Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Glossary of summaries

Nondiskriminazzjoni (il-prinċipju ta’)

L-għan tal-liġi ta’ nondiskriminazzjoni huwa illi tippermetti lill-individwi kollha ċans ugwali u ġust għall-aċċess għall-opportunitajiet disponibbli f’soċjetà. Dan ifisser li individwi jew gruppi ta’ individwi li huma f’sitwazzjonijiet komparabbli ma għandhomx jiġu ttrattati b’mod inqas favorevoli sempliċiment minħabba karatteristika partikolari, bħall-ġeneru, l-oriġini razzjali jew etnika, ir-reliġjon jew it-twemmin, diżabilità, l-età jew l-orjentazzjoni sesswali tagħhom.

It-Trattat dwar il-Funzjonament tal-Unjoni Ewropea (TFUE) jipprojbixxi diskriminazzjoni fuq il-bażi ta’ nazzjonalità. Jippermetti wkoll lill-Kunsill tal-Unjoni Ewropea jieħu azzjoni xierqa sabiex jiġġieled id-diskriminazzjoni minħabba l-ġeneru, l-oriġini razzjali jew etnika, ir-reliġjon jew it-twemmin, diżabilità, età jew orjentazzjoni sesswali. F’din il-kwistjoni, il-Kunsill għandu jieħu azzjoni b’mod unanimu u wara jikseb il-kunsens tal-Parlament Ewropew. Madanakollu, fil-qasam speċifiku tat-trattament indaqs u opportunitajiet indaqs għan-nisa u l-irġiel, ġiet applikata l-proċedura leġiżlattiva ordinarja, li ma teħtieġx l-unanimità imma maġġoranza kwalifikata (l-Artikolu 157 TFUE).

Diskriminazzjoni fuq il-bażi ta’ nazzjonalità minn dejjem kienet ipprojbita mit-trattati tal-Unjoni Ewropea (UE), kif ukoll id-diskriminazzjoni fuq il-bażi ta’ sess fil-kuntest ta’ impjiegi. Ir-raġunijiet l-oħra ta’ diskriminazzjoni kienu msemmija għall-ewwel darba fl-1997, bil-firma tat-Trattat ta’ Amsterdam.

Fl-2000, ġew adottati żewġ direttivi:

  • id-direttiva dwar l-ugwaljanza fl-impjieg, (id-Direttiva 2000/78/KE), li tipprojbixxi d-diskriminazzjoni abbażi tal-orjentament sesswali, it-twemmin reliġjuż, l-età u d-diżabilità fil-qasam tal-impjiegi;
  • id-direttiva dwar l-ugwaljanza razzjali (id-Direttiva 2000/43/KE), li tipprojbixxi d-diskriminazzjoni abbażi tar-razza jew l-etniċità, għal darba oħra fil-kuntest tal-impjieg, imma wkoll fl-oqsma bħall-edukazzjoni, il-protezzjoni soċjali inkluż is-sigurtà soċjali u l-kura tas-saħħa, vantaġġi soċjali u aċċess għal u l-forniment ta’ prodotti u servizzi, inkluż l-abitazzjoni.
  • Dawn id-direttivi japplikaw għal ċittadin mhux tal-UE u għal persuni sposti iżda ma jkoprux differenzi fit-trattament ibbażat fuq l-istatus legali jew in-nazzjonalità tagħhom.
  • Il-leġiżlazzjoni tal-UE tipproteġi wkoll lin-nies kontra d-diskriminazzjoni abbażi tal-ġeneru tagħhom fl-oqsma ta’ hawn fuq, għajr l-edukazzjoni.

Fl-2009, it-Trattat ta’ Lisbona introduċa klawsola orizzontali bil-ħsieb li tkun integrata l-ġlieda kontra d-diskriminazzjoni fil-politiki u l-miżuri kollha tal-UE (l-Artikolu 10 TFUE).

Kull persuna għandha d-dritt għal rikors ġudizzjarju f’każi ta’ diskriminazzjoni diretta jew indiretta, b’mod speċifiku f’każi meta jkunu f’sitwazzjoni komparabbli imma qed jiġu ttrattati b’mod differenti mingħajr għan u ġustifikazzjoni leġittima. Vittmi ta’ diskriminazzjoni jistgħu wkoll ifittxu għajnuna minn korpi ta’ ugwaljanza nazzjonali, li huma istituzzjonijiet pubbliċi stabbiliti madwar l-UE biex jippromwovu l-ugwaljanza u jindirizzaw id-diskriminazzjoni.

ARA WKOLL

Top