Il-Politika ta’ tkabbir tal-UE

Il-politika ta’ tkabbir tal-UE tittratta l-pajjiżi li attwlament iridu jsiru membri tal-UE. L-għan tagħha huwa li testendi ż-żona ta’ paċi, stabilità u prosperità tal-UE, u tipprovdi benefiċċji politiċi, ekonomiċi u soċjali kemm għal dawn il-pajjiżi kif ukoll għall-UE. L-Artikolu 49 tat-Trattat tal-Unjoni Ewropea huwa l-bażi tal-proċess ta’ tkabbir.

Wara l-ewwel sitt pajjiżi fundaturi — il-Belġju, Franza, il-Ġermanja, l-Italja, il-Lussemburgu u l-Pajjiżi l-Baxxi — 22 pajjiż ieħor issieħbu fl-UE:

• 1973: Id-Danimarka, l-Irlanda u r-Renju Unit (¹);
• 1981: Il-Greċja;
• 1986: Spanja u l-Portugall;
• 1995: L-Awstrija, il-Finlandja u l-Isvezja;
• 2004: Ċipru, ir-Repubblika Ċeka (issa ċ-Ċekja), l-Estonja, l-Ungerija, il-Latvja, il-Litwanja, Malta, il-Polonja, is-Slovakkja u s-Slovenja;
• 2007: Il-Bulgarija u r-Rumanija;
• 2013: Il-Kroazja.

L-Albanija, il-Maċedonja ta’ Fuq, il-Montenegro, is-Serbja u t-Turkija għandhom l-istatus ta’ pajjiżi kandidati.

In-negozjati dwar l-adeżjoni mal-Iżlanda bdew f’Lulju tal-2010 u ġew sospiżi mill-gvern tal-Iżlanda f’Mejju tal-2013. F’Marzu 2015, l-Iżlanda talbet li ma tibqax ikkusidrata bħala pajjiż kandidat għas-sħubija fl-UE.

Il-Bożnija u Ħerzegovina u l-Kosovo* huma pajjiżi kandidati potenzjali.