1.   Għall-finijiet ta’ din il-Linja Gwida:

2.   Id-definizzjonijiet ta’ termini tekniċi oħra użati f’din il-Linja Gwida huma stabbiliti fil-Glossarju mehmuż bħala Anness II.

1.   Din il-Linja Gwida għandha tapplika għall-BĊE u għall-BĊNi għall-finijiet tal-kontabilità u r-rapportar finanzjarju.

2.   L-iskop tal-applikazzjoni ta’ din il-Linja Gwida għandu jkun limitat għas-sistema ta’ kontabilità u rapportar finanzjarju stabbilita mill-Istatut tas-SEBĊ. Bħala konsegwenza, hija m’għandhiex tapplika għar-rapporti nazzjonali u l-kontijiet finanzjarji tal-BĊNi. Sabiex tinkiseb il-konsistenza u l-paragunabilità bejn l-Eurosistema u s-sistemi nazzjonali, huwa rrakkomandat li l-BĊNi għandhom, sa fejn possibbli, isegwu r-regoli stabbiliti f’din il-Linja Gwida għar-rapporti nazzjonali u l-kontijiet finanzjarji tagħhom.

1.   Il-metodu ekonomiku għandu jintuża bħala l-bażi għar-reġistrazzjoni ta’ tranżazzjonijiet ta’ kambju, strumenti finanzjarji denominati f’munita barranija u dovuti relatati. Żewġ tekniċi differenti ġew żviluppati biex jimplimentaw dan il-metodu:

2.   Tranżazzjonijiet ta’ titoli inklużi strumenti ta’ ishma azzjonarji denominati f’munita barranija jistgħu jkomplu jiġu rreġistrati skont il-metodu ta’ kontabilità skont id-data tal-ħlas. L-imgħax relatat dovut inklużi primjums jew skontijiet għandhom ikunu rreġistrati ta’ kuljum mid-data tal-pagament immedjat.

3.   Il-BĊNi jistgħu jużaw jew il-metodu ekonomiku jew il-metodu tal-kontabilità skont id-data tal-ħlas biex jirreġistraw tranżazzjonijiet speċifiċi denominati f’euro, strumenti finanzjarji u dovuti relatati.

4.   Bl-eċċezzjoni tal-aġġustamenti tal-kontabilità ta’ tmiem it-trimestru u ta’ tmiem is-sena u tal-entrati żvelati taħt “Attiv ieħor” u “Passiv ieħor”, l-ammonti ppreżentati bħala parti mir-rapportar finanzjarju ta’ kuljum għall-finijiet ta’ rapportar finanzjarju fl-Eurosistema għandhom juru biss iċ-ċaqliq tal-flus kontanti fl-entrati tal-karta tal-bilanċ. Fl-aħħar ta kull trimestru u ta’ kull sena, l-amortizzament u kwalunkwe ammont ta’ indiċjar pagabbli mal-maturità bħala parti mill-ammont prinċipali ta’ bonds marbuta ma’ indiċi, għandhom ikunu inklużi wkoll fil-valur kontabilistiku tat-titoli.

1.   Ir-rati u l-prezzijiet attwali tas-suq għandhom jintużaw għal finijiet ta’ valutazzjoni tal-karta tal-bilanċ sakemm mhux speċifikat mod ieħor fl-Anness IV.

2.   Ir-rivalutazzjoni tad-deheb, strumenti ta’ munita barranija, titoli (minbarra titoli kklassifikati bħala miżmumin sal-maturità, titoli mhux negozjabbli u titoli miżmumin għall-finijiet tal-politika monetarja li jiġu kontabilizzati bi spejjeż amortizzati), kif ukoll strumenti finanzjarji, kemm dawk li jidhru fil-karta tal-bilanċ kif ukoll dawk li ma jidhrux fil-karta tal-bilanċ, għandha titwettaq skont id-data tar-rivalutazzjoni trimestrali bir-rati u l-prezzijiet medji tas-suq. Dan m’għandux jipprekludi lil entitajiet li jirrapportaw milli jirrivalutaw il-portafolli tagħhom b’mod aktar frekwenti għal finijiet interni, sakemm huma jirrapportaw entrati fuq il-karti tal-bilanċ tagħhom biss skont il-valur tat-tranżazzjoni matul it-trimestru.

3.   Ebda distinzjoni m’għandha ssir bejn id-differenzi fil-prezz u r-rivalutazzjoni tal-munita għad-deheb, iżda għandha tiġi kontabilizzata d-differenza fir-rivalutazzjoni tad-deheb, ibbażata fuq il-prezz f’euro għal kull unità ddefinita tal-piż tad-deheb li jirriżulta mir-rata tal-kambju euro/dollaru Amerikan fid-data tar-rivalutazzjoni trimestrali. Għall-kambju barrani, inklużi t-tranżazzjonijiet li jidhru fil-karta tal-bilanċ u dawk li ma jidhrux fil-karta tal-bilanċ, ir-rivalutazzjoni għandha ssir fuq il-bażi ta’ munita b’munita. Għall-finijiet ta’ dan l-Artikolu, holdings ta’ drittijiet ta’ żbank speċjali (SDRs), inklużi holdings individwali f’kambju barrani indikat bħala bażi għall-basket SDR, għandhom jiġu ttrattati bħala holding wieħed. Għal titoli, ir-rivalutazzjoni għandha ssir fuq il-bażi ta’ kodiċi b’kodiċi, jiġifieri l-istess Numru/tip Internazzjonali ta’ Identifikazzjoni ta’ Titoli, filwaqt li kull għażla inkorporata ma tiġix isseparata għal finijiet ta’ valutazzjoni. Titoli miżmumin għall-finijiet tal-politika monetarja jew inklużi fl-entrati “Attiv finanzjarju ieħor” jew “Varji” għandhom jiġu ttrattati bħala holdings separati.

4.   Reġistrazzjonijiet ta’ rivalutazzjoni għandhom jitreġġgħu lura fi tmiem it-trimestru li jmiss, ħlief għal telf mhux realizzat meħud fil-kont tal-qligħ u t-telf fi tmiem is-sena; kull tranżazzjoni matul it-trimestru għandha tiġi rrapportata skont il-prezzijiet u r-rati tat-tranżazzjoni.

5.   Titoli negozjabbli miżmumin għal finijiet ta’ politika monetarja għandhom jiġu ttrattati bħala investimenti separati u għandhom jiġu vvalutati jew bil-prezz tas-suq jew bi prezz amortizzat (bla ħsara għal indeboliment), jiddependi fuq kunsiderazzjonijiet ta’ politika monetarja.

6.   Titoli kklassifikati bħala miżmumin sal-maturità għandhom jiġu ttrattati bħala holdings separati u għandhom jiġu vvalutati bħala spejjeż amortizzati (soġġetti għal indeboliment). L-istess trattament għandu jingħata lil titoli li mhumiex negozjabbli. Titoli klassifikati bħala miżmumin sal-maturità jistgħu jinbiegħu qabel il-maturità tagħhom f’kull waħda miċ-ċirkostanzi li ġejjin:

1.   Tranżazzjoni bil-maqlub imwettqa skont ftehim repo għandha tkun irreġistrata bħala depożitu riċevut kollateralizzat fin-naħa tal-passiv tal-karta tal-bilanċ, filwaqt li l-element li jkun ġie pprovdut bħala kollateral għandu jibqa’ fuq in-naħa tal-attiv tal-karta tal-bilanċ. Titoli mibjugħa li għandhom jinxtraw mill-ġdid skont ftehim repo għandhom ikunu ttrattati mill-entità ta’ rapportar, li tintalab biex tixtrihom mill-ġdid, bħal li kieku l-attiv in kwistjoni kienu għadhom parti mill-portafoll li minnu huma jkunu nbiegħu.

2.   Tranżazzjoni bil-maqlub imwettqa skont ftehim repo bil-maqlub għandha tkun irreġistrata bħala self ’il barra kollateralizzat fin-naħa tal-attiv tal-karta tal-bilanċ għall-ammont tas-self. Titoli akkwistati skont ftehim repo bil-maqlub m’għandhomx ikunu rivalutati u l-ebda qligħ jew telf li jirriżulta m’għandu jitqiegħed fil-kont tal-qligħ u t-telf mill-entità ta’ rapportar li ssellef il-fondi.

3.   Fil-każ ta’ tranżazzjonijiet ta’ self ta’ titoli, it-titoli għandhom jibqgħu fil-karta tal-bilanċ ta’ min jittrasferixxi. Tranżazzjonijiet ta’ self ta’ titoli fejn jiġi pprovdut kollateral fil-forma ta’ kontanti għandhom jiġu kkunsidrati bl-istess mod bħal dak preskritt għall-operazzjonijiet ta’ xiri mill-ġdid. Tranżazzjonijiet ta’ self ta’ titoli fejn il-kollateral jiġi pprovdut fil-forma ta’ titoli għandhom jiġu rreġistrati biss fil-karta tal-bilanċ meta l-kontanti:

Min jittrasferixxi għandu juri passività għat-trasferiment mill-ġdid tat-titoli jekk sadanittant it-titoli jkunu nbiegħu.

4.   Tranżazzjonijiet fid-deheb iggarantiti għandhom ikunu ttrattati bħala ftehim ta’ xiri mill-ġdid. Il-flussi tad-deheb li għandhom x’jaqsmu ma’ dawn it-tranżazzjonijiet iggarantiti m’għandhomx ikunu rreġistrati fir-rapporti finanzjarji u d-differenza bejn il-prezzijiet immedjati u dawk bil-quddiem tat-tranżazzjoni għandha tkun ittrattata fuq il-bażi ta’ dovuti.

5.   Tranżazzjonijiet bil-maqlub li saru skont programm ta’ self ta’ titoli awtomatizzat (inklużi tranżazzjonijiet ta’ self ta’ titoli) għandhom jiġu rreġistrati fil-karta tal-bilanċ, bħala minimu, fl-aħħar tal-perijodu ta’ rapportar jekk il-kollateral huwa pprovdut fil-forma ta’ flus kontanti fuq kont tal-BĊN rilevanti jew il-BĊE u dawn il-flus kontanti għadhom mhumiex investiti.

1.   Dan l-Artikolu għandu japplika għal ishma azzjonarji negozjabbli, kemm jekk it-tranżazzjonijiet jitwettqu direttament minn entità ta’ rapportar jew mill-aġent tagħha, bl-eċċezzjoni ta’ attivitajiet imwettqa għal interessi parteċipanti, investimenti f’sussidjarji jew interessi sinifikanti.

2.   Ishma azzjonarji negozjabbli denominati f’muniti barranin u żvelati taħt “Attiv ieħor” m’għandhomx jifformaw parti mill-pożizzjoni sħiħa tal-munita imma għandhom ikunu parti minn holding ta’ munita separata. Il-kalkolu tal-qligħ u t-telf mill-kambju relatati jista’ jitwettaq jew bil-metodu tal-kost medju nett jew bil-metodu tal-kost medju.

3.   Ir-rivalutazzjoni ta’ portafollii ta’ ishma azzjonarji negozjabbli għandha titwettaq skont l-Artikolu 9(3). Ma għandu jkun hemm ebda nnettjar bejn strumenti ta’ ishma azzjonarji differenti.

4.   It-tranżazzjonijiet għandhom ikunu rreġistrati fil-karta tal-bilanċ skont il-prezz tat-tranżazzjoni.

5.   Il-kummissjoni tas-senserija tista’ tiġi rreġistrata kemm bħala kost tat-tranżazzjoni li għandu jiġi inkluż fil-prezz tal-attiv, jew bħala spiża fil-kont tal-qligħ u t-telf.

6.   L-ammont tad-dividend mixtri għandu jkun inkluż fil-kost tal-ishma azzjonarji negozjabbli. Fid-data ex-dividend, l-ammont tad-dividend mixtri jista’ jiġi ttrattat bħala entrata separata sakemm jiġi riċevut il-ħlas tad-dividend.

7.   Dovuti fuq dividends m’għandhomx jiġu rreġistrati fi tmiem il-perijodu billi huma diġà riflessi fil-prezz tas-suq tal-ishma azzjonarji bl-eċċezzjoni tal-ishma azzjonarji kkwotati ex-dividend.

8.   Il-ħruġ ta’ ishma għandu jiġi ttrattat bħala attiv separat meta jinħareġ. Il-kost tal-akkwist għandu jiġi kkalkulat skont il-kost medju eżistenti tal-ishma azzjonarji, skont il-prezz strike tal-akkwist il-ġdid, u skont il-proporzjon bejn ishma azzjonarji eżistenti u dawk ġodda. Alternattivament, il-prezz tad-dritt jista’ jkun ibbażat fuq il-valur fis-suq tad-dritt, il-kost medju eżistenti tal-ishma azzjonarji u l-prezz tas-suq tal-ishma azzjonarji qabel il-ħruġ tad-dritt.

1.   Dan l-Artikolu għandu japplika għal fondi ta’ investiment negozjabbli li jissodisfaw il-kriterji li ġejjin:

Soġġett għall-kriterji fil-punti (a) sa (d), dan l-Artikolu jista’ japplika wkoll għal fondi ta’ benefiċċju fit-tul tal-impjegati sakemm ma jkunx applikabbli qafas ta’ kontabilità differenti.

Soġġett għall-kriterji fil-punti (a) sa (c) u skont il-karatteristika kwalitattiva stabbilita fl-Artikolu 3(1), dan l-Artikolu jista’ japplika wkoll għal portfolji ta’ ishma azzjonarji li ma jkunux enitità ġuridika separata iżda li huma ġestiti esternament u li jirreplikaw b’mod strett il-prestazzjoni ta’ fond marbut ma’ indiċi. Għall-finijiet ta’ dan l-Artikolu, tali portfolji ta’ ishma azzjonarji huma meqjusin bħala fondi ta’ investiment negozjabbli.

2.   Ishma azzjonarji denominati f’muniti barranin u żvelati taħt “Attiv ieħor” m’għandhomx jifformaw parti mill-pożizzjoni sħiħa tal-munita imma għandhom ikunu parti minn holding ta’ munita separata. Il-kalkolu tal-qligħ u t-telf relatat mill-kambju jista’ jitwettaq jew bil-metodu tal-kost medju nett jew bil-metodu tal-kost medju.

3.   Ir-rivalutazzjoni tal-fondi ta’ investiment negozjabbli għandha ssir fuq bażi netta, u mhux fuq attiv sottostanti. Ma għandu jkun hemm ebda innettjar bejn fondi ta’ investiment negozjabbli differenti.

4.   It-tranżazzjonijiet għandhom ikunu rreġistrati fil-karta tal-bilanċ skont il-prezz tat-tranżazzjoni.

5.   Il-kummissjoni tas-senserija tista’ tiġi rreġistrata kemm bħala kost tat-tranżazzjoni li għandu jiġi inkluż fil-prezz tal-attiv, jew bħala spiża fil-kont tal-qligħ u t-telf.

6.   L-ammont tad-dividend mixtri għandu jkun inkluż fil-kost tal-fond ta’ investiment negozjabbli. Fid-data ex-dividend, l-ammont tad-dividend mixtri jista’ jiġi ttrattat bħala entrata separata sakemm jiġi riċevut il-ħlas tad-dividend.

7.   Dovuti fuq dividendi tal-fond ta’ investiment negozjabbli m’għandhomx jiġu rreġistrati fl-aħħar tal-perijodu billi huma diġà riflessi fil-prezz tas-suq tal-fond ta’ investiment negozjabbli bl-eċċezzjoni tal-ishma azzjonarji kkwotati ex-dividend.

1.   L-iħħeġġjar tar-riskju taċ-ċaqliq fir-rata tal-imgħax fuq titolu b’derivat tfisser l-indikazzjoni ta’ derivat sabiex il-bidla fil-valur ġust tiegħu tpaċi l-bidla mistennija fil-valur ġust tat-titolu iħħeġġjat li tirriżulta miċ-ċaqliq fir-rati tal-imgħax.

2.   Strumenti iħħeġġjati jew ta’ ħħeġġjar għandhom jiġu rikonoxxuti u ttrattati skont id-dispożizzjonijiet ġenerali, ir-regoli tal-valutazzjoni, ir-rikonoxximent tad-dħul u rekwiżiti speċifiċi għall-istrument stabbiliti f’din il-Linja Gwida.

3.   B’deroga mill-Artikoli 3(2), 9(4), 16(1) u (2), 17(1), il-punt (b), u (2), il-punt (d), u 18(2), it-trattament alternattiv li ġej jista’ jiġi applikat għall-valutazzjoni ta’ titolu ħħeġġjat u ta’ derivat ta’ ħħeġġjar:

4.   Meta l-kontabilità tal-ħeġġ titwaqqaf, it-titolu u d-derivat li jibqgħu fil-kotba tal-entità ta’ rapportar għandhom jiġu vvalutati bħala strumenti indipendenti sa mid-data tal-qtugħ tal-kontinwità skont ir-regoli ġenerali stabbiliti f’din il-Linja Gwida.

5.   It-trattament alternattiv speċifikat fil-paragrafu 3 jista’ jiġi applikat biss jekk ikunu sodisfatti l-kondizzjonijiet kollha li ġejjin:

6.   Dan li ġej għandu japplika għall-iħħeġġjar ta’ grupp ta’ titoli: titoli b’rati ta’ imgħax simili jistgħu jiġu aggregati u ħħeġġjati bħala grupp biss jekk ikunu sodisfatti l-kondizzjonijiet kollha li ġejjin:

1.   Strumenti magħqudin biex jifformaw strument sintetiku għandhom jiġu rikonoxxuti u ttrattati separatament minn strumenti oħra, skont id-dispożizzjonijiet ġenerali, ir-regoli tal-valutazzjoni, ir-rikonoxximent tad-dħul u rekwiżiti speċifiċi għall-istrument stabbiliti f’din il-Linja Gwida.

2.   B’deroga mill-Artikoli 3(2), 9(4), 16(1) u 18(2), it-trattament alternattiv li ġej jista’ jiġi applikat għall-valutazzjoni ta’ strumenti sintetiċi:

3.   Jekk wieħed mill-istrumenti magħqudin jiskadi, jinbiegħ, jintemm jew jitħaddem, l-entità ta’ rapportar m’għandhiex tkompli prospettivament it-trattament alternattiv speċifikat fil-paragrafu 2 u kull qligħ mill-valutazzjoni mhux amortizzat li jkun ġie kkreditat fil-kont tal-qligħ u t-telf fi snin preċedenti għandu jiġi mreġġa’ lura immedjatament.

4.   It-trattament alternattiv speċifikat fil-paragrafu 2 jista’ jiġi applikat biss jekk ikunu sodisfatti l-kondizzjonijiet kollha li ġejjin:

1.   Għall-implimentazzjoni tal-Artikolu 49 tal-Istatut tas-SEBĊ, m’għandux ikun hemm kontabilità ta’ karti tal-flus ta’ Stati Membri oħra li l-munita tagħhom hija l-euro miżmumin minn BĊN bħala karti tal-flus fiċ-ċirkulazzjoni, iżda bħala bilanċi intra-Eurosistema. Il-proċedura għat-trattament tal-karti tal-flus ta’ Stati Membri oħra parteċipanti għandha tkun din li ġejja:

2.   Il-figura ta’ “karti tal-flus fiċ-ċirkolazzjoni” fil-karti tal-bilanċ tal-BĊNi għandha tkun ir-riżultat ta’ tliet komponenti:

1.   Ir-regoli li ġejjin għandhom japplikaw għar-rikonoxximent tad-dħul:

2.   Primjums jew skontijiet li jirriżultaw minn titoli maħruġin u mixtrija għandhom ikunu kkalkulati u ppreżentati bħala parti mid-dħul tal-imgħax u għandhom ikunu amortizzati matul il-kumplament tal-ħajja kuntrattwali tat-titoli, jew skont il-metodu lineari jew skont il-metodu tar-rata interna tad-dħul (IRR). Il-metodu IRR għandu, madankollu, jkun mandatorju għal titoli bi skont li jkun għad fadlilhom aktar minn sena biex jimmaturaw fil-mument tal-akkwist.

3.   Dovuti fil-konfront ta’ attiv u passiv finanzjarju, eż. imgħax pagabbli u primjums/skontijiet amortizzati denominati f’munita barranija għandhom ikunu kkalkulati u rreġistrati fil-kontijiet fuq bażi kwotidjana, fuq il-bażi tal-aħħar rati disponibbli. Dovuti fil-konfront ta’ attiv u passiv finanzjarju denominati f’euro għandhom ikunu kkalkulati u rreġistrati fil-kontijiet mill-anqas kull trimestru. Dovuti fuq elementi oħra ghandhom ikunu kkalkulati u rreġistrati fil-kontijiet mill-anqas ta’ kull sena.

4.   Irrispettivament mill-frekwenza tal-kalkolu tad-dovuti imma soġġetti għall-eċċezzjonijiet imsemmija fl-Artikolu 5(4) l-entitajiet ta’ rapportar għandhom jirrapportaw id-data skont il-valur tat-tranżazzjoni matul it-trimestru.

5.   Dovuti denominati f’muniti barranin għandhom jinqalbu skont ir-rata tal-kambju tad-data tar-reġistrazzjoni u għandhom ikollhom impatt fuq il-pożizzjoni tal-munita.

6.   Ġeneralment, għall-kalkolu tad-dovuti matul is-sena tista’ tapplika l-prattika lokali, jiġifieri jistgħu jkunu kkalkulati jew sal-aħħar jum ta’ negozju jew sal-aħħar jum tal-kalendarju tat-trimestru. Madankollu, fi tmiem is-sena id-data ta’ referenza mandatorja għandha tkun il-31 ta’ Diċembru.

7.   Ħruġ tal-munita li jimplikaw bidla fil-holding ta’ munita partikolari jistgħu jwasslu għal qligħ jew telf realizzat fil-kambju.

1.   Ir-regoli ġenerali li ġejjin għandhom japplikaw għall-kost tat-tranżażżjonijiet:

2.   Ir-regoli speċjali li ġejjin għandhom japplikaw għat-titoli:

3.   Ir-regoli speċjali li ġejjin għandhom japplikaw għad-deheb u l-kambju:

1.   Tranżazzjonijiet forward tal-kambju, forward legs ta’ swaps tal-muniti u strumenti oħra tal-munita li jinvolvu skambju ta’ munita waħda ma’ oħra f’data futura għandhom ikunu inklużi fil-qagħdiet netti tal-munita barranija għall-kalkolu tal-kost medju tax-xiri u l-qligħ u t-telf tal-kambju.

2.   Għandu jingħata rendikont tal-iswaps tar-rata tal-imgħax, futuri, ftehimiet tar-rata forward, strumenti tar-rata tal-imgħax oħra u opzjonijiet, bl-eċċezzjoni tal-opzjonijiet inkorporati f’titoli, u huma għandhom ikunu rrivalutati abbażi ta’ entrata b’entrata. Dawn l-istrumenti għandhom ikunu ttrattati separatament minn elementi fil-karta tal-bilanċ.

3.   Profitt u telf li jirriżultaw minn strumenti li ma jidhrux fil-karta tal-bilanċ għandhom ikunu rikonoxxuti u ttrattati f’manjiera simili għal strumenti fil-karta tal-bilanċ.

1.   Xiri u bejgħ forward għandhom ikunu rikonoxxuti f’kontijiet li ma jidhrux fil-karta tal-bilanċ bejn id-data tan-negozju u d-data tal-pagament skont ir-rata immedjata tat-tranżazzjoni bil-quddiem. Qligħ u telf realizzat fi tranżazzjonijiet ta’ bejgħ għandhom ikunu kkalkulati billi jintuża l-kost medju tal-pożizzjoni tal-munita fid-data tan-negozju skont il-proċedura ta’ nnettjar ta’ kuljum għal xiri u bejgħ.

2.   Id-differenza bejn ir-rati immedjati u dawk bil-quddiem għandha tkun ittrattata bħala imgħax pagabbli jew riċevibbli fuq il-bażi ta’ dovuti.

3.   Fid-data tal-pagament il-kontijiet li ma jidhrux fil-karta tal-bilanċ għandhom jitreġġgħu lura.

4.   Il-pożizzjoni tal-munita għandha tkun affettwata minn tranżazzjonijiet bil-quddiem mid-data ta’ negozju skont ir-rata immedjata.

5.   Il-pożizzjonijiet bil-quddiem għandhom ikunu vvalutati flimkien mal-pożizzjoni immedjata tal-istess munita, bit-tpaċija ta’ kwalunkwe differenzi li jistgħu jirriżultaw f’pożizzjoni ta’ munita waħdanija. Bilanċ ta’ telf nett għandu jkun iddebitat fil-kont tal-qligħ u t-telf meta jeċċedi qligħ preċedenti ta’ rivalutazzjonji rreġistrat fil-kont ta’ rivalutazzjoni. Bilanċ ta’ profitt nett għandu jkun ikkreditat fil-kont ta’ rivalutazzjoni.

1.   Xiri u bejgħ forward u immedjat għandhom ikunu rikonoxxuti fil-kontijiet fil-karta tal-bilanċ fid-data tal-pagament rispettiv.

2.   Xiri u bejgħ forward u immedjat għandhom ikunu rikonoxxuti fil-kontijiet li ma jidhrux fil-karta tal-bilanċ mid-data tan-negozju sad-data tal-pagament skont ir-rata immedjata tat-tranżazzjonijiet.

3.   Tranżazzjonijiet ta’ xiri għandhom ikunu rikonoxxuti skont ir-rata immedjata tat-tranżazzjoni. Għaldaqstant m’għandu jirriżulta ebda qligħ u telf.

4.   Id-differenza bejn ir-rati immedjati u dawk bil-quddiem għandhom ikunu ttrattati bħala imgħax pagabbli jew riċevibbli fuq il-bażi ta’ dovuti kemm tax-xiri kif ukoll tal-bejgħ.

5.   Fid-data tal-pagament il-kontijiet li ma jidhrux fil-karta tal-bilanċ għandhom jitreġġgħu lura.

6.   Il-pożizzjoni tal-munita barranija għandha tinbidel biss bħala riżultat ta’ dovuti denominati f’munita barranija.

7.   Il-pożizzjoni bil-quddiem għandha tkun ivvalutata flimkien mal-pożizzjoni immedjata relatata.

1.   Kuntratti ta’ futuri għandhom ikunu rreġistrati fil-jum ta’ negozju f’kontijiet li ma jidhrux fil-karta tal-bilanċ.

2.   Il-marġni inizjali għandu jkun irreġistrat bħala attiv separat jekk iddepożitat fi flus kontanti. Jekk iddepożitat fil-forma ta’ titoli dan għandu jibqa’ mhux mibdul fil-karta tal-bilanċ;

3.   Bidliet ta’ kuljum fil-marġni ta’ varjazzjoni għandhom jittieħdu fil-kont tal-qligħ u t-telf u għandhom jaffettwaw il-pożizzjoni tal-munita. L-istess proċedura għandha tiġi applikata fil-jum tal-egħluq tal-pożizzjoni miftuħa, irrispettivament minn jekk isseħħx il-kunsinna. Jekk il-kunsinna sseħħ, l-entrata tax-xiri jew tal-bejgħ għandha ssir skont il-prezz tas-suq.

4.   It-tariffi għandhom jittieħdu fil-kont tal-qligħ u t-telf.”

1.   Swaps tar-rata ta’ imgħax għandhom jiġu rreġistrati fil-jum tan-negozju f’kontijiet li ma jidhrux fil-karta tal-bilanċ.

2.   Il-ħlasijiet kurrenti tal-imgħax, kemm jekk riċevuti jew imħallsa, għandhom jiġu rreġistrati fuq il-bażi ta’ dovuti. Ħlasijiet jistgħu jsiru fuq bażi netta għal kull swap tar-rata ta’ imgħax, iżda dħul minn imgħax dovuti u spejjeż għandhom jiġu rrapportati fuq bażi grossa.

3.   It-tariffi għandhom jittieħdu fil-kont tal-qligħ u t-telf.”

4.   Swaps tar-rati ta’ imgħax li mhumiex ikklerjati permezz ta’ kontroparti ċentrali għandhom ikunu rrivalutat individwalment u, jekk meħtieġ, maqluba f’euro skont ir-rata immedjata tal-munita. Huwa rrakkomandat li telf mhux realizzat meħud fil-kont tal-qligħ u t-telf fi tmiem is-sena għandu jkun amortizzat fi snin sussegwenti, u li f’każ ta’ swaps tar-rata ta’ imgħax forward l-amortizzament għandu jibda mid-data tal-valur tat-tranżazzjoni u li l-amortizzament ikun lineari. Qligħ mhux realizzat ta’ rivalutazzjoni għandu jkun ikkreditat f’kont ta’ rivalutazzjoni.

5.   Għall-iswaps tar-rati ta’ imgħax li jiġu kklerjati permezz ta’ kontroparti tal-ikklerjar ċentrali:

1.   Ftehimiet forward tar-rata għandhom ikunu rreġistrati fil-jum tan-negozju f’kontijiet li mhumiex fil-karta tal-bilanċ.

2.   Il-ħlas tal-kumpens li għandu jitħallas minn parti waħda lill-oħra fid-data tal-pagament għandu jiddaħħal fid-data tal-pagament fil-kont tal-qligħ u t-telf. Il-ħlasijiet m’għandhomx ikunu rreġistrati fuq il-bażi ta’ dovuti.

3.   Jekk isiru ftehim bil-quddiem tar-rata f’munita barranija, il-ħlasijiet ta’ kumpens għandhom jaffettwaw il-pożizzjoni tal-munita. Ħlasijiet ta’ kumpens għandhom ikunu maqlubin f’euro skont ir-rata immedjata fid-data tal-pagament.

4.   Il-ftehim kollha tar-rata bil-quddiem għandhom ikunu vvalutati individwalment mill-ġdid u, jekk meħtieġ, maqlubin f’euro skont ir-rata immedjata tal-munita. Telf mhux realizzat meħud fil-kont tal-qligħ u t-telf fi tmiem is-sena m’għandux ikun imreġġa’ lura fi snin sussegwenti kontra qligħ mhux realizzat sakemm l-istrument jingħalaq jew jiġi mitmum. Qligħ mhux realizzat ta’ rivalutazzjoni għandu jkun ikkreditat f’kont ta’ rivalutazzjoni.

5.   It-tariffi għandhom jittieħdu fil-kont tal-qligħ u t-telf.”

1.   L-opzjonijiet għandhom ikunu rikonoxxuti fil-kontijiet li ma jidhrux fil-karta tal-bilanċ mid-data tan-negozju sad-data tal-eżerċizzju jew tal-iskadenza skont il-prezz strike tal-istrument sottostanti.

2.   Primjums denominati f’munita barranija għandhom ikunu maqlubin f’euro skont ir-rata tal-kambju tad-data tal-kuntratt jew tal-pagament. Il-primjum imħallas għandu jkun rikonoxxut bħala attiv separat, filwaqt li l-primjum riċevut għandu jkun rikonoxxut bħala passiv separat.

3.   Jekk l-opzjoni hija eżerċitata, l-istrument sottostanti għandu jkun irreġistrat fil-karta tal-bilanċ skont il-prezz strike miżjud jew imnaqqas bil-valur oriġinali tal-primjums. L-ammont oriġinali tal-primjum tal-opzjoni għandu jkun aġġustat fuq il-bażi ta’ telf mhux realizzat meħud fil-kont tal-qligħ u t-telf fi tmiem is-sena.

4.   Jekk l-opzjoni ma tiġix eżerċitata, l-ammont tal-primjum tal-opzjoni, aġġustat fuq il-bażi tat-telf mhux realizzat fi tmiem is-sena preċedenti, għandu jitqiegħed fil-kont tal-qligħ u t-telf maqlub skont ir-rata tal-kambju disponibbli fid-data tal-iskadenza.

5.   Il-pożizzjoni tal-munita għandha tkun affettwata permezz tal-marġni ta’ varjazzjoni ta’ kuljum għal opzjonijiet tat-tip futuri, bi kwalunkwe tnaqqis fil-valur fi tmiem is-sena tal-primjum tal-opzjoni, bin-negozju sottostanti fid-data tal-eżerċizzju jew, fid-data tal-iskadenza, bil-primjum tal-opzjoni. Bidliet ta’ kuljum fil-marġni ta’ varjazzjoni għandhom jitqegħdu fil-kont tal-qligħ u t-telf.

6.   Bl-eċċezzjoni tal-opzjonijiet inkorporati f’titoli, kull kuntratt ta’ opzjoni għandu jkun irrivalutat individwalment. Telf mhux realizzat meħud fil-kont tal-qligħ u t-telf m’għandux jitreġġa’ lura fi snin sussegwenti kontra qligħ mhux realizzat. Qligħ mhux realizzat ta’ rivalutazzjoni għandu jkun ikkreditat f’kont ta’ rivalutazzjoni. M’għandu jkun hemm l-ebda nnettjar ta’ telf mhux realizzat f’kwalunkwe opzjoni kontra qligħ mhux realizzat fi kwalunkwe opzjoni oħra.

7.   Għall-applikazzjoni tal-paragrafu 6, il-valuri tas-suq huma l-prezzijiet kkwotati meta dawn il-prezzijiet huma disponibbli minn borża, negozjant ta’ titoli, sensar jew entitajiet simili. Meta l-prezzijiet kkwotati mhumiex disponibbli, il-valur tas-suq huwa ddeterminat permezz ta’ teknika ta’ valutazzjoni. Din it-teknika ta’ valutazzjoni għandha tintuża b’mod konsistenti matul iż-żmien u għandu jkun possibbli li jintwera li hija tipprovdi stimi affidabbli ta’ prezzijiet li jkunu jinkisbu fi tranżazzjonijiet tas-suq attwali.

8.   It-tariffi għandhom jittieħdu fil-kont tal-qligħ u t-telf.”

1.   Il-BĊNi għandhom jirrapportaw data għall-finijiet ta’ rapportar finanzjarju tal-Eurosistema lill-BĊE skont din il-Linja Gwida.

2.   Il-formati ta’ rapportar tal-Eurosistema għandhom ikopru l-elementi kollha speċifikati fl-Anness IV. Il-kontenut tal-elementi li għandhom jiġu inklużi fil-formati differenti tal-karta tal-bilanċ huwa deskritt ukoll fl-Anness IV.

3.   Il-formati tar-rendikonti finanzjarji differenti ppubblikati għandhom ikunu konformi mal-Annessi kollha li ġejjin:

1.   Il-karti tal-bilanċ ikkonsolidati tal-Eurosistema għandhom ikopru l-elementi kollha fil-karti tal-bilanċ tal-BĊE u tal-BĊNi.

2.   Għandu jkun hemm konsistenza fir-rapporti fil-proċess ta’ konsolidazzjoni. Ir-rendikonti finanzjarji kollha tal-Eurosistema għandhom ikunu ppreparati fuq bażi simili bl-applikazzjoni tal-istess teknika u proċessi ta’ konsolidazzjoni.

3.   Il-BĊE għandu jipprepara l-karti tal-bilanċ ikkonsolidati tal-Eurosistema. Dawn il-karti tal-bilanċ għandhom jirrispettaw il-ħtieġa għal prinċipji tal-kontabilità u teknika uniformi, perijodi finanzjarji bl-istess termini fl-Eurosistema u l-aġġustamenti ta’ konsolidazzjoni li jirriżultaw minn tranżazzjonijiet u pożizzjonijiet intra-Eurosistema, u għandhom jikkunsidraw kull bidliet fil-kompożizzjoni tal-Eurosistema.

4.   Kull element individwali tal-karta tal-bilanċ, minbarra l-bilanċi tal-BĊE individwali intra-Eurosistema, għandu jkun aggregat għal finijiet ta’ konsolidazzjoni.

5.   Il-bilanċi tal-BĊNi u tal-BĊE ma’ partijiet terzi għandhom ikunu rreġistrati gross fil-proċess ta’ konsolidazzjoni.

6.   Il-bilanċi intra-Eurosistema għandhom ikunu ppreżentati fil-karti tal-bilanċ tal-BĊE tal-BĊNi skont l-Anness IV.

1.   Il-Kumitat tal-Kontabilità u tad-Dħul Monetarju tas-SEBĊ għandu jirrapporta lill-Kunsill Governattiv, permezz tal-Bord Eżekuttiv, dwar l-iżvilupp, l-applikazzjoni u l-implimentazzjoni tar-regoli tal-kontabilità u tar-rapportar finanzjarju tas-SEBĊ.

2.   Fl-interpretazzjoni ta’ din il-Linja Gwida, għandu jiġi kkunsidrat ukoll ix-xogħol preparatorju, il-prinċipji tal-kontabilità armonizzati bil-liġi tal-Unjoni u l-istandards tal-kontabilità aċċettati ġeneralment.

1.   Il-BĊNi għandhom iwettqu valutazzjoni tal-attiv u l-passiv finanzjarju skont ir-rekwiżiti tal-Artikolu 9, fid-data li fiha jsiru membri tal-Eurosistema. Qligħ mhux realizzat li sar qabel jew f’dik id-data għandu jkun separat minn dak il-qligħ ta’ valutazzjoni mhux realizzat li jista’ jsir wara, u għandu jibqa’ mal-BĊNi. Il-prezzijiet tas-suq u r-rati applikati mill-BĊNi fil-karti tal-bilanċ tal-ftuħ fil-bidu tal-parteċipazzjoni tal-Eurosistema għandhom ikunu kkunsidrati bħala l-kost medju tal-attiv u l-passiv ta’ dawn il-BĊNi.

2.   Huwa rrakkomandat li qligħ mhux realizzat li sar qabel jew fil-bidu tas-sħubija ta’ BĊN fl-Eurosistema m’għandux ikun ikkunsidrat bħala distribwibbli fil-ħin tat-tranżizzjoni u li għandu jkun ittrattat biss bħala realizzabbli jew distribwibbli fil-kuntest ta’ tranżazzjonijiet li jseħħu wara d-dħul fl-Eurosistema.

3.   Il-kambju barrani, il-qligħ u t-telf fid-deheb u l-prezzijiet, li jirriżultaw mit-trasferiment ta’ attiv mill-BĊNi lill-BĊE, għandhom ikunu kkunsidrati bħala realizzati.

4.   Dan l-Artikolu għandu jkun mingħajr preġudizzju għal kwalunkwe deċiżjoni li għandha tiġi adottata skont l-Artikolu 30 tal-Istatut tas-SEBĊ.

1.   Il-Linja Gwida (UE) 2016/2249 (BĊE/2016/34) hija mħassra mill-31 ta’ Diċembru 2024.

2.   Ir-referenzi għal-Linja Gwida mħassra għandhom jinftiehmu bħala referenzi għal din il-Linja Gwida u għandhom jinqraw skont it-tabella ta’ korrelazzjoni fl-Anness XI.

1.   Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.

2.   Il-banek ċentrali nazzjonali tal-Istati Membri li l-munita tagħhom hija l-euro għandhom jikkonformaw ma’ din il-Linja Gwida mill-31 ta’ Diċembru 2024.