Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022R2528

    Rialachán Tarmligthe (AE) 2022/2528 ón gCoimisiún an 17 Deireadh Fómhair 2022 lena leasaítear Rialachán Tarmligthe (AE) 2017/891 agus lena n-aisghairtear Rialacháin Tharmligthe (AE) Uimh. 611/2014, AE 2015/1366 agus (AE) 2016/1149 is infheidhme maidir le scéimeanna cabhrach in earnálacha talmhaíochta áirithe

    C/2022/7227

    IO L 328, 22.12.2022, p. 70–73 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2022/2528/oj

    Date of document:
    17/10/2022; Dáta ar glacadh
    Date of effect:
    29/12/2022; Teacht i bhfeidhm Dáta foilsithe +7 Féach Airt. 3
    Date of end of validity:
    No end date
    Author:
    An Coimisiún Eorpach, Ard-Stiúrthóireacht na Talmhaíochta agus na Forbartha Tuaithe
    Responsible body:
    AGRI
    Form:
    Rialachán tarmligthe
    Treaty:
    An Conradh ar Fheidhmiú an Aontais Eorpaigh
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Repeal 32014R0611 Aisghairm pháirteach 01/01/2023
    Repeal 32014R0611
    Repeal 32015R1366 Aisghairm pháirteach 01/01/2023
    Repeal 32015R1366
    Repeal 32016R1149 Aisghairm pháirteach 16/10/2023
    Repeal 32016R1149
    Modifies 32017R0891 Scriosadh iarscríbhinn I 01/01/2023
    Modifies 32017R0891 Scriosadh iarscríbhinn II 01/01/2023
    Modifies 32017R0891 Scriosadh iarscríbhinn III 01/01/2023
    Modifies 32017R0891 Scriosadh iarscríbhinn IV 01/01/2023
    Modifies 32017R0891 Scriosadh iarscríbhinn V 01/01/2023
    Modifies 32017R0891 Scriosadh airteagal 2 pointe (f) 01/01/2023
    Modifies 32017R0891 Scriosadh airteagal 2 pointe (g) 01/01/2023
    Modifies 32017R0891 Scriosadh airteagal 2 pointe (h) 01/01/2023
    Modifies 32017R0891 Scriosadh airteagal 2 pointe (i) 01/01/2023
    Modifies 32017R0891 Scriosadh airteagal 2 pointe (j) 01/01/2023
    Modifies 32017R0891 Scriosadh airteagal 2 pointe (k) 01/01/2023
    Modifies 32017R0891 Scriosadh airteagal 2 pointe (l) 01/01/2023
    Modifies 32017R0891 Scriosadh airteagal 2 pointe (m) 01/01/2023
    Modifies 32017R0891 Scriosadh airteagal 22-54 01/01/2023
    Modifies 32017R0891 Scriosadh airteagal 56 01/01/2023
    Modifies 32017R0891 Scriosadh airteagal 57 01/01/2023
    Modifies 32017R0891 Scriosadh airteagal 58 01/01/2023
    Modifies 32017R0891 Scriosadh airteagal 59 mír 7 01/01/2023
    Modifies 32017R0891 Scriosadh airteagal 59 mír 8 01/01/2023
    Modifies 32017R0891 Scriosadh airteagal 60-67 01/01/2023
    Modifies 32017R0891 Scriosadh airteagal 76 01/01/2023
    Modifies 32017R0891 Scriosadh airteagal 77 pointe (a) 01/01/2023
    Modifies 32017R0891 Scriosadh airteagal 78 01/01/2023
    Modifies 32017R0891 Scriosadh airteagal 79 01/01/2023
    Modifies 32017R0891 Scriosadh airteagal 80 01/01/2023
    Implicit repeal 32017R1962 01/01/2023
    Implicit repeal 32021R0374 airteagal 2 16/10/2023
    Implicit repeal 32021R0580 01/01/2023
    Implicit repeal 32021R2027 airteagal 2 16/10/2023
    Instruments cited:
    Link

    22.12.2022   

    GA

    Iris Oifigiúil an Aontais Eorpaigh

    L 328/70

    RIALACHÁN TARMLIGTHE (AE) 2022/2528 ÓN gCOIMISIÚN

    an 17 Deireadh Fómhair 2022

    lena leasaítear Rialachán Tarmligthe (AE) 2017/891 agus lena n-aisghairtear Rialacháin Tharmligthe (AE) Uimh. 611/2014, AE 2015/1366 agus (AE) 2016/1149 is infheidhme maidir le scéimeanna cabhrach in earnálacha talmhaíochta áirithe

    TÁ AN COIMISIÚN EORPACH,

    Ag féachaint don Chonradh ar Fheidhmiú an Aontais Eorpaigh,

    Ag féachaint do Rialachán (AE) Uimh. 1308/2013 ó Pharlaimint na hEorpa agus ón gComhairle an 17 Nollaig 2013 lena mbunaítear comheagraíocht na margaí i dtáirgí talmhaíochta agus lena n-aisghairtear Rialacháin (CEE) Uimh. 922/72, (CEE) Uimh. 234/79, (CE) Uimh. 1037/2001, agus (CE) Uimh. 1234/2007 (1) ón gComhairle, agus go háirithe Airteagal 30, Airteagal 37 pointí (a)(i), (ii) (iii) agus (vi), (b), (c), (d), (e)(i), Airteagal 53, 56(1), 223(2) agus 231(1) de,

    Ag féachaint do Rialachán (AE) Uimh. 1306/2013 ó Pharlaimint na hEorpa agus ón gComhairle an 17 Nollaig 2013 maidir leis an gcomhbheartas talmhaíochta a mhaoiniú, a bhainistiú agus faireachán a dhéanamh air agus lena n-aisghairtear Rialacháin (CEE) Uimh. 352/78, (CE) Uimh. 165/94, (CE) Uimh. 2799/98, (CE) Uimh. 814/2000, (CE) Uimh. 1290/2005 agus (CE) Uimh. 485/2008 ón gComhairle (2), agus go háirithe Airteagail 62(1), 63(4), 64(6) agus 106(5) de,

    De bharr an mhéid seo a leanas:

    (1)

    Le Rialachán (AE) 2021/2115 ó Pharlaimint na hEorpa agus ón gComhairle (3), leagtar síos creat dlíthiúil nua le haghaidh an chomhbheartais talmhaíochta (CBT) chun feabhas a chur ar an gcaoi a mbaintear cuspóirí an Aontais amach leis, ar cuspóirí iad a leagtar amach sa Chonradh ar Fheidhmiú an Aontais Eorpaigh. Sa Rialachán sin sonraítear a thuilleadh cuspóirí sin an Aontais atá le baint amach leis an gcomhbheartas talmhaíochta agus sainítear ann na cineálacha idirghabhála mar aon le ceanglais choiteanna an Aontais is infheidhme maidir leis na Ballstáit, agus solúbthacht á fágáil faoi na Ballstáit i gceapadh na n-idirghabhálacha atá le tabhairt ina bPleananna Straitéiseacha CBT le haghaidh na tréimhse idir an 1 Eanáir 2023 go dtí an 31 Nollaig 2027.

    (2)

    Leagtar amach i Rialachán (AE) 2021/2115 gach cineál idirghabhála in earnálacha talmhaíochta áirithe dá dtagraítear i Rialachán (AE) Uimh. 1308/2013. Mar thoradh air sin, le Rialachán (AE) 2021/2117 ó Pharlaimint na hEorpa agus ón gComhairle (4) scriostar na forálacha maidir le cabhair in earnáil na hola olóige agus na n-ológ boird, in earnáil na dtorthaí agus na nglasraí, in earnáil an fhíona, in earnáil na beachadóireachta agus in earnáil na leannlusanna a leagtar síos i Rialachán (AE) Uimh. 1308/2013 le héifeacht ón 1 Eanáir 2023.

    (3)

    Sa chomhthéacs sin, ghlac an Coimisiún ceanglais bhreise de bhun Rialachán (AE) 2021/2115 maidir le dearadh na n-idirghabhálacha atá le sonrú sna Pleananna Straitéiseacha CBT, eadhon trí bhíthin Rialachán Tarmligthe (AE) 2022/126 ón gCoimisiún (5). Cuirtear an Rialachán Tarmligthe sin in ionad na rialacha a leagtar síos faoi láthair i Rialacháin Tharmligthe (AE) Uimh. 611/2014 (6), (AE) 2015/1366 (7), (AE) 2016/1149 (8) agus (AE) 2017/891 (9) ón gCoimisiún.

    (4)

    I Rialacháin Tharmligthe (AE) 2015/1366, (AE) 2016/1149 agus (AE) 2017/891, tá forálacha áirithe a bhaineann le seiceálacha, rialuithe, pionóis nó sonraíocht an teagmhais oibríochtúil a mhéid a bhaineann le cabhair in earnáil na dtorthaí agus na nglasraí, in earnáil na beachadóireachta agus in earnáil an fhíona a glacadh ar bhonn Rialachán (AE) Uimh. 1306/2013.

    (5)

    Rialachán (AE) 2021/2116 ó Pharlaimint na hEorpa agus ón gComhairle (10) maidir leis an gcomhbheartas talmhaíochta a mhaoiniú, a bhainistiú agus faireachán a dhéanamh air agus lena n-aisghairtear Rialachán (AE) Uimh. 1306/2013. I gcomhréir leis an gcur chuige a tugadh isteach le Rialachán (AE) 2021/2115 maidir leis an gcaoi ina mbaintear amach cuspóirí an Aontais, sa Rialachán sin fágtar níos mó solúbthachta faoi na Ballstáit freisin, go háirithe a mhéid a bhaineann lena seiceálacha agus rialuithe atá le déanamh agus leis na pionóis atá le forchur.

    (6)

    Dá bhrí sin, ba cheart na hAirteagail ábhartha de Rialachán Tarmligthe (AE) 2017/891 agus na hIarscríbhinní a ghabhann leis a scriosadh le héifeacht ón 1 Eanáir 2023. Mar sin féin, i gcomhréir le hAirteagal 5(4) agus (6), pointe (c), de Rialachán (AE) 2021/2117 agus i gcomhréir le hAirteagal 104(1) pointe (a)(ii) agus (iii) de Rialachán (AE) 2021/2116, ba cheart dóibh leanúint d’fheidhm a bheith acu a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 1 Eanáir 2023 laistigh den scéim chabhrach in earnáil na dtorthaí agus na nglasraí agus a mhéid a bhaineann le cláir oibríochtúla a leanfaidh de bheith ag feidhmiú go dtí go mbeidh deireadh leo, lena n-áirítear na cláir oibríochtúla sin a fhormheasann na Ballstáit in 2022 i gcomhréir le Rialachán (AE) Uimh. 1308/2013 agus Rialachán Tarmligthe (AE) 2017/891 roimh an 1 Eanáir 2023.

    (7)

    Ba cheart Rialacháin Tharmligthe (AE) Uimh. 611/2014 agus (AE) 2015/1366 a aisghairm le héifeacht ón 1 Eanáir 2023. Mar sin féin, i gcomhréir le hAirteagal 5(4) de Rialachán (AE) 2021/2117, ba cheart dóibh leanúint d’fheidhm a bheith acu a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 1 Eanáir 2023 laistigh de na scéimeanna cabhrach in earnáil na hola olóige agus na n-ológ boird chomh maith le hearnáil na beachadóireachta.

    (8)

    I gcomhréir le hAirteagal 5(7) de Rialachán (AE) 2021/2117, ba cheart Rialachán Tarmligthe (AE) 2016/1149 a aisghairm le héifeacht ón 16 Deireadh Fómhair 2023 agus ba cheart feidhm a bheith aige go fóill a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 16 Deireadh Fómhair 2023 laistigh de na cláir thacaíochta in earnáil an fhíona agus a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme de bhun Airteagail 46 agus 50 de Rialachán (AE) Uimh. 1308/2013 roimh an 16 Deireadh Fómhair 2025, ar choinníoll go gcomhlíonfar na coinníollacha a leagtar amach in Airteagal 5(7) de Rialachán (AE) 2021/2117,

    TAR ÉIS AN RIALACHÁN SEO A GHLACADH:

    Airteagal 1

    Leasuithe ar Rialachán Tarmligthe (AE) 2017/891 agus ar fhorálacha idirthréimhseacha

    Scriostar Airteagal 2, pointí (f) go (m), Airteagail 22 go 54, Airteagail 56, 57 agus 58, Airteagal 59(7) agus (8), Airteagail 60 go 67, Airteagal 76, Airteagal 77, pointe (a), agus Airteagail 78, 79 agus 80 de Rialachán Tarmligthe (AE) 2017/891 agus Iarscríbhinní I, II, III, IV agus V a ghabhann leis an Rialachán sin le héifeacht ón 1 Eanáir 2023.

    Na hAirteagail agus na hIarscríbhinní sin a scriosadh, leanfaidh siad d’fheidhm a bheith acu, áfach:

    (a)

    a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 1 Eanáir 2023 laistigh den scéim chabhrach dá dtagraítear in Airteagail 32 go 38 de Rialachán (AE) Uimh. 1308/2013,

    (b)

    a mhéid a bhaineann le cláir oibríochtúla a leanfaidh de bheith ag feidhmiú go dtí go mbeidh deireadh leo faoi na coinníollacha is infheidhme faoi Rialachán (AE) Uimh. 1308/2013 i gcomhréir le hAirteagal 5(6), pointe (c) de Rialachán (AE) 2021/2117 nó a d’fhormheas na Ballstáit i gcomhréir le Rialachán (AE) Uimh. 1308/2013 agus Rialachán Tarmligthe (AE) 2017/891 roimh an 1 Eanáir 2023.

    Airteagal 2

    Rialacháin Tharmligthe (AE) Uimh. 611/2014, (AE) 2015/1366 agus (AE) 2016/1149 agus forálacha idirthréimhseacha a aisghairm

    1.   Aisghairtear Rialachán Tarmligthe (AE) 611/2014 le héifeacht ón 1 Eanáir 2023.

    Leanfaidh sé d’fheidhm a bheith aige, áfach, a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 1 Eanáir 2023 laistigh den scéim chabhrach dá dtagraítear in Airteagail 29, 30 agus 31 de Rialachán (AE) Uimh. 1308/2013.

    2.   Aisghairtear Rialachán Tarmligthe (AE) 2015/1366 le héifeacht ón 1 Eanáir 2023.

    Leanfaidh sé d’fheidhm a bheith aige, áfach, a mhéid a bhaineann le caiteachas arna thabhú agus le híocaíochtaí arna ndéanamh i leith oibríochtaí arna gcur chun feidhme roimh an 1 Eanáir 2023 laistigh den scéim chabhrach dá dtagraítear in Airteagail 55, 56 agus 57 de Rialachán (AE) Uimh. 1308/2013.

    3.   Aisghairtear Rialachán Tarmligthe (AE) 2016/1149 le héifeacht ón 16 Deireadh Fómhair 2023.

    Mar sin féin, leanfaidh sé d’fheidhm a bheith aige, áfach, a mhéid a bhaineann leis na nithe seo a leanas:

    (a)

    caiteachas arna thabhú agus íocaíochtaí arna ndéanamh i leith oibríochtaí arna gcur chun feidhme de bhun Rialachán (AE) Uimh. 1308/2013 roimh an 16 Deireadh Fómhair 2023 laistigh den scéim cabhrach dá dtagraítear in Airteagail 39 go 52 den Rialachán sin,

    (b)

    caiteachas arna thabhú agus íocaíochtaí arna ndéanamh i leith oibríochtaí arna gcur chun feidhme de bhun Airteagail 46 agus 50 de Rialachán (AE) Uimh. 1308/2013 roimh an 16 Deireadh Fómhair 2025, ar choinníoll go mbeidh na hoibríochtaí sin curtha chun feidhme go páirteach faoin 15 Deireadh Fómhair 2023 agus go mbeidh an caiteachas arna thabhú cothrom le 30 % ar a laghad den chaiteachas iomlán atá beartaithe acu agus, go mbeidh na hoibríochtaí sin curtha chun feidhme ina n-iomláine faoin 15 Deireadh Fómhair 2025.

    Airteagal 3

    Teacht i bhfeidhm

    Tiocfaidh an Rialachán seo i bhfeidhm an seachtú lá tar éis lá a fhoilsithe in Iris Oifigiúil an Aontais Eorpaigh.

    Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

    Arna dhéanamh sa Bhruiséil, an 17 Deireadh Fómhair 2022.

    Thar ceann an Choimisiúin

    An tUachtarán

    Ursula VON DER LEYEN

    (1)  IO L 347, 20.12.2013, lch. 671.

    (2)  IO L 347, 20.12.2013, lch. 549.

    (3)  Rialachán (AE) 2021/2115 ó Pharlaimint na hEorpa agus ón gComhairle an 2 Nollaig 2021 lena mbunaítear rialacha maidir le tacaíocht do phleananna straitéiseacha atá le tarraingt suas ag na Ballstáit faoin gcomhbheartas talmhaíochta (Pleananna Straitéiseacha CBT) agus le maoiniú ag an gCiste Eorpach um Ráthaíocht Talmhaíochta (CERT) agus ag an gCiste Eorpach Talmhaíochta um Fhorbairt Tuaithe (CETFT) agus lena n-aisghairtear Rialacháin (AE) Uimh. 1305/2013 agus (AE) Uimh. 1307/2013 (IO L 435, 6.12.2021, lch. 1).

    (4)  Rialachán (AE) 2021/2117 ó Pharlaimint na hEorpa agus ón gComhairle an 2 Nollaig 2021 lena leasaítear Rialacháin (AE) Uimh. 1308/2013 lena mbunaítear comheagrú na margaí i dtáirgí talmhaíochta, (AE) Uimh. 1151/2012 maidir le scéimeanna cáilíochta do tháirgí talmhaíochta agus do bhia-earraí, (AE) Uimh. 251/2014 maidir le sainmhíniú, tuairisc, cur i láthair, lipéadú agus cosaint sonraí geografacha i ndáil le táirgí fíona cumhraithe, agus (AE) Uimh. 228/2013 lena leagtar síos bearta sonracha don talmhaíocht sna réigiúin is forimeallaí den Aontas (IO L 435, 6.12.2021, lch. 262).

    (5)  Rialachán Tarmligthe (AE) 2022/126 ón gCoimisiún an 7 Nollaig 2021 lena bhforlíontar Rialachán (AE) 2021/2115 ó Pharlaimint na hEorpa agus ón gComhairle le ceanglais bhreise maidir le cineálacha áirithe idirghabhála arna sonrú ag na Ballstáit ina bPleananna Straitéiseacha CBT le haghaidh na tréimhse 2023 go 2027 faoin Rialachán sin mar aon le rialacha maidir leis an gcóimheas i dtaca le caighdeán 1 maidir leis an dea-riocht talmhaíochta agus comhshaoil (DRTC) (IO L 20, 31.1.2022, lch. 52).

    (6)  Rialachán Tarmligthe (AE) Uimh. 611/2014 ón gCoimisiún an 11 Márta 2014 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann leis na cláir thacaíochta náisiúnta in earnáil na hola olóige agus na n-ológ boird (IO L 168, 7.6.2014, lch. 55).

    (7)  Rialachán Tarmligthe (AE) 2015/1366 ón gCoimisiún an 11 Bealtaine 2015 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle maidir le cabhair in earnáil na beachadóireachta (IO L 211, 8.8.2015, lch. 3).

    (8)  Rialachán Tarmligthe (AE) 2016/1149 ón gCoimisiún an 15 Aibreán 2016 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle a mhéid a bhaineann leis na cláir thacaíochta náisiúnta in earnáil an fhíona agus lena leasaítear Rialachán (CE) Uimh. 555/2008 ón gCoimisiún (IO L 190, 15.7.2016, lch. 1).

    (9)  Rialachán Tarmligthe (AE) 2017/891 ón gCoimisiún an 13 Márta 2017 lena bhforlíontar Rialachán (AE) Uimh. 1308/2013 ó Pharlaimint na hEorpa agus ón gComhairle maidir le hearnáil na dtorthaí agus na nglasraí agus earnáil na dtorthaí agus na nglasraí próiseáilte agus lena bhforlíontar Rialachán (AE) Uimh. 1306/2013 ó Pharlaimint na hEorpa agus ón gComhairle maidir le pionóis atá le cur i bhfeidhm sna hearnálacha sin agus lena leasaítear Rialachán Cur Chun Feidhme (AE) Uimh. 543/2011 ón gCoimisiún (IO L 138 25.5.2017, lch. 4).

    (10)  Rialachán (AE) 2021/2116 ó Pharlaimint na hEorpa agus ón gComhairle an 2 Nollaig 2021 maidir leis an gcomhbheartas talmhaíochta a mhaoiniú, a bhainistiú agus faireachán a dhéanamh air agus lena n-aisghairtear Rialachán (AE) Uimh. 1306/2013 (IO L 435, 6.12.2021, lch. 187).

    Top