1.   Na taifid ó dhearbhuithe custaim dá dtagraítear i bpointe (c) d’Iarscríbhinn VI de Rialachán (AE) 2019/2152, is taifid iad a chuirfidh na húdaráis chustaim ar fáil gan mhoill dá gcuid NSAnna, ar a dhéanaí le linn na míosa tar éis na míosa ar glacadh leis na dearbhuithe custaim, nó a raibh siad faoi réir cinntí ó lucht custaim ina leith.

2.   I gcás ina ndéanfar na taifid ó dhearbhuithe custaim a leasú nó a athrú, cuirfidh na húdaráis chustaim faisnéis athbhreithnithe ar fáil dá gcuid NSAnna.

3.   Ar iarratas ó na NSAnna, fíoróidh na húdaráis chustaim cruinneas agus iomláine na dtaifead ó na dearbhuithe custaim a bheidh curtha ar fáil acu.

1.   An fhaisnéis dá dtagraítear in Iarscríbhinn V de Rialachán (AE) 2019/2152, déanfaidh na húdaráis chánach í a sholáthar dá gcuid NSAnna tar éis dóibh an fhaisnéis a fháil, ar a dhéanaí le linn na míosa tar éis na míosa ar cuireadh an fhaisnéis ar fáil.

2.   I gcás ina ndéanfar an fhaisnéis arna soláthar ag na húdaráis chánach a leasú nó a athrú, cuirfidh na húdaráis chánach faisnéis athbhreithnithe ar fáil dá gcuid NSAnna.

3.   Fíoróidh na húdaráis chánach cruinneas agus iomláine na faisnéise atá soláthraithe acu ach a n-iarrfaidh a gcuid NSAnna sin.

1.   I gcás ina ndéanfar tagairt sna taifid ó dhearbhuithe custaim d’imréiteach láraithe le linn na hidirthréimhse, sin nó tagairt d’earraí sa samhail-onnmhairiú, NSA an Bhallstáit atá ag seoladh, déanfaidh sé na micreashonraí a sholáthar do NSA an Bhallstáit atá á nglacadh, ar micreashonraí iad a bhaineann le honnmhairiú nó allmhairiú earraí arna gcur ar fáil ag údarás custaim an Bhallstáit seolta.

2.   I gcás ina dtagraíonn na taifid ó dhearbhuithe custaim d’imréiteach láraithe le linn na hidirthréimhse, is é an Ballstát is faighteoir an Ballstát ar ina chríoch staidrimh atá na hearraí suite an tráth a scaoiltear isteach sa nós imeachta custaim iad, sin nó an tráth a n-athonnmhairithe.

3.   I gcás ina ndéantar tagairt sna taifid ó dhearbhuithe custaim d’earraí atá á samhail-onnmhairiú, cás dá dtagraítear in Iarscríbhinn V, Roinn 1 (l) de Rialachán (AE) 2020/1197, is é an Ballstát is faighteoir an Bhallstát onnmhairíochta iarbhír, dá dtagraítear in Iarscríbhinn V, Roinn 17(2), an dara fomhír de Rialachán (AE) 2020/1197.

4.   Na micreashonraí dá dtagraítear i mír 1, beidh seo san áireamh leo:

5.   Na meiteashonraí ábhartha chun micreashonraí a úsáid a mhalartaítear i dtiomsú staidrimh, déanfaidh NSA an Bhallstáit atá ag seoladh na meiteashonraí a sholáthar do NSA an Bhallstáit is faighteoir.

6.   I gcás inarb é an Ballstát atá ag seoladh an Ballstát onnmhairíochta iarbhír, dá dtagraítear i Roinn 17(2), an dara fomhír d’Iarscríbhinn V de Rialachán (AE) 2020/1197, ní bheidh feidhm ag míreanna 1 go 5.

1.   Na micreashonraí dá dtagraítear in Airteagal 5, déanfaidh NSA an Bhallstáit atá ag seoladh iad a sholáthar do NSA an Bhallstáit is faighteoir 30 lá féilire ar a dhéanaí tar éis dheireadh na míosa tagartha.

2.   I gcás ina mbeidh taifid bhreise, leasaithe nó athraithe ó dhearbhuithe custaim ar fáil do NSA an Bhallstáit atá ag seoladh tar éis an spriocdháta dá dtagraítear i mír 1, soláthróidh NSA an Bhallstáit seolta na micreashonraí athbhreithnithe do NSA an Bhallstáit is faighteoir a thúisce is féidir, ar a dhéanaí 30 lá féilire tar éis dheireadh na míosa ina mbeidh na taifid bhreise, leasaithe nó athraithe ó dhearbhuithe custaim ar fáil.

1.   Na micreashonraí agus na meiteashonraí a dhéanfar a mhalartú i gcomhréir le hAirteagal 5, malartófar iad i bhfoirm leictreonach, agus déanfar iad a tharchur nó a uaslódáil trí phointe iontrála aonair an Choimisiúin (Eurostat) i gcás micreashonraí agus, i gcás inarb iomchuí i gcás meiteashonraí.

2.   Is i gcomhréir leis na treoirlínte cur chun feidhme atá soláthraithe ag an gCoimisiún (Eurostat) ba cheart do na Ballstáit na caighdeáin mhalartaithe a chur chun feidhme.