (9), Airteagal 32(5), Airteagal 75(1), Airteagal 80(2) nó Airteagal 83(1) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Tabharfaidh an Coiste um Tháirgí Foirgníochta cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 4 de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

4.   I gcás ina ndéantar tagairt don mhír seo, beidh feidhm ag Airteagal 8 de Rialachán (AE) Uimh. 182/2011, i gcomhar le hAirteagal 5 de.

1.   Gach iarratas ó chomhlachtaí faoina dtugtar fógra nó chucu nó ó CMTanna nó chucu agus gach cinneadh a dhéanann na comhlachtaí sin i gcomhréir leis an Rialachán seo, féadfar iad a sholáthar ar pháipéar nó i bhformáid leictreonach a úsáidtear go coitianta ar choinníoll go gcomhlíonann an síniú ceanglais Rialachán (AE) Uimh. 910/2014 agus gur cuireadh de chúram ar an sínitheoir ionadaíocht a dhéanamh thar ceann an chomhlachta nó an oibreora eacnamaíoch, i gcomhréir le dlí na mBallstát nó le dlí an Aontais faoi seach.

2.   Mura sonraítear a mhalairt, féadfar na hoibleagáidí faisnéise uile faoin Rialachán seo a chomhlíonadh trí mheán leictreonach. I gcás ina soláthraítear an fhaisnéis trí mheán leictreonach, eiseofar an fhaisnéis i bhformáid leictreonach atá inléite go coitianta agus a chuireann ar chumas an fhaighteora an fhaisnéis sin a íoslódáil agus a phriontáil.

Nuair a bhunaítear an oibleagáid i gcomhréir le hAirteagal 22(7), comhlíonfaidh oibreoirí eacnamaíocha na hoibleagáidí faisnéise a bhaineann le doiciméid dá dtagraítear in Airteagal 76(2) tríd an bpas táirge digiteach a sholáthar.

Déanfar dearbhú feidhmíochta agus comhréireachta chomh maith le faisnéis ghinearálta táirge, treoracha úsáide agus faisnéis sábháilteachta a sholáthar i bhformáid pháipéir, saor in aisce, má iarrann an t-úsáideoir deiridh é tráth an cheannaigh.

1.   Pointí teagmhála táirgí don fhoirgníocht arna n-ainmniú faoi Rialachán (AE) Uimh. 305/2011, measfar gur ainmníodh iad faoin Rialachán seo freisin.

2.   CMTanna agus comhlachtaí faoina dtugtar fógra a ainmnítear nó faoina dtugtar fógra faoi Rialachán (AE) Uimh. 305/2011, measfar gur ainmníodh iad nó gur tugadh fógra fúthu faoin Rialachán seo freisin. Mar sin féin, déanfaidh na Ballstáit ainmniúcháin measúnú orthu agus iad a ainmniú as an nua i gcomhréir leis an timthriall athmheasúnaithe tréimhsiúil atá acu agus ar a dhéanaí faoin 8 Eanáir 2030. Beidh feidhm ag an nós imeachta agóide a leagtar amach in Airteagal 51(5) den Rialachán seo.

3.   Caighdeáin chomhchuibhithe a bhfuil tagairtí dóibh ar áireamh sa liosta arna fhoilsiú i gcomhréir le hAirteagal 17(5) de Rialachán (AE) Uimh. 305/2011 atá i bhfeidhm an 8 Eanáir 2026, leanfaidh siad de bheith bailí faoi Rialachán (AE) Uimh. 305/2011 go dtí go dtarraingeoidh an Coimisiún siar iad nó go dtí go n-aisghairfear ar shlí eile iad.

4.   Doiciméid um measúnú Eorpach, a bhfuil tagairtí dóibh ar áireamh sa liosta arna fhoilsiú i gcomhréir le hAirteagal 22 de Rialachán (AE) Uimh. 305/2011 faoin 8 Eanáir 2026, leanfaidh siad de bheith bailí go dtí an 9 Eanáir 2031, ach amháin má tá siad imithe in éag ar chúiseanna eile. Ní chuirfear táirgí ar an margadh ar bhonn measúnuithe teicniúla Eorpacha arna n-eisiúint i gcomhréir leis na doiciméid sin um measúnú Eorpach tar éis an 9 Eanáir 2036.

5.   I gcás ina gcumhdaíonn sonraíocht theicniúil chomhchuibhithe arna glacadh i gcomhréir le hAirteagal 5(8) nó le hAirteagal 6(1) den Rialachán seo an táirge céanna agus an úsáid chéanna atá beartaithe le doiciméad um measúnú Eorpach, a bhfuil tagairt dó ar áireamh sa liosta arna fhoilsiú i gcomhréir le hAirteagal 22 de Rialachán (AE) Uimh. 305/2011, ní úsáidfear an doiciméad um measúnú Eorpach a thuilleadh chun críocha an Rialacháin seo agus ní chuirfear táirgí ar an margadh ar bhonn measúnuithe teicniúla Eorpacha arna n-eisiúint i gcomhréir leis an doiciméad sin um measúnú Eorpach.

6.   Maidir le measúnuithe teicniúla Eorpacha arna n-eisiúint de bhun doiciméid um measúnú Eorpach nach bhfuil tagairtí dóibh ar áireamh sa liosta arna fhoilsiú i gcomhréir le hAirteagal 22 de Rialachán (AE) Uimh. 305/2011 faoin 8 Eanáir 2026, déileálfar leo mar iarrataí ar mheasúnú teicniúil Eorpach faoin Rialachán seo. Déanfar an t-aistriú riaracháin gan aon chostas don mhonaróir.

7.   Féadfar deimhnithe, tuarascálacha tástála agus measúnuithe teicniúla Eorpacha arna n-eisiúint faoi Rialachán (AE) Uimh. 305/2011 a úsáid mar bhonn teicniúil chun a léiriú go gcomhlíonann táirge an Rialachán seo i gcásanna ina gcomhfhreagraíonn an cineál táirge do chineál táirge faoin Rialachán seo agus ina bhfuil na ceanglais agus na modhanna measúnúcháin bailí i bhfianaise na sonraíochta teicniúla comhchuibhithe is infheidhme nó an doiciméid is infheidhme um measúnú Eorpach. Féadfar aitheantas a thabhairt do dhoiciméid den sórt sin faoi na coinníollacha a leagtar amach in Airteagal 62 den Rialachán seo, arna gcur i bhfeidhm mutatis mutandis.

8.   Ní bheidh feidhm ag Airteagal 2, Airteagail 4 go 9, Airteagail 11 go 18, Airteagail 27 agus 28, Airteagail 36 go 40, Airteagail 47 go 49, Airteagail 52 agus 53, Airteagal 55 agus Airteagail 60 go 64 de Rialachán (AE) Uimh. 305/2011 ach amháin maidir le táirgí a chumhdaítear leis na caighdeáin dá dtagraítear i mír 3 den Airteagal seo nó maidir le táirgí a chumhdaítear le doiciméid um measúnú Eorpach dá dtagraítear i mír 4 den Airteagal seo.

Chun críocha Airteagal 5(7), Airteagal 6(1), agus Airteagal 31(2) den Rialachán seo, caighdeáin chomhchuibhithe a bhfuil tagairtí dóibh ar áireamh sa liosta arna fhoilsiú i gcomhréir le hAirteagal 17(5) de Rialachán (AE) Uimh. 305/2011 agus nár tarraingíodh siar iad, caithfear leo mar chaighdeáin chomhchuibhithe feidhmíochta.

9.   Ní bheidh ceanglais agus oibleagáidí oibreoirí eacnamaíocha a leagtar amach i gCaibidlí I, II agus III infheidhme maidir le fine táirgí áirithe nó catagóir táirgí áirithe laistigh d’fhine den sórt sin ach amháin ó bhliain amháin tar éis an dáta a ghlactar gníomh cur chun feidhme dá dtagraítear in Airteagal 5(8) lena ndéantar caighdeán comhchuibhithe éigeantach nó gníomh cur chun feidhme dá dtagraítear in Airteagal 6(1), lena gcumhdaítear an fhine táirgí sin nó an chatagóir táirgí sin, mura rud é gur sonraíodh dáta cur i bhfeidhm níos déanaí sa ghníomh cur chun feidhme. Mar sin féin, féadfaidh oibreoirí eacnamaíocha rogha a dhéanamh na sonraíochtaí teicniúla comhchuibhithe sin a chur i bhfeidhm amhail ó theacht i bhfeidhm na sonraíochtaí sin trí dhul faoin nós imeachta as a n-eascraíonn dearbhú feidhmíochta agus comhréireachta.

10.   Laistigh de bhliain amháin tar éis dháta chur i bhfeidhm na gceanglas agus na n-oibleagáidí maidir le fine táirgí áirithe nó catagóir táirgí áirithe mar a leagtar amach i mír 9 den Airteagal seo, tarraingeoidh an Coimisiún siar ó Iris Oifigiúil an Aontais Eorpaigh tagairtí do chaighdeáin chomhchuibhithe agus do dhoiciméid um measúnú Eorpach, nó do chodanna díobh, arna bhfoilsiú ansin i gcomhréir le hAirteagal 17(5) agus Airteagal 22 de Rialachán (AE) Uimh. 305/2011 i gcás ina gcumhdaítear leo an fhine chéanna táirgí nó an chatagóir chéanna táirgí faoi seach.