(1)

Is é is aidhm do Chiste Dlúthpháirtíochta an Aontais Eorpaigh (“an Ciste”) cur ar chumas an Aontais freagairt ar bhealach tapa éifeachtúil solúbtha do staideanna éigeandála chun dlúthpháirtíocht a léiriú le pobail réigiún a mbuaileann tubaistí nádúrtha móra nó réigiúnacha iad nó mór-éigeandáil sláinte poiblí.

(2)

Ní fhéadfaidh a bheith sa Chiste níos mó ná na huasteorainneacha dá dtagraítear in Airteagal (9) de Rialachán (AE, Euratom) 2020/2093 ón gComhairle (3). I gcomhréir le hAirteagal 9(2) agus 9(4) den Rialachán sin, is é EUR 477 543 750 an t-uasmhéid is féidir leis an gCiste a shlógadh ó leithdháileadh 2021 go dtí an 1 Meán Fómhair 2021. I gcomhréir le hAirteagal 4a(4) de Rialachán (CE) Uimh. 2012/2002, inscríobhadh EUR 50 000 000 sa bhuiséad ginearálta don bhliain airgeadais 2021 cheana (i ngealltanais agus in íocaíochtaí) chun airleacain a íoc. Ina theannta sin, níor úsáideadh méid EUR 47 981 598 de leithdháileadh 2020 go dtí deireadh na bliana sin agus tugadh anonn go dtí 2021 é. Dá bhrí sin, is é EUR 525 525 348 an t-uasmhéid atá ar fáil faoi CDAE ag an bpointe seo in 2021, agus is leor an tsuim sin chun na riachtanais faoin gCinneadh seo a chumhdach.

(3)

An 29 Deireadh Fómhair 2020, chuir an Ghréig iarratas isteach chun an Ciste a shlógadh, tar éis na dtuilte i mí Lúnasa 2020 in Sterea Ellada.

(4)

An 9 Nollaig 2020, chuir an Ghréig iarratas isteach chun an Ciste a shlógadh, de bharr an damáiste a rinne an cioclón Ianos i Meán Fómhair 2020, cioclón a chuir isteach ar na réigiúin Ionia Nisia, Sterea Ellada, Ditiki Ellada, Thessalia agus Peloponnisos.

(5)

An 22 Eanáir 2021, chuir an Ghréig iarratas isteach chun an Ciste a shlógadh, tar éis an chreatha talún i mí Dheireadh Fómhair 2020 a bhuail na hoileáin Samas, Ikaria agus Cíos.

(6)

An 21 Nollaig 2020, chuir an Fhrainc iarratas isteach chun an Ciste a shlógadh, de bharr an damáiste a rinne an stoirm Alex i réigiún Provence-Alpes-Côtes d’Azur i mí Dheireadh Fómhair 2020.

(7)

Faoin 24 Meitheamh 2020, chuir an Albáin, an Bheilg, an Chróit, an Eastóin, Éire, an Fhrainc, an Ghearmáin, an Ghréig, an Iodáil, an Laitvia, an Liotuáin, Lucsamburg, Montainéagró, an Ostair, an Phortaingéil, an Rómáin, an tSeicia, an tSeirbia agus an Spáinn agus an Ungáir iarratais isteach chun an Ciste shlógadh i ndáil leis an mór-éigeandáil sláinte poiblí a bhí ann de dheasca phaindéim COVID-19 go luath in 2020.

(8)

Tá na hiarratais ó na stáit sin i gcomhréir leis na coinníollacha i dtaca le ranníocaíocht airgeadais a thabhairt ón gCiste, mar a leagtar síos in Airteagal 4 de Rialachán (CE) Uimh. 2012/2002.

(9)

Ba cheart, dá bhrí sin, an Ciste a shlógadh chun ranníocaíocht airgeadais a thabhairt don Ghréig agus don Fhrainc i ndáil le tubaistí nádúrtha agus leis an Albáin, an Bheilg, an Eastóin, Éire, an Fhrainc, an Ghearmáin, an Ghréig, an Iodáil, an Laitvia, an Liotuáin, Lucsamburg, Montainéagró, an Ostair, an Phortaingéil, an Rómáin, an tSeicia, an tSeirbia, an Spáinn, an Ungáir i ndáil leis an mór-éigeandáil sláinte phoiblí.

(10)

I gcás na Cróite, ós rud é gur mó an t-airleacan a íocadh cheana ná an méid deireadh cúnaimh, ní gá aon mhéid breise a shlógadh agus aisghabhfar an t-airleacan a íocadh go míchuí i gcomhréir le hAirteagal 4a de Rialachán (CE) Uimh. 2012/2002.

(11)

Chun giorrú a oiread agus is féidir ar an am a thógfaidh sé an Ciste a shlógadh, ba cheart feidhm a bheith ag an gCinneadh seo ó dháta a ghlactha,