Kooperazzjoni xjentifika u teknoloġika bejn l-UE u l-Messiku

PUNTI EWLENIN

L-attivitajiet imwettqa skont il-ftehim huma bbażati fuq sett ta’ prinċipji:

• benefiċċju reċiproku;
• opportunitajiet reċiproċi;
• skambju ta’ informazzjoni f’waqtu;
• protezzjoni effettiva tal-proprjetà intellettwali u l-kondiviżjoni ġusta tad-drittijiet tal-proprjetà intellettwali.

Oqsma ta’ kooperazzjoni

L-attivitajiet kooperattivi iridu jkunu mmirati lejn il-promozzjoni tal-progress xjentifiku, il-kompetittività industrijali u l-iżvilupp ekonomiku u soċjali, b’mod partikolari fl-oqsma li ġejjin:

• ir-riċerka dwar l-ambjent u l-klima, inkluża l-osservazzjoni tad-dinja;
• ir-riċerka bijomedika u dwar is-saħħa;
• l-agrikoltura, il-foresterija u s-sajd;
• it-teknoloġiji industrijali u tal-manifattura;
• ir-riċerka dwar l-elettronika, il-materjali u l-metroloġija;
• l-enerġija mhux nukleari;
• it-trasport;
• it-teknoloġiji tas-soċjetà tal-informazzjoni;
• ir-riċerka dwar l-iżvilupp ekonomiku u soċjali;
• il-bioteknoloġiji;
• l-ajrunawtika u r-riċerka dwar l-ispazju u r-riċerka applikata; u
• il-politika dwar ix-xjenza u t-teknoloġija.

Attivitajiet

Attivitajiet koperattivi jistgħu jinkludu:

• l-istabbiliment ta’ networks u alleanzi istituzzjonali għal terminu twil bejn iċ-ċentri ta’ riċerka u l-istituti tar-riċerka u tat-teknoloġija, u l-implimentazzjoni konġunta ta’ proġetti ta’ interess komuni;
• l-implimentazzjoni ta’ proġetti ta’ riċerka, żvilupp teknoloġiku u dimostrazzjoni bejn iċ-ċentri ta’ riċerka u negozju fil-Messiku u fl-Ewropa, inklużi kumpaniji bbażati fuq it-teknoloġija;
• il-parteċipazzjoni ta’ istituti tar-riċerka Messikani fi proġetti ta’ riċerka, żvilupp teknoloġiku u dimostrazzjoni taħt il-programm qafas eżistenti għar-riċerka u l-innovazzjoni, u l-parteċipazzjoni reċiproka tal-istituti tar-riċerka stabbiliti fl-UE fi proġetti Messikani;
• żjarat u skambji ta’ xjenzjati, dawk li jfasslu l-politika ta’ riċerka, żvilupp teknoloġiku u dimostrazzjoni u esperti tekniċi, inkluż taħriġ xjentifiku permezz tar-riċerka;
• l-organizzazzjoni konġunta ta’ seminars, konferenzi, workshops u simpożji xjentifiċi, u l-parteċipazzjoni ta’ esperti f’tali attivitajiet;
• l-iskambju u l-kondiviżjoni ta’ tagħmir u materjali, inkluż l-użu kondiviż u/jew is-self ta’ infrastruttura u tagħmir tal-laboratorju;
• l-iskambju ta’ informazzjoni dwar proċeduri, liġijiet, regolamenti u programmi rilevanti għall-kooperazzjoni skont dan il-Ftehim, u l-iskambju ta’ esperjenza u studji dwar l-aħjar prattiki fil-politika dwar ix-xjenza u t-teknoloġija.