(1)

D’aontaigh an tAontas don Choinbhinsiún maidir le hIompar Idirnáisiúnta d’Iarnród an 9 Bealtaine 1980, arna leasú le Prótacal Vilnius an 3 Meitheamh 1999 (‘COTIF’), trí bhithín an Chomhaontaithe idir an tAontas Eorpach agus an Eagraíocht Idir-rialtasach um Iompar Idirnáisiúnta d’Iarnród maidir le hAontachas an Aontais Eorpaigh don Choinbhinsiún maidir le hIompar Idirnáisiúnta d’Iarnród (COTIF) an 9 Bealtaine 1980, arna leasú le Prótacal Vilnius an 3 Meitheamh 1999 (1).

(2)

De bhun Airteagal 13(1), pointe (f), de COTIF, cuireadh Coiste Saineolaithe Teicniúla (CTE) OTIF ar bun.

(3)

De bhun Airteagal 20(1), pointe (b), de COTIF, agus i gcomhréir le hAirteagal 6 de na Rialacha Aonfhoirmeacha maidir le Caighdeáin Theicniúla a bhailíochtú agus Saintreoracha Teicniúla Aonfhoirmeacha a ghlacadh is infheidhme maidir le hÁbhar Iarnróid le haghaidh úsáid sa Trácht Idirnáisiúnta (APTU — Foscríbhinn F a ghabhann leis an gCoinbhinsiún), tá CTE inniúil chun saintreoracha teicniúla aonfhoirmeacha (UTPanna) a ghlacadh nó a leasú, inter alia, na saintreoracha teicniúla aonfhoirmeacha sin maidir le cáilíochtaí agus neamhspleáchas na n-eintiteas measúnaithe (GEN-E), maidir le modh comhchoiteann sábháilteachta i ndáil le meastóireacht riosca agus measúnú riosca (GEN-G), agus maidir le hiarratas feidhmchláir teileamaitice le haghaidh lasta (TAF).

(4)

De bhun Airteagal 16 (10) de COTIF, tá an inniúlacht ag CTE maidir lena rialacha nós imeachta a bhunú.

(5)

I gclár oibre an 15ú seisiún dá chuid, a bheidh ar siúl an 13 agus an 14 Meitheamh 2023, chuir CTE san áireamh togra le haghaidh cinntí chun athbhreithniú iomlán a dhéanamh ar UTP GEN-E, chun athbhreithniú a dhéanamh ar UTP GEN-G, chun a rialacha nós imeachta an Choiste Saineolaithe Teicniúla a mhodhnú agus na tagairtí do Dhoiciméid Theicniúla na sonraíochtaí teicniúla don idir-inoibritheacht a bhaineann leis na feidhmchláir theileamaitice do lasta (STI FTL) a liostaítear i bhFoscríbhinn I a ghabhann le Saintreoracha Teicniúla Aonfhoirmeacha maidir le FTL a thabhairt cothrom le dáta.

(6)

Is iad cuspóirí na gcinntí ó CTE atá beartaithe UTP GEN-E a ailíniú le Treoir (AE) 2016/797 ó Pharlaimint na hEorpa agus ón gComhairle (2), athbhreithniú a dhéanamh ar UTP GEN-G, rialacha nós imeachta CTE a mhodhnú agus UTP FTL a ailíniú le rialacha an Aontais, eadhon Rialachán Cur Chun Feidhme (AE) 2021/5419 ón gCoimisiún (3).

(7)

Is iomchuí an seasamh atá le glacadh thar ceann an Aontais in CTE a leagan síos mar beidh na cinntí atá beartaithe ceangailteach ar an Aontas.

(8)

Tá na cinntí ó OTIF atá beartaithe i gcomhréir le dlí agus le cuspóirí straitéiseacha an Aontais toisc go gcuireann siad le hailíniú reachtaíocht OTIF le forálacha coibhéiseacha dhlí an Aontais, agus ar an ábhar sin ba cheart don Aontas tacú leo,

(1)

vótáil i bhfabhar an athbhreithnithe atá beartaithe a dhéanfaidh CTE ar Shaintreoracha Teicniúla Aonfhoirmeacha GEN-E (Doiciméad Oibre CTE dar teideal TECH-23005);

(2)

vótáil i bhfabhar na leasuithe atá beartaithe ag CTE ar Shaintreoracha Teicniúla Aonfhoirmeacha GEN-G (Doiciméad Oibre CTE dar teideal TECH-23006);

(3)

vótáil i bhfabhar an athbhreithniú atá beartaithe ag CTE ar rialacha nós imeachta CTE (Doiciméad Oibre CTE dar teideal TECH-23002);

(4)

vótáil i bhfabhar an togra CTE le haghaidh na tagairtí do Dhoiciméid Theicniúla sna STInna maidir le FTL a liostaítear i bhFoscríbhinn I a ghabhann leis na STAnna maidir le FTL a thabhairt cothrom le dáta (Doiciméad Oibre CTE dar teideal TECH-23007-CTE).