EUR-Lex Access to European Union law
This document is an excerpt from the EUR-Lex website
Document 32007R0287R(01)
287/2007/KE: Rettifika għar-Regolament tal-Kummissjoni (KE) Nru 287/2007 tas- 16 ta’ Marzu 2007 li jemenda l-Anness II tar-Regolament tal-Kunsill (KEE) Nru 2377/90 li jistabbilixxi kull proċedura Komunitarja għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-Ginseng, estratti standardizzati u preparazzjonijiet minnhom ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
287/2007/KE: Rettifika għar-Regolament tal-Kummissjoni (KE) Nru 287/2007 tas- 16 ta’ Marzu 2007 li jemenda l-Anness II tar-Regolament tal-Kunsill (KEE) Nru 2377/90 li jistabbilixxi kull proċedura Komunitarja għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-Ginseng, estratti standardizzati u preparazzjonijiet minnhom ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
OJ L 71M, 17.3.2009, p. 576–577
(MT)
ELI: http://data.europa.eu/eli/reg/2007/287/corrigendum/2009-03-17/oj
|
17.3.2009 |
MT |
Il-Ġurnal Uffiċjali tal-Unjoni Ewropea |
L NaN/576 |
Rettifika għar-Regolament tal-Kummissjoni (KE) Nru 287/2007 tas-16 ta’ Marzu 2007 li jemenda l-Anness II tar-Regolament tal-Kunsill (KEE) Nru 2377/90 li jistabbilixxi kull proċedura Komunitarja għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-Ginseng, estratti standardizzati u preparazzjonijiet minnhom
( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
Ir-Regolament tal-Kummissjoni (KE) Nru 287/2007 għandu jaqra:
REGOLAMENT TAL-KUMMISSJONI (KE) Nru 287/2007
tas-16 ta’ Marzu 2007
li jemenda l-Anness II tar-Regolament tal-Kunsill (KEE) Nru 2377/90 li jistabbilixxi kull proċedura Komunitarja għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tal-Ginseng, estratti standardizzati u preparazzjonijiet minnhom
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2377/90 tas-26 ta’ Ġunju 1990 li jistabbilixxi kull proċedura Komunitarja għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali (1), u partikolarment l-Artikolu 3 tiegħu,
Wara li kkunsidrat l-opinjonijiet tal-Aġenzija Ewropea għall-Mediċina mfassla mill-Kumitat għall-Prodotti Mediċinali għall-Użu Veterinarju,
Billi:
|
(1) |
Is-sustanzi kollha attivi farmakoloġikament użati fil-Komunità fi prodotti mediċinali veterinarji maħsuba għall-annimali li jipproduċu l-ikel għandhom ikunu vvalutati skont ir-Regolament (KEE) Nru 2377/90. |
|
(2) |
Is-sustanza Ginseng hija inkluża fl-Anness II tar-Regolament (KEE) Nru 2377/90 fil-kategorija ta’ sustanzi użati fi prodotti mediċinali veterinarji omeopatiċi, għall-ispeċi kollha li jipproduċu l-ikel, għall-użu biss fi prodotti mediċinali veterinarji omeopatiċi ppreparati skont il-farmakopej omeopatiċi f’konċentrazzjonijiet li jikkorrispondu mat-tintura omm, u taħlitiet minnha. Wara l-eżaminar ta’ applikazzjoni, jitqies xieraq li tiġi inkluża entrata oħra fl-Anness II, fil-kategorija ta' sustanzi ta' oriġini veġetali, għall-Ginseng, l-estratti standardizzati u l-preparazzjonijiet minnhom, għall-ispeċi kollha li jipproduċu l-ikel. |
|
(3) |
Ir-Regolament (KE) Nru 2377/90 għandu għalhekk jiġi emendat skont dan. |
|
(4) |
Għandu jitħalla perjodu adegwat qabel l-applikabbiltà ta’ dan ir-Regolament sabiex jippermetti lill-Istati Membri biex jagħmlu kwalunkwe aġġustament li jkun neċessarju fid-dawl ta' dan ir-Regolament lill-awtorizzazzjonijiet li jqiegħdu l-prodotti mediċinali veterinarji kkonċernati fis-suq li jkunu ngħataw skont id-Direttiva 2001/82/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (2) sabiex iqisu d-dispożizzjonijiet ta’ dan ir-Regolament. |
|
(5) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji, |
ADOTTAT DAN IR-REGOLAMENT:
Artikolu 1
L-Anness II tar-Regolament (KEE) Nru 2377/90 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mis-16 ta’ Mejju 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 16 ta’ Marzu 2007.
Għall-Kummissjoni
Günter VERHEUGEN
Viċi President tal-Kummissjoni
ANNESS
Is-sustanza li ġejja tiddaħħal fl-Anness II (Lista ta’ sustanzi li mhumiex suġġetti għal limiti massimi ta’ residwi).
6. Sustanza ta’ oriġini veġetali
|
Sustanzi attivi farmakoloġikament |
Speċi tal-annimali |
|
“Ginseng, estratti standardizzati u preparazzjonijiet minnhom |
L-ispeċi kollha li jipproduċu l-ikel” |
(1) ĠU L 224, 18.8.1990, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 1831/2006 (ĠU L 354, 14.12.2006, p. 5).
(2) ĠU L 311, 28.11.2001, p. 1. Id-Direttiva kif l-aħħar emendata bid-Direttiva 2004/28/KE (ĠU L 136, 30.4.2004, p. 58).