(1)

Skont l-Artikolu 258(1) tar-Regolament (UE) Nru 575/2013 juncto l-Artikolu 143(1) ta’ dak ir-Regolament, l-istituzzjonijiet jistgħu jikkalkulaw l-ammonti ta’ skoperturi ponderati għar-riskju tagħhom fir-rigward ta’ pożizzjoni ta’ titolizzazzjoni bl-użu tal-Approċċ Ibbażat fuq il-Klassifikazzjonijiet Interni (“SEC-IRBA”). Skont l-Artikolu 143(2) tar-Regolament (UE) Nru 575/2013, permess minn qabel biex jintuża l-Approċċ Ibbażat fuq il-Klassifikazzjonijiet Interni (“approċċ IRB”), inklużi l-istimi proprji tat-Telf fil-Każ ta’ Inadempjenza (“LGD”) u fatturi ta’ konverżjoni, għandhom ikunu meħtieġa għal kull klassi ta’ skopertura u għal kull sistema ta’ klassifikazzjoni u għal kull approċċ għall-istima tal-LGDs u tal-fatturi ta’ konverżjoni użati.

(2)

Skont l-Artikolu 258 tar-Regolament (UE) Nru 575/2013, l-istituzzjonijiet għandhom japplikaw SEC-IRBA meta jkunu jistgħu jikkalkulaw “KIRB” f’konformità mal-Artikolu 255, (2) sa (5) ta’ dak ir-Regolament. Meta jiġu ssodisfati l-kundizzjonijiet ta’ dak l-Artikolu, l-istituzzjonijiet jistgħu jikkalkulaw il-KIRB fir-rigward tal-iskoperturi titolizzati f’konformità mad-dispożizzjonijiet stabbiliti fil-Parti Tlieta, it-Titolu II, il-Kapitolu 3, tar-Regolament (UE) Nru 575/2013 għall-kalkolu tar-rekwiżiti ta’ kapital għar-riċevibbli mixtrija. Għal dawn il-finijiet, l-iskoperturi fil-livell tal-konsumatur għandhom jiġu ttrattati bħala riċevibbli mixtrija fil-livell tal-konsumatur u l-iskoperturi mhux fil-livell tal-konsumatur għandhom jiġu ttrattati bħala riċevibbli korporattivi mixtrija. Minħabba n-natura partikolari tal-istruttura tat-titolizzazzjonijiet u tal-iskoperturi li fuqhom huma bbażati dawk it-titolizzazzjonijiet, huwa meħtieġ li jiġu adottati standards tekniċi regolatorji li jispeċifikaw ulterjorment il-kundizzjonijiet li taħthom l-istituzzjonijiet jistgħu jikkalkulaw il-KIRB għal aggregazzjonijiet ta’ skoperturi titolizzati. Għalhekk, id-dispożizzjonijiet stabbiliti fil-Parti Tlieta, it-Titolu II, il-Kapitolu 3, tar-Regolament (UE) Nru 575/2013 jenħtieġ li jitfasslu skont kemm ikun meħtieġ biex ikunu adatti għad-determinazzjoni tal-ammonti ta’ skoperturi ponderati għar-riskju tal-iskoperturi titolizzati. Madankollu, l-applikazzjoni ta’ xi dispożizzjonijiet oħra ta’ dawk l-IRB fil-kuntest tat-titolizzazzjoni ma hijiex xierqa, jew minħabba li tali regoli ma humiex rilevanti, minħabba li ma jwasslux għal eżiti prudenti, jew minħabba li jkunu ta’ piż żejjed għall-istituzzjonijiet fil-kuntest tat-titolizzazzjoni. Għalhekk, għall-każijiet kollha, jenħtieġ li jiġu stabbiliti regoli alternattivi li huma xierqa fil-kuntest tat-titolizzazzjoni.

(3)

L-applikazzjoni tal-SEC-IRBA skont l-approċċ għar-riċevibbli mixtrija msemmi fl-Artikolu 255(4) tar-Regolament (UE) Nru 575/2013 jenħtieġ li tkun disponibbli biss għal ċerti skoperturi titolizzati kwalifikanti li fir-rigward tagħhom l-istituzzjonijiet għandhom kontroll jew aċċess limitat għall-informazzjoni u għad-data, jew it-tnejn, u, b’riżultat ta’ liema, istituzzjonijiet ma jistgħux japplikaw direttament id-dispożizzjonijiet stabbiliti fil-Parti Tlieta, it-Titolu II, il-Kapitolu 3, tar-Regolament (UE) Nru 575/2013 għal dawk l-iskoperturi mingħajr l-aġġustamenti meħtieġa. Jenħtieġ li jitqies li hemm aċċess limitat għall-informazzjoni u għad-data dwar l-iskoperturi titolizzati meta l-istituzzjoni ma tkunx qed isservi lil dawk l-iskoperturi kollha, inkluża s-sitwazzjoni li fiha l-istituzzjoni tkun jew investitur f’pożizzjonijiet ta’ titolizzazzjoni jew sponsor jew oriġinatur li jżomm pożizzjonijiet ta’ titolizzazzjoni fi tranżazzjoni ta’ titolizzazzjoni, u ma sservix lill-iskoperturi sottostanti kollha ta’ dik it-tranżazzjoni. Dan jista’ jkun ukoll il-każ meta l-istituzzjoni li tikkalkula l-KIRB tkun is-servizzjant tat-titolizzazzjoni, iżda ma kinitx involuta fil-ftehim oriġinali li ħoloq l-obbligi jew l-obbligi potenzjali li jwasslu għall-iskoperturi titolizzati, jew ma kenitx ikkonkludiethom hi. Madankollu, f’titolizzazzjonijiet b’oriġinaturi multipli, kull oriġinatur li jżomm pożizzjoni ta’ titolizzazzjoni fit-titolizzazzjoni għandu mnejn ikun jista’ jikkalkola l-KIRB fir-rigward tal-iskoperturi titolizzati li jkun ikkontribwixxa għat-titolizzazzjoni, f’konformità mal-Parti Tlieta, it-Titolu II, il-Kapitolu 3, tar-Regolament (UE) Nru 575/2013. Għalhekk, l-oriġinaturi jenħtieġ li jkunu jistgħu jikkalkulaw ukoll il-KIRB billi japplikaw dak il-Kapitolu għal skoperturi għajr ir-riċevibbli mixtrija għall-iskoperturi titolizzati li dawk l-oriġinaturi jservu u li fir-rigward tagħhom kienu involuti fl-eżekuzzjoni tal-ftehim oriġinali li ħoloq l-obbligi jew l-obbligi potenzjali tad-debitur jew tad-debitur potenzjali li jwasslu għall-iskoperturi titolizzati.

(4)

Il-Parti Tlieta, it-Titolu II, il-Kapitolu 3, tar-Regolament (UE) Nru 575/2013 fiha terminoloġija li tapplika għar-riċevibbli mixtrija biss, u mhux għall-iskoperturi titolizzati. Sabiex jingħata effett sħiħ lill-għoti tas-setgħa stabbilit fl-Artikolu 255(9) tar-Regolament (UE) Nru 575/2013, huwa meħtieġ li t-terminoloġija użata f’dak il-Kapitolu titfassal skont il-kuntest speċifiku tat-tranżazzjonijiet ta’ titolizzazzjoni.

(5)

Sabiex jikkalkulaw il-KIRB separatament għal kull aggregazzjoni, l-istituzzjonijiet li jikkalkulaw il-KIRB jenħtieġ li jitħallew jaqsmu l-aggregazzjonijiet ta’ skoperturi titolizzati kwalifikanti f’subaggregazzjonijiet omoġeni. Din il-flessibbiltà hija meħtieġa minħabba li l-kompożizzjoni tal-iskoperturi sottostanti ta’ titolizzazzjoni spiss tkun eteroġena. Madankollu, kull subaggregazzjoni jenħtieġ li tikkonforma bis-sħiħ ma’ dawk ir-rekwiżiti stabbiliti fl-Artikolu 255(4) tar-Regolament (UE) Nru 575/2013 li japplikaw għal aggregazzjonijiet ta’ assi titolizzati kwalifikanti.

(6)

Is-servizzjar ta’ skoperturi titolizzati minn partijiet terzi u l-aċċess limitat għal informazzjoni u data relatati maż-żmien tal-oriġinazzjoni ta’ dawk l-iskoperturi jista’ jkollhom impatt materjali fuq il-motivaturi tar-riskju kkunsidrati rilevanti għad-differenzjazzjoni tar-riskju, u fuq il-kwantifikazzjoni tal-parametri tar-riskju assenjati lil gradi jew aggregazzjonijiet individwali. Għalhekk, l-istituzzjonijiet li jikkalkulaw il-KIRB f’konformità mal-Artikolu 255(4) tar-Regolament (UE) Nru 575/2013 jenħtieġ li jużaw mudell intern li jintuża esklużivament biex tiġi dderivata l-probabbiltà ta’ inadempjenza (“PD”), it-telf fil-każ ta’ inadempjenza (“LGD”), it-telf mistenni (“EL”), jew stimi tal-fattur ta’ konverżjoni għall-fini speċifiku tal-kalkolu tal-KIRB f’konformità ma’ dak l-Artikolu. Għalhekk, jenħtieġ li dak il-mudell intern ma jintużax biex jiġu kkalkulati l-ammonti ta’ skoperturi ponderati għar-riskju fil-każ ta’ skoperturi, kemm titolizzati kif ukoll mhux titolizzati, li l-istituzzjoni sservi u li fir-rigward tagħhom hija l-oriġinatur, kif iddefinit fl-Artikolu 2, il-punt (3)(a), tar-Regolament (UE) 2017/2402 tal-Parlament Ewropew u tal-Kunsill (2), jew mutwanti oriġinali, kif definit fl-Artikolu 2, il-punt (20), ta’ dak ir-Regolament. Tali separazzjoni bejn is-sistemi ta’ klassifikazzjoni għall-immudellar ġenerali tar-riskju ta’ kreditu u għall-mudelli interni għall-kalkolu tal-KIRB fir-rigward ta’ parteċipazzjonijiet ta’ skoperturi titolizzati kwalifikanti f’konformità mal-Artikolu 255(4) tar-Regolament (UE) Nru 575/2013 hija meħtieġa wkoll biex jiġi żgurat li l-istandards ta’ stima tal-IRB miksuba fuq l-iskoperturi li l-istituzzjoni sservi u li fir-rigward tagħhom hija l-mutwanti oriġinali jew l-oriġinatur ma jkunux preġudikati, kompromessi jew inkella aggravati mill-istandards ta’ ġestjoni u d-data differenti użati fir-rigward ta’ skoperturi titolizzati kwalifikanti. Madankollu, fil-każ ta’ skoperturi titolizzati mhux fil-livell tal-konsumatur, l-istituzzjoni li tikkalkula l-KIRB jenħtieġ li għall-istima tal-PD titħalla tuża s-sistema ta’ klassifikazzjoni eżistenti approvata li tintuża għall-iskoperturi oriġinati tagħha stess li jaqgħu taħt il-firxa ta’ applikazzjoni li taqa’ taħt l-iskoperturi titolizzati mhux fil-livell tal-konsumatur, dment li l-istituzzjoni jkollha biżżejjed informazzjoni biex tapplika dik is-sistema ta’ klassifikazzjoni, li jista’ jkun il-każ għall-iskoperturi għal korporattivi kbar. Madankollu, f’każijiet bħal dawn, minħabba li l-prattiki ta’ rkupru u l-istandards tas-servizzjar jistgħu jvarjaw, l-istituzzjoni li tikkalkula l-KIRB jenħtieġ li ma titħalliex tibbaża fuq l-istima tal-LGD mis-sistema ta’ klassifikazzjoni eżistenti approvata użata għall-iskoperturi oriġinati tagħha stess meta ma tkunx is-servizzjant.

(7)

L-Artikolu 255(4) tar-Regolament (UE) Nru 575/2013 jistipula li l-istituzzjonijiet jistgħu jikkalkulaw il-KIRB fir-rigward tal-iskoperturi sottostanti ta’ titolizzazzjoni f’konformità, fost l-oħrajn, mal-Artikolu 143 ta’ dak ir-Regolament. Dak l-Artikolu jirrikjedi li l-istituzzjonijiet, għal kull sistema ta’ klassifikazzjoni, jiksbu l-permess tal-awtorità kompetenti kkonċernata biex jużaw l-approċċ IRB, u biex jiksbu l-permess għal bidliet materjali fil-firxa ta’ applikazzjoni ta’ sistema ta’ klassifikazzjoni li l-istituzzjoni tkun irċeviet permess biex tuża. Ir-Regolament Delegat tal-Kummissjoni (UE) Nru 529/2014 (3) jistabbilixxi l-kundizzjonijiet għall-valutazzjoni tal-materjalità tal-estensjonijiet u tal-bidliet fl-approċċ IRB, inklużi l-modalitajiet tan-notifiki ta’ tali estensjonijiet u bidliet. Minn dan jirriżulta li r-Regolament Delegat (UE) Nru 529/2014 japplika wkoll meta jseħħu bidliet f’mudell intern għall-kalkolu tal-KIRB għal skoperturi titolizzati kwalifikanti. Barra minn hekk, l-Artikolu 143(2) tar-Regolament (UE) Nru 575/2013 jirrikjedi permess minn qabel mill-awtorità kompetenti biex tuża l-approċċ IRB għal kull sistema ta’ klassifikazzjoni. Madankollu, fil-kuntest tal-kalkolu tal-KIRB għall-finijiet ta’ dan ir-Regolament, istituzzjoni ma tkunx tista’ tikkonforma ma’ dak ir-rekwiżit fir-rigward tal-aggregazzjoni ta’ skoperturi titolizzati kwalifikanti minħabba li tali skoperturi qatt ma jistgħu jiġu ġestiti b’mod omoġenu fl-ambitu ta’ sistema ta’ klassifikazzjoni IRB ordinarja bħala skoperturi simili, jew titolizzati jew mhux titolizzati, li huma servuti u oriġinati mill-istituzzjoni kkonċernata. Għalhekk huwa meħtieġ li jiġi previst li l-permess biex jintuża l-SEC-IRBA f’konformità ma’ mudell intern għall-kalkolu tal-KIRB jenħtieġ li jkun soġġett biss għall-kundizzjoni li l-istituzzjoni li tikkalkula l-KIRB tkun irċeviet permess li tuża l-approċċ IRB fir-rigward ta’ mill-anqas sistema ta’ klassifikazzjoni waħda fil-klassi tal-iskoperturi li għaliha huma assenjati l-iskoperturi titolizzati kwalifikanti.

(8)

Meta istituzzjoni li tissodisfa r-rekwiżiti tal-Artikolu 258(1) tar-Regolament (UE) Nru 575/2013 tapplika għal permess biex tuża mudell intern għall-kalkolu tal-KIRB fir-rigward ta’ skoperturi titolizzati kwalifikanti, ir-rekwiżit stabbilit fl-Artikolu 145(1) ta’ dak ir-Regolament li l-istituzzjoni għandha tkun ilha tuża dak il-mudell intern għal mill-anqas 3 snin qabel ma tapplika għal permess jenħtieġ li ma japplikax għall-finijiet tal-SEC-IRBA, minħabba li l-esperjenza miksuba mill-istituzzjoni bl-użu ta’ mill-anqas sistema waħda ta’ klassifikazzjoni fil-klassi rilevanti ta’ skopertura IRB jenħtieġ li titqies suffiċjenti għal dawk il-finijiet.

(9)

Ir-rekwiżiti stabbiliti fl-Artikolu 184 tar-Regolament (UE) Nru 575/2013 għandhom l-għan li jiżguraw li, meta tikkwantifika l-parametri tar-riskju għar-riċevibbli mixtrija, l-istituzzjoni akkwirenti teżerċita livell minimu suffiċjenti ta’ kontroll fuq dawk ir-riċevibbli fuq bażi kontinwa, ikollha aċċess kontinwu għal data u informazzjoni relatati mar-riskju tar-riċevibbli, inkluż mill-bejjiegħ u mis-servizzjant tar-riċevibbli, u tqis fuq bażi kontinwa l-karatteristiċi u l-imġiba tal-bejjiegħ u tas-servizzjant li jistgħu jaffettwaw ir-riskju tar-riċevibbli. Dawk ir-rekwiżiti operazzjonali u ta’ diliġenza dovuta jridu jiġu ssodisfati biex tiġi żgurata applikazzjoni prudenti u akkurata biżżejjed tal-approċċ IRB fuq ir-riċevibbli mixtrija. Sabiex jiġi żgurat li l-iskoperturi titolizzati kwalifikanti jkunu soġġetti għal rekwiżiti simili, huwa meħtieġ li r-rekwiżiti tal-Artikolu 184 tar-Regolament (UE) Nru 575/2013 jiġu adattati għall-istituzzjonijiet li jikkalkulaw il-KIRB fir-rigward ta’ dawk l-iskoperturi. Meta jkun hemm entità bi skop speċjali (“SSPE”) ta’ titolizzazzjoni, l-SSPE jenħtieġ li jkollha sjieda fuq l-iskoperturi titolizzati u teżerċita kontroll fuq ir-rimessi fi flus, direttament jew permezz ta’ fiduċjarju jew entità li twettaq kompiti simili f’isimha. L-istituzzjoni li tikkalkula l-KIRB jenħtieġ li twettaq diliġenza dovuta fuq is-servizzjant tal-iskoperturi titolizzati u, meta l-istituzzjoni nnifisha ma tkunx l-oriġinatur tat-tranżazzjoni, fuq l-oriġinatur tat-titolizzazzjoni, peress li l-istandards u l-imġiba tal-oriġinatur u tas-servizzjant huma motivaturi tar-riskju fir-rigward tal-iskoperturi sottostanti għat-tranżazzjoni ta’ titolizzazzjoni. Huwa possibbli li l-istituzzjoni li tikkalkula l-KIRB iżżomm, f’konformità mal-Artikoli 153 u 154 tar-Regolament (UE) Nru 575/2013, riċevibbli mixtrija fil-karta bilanċjali tagħha, u li tkun irċeviet skont tax-xiri rimborżabbli, garanziji kollaterali jew parzjali li jipprovdu protezzjoni tal-ewwel telf għal telf minħabba inadempjenza, telf ta’ dilwizzjoni, jew it-tnejn. F’dak il-każ, l-istituzzjonijiet jenħtieġ li jitħallew jittrattaw dawk ir-riċevibbli mixtrija bħala skoperturi titolizzati kwalifikanti u, meta japplikaw dik l-għażla, jenħtieġ li jkunu meħtieġa jeżerċitaw diliġenza dovuta fuq is-servizzjant, meta applikabbli, u fuq il-bejjiegħ, peress li l-istandards u l-imġiba tas-servizzjant u tal-bejjiegħ huma motivaturi tar-riskju fir-rigward ta’ dawk l-iskoperturi titolizzati kwalifikanti.

(10)

Fil-kuntest tat-tranżazzjonijiet ta’ titolizzazzjoni, l-istandards u l-karatteristiċi tas-self tal-oriġinatur jew, meta applikabbli, tal-mutwanti oriġinali u l-istandards u l-karatteristiċi tas-servizzjar tas-servizzjant huma motivaturi tar-riskju essenzjali fir-rigward tal-iskoperturi sottostanti għat-titolizzazzjoni. Għalhekk, jenħtieġ li dawk il-motivaturi tar-riskju dejjem jiġu vvalutati bħala fatturi ta’ riskju potenzjali meta jiġi żviluppat mudell intern għall-kalkolu tal-KIRB fir-rigward ta’ skoperturi titolizzati kwalifikanti, sakemm ma jkunx iġġustifikat li jiġu injorati. L-implikazzjonijiet ta’ tali motivaturi tar-riskju jistgħu jiġu riflessi jew billi jiġu kkunsidrati meta l-iskoperturi jiġu assenjati fi gradi jew aggregazzjonijiet, jew billi jintużaw segmenti ta’ kalibrazzjoni differenti għal oriġinaturi u għal servizzjanti differenti. Meta l-istituzzjoni li tikkalkula l-KIRB fir-rigward ta’ skoperturi titolizzati kwalifikanti tkun hija stess l-oriġinatur jew il-mutwanti oriġinali jew is-servizzjant tat-titolizzazzjoni, jenħtieġ li ma tkunx meħtieġa tqis l-istandards u l-karatteristiċi tagħha stess bħala motivatur tar-riskju addizzjonali.

(11)

L-Artikolu 259(6) tar-Regolament (UE) Nru 575/2013 jippermetti lill-istituzzjonijiet jistabbilixxu l-LGD medju ponderat skont l-iskopertura skont l-SEC-IRBA għal 50 % biex jikkalkulaw il-parametru p tal-formula SEC-IRBA meta s-sehem tal-akbar skopertura sottostanti fl-aggregazzjoni ma jkunx ta’ aktar minn 3 %. Sabiex tiġi żgurata l-konsistenza ma’ dak l-Artikolu, l-istituzzjonijiet li jikkalkulaw il-KIRB għal skoperturi titolizzati kwalifikanti jenħtieġ li jitħallew ukoll jistabbilixxu l-LGD medju ponderat skont l-iskopertura tal-aggregazzjoni għal 50 % fil-każ ta’ skoperturi titolizzati fil-livell tal-konsumatur. Huwa xieraq li jiġi applikat valur tal-LGD ta’ 50 % f’dak il-każ minħabba li l-iskoperturi titolizzati fil-livell tal-konsumatur tipikament juru livelli għoljin ta’ granularità. L-Artikolu 161(1), il-punti (e) u (f), tar-Regolament (UE) Nru 575/2013 jispeċifika l-LGDs għal riċevibbli korporattivi mixtrija superjuri u subordinati meta l-istituzzjoni ma tkunx tista’ tistma l-PDs jew meta dawk l-istimi ma jissodisfawx ċerti rekwiżiti. Fil-kuntest ta’ titolizzazzjoni, dawk l-LGDs jenħtieġ li jitfasslu għal skoperturi titolizzati kwalifikanti superjuri u subordinati, fejn l-LGD ta’ skoperturi titolizzati mhux fil-livell tal-konsumatur superjuri jenħtieġ li ma jkunux anqas mil-LGD stabbilit ta’ skoperturi titolizzati fil-livell tal-konsumatur, meta jitqies il-livell ta’ granularità ġeneralment ogħla ta’ aggregazzjonijiet ta’ skoperturi titolizzati fil-livell tal-konsumatur.

(12)

L-Artikolu 153(6) tar-Regolament (UE) Nru 575/2013 jippermetti lill-istituzzjonijiet japplikaw għar-riċevibbli korporattivi mixtrija tagħhom l-istandards ta’ kwantifikazzjoni tar-riskju għall-iskoperturi fil-livell tal-konsumatur fejn ikun ta’ piż bla bżonn għal dawk l-istituzzjonijiet li jużaw l-istandards ta’ kwantifikazzjoni tar-riskju għall-iskoperturi korporattivi, dment li jiġu ssodisfati l-kundizzjonijiet stabbiliti fl-Artikolu 154(5) ta’ dak ir-Regolament. Jenħtieġ li dak l-istess trattament ikun disponibbli wkoll għal skoperturi titolizzati kwalifikanti u, għal dawk il-finijiet, jenħtieġ li jiġu stabbiliti b’mod espliċitu kriterji ta’ eliġibbiltà li huma xierqa għal dawk l-iskoperturi.

(13)

Skont l-Artikolu 154(5) tar-Regolament (UE) Nru 575/2013, biex ir-riċevibbli mixtrija jkunu eliġibbli għat-trattament fil-livell tal-konsumatur stabbilit fil-paragrafu 1 ta’ dak l-Artikolu, huwa fost l-oħrajn meħtieġ li l-istituzzjoni tixtri dawk ir-riċevibbli minn partijiet terzi mhux relatati, li l-iskopertura tal-istituzzjoni għall-obbligant tar-riċevibbli ma tinkludi l-ebda skopertura li toriġina direttament jew indirettament mill-istituzzjoni nnifisha, li r-riċevibbli mixtrija jiġu ġġenerati fuq bażi distakkata bejn il-bejjiegħ u l-obbligant, u li l-portafoll ikun diversifikat biżżejjed. Dawk ir-rekwiżiti jenħtieġ li jitfasslu għal skoperturi titolizzati kwalifikanti. Għalhekk huwa xieraq li l-istituzzjonijiet li jikkalkulaw il-KIRB jintalbu jivverifikaw li l-iskoperturi titolizzati jinxtraw minn partijiet terzi mhux relatati, ma joriġinawx direttament jew indirettament mill-istituzzjoni li tikkalkula l-KIRB,u jiġu ġġenerati fuq bażi distakkata.

(14)

Peress li l-istandards ta’ kwantifikazzjoni tar-riskju għall-iskoperturi fil-livell tal-konsumatur huma anqas onerużi milli għall-istandards ta’ kwantifikazzjoni tar-riskju mhux fil-livell tal-konsumatur, l-Artikolu 154(5) tar-Regolament (UE) Nru 575/2013 jipprevjeni lill-istituzzjonijiet milli japplikaw dawk l-istandards ta’ kwantifikazzjoni tar-riskju fil-livell tal-konsumatur anqas onerużi għal skoperturi mhux fil-livell tal-konsumatur li jkunu oriġinaw fil-kuntest ta’ riċevibbli mixtrija sakemm ma jissodisfawx sett ta’ kundizzjonijiet. Madankollu, fil-kuntest ta’ skoperturi titolizzati kwalifikanti fil-livell tal-konsumatur, l-istituzzjoni li tikkalkula l-KIRB ma tkunx tista’ tissodisfa l-Artikolu 154(5), il-punt (a), tar-Regolament (UE) Nru 575/2013, li jirrikjedi li l-iskoperturi ma jkunux oriġinati mill-istituzzjoni nnifisha, u b’hekk jipprevjeni lill-oriġinatur milli japplika l-istandards ta’ kwantifikazzjoni tar-riskju fil-livell tal-konsumatur għal skoperturi titolizzati li ma jkunx qed iservi iżda li jkun oriġina huwa stess u kklassifika bħala skoperturi fil-livell tal-konsumatur f’konformità mal-qafas tar-riskju ta’ kreditu tar-Regolament (UE) Nru 575/2013. Għalhekk huwa meħtieġ li jiġu stabbiliti kriterji ta’ eliġibbiltà li jippermettu lil istituzzjoni oriġinatriċi li tikkalkula l-KIRB tapplika l-istandards ta’ kwantifikazzjoni tar-riskju fil-livell tal-konsumatur għal skoperturi titolizzati fil-livell tal-konsumatur li ma tkunx qed isservi iżda li oriġinat hi stess u kklassifikat bħala skoperturi fil-livell tal-konsumatur f’konformità mal-qafas tar-riskju ta’ kreditu tar-Regolament (UE) Nru 575/2013. Għal dak il-għan, dawk l-iskoperturi jenħtieġ li jkunu meħtieġa biss li jissodisfaw il-kundizzjonijiet stabbiliti fl-Artikolu 154(5), il-punti (b) sa (d), u l-Artikolu 184 tar-Regolament (UE) Nru 575/2013, imfassla kif xieraq għall-karatteristiċi speċifiċi tal-iskoperturi titolizzati kwalifikanti. B’kuntrast għal dan, meta l-kundizzjonijiet tal-Artikolu 184 tar-Regolament (UE) Nru 575/2013, imfassla għall-pekuljaretajiet tal-iskoperturi titolizzati, jiġu ssodisfati iżda l-iskoperturi titolizzati fil-livell tal-konsumatur ma humiex eliġibbli għall-istandards ta’ kwantifikazzjoni tar-riskju fil-livell tal-konsumatur, l-istituzzjoni li tikkalkula l-KIRB jenħtieġ li tkun meħtieġa tikkalkula l-ammonti ta’ skoperturi ponderati għar-riskju bil-mod speċifikat għall-iskoperturi korporattivi fl-Artikolu 153 tar-Regolament (UE) Nru 575/2013.

(15)

Għal skoperturi titolizzati kwalifikanti mhux fil-livell tal-konsumatur li huma eliġibbli għat-trattament fil-livell tal-konsumatur, l-istituzzjonijiet li jikkalkulaw il-KIRB jenħtieġ li jkunu meħtieġa jivverifikaw u jikkalkulaw il-valuri tal-iskopertura pendenti għal grupp ta’ klijenti konnessi biex jikkonformaw mar-rekwiżit dwar id-diversifikazzjoni tal-aggregazzjoni. Madankollu, tali verifika u kalkolu jistgħu jkunu diffiċli minħabba n-nuqqas ta’ data rilevanti. Għalhekk, jenħtieġ li l-istituzzjoni li tikkalkula l-KIRB tkun meħtieġa biss li twettaq tali verifika u kalkolu fl-aħjar ġudizzju tagħha, bħal abbażi ta’ informazzjoni dwar id-debituri li tkun inkisbet mill-oriġinatur, mill-bejjiegħ, jew mill-mutwanti oriġinali, fil-ħin tal-oriġinazzjoni tal-iskoperturi, jew ta’ informazzjoni miksuba mis-servizzjant jew meta jservi l-iskoperturi jew matul il-proċedura tiegħu ta’ ġestjoni tar-riskju.

(16)

Għall-kwantifikazzjoni akkurata tal-parametri tar-riskju li għandhom jiġu assoċjati ma’ skoperturi sottostanti għal titolizzazzjoni, il-popolazzjoni tal-iskoperturi rrappreżentati fid-data użata għall-istima u l-istandards tas-self li ġġeneraw dik id-data jenħtieġ li tkun komparabbli mal-aggregazzjoni ta’ skoperturi titolizzati kwalifikanti u mal-istandards tas-self li applikaw fl-oriġinazzjoni ta’ dawk l-iskoperturi. Il-komparabbiltà tad-data użata għall-istima u l-istandards tas-self applikati fl-oriġinazzjoni jenħtieġ li tiġi vvalutata biss skont l-iskoperturi u l-istandards tal-istituzzjoni li tikkalkula l-KIRB meta dik l-istituzzjoni kienet involuta fil-ftehim oriġinali li wassal għall-iskoperturi sottostanti għat-titolizzazzjoni, jew ikkonkludiet dan, iżda ma hijiex is-servizzjant ta’ dawk l-iskoperturi.

(17)

L-Artikolu 180(2), il-punt (c), tar-Regolament (UE) Nru 575/2013 jirrikjedi li, għall-iskoperturi fil-livell tal-konsumatur, l-istituzzjonijiet iqisu d-data interna għall-assenjazzjoni tal-iskoperturi fi gradi jew aggregazzjonijiet bħala s-sors primarju ta’ informazzjoni għall-istima tal-karatteristiċi tat-telf. Madankollu, meta l-istituzzjoni li tikkalkula l-KIRB ma kinitx involuta fil-ftehim oriġinali li wassal għall-iskoperturi titolizzati kwalifikanti, jew ma kkonkludietx dan, u ma hijiex is-servizzjant ta’ dawk l-iskoperturi, id-data interna tal-istituzzjoni li tikkalkula l-KIRB jenħtieġ li ma titqiesx bħala l-aħjar data disponibbli għat-tqabbil mal-iskoperturi titolizzati kwalifikanti biex jiġu kkwantifikati l-parametri tar-riskju. Għaldaqstant, id-data esterna relatata mal-iskoperturi titolizzati kwalifikanti jenħtieġ li minflok titqies bħala s-sors primarju ta’ informazzjoni għal dawk il-finijiet.

(18)

L-Artikolu 255(9), il-punt (b), tar-Regolament (UE) Nru 575/2013 jippermetti l-użu ta’ data proxy meta ma tkunx disponibbli data akkurata jew affidabbli biżżejjed dwar l-aggregazzjoni ta’ skoperturi sottostanti. Id-data proxy għal dawk il-finijiet jenħtieġ li tinftiehem bħala kwalunkwe data li ma tirreferix direttament għall-iskoperturi titolizzati, jew għall-portafoll sottoskritt abbażi ta’ standards ta’ sottoskrizzjoni simili tal-oriġinatur jew tal-mutwanti oriġinali li minnu jkunu ġew estratti. Barra minn hekk, il-Parti Tlieta, it-Titolu II, il-Kapitolu 3, tar-Regolament (UE) Nru 575/2013 tipprevedi li tista’ tintuża data interna, esterna u aggregata għall-kalkolu tar-rekwiżiti ta’ kapital għar-riċevibbli mixtrija skont l-approċċ tar-riskju ta’ kreditu. Għalhekk, jenħtieġ li dik id-data tkun permessa wkoll bħala data proxy għall-kalkolu tal-KIRB ta’ skoperturi titolizzati kwalifikanti.

(19)

Skont l-Artikolu 171(2) tar-Regolament (UE) Nru 575/2013, anqas ma l-istituzzjoni jkollha informazzjoni, aktar trid tkun konservattiva l-assenjazzjoni tagħha ta’ skoperturi għal gradi jew aggregazzjonijiet ta’ obbliganti u faċilitajiet. Għalhekk, l-assenjazzjoni ta’ skoperturi titolizzati għal gradi jew aggregazzjonijiet hija ta’ tħassib partikolari meta tintuża data proxy. Dan huwa saħansitra aktar rilevanti meta jkun hemm differenza bejn id-definizzjoni ta’ inadempjenza użata mill-istituzzjoni li tikkalkula l-KIRB fil-mudell intern tagħha għall-kalkolu tal-KIRB u d-definizzjoni ta’ inadempjenza użata fid-data esterna li tikkorrispondi għall-iskoperturi titolizzati, għall-portafoll sottoskritt abbażi ta’ standards ta’ sottoskrizzjoni simili tal-oriġinatur jew tal-mutwanti oriġinali li minnu jkunu ġew estratti, jew għad-data proxy. Għalhekk huwa meħtieġ li jiġu stabbiliti regoli dwar l-aġġustamenti li għandhom isiru fid-data, u dwar il-marġni ta’ konservattiviżmu li għandu jiġi adottat meta jiġu stmati l-parametri tar-riskju fil-kuntest tal-kalkolu tal-KIRB għal skoperturi titolizzati kwalifikanti.

(20)

Dan ir-Regolament huwa bbażat fuq l-abbozz tal-istandards tekniċi regolatorji sottomess lill-Kummissjoni mill-Awtorità Bankarja Ewropea (EBA).

(21)

L-EBA wettqet konsultazzjonijiet pubbliċi miftuħa dwar l-abbozzi tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji relatati potenzjali, u talbet il-pariri tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4),

(a)

“żvilupp tal-mudell” tfisser il-parti mill-proċess tal-istima tal-parametri tar-riskju li twassal għal differenzjazzjoni xierqa tar-riskju billi jiġu speċifikati l-motivaturi rilevanti tar-riskju, jinbnew metodi statistiċi jew mekkaniċi biex jiġu assenjati skoperturi għal gradi jew aggregazzjonijiet ta’ obbliganti jew ta’ faċilitajiet, u jiġu stmati l-parametri intermedji tal-mudell, meta rilevanti;

(b)

“segment ta’ kalibrazzjoni” tfisser subsett identifikat b’mod uniku tal-kamp ta’ applikazzjoni tal-mudell ta’ probabbiltà ta’ inadempjenza (“PD”) jew telf fil-każ ta’ inadempjenza (“LGD”) li jiġi kkalibrat b’mod konġunt;

(c)

“skoperturi titolizzati kwalifikanti” tfisser kwalunkwe wieħed mit-tipi ta’ skoperturi titolizzati li ġejjin:

(d)

“mudell intern għall-kalkolu tal-KIRB” tfisser sistema ta’ klassifikazzjoni għall-kalkolu tal-KIRB imsemmija fl-Artikolu 255(4) tar-Regolament (UE) Nru 575/2013.

(a)

id-differenzjazzjoni u l-kwantifikazzjoni tal-istimi proprji tal-PD, meta tali data u metodi jintużaw biex jiġi vvalutat ir-riskju ta’ inadempjenza għal kull obbligant jew skopertura koperta mill-mudell tal-PD;

(b)

id-differenzjazzjoni u l-kwantifikazzjoni tal-istimi proprji tal-LGD, u l-aħjar stima tat-telf mistenni (“ELBE”), meta tali data u metodi jintużaw biex jiġi vvalutat il-livell ta’ telf fil-każ ta’ inadempjenza għal kull faċilità koperta mill-mudell tal-LGD.

(a)

il-firxa ta’ applikazzjoni tas-sistema ta’ klassifikazzjoni speċifika tal-KIRB tkun tinkludi biss skoperturi titolizzati kwalifikanti;

(b)

l-istituzzjoni tkun ingħatat permess biex tuża l-approċċ IRB fir-rigward ta’ mill-anqas sistema waħda ta’ klassifikazzjoni fil-klassi tal-iskoperturi li għaliha jkunu assenjati l-iskoperturi titolizzati kwalifikanti;

(c)

jiġu ssodisfati r-rekwiżiti kollha tal-Parti Tlieta, it-Titolu II, il-Kapitolu 3, tar-Regolament (UE) Nru 575/2013 relatati mas-sistemi ta’ klassifikazzjoni, soġġett għall-punt (d) ta’ dan l-Artikolu;

(d)

l-istituzzjoni tkun tikkonforma mal-kundizzjonijiet stabbiliti fl-Artikoli 5 sa 15 ta’ dan ir-Regolament minflok mal-kundizzjonijiet korrispondenti stabbiliti fir-Regolament (UE) Nru 575/2013, kif stabbilit f’kull wieħed minn dawk l-Artikoli ta’ dan ir-Regolament.

(a)

is-sistema ta’ klassifikazzjoni tintuża biss għall-kalkolu tal-PD ta’ skoperturi titolizzati kwalifikanti mhux fil-livell tal-konsumatur;

(b)

jekk ma jkunux titolizzati, l-iskoperturi titolizzati kwalifikanti mhux fil-livell tal-konsumatur jaqgħu fil-firxa ta’ applikazzjoni tas-sistema ta’ klassifikazzjoni li se tintuża;

(c)

l-istituzzjoni li tikkalkula l-KIRB tuża l-valuri tal-LGD stabbiliti fl-Artikolu 8(3) ta’ dan ir-Regolament;

(d)

jiġu ssodisfati r-rekwiżiti kollha tal-Parti Tlieta, it-Titolu II, il-Kapitolu 3 tar-Regolament (UE) Nru 575/2013 relatati mas-sistemi ta’ klassifikazzjoni, soġġett għall-punt (e) ta’ dan l-Artikolu;

(e)

jiġu ssodisfati r-rekwiżiti stabbiliti fl-Artikolu 7 u fl-Artikolu 12(3) ta’ dan ir-Regolament fir-rigward tal-applikazzjoni tar-rekwiżiti tar-riċevibbli mixtrija tar-Regolament (UE) Nru 575/2013 fil-kuntest partikolari tat-titolizzazzjoni, minflok ir-rekwiżiti korrispondenti stabbiliti f’dak ir-Regolament, kif stabbilit f’kull wieħed minn dawk l-Artikoli ta’ dan ir-Regolament;

(f)

jiġu ssodisfati r-rekwiżiti stabbiliti fl-Artikoli 14 u 15 ta’ dan ir-Regolament fir-rigward tal-użu tad-data.

(a)

l-iskoperturi titolizzati kwalifikanti jkunu ġew iġġenerati fuq bażi distakkata bejn l-oriġinatur u l-obbligant u, għaldaqstant, dawk l-iskoperturi ma jkunx fihom riċevibbli ta’ kontijiet bejn il-kumpaniji u riċevibbli soġġetti għal kontrokontijiet bejn id-ditti li jixtru u jbigħu lil xulxin;

(b)

l-SSPE, jew l-istituzzjoni li tikkalkula l-KIRB, ikollha pretensjoni fuq ir-rikavati kollha mill-iskoperturi titolizzati kwalifikanti jew interess pro rata f’dak ir-rikavat;

(c)

l-aggregazzjoni ta’ skoperturi titolizzati kwalifikanti tkun diversifikata biżżejjed.

(a)

informazzjoni dwar id-debituri, miksuba fiż-żmien tal-oriġinazzjoni tal-iskoperturi mill-oriġinatur, mill-bejjiegħ jew mill-mutwanti oriġinali;

(b)

informazzjoni miksuba mis-servizzjant matul is-servizzjar tiegħu tal-iskoperturi jew matul il-proċedura ta’ ġestjoni tar-riskju tiegħu.