(2)

Is é an táirge atá faoi réir clárú (‘an táirge lena mbaineann’) feithiclí ceallra-leictreacha nua, atá deartha go príomha chun naonúr nó níos lú a iompar, lena n-áirítear an tiománaí agus a thiomáintear (3) le mótar leictreach amháin nó níos mó, agus leis na mótair sin amháin. Ní áirítear gluaisrothair san imscrúdú. Aicmítear an táirge lena mbaineann faoi láthair faoi chód AC 8703 80 10.

(3)

De réir Airteagal 24(5) den bhun-Rialachán, féadfaidh an Coimisiún, ar a thionscnamh féin, treoir a thabhairt do na húdaráis chustaim na céimeanna iomchuí a ghlacadh chun allmhairí a chlárú, ionas go bhféadfar bearta a chur i bhfeidhm ina dhiaidh sin ar na hallmhairí sin ón dáta clárúcháin sin ar aghaidh, i gcomhréir le hAirteagal 16(4) den bhun-Rialachán.

(4)

A mhéid a bhaineann le fóirdheonú, is leor an fhianaise atá ag an gCoimisiún a thugann le fios go bhfuil allmhairí an táirge lena mbaineann ón tSín á bhfóirdheonú. Is éard atá sna fóirdheontais líomhnaithe, inter alia:

(5)

Cuireadh an fhianaise ar fhóirdheonú ar fáil sa meabhrán maidir le leordhóthanacht na fianaise.

(6)

Líomhnaítear gur fóirdheontais atá sna bearta ar a dtugtar tuairisc in aithris (4) toisc go bhfuil ranníocaíocht airgeadais ó Rialtas na Síne nó rialtais réigiúnacha eile (lena n-áirítear comhlachtaí poiblí), nó ó chomhlachtaí príobháideacha arna stiúradh nó arna gcur ar iontaoibh ag Rialtas na Síne i gceist leo agus go dtugann siad sochar do tháirgeoirí onnmhairiúcháin an táirge lena mbaineann. Is cosúil gur bearta sonracha iad, agus mar sin in-fhrithchúitithe, i measc nithe eile, ós rud é nach mbaineann siad ach le hearnálacha, táirgí agus/nó réigiúnacha áirithe.

(7)

Dá bhrí sin, tugann an fhianaise atá ar fáil ag an gcéim seo le fios go mbaineann onnmhairí an táirge lena mbaineann tairbhe as fóirdheontais in-fhrithchúitithe.

(8)

Léirítear san fhianaise freisin imthosca criticiúla i bhfoirm allmhairí ollmhóra laistigh de thréimhse réasúnta gearr agus méadú mór ar allmhairí faoi chód AC 8703 80 10 sa tréimhse ó mhí Dheireadh Fómhair 2023 go mí Eanáir 2024. Go sonrach, léirítear san fhianaise atá ar fáil gur 177 839 bpíosa a bhí sna hallmhairí idir mí Dheireadh Fómhair 2023 agus mí Eanáir 2024. Is méadú 11 % é sin i gcomparáid leis an tréimhse imscrúdaithe (Deireadh Fómhair 2022–Meán Fómhair 2023) i dtéarmaí an mheáin mhíosúil (féach Tábla 1), agus is méadú 14 % é i gcomparáid leis an tréimhse sin idir mí Dheireadh Fómhair 2022 agus mí Eanáir 2023 (féach Tábla 2).

Tábla 1

Allmhairí ón tSín le linn na TI agus tar éis an imscrúdaithe

Tábla 2

Allmhairí ón tSín Deireadh Fómhair-Eanáir ó bhliain go bliain

(9)

Ag an gcéim seo d’fhéadfadh sé, ar bhonn na sonraí a bailíodh le linn an imscrúdaithe, gur thosaigh an díobháil, a bheadh deacair a leigheas, ag teacht chun cinn fiú roimh dheireadh an imscrúdaithe.

(10)

Tá baol ann freisin go dtiocfaidh méadú ar líon na dtáirgeoirí de chuid an Aontais a mbeidh a díolacháin ag crapadh agus a leibhéil táirgthe ag laghdú má leanann na hallmhairí ón tSín ar na leibhéil mhéadaithe atá ann faoi láthair ar phraghsanna a líomhnaítear go bhfóirdheonaítear iad, mar a léirítear go dtí seo tar éis thionscnamh an imscrúdaithe. Is léir go mbeidh tionchar diúltach ag an mbaol sin ar fhostaíocht agus feidhmíocht fhoriomlán na dtáirgeoirí de chuid an Aontais. Bheadh díobháil i gceist leis sin ba dheacair a leigheas.

(11)

I bhfianaise na sonraí agus na mbreithnithe a leagtar amach in aithrisí (8) go (10), mheas an Coimisiún gur ghá forchur cúlghabhálach féideartha na mbeart a ullmhú trí chlárú a fhorchur chun nach dtarlóidh an díobháil sin arís. Dá bhrí sin, má thagann an Coimisiún ar an gconclúid ag deireadh an imscrúdaithe reatha go ndéantar díobháil ábhartha don tionscal intíre, féadfar a mheas gurb iomchuí bailiú na ndleachtanna frithchúitimh ar allmhairí cláraithe chun nach dtarlóidh an díobháil sin arís.

(12)

Tháinig an Coimisiún ar an gconclúid go bhfuil fianaise leordhóthanach ann chun údar a thabhairt le hallmhairí an táirge lena mbaineann a chur faoi réir clárú i gcomhréir le hAirteagal 24(5) den bhun-Rialachán.

(13)

Iarrtar ar na páirtithe leasmhara uile a gcuid tuairimí a chur in iúl i scríbhinn agus fianaise thacaíochta a chur ar fáil. Féadfaidh an Coimisiún éisteacht le páirtithe leasmhara, ar choinníoll go ndéanann siad iarraidh i scríbhinn agus go dtaispeánann siad go bhfuil cúiseanna ar leith ann le héisteacht a thabhairt dóibh.

(14)

De bhun Airteagal 24(5) den bhun-Rialachán, ba cheart allmhairí an táirge lena mbaineann a chur faoi réir clárú chun a áirithiú, dá mba rud é go bhforchuirfí dleachtanna frithchúitimh mar thoradh ar thorthaí an imscrúdaithe, go bhféadfar na dleachtanna sin, más rud é go gcomhlíontar na coinníollacha is gá, a thobhach go cúlghabhálach i leith na n-allmhairí cláraithe i gcomhréir leis na forálacha dlíthiúla is infheidhme.

(15)

Aon dliteanas a bheadh ann amach anseo, is as torthaí an imscrúdaithe a thiocfadh sé.

(16)

Ag an gcéim seo san imscrúdú, ní féidir meastachán cruinn a dhéanamh ar mhéid an fhóirdheontais go fóill. Dá bhrí sin, ní mheasann an Coimisiún gurb iomchuí meastachán ar an méid dliteanais a bheidh ann amach anseo a chur ar fáil.

(17)

Próiseálfar aon sonraí pearsanta a bhailítear i gcomhthéacs an chlárúcháin seo i gcomhréir le Rialachán (AE) 2018/1725 ó Pharlaimint na hEorpa agus ón gComhairle (4),