EUR-Lex Rochtain ar dhlí an Aontais Eorpaigh
Is sliocht ón suíomh gréasáin EUR-Lex atá sa doiciméad seo
Sa rannán seo féadfaidh tú teacht ar na bearta a ghlac na Ballstáit chun gníomhartha de chuid an Aontais – treoracha den chuid is mó – a thrasuí sa dlí náisiúnta. Féadfaidh tú teidil a chuardach agus, má tá siad ar fáil, téacsanna na mbeart a chuardach, chomh maith le heolas maidir leis na dátaí a tugadh fógra, aitheantóirí náisiúnta na ngníomhartha agus naisc chuig an ngníomh de chuid an Aontais a trasuíodh.
Déantar nuashonrú ar an rannán seo gach seachtain.
Ar an taobh clé den leathanach seo, féadfaidh tú rochtain a fháil ar uirlisí cuardaigh.
Chun forbhreathnú a fháil ar na bearta náisiúnta trasuite a ghlac na Ballstáit i leith treoir shonrach, téigh go dtí leathanach na treorach agus cliceáil ar “bearta náisiúnta trasuite” sa roghchlár ar chlé.
Tá uirlis aistriúcháin uathoibríoch ar fáil lenar féidir teideal na mbeart náisiúnta, mar aon leis an téacs más ann dó, a aistriú go gach teanga oifigiúil den Aontas Eorpach.
Is é atá i dTreoracha gníomhartha dlíthiúla de chuid an Aontais lena leagtar síos cuspóirí ceangailteacha atá le baint amach ag na Ballstáit atá luaite leo (Airteagal 288 den Chonradh ar Fheidhmiú an Aontais Eorpaigh).
Féadfaidh na Ballstáit an chaoi agus na modhanna a roghnú chun treoracha a thrasuí sa dlí náisiúnta. Tá siad faoi cheangal áfach ag téarmaí na treorach maidir leis an toradh atá le baint amach agus an spriocdháta faoinar cheart don trasuí tarlú. Ní mór do na húdaráis náisiúnta fógra a thabhairt don Choimisiún Eorpach faoi na bearta a ghlac siad. Iomláine agus cruinneas thrasuí dhlíthe an Aontais sa dlí náisiúnta, déanann an Coimisiún Eorpach sin a dheimhniú.
Foilsítear eolas maidir le bearta náisiúnta trasuite ar EUR-Lex (teideal, an dáta foilsithe, treoir/treoracha trasuite, srl.). Féadfaidh na húdaráis náisiúnta a dtoilteanas a chur in iúl freisin i dtaca le téacs na mbeart náisiúnta a chur ar fáil ar EUR-Lex. An t-eolas go léir a chuireann na Ballstáit ar fáil sa rannán seo maidir le dlíthe de chuid an Aontais a thrasuí sa dlí náisiúnta, is iad na Ballstáit féin agus iadsan amháin atá freagrach as.