1.   I gcás ina bhfuil sé beartaithe ag fógróir dramhaíl dá dtagraítear in Airteagal 4(1), (2) nó (3) a loingsiú, cuirfidh an fógróir réamhfhógra i scríbhinn (‘fógra’) faoi bhráid na n-údarás inniúil uile lena mbaineann.

Ní fhéadfaidh fógróir dá dtagraítear in Airteagal 3, pointe (6)(a)(ii), (iii) nó (iv), fógra a thíolacadh ach amháin i gcás ina bhfuil cead faighte ag an bhfógróir nó ina bhfuil an fógróir cláraithe i gcomhréir le Caibidil IV de Threoir 2008/98/CE.

I gcás ina dtíolacann fógróir fógra ginearálta maidir le roinnt loingsithe dá dtagraítear in Airteagal 13, comhlíonfaidh an fógróir na ceanglais a leagtar síos san Airteagal sin freisin.

I gcás ina bhfuil loingsiú beartaithe le haghaidh saoráid réamhthoilithe de bhun Airteagal 14, beidh feidhm ag na ceanglais nós imeachta i míreanna 12, 14, 15 agus 16 den Airteagal sin.

I gcás ina bhfuil loingsiú beartaithe le haghaidh aisghabháil eatramhach nó diúscairt eatramhach, beidh feidhm ag Airteagal 15 freisin.

2.   Áireofar na doiciméid seo a leanas san fhógra:

Soláthróidh an fógróir an fhaisnéis a luaitear sa doiciméad fógartha agus, i gcás inarb ábhartha, an fhaisnéis a luaitear sa doiciméad gluaiseachta.

I gcás nach é táirgeoir dramhaíola bunaidh dá dtagraítear in Airteagal 3, pointe (6)(a)(i), an fógróir, áiritheoidh an fógróir go síneoidh an táirgeoir dramhaíola bunaidh nó ceann de na daoine a luaitear in Airteagal 3, pointe 6(a)(ii), (iii) nó (v), i gcás inarb indéanta, an doiciméad fógartha freisin. Áiritheoidh déileálaí nó bróicéir go mbeidh údarú i scríbhinn acu ó dhuine de na daoine dá dtagraítear in Airteagal 3, pointe (6)(a)(i), (ii) nó (iii), chun gníomhú thar a gceann, agus go n-áireofar údarú i scríbhinn den sórt sin san fhógra.

3.   Áireofar an fhaisnéis agus an doiciméadacht a liostaítear i gCuid 1 d’Iarscríbhinn II sa doiciméad fógartha nó san iarscríbhinn a ghabhann leis. Áireofar sa doiciméad gluaiseachta nó san iarscríbhinn a ghabhann leis an fhaisnéis agus an doiciméadacht dá dtagraítear i gCuid 2 d’Iarscríbhinn II, a mhéid is féidir tráth an fhógra.

4.   Arna iarraidh sin d’aon cheann de na húdaráis inniúla lena mbaineann, soláthróidh an fógróir an fhaisnéis agus an doiciméadacht a cheanglaítear faoi mhír 3 agus an fhaisnéis bhreise agus an doiciméadacht bhreise a leagtar amach i gCuid 3 d’Iarscríbhinn II do na húdaráis inniúla uile lena mbaineann. Cuirfidh an t-údarás inniúil a rinne an iarraidh na húdaráis inniúla eile lena mbaineann ar an eolas faoin iarraidh sin.

5.   Measfar go ndearnadh fógra mar is ceart a luaithe is deimhin leis an údarás inniúil seolta gur comhlánaíodh an doiciméad fógartha agus na doiciméid ghluaiseachta i gcomhréir le míreanna 3 agus 4.

6.   Measfar fógra a bheith comhlánaithe mar is ceart a luaithe is deimhin leis na húdaráis inniúla go léir lena mbaineann gur comhlánaíodh an doiciméad fógartha agus an doiciméad gluaiseachta i gcomhréir le míreanna 3 agus 4 nó a luaithe a bheidh an fhaisnéis agus an doiciméadacht uile a d’iarr siad i gcomhréir le mír 4 faighte.

7.   Soláthróidh an fógróir cóip den chonradh arna thabhairt i gcrích i gcomhréir le hAirteagal 6 agus dearbhú lena ndeimhnítear gurb ann dó i gcomhréir le hIarscríbhinn IA do na húdaráis inniúla lena mbaineann tráth an fhógra.

8.   Soláthróidh an fógróir dearbhú gur bunaíodh ráthaíocht airgeadais nó árachas coibhéiseach i gcomhréir le hAirteagal 7 tríd an gcuid iomchuí den doiciméad fógartha a chomhlánú.

Maidir leis an ráthaíocht airgeadais nó an t-árachas coibhéiseach dá dtagraítear in Airteagal 7 nó, i gcás ina gceadaíonn na húdaráis inniúla lena mbaineann amhlaidh, dearbhú lena ndeimhnítear gurb ann dó i gcomhréir leis an bhfoirm a leagtar amach in Iarscríbhinn IA, soláthrófar í nó é chuig na húdaráis inniúla lena mbaineann mar chuid den doiciméad fógartha tráth an fhógra.

De mhaolú ar an dara fomhír, féadfar an doiciméadacht dá dtagraítear san fhomhír sin a sholáthar, i gcás ina gceadaíonn na húdaráis inniúla lena mbaineann amhlaidh, tar éis an fógra a thíolacadh, ar a dhéanaí tráth a chomhlánaítear an doiciméad gluaiseachta i gcomhréir le hAirteagal 16(2).

9.   Cumhdófar leis an bhfógra an loingsiú ón suíomh óna dtosaíonn an loingsiú agus cumhdófar leis aon aisghabháil eatramhach nó neamheatramhach nó diúscairt eatramhach nó neamheatramhach.

I gcás ina ndéantar aisghabháil eatramhach nó neamheatramhach nó diúscairt eatramhach nó neamheatramhach ina dhiaidh sin i dtír nach í an chéad tír cinn scríbe í, sonrófar an aisghabháil neamheatramhach nó diúscairt neamheatramhach agus suíomh na haisghabhála nó na diúscartha sin san fhógra agus tá feidhm ag Airteagal 15(7).

10.   Ní shonrófar ach cód sainaitheanta dramhaíola amháin mar a luaitear in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV sa doiciméad fógartha agus sa doiciméad gluaiseachta. I gcásanna nach n-aicmítear dramhaíl faoi iontráil aonair amháin in Iarscríbhinn III, Iarscríbhinn IIIB nó Iarscríbhinn IV, ní dhéanfar ach cód sainaitheanta dramhaíola amháin ón liosta dramhaíola dá dtagraítear in Airteagal 7 de Threoir 2008/98/CE a shonrú sa doiciméad fógartha agus sa doiciméad gluaiseachta, seachas i gcás na nithe seo a leanas:

11.   Féadfar dramhaíolacha nó meascáin dramhaíolacha a shonraítear i gcomhréir le mír 10 den Airteagal seo a shonrú tuilleadh trí na cóid sainaitheanta dramhaíola ábhartha a sholáthar ón liosta dramhaíola dá dtagraítear in Airteagal 7 de Threoir 2008/98/CE agus trí chóid sainaitheanta ábhartha eile a sholáthar.

1.   Beidh loingsithe dramhaíola a bhfuil fógra ag teastáil ina leith faoi réir an cheanglais chun conradh a thabhairt i gcrích idir an fógróir agus an coinsíní maidir le haisghabháil nó diúscairt na dramhaíola. Murab é an coinsíní oibreoir na saoráide chun an dramhaíl faoina dtugtar fógra a aisghabháil nó a dhiúscairt, síneoidh oibreoir na saoráide an conradh freisin.

2.   Tabharfar an conradh dá dtagraítear i mír 1 i gcrích agus beidh éifeacht leis tráth an fhógra agus leanfaidh sé d’éifeacht a bheith leis ar feadh fhad an loingsithe go dtí go n-eiseofar deimhniú i gcomhréir le hAirteagal 15(5), Airteagal 16(6), nó, i gcás inarb iomchuí, Airteagal 15(4).

Beidh an conradh comhsheasmhach leis an doiciméad fógartha comhfhreagrach agus leis an doiciméad gluaiseachta agus is é a bheidh ann ar a laghad faisnéis faoin bhfógróir, faoin gcoinsíní agus faoin tsaoráid, céannacht na ndaoine a dhéanann ionadaíocht ar gach páirtí, uimhir an fhógra, ainmniú agus comhdhéanamh na dramhaíola, na cóid sainaitheanta dramhaíola, cainníocht na dramhaíola a chumhdaítear leis an gconradh, an oibríocht aisghabhála nó diúscartha agus tréimhse bhailíochta an chonartha.

3.   Áireofar na hoibleagáidí seo a leanas sa chonradh:

4.   I gcás ina bhfuil an dramhaíl beartaithe le haghaidh aisghabháil eatramhach nó diúscairt eatramhach, áireofar na hoibleagáidí breise seo a leanas sa chonradh:

5.   I gcás ina ndéantar an dramhaíl a loingsiú idir dhá bhunaíocht faoi rialú an eintitis dhlítheanaigh chéanna, féadfar dearbhú ón eintiteas dlítheanach sin a chur in ionad an chonartha dá dtagraítear i mír 1. Cumhdófar na hoibleagáidí dá dtagraítear i mír 3 leis an dearbhú sin.

1.   Beidh loingsithe a bhfuil fógra ag teastáil ina leith faoi réir an cheanglais ráthaíocht airgeadais nó árachas coibhéiseach a fháil, lena gcumhdaítear gach ceann díobh seo a leanas:

2.   Cumhdófar na costais a thagann chun cinn i gcomhthéacs na gcásanna seo a leanas leis an ráthaíocht airgeadais nó leis an árachas coibhéiseach:

3.   Bunóidh an fógróir nó duine nádúrtha nó dlítheanach eile thar ceann an fhógróra an ráthaíocht airgeadais nó an t-árachas coibhéiseach agus beidh éifeacht léi nó leis tráth an fhógra nó, má cheadaíonn an t-údarás inniúil a fhormheasann an ráthaíocht airgeadais nó an t-árachas coibhéiseach amhlaidh, ar a dhéanaí tráth a chomhlánaítear an doiciméad gluaiseachta i gcomhréir le hAirteagal 16(2). Beidh feidhm ag an ráthaíocht airgeadais nó ag an árachas coibhéiseach maidir leis an loingsiú ar a dhéanaí ón tráth a thosófar an loingsiú.

4.   Déanfaidh an t-údarás inniúil seolta an ráthaíocht airgeadais nó an t-árachas coibhéiseach a fhormheas, lena n-áirítear foirm, foclaíocht agus méid an chumhdaigh.

5.   Beidh an ráthaíocht airgeadais nó an t-árachas coibhéiseach bailí don loingsiú agus do chur i gcrích na haisghabhála nó na diúscartha agus cumhdófar iad léi nó leis.

Scaoilfear an ráthaíocht airgeadais nó an t-árachas coibhéiseach nuair a gheobhaidh an t-údarás inniúil a d’fhormheas í nó é an deimhniú dá dtagraítear in Airteagal 16(6) nó, i gcás inarb iomchuí, an deimhniú dá dtagraítear in Airteagal 15(5) a mhéid a bhaineann le haisghabháil eatramhach nó diúscairt eatramhach.

6.   De mhaolú ar mhír 5, i gcás ina bhfuil an dramhaíl atá beartaithe le haghaidh aisghabháil eatramhach nó diúscairt eatramhach agus ina ndéantar aisghabháil nó diúscairt ina dhiaidh sin sa tír cinn scríbe, féadfaidh na húdaráis inniúla seolta agus cinn scríbe a chomhaontú go scaoilfear an ráthaíocht airgeadais nó an t-árachas coibhéiseach tar éis don údarás inniúil lena mbaineann an deimhniú dá dtagraítear in Airteagal 15(4) a fháil. Sa chás sin, déanfaidh an t-údarás inniúil a chinneann an ráthaíocht airgeadais nó an t-árachas coibhéiseach a scaoileadh a chinneadh a chur in iúl láithreach do na húdaráis inniúla eile lena mbaineann, agus cumhdófar aon loingsiú ina dhiaidh sin chuig saoráid aisghabhála nó diúscartha le ráthaíocht airgeadais nua nó le hárachas coibhéiseach mura deimhin leis an údarás inniúil cinn scríbe nach bhfuil gá leis an ráthaíocht airgeadais nó leis an árachas coibhéiseach sin. Sna himthosca sin, beidh an t-údarás inniúil cinn scríbe freagrach as oibleagáidí a thagann chun cinn i dtaca le cás glacadh ar ais i gcás nach féidir an loingsiú nó an aisghabháil nó an diúscairt ina dhiaidh sin a chur i gcrích mar a bhí beartaithe, dá dtagraítear in Airteagal 22, nó i gcás loingsiú neamhdhleathach, dá dtagraítear in Airteagal 25.

7.   Beidh rochtain ag an údarás inniúil laistigh den Aontas a d’fhormheas an ráthaíocht airgeadais nó an t-árachas coibhéiseach ar an ráthaíocht sin nó ar an árachas sin agus bainfidh sé leas as an gcistiú, lena n-áirítear chun íocaíochtaí a dhéanamh leis na húdaráis eile lena mbaineann, chun na hoibleagáidí a thagann chun cinn faoi Airteagail 24 agus 26 a chomhlíonadh.

8.   I gcás fógra ginearálta de bhun Airteagal 13, féadfar ráthaíocht airgeadais nó árachas coibhéiseach lena gcumhdaítear codanna den fhógra ginearálta a bhunú, seachas ceann lena gcumhdaítear an fógra ginearálta iomlán. I gcásanna den sórt sin, beidh feidhm ag an ráthaíocht airgeadais nó ag an árachas coibhéiseach maidir leis na codanna den loingsiú faoina dtugtar fógra agus a chumhdaítear léi ar a dhéanaí tráth a chomhlánaítear an doiciméad gluaiseachta i gcomhréir le hAirteagal 16(2).

9.   Scaoilfear an ráthaíocht airgeadais nó an t-árachas coibhéiseach dá dtagraítear i mír 8 den Airteagal seo nuair a fhaigheann an t-údarás inniúil a d’fhormheas é an deimhniú dá dtagraítear in Airteagal 16(6) nó, i gcás inarb ábhartha, in Airteagal 15(5), a mhéid a bhaineann le haisghabháil eatramhach nó diúscairt eatramhach le haghaidh na dramhaíola. Beidh feidhm mutatis mutandis ag mír 6 den Airteagal seo.

10.   Déanfaidh an Coimisiún measúnú ar a indéanta atá sé modh ríofa simplí, rioscabhunaithe agus comhchuibhithe a bhunú chun méid na ráthaíochtaí airgeadais nó na n-árachas coibhéiseach a chinneadh agus, más iomchuí, glacfaidh sé gníomh cur chun feidhme chun modh ríofa simplí, rioscabhunaithe agus comhchuibhithe den sórt sin a bhunú. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 81(2).

Agus an measúnú dá dtagraítear sa chéad fhomhír á dhéanamh ag an gCoimisiún, cuirfidh sé san áireamh, inter alia, rialacha ábhartha na mBallstát maidir leis an ráthaíocht airgeadais nó leis an árachas coibhéiseach dá dtagraítear san Airteagal seo a ríomh.

1.   Má mheastar nach ndearnadh an fógra mar is ceart dá dtagraítear in Airteagal 5(5), iarrfaidh an t-údarás inniúil seolta faisnéis agus doiciméadacht ón bhfógróir i gcomhréir le hAirteagal 5(3) agus, i gcás inarb infheidhme, le hAirteagal 5(4).

2.   Cuirfear an iarraidh ar fhaisnéis agus doiciméadacht dá dtagraítear i mír 1 faoi bhráid an fhógróra a luaithe is féidir, ach tráth nach déanaí ná 10 lá oibre tar éis an fógra a thíolacadh.

3.   Soláthróidh an fógróir an fhaisnéis agus an doiciméadacht dá dtagraítear i mír 1 a luaithe is féidir, agus tráth nach déanaí ná 10 lá oibre tar éis don údarás inniúil seolta an iarraidh a dhéanamh. Má iarrann an fógróir é, féadfaidh an t-údarás inniúil seolta síneadh ama réasúnta a chur leis an spriocdháta sin má thugann an fógróir míniú réasúnaithe i dtaobh cén fáth a bhfuil gá le síneadh den sórt sin chun gur féidir an fhaisnéis agus an doiciméadacht a iarradh a sholáthar.

4.   I gcás, tar éis don spriocdháta dá dtagraítear i mír 3 dul in éag, ina measann an t-údarás inniúil seolta nach ndearnadh an fógra mar is ceart dá dtagraítear in Airteagal 5(5), nó ina bhfuil faisnéis agus doiciméadacht bhreise dá dtagraítear in Airteagal 5(4) fós ag teastáil, féadfaidh sé, a luaithe is féidir, agus tráth nach déanaí ná 7 lá oibre tar éis don spriocdháta dá dtagraítear i mír 3 dul in éag, suas le dhá iarraidh eile ar fhaisnéis agus ar dhoiciméadacht a dhéanamh ón bhfógróir i gcomhréir le mír 2. Beidh feidhm mutatis mutandis ag mír 3 maidir le haon iarraidh den sórt sin.

5.   Féadfaidh an t-údarás inniúil seolta a chinneadh nach bhfuil an fógra bailí agus nach ndearnadh tuilleadh próiseála air, mura leor an fhaisnéis agus an doiciméadacht a soláthraíodh nó i gcás nár sholáthair an fógróir aon fhaisnéis, laistigh den spriocdháta dá dtagraítear i mír 3, nó i gcás ina ndearnadh an chéad iarraidh de bhun mhír 4, laistigh den spriocdháta dá dtagraítear sa mhír sin.

Cinnfidh an t-údarás inniúil seolta nach bhfuil an fógra bailí agus nach bhfuil tuilleadh próiseála le déanamh air, mura leor an fhaisnéis agus an doiciméadacht a soláthraíodh ar an iarraidh dheiridh a rinneadh i gcomhréir le mír 4 nó i gcás nár sholáthair an fógróir aon fhaisnéis, laistigh den spriocdháta dá dtagraítear i mír 4.

Cuirfidh an t-údarás inniúil seolta an fógróir agus na húdaráis inniúla eile lena mbaineann ar an eolas faoina chinneadh de bhun na míre seo a luaithe is féidir, ach tráth nach déanaí ná 7 lá oibre tar éis don spriocdháta dá dtagraítear i mír 3, nó, i gcás inarb infheidhme, i mír 4, dul in éag.

6.   I gcás ina measann an t-údarás inniúil seolta go ndearnadh an fógra mar is ceart dá dtagraítear in Airteagal 5(5), a luaithe is féidir, ach tráth nach déanaí ná 10 lá oibre tar éis an fógra arna dhéanamh mar is ceart a thíolacadh, nó laistigh de 7 lá oibre ón dáta tar éis don spriocdháta dá dtagraítear i mír 3, nó, i gcás inarb infheidhme, i mír 4, dul in éag, déanfaidh sé an fógróir agus údaráis inniúla eile lena mbaineann a chur ar an eolas faoin méid sin.

7.   I gcás ina measann an t-údarás inniúil cinn scríbe nó aon údarás inniúil idirthurais go bhfuil gá le faisnéis agus doiciméadacht i gcomhréir le hAirteagal 5(3) nó le faisnéis agus doiciméadacht bhreise dá dtagraítear in Airteagal 5(4), déanfaidh sé, a luaithe is féidir, ach tráth nach déanaí ná 10 lá oibre tar éis dó an fhaisnéis dá dtagraítear i mír 6 a fháil, an fhaisnéis agus an doiciméadacht sin a iarraidh ar an bhfógróir agus na húdaráis inniúla eile a chur ar an eolas faoin iarraidh sin.

8.   Soláthróidh an fógróir an fhaisnéis agus an doiciméadacht dá dtagraítear i mír 7, a luaithe is féidir, ach tráth nach déanaí ná 10 lá oibre tar éis na hiarrata ón údarás inniúil lena mbaineann.

Má iarrann an fógróir é, féadfaidh an t-údarás inniúil lena mbaineann síneadh ama réasúnta a chur leis an spriocdháta dá dtagraítear sa chéad fhomhír, má thugann an fógróir míniú réasúnaithe i dtaobh cén fáth a bhfuil gá le síneadh den sórt sin chun gur féidir an fhaisnéis agus an doiciméadacht a iarradh a sholáthar.

9.   I gcás ina measann an t-údarás inniúil cinn scríbe nó aon údarás inniúil idirthurais go bhfuil gá fós le faisnéis agus doiciméadacht de bhun Airteagal 5(3) nó le faisnéis agus doiciméadacht bhreise de bhun Airteagal 5(4), féadfaidh an t-údarás inniúil lena mbaineann, a luaithe is féidir, ach tráth nach déanaí ná 7 lá oibre tar éis don spriocdháta dá dtagraítear i mír 8 dul in éag, suas le dhá iarraidh eile a dhéanamh ar fhaisnéis agus doiciméadacht ón bhfógróir i gcomhréir le mír 7. Beidh feidhm mutatis mutandis ag mír 8 maidir le hiarraidh den sórt sin.

10.   Féadfaidh an t-údarás inniúil cinn scríbe nó aon údarás inniúil idirthurais a chinneadh nach bhfuil an fógra bailí agus nach ndéanfar tuilleadh próiseála air mura leor an fhaisnéis agus an doiciméadacht a soláthraíodh nó i gcás nár sholáthair an fógróir aon fhaisnéis laistigh den spriocdháta dá dtagraítear i mír 8 nó, i gcás ina ndearnadh an chéad iarraidh de bhun mhír 9, laistigh den spriocdháta dá dtagraítear sa mhír sin.

Cinnfidh an t-údarás cinn scríbe nó aon údarás inniúil idirthurais nach bhfuil an fógra bailí agus nach ndéanfar tuilleadh próiseála air, mura leor an fhaisnéis agus an doiciméadacht a soláthraíodh ar an iarraidh dheiridh a rinneadh i gcomhréir le mír 8 nó i gcás nár sholáthair an fógróir aon fhaisnéis, laistigh den spriocdháta dá dtagraítear i mír 8.

Cuirfidh an t-údarás inniúil cinn scríbe nó aon údarás inniúil idirthurais an fógróir agus na húdaráis inniúla eile lena mbaineann ar an eolas faoina chinneadh de bhun na míre seo, a luaithe is féidir, ach tráth nach déanaí ná 7 lá oibre tar éis don spriocdháta dá dtagraítear i mír 8, nó, i gcás inarb infheidhme, i mír 9 dul in éag.

11.   Cuirfidh an t-údarás inniúil cinn scríbe nó aon údarás inniúil idirthurais in iúl don fhógróir agus do na húdaráis inniúla eile lena mbaineann go bhfuil sé sásta leis an bhfógra arna dhéanamh mar is ceart, a luaithe is féidir ach tráth nach déanaí ná 3 lá oibre tar éis an fhaisnéis a fháil dá dtagraítear i mír 6 nó go bhfuil sé sásta leis an bhfaisnéis agus leis an doiciméadacht, a luaithe is féidir, ach tráth nach déanaí ná 3 lá oibre tar éis don fhógróir an fhaisnéis agus an doiciméadacht a iarradh a sholáthar de bhun mhír 8 agus, i gcás inarb ábhartha, mhír 9.

12.   I gcás inar comhlánaíodh an fógra mar is ceart, dá dtagraítear in Airteagal 5(6), agus an fhaisnéis dá dtagraítear i mír 11 á cur san áireamh, déanfaidh an t-údarás inniúil cinn scríbe an fógróir agus an t-údarás inniúil seolta agus aon údarás inniúil idirthurais lena mbaineann a chur ar an eolas láithreach faoi sin.

13.   I gcás, laistigh de 30 lá oibre ón lá tar éis an fógra a thíolacadh nó tar éis an fhaisnéis agus an doiciméadacht a bheith soláthraithe i gcomhréir le mír 3 nó 4, nár ghníomhaigh an t-údarás inniúil seolta i gcomhréir le mír 1, 5 nó 6, tabharfaidh sé míniú réasúnaithe don fhógróir arna iarraidh sin.

I gcás, laistigh de 30 lá oibre tar éis don spriocdháta dá dtagraítear i mír 7 dul in éag, nó tar éis faisnéis agus doiciméadacht a bheith soláthraithe i gcomhréir le mír 8 nó 9, nár ghníomhaigh an t-údarás inniúil cinn scríbe nó aon údarás inniúil idirthurais i gcomhréir le mír 7 nó mír 9, 10, 11 nó 12, soláthróidh sé míniú réasúnaithe don fhógróir arna iarraidh sin.

1.   Deanfaidh na húdaráis inniúla cinn scríbe, na húdaráis inniúla seolta agus na húdaráis inniúla idirthurais, laistigh de 30 lá ón dáta a cuireadh an fógróir ar an eolas i gcomhréir le hAirteagal 8(12) go bhfuil an fógra comhlánaithe mar is ceart, ceann de na cinntí seo a leanas, a bheidh réasúnaithe go cuí, maidir leis an loingsiú:

De mhaolú ar an gcéad fhomhír, féadfaidh an t-údarás inniúil seolta cinneadh a dhéanamh i gcomhréir leis an gcéad fhomhír, pointe (c) nó (d), tar éis dó an fógra a fháil agus sula measfaidh sé go ndearnadh mar is ceart é, más léir nár comhlíonadh na coinníollacha in Airteagal 11 nó go bhfuil forais ann le hagóid a dhéanamh i gcomhréir le hAirteagal 12.

De mhaolú ar an gcéad fhomhír, féadfaidh údarás inniúil lena mbaineann cinneadh a dhéanamh i gcomhréir leis an gcéad fhomhír, pointe (c) nó (d), roimh an dáta a cuireadh an fógróir ar an eolas i gcomhréir le hAirteagal 8(12), a luaithe a bheidh an fógra déanta mar is ceart, dá dtagraítear in Airteagal 5(5).

Féadfar glacadh leis go bhfuil toiliú intuigthe faighte ó na húdaráis inniúla idirthurais mura ndéanfar agóid a thaisceadh laistigh den teorainn ama 30 lá dá dtagraítear sa chéad fhomhír.

2.   Déanfaidh na húdaráis inniúla seolta, na húdaráis inniúla cinn scríbe, agus, i gcás inarb iomchuí, idirthurais, an fógróir a chur ar an eolas faoina gcinneadh agus na cúiseanna atá leis laistigh den teorainn ama 30 lá dá dtagraítear i mír 1, an chéad fhomhír, agus cuirfidh siad na húdaráis inniúla eile lena mbaineann ar an eolas faoin gcinneadh sin. Déanfaidh an t-údarás inniúil an fógróir agus na húdaráis inniúla eile lena mbaineann a chur ar an eolas láithreach faoi chinntí a dhéantar i gcomhréir le mír 1, an dara fomhír agus an tríú fomhír.

Beidh na toilithe intuigthe dá dtagraítear i mír 1, an ceathrú fomhír, bailí ar feadh na tréimhse a léirítear sa toiliú i scríbhinn arna thabhairt ag an údarás inniúil cinn scríbe i gcomhréir leis an gcéad fhomhír.

Más rud é, laistigh de 30 lá ón dáta a cuireadh an t-údarás inniúil seolta nó údarás inniúil idirthurais lena mbaineann ar an eolas i gcomhréir le hAirteagal 8(12), nach bhfuil cinneadh déanta ag aon cheann de na húdaráis inniúla lena mbaineann i gcomhréir leis an gcéad fhomhír de mhír 1, soláthróidh sé míniú réasúnaithe don fhógróir arna iarraidh sin.

3.   Má chuireann fógróir fógra isteach i gcomhréir le hAirteagal 5 agus, i gcás inarb ábhartha, le hAirteagal 13, chuig long, i gcomparáid le fógra toilithe, maidir leis an gcineál céanna dramhaíola ón suíomh céanna sa tír seolta chuig an gcoinsíní céanna agus chuig an tsaoráid chéanna agus trínarb ionann na tíortha idirthurais, más ann dóibh, cuirfidh na húdaráis inniúla aon fhaisnéis san áireamh a cuireadh isteach roimhe sin i gcomhréir le hAirteagal 5(2), (3) agus (4) nó le hAirteagal 13(2) agus (3) agus déanfaidh siad cinneadh i gcomhréir le mír 1 den Airteagal seo a luaithe is féidir.

4.   Rachaidh toiliú i scríbhinn maidir le loingsiú in éag ar an dáta is luaithe ag deireadh na dtréimhsí bailíochta mar a léirigh na húdaráis inniúla lena mbaineann. Ní chumhdófar leis tréimhse níos faide ná 1 bhliain.

5.   Ní dhéanfar an loingsiú ach amháin tar éis do na ceanglais a leagtar amach in Airteagal 16(1) agus (2) a bheith comhlíonta, agus le linn thréimhse bhailíochta an toilithe intuigthe nó an toilithe i scríbhinn ó na húdaráis inniúla uile lena mbaineann i gcomhréir le mír 4 den Airteagal seo. Beidh an dramhaíl faighte ag an tsaoráid lena haisghabháil nó lena diúscairt roimh dheireadh thréimhse bhailíochta an toilithe intuigthe nó an toilithe i scríbhinn ó na húdaráis inniúla uile lena mbaineann.

6.   Déanfar aisghabháil nó diúscairt na dramhaíola i ndáil leis an loingsiú a thabhairt chun críche tráth nach déanaí ná 1 bhliain tar éis fháil na dramhaíola ag an tsaoráid ina ndéanfar an dramhaíl a aisghabháil nó a dhiúscairt, mura léireoidh na húdaráis inniúla lena mbaineann ina gcinneadh tréimhse níos lú ná sin.

7.   Déanfaidh na húdaráis inniúla lena mbaineann a dtoiliú intuigthe nó a dtoiliú i scríbhinn a tharraingt siar, arna iarraidh sin don fhógróir nó i gcás ina mbeidh eolas acu ar aon cheann de na nithe seo a leanas:

8.   Cuirfidh an t-údarás inniúil lena mbaineann an fógróir, na húdaráis inniúla eile lena mbaineann agus an coinsíní ar an eolas faoi aon tarraingt siar toilithe, lena n-áirítear an chúis leis an tarraingt siar sin.

9.   I gcás ina ndéanfar toiliú ó aon cheann de na húdaráis inniúla lena mbaineann a tharraingt siar i gcomhréir le mír 7 den Airteagal seo, ní cheadófar leanúint den loingsiú dramhaíola ná den aisghabháil dramhaíola, i gcás inarb infheidhme, agus beidh feidhm ag Airteagal 22 nó Airteagal 25, de réir mar is ábhartha.

1.   Féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníollacha a leagan síos le haghaidh a dtoilithe maidir le loingsiú faoina dtugtar fógra. Beidh na coinníollacha sin réasúnaithe go cuí agus féadfar iad a bhunú ar cheann amháin nó níos mó de na coinníollacha a liostaítear in Airteagal 11 nó ar na forais a liostaítear in Airteagal 12.

2.   Chomh maith leis sin, féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníollacha a leagan síos maidir le dramhaíl a iompar laistigh dá ndlínse náisiúnta. Ní bheidh na coinníollacha iompair sin níos déine ná na cinn a leagtar síos maidir le hiompar dramhaíola arna ndéanamh go hiomlán laistigh dá ndlínse náisiúnta agus déanfar comhaontuithe atá ann cheana, go háirithe comhaontuithe idirnáisiúnta ábhartha, a chur san áireamh iontu.

3.   Chomh maith leis sin, féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníoll a leagan síos lena measfar go mbeidh a dtoiliú tarraingthe siar mura mbeidh an ráthaíocht airgeadais nó an t-árachas coibhéiseach infheidhme ar a dhéanaí tráth a chomhlánófar an doiciméad gluaiseachta de bhun Airteagal 16(2), mar a cheanglaítear le hAirteagal 7(3).

4.   Déanfaidh an t-údarás inniúil a leagann síos na coinníollacha iad a shonrú sa doiciméad fógartha nó a chur i gceangal leis an doiciméad sin.

5.   Ina theannta sin, féadfaidh an t-údarás inniúil cinn scríbe, laistigh den teorainn ama 30 lá dá dtagraítear in Airteagal 9(1), coinníoll a leagan síos go gcoinneoidh an tsaoráid a gheobhaidh an dramhaíl taifead rialta ar ionchuir, aschuir agus/nó iarmhéideanna le haghaidh na ndramhaíolacha agus na n-oibríochtaí aisghabhála nó diúscartha gaolmhara mar a shonraítear san fhógra, agus ar feadh thréimhse bhailíochta an fhógra. Síneoidh duine a bheidh freagrach go dlíthiúil as an tsaoráid na taifid sin agus cuirfear na taifid faoi bhráid an údaráis inniúil cinn scríbe laistigh de 1 mhí ó chur i gcrích na hoibríochta aisghabhála nó diúscartha faoina dtugtar fógra.

1.   I gcás ina gcuirtear isteach fógra maidir le loingsiú dramhaíola atá beartaithe lena diúscairt i gcomhréir le hAirteagal 5, ní thabharfaidh na húdaráis inniúla seolta ná na húdaráis inniúla cinn scríbe a dtoiliú maidir leis an loingsiú sin, laistigh den teorainn ama 30 lá dá dtagraítear in Airteagal 9(1), ach amháin sa chás go gcomhlíontar gach ceann de na coinníollacha seo a leanas:

2.   De mhaolú ar mhír 1, pointe (a), i gcás ina léiríonn an fógróir go dtáirgtear an dramhaíl lena mbaineann i gcainníocht chomh beag sin go foriomlán in aghaidh na bliana i mBallstát seolta nach mbeadh soláthar saoráidí diúscartha speisialaithe nua laistigh den Bhallstát sin inmharthana ar bhonn eacnamaíoch, ní bheidh feidhm ag na coinníollacha a leagtar amach i mír 1, pointí (a)(ii) agus (iii).

3.   I gcás ina dtugann údarás inniúil idirthurais toiliú maidir le loingsiú i gcomhréir le hAirteagal 9(1), ní chuirfear san áireamh ach na coinníollacha a leagtar amach i mír 1, pointí (b),(c), (e) agus (f), den Airteagal seo.

4.   Déanfar tagairt sa tuarascáil don fhaisnéis maidir le toilithe arna dtabhairt ag údaráis inniúla, i gcomhréir le mír 1 gcomhréir le hAirteagal 73. Cuirfidh an Coimisiún na Ballstáit go léir ar an eolas faoi na toilithe sin a glacadh sa bhliain féilire roimhe sin.

5.   Faoin 21 Bealtaine 2027, glacfaidh an Coimisiún gníomh cur chun feidhme lena mbunófar critéir mhionsonraithe maidir le cur i bhfeidhm aonfhoirmeach na gcoinníollacha a leagtar síos i mír 1, pointe (a), chun a shonrú conas atá an indéantacht theicniúil agus an inmharthanacht eacnamaíoch dá dtagraítear i bpointí (a)(i) agus (ii) den mhír sin le léiriú ag fógróirí agus le measúnú ag údaráis inniúla. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 81(2).

1.   I gcás ina mbeidh fógra curtha isteach maidir le loingsiú dramhaíola atá beartaithe lena haisghabháil i gcomhréir le hAirteagal 5, féadfaidh na húdaráis inniúla cinn scríbe agus na húdaráis inniúla seolta, laistigh den teorainn ama 30 lá dá dtagraítear in Airteagal 9(1), agóidí réasúnaithe a dhéanamh bunaithe ar cheann amháin nó níos mó de na forais seo a leanas:

2.   Féadfaidh na húdaráis inniúla idirthurais, laistigh den teorainn ama 30 lá dá dtagraítear i mír 1, agóidí réasúnaithe a dhéanamh maidir leis an loingsiú dramhaíola atá beartaithe lena haisghabháil. Beidh aon agóid den sórt sin bunaithe ar na forais a leagtar amach i mír 1, pointí (c), (f), (g) agus (h), agus ar na forais sin amháin.

3.   I gcás ina measfaidh na húdaráis inniúla, laistigh den teorainn ama 30 lá dá dtagraítear i mír 1, gur réitíodh na fadhbanna ónar eascair a n-agóidí, cuirfidh siad an fógróir ar an eolas láithreach maidir leis an méid sin.

4.   I gcás nach mbeidh na fadhbanna ónar eascair na hagóidí sin réitithe laistigh den teorainn ama 30 lá dá dtagraítear i mír 1, scoirfidh an fógra maidir leis an loingsiú dramhaíola atá beartaithe lena haisghabháil de bheith bailí. I gcásanna ina mbeidh sé beartaithe go fóill ag an bhfógróir an loingsiú a dhéanamh, déanfar fógra nua a chur isteach, mura gcomhaontóidh gach údarás inniúil lena mbaineann agus an fógróir a mhalairt.

5.   Déanfar agóidí arna n-ardú ag údaráis inniúla ar na forais a leagtar amach i mír 1, pointí (d) agus (e), den Airteagal seo agus na cúiseanna leis na hagóidí sin a chur in iúl don Choimisiún i gcomhréir le hAirteagal 73.

6.   I gcomhréir le hAirteagal 9(2), cuirfidh na húdaráis inniúla an fógróir ar an eolas faoi na cúiseanna lena n-agóidí maidir le loingsiú.

7.   Cuirfidh na Ballstáit seolta an Coimisiún agus na Ballstáit eile ar an eolas faoin reachtaíocht náisiúnta a bhféadfadh agóidí arna ndéanamh ag na húdaráis inniúla i gcomhréir le mír 1, pointe (d) a bheith bunaithe orthu, agus luafaidh siad na hoibríochtaí dramhaíola agus aisghabhála chomh maith le hoibríochtaí aisghabhála nó diúscartha na dramhaíola iarmharaí arna giniúint trí aisghabháil na dramhaíola lena mbaineann, sula ndéanfar reachtaíocht náisiúnta den sórt sin a agairt mar fhorais le hagóidí réasúnaithe.

Cuirfidh na Ballstáit cinn scríbe an Coimisiún agus na Ballstáit eile ar an eolas faoi chinntí nó faoi reachtaíocht náisiúnta a bhféadfaidh agóidí arna ndéanamh ag údaráis inniúla i gcomhréir le mír 1, pointe (e), a bheith bunaithe orthu agus luafaidh siad cé na hoibríochtaí dramhaíola agus aisghabhála a mbeidh feidhm ag na hagóidí sin ina leith, sula ndéanfar na cinntí sin nó an reachtaíocht náisiúnta sin a agairt mar fhorais le hagóidí réasúnaithe.

1.   Féadfaidh an fógróir fógra ginearálta lena gcumhdaítear roinnt loingsithe éagsúla a chur isteach i gcás ina gcomhlíontar gach ceann de na ceanglais seo a leanas:

2.   Féadfaidh an fógróir ceann amháin nó níos mó de ródúcháin mhalartacha féideartha a léiriú in iarscríbhinn a ghabhann leis an doiciméad fógartha. Soláthrófar sa doiciméad gluaiseachta arna chomhlánú i gcomhréir le hAirteagal 16(2) faisnéis maidir leis an ródúchán a shonraítear sa doiciméad fógartha atá le leanúint, agus maidir le haon ródúcháin mhalartacha a bheidh le leanúint i gcás imthosca atá gan choinne agus a shonrófar sa doiciméad fógartha.

3.   Féadfaidh na húdaráis inniúla lena mbaineann a gcomhaontú maidir le húsáid fógra ghinearálta a chur faoi réir faisnéis agus doiciméadacht bhreise a sholáthar ina dhiaidh sin, i gcomhréir le hAirteagal 5(3) go (6).

1.   Féadfaidh duine dlítheanach nó duine nádúrtha ar leis saoráid aisghabhála nó atá ag feidhmiú rialú ar an tsaoráid sin iarraidh a chur isteach chun an tsaoráid sin a bheith réamhthoilithe chuig an údarás inniúil lena bhfuil dlínse aige ar an tsaoráid, mar a ainmnítear de bhun Airteagal 75.

Ní bheidh saoráidí nach ndéanann ach oibríocht R13 incháilithe chun iarraidh a chur isteach dá dtagraítear sa chéad fhomhír.

2.   Áireofar an fhaisnéis seo a leanas san iarraidh dá dtagraítear i mír 1:

3.   Tá sé de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 80 chun mír 2 den Airteagal seo a leasú a mhéid a bhaineann le faisnéis atá le háireamh san iarraidh.

4.   Beidh feidhm ag an nós imeachta dá dtagraítear i míreanna 5 go 10 den Airteagal seo maidir le saoráid ar cuireadh iarraidh isteach ina leith a réamhthoiliú i gcomhréir le mír 1.

5.   Laistigh de 55 lá tar éis don údarás inniúil iarraidh a fháil arna cur isteach de bhun mhír 1 agus ina mbeidh an fhaisnéis dá dtagraítear i mír 2, déanfaidh sé an iarraidh a mheasúnú agus déanfaidh sé cinneadh i dtaobh an ndéanfaidh sé an iarraidh a fhormheas.

6.   I gcás ina mbeidh gach faisnéis dá dtagraítear i mír 2 soláthraithe ag an duine dlítheanach nó an duine nádúrtha dá dtagraítear i mír 1, déanfaidh an t-údarás inniúil an iarraidh a fhormheas agus eiseoidh sé réamhthoiliú maidir leis an tsaoráid lena mbaineann. Féadfar coinníollacha a bheith sa réamhthoiliú a bhaineann le fad an réamhthoilithe, cineálacha agus cainníochtaí na dramhaíola a chumhdaítear leis an réamhthoiliú, an teicneolaíocht a úsáidtear nó coinníollacha eile atá ag teastáil chun a áirithiú go ndéantar an dramhaíl a bhainistiú ar bhealach atá neamhdhíobhálach don chomhshaol.

7.   De mhaolú ar mhír 6, féadfaidh an t-údarás inniúil diúltú an iarraidh ar réamhthoiliú a fhormheas mura deimhin leis go n-áiritheofar le heisiúint an réamhthoilithe go ndéanfar an dramhaíl a bhainistiú i gcomhréir le hord na réiteach dramhaíola agus le ceanglais eile a leagtar síos i dTreoir 2008/98/CE nó, i gcás inarb ábhartha, go gcuirfear na teicnící is fearr atá ar fáil i bhfeidhm i gcomhréir leis na conclúidí arna mbunú faoi Threoir 2010/75/AE.

8.   Cuirfear in iúl an cinneadh chun an iarraidh maidir le réamhthoiliú a dhiúltú nó a fhormheas don duine dlítheanach nó don duine nádúrtha a chuir an iarraidh isteach a luaithe a dhéanfaidh an t-údarás inniúil é agus beidh sé réasúnaithe go cuí.

9.   Beidh réamhthoiliú ó shaoráid aisghabhála bailí ar feadh 10 mbliana, mura sonraítear a mhalairt sa chinneadh an iarraidh ar réamhthoiliú a fhormheas. Le linn na tréimhse sin, déanfaidh an t-údarás inniúil cigireacht amháin ar a laghad i gcomhréir le hAirteagal 60. Déanfar cigireachtaí breise más gá ar bhonn an chur chuige measúnaithe rioscabhunaithe dá dtagraítear in Airteagal 62.

10.   Féadfaidh an t-údarás inniúil réamhthoiliú saoráide aisghabhála a chúlghairm tráth ar bith, má bhíonn faisnéis ar fáil a léiríonn go bhfuil an fhaisnéis a soláthraíodh i gcomhréir le mír 2 bréagach nó nach bhfuil na coinníollacha i mír 6 á gcomhlíonadh a thuilleadh. Beidh cinneadh chun réamhthoiliú a chúlghairm réasúnaithe go cuí agus cuirfear in iúl é don tsaoráid lena mbaineann.

11.   Déanfaidh an duine dlítheanach nó an duine nádúrtha dá dtagraítear i mír 1 aon athrú san fhaisnéis arna cur isteach i gcomhréir le mír 2 a chur in iúl don údarás inniúil láithreach. Déanfaidh an t-údarás inniúil lena mbaineann measúnú cuí ar na hathruithe sin agus, más gá, déanfaidh sé an réamhthoiliú a nuashonrú nó a chúlghairm.

12.   I gcás fógra ginearálta a chuirtear isteach i gcomhréir le hAirteagal 13 a bhaineann le loingsithe atá ceaptha dul chuig saoráid réamhthoilithe, déanfar an tréimhse bhailíochta maidir leis an toiliú dá dtagraítear in Airteagal 9(4) a fhadú go 3 bliana.

De mhaolú ar an gcéad fhomhír, féadfaidh na húdaráis inniúla lena mbaineann a chinneadh, i gcásanna a bhfuil údar cuí leo, fadú a chur leis an tréimhse bhailíochta ar feadh tréimhse níos giorra ná 3 bliana.

13.   Déanfaidh na húdaráis inniúla a d’eisigh réamhthoiliú maidir le saoráid i gcomhréir leis an Airteagal seo, tríd an bhfoirm a leagtar amach in Iarscríbhinn VI a úsáid, an méid seo a leanas a chur in iúl don Choimisiún agus, i gcás inarb iomchuí, do Rúnaíocht ECFE:

14.   De mhaolú ar Airteagail 9, 10 agus 12, beidh an toiliú arna thabhairt i gcomhréir le hAirteagal 9(1), na coinníollacha arna bhforchur i gcomhréir le hAirteagal 10 nó na hagóidí arna ndéanamh i gcomhréir le hAirteagal 12 ag gach údarás inniúil lena mbaineann i leith fógra maidir le loingsiú atá beartaithe lena sheoladh chuig saoráid réamhthoilithe faoi réir teorainn ama de 7 lá oibre tar éis an dáta ar cuireadh an fógróir ar an eolas i gcomhréir le hAirteagal 8(12) go raibh an fógra comhlánaithe mar is ceart.

15.   Más mian le húdarás inniúil amháin nó níos mó faisnéis bhreise a iarraidh i gcomhréir le hAirteagal 8(2), (4), (7) nó (9), i ndáil le fógra maidir le loingsithe chuig saoráid réamhthoilithe, déanfar na tréimhsí a luaitear sna míreanna sin, agus in Airteagal 8(3) agus (8), a ghiorrú go:

16.   D’ainneoin mhír 14, féadfaidh údarás inniúil cinn scríbe lena mbaineann a chinneadh go bhfuil tuilleadh ama ag teastáil chun faisnéis nó doiciméadacht bhreise a fháil ón bhfógróir.

I gcásanna den sórt sin, déanfaidh an t-údarás inniúil sin, laistigh de 7 lá oibre ón dáta tar éis a cuireadh in iúl don fhógróir i gcomhréir le hAirteagal 8(12) go bhfuil an fógra comhlánaithe mar is ceart, an méid sin a chur in iúl don fhógróir agus do na húdaráis inniúla eile lena mbaineann.

Ní bheidh an t-am iomlán atá ag teastáil chun ceann de na cinntí dá dtagraítear in Airteagal 9(1) a dhéanamh níos mó ná 30 lá ón dáta a cuireadh in iúl don fhógróir i gcomhréir le hAirteagal 8(12) go bhfuil an fógra comhlánaithe mar is ceart.

1.   I gcás ina bhfuil loingsiú beartaithe le haghaidh aisghabháil eatramhach nó diúscairt eatramhach, léireofar freisin sa doiciméad fógartha na saoráidí uile ina bhfuil sé beartaithe aisghabháil eatramhach nó neamheatramhach í nó diúscairt eatramhach nó neamheatramhach a dhéanamh ina dhiaidh sin, sa bhreis ar an aisghabháil eatramhach tosaigh nó an diúscairt eatramhach tosaigh.

2.   Ní thabharfaidh na húdaráis inniúla seolta agus na húdaráis inniúla cinn scríbe a dtoiliú do loingsiú dramhaíola atá beartaithe le haghaidh oibríocht aisghabhála eatramhaí nó oibríocht diúscartha eatramhaí ach amháin má mheasann siad go bhfuil na coinníollacha in Airteagal 11 á gcomhlíonadh nó nach bhfuil aon chúis acu le hagóid a dhéanamh, i gcomhréir le hAirteagal 12, maidir leis an loingsiú nó na loingsithe chuig na saoráidí a dhéanann aon aisghabháil eatramhach nó neamheatramhach nó diúscairt eatramhach nó neamheatramhach ina dhiaidh sin.

3.   Laistigh de dhá lá oibre tar éis don tsaoráid ina ndéantar oibríocht aisghabhála eatramhaí nó oibríocht diúscartha eatramhaí an dramhaíl a fháil, soláthróidh an tsaoráid sin deimhniú chuig an bhfógróir agus do na húdaráis inniúla lena mbaineann go bhfuarthas an dramhaíl. Déanfar an deimhniú sin a sholáthar sa doiciméad gluaiseachta nó a chur i gceangal leis.

4.   A luaithe is féidir, ach tráth nach déanaí ná 30 lá tar éis chur i gcrích oibríocht aisghabhála eatramhaí nó oibríocht diúscartha eatramhaí, agus tráth nach déanaí ná 1 bhliain, nó an tréimhse níos giorra dá dtagraítear in Airteagal 9(6), tar éis an dramhaíl a fháil, déanfaidh an tsaoráid a dhéanfaidh an oibríocht sin, faoina freagracht, deimhniú a sholáthar don fhógróir agus do na húdaráis inniúla lena mbaineann gur cuireadh an oibríocht i gcrích. Déanfar an deimhniú sin a sholáthar sa doiciméad gluaiseachta nó a chur i gceangal leis.

5.   I gcás ina ndéanfaidh saoráid aisghabhála nó saoráid diúscartha a dhéanann oibríocht aisghabhála eatramhaí nó oibríocht diúscartha eatramhaí an dramhaíl a sholáthar le haghaidh aon oibríocht aisghabhála eatramhaí nó neamheatramhaí ina dhiaidh sin nó aon oibríocht diúscartha eatramhaí nó neamheatramhaí ina dhiaidh sin chuig saoráid atá sa tír cinn scríbe, gheobhaidh an chéad saoráid a luaithe is féidir ach tráth nach déanaí ná 1 bhliain, nó an tréimhse níos giorra dá dtagraítear in Airteagal 9(6), tar éis an dramhaíl a sheachadadh, deimhniú ón tsaoráid sin gur cuireadh an oibríocht diúscartha eatramhaí nó neamheatramhaí agus an oibríocht diúscartha eatramhaí nó neamheatramhaí i gcrích.

Déanfaidh an tsaoráid a chuirfidh i gcrích oibríocht aisghabhála eatramhaí nó oibríocht diúscartha eatramhaí dá dtagraítear i mír 3 na deimhnithe ábhartha a tharchur go pras chuig an bhfógróir agus chuig na húdaráis inniúla lena mbaineann, lena sainaithneofar na loingsithe lena mbaineann na deimhnithe.

6.   Chun comhsheasmhacht inneachar an deimhnithe sa chéad fhomhír de mhír 5 a áirithiú ar fud an Aontais, déanfaidh an Coimisiún, in am trátha sula nglacfaidh sé an gníomh cur chun feidhme de bhun Airteagal 27(5), agus tráth nach déanaí ná an 21 Bealtaine 2025, gníomh tarmligthe a ghlacadh lena bhforlíontar an tAirteagal seo lena mbunófar an fhaisnéis atá le soláthar i ndeimhniú den sórt sin. Déanfar an gníomh tarmligthe sin a ghlacadh i gcomhréir le hAirteagal 80.

7.   I gcás ina ndéantar seachadadh dá dtagraítear i mír 5 den Airteagal seo chuig saoráid atá suite sa tír seolta tosaigh nó i mBallstát eile agus ina mbaineann sé le loingsithe dramhaíola dá dtagraítear in Airteagal 4(1), (2) nó (3) éileofar fógra nua i gcomhréir leis an Rialachán seo.

8.   I gcás ina ndéantar seachadadh dá dtagraítear i mír 5 den Airteagal seo chuig saoráid atá lonnaithe i dtríú tír agus ina mbaineann sé le loingsithe dá dtagraítear in Airteagal 4(1), (2) nó (3), éileofar fógra nua i gcomhréir leis an Rialachán seo agus beidh feidhm ag na forálacha maidir le húdaráis inniúla lena mbaineann freisin maidir le húdarás inniúil bunaidh na tíre seolta bunaidh.

1.   Tar éis do na húdaráis inniúla lena mbaineann toiliú a thabhairt maidir le loingsiú faoina dtugtar fógra, comhlánóidh gach gnóthas lena mbaineann an doiciméad gluaiseachta, nó, i gcás fógra ginearálta, na doiciméid ghluaiseachta ag na pointí a shonraítear. Áiritheoidh siad go ndéanfar an fhaisnéis sa doiciméad gluaiseachta a chur ar fáil go leictreonach trí chóras dá dtagraítear in Airteagal 27, lena n-áirítear le linn thréimhse an iompair dramhaíola, do na daoine nádúrtha agus dlítheanacha eile a bhfuil baint acu leis an loingsiú, do na húdaráis inniúla lena mbaineann agus do na húdaráis a bhfuil baint acu le cigireachtaí.

2.   A luaithe a bheidh toiliú i scríbhinn faighte ag an bhfógróir ó na húdaráis inniúla seolta, cinn scríbe agus idirthurais, nó a luaithe a fhéadfaidh sé glacadh leis gur tugadh toiliú intuigthe i ndáil leis an údarás inniúil idirthurais, soláthróidh an fógróir dáta iarbhír an loingsithe agus comhlánóidh sé an doiciméad gluaiseachta a mhéid is féidir, i gcomhréir leis na treoracha maidir leis na doiciméid fógartha agus ghluaiseachta in Iarscríbhinn IA agus in Iarscríbhinn IB a chomhlánú i gcomhréir le hIarscríbhinn IC, agus cuirfidh sé faoi bhráid na n-údarás inniúil lena mbaineann agus faoi bhráid na daoine nádúrtha agus dlítheanacha eile a bhfuil baint acu leis an loingsiú, dhá lá oibre ar a laghad sula gcuirfear tús leis an loingsiú. Mar sin féin, féadfar faisnéis maidir le cainníocht iarbhír na dramhaíola, an t-iompróir nó na hiompróirí agus, i gcás inarb infheidhme, uimhir aitheantais an choimeádáin a thíolacadh, ar a dhéanaí, sula gcuirfear tús leis an loingsiú.

3.   Áiritheoidh an fógróir, chomh maith leis an doiciméad gluaiseachta a chur ar fáil i gcomhréir le mír 1, go ndéanfar an doiciméad fógartha ina bhfuil na toilithe agus na coinníollacha arna bhforchur ag na húdaráis inniúla lena mbaineann a chur ar fáil go leictreonach, lena n-áirítear le linn an iompair dramhaíola, do na húdaráis inniúla lena mbaineann agus do na húdaráis a bhfuil baint acu le cigireachtaí.

4.   I gcás nach féidir na doiciméid dá dtagraítear i míreanna 1 agus 3 a chur ar fáil ar líne le linn an iompair dramhaíola, áiritheoidh an fógróir agus an t-iompróir nó na hiompróirí go mbeidh na doiciméid ar fáil ar mhodh eile san fheithicil iompair. I gcásanna den sórt sin, áiritheoidh an fógróir go dtíolacfar trí chóras dá dtagraítear in Airteagal 27 aon athrú nó aon bhreisiú a dhéanfar ar na doiciméid le linn an iompair dramhaíola.

5.   Déanfaidh an tsaoráid, laistigh de 2 lá oibre tar éis di an dramhaíl a fháil, deimhniú a sholáthar chuig an bhfógróir agus chuig na húdaráis inniúla lena mbaineann go bhfuarthas an dramhaíl. Déanfar an deimhniú sin a sholáthar sa doiciméad gluaiseachta nó a chur i gceangal leis.

6.   Déanfaidh an tsaoráid a chuirfidh i gcrích oibríocht aisghabhála neamheatramhaí nó oibríocht diúscartha neamheatramhaí, a luaithe is féidir agus tráth nach déanaí ná 30 lá tar éis chur i gcrích na hoibríochta sin, agus tráth nach déanaí ná 1 bhliain, nó an tréimhse is giorra ná sin dá dtagraítear in Airteagal 9(6), tar éis fháil na dramhaíola faoina freagracht, deimhniú a sholáthar gur tugadh an aisghabháil neamheatramhach nó an diúscairt neamheatramhach chun críche.

7.   Cuirfear an deimhniú dá dtagraítear i mír 6 faoi bhráid an fhógróra agus na n-údarás inniúil lena mbaineann.

1.   Má dhéantar aon athrú bunriachtanach ar shonraithe nó coinníollacha an toilithe, cuirfidh an fógróir na húdaráis inniúla lena mbaineann agus an coinsíní ar an eolas láithreach agus, i gcás inar féidir, sula dtosóidh loingsiú. Measfar gur athruithe bunriachtanacha iad, inter alia, athruithe i gcomparáid leo sin a luaitear san fhógra, maidir le cainníocht na dramhaíola, sa ródú, lena n-áirítear bealaí malartacha a d’fhéadfadh a bheith ann, dáta nó dátaí an loingsithe nó an t-iompróir nó na hiompróirí, nó athruithe ar fhad an loingsithe, i ngeall ar imthosca gan choinne arb ann dóibh tar éis thús an loingsithe, a mbeidh sé mar thoradh orthu go rachaidh loingsiú thar a thréimhse bhailíochta.

2.   I gcás athrú bunriachtanach dá dtagraítear i mír 1, cuirfear fógra nua isteach, mura rud é go measann na húdaráis inniúla go léir lena mbaineann nach bhfuil gá le fógra nua agus cuirfidh siad an fógróir ar an eolas faoi sin. Cuirfidh na húdaráis inniúla an fógróir ar an eolas faoin méid sin a luaithe is féidir ach tráth nach déanaí ná 5 lá oibre tar éis dóibh an fhaisnéis a fháil de bhun mhír 1. Ní dhéanfar loingsiú dramhaíola a bhí pleanáilte go dtí go gcuirfidh na húdaráis inniúla lena mbaineann an fógróir ar an eolas faoi. I gcás ina bhfuil loingsiú tosaithe cheana, áiritheoidh an fógróir go gcuirfear stop leis an gcoinsíneacht a luaithe is indéanta go dtí go gcuirfidh na húdaráis inniúla lena mbaineann an fógróir ar an eolas i dtaobh an bhfuil gá le fógra nua.

3.   I gcás ina mbeidh údaráis inniúla seachas na húdaráis inniúla lena mbaineann páirteach sna hathruithe bunriachtanacha dá dtagraítear i mír 1, cuirfear fógra nua isteach.

1.   Loingsithe dramhaíola dá dtagraítear in Airteagal 4(4) agus (5), beidh siad faoi réir na gceanglas ginearálta faisnéise a leagtar amach i míreanna 2 go 10 den Airteagal seo.

2.   Ní fhéadfaidh an duine a shocraíonn loingsiú dá dtagraítear in Airteagal 3, pointí (7)(ii), (iii) agus (iv), loingsiú dá dtagraítear i mír 1 a shocrú ach amháin tar éis cead a bheith faighte ag an duine sin nó tar éis don duine sin a bheith cláraithe i gcomhréir le Caibidil IV de Threoir 2008/98/CE.

3.   Ní dhéanfaidh an duine a shocraíonn an loingsiú dramhaíl a loingsiú ach amháin chuig saoráid aisghabhála dramhaíola a bhfuil cead nó clárú faighte aici i gcomhréir le Caibidil IV de Threoir 2008/98/CE. Cuirfidh an tsaoráid an cead nó cruthúnas ar chlárú faoi bhráid an duine a shocraíonn an loingsiú sula dtarlóidh an loingsiú.

4.   Comhlánóidh gach gnóthas a bhfuil baint aige leis an loingsiú an fhoirm a leagtar amach in Iarscríbhinn VII leis an bhfaisnéis ábhartha ag na pointí a luaitear agus áiritheoidh siad go gcuirfear an fhaisnéis ar fáil go leictreonach i gcomhréir le hAirteagal 27, lena n-áirítear le linn an iompair dramhaíola, do na daoine eile a bhfuil baint acu leis an loingsiú, do na húdaráis inniúla lena mbaineann agus do na húdaráis a bhfuil baint acu le cigireacht.

I gcás nach é an duine a shocraíonn an loingsiú táirgeoir bunaidh na dramhaíola dá dtagraítear in Airteagal 3, pointe (7)(i), áiritheoidh an duine a shocraíonn an loingsiú go síneoidh táirgeoir bunaidh na dramhaíola nó duine de na daoine a luaitear in Airteagal 3, pointe (7)(ii), (iii) nó (v), i gcás inarb indéanta, an doiciméad in Iarscríbhinn VII freisin.

5.   Déanfaidh an duine a shocraíonn an loingsiú an fhoirm a leagtar amach in Iarscríbhinn VII a chomhlánú leis an bhfaisnéis ábhartha a mhéid is féidir, tráth nach déanaí ná 2 lá oibre sula gcuirfear tús leis an loingsiú. Mar sin féin, féadfar faisnéis maidir le cainníocht iarbhír na dramhaíola, an t-iompróir nó na hiompróirí agus, i gcás inarb infheidhme, uimhir aitheantais an choimeádáin a chur isteach, ar a dhéanaí, sula gcuirfear tús leis an loingsiú.

6.   Mura féidir an fhaisnéis dá dtagraítear i míreanna 4 agus 5 a chur ar fáil ar líne le linn an iompair dramhaíola, áiritheoidh an duine a shocraíonn an loingsiú agus an t-iompróir nó na hiompróirí go gcuirfear an fhaisnéis ar fáil ar mhodh eile san fheithicil iompair, ar choinníoll go mbeidh an fhaisnéis comhsheasmhach leis an bhfaisnéis a chuirfear ar fáil go leictreonach i gcomhréir le mír 4 agus mír 5. I gcásanna den sórt sin, áiritheoidh an duine a shocraíonn an loingsiú go ndéanfar aon athrú nó aon bhreisiú ar na doiciméid le linn an iompair dramhaíola a thíolacadh trí chóras dá dtagraítear in Airteagal 27.

7.   I gcás ina bhfuil loingsiú beartaithe le haghaidh aisghabháil eatramhach, déanfar an tsaoráid ina bhfuil sé beartaithe aisghabháil eatramhach nó neamheatramhach a chur i gcrích díreach tar éis na haisghabhála eatramhaí tosaigh, agus R-chóid na n-oibríochtaí sin, a léiriú freisin i ndoiciméad Iarscríbhinn VII chomh maith leis an aisghabháil eatramhach tosaigh, agus, i gcás inarb indéanta, léireofar na saoráidí ina bhfuil sé beartaithe aisghabháil a dhéanamh ina dhiaidh sin ar an aisghabháil eatramhach nó neamheatramhach agus R-chóid na n-oibríochtaí aisghabhála gaolmhara sin.

8.   Déanfaidh an tsaoráid aisghabhála nó an tsaotharlann, laistigh de dhá lá oibre tar éis an dramhaíl a fháil, deimhniú a sholáthar don duine a shocraíonn an loingsiú go bhfuarthas an dramhaíl tríd an bhfaisnéis ábhartha atá in Iarscríbhinn VII a chomhlánú. I gcás nach bhfuil rochtain ag an tsaoráid aisghabhála nó ag an tsaotharlann ar chóras dá dtagraítear in Airteagal 27, soláthróidh sí an deimhniú tríd an duine a shocraíonn an loingsiú.

9.   Soláthróidh an tsaoráid aisghabhála deimhniú, faoina freagracht féin, a luaithe is féidir agus tráth nach déanaí ná 30 lá tar éis chur i gcrích na hoibríochta aisghabhála, agus tráth nach déanaí ná 1 bhliain tar éis fháil na dramhaíola, gur cuireadh an aisghabháil i gcrích tríd an bhfaisnéis ábhartha a chuimsítear in Iarscríbhinn VII a líonadh isteach. I gcás nach bhfuil rochtain ag an tsaoráid aisghabhála ar chóras dá dtagraítear in Airteagal 27, soláthróidh sí an deimhniú tríd an duine a shocraíonn an loingsiú.

10.   Beidh gach loingsiú dramhaíola dá dtagraítear in Airteagal 4(4) agus (5) faoi réir an cheanglais maidir le conradh a thabhairt i gcrích idir an duine a shocraíonn an loingsiú dramhaíola agus an coinsíní chun an dramhaíl a aisghabháil. Murab é an coinsíní oibreoir na saoráide, síneoidh oibreoir na saoráide an conradh freisin.

Tabharfar an conradh dá dtagraítear sa chéad fhomhír i gcrích agus beidh éifeacht leis ar a dhéanaí faoin tráth a chomhlánófar doiciméad Iarscríbhinn VII i gcomhréir le mír 5 agus leanfaidh sé d’éifeacht a bheith leis ar feadh thréimhse an loingsithe go dtí go n-eiseofar deimhniú i gcomhréir le mír 9.

Beidh an conradh comhsheasmhach leis an doiciméad nó na doiciméid chomhfhreagracha in Iarscríbhinn VII agus, ar a laghad, beidh faisnéis ann faoin duine a shocraíonn an loingsiú dramhaíola, faoin gcoinsíní agus faoin tsaoráid, faoi chéannacht na ndaoine a dhéanann ionadaíocht ar gach páirtí, an tuairisc ar an dramhaíl, na cóid sainaitheanta dramhaíola, cainníocht na dramhaíola a chumhdaítear leis an gconradh, an oibríocht aisghabhála agus tréimhse bhailíochta an chonartha.

I gcás nach féidir loingsiú dramhaíola ná aisghabháil na dramhaíola sin a chur i gcrích mar a bhí beartaithe nó i gcás ina ndearnadh an loingsiú mar loingsiú neamhdhleathach, áireofar sa chonradh oibleagáid go bhfuil ar an duine a shocraíonn an loingsiú nó, i gcás nach féidir leis an duine sin chur i gcrích an loingsiú dramhaíola ná aisghabháil na dramhaíola sin a áirithiú, ar an gcoinsíní í a ghlacadh ar ais nó a áirithiú go ndéanfar í a aisghabháil ar bhealach malartach, agus, más gá, go stórálfar í idir an dá linn.

11.   Soláthróidh an duine a shocraíonn an loingsiú nó an coinsíní cóip den chonradh dá dtagraítear i mír 10 agus cóip d’aon chomhaontú de bhun Airteagal 4(5) do na húdaráis a bhfuil baint acu le cigireachtaí arna iarraidh sin dóibh.

12.   An fhaisnéis a éilítear in Iarscríbhinn VII, beidh fáil uirthi chun críoch cigireachta, forfheidhmithe, pleanála agus staidrimh ag na Ballstáit agus ag an gCoimisiún, i gcomhréir le hAirteagal 27 agus leis an reachtaíocht náisiúnta.

13.   An fhaisnéis dá dtagraítear i míreanna 2 go 9, caithfear léi mar fhaisnéis rúnda i gcás ina bhfuil gá leis sin de réir reachtaíocht an Aontais nó na reachtaíochta náisiúnta.

14.   I gcás ina loingsítear an dramhaíl idir dhá bhunaíocht faoi rialú an eintitis dhlítheanaigh chéanna, féadfar dearbhú arna dhéanamh ag an eintiteas dlítheanach sin a chur in ionad an chonartha dá dtagraítear i mír 10. Cumhdóidh an dearbhú sin mutatis mutandis na hoibleagáidí dá dtagraítear i mír 10.

15.   Faoin 21 Bealtaine 2026, glacfaidh an Coimisiún gníomh tarmligthe i gcomhréir le hAirteagal 80 chun an Rialachán seo a fhorlíonadh trí threoracha a leagan amach maidir le conas doiciméad Iarscríbhinn VII a chomhlánú.

1.   Déanfaidh na húdaráis inniúla, an fógróir, an coinsíní agus an tsaoráid a fhaigheann an dramhaíl gach faisnéis agus doiciméad a chuirtear isteach nó a mhalartaítear i ndáil le loingsithe a dtugtar fógra fúthu a choinneáil san Aontas go ceann 5 bliana ar a laghad ón dáta a soláthraíodh deimhniú i gcomhréir le hAirteagal 15(4) nó 16(6).

I gcás fógraí ginearálta i gcomhréir le hAirteagal 13, beidh feidhm ag an oibleagáid dá dtagraítear sa chéad fhomhír ón dáta a soláthraíodh an deimhniú deireanach i gcomhréir le hAirteagal 15(4) nó 16(6).

2.   Déanfaidh an duine a shocraíonn an loingsiú, an coinsíní agus an tsaoráid a fhaigheann an dramhaíl faisnéis a soláthraíodh de bhun Airteagal 18 a choinneáil san Aontas go ceann 5 bliana ar a laghad ón dáta a soláthraíodh deimhniú i gcomhréir le hAirteagal 18(9).

3.   Déanfaidh na húdaráis inniúla an fhaisnéis agus na doiciméid uile a chuirtear isteach nó a mhalartaítear i ndáil le loingsithe neamhdhleathacha a choinneáil san Aontas ar feadh 5 bliana ar a laghad ón dáta a bheidh glacadh ar ais nó aisghabháil nó diúscairt mhalartach curtha i gcrích.

1.   I gcás ina bhfaighidh aon cheann de na húdaráis inniúla lena mbaineann amach nach féidir loingsiú dramhaíola, nó aisghabháil nó diúscairt dramhaíola, a thoiligh na húdaráis inniúla lena mbaineann, a chur i gcrích mar a bhí beartaithe i gcomhréir le téarmaí na ndoiciméad fógartha agus gluaiseachta nó an chonartha dá dtagraítear in Airteagal 6, agus i gcás nach loingsiú neamhdhleathach é an loingsiú sin, cuirfidh údarás den sórt sin an t-údarás inniúil seolta ar an eolas faoin méid sin láithreach. I gcás ina ndiúltaíonn saoráid aisghabhála nó diúscartha do loingsiú a fuair sí, cuirfidh an tsaoráid an t-údarás inniúil cinn scríbe ar an eolas faoin méid sin láithreach.

2.   Áiritheoidh an t-údarás inniúil seolta, ach amháin sna cásanna dá dtagraítear i mír 3, go nglacfaidh an fógróir an dramhaíl atá i gceist ar ais chuig a limistéar dlínse nó chuig áit eile laistigh den tír seolta, nó, i gcás inarb ábhartha, déanfaidh duine a meastar gurb é an fógróir é amhlaidh i gcomhréir le mír 11 nó 12 é sin, chun socrú a dhéanamh le haghaidh a haisghabhála nó a diúscartha. I gcás inar dodhéanta é sin, comhlíonfaidh an t-údarás inniúil sin féin, nó duine nádúrtha nó dlítheanach thar a cheann, an Airteagail seo.

An glacadh ar ais dá dtagraítear sa chéad fhomhír, tarlóidh sé laistigh de 90 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, i ndiaidh don údarás inniúil seolta tabhairt faoi deara nó i ndiaidh dó a bheith curtha ar an eolas ag na húdaráis inniúla cinn scríbe nó idirthurais nach féidir an loingsiú dramhaíola a bhfuarthas toiliú ina leith, ná a aisghabháil nó diúscairt, a chur i gcrích mar a bhí beartaithe, agus i ndiaidh dó a bheith curtha ar an eolas faoi na cúiseanna leis sin. D’fhéadfadh comhairle mar sin a bheith ann mar thoradh ar fhaisnéis a chuir údaráis inniúla eile isteach, inter alia, chuig na húdaráis cinn scríbe nó idirthurais.

3.   Ní bheidh feidhm ag an oibleagáid glacadh ar ais a leagtar amach i mír 2 má tá na húdaráis inniúla seolta, idirthurais agus cinn scríbe lena mbaineann sásta gur féidir leis an bhfógróir an dramhaíl a aisghabháil nó a dhiúscairt ar bhealach malartach sa tír cinn scríbe nó in áit eile, nó, i gcás inarb ábhartha, gur féidir le duine a meastar gurb é an fógróir é i gcomhréir le mír 11 nó 12 déanamh amhlaidh, nó, más dodhéanta é sin, gur féidir leis an údarás inniúil seolta nó duine nádúrtha, nó dlítheanach thar a cheann, é sin a dhéanamh.

Ní bheidh feidhm ag an oibleagáid glacadh ar ais a leagtar amach i mír 2 más rud é gur meascadh an dramhaíl arna loingsiú, le linn na hoibríochta ag an tsaoráid lena mbaineann, le dramhaíl eile ar bhealach doleigheasta, sa chaoi go ndearnadh athrú ar a comhdhéanamh nó ar a cineál nó a d’fhág nach féidir an dramhaíl atá i gceist a dheighilt a thuilleadh, sular cuireadh ar a shúile d’údarás inniúil lena mbaineann nárbh féidir an loingsiú faoina dtugtar fógra a chur i gcrích dá dtagraítear i mír 1. Déanfar meascán dramhaíolacha den sórt sin a aisghabháil nó a dhiúscairt ar bhealach malartach i gcomhréir leis an gcéad fhomhír den mhír seo.

4.   I gcásanna socruithe malartacha dá dtagraítear i mír 3, áiritheoidh an fógróir, nó, i gcás inarb ábhartha, an duine a meastar gurb é an fógróir é i gcomhréir le mír 11 nó 12, nó, más dodhéanta é sin, an t-údarás inniúil seolta nó an duine nádúrtha nó dlítheanach thar a cheann, go ndéanfar an dramhaíl lena mbaineann a bhainistiú ar bhealach atá neamhdhíobhálach don chomhshaol i gcomhréir le hAirteagal 59.

5.   I gcásanna glacadh ar ais dá dtagraítear i mír 2, cuirfear fógra nua isteach, seachas i gcás ina gcomhaontaíonn na húdaráis inniúla lena mbaineann gur leor iarraidh chuí-réasúnaithe arna déanamh ag an údarás inniúil seolta tosaigh.

I gcás inarb iomchuí, is é an fógróir tosaigh nó, i gcás inarb ábhartha, duine a meastar gurb é an fógróir é i gcomhréir le mír 11 nó 12, nó, más dodhéanta é sin freisin, an t-údarás inniúil seolta tosaigh nó duine nádúrtha nó dlítheanach thar a cheann, a chuirfidh isteach fógra nua.

Ní chuirfidh na húdaráis inniúla in aghaidh ná ní dhéanfaidh siad agóid i gcoinne cur ar ais dramhaíola ó loingsiú nach féidir a chur i gcrích mar a bhí beartaithe, ná in aghaidh nó i gcoinne na hoibríochta aisghabhála agus diúscartha lena mbaineann.

6.   I gcásanna socruithe malartacha lasmuigh den tír cinn scríbe tosaigh dá dtagraítear i mír 3, is é an fógróir tosaigh nó, i gcás inarb ábhartha, duine a meastar gurb é an fógróir é i gcomhréir le mír 11 nó 12, a chuirfidh fógra nua isteach, nó, más dodhéanta é sin, is é an t-údarás inniúil seolta tosaigh nó duine nádúrtha nó dlítheanach a dhéanfaidh é sin thar a cheann.

I gcás ina gcuirfidh an fógróir fógra nua den sórt sin isteach, cuirfear faoi bhráid údarás inniúil na tíre seolta tosaigh é freisin.

7.   I gcásanna ina bhfuil socruithe eile ann sa tír cinn scríbe thosaigh dá dtagraítear i mír 3, ní bheidh gá le fógra nua agus is leor iarraidh chuí-réasúnaithe. Déanfar an fógróir tosaigh iarraidh chuí-réasúnaithe den sórt sin, ina lorgófar comhaontú leis an socrú eile, a chur faoi bhráid na n-údarás inniúil cinn scríbe agus seolta nó, más dodhéanta é sin, cuirfidh an t-údarás inniúil seolta tosaigh faoi bhráid an údaráis inniúil cinn scríbe í.

8.   Mura bhfuil aon fhógra nua le cur isteach i gcomhréir le mír 5 nó mír 7, is é an fógróir tosaigh a chomhlánóidh doiciméad gluaiseachta nua i gcomhréir le hAirteagal 15 nó le hAirteagal 16, nó, i gcás inarb ábhartha, is duine a meastar gurb é an fógróir é i gcomhréir le mír 11 nó 12 a chomhlánóidh é nó, más dodhéanta é sin, déanfaidh an t-údarás inniúil seolta tosaigh nó duine nádúrtha nó dlítheanach é a chomhlánú thar a cheann.

I gcás ina gcuirfidh an t-údarás inniúil seolta tosaigh fógra nua isteach i gcomhréir le mír 5 nó 6, ní bheidh gá le ráthaíocht airgeadais nua ná le hárachas coibhéiseach.

9.   Beidh deireadh le hoibleagáid an fhógróra nó, i gcár inarb infheidhme, le hoibleagáid na tíre seolta maidir leis an dramhaíl a ghlacadh ar ais nó socrú eile a dhéanamh le haghaidh aisghabhála nó diúscartha a luaithe a eiseoidh an tsaoráid an deimhniú aisghabhála neamheatramhaí nó an deimhniú diúscartha neamheatramhaí dá dtagraítear in Airteagal 16(6), nó, i gcás inarb iomchuí, in Airteagal 15(6). I gcás na haisghabhála eatramhaí nó na diúscartha neamheatramhaí dá dtagraítear in Airteagal 7(6), beidh deireadh le fo-oibleagáid na tíre seolta a luaithe a eiseoidh an tsaoráid an deimhniú dá dtagraítear in Airteagal 15(4).

I gcás ina n-eisíonn saoráid deimhniú aisghabhála nó diúscartha sa chaoi go mbíonn loingsiú neamhdhleathach ann dá dheasca, agus go scaoiltear an ráthaíocht airgeadais mar gheall air sin, beidh feidhm ag Airteagal 25(8) agus Airteagal 26(2).

10.   I gcás ina dtagtar ar dhramhaíl ó loingsiú nach féidir a chur i gcrích mar a bhí beartaithe, nó ina dtagtar ar aisghabháil nó ar dhiúscairt an loingsithe sin laistigh de Bhallstát, is é an t-údarás inniúil a bhfuil dlínse aige ar an limistéar inar thángthas ar an dramhaíl a bheidh freagrach as a áirithiú go ndéanfar socruithe le haghaidh stóráil shábháilte na dramhaíola go dtí go nglacfar ar ais í nó go dtí go ndéanfar í a aisghabháil go neamheatramhach nó a dhiúscairt go neamheatramhach ar bhealach malartach.

11.   I gcás nach gcomhlíonann fógróir dá dtagraítear in Airteagal 3, pointe (6)(a)(iv) aon cheann de na hoibleagáidí glacadh ar ais a leagtar amach san Airteagal seo agus in Airteagal 24, is é táirgeoir bunaidh na dramhaíola, táirgeoir nua na dramhaíola nó an bailitheoir a shonraítear in Airteagal 3, pointe (6)(a)(i), (ii) nó (iii), faoi seach, a rinne an déileálaí nó an bróicéir a údarú chun gníomhú thar a cheann, a meastar gurb é an fógróir é chun críocha na n-oibleagáidí glacadh ar ais sin.

12.   I gcás nach gcomhlíonann fógróir a shonraítear in Airteagal 3, pointe (6)(a)(i), (ii) nó (iii), aon cheann de na hoibleagáidí glacadh ar ais a leagtar amach san Airteagal seo agus in Airteagal 24, measfar gurb é sealbhóir na dramhaíola a shonraítear in Airteagal 3, pointe (6)(a)(v), an fógróir chun críche na n-oibleagáidí glacadh ar ais sin.

1.   I gcás nach féidir loingsiú dramhaíola dá dtagraítear in Airteagal 4(4) nó (5), ná a haisghabháil, a chur i gcrích mar a bhí beartaithe, i gcomhréir le doiciméad Iarscríbhinn VII nó leis an gconradh dá dtagraítear in Airteagal 18(10), agus i gcás nach loingsiú neamhdhleathach é an loingsiú sin, déanfaidh an duine a shocraigh an loingsiú i gcomhréir le hAirteagal 18 an t-údarás inniúil seolta a chur ar an eolas faoi sin láithreach. Sna cásanna sin, déanfaidh an duine a shocraíonn an loingsiú nó an coinsíní, i gcomhréir le hoibleagáidí an chonartha dá dtagraítear in Airteagal 18(10), an dramhaíl a ghlacadh ar ais go dtí an tír seolta nó áiritheoidh sé go n-aisghabhfar í ar bhealach malartach sa tír cinn scríbe nó in áit eile, agus áiritheoidh sé, más gá, go ndéanfar socruithe chun an dramhaíl a stóráil go sábháilte go dtí go nglacfar ar ais í nó go dtí go ndéanfar í a aisghabháil go neamheatramhach nó a dhiúscairt go neamheatramhach ar bhealach malartach.

Déanfar glacadh ar ais nó aisghabháil na dramhaíola ar bhealach malartach laistigh de 90 lá, nó laistigh d’aon tréimhse eile arna comhaontú idir na húdaráis inniúla lena mbaineann, tar éis an dáta a chuir an duine a shocraíonn an loingsiú an t-údarás inniúil seolta ar an eolas i gcomhréir leis an gcéad fhomhír.

2.   I gcásanna socruithe malartacha dá dtagraítear i mír 1, áiritheoidh an duine a shocraíonn an loingsiú nó an coinsíní, de réir mar is ábhartha, go ndéanfar an dramhaíl lena mbaineann a bhainistiú ar bhealach atá neamhdhíobhálach don chomhshaol agus i gcomhréir le hAirteagal 59.

3.   I gcásanna socruithe glacadh ar ais nó socruithe malartacha lasmuigh den tír cinn scríbe thosaigh, dá dtagraítear i mír 1, déanfaidh an duine a shocraigh an loingsiú ar dtús an fhaisnéis atá i ndoiciméad Iarscríbhinn VII a chomhlánú agus a thíolacadh, i gcomhréir le hAirteagal 18. I gcás ina bhfuil an loingsiú dramhaíola lena ghlacadh ar ais nó atá beartaithe le haghaidh socruithe malartacha faoi réir Airteagal 4(1), (2) nó (3), beidh feidhm mutatis mutandis ag Airteagal 22.

4.   I gcás ina bhfaighidh an t-údarás inniúil seolta amach nach bhfuil loingsiú dramhaíola dá dtagraítear in Airteagal 4(4) nó (5), ná a haisghabháil, curtha i gcrích mar a bhí beartaithe agus nár comhlíonadh na hoibleagáidí maidir leis an dramhaíl a ghlacadh ar ais ná socrú a dhéanamh maidir lena haisghabháil mhalartach i gcomhréir le mír 1, déanfaidh an t-údarás inniúil seolta na bearta uile is gá chun a áirithiú go nglacfaidh an duine a shocraigh an loingsiú an dramhaíl ar ais nó go socróidh sé go ndéanfar í a aisghabháil ar bhealach malartach agus go n-áiritheofar, más gá, go ndéanfar socruithe chun an dramhaíl a stóráil go sábháilte go dtí go nglacfar ar ais í nó go dtí go ndéanfar í a aisghabháil go neamheatramhach nó go ndéanfar í a dhiúscairt go neamheatramhach ar bhealach malartach. I gcás gur dodhéanta don duine a shocraigh an loingsiú dramhaíola na hoibleagáidí glacadh ar ais a chomhlíonadh, is duine a measfar gurb é an duine é a shocraíonn an loingsiú a dhéanfaidh na hoibleagáidí sin a chomhlíonadh i gcomhréir le mír 5 nó mír 6, i gcás inarb ábhartha.

5.   I gcás nach gcomhlíonann an duine a shocraíonn an loingsiú a shonraítear in Airteagal 3, pointe (7)(iv), aon cheann de na hoibleagáidí glacadh ar ais a leagtar amach san Airteagal seo nó in Airteagal 24, measfar gurb é táirgeoir bunaidh na dramhaíola, táirgeoir nua na dramhaíola nó an bailitheoir a shonraítear in Airteagal 3, pointe (7)(i), (ii) nó (iii), faoi seach, a rinne an déileálaí nó an bróicéir a údarú chun gníomhú thar a cheann an duine é a shocraíonn an loingsiú dramhaíola chun críche na n-oibleagáidí glacadh ar ais sin.

6.   I gcás nach gcomhlíonann an duine a shocraíonn an loingsiú dramhaíola a shonraítear in Airteagal 3, pointe (7)(i), (ii) nó (iii), aon cheann de na hoibleagáidí glacadh ar ais a leagtar amach san Airteagal seo nó in Airteagal 24, measfar gurb é sealbhóir na dramhaíola a shonraítear in Airteagal 3, pointe (7)(v), an duine a shocraíonn an loingsiú dramhaíola chun críche na n-oibleagáidí glacadh ar ais sin.

7.   I gcás gur dodhéanta don duine a shocraíonn an loingsiú dramhaíola nó do dhuine a mheastar a bheith freagrach i gcomhréir le mír 5 nó 6 na hoibleagáidí glacadh ar ais a leagtar amach i mír 4 a chomhlíonadh, measfar an t-údarás inniúil seolta nó duine nádúrtha nó dlítheanach thar a cheann a bheith freagrach as na hoibleagáidí faoin Airteagal seo.

1.   Costais a eascraíonn as glacadh ar ais nó aisghabháil nó diúscairt ar bhealach malartach dramhaíola ó loingsiú nach féidir a chur i gcrích mar a bhí beartaithe, lena n-áirítear costais a bhaineann le hiompar dramhaíola, aisghabháil nó diúscairt de bhun Airteagal 22(2) nó (3), agus, amhail ón dáta a fhaigheann an t-údarás inniúil seolta amach nach féidir loingsiú dramhaíola ná an aisghabháil ná an diúscairt a chur i gcrích mar a bhí beartaithe, gearrfar costais stórála de bhun Airteagal 22(10) de réir an oird seo a leanas:

2.   Sula ngearrfar costais ar dhuine eile seachas an fógróir tosaigh, úsáidfear an ráthaíocht airgeadais nó an t-árachas coibhéiseach dá dtagraítear in Airteagal 7. Mura bhfuil aon ráthaíocht airgeadais nó árachas coibhéiseach ann nó más mó na costais ná méid chumhdach na ráthaíochta airgeadais nó an árachais choibhéisigh, gearrfar na costais i gcomhréir leis an ord a léirítear i mír 1.

3.   Beidh feidhm mutatis mutandis ag an Airteagal seo maidir le costais a eascraíonn as dramhaíl a ghlacadh ar ais nó a aisghabháil ar bhealach malartach i gcomhréir le hAirteagal 23.

4.   Beidh an tAirteagal seo gan dochar do dhlí an Aontais agus don dlí náisiúnta a bhaineann le dliteanas.

1.   I gcás ina dtagann údarás inniúil ar loingsiú a mheasann sé a bheith ina loingsiú neamhdhleathach, cuirfidh sé na húdaráis inniúla eile lena mbaineann ar an eolas láithreach.

2.   I gcás inar féidir freagracht as an loingsiú neamhdhleathach a líomhnú ar an bhfógróir, áiritheoidh an t-údarás go ndéanfaidh an duine seo a leanas an dramhaíl a ghlacadh ar ais:

3.   Ní bheidh feidhm ag an oibleagáid glacadh ar ais a leagtar amach i mír 2 más rud é go n-aontaíonn na daoine seo a leanas le chéile: na húdaráis inniúla seolta, idirthurais agus cinn scríbe lena mbaineann agus, i gcás inarb ábhartha, an fógróir nó an duine a meastar gurb é an fógróir é, agus go bhfuil siad sásta gur fíor an méid seo a leanas maidir leis an dramhaíl:

I gcás onnmhairiú nó allmhairiú, aisghabháil nó diúscairt ar bhealach malartach mar a comhaontaíodh de bhun na chéad fhomhíre, ní dhéanfar é sin ach amháin más dodhéanta an glacadh ar ais i gcomhréir le mír 2.

4.   I gcás aisghabháil nó diúscairt ar bhealach malartach dá dtagraítear i mír 3, áiritheoidh an fógróir, nó, i gcás inarb ábhartha, an duine a meastar gurb é an fógróir é i gcomhréir le mír 6 nó 7, nó, más dodhéanta é sin, an t-údarás inniúil seolta nó an duine nádúrtha nó dlítheanach thar a cheann, go ndéanfar an dramhaíl lena mbaineann a bhainistiú ar bhealach atá neamhdhíobhálach don chomhshaol i gcomhréir le hAirteagal 59.

5.   Déanfar an glacadh ar ais, an aisghabháil nó an diúscairt dá dtagraítear i míreanna 2 agus 3 laistigh de 30 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, tar éis an dáta a fhaigheann an t-údarás inniúil seolta amach faoin loingsiú neamhdhleathach nó ón dáta a chuireann na húdaráis inniúla cinn scríbe nó idirthurais é ar an eolas faoin loingsiú neamhdhleathach, agus na cúiseanna leis sin. Féadfar comhairle den sórt sin a bheith ann mar thoradh ar fhaisnéis a chuir údaráis inniúla eile isteach, inter alia, chuig na húdaráis cinn scríbe nó idirthurais.

I gcás glacadh ar ais dá dtagraítear i mír 2, pointí (a), (b) agus (c), tíolacfar fógra nua, seachas i gcás ina gcomhaontaíonn na húdaráis inniúla lena mbaineann gur leor iarraidh chuí-réasúnaithe arna déanamh ag an údarás inniúil seolta tosaigh.

Má éilítear fógra nua, is é an duine nó an t-údarás arna chinneadh i gcomhréir le mír 2 a thíolacfaidh é.

Ní chuirfidh na húdaráis inniúla in aghaidh cur ar ais dramhaíl a bhaineann le loingsiú neamhdhleathach ná ní dhéanfaidh siad agóid ina choinne. I gcás aisghabháil nó diúscairt ar bhealach malartach dá dtagraítear i mír 3, a dhéantar lasmuigh den tír inar thángthas ar an loingsiú neamhdhleathach, cuirfidh an duine nó an t-údarás a liostaítear sa mhír sin fógra nua isteach i gcomhréir leis an ordú a léirítear sa mhír sin.

Comhoibreoidh na húdaráis inniúla lena mbaineann, de réir mar is gá, chun a áirithiú go ndéanfar an dramhaíl a ghlacadh ar ais nó a aisghabháil nó a dhiúscairt ar bhealach malartach dá dtagraítear i mír 2 agus i mír 3.

6.   I gcás nach gcomhlíonann fógróir a shonraítear in Airteagal 3, pointe (6)(a)(iv) aon cheann de na hoibleagáidí glacadh ar ais a leagtar amach san Airteagal seo nó in Airteagal 26, is é táirgeoir bunaidh na dramhaíola, táirgeoir nua na dramhaíola nó an bailitheoir dá dtagraítear in Airteagal 3, pointe (6)(a)(i), (ii) nó (iii), faoi seach, a rinne an déileálaí nó an bróicéir a údarú chun gníomhú thar a cheann, a mheasfar a bheith mar an fógróir chun críocha na n-oibleagáidí glacadh ar ais sin.

7.   I gcás nach gcomhlíonann fógróir a shonraítear in Airteagal 3, pointe (6)(a)(i), (ii) nó (iii), aon cheann de na hoibleagáidí glacadh ar ais a leagtar amach san Airteagal seo nó in Airteagal 26, measfar gurb é sealbhóir na dramhaíola a shonraítear in Airteagal 3, pointe (6)(a)(v), an fógróir chun críocha na n-oibleagáidí glacadh ar ais sin.

8.   I gcás inar féidir freagracht as loingsiú neamhdhleathach a líomhnú ar an gcoinsíní, áiritheoidh an t-údarás inniúil cinn scríbe gurb é nó iad seo a leanas a dhéanfar an dramhaíl a aisghabháil nó a dhiúscairt ar bhealach atá neamhdhíobhálach don chomhshaol:

Déanfar an aisghabháil nó an diúscairt dá dtagraítear sa chéad fhomhír laistigh de 30 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, tar éis an dáta a fhaigheann an t-údarás inniúil seolta fáil amach faoin loingsiú neamhdhleathach nó ón dáta a chuireann na húdaráis inniúla cinn scríbe nó idirthurais é ar an eolas faoi faoin loingsiú neamhdhleathach agus na cúiseanna leis sin. Féadfar comhairle den sórt sin a bheith mar thoradh ar fhaisnéis a chuir údaráis inniúla eile, inter alia, faoi bhráid na n-údarás inniúil seolta agus idirthurais.

Oibreoidh na húdaráis inniúla lena mbaineann i gcomhar le chéile, de réir mar is gá, maidir le haisghabháil nó diúscairt na dramhaíola i gcomhréir leis an mír seo.

9.   Más rud é nach n-éileofar aon fhógra nua, déanfaidh an duine atá freagrach as glacadh ar ais, nó, más dodheánta é sin, an t-údarás inniúil seolta tosaigh, doiciméad gluaiseachta nua a chomhlánú i gcomhréir le hAirteagal 15 nó Airteagal 16.

I gcás ina gcuirfidh an t-údarás inniúil seolta tosaigh, a dhéanfaidh an glacadh ar ais i gcomhréir le mír 2, pointe (c), fógra nua isteach, ní bheidh gá le ráthaíocht airgeadais nua ná le hárachas coibhéiseach.

10.   I gcásanna nach féidir freagracht as an loingsiú neamhdhleathach a líomhnú ar an bhfógróir nó ar an gcoinsíní, oibreoidh na húdaráis inniúla lena mbaineann i gcomhar le chéile lena áirithiú go n-aisghabhfar nó go ndiúscrófar an dramhaíl.

11.   I gcás ina n-aimsítear loingsiú neamhdhleathach tar éis chur i gcrích oibríochta aisghabhála eatramhaí nó oibríochta diúscartha eatramhaí dá dtagraítear in Airteagal 7(6), beidh deireadh le oibleagáid na tíre seolta an dramhaíl a ghlacadh ar ais nó socrú a dhéanamh le haghaidh a haisghabhála nó diúscairt ar bhealach malartach nuair a bheidh an deimhniú dá dtagraítear in Airteagal 15(4) eisithe ag an tsaoráid.

I gcás ina n-eisíonn saoráid deimhniú aisghabhála nó diúscartha sa chaoi go mbíonn loingsiú neamhdhleathach ann dá dheasca, agus go scaoiltear an ráthaíocht airgeadais nó árachas coibhéiseach mar gheall air sin, beidh feidhm ag mír 8 den Airteagal seo agus ag Airteagal 26(2).

12.   I gcás ina dtagtar ar dhramhaíl ó loingsiú neamhdhleathach laistigh de Bhallstát, a bhaineann le loingsiú neamhdhleathach, is é an t-údarás inniúil a bhfuil dlínse aige ar an limistéar inar thángthas ar an dramhaíl a bheidh freagrach as a áirithiú go ndéanfar socruithe le haghaidh stóráil shábháilte na dramhaíola go dtí go nglacfar ar ais í nó go dtí go ndéanfar í a aisghabháil go neamheatramhach nó a dhiúscairt go neamheatramhach ar bhealach malartach.

13.   Ní bheidh feidhm ag Airteagail 37, 39 agus 40 ná ag aon toirmisc onnmhairiúcháin atá i ngníomh tarmligthe dá dtagraítear in Airteagal 45(6) i gcásanna ina nglacfar loingsithe neamhdhleathacha ar ais chuig an tír seolta agus más tír í an tír seolta sin atá cumhdaithe ag na toirmisc a leagtar amach sna forálacha sin.

14.   Má mheastar gur loingsiú neamhdhleathach é loingsiú dramhaíola dá dtagraítear in Airteagal 4(4) nó (5), beidh feidhm ag an Airteagal seo mutatis mutandis maidir leis an duine a shocraíonn an loingsiú agus maidir leis na húdaráis inniúla lena mbaineann.

15.   Beidh feidhm ag an Airteagal seo gan dochar do dhlí an Aontais agus don dlí náisiúnta maidir le dliteanas.

1.   Costais a eascraíonn as glacadh ar ais dramhaíola nó aisghabháil nó diúscairt dramhaíola ar bhealach malartach ó loingsiú neamhdhleathach, lena n-áirítear costais chun dramhaíl a iompar, a aisghabháil nó a dhiúscairt, de bhun Airteagal 25(2) nó (3) agus, ón dáta ar a gcuirfear an t-údarás inniúil seolta ar an eolas gur loingsiú neamhdhleathach atá ann, costais stórála de bhun Airteagal 25(12), gearrfar orthu seo a leanas iad:

2.   Costais a eascraíonn as aisghabháil nó diúscairt de bhun Airteagal 25(8), lena n-áirítear costais fhéideartha iompair agus stórála de bhun Airteagal 25(12), gearrfar ar an gcoinsíní iad; nó, más dodhéanta é sin, ar an údarás inniúil cinn scríbe.

3.   Costais a eascraíonn as aisghabháil nó diúscairt de bhun Airteagal 25(10), lena n-áirítear costais fhéideartha iompair agus stórála de bhun Airteagal 25(12), gearrfar ar orthu seo a leanas iad:

4.   I gcásanna inar cuireadh fógra isteach agus nach gcomhlíonann an fógróir a fhreagrachtaí maidir leis na costais a mhuirearaítear, úsáidfear an ráthaíocht airgeadais nó an t-árachas coibhéiseach dá dtagraítear in Airteagal 7 sula ngearrfar costais i gcomhréir le míreanna 1, 2 nó 3 ar dhuine eile seachas an fógróir nó an coinsíní faoi seach. I gcás inar mó na costais ná méid an chumhdaigh a sholáthraítear leis an ráthaíocht airgeadais nó leis an árachas coibhéiseach, gearrfar na costais i gcomhréir le míreanna 1, 2 agus 3.

5.   Má mheastar gur loingsiú neamhdhleathach é loingsiú dramhaíola dá dtagraítear in Airteagal 4(4) nó (5), beidh feidhm ag an Airteagal seo mutatis mutandis maidir leis an duine a shocraíonn an loingsiú agus maidir leis na húdaráis inniúla lena mbaineann.

6.   Beidh feidhm ag an Airteagal seo gan dochar do dhlí an Aontais agus don dlí náisiúnta maidir le dliteanas.

1.   Cuirfear isteach agus malartófar an fhaisnéis agus na doiciméid seo a leanas trí mhodhanna leictreonacha, trí mhol an lárchórais dá dtagraítear i mír 3 nó trí chórais nó bogearraí idir-inoibritheacha eile atá ar fáil i gcomhréir le mír 4:

2.   Chun liosta na faisnéise agus na doiciméadachta a choinneáil cothrom le dáta, mar a cheanglaítear faoi mhír 1, le haon athruithe ar na córais lena malartú agus lena dtíolacadh trí mheán leictreonach, tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 80 chun mír 1 a leasú chun an liosta faisnéise agus doiciméadachta a leasú.

3.   Oibreoidh an Coimisiún lárchóras a chumasóidh cur isteach agus malartú leictreonach na faisnéise agus na ndoiciméad dá dtagraítear i mír 1. Soláthróidh an lárchóras sin mol a úsáidfear le haghaidh mhalartú na faisnéise agus na ndoiciméad dá dtagraítear i mír 1 i bhfíor-am idir córais nó bogearraí atá ar fáil chun sonraí a idirmhalartú go leictreonach.

Úsáidfear an mol dá dtagraítear sa chéad fhomhír freisin chun faisnéis agus doiciméid dá dtagraítear i mír 1 a mhalartú i bhfíor-am le haghaidh loingsithe laistigh den Aontas le hidirthuras trí thríú tíortha, onnmhairiú ón Aontas, allmhairiú isteach san Aontas agus idirthuras tríd an Aontas, i gcás ina ndéanfaidh na húdaráis inniúla, oifigí custam onnmhairiúcháin, imeachta agus iontrála, údaráis a bhfuil baint acu le cigireachtaí agus oibreoirí eacnamaíocha i dtríú tíortha nasc leis an mol sin trí chóras nó bogearraí atá ar fáil, agus sa chás sin beidh feidhm mutatis mutandis ag mír 4, nó tríd an suíomh gréasáin dá dtagraítear sa tríú fomhír den mhír seo.

Leis an lárchóras sin déanfar suíomh gréasáin a sholáthar freisin chun an fhaisnéis agus na doiciméid dá dtagraítear i mír 1 a ullmhú agus a phróiseáil le haghaidh loingsithe laistigh den Aontas, le haghaidh loingsithe laistigh den Aontas le hidirthuras trí thríú tíortha, d’onnmhairiú ón Aontas, d’allmhairiú isteach san Aontas agus d’idirthuras tríd an Aontas. Féadfaidh na húdaráis inniúla, na húdaráis a bhfuil baint acu le cigireachtaí agus le hoibreoirí eacnamaíocha sna Ballstáit agus i dtríú tíortha nach n-úsáideann córais ná bogearraí le haghaidh idirmhalartú leictreonach sonraí an suíomh gréasáin sin a úsáid chun an fhaisnéis agus na doiciméid dá dtagraítear i mír 1 a chur isteach agus a mhalartú go díreach trí mheán leictreonach.

Beidh na bogearraí dá dtagraítear sa chéad fhomhír, sa dara fomhír agus sa tríú fomhír idir-inoibritheach leis an lárchóras dá dtagraítear i mír 3, malartóidh siad faisnéis agus doiciméid tríd an lárchóras sin i bhfíor-am agus oibreofar iad i gcomhréir leis na ceanglais agus na rialacha a leagtar síos sna gníomhartha cur chun feidhme arna nglacadh ag an gCoimisiún de bhun mhír 5.

Éascóidh an lárchóras coinneáil doiciméad i gcomhréir le hAirteagal 20.

Déanfaidh an lárchóras sin foráil freisin maidir lena idir-inoibritheacht leis an timpeallacht um fhaisnéis leictreonach faoi iompar lastais arna bunú faoi Rialachán (AE) 2020/1056.

Laistigh de 4 bliana ó ghlacadh an ghnímh cur chun feidhme dá dtagraítear i mír 5, áiritheoidh an Coimisiún idirnascadh an lárchórais sin le Timpeallacht Ionad Ilfhreastail an Aontais Eorpaigh maidir le Custaim trí Chóras Malartaithe Deimhnithe Ionad Ilfhreastail an Aontais Eorpaigh maidir le Custam arna bhunú le Rialachán (AE) 2022/2399.

4.   Féadfaidh na Ballstáit a gcórais nó a mbogearraí féin atá ar fáil a oibriú lena gceadaítear d’údaráis inniúla, d’údaráis a bhfuil baint acu le cigireachtaí agus, i gcás inarb iomchuí, d’oibreoirí eacnamaíocha sna Ballstáit an fhaisnéis agus na doiciméid dá dtagraítear i mír 1 a ullmhú agus a phróiseáil agus an fhaisnéis agus na doiciméid dá dtagraítear i mír 1 a chur isteach agus a mhalartú go leictreonach. Déanfaidh na Ballstáit a áirithiú go mbeidh na córais agus na bogearraí sin idir-inoibritheach leis an lárchóras dá dtagraítear i mír 3, go n-oibreofar iad i gcomhréir leis na ceanglais agus na rialacha a leagtar síos sna gníomhartha cur chun feidhme arna nglacadh ag an gCoimisiún de bhun mhír 5, agus go gceadóidh siad do mhalartú faisnéise agus doiciméad trí mhol an lárchórais i bhfíor-am.

Éascóidh na córais dá dtagraítear sa chéad fhomhír coinneáil doiciméad i gcomhréir le hAirteagal 20.

5.   Ar a dhéanaí faoin 21 Bealtaine 2025, glacfaidh an Coimisiún gníomhartha cur chun feidhme chun an méid seo a leanas a bhunú:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 81(2).

6.   Déanfaidh an Coimisiún athbhreithniú ar fheidhmiúlacht an lárchórais gach dhá bhliain. Cuirfear torthaí na n-athbhreithnithe sin in iúl do Pharlaimint na hEorpa agus do na Ballstáit. Déanfar aiseolas ó úsáideoirí, amhail údaráis inniúla agus fógróirí, a chur san áireamh san athbhreithniú.

1.   Aon fhógra, faisnéis, doiciméadacht nó teachtaireacht eile a chuirtear isteach de bhun fhorálacha an Teidil seo, soláthrófar iad i dteanga atá inghlactha ag na húdaráis inniúla lena mbaineann.

2.   Soláthróidh an fógróir agus an coinsíní, nó, i gcás inarb infheidhme, an duine a shocraíonn an loingsiú, aistriúcháin údaraithe ar na teachtaireachtaí dá dtagraítear i mír 1 do na húdaráis inniúla lena mbaineann i dteanga atá inghlactha acu, i gcás ina n-iarrann siad sin.

3.   Faoin 21 Bealtaine 2028, déanfaidh an Coimisiún feidhm a ionchorprú sa lárchóras dá dtagraítear in Airteagal 27(3), a sholáthraíonn aistriúcháin chúirtéise ar an gcumarsáid dá dtagraítear i mír 1.

1.   Agus cinneadh á dhéanamh acu faoi cé acu an measfar nó nach measfar mír nó substaint arna heascairt as próiseas táirgthe a bheith ina dramhaíl, i gcás nárbh é príomhaidhm an phróisis táirgthe an mhír nó an tsubstaint sin a tháirgeadh, cuirfidh na Ballstáit i bhfeidhm Airteagal 5 de Threoir 2008/98/CE.

Agus cinneadh á dhéanamh acu faoi cé acu an measfar nó nach measfar nach dramhaíl a thuilleadh í dramhaíl a cuireadh faoi oibríocht athchúrsála nó aisghabhála de chineál eile, cuirfidh na Ballstáit i bhfeidhm Airteagal 6 de Threoir 2008/98/CE.

Agus cinneadh á dhéanamh an measfar gur earra úsáidte agus nach dramhaíl atá i réad nó substaint, áiritheoidh na Ballstáit go gcomhlíonfar ar a laghad na coinníollacha seo a leanas:

Beidh feidhm ag na forálacha sa tríú fomhír gan dochar d’Airteagal 23(2) ná d’Iarscríbhinn VI a ghabhann le Treoir 2012/19/AE ó Pharlaimint na hEorpa agus ón gComhairle ná d’ (43) Airteagal 72(2) agus d’Iarscríbhinn XIV a ghabhann le Rialachán (AE) 2023/1542 ó Pharlaimint na hEorpa agus ón gComhairle (44).

2.   Mura féidir leis na húdaráis inniúla seolta agus cinn scríbe teacht ar chomhaontú faoin aicmiú a mhéid a bhaineann leis an idirdhealú idir dramhaíl agus neamh-dhramhaíl, agus na forálacha i mír 1, agus aon choinníollacha nó cinntí arna nglacadh ar leibhéal an Aontais nó ag na Ballstáit de bhun Airteagal 5 nó 6 de Threoir 2008/98/CE á gcur san áireamh, caithfear leis an réad nó leis an tsubstaint amhail is dá mba dhramhaíl é nó í chun críche an loingsithe. Beidh sé sin gan dochar do cheart na tíre cinn scríbe déileáil leis an ábhar loingsithe i gcomhréir lena reachtaíocht náisiúnta, tar éis don ábhar loingsithe a cheann scríbe a bhaint amach agus i gcás ina bhfuil a leithéid de reachtaíocht i gcomhréir le dlí an Aontais nó an dlí idirnáisiúnta.

3.   Féadfaidh an Coimisiún gníomhartha cur chun feidhme a ghlacadh chun critéir mhionsonraithe a bhunú maidir le cur i bhfeidhm aonfhoirmeach na gcoinníollacha a leagtar síos i mír 1, an tríú fomhír, maidir le substaintí nó réada sonracha a bhfuil tábhacht ar leith, i leith na substaintí nó na réad sin, ag baint leis an idirdhealú idir earraí úsáidte agus dramhaíl maidir le honnmhairiú dramhaíola ón Aontas.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 81(2).

4.   Mura féidir leis na húdaráis inniúla seolta agus cinn scríbe teacht ar chomhaontú faoi aicmiú dramhaíola mar dhramhaíl atá beartaithe lena haisghabháil mar a liostaítear in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV, nó mar dhramhaíl nach liostaítear in aon cheann de na hIarscríbhinní sin, beidh loingsiú na dramhaíola sin faoi réir Airteagal 4(2).

5.   Mura féidir leis na húdaráis inniúla seolta agus cinn scríbe teacht ar chomhaontú faoi cé acu an ndéanfar an oibríocht cóireála dramhaíola a aicmiú mar oibríocht aisghabhála nó mar oibríocht diúscartha, beidh feidhm ag forálacha an Rialacháin seo maidir le diúscairt.

6.   Chun aicmiú comhchuibhithe na dramhaíola arna liostú in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV a éascú san Aontas, tá de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 80 chun an Rialachán seo a fhorlíonadh trí chritéir amhail tairseacha éillithe a bhunú, a bheidh ina mbonn le haicmiú dramhaíola áirithe in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV.

7.   Mura féidir leis na húdaráis inniúla seolta agus cinn scríbe teacht ar chomhaontú faoi cé acu an ndéanfar an oibríocht cóireála dramhaíola a aicmiú mar oibríocht eatramhach nó neamheatramhach, beidh feidhm ag forálacha an Rialacháin seo maidir le hoibríochtaí eatramhacha.

1.   I gcásanna eisceachtúla, agus i gcás ina bhfuil údar cuí le beart mar sin mar gheall ar chás sonrach geografach nó déimeagrafach, féadfaidh na Ballstáit comhaontuithe déthaobhacha a thabhairt i gcrích agus mar thoradh ar na comhaontuithe sin, ní bheidh an nós imeachta um fhógra a thabhairt maidir le loingsithe de shruthanna dramhaíola ar leith chomh dian a mhéid a bhaineann le loingsithe trasteorann chuig an tsaoráid chuí is gaire atá suite sa limistéar trasteorann idir an dá Bhallstát lena mbaineann.

2.   Féadfar comhaontuithe déthaobhacha dá dtagraítear i mír 1 a dhéanamh freisin i gcás ina seoltar dramhaíl ón tír seolta agus i gcás ina gcóireáiltear í sa tír seolta ach go ndéanann sí idirthuras trí Bhallstát eile.

3.   Féadfaidh na Ballstáit na comhaontuithe déthaobhacha dá dtagraítear i mír 1 a thabhairt i gcrích freisin le tíortha ar comhaltaí iad de CSTE (Comhlachas Saorthrádála na hEorpa).

Ceanglófar le comhaontuithe a thabharfar i gcrích de bhun na chéad fhomhíre go mbainisteofar an dramhaíl sa tír CSTE lena mbaineann ar bhealach atá neamhdhíobhálach don chomhshaol i gcomhréir le hAirteagal 59.

4.   Tabharfar fógra don Choimisiún faoi chomhaontuithe a thabharfar i gcrích faoin Airteagal seo sula dtagann siad i bhfeidhm.

1.   I gcás ina ndéantar loingsiú laistigh den Aontas agus ina ndéanann sé idirthuras trí thríú tír amháin nó níos mó, ar tíortha iad nach bhfuil feidhm ag Cinneadh ECFE ón gComhairle maidir le Rialú Gluaiseachtaí Trasteorann Dramhaíola atá beartaithe le haghaidh Oibríochtaí Aisghabhála (45) (‘Cinneadh ECFE’) maidir leo, agus ina bhfuil an dramhaíl beartaithe lena haisghabháil, beidh feidhm ag Airteagal 34.

2.   I gcás ina ndéantar loingsiú laistigh den Aontas, lena n-áirítear loingsiú idir ceantair sa Bhallstát céanna, agus idirthurais trí thríú tír amháin nó níos mó, ar tíortha iad a bhfuil feidhm ag Cinneadh ECFE maidir leo, agus ina bhfuil an dramhaíl beartaithe lena haisghabháil, beidh feidhm ag Airteagail 4 go 30 faoi réir na n-oiriúnuithe agus na gceanglas breise seo a leanas:

1.   Déanfar onnmhairiú dramhaíola ón Aontas atá beartaithe lena diúscairt a thoirmeasc.

2.   Ní bheidh feidhm ag an toirmeasc i mír 1 maidir le dramhaíl atá beartaithe lena diúscairt a onnmhairiú chuig tíortha CSTE atá ina bPáirtithe freisin i gCoinbhinsiún Basel.

3.   De mhaolú ar mhír 2, beidh toirmeasc ar dhramhaíl atá beartaithe lena diúscairt a onnmhairiú chuig tír CSTE atá ina Páirtí i gCoinbhinsiún Basel:

4.   Ní bheidh feidhm ag an toirmeasc a leagtar amach i mír 1 maidir le dramhaíl atá faoi réir oibleagáid glacadh ar ais de bhun Airteagal 22 nó 25.

1.   I gcás ina ndéantar dramhaíl a onnmhairiú ón Aontas chuig tír CSTE atá ina Páirtí i gCoinbhinsiún Basel agus i gcás ina bhfuil an dramhaíl beartaithe lena diúscairt sa tír sin, beidh feidhm ag forálacha Theideal II mutatis mutandis, chomh maith leis na hoiriúnuithe agus na forálacha breise a leagtar amach i míreanna 2 agus 3.

2.   Beidh feidhm ag na hoiriúnuithe seo a leanas:

3.   Beidh feidhm ag na forálacha breise seo a leanas:

4.   Ní féidir an loingsiú a dhéanamh ach amháin má chomhlíontar na coinníollacha uile seo a leanas:

5.   I gcás ina ndéantar dramhaíl a onnmhairiú, beidh sí beartaithe le haghaidh oibríochtaí diúscartha laistigh de shaoráid atá ag oibriú nó a bhfuil údarú aici oibriú sa tír cinn scríbe, faoin dlí náisiúnta is infheidhme.

6.   I gcás ina dtagann oifig custam onnmhairithe nó oifig custam imeachta ar loingsiú neamhdhleathach, cuirfidh sí an t-údarás inniúil sa tír ina bhfuil an oifig custam ar an eolas faoi sin gan mhoill. Déanfaidh an t-údarás inniúil sin an méid seo a leanas:

1.   Ní dhéanfaidh an fógróir ná an duine a shocraíonn an loingsiú dramhaíl a onnmhairiú ón Aontas ach amháin má tá sé in ann a léiriú maidir leis na saoráidí atá chun an dramhaíl sin a fháil sa tír cinn scríbe, go ndéanfaidh siad an dramhaíl a bhainistiú ar bhealach atá neamhdhíobhálach don chomhshaol dá dtagraítear in Airteagal 59.

2.   Ní dhéanfaidh an fógróir ná an duine a shocraíonn an loingsiú dramhaíl a onnmhairiú chuig saoráid nach gcomhlíonann na critéir a leagtar síos i gCuid B d’Iarscríbhinn X.

3.   Chun an oibleagáid dá dtagraítear i mír 1 a chomhlíonadh, áiritheoidh an fógróir nó an duine a shocraíonn an loingsiú a bhfuil sé beartaithe aige dramhaíl a onnmhairiú ón Aontas, go ndearnadh iniúchadh ar na saoráidí a bhainisteoidh an dramhaíl sa tír cinn scríbe.

Is tríú páirtí a bheidh neamhspleách ar an bhfógróir nó ar an duine a shocraíonn an loingsiú agus ón tsaoráid a ndéantar iniúchadh uirthi a dhéanfaidh an t-iniúchadh sin agus a mbeidh na cáilíochtaí iomchuí acu i réimsí na n-iniúchtaí agus na cóireála dramhaíola.

Agus iniúchadh á choimisiúnú aige, fíoróidh an fógróir nó duine a shocraíonn an loingsiú go gcomhlíonann an tríú páirtí na ceanglais a leagtar síos i gCuid A d’Iarscríbhinn X agus go bhfuil sé údaraithe nó creidiúnaithe ag comhlacht oifigiúil náisiúnta chun iniúchtaí a dhéanamh mar a shainmhínítear san Airteagal seo.

4.   Áireofar san iniúchadh dá dtagraítear i mír 3 seiceálacha fisiciúla agus seiceálacha doiciméadacha araon agus fíorófar leis go gcomhlíonann an tsaoráid lena mbaineann na critéir a leagtar síos i gCuid B d’Iarscríbhinn X.

5.   Áiritheoidh fógróir nó duine a shocraíonn an loingsiú a bhfuil sé beartaithe aige dramhaíl a onnmhairiú, sula n-onnmhairítear dramhaíl, go ndearnadh iniúchadh dá dtagraítear i mír 3 ar an tsaoráid a dhéanfaidh bainistiú ar an dramhaíl sa tír cinn scríbe tráth nach faide ná dhá bhliain roimh onnmhairiú na dramhaíola chuig an tsaoráid lena mbaineann agus gur léiríodh leis an inniúchadh gur chomhlíon an tsaoráid na critéir i gCuid B d’Iarscríbhinn X.

D’fhonn an oibleagáid sin a chomhlíonadh, déanfaidh an fógróir nó duine a shocraíonn an loingsiú:

Déanfaidh an fógróir nó an duine a shocraíonn an loingsiú freisin iniúchadh ad hoc a choimisiúnú gan mhoill i gcás ina bhfaigheann sé faisnéis iontaofa go bhfuil saoráid ann nach bhfuil na critéir a leagtar amach i gCuid B d’Iarscríbhinn X á gcomhlíonadh aici a thuilleadh. I gcás ina léiríonn an t-iniúchadh ad hoc nach gcomhlíonann saoráid na critéir a leagtar síos i gCuid B d’Iarscríbhinn X a thuilleadh, cuirfidh an fógróir nó an duine a shocraíonn an loingsiú stop láithreach le honnmhairiú na dramhaíola chuig an tsaoráid sin agus cuirfidh sé na húdaráis inniúla seolta lena mbaineann ar an eolas faoin méid sin.

6.   Fógróir nó duine a shocraíonn an loingsiú a choimisiúnaigh iniúchadh le haghaidh saoráid ar leith i gcomhréir le mír 3, áiritheoidh sé go gcuirfear an t-iniúchadh sin ar fáil d’fhógróirí nó do dhaoine eile a shocraíonn loingsithe a bhfuil sé beartaithe acu dramhaíl a onnmhairiú chuig an tsaoráid atá i gceist, faoi choinníollacha cothroma tráchtála.

7.   Fógróir nó duine a shocraíonn an loingsiú tabharfaidh sé fógra don Choimisiún faoi iniúchtaí arna gcoimisiúnú acu i gcomhréir le míreanna 3 agus 5, agus a léirigh go gcomhlíonann saoráid na critéir a leagtar síos i gCuid B d’Iarscríbhinn X. Beidh an fhaisnéis seo a leanas san iarraidh:

Féadfaidh fógróir nó duine a shocraíonn an loingsiú fógra a thabhairt don Choimisiún maidir le hiniúchadh arna choimisiúnú ag an tsaoráid iniúchta féin, ar choinníoll go bhfuil sé fíoraithe ag an bhfógróir nó ag an duine a shocraíonn an loingsiú go ndearnadh an t-iniúchadh i gcomhréir le míreanna 3 agus 4 agus gur léirigh sé go gcomhlíonann an tsaoráid na critéir a leagtar síos i gCuid B d’Iarscríbhinn X. Beidh faisnéis i bhfógra den sórt sin i gcomhréir leis an gcéad fhomhír, pointí (a) agus (c) go (f).

8.   Déanfaidh an Coimisiún clár a bhunú agus a choimeád cothrom le dáta leis an bhfaisnéis a fhaightear i gcomhréir le mír 7. Cuirfidh an Coimisiún an fhaisnéis sa chlár ar fáil go poiblí.

9.   I gcás ina n-iarrann údarás inniúil nó údarás a bhfuil baint aige le cigireachtaí é, soláthróidh fógróir nó duine a shocraíonn an loingsiú fianaise dhoiciméadach go ndearnadh iniúchtaí dá dtagraítear i mír 3 sna saoráidí uile a ndéanann siad an dramhaíl i dtrácht a onnmhairiú chucu. Soláthrófar an fhianaise dhoiciméadach sin i dteanga a nglacfaidh na húdaráis lena mbaineann léi.

10.   Fógróir nó duine a shocraíonn an loingsiú a bhfuil dramhaíl á honnmhairiú lasmuigh den Aontas acu, cuirfidh sé faisnéis ar fáil go poiblí ar bhonn bliantúil trí mhodhanna leictreonacha maidir leis an gcaoi a gcomhlíonann siad a n-oibleagáidí faoin Airteagal seo.

11.   I gcás ina n-aithnítear le comhaontú idirnáisiúnta idir an tAontas agus tríú tír a bhfuil feidhm ag Cinneadh ECFE maidir léi go ndéanfaidh na saoráidí sa tríú tír sin dramhaíl a bhainistiú ar bhealach atá neamhdhíobhálach don chomhshaol, dá dtagraítear in Airteagal 59 agus i gcomhréir leis na critéir a leagtar síos i gCuid B d’Iarscríbhinn X, díolmhófar fógróirí nó daoine a shocraíonn loingsithe a bhfuil sé beartaithe acu dramhaíl a onnmhairiú chuig an tríú tír sin ón oibleagáid a leagtar síos i míreanna 3 go 7 agus 9.

Fógróir nó duine a shocraíonn an loingsiú a bhfuil dramhaíl á honnmhairiú aige ón Aontas chuig saoráid i dtríú tír a bhfuil comhaontú idirnáisiúnta tugtha i gcrích ag an Aontas leis, déanfaidh sé iniúchadh ad hoc gan mhoill i gcás ina bhfaigheann sé faisnéis iontaofa go bhfuil saoráid ann nach bhfuil na critéir a leagtar amach i gCuid B d’Iarscríbhinn X á gcomhlíonadh aici a thuilleadh. Sa chás sin, tabharfaidh an fógróir nó na duine a shocraíonn an loingsiú fógra do na húdaráis inniúla seolta faoin bhfianaise iontaofa sin agus faoi na pleananna atá aige iniúchadh ad hoc a dhéanamh.

I gcás ina léiríonn iniúchadh ad hoc nach gcomhlíonann saoráid na critéir a leagtar síos i gCuid B d’Iarscríbhinn X a thuilleadh, cuirfidh an fógróir nó an duine a shocraíonn an loingsiú stop láithreach le honnmhairiú na dramhaíola chuig an tsaoráid sin agus cuirfidh sé na húdaráis inniúla seolta lena mbaineann ar an eolas.

12.   Cuirfidh an Coimisiún na comhaontuithe idirnáisiúnta ábhartha dá dtagraítear i mír 11 ar fáil go poiblí ar a shuíomh gréasáin.

13.   Féadfaidh an Coimisiún treoirlínte a ghlacadh maidir le cur i bhfeidhm an Airteagail seo.

1.   I gcás onnmhairiú ón Aontas, déanfaidh na Ballstáit na bearta uile is gá chun a áirithiú nach n-onnmhaireoidh daoine dlítheanacha agus nádúrtha faoina ndlínse náisiúnta dramhaíl i gcásanna nach gcomhlíontar na coinníollacha a leagtar síos in Airteagail 39 go 46 don onnmhairiú sin nó i gcás nach mbainisteofar dramhaíl onnmhairithe ar bhealach atá neamhdhíobhálach don chomhshaol i gcomhréir le hAirteagal 59.

2.   I gcás ina bhfuil faisnéis iontaofa ag Ballstáit a thugann le fios nach bhfuil a n-oibleagáidí faoi Airteagal 46 á gcomhlíonadh ag daoine nádúrtha ná dlítheanacha a bhfuil dramhaíl á honnmhairiú acu ón Aontas, déanfaidh siad na fíoruithe is gá.

1.   Beidh toirmeasc ar onnmhairiú dramhaíola ón Aontas chuig tír nó críoch thar lear, ar dramhaíl í atá beartaithe lena diúscairt sa tír sin.

2.   A mhéid a bhaineann le honnmhairiú dramhaíola atá beartaithe lena haisghabháil i dtíortha nó críocha thar lear, beidh feidhm mutatis mutandis ag an toirmeasc a leagtar amach in Airteagal 39.

3.   A mhéid a bhaineann le honnmhairiú dramhaíola atá beartaithe lena haisghabháil i dtíortha nó críocha thar lear nach gcumhdaítear leis an toirmeasc a leagtar amach in Airteagal 39, beidh feidhm mutatis mutandis ag forálacha Theideal II.

1.   Beidh toirmeasc ar allmhairiú isteach san Aontas dramhaíl atá beartaithe lena diúscairt seachas allmhairí a thagann ó na háiteanna seo a leanas:

2.   I gcásanna eisceachtúla, is féidir leis na Ballstáit comhaontuithe nó socruithe déthaobhacha a thabhairt i gcrích maidir le diúscairt dramhaíola sonraí sna Ballstáit sin, i gcás nach mbainisteofar an dramhaíl sin ar bhealach atá neamhdhíobhálach don chomhshaol sa tír seolta.

Leis na comhaontuithe agus na socruithe sin, déanfar an méid seo a leanas:

3.   Bunófar comhaontuithe nó socruithe déthaobhacha nó iltaobhacha dá dtagraítear i mír 1, pointí (b) agus (c) ar na ceanglais nós imeachta d’Airteagal 51.

4.   Ceanglófar ar na tíortha dá dtagraítear i mír 1, pointí (a), (b) agus (c) iarraidh chuí-réasúnaithe roimh ré a chur faoi bhráid údarás inniúil an Bhallstáit cinn scríbe ar an mbonn nach bhfuil an acmhainn theicniúil agus na saoráidí is gá acu ná nach féidir leo iad a fháil go réasúnta chun an dramhaíl a dhiúscairt ar bhealach atá neamhdhíobhálach don chomhshaol dá dtagraítear in Airteagal 59.

1.   I gcás ina ndéantar dramhaíl atá beartaithe lena diúscairt a allmhairiú isteach san Aontas ó thíortha atá ina bPáirtithe i gCoinbhinsiún Basel, nó i gcásanna dá dtagraítear in Airteagal 50(1), pointe (d), beidh feidhm mutatis mutandis ag forálacha Theideal II, chomh maith leis na hoiriúnuithe agus na forálacha breise a leagtar amach i míreanna 2 agus 3.

2.   Beidh feidhm ag na hoiriúnuithe seo a leanas:

3.   Beidh feidhm ag na forálacha breise seo a leanas:

4.   Ní féidir an loingsiú a dhéanamh ach amháin má chomhlíontar na coinníollacha uile seo a leanas:

5.   I gcás ina dtagann oifig custam iontrála ar loingsiú neamhdhleathach, cuirfidh sí an t-údarás inniúil sa tír ina bhfuil an oifig custam sin ar an eolas gan mhoill. Déanfaidh an t-údarás inniúil sin an méid seo a leanas:

6.   I gcás ina ndéanann na fórsaí armtha nó na heagraíochtaí fóirithinte, nó duine nádúrtha nó dlítheanach thar a gceann, dramhaíl a allmhairiú, arna giniúint ag fórsaí armtha nó eagraíochtaí fóirithinte le linn cásanna géarchéime, nó le linn oibríochtaí déanta síochána nó síochánaíochta, a, cuirfidh na heintitis sin aon údarás inniúil idirthurais agus an t-údarás inniúil cinn scríbe san Aontas ar an eolas, nó i gcásanna práinneacha nach eol an tsaoráid diúscartha nó aisghabhála tráth an loingsithe, cuirfidh siad an t-údarás inniúil atá freagrach as limistéar an chéad áit cinn scríbe ar an eolas roimh ré maidir leis an lastas agus a cheann scríbe.

Beidh an fhaisnéis a chuirfear ar fáil de bhun na chéad fhomhíre ag gabháil leis an lastas, mura gcuirtear ar fáil í trí chóras i gcomhréir le hAirteagal 27.

7.   Glacfaidh an Coimisiún gníomh cur chun feidhme ina sonrófar an fhaisnéis atá le soláthar i gcomhréir le mír 6, an chéad fhomhír, agus an t-uainiú gaolmhar.

Beidh an fhaisnéis sin leordhóthanach chun a chur ar a gcumas do na húdaráis cigireachtaí a dhéanamh, agus sonraí a thabhairt maidir leis na daoine a bhfuil baint acu leis na loingsithe, dáta an loingsithe, cainníocht na dramhaíola, sainaithint na dramhaíola, ainmniú agus comhdhéanamh na dramhaíola, an tsaoráid aisghabhála nó diúscartha, an cód le haghaidh na hoibríochta aisghabhála nó diúscartha agus na tíortha lena mbaineann.

Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 81(2).

1.   Beidh toirmeasc ar dhramhaíl atá beartaithe lena haisghabháil a allmhairiú isteach san Aontas, seachas allmhairí a thagann ó na háiteanna seo a leanas:

2.   I gcásanna eisceachtúla, is féidir le Ballstáit aonair comhaontuithe nó socruithe déthaobhacha a thabhairt i gcrích maidir le haisghabháil dramhaíola sonraí sna Ballstáit sin, i gcás nach mbainisteofar an dramhaíl sin ar bhealach atá neamhdhíobhálach don chomhshaol, sa tír seolta.

Beidh feidhm ag Airteagal 50(2), an dara fomhír sna cásanna sin.

3.   Maidir le comhaontuithe nó socruithe déthaobhacha nó iltaobhacha ar tugadh fúthu i gcomhréir le mír 1, pointí (c) agus (d), bunófar iad ar na ceanglais nós imeachta a leagtar amach in Airteagal 51 a mhéid is ábhartha sin.

1.   I gcás ina ndéantar dramhaíl atá beartaithe lena haisghabháil a allmhairiú isteach san Aontas ó thíortha agus trí thíortha a bhfuil feidhm ag Cinneadh ECFE maidir leo, nó i gcásanna dá dtagraítear in Airteagal 52(1), pointe (e), beidh feidhm mutatis mutandis ag forálacha Theideal II, maille leis na hoiriúnuithe agus na forálacha breise a leagtar amach i míreanna 2 agus 3.

2.   Beidh feidhm ag na hoiriúnuithe seo a leanas:

3.   Beidh feidhm freisin ag Airteagal 51(3).

4.   Ní féidir an loingsiú a dhéanamh ach amháin má chomhlíontar na coinníollacha uile seo a leanas:

5.   Beidh feidhm ag forálacha Airteagal 51(5) agus (6).

1.   I gcás allmhairí isteach san Aontas, ceanglóidh an t-údarás inniúil cinn scríbe san Aontas na bearta is gá agus déanfaidh sé na bearta is gá chun a áirithiú go ndéanfar aon dramhaíl a loingsítear chuig a limistéar dlínse a bhainistiú gan sláinte an duine a chur i mbaol agus ar bhealach atá neamhdhíobhálach don chomhshaol i gcomhréir le hAirteagal 59 den Rialachán seo, agus i gcomhréir le hAirteagal 13 de Threoir 2008/98/CE agus le dlí eile an Aontais maidir le dramhaíl, go háirithe reachtaíocht an Aontais dá dtagraítear in Iarscríbhinn IX, Cuid 1, le linn thréimhse an loingsithe, lena n-áirítear aisghabháil nó diúscairt sa tír cinn scríbe.

2.   Cuirfidh an t-údarás inniúil dá dtagraítear i mír 1 toirmeasc freisin ar allmhairí dramhaíola ó thríú tíortha i gcás ina bhfuil cúis aige lena chreidiúint nach mbainisteofar an dramhaíl i gcomhréir leis na ceanglais a leagtar amach i mír 1.

1.   I gcás ina ndéantar dramhaíl a allmhairiú isteach san Aontas ó thíortha nó críocha thar lear, beidh feidhm mutatis mutandis ag Teideal II.

2.   Féadfaidh tír nó críoch thar lear agus an Ballstát lena bhfuil sé nasctha nósanna imeachta náisiúnta an Bhallstáit sin a chur i bhfeidhm i leith loingsithe ó thír nó críoch thar lear chuig an mBallstát sin sa chás nach bhfuil aon tír eile i gceist sa loingsiú mar thír idirthurais. I gcás ina gcuireann Ballstát nósanna imeachta náisiúnta i bhfeidhm maidir le loingsithe den sórt sin, tabharfaidh sé fógra don Choimisiún faoi.

1.   Maidir leis an táirgeoir dramhaíola, an fógróir, an duine a shocraíonn an loingsiú agus aon ghnóthas eile atá bainteach le loingsiú dramhaíola nó lena haisghabháil nó lena diúscairt, déanfaidh siad gach beart is gá chun a áirithiú go ndéantar an dramhaíl a bhainistiú gan sláinte an duine a chur i mbaol agus ar bhealach atá neamhdhíobhálach don chomhshaol ar feadh thréimhse an loingsithe agus le linn aisghabháil agus dhiúscairt na dramhaíola.

2.   Chun dramhaíl a onnmhairiú, measfar an dramhaíl a bheith á bainistiú ar bhealach atá neamhdhíobhálach don chomhshaol a mhéid a bhaineann le haisghabháil nó diúscairt, más féidir a léiriú go ndéanfar an dramhaíl, chomh maith le haon dramhaíl iarmharach a ghintear trí aisghabháil nó trí dhiúscairt, a bhainistiú i gcomhréir leis na ceanglais maidir le sláinte an duine, leis an aeráid agus leis an gcomhshaol a mheastar a bheith coibhéiseach leis na ceanglais maidir le sláinte an duine agus cosaint an chomhshaoil faoi reachtaíocht an Aontais. Agus measúnú á dhéanamh ar an gcoibhéiseacht sin, ní bheidh gá leis na ceanglais a eascraíonn as reachtaíocht an Aontais a chomhlíonadh go hiomlán, ach déanfar a léiriú go n-áiritheoidh na ceanglais a chuirtear i bhfeidhm sa tír cinn scríbe leibhéal comhchosúil cosanta maidir le sláinte an duine agus an comhshaol leis na ceanglais a eascraíonn as reachtaíocht an Aontais. Chun an measúnú coibhéise a dhéanamh, úsáidfear forálacha ábhartha reachtaíocht an Aontais agus an treoir idirnáisiúnta dá dtagraítear in Iarscríbhinn IX mar phointí tagartha.